Tag: շինարարություն

Քնարիկ․

Բարև ձեզ։ Հարցս վերաբերում է շինարարության արտադրության։ Հնարավո՞ր է նյութական արժեքների կոմպլեկտավորումից ստանալ ՀՄ, եթե այո, ինչպիսի՞ հաշվապահական ձևակերպում պետք է տալ։ Նախապես շնորհակալություն։

Դավիթ․

Բարև Ձեզ։ Ես Ա/Ձ եմ գրանցել և ուզում եմ շինարարության ոլորտում միջնորդական ծառայություն մատուցեմ։ Ավելի պարզ՝ ուզում եմ կազմակերպությունից վերցնեմ շինարարական աշխատանքներ և այդ աշխատանքներտ տալ ուրիշ Ա/Ձ-ի կատարման։ Խնդրեմ ասեք՝ ի՞նչ հարկատեսակով և տնտեսական գործունեության ո՞ր դասակարգիչով կարող եմ աշխատել, և կարո՞ղ եմ կոմիսիոն վճարի չափով հարկեր վճարել։

Հովհաննես․

Կարո՞ղ եք ասել` շինարարական ընկերություն բացելու համար, որը միայն ծառայություն պետք է մատուցի, ՍՊԸ, թե՞ ԱՁ է անհրաժեշտ բացել: Ո՞րն է ճիշտ բացել, պարտադի՞ր պետք է ԱԱՀ-ով աշխատի, և ինչպե՞ս կազմակերպել, քանի՞ աշխատող պետք է լինի պարտադիր: Խնդրում եմ արձագանքեք:

Քնարիկ․

Բարև ձեզ։ Եթե շինարարությամբ զբաղվող կազմակերպութունը ազատում է այն աշխատակցին, ում լիցենզիան օգտագործում է, ի՞նչ խնդիրներ կարող են լինել, էլ գործունեություն չի՞ կարող իրականացնել։ Եթե հնարավոր է՝ նաև տալ օրենքի հղումները։ Շնորհակալություն։

Վարդինե․

Բարև ձեզ, հարգելի խմբակիցներ, խնդրում եմ օգնել․ ԱՁ-ն, որը աշխատում է շրջանառության հարկով, ծառայության պայմանագիր է կնքել ՍՊԸ-ի հետ, որպեսզի կատարի ներքին հարդարման աշխատանքներ, ինչպես նաև աստիճաների և տախտակամածների կառուցում, ակտը կամելու ենք ըստ կատարված աշխատանքների ծավալի։

Հարց 1-ին․ նշված աշխատանքների համար ընդունել ենք աշխատակիցներ, սակայն լիցենզիա պարտադի՞ր է, թե՞ ոչ, խնդրում եմ պատասխանել

Հարց 2-րդ․ ծառայությունների մատուցման հաշիվ ենք գրելու ըստ կատարված աշխատանքների, այլ հաշվետվություններ կա՞ն հետևյալ գորունեւթյան հետ կապված

Անի․

Բարև ձեզ։ Շինարարական կազմակերպությունը շրջհարկից անցել է ԱԱՀ դաշտ անցյալ տարի երկու հաշվով։ Կարո՞ղ եմ այդ երկու հաշվի նյութածախսը ծախսագրեմ շահութահարկով, եթե շատերը ձեռք են բերվել շրջհարկի շրջանում։

Քրիստինե․

Բարև բոլորին։ Ֆիզիկական անձին պատկանող հողատարածքում կառուցվելու է արտադրական նպատակի համար նախատեսված կառույց։ Այդ շենքը կառուցվելու է ֆիզ. անձին պատկանող ՍՊԸ-ի միջոցով, որը պայմանագիր է կնքել շինարարական կազմակերպության հետ, որը կատարելու է ամբողջ աշխատանքը առանց տվյալ ՍՊԸ-ի միջամտության։ Հարց․ կարելի՞ է նման ձևով, եթե ոչ՝ ի՞նչ քայլեր են պետք այդ հարցերը լուծելու համար։

Հերմինե․

Բարև Ձեզ։ Ո՞վ կարող է Էկոնոմիկայի նախարարության իրազեկման հղումը տալ, ըստ որի շինարարական աշխատանքները համարվում են ինժեներական աշխատանքներ և չեն կարող հարկվել միկրոյի դաշտում։

Ավետիս․

Բարև Ձեզ։
Ցանկանում եմ շինարարական հատուկ տեխնիկա (ավտոկռունկ) ներմուծեմ ՀՀ ՌԴ-ից, ՌԴ-ում տեխնիկան իմ անունով է։ Ունեմ ՍՊԸ (ԱԱՀ-ով), որով էլ ուզում եմ ներմուծեմ։

Հիմա հարցը՝ ի՞նչ հարկային պարտավորություններ են գոյանալու, ու ո՞նց պետք ա կազմակերպվի գործընթացը։

Նախապես շնորհակալություն։
Կամ կոնտակտ խորհրդատվական ծառայության համար։

Զոհրաբ․

Բարև ձեզ, շինարարական կազմակերպություն բացելու համար պետ. ռեգիստրում գրանցվելուց հետո ի՞նչ գործողություն պետք է արվի։

Նառա․

Կազմակերպությունը աշխատում է շրջանառության հարկով և կատարում է շինաշխատանքներ։ Մատուցել է ծառայություն ֆիզ անձի համար, ֆիզ անձը կատարել է փոխանցում կազմակերպության հաշվին։ Ինչպե՞ս պետք է դուրս գրվի հաշիվ վավերագիրը ծառայության մատուցման գծով, որպեսզի հնարավոր լինի նաև ներկայացնել համապատասխան շրջհարկի հաշվետվությունը։

Արթուր․

Հարգելի գործընկերներ, խնդրում եմ պատասխանել՝ ի՞նչ է անհրաժեշտ շինարարության լիցենզիա ստանալու համար։ Գիտեմ, որ պետք է վճարել տարեկան 80 000 պետ․ տուրք։ Իսկ ո՞ր հաշվեհամարին։ Իսկ անհրաժե՞շտ է արդյոք ունենալ գրանցված մասնագետներ, որոնք ունեն համապատասխան կրթություն։ Եվ ընդհանրապես՝ ինչպե՞ս է ընթացակարգը։ Կանխավ շնորհակալություն։

Ջուլիա․

Բարև ձեզ, հարցս հետևյալն է․ արդյո՞ք կարող եմ բանվորի հետ կնքել աշխատանքային պայմանագիր, սակայն աշխատավարձը նշել գործավարձային, բայց քանի որ շինարարության ոլորտ է, ամեն ամիս աշխատավարձ չտալ։

Կարեն․

Բարև Ձեզ։ Ընկերությունը իր տարածքում կատարում է շինարարական աշխատանքներ, որի համար օգտագործվող շինանյութի համար հարկային հաշիվներ է ստանում։ Կասե՞ք՝ այդ հարկային հաշիվներում ստացված ԱԱՀ-ն կարո՞ղ եմ հաշվանցել, և ծախս ճանաչելու համար ինչպե՞ս պետք է փաստաթղթավորեմ։

Անուշ․

Բարև Ձեզ, բանիմաց հաշվապահներ ջան։ ԱՁ-ն, որը մատուցում է շինարարական ծառայություն, կարո՞ղ է․

1․Մինչև հուլիսի 1-ը աշխատել միկրոյով, որպեսզի աշխատողի համար ավելորդ եկամտային հարկ չտա

2․ Հոիլիսի 1-ից, որ անցնի շրջ․ հարկի, հայտարարությունը ե՞րբ պետք է տա

3․ Շրջ․ հարկի դեպքում ի՞նչ հաշվետվություններ է հանձնելու և ի՞նչ հարկեր է վճարելու և հարկերի վճարման հավեշվետու ժամանակաշրջանը ե՞րբ է։

Շնորհակալություն։

Լուսինե․

Բարև Ձեզ: Շինարարական կազմակերպությանը, որը զբաղվելու է ասֆալտապատման աշխատանքներով, լիցենզիա անհրաժե՞շտ է ,թե՞ ոչ։ Կանխավ շնորհակալ եմ:

Սևակ․

Բարև։ Ուզում եմ իմանալ՝ ի՞նչ հարկեր է վճարում ԱՁ-ն շինարարական ծառայություններ մատուցելով։

Նարին․

ՍՊԸ-ն աշխատում է շրջհարկով և զբաղվում է շինարարությամբ։ Կազմակերպությունը ուզում է ձեռք բերել Ֆորդ մակնիշի բեռնատար մեքենա՝ բեռնափոխադրումները իրականացնելու համար։ Ի՞նչ քայլեր պետք է արվեն։

Ինչպե՞ս է վաճառվելու հետագայում, ի՞նչ ծախսագրումներ է հնարավոր անել, ի՞նչ ծախսեր և հարկեր են գոյանում կազմակերպության համար։

Քրիստինե․

Բարև Ձեզ, հարգելի հաշվապահներ, ո՞վ կարող է ասել, եթե օրինակ կառուցապատող ընկերությունը (պատվիրատուն) 1.000.000 վճարում է շինարարներին շենքի կառուցման համար, այնուհետև շենքը 1.500.000-ով վաճառում է, հարկվում է 1.500.000-ից, թե՞ 500.000-ից։ Որքա՞ն է կազմում հարկման տոկոսադրույքը։ Եվ եթե 500.000-ից է հարկվում, ապա հաջորդ տարի հարկեր պետք է՞ տա այդ գումարից և, եթե այո, ապա քանի՞ տոկոս։

Արև․

Բարև Ձեզ, հարգելի կոլեգաներ, խնդրում եմ օգնել կատարելու հաշվապահական ձևակերպումներ.

ՍՊԸ հիմնադիրը ընկերության կանոնադրական կապիտալ է ներդրել հող և շինություն՝ բազմահարկ շենքի կառուցման նպատակով: Շենքը քանդվել է, իսկ հողամասի վրա կառուցվել է շենք և վաճառվել: Ինչպիսի՞ հաշվապահական ձևակերպումներ պիտի տալ կանոնադրական կապիտալի նվազեցման մասով:

Մարիաննա․

Բարև Ձեզ, հարգելի հաշվապահներ։

Շինարարական կազմակերպությունը զբաղվում է և՛ արտադրանք տալով, և՛ վաճառքով։

1.Չունի ՀԴՄ, եկամուտը ստանում է բանկային հաշվի վրա, արդյո՞ք պետք է այդ եկամուտները գրել դրամարկղի գրքում։

2.Ի՞նչ հաշվետվություն պետք է հանձնի տարվա կտրվածքով, եթե աշխատում է ԱԱՀ-ով։ Ունի նաև գրանցված աշխատողներ, դա գիտեմ Ձև 189 է։

3.ՀԴՄ ունենալը պարտադի՞ր է, թե՞ ոչ։

Սերգեյ․ Կազմակերպությունն իր սեփական միջոցներով կառուցել է շենք և հանձնել շահագործման 5 մլն դրամ արժեքով, հետագայում ստացել է պետության կողմից փոխհատուցում ծախսված գումարի կեսի չափով՝ 2,5 մլն դրամ: Տալ հաշվապահական ձեվակերպումները։

Լիլիթ. Բարև ձեզ։ Ո՞վ է տեղյակ, շինարարական լիցենզիա ունեցողին կարո՞ղ է ծառայություն մատուցել չունեցողը, այսինքն՝ գործն անում է լիցենզիա ունեցողը, բայց աշխատանքներում ներառել է այլ Ա/Ձ-ի ու աշխատողների։

Սուրեն. Բարև Ձեզ։ Ունեմ նման իրավիճակ․ կազմակերպության տնօրենը հանդիսանում է հողի սեփականատեր, բայց նախատեսում է այդ հողի վրա կառուցել պահեստ, որը արդեն պետք է ձևակերպվի ֆիրմայի անունով։ Հարց 1՝ արդյո՞ք ֆիրման կարող է հողի վարձակալության պայմանագիր կնքնել տնօրենի հետ ու վարձակալել այն։ Հարց 2՝ եթե շինարարության մասով ապրանքի ու ծառայության հաշիվներ ստանանք, դա մաքուր ծա՞խս է ֆիրմայի համար, թե՞ ոչ։ Հարց 3՝ հողը ես բալանսում որպես ՀՄ եմ նստացնում ու կառուցապատումը ավարտելուց հետո վերագնահատում եմ ու նստացնում որպես շենք, թե՞ ուրիշ ընթացակարգ կա։ Հարց 4՝ արժե՞ միանգամից հողը վերագրանցել ֆիրմայի անունով ու սկսել կառուցապատումը, թե՞ վարձակալեմ տիրոջից։ Շնորհակալ եմ։

Sa2i. Բարև ձեզ, հարգելի մասնագետներ։ Չե՞ք հուշի՝ շինարարության և վերանորոգման գործունեությամբ զբաղող Ա/Ձ-ն կարո՞ղ է աշխատել միկրոձերնարկատիրության դաշտում։ Կանխավ շնորհակալություն:

Արտյոմ․ Կարո՞ղ եմ շինարարական բրիգադի հետ կնքել աշխատանքների կատարման կոլեկտիվ պայմանագիր, եթե այո, ապա խնդրում եմ օգնել կոլեկտիվ պայմանագրի օրինակելի ձևի հարցում: Շնորհակալ եմ։

Արսեն. Ողջույն։ Շինկազմակերպությունը քաղաքացու համար պայմանագրով կատարել է շինարարական աշխատանքներ (պայմանագրում նշված է գինը)։ Կազմվել են համապատասխան ակտեր։ Հարկային հաշիվ պե՞տք է դուրս գրվի և ինչպե՞ս (թղթային, էլեկտրոնային)։ Կանխավ շնորհակալություն։

Սոնա Հայրապետյան․ Կազմակերպությունը համարվում է կառուցապատող: Ի՞նչ տնտեսական գործունեության դասակարգիչ գրեմ։

Սոնա․ Հարգելի հաշվապահներ։ Կազմակերպությունը աշխատում է ընդհանուր հարկման դաշտում և կառուցապատող է: Շինանարական կազմակերպության հետ ունի պայմանագիր, որպեսզի կատարի բոլոր շինարարական գործունեությունը։ Երբ կառուցապատողը վաճառի այդ շինությունը արդյո՞ք առաջանում է եկամտային հարկ 20%՝ համաձայն 150 հոդվածի 11 կետի։

Արուս․ Բարև Ձեզ, հարգելի հաշվապահներ։ Շինարարության ոլորտում աշխատող ՍՊԸ-ն, որը գործում է միկրոձեռնարկատիրության ոլորտում, ստացել է կանխավճար ծառայության դիմաց, որի նպատակ դաշտում գրվել է <<Ապրանքի դիմաց>>։ Արդյո՞ք դա կարող է խնդիրներ առաջացնել ՍՊԸ-ի համար։

Աստղիկ․ Եթե շինարարական կազմակերպությունը շահել է տենդեր՝ 15 միլիոնի չափով, կարո՞ղ է արդյոք պայմանագիր կնքել մեկ այլ կազմակերպության հետ 14 միլիոնով նույն աշխատանքի համար, և ի՞նչ հարկ կառաջանա կազմակերպության համար, եթե աշխատում է շրջանառության հարկով։

Միքայել. Բարև ձեզ։ 1) Ես Ա/Ձ ունեմ ընդհանուր հարկման դաշտում եմ, բայց շրջանառություն դեռ չունեմ։ Այսինքն՝ նոր շենք եմ կառուցում, որ բիզնես սկսեմ։ Հիմա անհատից շինանյութ գնելու դեպքում, եթե գնման ակտ եմ կազմում, նշելով անհատի տվյալները, արդյո՞ք նրա մոտ հարկային պարտավորություն առաջանում է, թե՞ ոչ: Նշեմ, որ անհատը հարկային մարմնում գրանցված չէ, իր սեփական ապրանքն է վաճառում։ 2) Եթե շինարարության ժամանակ վարպետ է աշխատել, ում վճարեմ եմ գումար, ո՞նց էդ վճարը փաստաթղթավորեմ, որ վարպետի մոտ հարկային պարտավորություն չառաջանա։ Վարպետը անհատ է, գրանցված չէ հարկայինում ոչ մի ձևով։ Նշեմ, որ փաստաթղթավորումը պետք է նախարարությանը ներկայացնելու համար, որպեսզի կատարված ծախսերի հիմնավորում արվի։

Հասմիկ. Հարգելի կոլեգաներ, նորաբաց ՍՊԸ է, որը զբաղվելու է շինարարությամբ, առավել կոնկրետ՝ բնակելի, հասարակական և արտադրական շենքերի շինարարությամբ: Կարո՞ղ եք հուշել՝ կարո՞ղ է աշխատել միկրոձեռնարկատիրության դաշտում, բացառությունների մեջ չեմ գտնում: Եթե կան ոլորտի հաշվապահներ, կհուշե՞ք՝ կարո՞ղ է աշխատել շրջանառության հարկի դաշտում, թե՞ ամեն դեպքում ճիշտ է ի սկզբանե աշխատել ԱԱՀ-ի դաշտում: Ակնկալում եմ ոլորտին լավատեղյակ մասնագետի պատասխան: Տնտեսական գործունեության դասիչների մեջ լիցենզիա չի պահանջվում, F.41.20.1։ Կանխավ շնորհակալություն:

Արուսիկ. Բարև Ձեզ: Ուզում եմ բացել ՍՊԸ, որը կզբաղվի շինարարությամբ (ներքին վերանորոգման և հարդարման աշխատանքներ)։ Հնարավո՞ր է աշխատել միկրոձեռնարկատիրության ոլորտում և եթե այո, ապա կարո՞ղ եմ համագործակցել այլ իրավաբանական անձնանց հետ հաշիվ դուրս գրելով։

Ռուբ. Կազմակերպությունը զբաղվում է շինարարությամբ։ Որոշակի ապրանքների գործունեության կազմակերպման համար իրեր են գնվել ֆիզիկական անձից։ Կարո՞ղ եմ կազմել երկկողմանի գնման ակտ։ Եթե այո, ապա ֆիզ. անձին տրված այդ եկամուտի համար միայն պետք է տարվա վերջում ուղարկե՞մ։ Շնորհակալություն:

Անի. Բարև Ձեզ, հարգելի հաշվապահներ։ Արդյո՞ք շինարարության լիցենզիայի համար նախատեսված պետական տուրքը վճարման հատուկ ժամկետ ունի:

Դիանա. Բարև Ձեզ: Կասեք՝ Ա/Ձ-ն, որը զբաղվում է շինարարությամբ՝ ընթացիկ նորոգում, կարո՞ղ է միկրոձեռնարկատիրության սուբյեկտ համարվել։

Հասմիկ Մարտիրոսյան. Հարգելի տիկին/պարոն: Հարցս վերաբերում է շինանյութերի վերագնահատմանը: Ամրանները ձեռք է բերվել 2014 թվականին: Պահվել է ոչ պատշաճ պայմաններում: Հիմա այդ ամրանները պիտանի չեն շինարարության համար: Կարո՞ղ ենք վերագնահատել, արժեքը փոխել և վաճառել այլ նպատակով: Կանխավ շնորհակալություն:

Nona. Խնդրում եմ ասեք. Երևանում կատարվող շինարարության 1 մետր քառակուսու համար մոտ ի՞նչ գին պետք է սահմանել և կնքել պայմանագիր պատվիրատուի հետ, որպեսզի հարկային տեսչությունում կասկածներ չառաջանան գնի հետ կապված, և արդյո՞ք կարող ենք պայնագրում նշել, որ շին. նյութերը տրամադրելու է մատակարարը և պայմանագրի գինն այդպիսով ցածր գրենք:

Nona. Հարգելի հաշվապահներ, խնդրում եմ ասեք. շինարարական ընկերությունը, որն ունի լիզենզիա քաղաքաշինության բնագավառում շինարարության իրականացման, կարո՞ղ է չէ առանց որևէ խնդիր հանդես գալ բնակարանների կառուցապատող, երիտասարդ ընտանքիներին տրվող հիփոթեքային վարկի միջոցներն ուղղել կառուցապատմանը, գնել տարածք ընկերության անունով, կառուցել բնակարանը կամ սեփական տունը և վերջում կադաստրի միջոցով հանձնել երիտասարդ ընտանիքին: Խնդրում եմ մանրամասն բացատրել՝ ո՞նց է կատարվում պրոցեսը, վարկը ընտանիքին է տրվում, թե՞ կազմակերպությունն է վերցնում: Եվ եկամտային հարկի հետ կապված, եթե տվյալ երիտասարդ ընտանիքը գրանցված աշխատող է՝ կարծեմ կառուցապատողից եկամտային հարկի գումար է հե՞տ ստանում:

Հռիփսիմե. Բարև Ձեզ: Խնդրում եմ պատասխանել հետևյալ հարցերիս. 1) Շինարարական լիցենզիա ստանալու դեպքում կարո՞ղ ենք արդյոք դիմում գրել էլեկտրոնային, եթե այո` խնդրում եմ գրեք ինչպե՞ս, և բացի 80 000 ՀՀ դրամ պետ. տուրքից ի՞նչ այլ վճարներ են վճարվում: Ինչպես նաև ինձ պետք է այն տեղեկանքի ձևը, որը լրացվում է այն կազմակերպությունների կողմից, որի մոտ մեր շինարար-մասնագետը նախկինում ունի կատարած շինարարական աշխատանքներ, ում անունով էլ ՍՊԸ-ն ուզում է ստանալ լիցենզիա: 2) ՍՊԸ-ի բաժնետերերի փոփոխության դեպքում կարո՞ղ ենք արդյոք դիմել պետ. ռեգիստր էլեկտրոնային եղանակով, եթե այո՝ ինչպե՞ս և ի՞նչ վճարներ ենք վճարելու:

Արմեն․ Բարև ձեզ։ Ուզում եմ բացել ԱՁ բնակարանների վերանորոգման ոլորտում, պարտադի՞ր է լիցենզիա ստանալ գործունեություն ծավալելու համար։ Եվ որպես շրջանառության հարկ վճարող ի՞նչ ընթացակարգ պիտի լինի իրականացված աշխատանքներից ստացված գումարը հարկելու համար։ Նկատի ունեմ՝ կատարողական կամ ի՞նչ փաստաթղթեր են անհրաժեշտ։ Շնորհակալություն։

Մկո. Բարև ձեզ: Կարո՞ղ եք հուշել՝ ի՞նչ է պետք շինարարական տենդերներին մասնակցելու համար:

Սարգիս. Բարև ձեզ: Երկար տարիներ աշխատել եմ Ռուսաստանի Դաշնությունում որպես շինարարական խմբի ղեկավար: Այժմ ցանկանում եմ իմ խմբով աշխատել Հայաստանում: Ի՞նչ է անհրաժեշտ գրանցման և հետագա գործունեություն ծավալելու համար: Եթե հնարավոր է, գրեք մանրամասն:

Երվանդ․ Բարև ձեզ, հարգելի մասնագետներ։ Ո՞վ կարող է ինձ օգնել շինարարության բնագավառի իրավական և փաստաթղթային հարցերով, բայց զանգի միջոցով, կամ դասընթացներ այդ ոլորտին վերաբերվող կա՞ ինչ-որ տեղ։

Նաիրա. Հարգելի գործընկերներ, ընկերությունը զբաղվում է ճանապարհային շինարարությամբ: Աշխատողների հետ ցանկանում եմ կնքել անվտանգության կանոններին տեղյակ լինելու հետ կապված թերթիկ: Կա՞ օրինակելի ձև նման թերթիկ լրացնելու, աշխատողների հետ կնքելու վերաբերյալ: Եթե այո, խնդրում եմ նշել, թե որտեղից կարող եմ վերցնել այդ ձևը: Նախապես շնորհակալություն:

Հայկ. Միկրոձեռնարկատերը աշխատում է շինարարության ոլորտում, վարձու աշխատող չունի։ Ամսական ի՞նչ վճարումներ (օր․՝ եկամտային հարկ, դրոշմանիշային վճար) պետք է անի և ի՞նչ հաշվետվություններ պետք է ներկայացնի։ Շնորհակալություն։

Դիանա․ Բարև Ձեզ: Կարո՞ղ եք ինձ օգնել, հարցս հետևյալն է. ԱՁ- ն զբաղվելու է շինարարությամբ և շրջանառության հարկ վճարող է: Կասե՞ք՝ բացի հաշվետվություններ ներկայացնելուց, հաշվառում իրականացնելու՞ է, թե՞ ոչ։