Tag: օտարերկրյա

Արշալույս․

Բարև ձեզ։ Նոր եմ ԱՁ բացել, ընտրել շրջանառության հարկով հարկման հարկատեսակը։ Ոչ ռեզիդենտ, ՀՀ-ից դուրս գործող կազմակերպությանը մատուցվում է ծառայություն։ Կասե՞ք՝ ինվոյս դուրս գրելը պարտադիր է` ՊԵԿ-ի հետ հետագայում խնդիրներ չունենալու տեսանկյունից, թե՞ ինվոյս ՊԵԿ չի ներկայացվում (ոչ ռեզիդենտ կազմակերպությունը չի պահանջում ինվոյս)։ Եթե պարտադիր է ինվոյս գրելը, կասե՞ք՝ ո՞ր ծրագրով է դա գրվում։ Շնորհակալություն։

Սերգեյ․

Բարև Ձեզ, ՍՊԸ-ն ցանկանում է պատվիրել աշխատանքներ ֆիզանձ Բելառուսի քաղաքացուց, որը բնակվում է Սերբիայում և Հայաստանում որևէ կարգավիճակ չունի: Քանի որ աշխատանքները կատարվում են պետական դրամաշնորհի շրջանակում Հայաստանում իր աշխատանքները համարվում են «աշխատավարձ»: Այստեղից հարց է ծագում՝ պետք է ՀՀ-ում վճարվի եկամտային հարկը, հաշվի առնելով կրկնակի հարկման ռեժիմի առկայությունը։ Թե՞ պետք է վճարվի ամբողջ գումարը ու պահվի միայն դրոշմանիշային վճարը։ Կանխավ շնորհակալություն պատասխանելու համար:

Գոհար․

Բարև Ձեզ։ Ես ուզում եմ իմանալ՝ արդյո՞ք կենսաթոշակ ստանալիս հաշվի է առնվում նաև Ռուսաստանի աշխատանքային ստաժը։

Արշալույս․

Բարև ձեզ։ Կասե՞ք՝ եթե ԱՄՆ-ում գործող կազմակերպությունը Հայաստանում բնակվող, հայ ֆիզ. անձի հետ ծառայությունների մատուցման պայմանագիր է կնքում, որ տվյալ ֆիզիկական անձը իրենց համար որպես անկախ կոնտրակտոր հեռավար աշխատանքի միջոցով ծառայություն մատուցի` անսահմանափակ ժամկետով։ Այս պարագայում, արդյո՞ք ֆիզիկական անձը պետք է հարկեր վճարի Հայաստանում (պայմանագրում նշված է, որ պայմանագրից բխող հարկային պարտավորությունները կրում է ֆիզ. անձը)։ Շնորհակալություն։

Արման․

Բարև Ձեզ։ ՏՏ ոլորտի ֆրիլանսեր եմ, աշխատում եմ արտասահմանյան պատվիրատուների հետ։ Հիմնականում կատարում եմ միանգամյա պատվերներ տարբեր անձանց համար, առանց որևէ պայմանագրի։ Ամսական աշխատավարձս տատանվում է 500 000 դրամի սահմաններում։ Խնդրում եմ նշել քայլերի հերթականությունը, որը պետք է անել օրինական հարկեր վճարելու և ՏՏ ոլորտի հարկային արտոնություններից օգտվելու համար։ Շնորհակալություն։

Շողեր․

Բարև Ձեզ, ես մարքեթինգի մասնագետ եմ։ Եթե ԱՁ բացեմ, աշխատանքի անցնեմ Գերմանիայում գործունեություն ծավալող կազմակերպությունում և կնքեմ ծառայությունների մատուցման պայմանագիր, ապա ո՞ր հարկատեսակի համաձայն պետք է հարկ վճարեմ։ Մինչ օրս շրջանառության հարկն էր կարծես լավագույն տարբերակը, բայց 2025-ին կարծես օրենսդրական փոփոխություն է լինելու։ Տեղեկատվություն կտրամադրե՞ք։

Խաչիկ․

Ողջույն: Ես գրանցված աշխատող եմ Մեծ Բրիտանիայում, և ստանում եմ աշխատավարձ բանկային փոխանցմամբ ընկերության անունից: Ի՞նչ հաշվետվություններ են անհրաժեշտ ներկայացնել հարկային դաշտում: Եվ քանի՞ տոկոս են կազմելու եկամուտներից պահումները:

Անուշ․

Բարև Ձեզ։ ՍՊԸ-ի մասնաբաժինները հնարավո՞ր է արդյոք փոխանցել ՌԴ քաղաքացուն, եթե նա չունի ՀՀ ոչ քաղաքացիություն, ոչ կացության քարտ։ Եվ ՌԴ քաղաքացին կարո՞ղ է արդյոք դառնալ այդ իսկ ընկերության տնօրենը։ Որքանո՞վ է կարևոր կացության քարտը հարկայինի հետ խնդիրներ չունենալու և գործունեություն ծավալելու համար։ Շնորհակալություն։

Իրինա․

Հարգելի գործընկերներ, հարցս վերաբերում է Զբոսաշրջության ոլորտին։ Հարկային օրենսգրքի 64-րդ հոդվածի 2-րդ մասի 48-րդ կետի համաձայն ԱԱՀ-ից ազատված գործարք է համարվում օտարերկրյա զբոսաշրջիկին մատուցվող զբոսաշրջության ոլորտի ծառայությունները, իսկ Զբոսաշրջության մասին օրենքում հստակ թվարկում է զբոսաշրջային ծառայությունները որոնք են։

Հիմա հարց․ ինչու՞ է մեկնաբանվում, որ պարտադիր պետք է մեկից ավելի ծառայություն լինի, այսինքն տուր փաթեթ լինի, որ համարվի ազատված։ Օրինակ, եթե օտարերկրյա զբեսաշրջիկին միայն մատուցվել է ՀՀ-ի սահմանում ուղևորափոխադրման, կամ գիդի , կամ միայն հյուրանոցի ծառայություն, էդ դեպքում վերջը համարվու՞մ է ազատված ԱԱՀ-ից, թե՞ ոչ։

Արմեն․

Բարև Ձեզ։ Օտարերկրացի փորձագետի հետ պետք է կնքվի ծառայությունների մատուցման պայմանագիր 5 օրվա համար։ Ի՞նչ ընթացակարգ է նախատեսվում իրականացնել։ Գրանցման, վճարման կարգը ի՞նչ կարգով է սահմանվում։

Արմեն․

Բարև ձեզ, ես հանդիսանում եմ ՌԴ հարկային ռեզիդենտ։ Բնակվում և աշխատում եմ ՌԴ-ում, սակայն ՀՀ-ում ունեմ վարձակալությամբ տրված անշարժ գույք, իսկ բանկում՝ ավանդ։ Հաջորդ տարի պետք է ներկայացնեմ հայտարարագիր ՀՀ-ում եկամուտների մասին։ Հարցս հետևյալն է՝ հայտարարագրում պետք է նշել միայն ՀՀ-ում անշարժ գույքի վարձակալությունից ստացված եկամուտը, թե՞ ՀՀ բանկում ունեցած ավանդից ստացած եկամուտը նույնպես։ Բանկից ասեցին, որ հարկը ավտոմատ կերպքով վճարվում է, բայց թե ինչ լրացնել հայտարարագրում՝ հասկանալի չի։

Մյուսը՝ ՌԴ-ում ստացած աշխատանքային եկամուտը պե՞տք է նշել թե ոչ։ Ես ՌԴ հարկային ռեզիդենտ եմ և հարկերը վճարում եմ ՌԴ-ում։ Ի՞նչ անել ՌԴ-ում բանկային խնայողական հաշվին եկած տոկոսների հետ։ Դա է՞լ է նշվում, թե՞ ոչ։ ՌԴ բանկերը ավտոմատ կերպով հարկը վճարում են այդ տոկոսից ՌԴ բյուջե։

Ռուզաննա․

Հարգելի հաշվապահներ, ՍՊԸ-ն իրավաբանական ծառայություն է մատուցելու ոչ ռեզիդենտ ֆիզ անձին, որի դիմաց վճարումը կատարելու է վերջինիս գործատուն, որը հանդիսանում է ոչ ռեզիդենտ իրավաբանական անձ: Այս պարագայում արդյո՞ք ՍՊԸ-ն պետք է էլեկտրոնային եղանակով դուրս գրի հաշիվը ոչ ռեզիդենտ իրավաբանական անձի անունով:

Մանե․

Բարև Ձեզ, հարգելի մասնագետներ։ Խնդրում եմ պատասխանել և ուղղություն տալ հետևյալ հարցի շուրջ։ Շրջհարկով աշխատող ՏՏ ոլորտի ԱՁ-ն Կարո՞ղ է աշխատանքային պայմանագիր կնքել Հնդկաստանի՝ ա) ոչ ռեզիդենտ քաղաքացու, բ) ոչ ռեզիդենտ կազմակերպության հետ։

Եթե այո, ապա ի՞նչ փաստաթղթեր են անհրաժեշտ պահանջել ոչ ռեզիդենտից, ի՞նչ դրույքաչափով է հարկվելու, ի՞նչ կարգի պայմանագիր պետք է կնքել։ Խնդրում եմ, եթե կարող եք, ուղարկել պայմանագրի օրինակելի ձև (մեյլը կուղարկեմ)։

Արմեն․

ՀՀ քաղաքացին, որը մշտապես բնակվում է արտերկրում և հանդիսանում օտար պետության հարկային ռեզիդենտ (ինչի մասին ունի տեղեկանք), ՀՀ-ում վարձակալությամբ է հանձնում բնակարան և ունի ավանդ։ Հարցերը հետևյալն են՝

1․ Պարտավո՞ր է արդյոք այդ անձը 2024թ․ համար ներկայացնել հայտարարագիր։
2․ Կարո՞ղ է արդյոք նա լիազորել այլ անձի՝ իր փոխարեն ներկայացնել հայտարարագիրը։ Խնդիրն այն է, որ անձն ինքը չունի էլ․ ստորագրություն և ի վիճակի չէ ներկայանալ ՀՀ՝ այն ստանալու համար։

3․ Տվյալ անձը եկամուտային հայտարարագիր ո՞ր կետերի հիման վրա է ներկայացնում։

Աննա․

Բարև Ձեզ: Ինչպե՞ս կարելի է հաշիվ դուրս գրել օտարերկրյա կազմակերպությանը։

Արթուր․

Բարև ձեզ։ Ես պետք է որպես իրավաբանական անձ պարբերաբար մատուցեմ ծառայություն (Վեբ կայքի պատրաստում, դիզայն, ծրագրավորում) օտարերկրյա կազմակերպություններին (Ղազախստան, Ռուսաստան), ծառայությունը պետք է մատուցվի պայմանագրի հիման վրա, որի դիմաց կստանամ փոխանցում, և պետք է դուրս գրվի հաշիվ ապրանքագիր, իսկ տարեկան փոխանցումների քանակը չի գերացանցի 15 մլն։

Ցանկանում եմ գրանցել Ա/Ձ ։ Ասացեք խնդրեմ՝ հարկման ո՞ր եղանակով է պետք գրանցվել՝ ընդհանուր հարկման դաշտ, թե՞ շրջանառության հարկի դաշտ։ Ո՞ր տարբերակի դեպքում ի՞նչ հարկեր կգոյանան։ Պայմանագրի օրինակ որտեղի՞ց կարող եմ գտնել, և Կազմակերպությունը պահանջում է ռեզիդենտի քարտ, դա որտեղի՞ց պետք է վերցնել։

Նախապես շնորհակալություն։

Լիլիթ․

Բարի օր, նախագծային ընկերությունը աշխատում է շրջհարկով, հաշիվ պետք է դուրս գրվի ԱՄՆ քաղաքացու անունով, ով լիազորի լիջոցով պատվիրել է ՀՀ-ում նախագիծ։ Կասե՞ք՝ որևէ կարևոր բան կա կապված օտարերկյա քաղաքացի լինելու փաստի հետ (լրացուցիչ հարկեր կամ այլ․․․), թե՞ սովորական հաշիվ դուրս գրվի ու նշվի լիազորի տվյալները: Շնորհակալ եմ։

Արմինե․

Հարգելի ոլորտի մասնագետներ, խնդրում եմ օգնել հետևյալ հարցում. եթե ՀՀ քաղաքացին (ծնված 1974 թվականի հունվարի մեկից հետո) գտնվում է աշխատանքային հարաբերությունների մեջ ՀՀ ռեզիդենտ ընկերության հետ, ընդ որում, աշխատողի աշխատանքի բնականոն վայրը համարվում է գործատուի գրասենյակը ՀՀ-ում, և հրաժարվել է ՀՀ քաղաքացիությունից, սակայն դեռևս բնակության իրավունք (կացության կարգավիճակ) չի ստացել դեռևս, ստանալու ժամկետը սահմանված է 2 ամսվա ընթացում: Արդյո՞ք վերը նկարագրված դեպքում ՀՀ-ում բնակության իրավունք (կացության կարգավիճակ) չունեցող ՌԴ քաղաքացի հանդիսացող վարձու աշխատողի համար սոցիալական վճարները ենթակա են կատարման ընդհանուր հիմունքներով` ՀՀ քաղաքացիների համար սահմանված կարգով, եթե այո, ապա խնդրում եմ օրենքի հղումը կգրե՞ք: Կանխավ շնորհակալ եմ։

Եթե ՀՀ ռեզիդենտը մարքեթինգային ծառայություն է ստացել Դուբայի ռեզիդենտ կազմակերպությունից, այս դեպքում նշված ծառայության համար ինքնահաշիվ պե՞տք է գրվի, թե՞ ոչ, և ոչ ռեզիդենտի շահութահարկ առաջանու՞մ է, թե՞ ոչ։

Վահագն․

Հարգելի հաշվապահներ, եթե ՍՊԸ տնօրենը կանխիկ Վրաստանի խանութից ՀԴՄ կտրոնով ձեռք է բերել ապրանքներ, և այդ ապրանքները հետո ՍՊԸ- ն վաճառում է ՀՀ ում, ՀԴՄ կտրոնները համարվու՞մ են ծախսը հիմնավորող։ Եթե կա օրենքի հղում կամ պարզաբանում՝ խնդրում եմ նշեք:

Անահիտ․

Հարգելի հաշվապահներ, ես Վրաստանում իմ գործող ԱՁ-ով ցանկանում եմ Հայաստանում մասնակցել տենդերի։ Տենդերի մեջ գրված է, որ պետք է ՀՀ դրամով ներկայացնեմ իմ տեխնիկական առաջարկը։ Եթե դրամով ներկայացնեմ, հետո ինչպե՞ս են իմ վրացական ԱՁ-ին փոխանցելու գումարը ՀՀ դրամով՝ տենդերը շահելու դեպքում։

Սոֆյա․

Բարև Ձեզ։ Հարգելի հաշվապահներ, ասացեք խնդրեմ՝ ֆիզիկական անձանց հայտարարագիր ներկայացնելու՞ է արդյոք ՀՀ ոչ ռեզիդենտ քաղաքացին, ով 2023թ-ին 6 ամիս հեռավար աշխատել է ՀՀ-ում գրանցված ՍՊԸ-ի համար գրանտային ծրագրի շրջանակներում։ Նրա համար ուղարկվել է 165 ձևը 29․02․2024թ-ին։

Անահիտ․

Բարև Ձեզ, հարգելի հաշվապահներ։ Խնդրում եմ պատասխանել մի քանի հարցի.

ՀՀ Ընկերությունը ոչ ռեզիդենտ կազմակերպությունից ձեռք է բերում համակարգչային ծրագիր 100$ արժողությամբ:

1. Ինքնահաշիվը կարո՞ղ եմ գրել մի քանի ամիս անց

2. ԱԱՀ հաշվետվությունում ո՞ր տողում է պետք ցույց տալ և ինչպե՞ս (ԱԱՀ ցույց տալի՞ս եմ, թե՞ ոչ, նվազեցվու՞մ է, թե՞ ոչ, և ո՞ր տողում)։

Աննա․

Բարև Ձեզ։ Եթե ֆիզ․ անձը տարածքը տալիս է վարձակալությամբ ԱՁ-ին, բայց գտնվում է արտերկրում, ինչպե՞ս պետք է հայտարարագիր ներկայացնի։ Եվ եթե լիազորագրով է՝ օրինակ կտրամադրե՞ք։

Հարութ․

Հարգելի հաշվապահներ, հարցս հետևյալն է․ ԱՁ- ն, որն աշխատում է ՏՏ ոլորտում, գրանցված է ՀՀ-ում և ծառայություն է մատուցում օտարյեկրյա կազմակերպության, ԱՁ-ն ՀՀ քաղաքացի չէ և ՀՀ-ում չի բնակվում, աշխատում է շրջանառության հարկով։ Հարց՝ նշված իրավիճակում կարո՞ղ է խնդիրներ ունենալ հարկման դաշտի ընտրության կամ այլ հարցերում։

Անի․

Ողջույն։ Ես ուզում եմ որպես ԱՁ գրանցվել՝ օտարերկրյա կազմակերպությունում ՏՏ ոլորտում ծառայություն տրամադրելու համար։ Ինչպիսի՞ն են հաջորդական քայլերը, և ի՞նչ հարկային ձևակերպում խորհուրդ կտաք կատարել հարկային արտոնություններից օգտվելու համար։

Եվա․

Կասե՞ք՝ եթե կազմակերպության տնօրենը Վրաստանի քաղաքացի է, ինչպե՞ս պետք է գրանցել, և ի՞նչ հարկեր է վճարելու։

Երվանդ․

Ողջույն: Խնդրում եմ պատասխանեք. կարո՞ղ է արդյոք այլ երկրի քաղաքացին (-ները) Հայաստանում հիմնադրել ՍՊԸ, եթե այո, ապա ի՞նչ փաստաթղթեր են պահանջվում գրանցման համար: Կանխավ` շնորհակալ եմ:

Սերգեյ․

Բարև Ձեզ: Խնդրում եմ օգնել հետևյալ հարցում:

Հայկական ՍՊԸ-ն տեսահոլովակ է պատրաստում և պատվիրում է նկարչական ծառայություններ քաղաքացիաիրավական պայմանագրով այդ տեսահոլովակի համար օտարերկրյա (ոչ ԵԱՏՄ և ԱՊՀ անդամ երկրի) քաղաքացի հանդիսացող ֆիզю անձին, որը չունի ՀՀ կացություն:

1. Կարո՞ղ է հայկական ՍՊԸ-ն վճարել գումար օտարերկրյա քաղաքացուն: Եթե այո, ապա ո՞նց է հարկվում:

2. Եթե չի կարող, ապա ի՞նչ հնարավոր ձևեր կա էդ մարդուն կցել նախագծի աշխատանքներին: Նա պետք է ծառայություն մատուցի և ստանա վճար, սա աշխատավարձ չէ:

Կանխավ շնորհակալություն:

Սոնա․

Բարև Ձեզ։ Կխնդրեմ օգնեք, հարցս հետևյալն է՝ օտարերկրյա քաղաքացին, ով ունի հատուկ անձնագիր, աշխատում է ՀՀ-ում, երեխայի նպաստ կարո՞ղ է ստանալ։ Երեխան ծնվել է ՀՀ-ում։

Տիգրան․

Ողջույն։ Կարելի՞ է արտասահմանյան կազմակերպության միջոցով Հայաստանում իրականացնել գործունեություն։ Կազմակերպությունը բրիտանական է, տեսակը LTD (LIMITED)։ Նախապես շնորհակալություն։

Աննա․

Հարգելի գործընկերներ, կազմակերպության աշխատակիցը օտարերկրյա քաղաքացի է, հաշվառումը կատարում ենք որպես կացության կարգավաիճակ չունեցող օտարերկրյա քաղաքացի։ Համաձայն ՀՀ Ժամանակավոր անաշխատունակության և մայրության նպաստների մասին օրենքի ՀՀ քաղաքացիների հավասար ունեն նպաստի իրավունք։ Հնարավո՞ր է կացության քարտի առկայության դեպքում գրանցել, վճարել մայրության նպաստ և հարկերից նվազեցում ստանալ։

Լիլիթ.

Բարև ձեզ։ Շրջանառության հարկով աշխատող ընկերությունը ձեռք է բերել բժշկական սարքավորումներ ՀՀ-ում գործող ներմուծող ընկերությունից, ու արտահանում, իրացնում է ոչ ռեզիդենտ կազմակերպության: Շրջհարկի ի՞նչ նվազեցումներ են կատարվելու։

Կարեն․

Բարև Ձեզ։ Ընկերությունը ունի իրանցի աշխատակից, ով չունի ՀՀ անձնագիր, սոց․ քարտ, կացության քարտ։

Հարց 1․ Այդ աշխատակցի հետ կար՞ող եմ կնքել պայմանագիր

Հարց 2․ Առանց այդ փաստաթղթերի որքա՞ն ժամանակ կարող է աշխատել։

Հարց 3․ Այդ աշխատակցին վճարված աշխատավարձը պե՞տք է հարկեմ եկամտային հարկով 20 տոկոս՝ ցույց տալով եկամտային հարկի հաշվետվությունում այլ տողի մեջ։

Հարց 4․ Շահութահարկից կար՞ող եմ նվազեցնել այդ աշխատավարձը։

Աննա․

Բարև ձեզ, հարգելի հաշվապահներ։ Կազմակերպությունը աշխատում է շրջանառության հարկով։ Ռուսաստանից ֆիզ․ անձից ձեռք է բերում տրանսպորտային միջոց, որի համար պետք է վճարի կանխիկ գումար, կասե՞ք՝ սա ինչքանո՞վ է հակասում մեր կանխիկ գործարքների սահմանափակմանը։

Հռիփսիմե․

Բարև ձեզ։ Կարո՞ղ եմ թաքսերվիզում ընդունել մի աշխատակցի, ով բնակվում է ոչ ՀՀ-ում և ընդունվում է աշխատանքի քաղիրավական պայմանագրով։

Nora.

Բարև Ձեզ։ ՀՀ ռեզիդենտ կազմակերպությունը (ԱԱՀ վճարող) ՌԴ ռեզիդենտ կազմակերպությունում ցանկանում է բաժնեմաս կամ այլ ալտիվներ գնել: ՀՀ կազմակերպությունում ինչ որ հարկային պարտավորութուններ առաջանու՞մ են։

Արմինե․

Բարև Ձեզ, հարցս հետևյալն է․ աշխատանքային գործունեության հիմքով ժամանակավոր կացության կարգավիճակ ստանալու համար 105 000 դրամ պետ․ տուրքի վճարումը ու՞մ կողմից է կատարվելու, գործատուի՞, թե՞ օտարերկրացու:

Ժաննա․

Բարև Ձեզ, հարգելի հաշվապահներ։ Ասացեք խնդրեմ՝ եթե հայկական ՍՊԸ-ն ծառայությունների մատուցման պայմանագիր է կնքում Բրիտանիայի քաղաքացու հետ (բրիտանացին մեզ մատուցելու է խորհրդատվական ծառայություններ), ապա ինչպե՞ս պետք է կատարեմ վճարումը, և ինչպիսի՞ հարկեր են առաջանում։ Շնորհակալություն։

Գոհար․

Բարև Ձեզ․ Հարցս էսպիսին է․

Ազգությամբ հնդիկներին ինչպե՞ս ենք աշխատանքի ընդունում։ Միայն օտարերկրյա անձնագիր ունեն։

Արթուր.

Բարև ձեզ։ Բեռնափոխադրումը իրականացրել են Թուրքական և Վրացական ընկերությունները, արդյո՞ք ես իրենց համար պարտավոր եմ վճարել ոչ ռեզիդենտի շահութահարկ։

Անուշ․

Բարև Ձեզ, խնդրում եմ պարզաբանել, եթե կազմակեպությունը գրանցված է ՀՀ-ում, իսկ 100% բաժնետերը ոչ ռեզիդենտ է, ապա կազմակերպությունը կհամարվի ռեզիդենտ, թե՞ ոչ ռեզիդենտ։ Շնորհակալություն։

Թ․

Բարև ձեզ։ Կազմակերպությունը օգտվում է Թվիթերից և գովազդ է տեղադրում այնտեղ։ Ի՞նչ հարկեր են առաջանում նշված ծառայության մատուցումից։

Լուսինե․

Բարև ձեզ։ Շրջանառության հարկով աշխատող կազմակերպությունը գումար պետք է փոխանցի Ամերիկայի կազմակերպությանը, որը զբաղվում է մենեջմենթով, արտիստներ է ուղարկելու Հայաստան։ Արդյո՞ք այս դեպքում առաջանում է ոչ ռեզիդենտի շահութահարկ։

Ժաննա․

Բարև Ձեզ, հարգելի հաշվահներ, խնդրում եմ օգնել․ ՍՊԸ-ն վճարում է ոչ ռեզիդենտ ֆիզ․ անձի ZOOM հարթակի օգտագործման համար, այն ամերիկյան է և ՀՀ ԱՄՆ-ի հետ կրկնակի հարկումը բացառելու մասին պայմանագիր չունի։ Խնդրում եմ ասեք, թե ի՞նչ հաշվետվություններ պետք է հանձնել, և ի՞նչ հարկեր պիտի վճարենք։ Ինվոյսի վրա երևում է, որ ԱԱՀ արդեն ներառված է։

Ընկերությունը զբաղվում է հյուրանոցային գործունեությամբ: Ընկերությունը գործում է ընդհանուր հարկման դաշտում: Տուրիստների գերակշիռ մասը օտարերկյա քաղաքացիներ են: Ինչպիսի՞ օրենսդրական կարգավորումներ են գործում, ի՞նչ առանձնահատկություններ կան հարկման գործընթացում։