astxik.

Մենք ունենք լիցենզիա, տարեկան 100.0 դրամ: Արդյո՞ք շահութահարկի մեջ որպես ոչ նյութական ակտիվներ տողում պետք է ներառել և ի՞նչ համամասնությամբ: Լիցեզիան վՃարվել է 2010թ. ապրիլին 1 տարով:

Նարինե.

Հասարակական կազմակերպությունն աշխատում է բացառապես շնորհների գումարով, չունի ոչ մի տեսակի այլ եկամուտներ: Ի՞նչ պիտի ցույց տրվի պարզեցված շահութահարկի հաշվարկում, թե՞ պարզապես 0-ական /դատարկ/ բլանկ ներկայացնի: Շատ շնորհակալ կլինեմ հարցիս պատասխանելու համար:

Լուսինե.

Հարգելի հաշվապահներ, խնդրում եմ, պատասխանեք: Եթե կազմակերպությունը իրականացնում է շահութահարկից ազատված գործունեություն (թռչնաբուծություն), այդ դեպքում եթե նաև կատարել է իրացում մեկ այլ ապրանքի 10 %-ից ավելին, ինչպե՞ս պետք է տա շահութահարկը: Արդյո՞ք միայն այդ իրացման մասով: Խնդրում եմ, եթե հնարավոր է, մանրամասն ասեք:

Hayk.

Հարգելի գործընկերներ, խնդրում եմ ինձ օգնեք հետևյալ հարցում: 2010-ի շահութահարկի գծով նվազեցվող ծախսերս շատ են, այսինքն շահութահարկիս հաշվարկը վնասով է: Ես կարո՞ղ եմ ծախսերիս մի մասը հետաձգել և հաշվեգրել 2011-ին, և եթե կարող եմ, ապա ո՞ր ծախսերին է դա վերաբերվում: Կանխավ շնորհակալություն:

Գայանե.

Խնդրում եմ ասել, թե ինչպես է հաշվարկվում շահութահարկի եռամսյակային կանխավճարը:
Շնորհակալություն:

Աննա.

Հարգելի կոլեգաներ, մի հարց ունեմ, որը շատ է անհանգստացնում ինձ: Տարեկան հաշվետվությունները կազմելու նպատակով հարկային տեսչությունից վերցրել եմ կազմակերպության բյուջեի նկատմամբ պարտք և պահանջի վերաբերյալ տեղեկանք: Նշեմ, որ այդ կազմակերպության հաշվապահն եմ 2010թ. հոկտեմբերից, այդ իսկ պատճառով՝ ինձ համար որոշ բաներ պարզ չեն: Հարցս հետևյալն է. շահութահարկի մասով ունենք գերավճար: Արդյո՞ք այդ գերավճարը մի թիվ է, որից համակարգը ավտոմատ հանել է ամսական կանխավճարները (նախորդ տարվա շահութահարկի 1/16)` անկախ նրանից` կանխավճարներ կատարվել են, թե ոչ, որովհետև, ինչպես հասկացա, կանխավճարներ չեն արվել, ուղղակի ինչ որ կլոր գումարներ են փոխանցվել: Շնորհակալ եմ:

Anna.

Հարգելի հաշվապահներ, եթե վաճառատեղի վարձակալական պայմանագրի համաձայն վարձակալը վարձատուին վճարել է վարձավճար և որպես հավաստող փաստաթուղթ ստացել է դրամարկղի մուտքի անդորրագիր առանց հաշիվ-ապրանքագրի, ապա տվյալ դեպքում կարելի՞ է արդյոք շահութահարկը հաշվարկելիս այն որպես նվազեցում դիտել: Կանխավ շնորհակալություն:

Վլադ.

Բարև ձեզ:

Ես աշխատում եմ մի ՍՊԸ-ում, մենք ապառիկով տեխնիկա ենք վաճառում և ցանկանում ենք ակցիա կազմակերպել, հաճախորդի փոխարեն առաջին ամսվա մուծումը կատարել: Օրինակ՝ եթե հաճախորդը գնում է 200 000 դրամ արժողությամբ ապրանք 10 ամսով, ապա մենք առաջին ամսվա 20 000 դրամը վճարում ենք: Սակայն ես այդքան էլ լավ չեմ պատկերացնում, թե ինչպես կարելի է այս ամենը ձևակերպել, որպեսզի մենք ավելորդ շահութահարկ չվճարենք: Կանխավ շնորհակալություն:

Իննա.

Հարգելի կոլեգաներ,
կազմակերպությունը զբաղվում է վարձակալությամբ տարածքներ տրամադրելով և ունի կնքած պայմանագիր իրավաբանական անձի հետ, որ 2 ամիս տարածքը տրամադրվելու է անվճար հիմունքներով: Հարցս հետևյալն է` ի՞նչ պարտավորություններ են առաջանում կազմակերպության մոտ, որը ԱԱՀ-ով չի հարկվում: Շահութահարկի հոդված 16-ում գրված է միայն, որ անհատույց տրամադրած ակտիվները չեն նվազեցվում համախառն եկամտից: Արդյո՞ք հաշիվ-ապրանքագիր պետք է դուրս գրվի, թե՞ միայն հանձնման-ընդունման ակտ, և որտե՞ղ կարելի կարդալ անհատույց տրամադրած ակտիվների հարկման վերաբերյալ:
Կանխավ շնորհակալություն:

Իննա.

Կազմակերպությունը կատարում է միաժամանակ ԱԱՀ-ից ազատված և հարկվող գործունեություն ծառայության ոլորտում: Համաձայն Հ 27 ԱԱՀ-ը հաշվանցում է` ելնելով տեսակարար կշռից: Հարցս հետևյալն է՝ արդյո՞ք ճիշտ է չհաշվանցվող ԱԱՀ նվազեցնել շահութահարկ հաշվարկելիս որպես չփոխհատուցվող հարկեր ԱԱՀ-ի գծով, թե՞ կա այսպիսի կետ ՝ միացնել ԱԱՀ-ն ապրանքի գներին կամ վերագրել արտադրության կամ շրջանառության ծախսերին: Նշեմ, որ կազմակերպությունը ապրանք ձեռք չի բերում:
Նախապես, հարգելի կոլեգաներ, շնորհակալություն:

Shushanik.

Հարգելի հաշվապահներ, այսպիսի մի հարց.
եթե կազմակերպությունը շահութահարկի կանխավճարը կատարում է 1/6-ով և նվազագույն շահութահարկի վճարում չի լինում, շահութահարկի հաշվարկի նվազագույնի շահութահարկի մասում (ըստ եռամսյակների) արդյո՞ք որևէ բան պետք չէ՞ լրացնել: Եվ որտե՞ղ է երևում մեր կատարած կանխավճարները այդ դեպքում:

Anna.

Հարգելի հաշվապահներ, համաձայն “Հարկերի մասին ՀՀ օրենքի” 16.1 հոդվածի հարկային մարմին ներկայացվող հաշվարկներում, հայտարարագրերում, տեղեկություններում հարկային պարտավորությունների և հաշվանցվող գումարների համար որպես չափման միավոր է ընդունվում դրամը առանց լումաների: Հարց. 2010 թվականին վերաբերող գործարքների մասով հաշվետվությունները, որոնք ներկայացվել են ս.թ, նույնպե՞ս պետք է ներկայացվեր դրամներով, թե՞ միայն 2011 թվականի հաշվետվություններին է վերաբերում: Եվ շահութահարկի հաշվարկը պետք է ներկայացվի դրամներո՞վ, թե՞ հազար դրամներով: Կանխավ շնորհակալ եմ արձագանքների համար:

Նելլի.

Շահութահարկի պարզեցված հաշվարկի ժամանակ ինչքա՞ն կկազմի հաշվետու տարվա շահութահարկի գումարը, եթե.
հաշվետու տարվա համախառն եկամուտը 46222,0 է,
համախառն եկամտից նվազեցվող ուղղակի ծախսերը` 37672,0,
հարկվող շահույթը` 46222-37672= 8550,0:
46222,0*2% =924,4 թե 8550,0*20%=1710,0: Խնդրում եմ պատասխանել հնարավորության դեպքում: Նախապես շնորհակալություն:

Աննա Հարոյան.

Հարգելի հաշվապահներ,
խնդրում եմ օնեք ինձ մի հարցով: Եթե կազմակերպությունը աշխատել է միայն հաստատագրված հարկով, շահութահարկի ո՞ր ձևը պետք է ներկայացվի` պարզեցվա՞ծ, թե՞ ընդհանուր:
Կանխավ շնորհակալություն:

Արփինե.

Հարգելի հաշվապահներ, կարո՞ղ եք պատասխանել իմ մեկ հարցին:
ՍՊԸ-ն ԱԱՀ վճարող է, աշխատել է մինչև դեկտեմբերի 30-ը, դադարեցված է դեկտեմբերի 31-ով: Դեռ պարզ չի` երբ կվերաբացվի: Շահութահարկի հաշվարկում դեկտեմբեր ամսվա նվազագույն շահութահարկը կարո՞ղ եմ ցույց չտալ: Ի՞նչ կարող եք հուշել, շնորհակալություն:

David.

Շահութահարկի հաշվարկի ձևի մեջ, կարծում եմ, սխալ կա, մասնավորապես, 1501 և 1500 տողերում պետք է լինի “եռամսյակային” բառերը, իսկ “:16″ թիվը պետք է լինի”:6″` համաձայն օրենքի փոփոխությունների:

Հրանտ.

Բարև բոլորին:
Խնդրում եմ ինձ օգնել այսպիսի հարցում: Նախկինում հիմնադրամը հարկային էր ներկայացնում ձև 1 և 2 առանց շահութահարկի: Այժմ, երբ ձև 1 և 2-ը պետք չէ ներկայացնել, հիմնադրամը շահութահարկի ձևը 0-ական պե՞տք է ներկայացնի, թե՞ դա էլ պետք չէ:

Մարինե.

Բարև Ձեզ, խնդրում եմ ինձ օգնեք հետևյալ հարցում. եթե նույնիսկ կազմակերպությունը վնասով է աշխատել, այն պե՞տք է վճարի շահութահարկ շրջանառության 1, թե՞ 2 տոկոսը, և որտեղի՞ց կարող եմ գտնել այդ որոշումը, կամ օրենքի ո՞ր հոդվածով է դա սահմանվել:
Կանխավ շնորհակալություն:

Մնացական.

Հարգելի կոլեգաներ,
ԱԱՀ չվճարող նոր բացված կազմակերպությունը, որը աշխատում է ՓՄՁ դաշտում, արդյոք ունի՞ հարկային արտոնություններ շահութահարկի գծով:

gayane.

Խնդրում եմ պատասխանել` 2010-թ. համար ՓՄՁ-ի շահութահարկը քանի՞ տոկոս պետք է հաշվարկել, եթե ՍՊԸ է և զբաղվում է առևտրով:

Աշոտ.

Հարգելի կոլեգաներ, ես լսել եմ, որ շահութահարկի կանխատեսման մասին հայտարարությունը պետք է տրվի ՊԵԿ-ի հաստատված ձևով, եթե ինչ որ մեկը կարող է օգնել այդ հարցում, խնդրում եմ պատասխանեք:
Կանխավ շնորհակալություն:

Հասմիկ.

Հարգելի հաշվապահներ, հարցս վերաբերվում է շահութահարկի գծով նվազեցումներին: Ներմուծող կազմակերպությունը կարո՞ղ է արդյոք ներմուծման ժամանակ բեռնափոխադրումների հետ կապված ծախսերը միանվագ ձևակերպել հաշվետու տարում: Կանխավ շնորհակալություն եմ հայտնում:

Արա.

Հարգելի կոլեգաներ,
Ֆինանսական արդյունքների մասին հաշվետվության մեջ (Ձև 2) շահութահարկի գծով ծախս (170) տողում նշվում է տող 160 * 20% գումարը, թե՞, օրինակ եթե նվազագույն շահութահարկը ավելի մեծ է, քան փաստացին, ապա նշվում է նվազագույն շահութահարկը: Կամ օրինակ, 2009թ. համար հաշվարկված շահութահարկի դեպքում, եթե այն փոքր է եղել 2 %-ից կամ ավել 10 %-ից, ո՞ր գումարն եք նշել 170 տողում:

ՀԱՍՄԻԿ2011.

Սիրելի կոլեգաներ, ՍՊԸ-ն 2009թ-ին գործունեությունը դադարեցրել էր: 2010թ.-ին ունեցավ գործունեություն, որից ստացված եկամտից հանելով ծախսերը և հաշվարկելով 20 % շահութահարկ` այն պակաս է ստացվում 1 % նվազագույն շահութահարկից: Հարցս հետևյալն է` տարվա համար շահութահարկի գումարը, որը պետք է վճարվի, եկամտի 1 %-ից պակաս կարո՞ղ է լինել: Ասեմ, որ ՍՊԸ-ն 01.12.10թ.-ից նորից դադարեցրել է գործունեությունը:

Վարդգես.

Հարգելի տնտեսագետներ / հաշվապահներ, խնդրում եմ օգնեք ինձ հասկանալ եկամտահարկ, շահութարկ և հաստատագրված վճար տերմինները: Հարկայինի կայքերում սույն տերմինների բացատրությունը բարդ ու խճճված է բնութագրվում: Ձեզանից ակնկալում եմ պարզ և հստակ բացատրություն:
Կանխավ շնորհակալություն:

Հայկ.

Բարև ձեզ,
ինձ հետարքրում է շահութահարկի հաշվումը ներմուծողի համար (ԱԱՀ-ով ենք աշխատում): Եթե կարելի է, կոնկրետ օրինակի վրա: Ենթադրենք, ես ներմուծում եմ ֆլեշներ, որոնց ինվոյսային արժեքն է 2160 դրամ, մաքսատունը դա իրա ունեցած “վերահսկիչ թվով” հաշվում է 3281 դրամ, և մենք տեղումˋ մաքսատանը, վճարում ենք 656 դրամ, այնուհետև այդ ապրանքը վաճառվում է 3600 դրամով: Ի՞նչ շահութահարկ է ինձանից դրա համար գանձվելու: Եվ ինչպե՞ս դա կարող եմ հաշվել:
Շնորհակալություն:

Հասմիկ 2011.

Հարգելի կոլեգաներ, ՍՊԸ իր տարածքը 2010թ. տվել է վարձակալության ամսական 65 000 դրամով: ՍՊԸ ուրիշ գործունեություն չի ծավալում: Շենք-շինության արժեքը 44 322 000 դրամ է: Վճարվել է աշխատավարձ 12 ամիս, ամսական 30 000 դրամ տնօրենին, որի համար հանձնվել են սոց. և եկամտահարկի հաշվետվություններ 4 եռամսյակների համար: Խնդրում եմ պատասխանեք, շահութահարկի պարզեցված հաշվարկը լրացնելիս ո՞ր գումարից եմ շահութահարկը հաշվելու և որքա՞ն: Շնորհակալություն:

Լուսինե.

Բարև Ձեզ, հարգելի հաշվապահներ, որևէ մեկը կպատասխանի՞ իմ հարցին. ՓՄՁ-ն ՍՊԸ է և ԱԱՀ չվճարող, շահութահարկը հարկվու՞մ է 20 %-ով:

Լուսինե.

Բարև Ձեզ, հարգելի հաշվապահներ, խնդրում եմ պատասխանել, ինձ համար շատ կարևոր է, եթե հնարավոր է շտապ, 2010թ.ՓՄՁ-ների համար ինչպե՞ս է հարկվում շահութահարկը 20%, թե՞ ուրիշ կերպ: Կանխավ շնորհակալություն:

Անուշ.

Հարգելի հաշվապահներ, 2009թ. մեր ընկերությունը ժամանակավոր դադարեցրել է իր գործունեությունը և ներկայացրել 2009թ. համար հաշվապահական հաշվեկշիռ և շահութահարկի հաշվարկ: Արդյոք պետք է ներկայացնել նաև 2010թ.-ի և այլն թթ.-ի շահութահարկի հաշվարկները և հաշվեկշիռները, եթե գործունեությունը չի վերսկսվել: Կանխավ շնորհակալ եմ պատասխանի համար:

Susanna.

Հարգելի կոլեգաներ,
Խնդրում եմ ասել շահութահարկի իմաստով ներկայացչուցական և գործուղման ծախսերի առավելագույն ընդունելի տոկոսադրույքը:

Արփինե.

Հարգելի հաշվապահներ, 2010թ. ՓՄՁ-ների համար 2 տոկոսը այլևս գոյություն չունի՞:
Շահութահարկն է՞լ պետք է ընդհանուր ձևով հարկվի:
Հաշվետվության ձևերն էլ փոխվե՞լ են:

Susanna.

Հարգելի կոլեգաներ,
հարկային տեսչությունից փորձել եմ ուզել մեր կազմակերպության հարկերի մնացորդի մասին տեղեկանք: Այն ստացել եմ առանց շահութահարկի մնացորդի, որը հետագայում պարզել եմ բանավոր: Մնացած մնացորդներն էլ չեն համընկնում իմ ունեցած տվյալների հետ:
Հարց` ինչպե՞ս ես կարող եմ հստակ տեղեկանալ կաղմակերպության հարկերի շարժի մասին ՀՏ-ից և անհամապատասխանության դեպքում ի՞նչ քայլեր պետք է ձեռնարկեմ:

Արմինե.

Բարև Ձեզ, շատ շնորհակալ կլինեմ, որ կարողանաք պատասխանել իմ հարցին: Եթե ես ցանկանում եմ բացել մի փոքրիկ օֆիս, և այդ օֆիսը հնարավոր է առաջիկա ամիսների ընթացքում շահույթ չունենա, այդ դեպքում ես ի՞նչ շահութահարկ պետք է վճարեմ: Իսկ ընդհանրապես փոքր եկամուտ ունեցող հիմնարկի համար ավելի լավ է “պարզեցված հարկի” միջոցով վճարել հարկերը, թե հակառակը:
Պատասխանի համար կանխավ շնորհակալություն:

Արմեն.

Հնարավոր է արդյոք ընկերությունը հիմնադիրներին տրամադրի անտոկոս փոխառություն, և դա ոչ մի ազդեցություն չունենա շահութահարկի վրա…նախապես շնորհակալություն: Եթե հնարավոր է, նշեք իրավական հիմքը…

Արփինե.

Բարև բոլորին, խնդրում եմ պատասխանեք, շահութահարկը հաշվելու ժամանակ ոչ հիմնավորված և ոչ արտադրական ծախսերի ո՞ր մասը կարող ենք նվազեցնել: Կանխավ շնորհակալություն:

Կամո.

Բարև Ձեզ, հարգելի կոլլեգաներ: Այսպիսի մեկ հարց է առաջացել: ԱՁ չհանդիսացող ֆիզ. անձը ՍՊԸ-ին անհատույց վարձակալությամբ տվել է շինություն: Շինության կադաստրային արժեքը` X դրամ: Համաձայն ՇՀ օրենքի 43 հոդվածի դ) ենթակետի ՍՊԸ-ի շահութահարկի հաշվարկի մեջ պետք է X/20 գումարի չափով ցույց տրվի ներված պարտավորություն որպես եկամուտ: Սակայն, ՇՀ հրահանգի 8.5 կետի վերջում նշված է, որ սույն կետի դրույթները չեն գործում, եթե վարձատուն հանդիսանում ԱՁ չհանդիսացող ֆիզ անձը: Ես գտնում եմ, որ ոչ մի հարկային պարտավորություն չի առաջանում ոչ ՍՊԸ-ի հանդեպ, ոչ էլ քաղաքացու (չենք դիտարկում այն դեպքը, երբ գումարը մեծ է և ԱԱՀ-ի հարց կարող է առաջանալ քաղաքացու հանդեպ): Իսկ դուք ի՞նչ կարծիքի էք:

Կամո.

Բարև Ձեզ, հարգելի կոլեգաններ: Ունեմ մեկ հարց, շատ շնորհակալ կլինեմ, եթե հղում տաք, թե որտեղից կարդամ: Եթե ապրանքը վաճառում ենք զեղչով (գների գրանցման գրքում ֆիքսված գնից եժան,) ԱԱՀ-ի և շահութահարկի հարկման բազան որ գինն է հանդիսանում` փաստացի վաճառքի, թե գրանցված: Կանխավ շնորհակալ եմ:

Այսօր աշխատանքի և սոցիալական հարցերի ու ֆինանսների փոխնախարարները կառավարությունում ասուլիս էին հրավիրել. թեման կրկին կեսաթոշակային բարեփոխումների հետ կապված խնդիրներն ու անելիքներն էին: Նշենք, որ կենսաթոշակային բարեփոխումների վերաբերյալ օրինագիծն առաջին ընթերցմամբ ընդունվել է ԱԺ կողմից: Համակարգը կներդրվի փուլերով:

Արտեմ Ասատրյանն ու Վարդան Արամյանն այսօր չգիտես, թե որերորդ անգամ հայտարարեցին, որ 2011 թվականից Հայաստանում կգործի Կարդալ ավելին “Փոխնախարարներ. կուտակային կենսաթոշակային համակարգի ներդրման դեպքում կգործի երաշխիքային հիմնադրամ” →

Սաթենիկ.

Հարգելի փորձառու հաշվապահներ,ես խնդրում եմ ձեզ,որևէ օրինակով ներկայացնել շահութահարկի հաշվապահական ձևակերպումները,եթե կազմակերպությունը նախորդ տարում վնաս է ունեցել:

Վարդան.

Բարև Ձեզ,
Խնդրում եմ կարող եք ինձ ուղղարկել շահութահարկի հաշվարկի լրացման կարգը տող առ տող:

Արմեն.

Բարև Ձեզ հարգելիներս, խնդրում եմ օգնել հետևյալ հարցում, ինչպես հաշվարկել ՓՄՁ-ի շահութահարկը??

Անի.

Բարև ձեզ:Մի բան հարցնեմ հաստատագրված վճարը շահութահարկի նվազեցում համարվում է???

Մարինե.

Այն կազմակերպությունը, որտեղ ես աշխատում եմ, բացի այն որ չի գերազանցում ԱԱՀ-ի նվազագույն շեմը, այլ նաեւ ազատված է ԱԱՀ-ից եւ միաժամանակ վնասով է աշխատել: Այդ դեպքում էլ է կիրառվում շահութահարկի նվազագույն 2 տոկոսը, թե ոչ:
Շնորհակալություն:

Մարինե.

Խնդրում եմ պատասխանեք, երբ կազմակերպությունը աշխատում է վնասով, արդյոք պետք է շրջանառության 2 տոկոսը վճարել որպես շահութահարկ:

Լիլյա.

Օտարերկրյա իրավաբանական անձը մեր կազմակերպությանը ներկայացրել է Ծառայությունների մատուցման հաշիվ 1000 գումարով: Խնդրում եմ օգնել` ինչպես հաշվարկեմ ոչ ռեզիդենտի շահութահարկը եւ ԱԱՀ-ն:

Gohar.

Խնդրում եմ պատասխանեք 2009 թ-ով գնման ակտերը(շուկայից ձեռքբեումները ) ծախս ճանաչում ենք շահութահարկի մասով :

Մարիամ.

Հարցս հետևյալն է շահութահարկի, ինչպես նաև շահուրթահարկի պարզեցված հաշվարկի ձևում աղյուսակ կա ուր նշվում է ամսական նվազագույն շահութահարկի գումարը:
Օրենք այդ գումարը հաշվարկում է 1% – ամորտիզավիա շահութահարկ վճարողների և 1% պարզեցված ռեժիմով շահուրթահարկ վճարողների համար, որը հաշվարկվում է տվյալ ամսվա համար նախորդ ամսվա համախառն եկամուտից:
Այս պարագայում, արդյոք պետք է հասկանալ, որ շահութահարկի հաշվարկի ձևում էլ է լրացումները կատարվում նույն կերպ ասենք հունվար ամսվա գումարը հաշված ելնելով անցած տարվա դեկտեմբերյալ համախառն շահույթից:
Ու բացի այդ եթե այդ գումարների համնրագումարը ըստ լրացման կարգի հանդիսանում է շահութահարկի նվազագույն գումարը, ապա պարզեցվածի դեպքում ճիշտ չէ հաշվումներ կատարել համախառն շրջանառությունից 2%ի չափով, չէ որ օրենքով վճարված/հաշվարկված շահութահարկը պետք է պակաս չլինի համախառն շրջանառության 2%-ից:

***NARA.

Երբ տարածքի վարձակալությունը կատարվում է ՍՊԸ-ի և ֆիզիկական անձի միջև, ինչպես է որոշվում տարածքի վարձակալական վճարը` պետական կադաստրի չափորոշիչներից ելնելով:
Օրինակ 2 ՍՊԸ-ի միջև, ըստ շահութահարկի մասին օրենքի 43-րդ հոդվածի, այն կարգավորվում է հետևյալ կերպ` «Հարկվող շահույթը որոշելիս շենքերի, շինությունների (այդ թվում` անավարտ, կիսակառույց), բնակելի կամ այլ տարածքների վարձակալության կամ անհատույց օգտագործման հանձնելու գործարքների մասով եկամուտը որոշվում է գույքահարկով հարկման նպատակով դրանց համար օրենքով սահմանված կարգով որոշվող արժեքի, իսկ այդպիսի արժեքի բացակայության դեպքում` գույքահարկով հարկման օբյեկտի ընդհանուր մակերեսում վարձակալության կամ անհատույց օգտագործման հանձնված տարածքի բաժնեմասին համապատասխանող արժեքի 5 տոկոսից ոչ պակաս չափով` հաշվարկված տարեկան կտրվածքով: Այդ չափով պակաս հատուցման դեպքում տարբերությունը դիտվում է որպես վարձակալին (փոխառուին) ներված պարտավորություն:»: