Tag: միջնորդային

Լիանա․

Բարև ձեզ։ Զբոսաշրջության ոլորտում աշխատող ՍՊԸ-ն գործակալական պայմանագիր է կնքել հյուրանոցի հետ, որտեղ նշված է հետևյալը․

3.2 Ենթագործակալի վարձատրությունը համարվում է հաճախորդի (զբոսաշրջիկ) կողմից վճարված գումարի (Ծառայության արժեքի) և Գործակալին փոխանցված գումարի տարբերությունը։ Ենթագործակալը, այնպես ինչպես Գործակալը, հանդես է գալիս իր անունից, բայց ոչ իր հաշվին։

Կարո՞ղ ենք եկամուտ ճանաչել միայն տարբերության մասը և հարկել միայն դա։

Անահիտ․

Հարգելի հաշվապահներ, եթե բեռնափոխադրում կատարող ԱՁ-ն (միկրո) միջնորդ ունենա, միջնորդ ԱՁ-ն (շրջհարկ) հաշիվ դուրս գրի պատվիրատուին, վճարումը ստանա, միկրոյով աշխատող ԱՁ-ին միջնորդական ծառայության հաշիվ միջնորդավաճարի մասով դուրս գրի, բավակա՞ն է, թե՞ միկրոյով աշխատող ԱՁ-ն էլ հաշիվ պիտի գրի միջնորդ ԱՁ-ին։

Լիանա․

Բարև ձեզ։ Շրջանառության հարկով աշխատող կազմակերպությունը ցանկանում է կնքել հանձնարարության պայմանագիր որպես հանձնարարող, որտեղ հանձնակատարը պարտավորվում է հանձնարարողի անունից և նրա հաշվին կատարել ավիատոմսերի վաճառք։ Կասե՞ք՝ այս դեպքում ո՞րն է համարվելու Հանձնարարողի հարկման բազան ՝ ամբո՞ղջ ստացված գումարը, թե՞ միջնորդավճարը։

Գոռ․

Բարև ձեզ։ Կխնդրեմ օգնել։ Հյուրանոցի համարը ամրագրել են Expedia - ով, Expedia - ան շվեցարական կազմակերպություն է, Expediа - ն իր միջնորդական ծառայության գումարը պահում է, նոր փոխանցում հյուրանոցին։ Ես պե՞տք է հյուրի ամրագրած համարի գումարի չափով հաշիվ ապրանքագիր գրեմ հյուրի անունով, իսկ միջնորդական ծառայության համար ինքնահաշիվ։ Կազմակերպությունն ԱԱՀ ով է աշխատում։

Mariana.

Կազմակերպությունն աշխատում է 2 ոչ ռեզիդենտ կազմակերպությունների համար որպես գործակալ, ստանում է ՌԴ ընկերությունից բեռնափոխադրման հաշիվ և պատվիրում այլ եվրոպական ընկերությունների լոգիստիկ ծառայությունը իրականացնել (բեռ հասցնել A կետից B կետ)։ Արդյո՞ք անհրաժեշտ է բոլոր ստացված, բայց հարկման ոչ ենթակա հաշիվները ներառել ԱԱՀ հաշվետվության մեջ և կոմիսիայի գումարի չափն էլ ներառել 0-ական դրույքաչափի տողում, թե՞ ուղղակի հանձնել շահութահարկի հաշվարկը։

Աննա․

Բարև ձեզ, անշարժ գույքի գործակալությունը կարո՞ղ է շրջ. հարկի դաշտում աշխատել։

Սոնա․

Ես զբաղվում եմ տուրիստական գործունեությամբ հետևյալ երեք տարբերակով՝

1. Ֆիզիկական անձանց համար ձեռք եմ բերում ավիատոմսեր՝ օնլայն գնելով ավիատոմսը,

2․ Ֆիզիկական անձանց տրամադրում եմ տուր փաթեթ (ներառում է ավիատոմս, հյուրանոց) , օնլայն գնում եմ ավիատոմսն ու հյուրանոցը,

3․ Իրանից ժամանած քաղաքացիների համար հյուրանոց եմ ամրագրում, օրինակ 60․000 ՀՀ դրամնով, իսկ ՀՀ-ում գտնվող հյուրանոցը ինձ տրամադրում է 50․000 հաշիվ։ Մինչ այսօր ես աշխատել եմ միկրոձեռնարկատիրության ոլորտում, և իմ հասույթը եղել է այդ միջնորդական գումարը։ Ցանկանում եմ իմանալ՝ այսուհետ ի՞նչ հարկատեսակով եմ աշխատելու։

Գոռ․

Բարև Ձեզ։ Հյուրանոցային համարը ամրագրել են Expedia-ի միջոցով , հիմա Expedia միջնորդավճարի հաշիվ է դուրս գրել։ Խնդրում եմ կասե՞ք իմ քայլերը՝ պե՞տք է ինքնահաշիվ գրել, թե՞ ոչ։

Արմեն․

Հարգելի հաշվապահներ, խնդրեմ մի քանի հարցով խորհուրդ տաք լոգիստիկ ծառայություններ մատուցող ընկերության հաշվապահության վերաբերյալ (Ռուսաստանից բեռնափոխադրում դեպի Հայաստան):

1) Միկրո/շրջհարկ կարո՞ղ է աշխատել, թե՞ միայն ԱԱՀ

2) Եթե կազմակերպության սեփականության իրավունքով բեռնատարներ չունի, և վարձով էլ չի վերձնում, այլ Ռուսաստանի բեռնափոխադրող ընկերության հետ կամ անհատ վարորդի հետ է պայմանավորվում(իրենց մեքենայով), որ իրենք ՌԴ-ից ապրանքը բարձեն և բերեն Հայաստան, արդյո՞ք էս իրավիճակում մենք համարվում ենք միջնորդական ծառայություն մատուցած, թե՞ համարվում է, որ բեռնափոխադրումը մեր կազմակերպությունը կատարեց, այսինքն եթե բեռնափոխադրման հաշիվ դուրս գրենք ԱԱՀ-ով աշխատելու դեպքում, գործարքը կլինի ԱԱՀ-ից ազատված:

3) Եթե ՌԴ կազմակերպություն է մատուցում մեզ բեռնափոխադրման ծառայությունը, և ունենք իրենց ռեզիդենտության տեղեկանք (ՌԴ-ի), ապա ոչ ռեզիդենտի շահութահարկ չի առաջանում այո՞, բայց ինքնահաշիվ պե՞տք է գրել։ Եվ եթե դրսի գործընկերը ոչ թե կազմակերպություն/ԱՁ է, այլ ֆիզ անձ իր մեքենայով, էս դեպքում իրեն վճարումը և գործարքի փաստաթղթավորումները և առաջացող հարկերը ինչպե՞ս են կազմակերպվում:

Նախապես շնորհակալություն Ձեր տրամադրած ժամանակի համար:

Ռուզաննա․

Հարգելի հաշվապահներ, ԱՁ-ն իրականացնելու է դեպի ՌԴ ուղևորափոխադրում իրականացնող այլ ընկերության տոմսերի վաճառքը, այսինքն` տոմսերի գնին որոշակի վերադիր է ավելացնելու և վաճառելու: Խնդրում եմ պատասխանեք՝ ինչպիսի՞ գործունեություն է դա համարվում` միջնորդակա՞ն, և ո՞ր դասակարգիչը պետք է նշել: Նախապես շնորհակալություն:

Դավիթ․

Բարև Ձեզ։ Ես Ա/Ձ եմ գրանցել և ուզում եմ շինարարության ոլորտում միջնորդական ծառայություն մատուցեմ։ Ավելի պարզ՝ ուզում եմ կազմակերպությունից վերցնեմ շինարարական աշխատանքներ և այդ աշխատանքներտ տալ ուրիշ Ա/Ձ-ի կատարման։ Խնդրեմ ասեք՝ ի՞նչ հարկատեսակով և տնտեսական գործունեության ո՞ր դասակարգիչով կարող եմ աշխատել, և կարո՞ղ եմ կոմիսիոն վճարի չափով հարկեր վճարել։

Արման․

ԱՁ-ն, որը աշխատում է միկրոյով և զբաղվում է տուրիստական գործունեությամբ, այս պահի դրությամբ ունի 18 մլն-ի շրջանառություն, որից մոտավոր 8 մլն գոյացել է ավիատոմսերի վաճառքից։ Այդ 8 մլն-ից մոտավորապես 5% է կազմակերպության շահույթը, մնացածը փոխանցվել է ավիաընկերություններին։ Այդ դեպքում միկրոյի 24 մլն-ի հաշվարկի մեջ նկատի ենք ունենում ընդհանուր 8 մլնը, թե՞ մաքուր շահույթը։

Արթուր․

Հարգելի գործընկերներ, եթե խմբում կան տուրիստական կազմակերպության հաշվապահներ` խնդրում եմ արձագանքեք: Ոլորտն ինձ համար անծանոթ է, ես արտադրության հաշվապահ եմ, ունեմ որոշ հարցեր:

Շրջանառության հարկով հարկվող ԱՁ-ը զբաղվում է տուրիստական փաթեթների վաճառքով: 2 դեպք դիտարկենք․

1. Վաճառում է այլ կազմակերպություներից գնված փաթեթ: Համաձայն կողմերի միջև կնքված միջնորդավճարի պայմանագրի իր հարկվող շրջանառությունը միջնորդավճարն է, որի համար դուրս է գրվում հաշվարկային փ.թ e-Invoicing ծրագրով: Ա) Գնորդի անունով e-Invoicing ծրագրով նույնպե՞ս դուրս է գրվում հ/ֆ

2. Եթե փաթեթը հենց ինքն է կազմում ` անմիջապես արտասահմանյան հյուրանոցների հետ պայմանագիր կնքելով Ա) Գնորդի անունով e-Invoicing ծրագրով դու՞րս է գրվում հ/ֆ Բ) Հարկվող շրջանառությունը այս դեպքում ինչպե՞ս հաշվել, և ի՞նչ փաստաթուղթ պետք է դուրս գրել։

Լիանա․

Չինական ընկերությունը ծառայություն է մատուցելու ռուսական ընկերությանը։ Ծառայության դիմաց գումարը ռուսական ընկերությունը փոխանցելու է հայկական ընկերությանը որպես միջնորդ, իսկ հայկական ընկերությունը փոխանցելու է Չինաստան։ Խնդրում եմ ասել՝ արդյո՞ք այս դեպքում հայկական ընկերությունը պետք է աշխատի ԱԱՀ-ի դաշտում։

Սիմոն․

Բարեւ Ձեզ։ Մենք ստեղծել ենք հարթակ, որտեղ տարբեր խանութներ կարող են վաճառել իրենց ապրանքները, ինչպես օրինակ՝ Ozon-ում կամ Wildberries-ում: Մենք չենք գնում և վաճառում, մենք միայն տրամադրում ենք վաճառքի և առաքման ծառայություն մեր հարթակի միջոցով և ստանում ենք ֆիքսված միջնորդավճար: Կազմակերպությունը գրանցել ենք՝ ըստ գործունեության տեսակների, որպես օնլայն վաճառք։ Ի՞նչ տեսակի հարկեր պետք է վճարենք:

Եվա․

Բարև Ձեզ, խնդրում եմ կասե՞ք՝ տուրիստական գործունեություն ունեցող ԱՁ ի՞նչ առանձնահատկություններ ունի։ Հաշի՞վ է գրում ֆիզ անձանց միջնորդության ու վե՞րջ։

Գոհար․

Բարև ձեզ, հարգելի մասնագետներ։ Հարցս վերաբերվում է տուրիստական միջնորդ կազմակերպություններին, ՀՀ ռեզիդենտ կազմակերպությունը ամրագում է արտասահմանյան հյուրանոցային և այլ տեսակի տուրիստական ծառայություններ և դա վաճառում մի այլ ոչ ռեզիդենտ կազմակերպության, խնդրում եմ հուշել՝ արդյո՞ք հնարավոր է շրջանառության հարկով աշխատել և հարկվել միջնորդավճարից: Պատրաստ եմ նաև վճարովի խորհրդակցություն անցնել:

Նարեկ․

Բարև Ձեզ: Եթե անձը ցանկանում է բացել Յանդեքսի սպասարկման կետ, այսինքն՝ հանդես է գալիս որպես միջնորդ վարորդների և տաքսի ընկերության միջև, ի՞նչ հարկատեսակով պետք է հարկվի նման գործունեությունը։

Լիլիթ․

Միջնորդական ծառայության դեպքում, եթե իրավաբանական անձը վճարում է ֆիզիկական անձին 150.000 դրամ ծառայության մատուցման համար, ի՞նչ հարկատեսակով են հարկվում իրավաբանական և ֆիզիկական անձը։