Աշխատանքից ազատման դիմում
Աննա.
Խնդրում եմ, իմ էլեկտրոնային փոստի հասցեին ուղարկեք աշխատանքից հեռացման դիմումի օրինակ:
anna-aydinyan շնիկ mail.ru
Աշխատողը գտնվում է երեխայի խնամքի արձակուրդում
Anna Baghdasaryan.
Բարև Ձեզ: Ես պայմանագրային աշխատող եմ, և ինձ հետաքրքրում է` ինչպե՞ս է կարգավորվում պայմանագրային աշխատողներին տրվող երեխայի խնամքի արձակուրդը: Ըստ ՀՀ "Աշխատանքային օրենսգրքի" կ՞ա այնպիսի մի կետ, ըստ որի հղի կնոջ հետ մինչև պայմանագրի ավարտը կարելի է պայմանագիրը չեղյալ համարել: Ե՞րբ պետք է հղիության վերաբերյալ տեղեկանքը ներկայացնել հաշվապահություն: Արդյոք կ՞ա սահմանված ժամկետ:
Գործուղում ձևակերպելու դեպքում
Արմինե.
Հարգելի կադրերի բաժնի աշխատողներ, խնդրում եմ մանրամասն բացատրել, թե ինչպիսի փաստաթղթեր է պետք պատրաստել գործուղում ձևակերպելու դեպքում և ինչ հերթականությամբ, այն ինչ վերաբերում է կադրերի բաժնին, ոչ հաշվապահորեն: Եվս մեկ հարց` արդյո՞ք մինչև վեց ամիսը չլրացած աշխատողին ազատելու դեպքում (օրինակ եթե երեք ամիս է աշխատել ու ազատվում է) վերջնահաշվարկ չի հասնում: Նախապես շնորհակալություն:
Կուտակված արձակուրդային օրերի տրամադրում կամ փոխհատուցում
Լիլի.
Բարև ձեզ: Շատ եմ խնդրում, ինչքան հնարավոր է շուտ պատասխանեք, և շատ շնորհակալ կլինեմ: Հարցս հետևյալն է: Աշխատողը ազատվում է աշխատանքից իր դիմումի համաձայն: Նա ընդունվել է 1995թ. և մինչ օրս արձակուրդ չի գնացել: Ինչպե՞ս է կատարվում վերջնահաշվարկը: Քանի տարվա արձակուրդային պետք է հաշվարկենք, և եթե չի ազատվում, այլ ուզում ենք բաց թողած արձակուրդները տրամադրել ու ամեն ինչ կարգի բերել, ապա դա ինչպե՞ս կարող ենք անել: Գումարային հատուցումը քանի՞ տարվա է տրվում, իսկ հանգիստ ինչքա՞ն: Եվ տուգանքներ կա՞ն, թե՞ ոչ: Իսկ աշխատողի բողոքի դեպքում ի՞նչ կարող է լինել: Նախապես շատ շնորհակալ եմ:
Արձակուրդային գումարը մեծ է վերջնահաշվարկից
Արմինե.
Հարգելի կոլեգաներ, եթե աշխատողս արձակուրդից անմիջապես հետո ազատվել է աշխատանքից, և արձակուրդայինը վերջնահաշվարկից շատ է եղել, ինչպե՞ս ետ պահեմ տարբերությունը, եթե նա այլևս չի աշխատում մեր դպրոցում:
Աշխատանքից ազատում հղի կնոջը
Lilit.
Բարև ձեզ: Խնդրում եմ պատասխանեք` հնարավո՞ր է արդյոք ազատել աշխատանքից հղի կնոջը 24 շաբաթական հղիության ժամանակ:
Աշխատողը աշխատել է վնասակար պայմաններում
Մարինե.
Հարգելի կոլեգաներ, խնդրում եմ տալ պարզաբանում հետևյալ հարցում. ՍՊԸ-ի աշխատողը ընդունվել է աշխատանքի 2004թ-ի հուլիսի 1-ից և քանի որ աշխատել է վնասակար պայմաններով, օրենքով հասանելիք արձակուրդային օրերը եղել են 48 օրացուցային օր, որը ներկայումս գործող օրենքով 35 օր է: Աշխատողը 2004-ից մինչև 2012-ի մարտ ամիսը չի օգտագործել իր հասանելիք արձակուրդներից 136 աշխատանքային օր: Չօգտագործված արձակուրդների տեղափոխման համար չի եղել որևէ հրաման: 2012թ-ի ապրիլի 10-ից աշխատանքից ազատվելու դեպքում խնդրում եմ ասել, թե քանի օրվա վերջնահաշվարկ ունի ստանալու, և հնարավորինս ըստ ՀՀ ԱՕ-ի կետերի հիմնավորեք: Արդյո՞ք տեղափոխման հրամանների բացակայությունը կարող է փոխել վերջնահաշվարկի օրերի քանակը: Կանխավ շնորհակալություն:
Ինչպե՞ս կատարել վերջնահաշվարկը
Գայանե.
Հարգելի հաշվապահներ, խնդրում եմ պատասխանել սկսնակիս հետևյալ հարցին: Աշխատողը գործատուի մոտ աշխատանքի է ընդունվել 07/06/2011թ-ին 82000 դրամ ամսական աշխատավարձով, աշխատանքից ազատվում է 01/04/2012թ-ին, նա այդ 10 ամիսների ընդացքում արձակուրդ չի գնացել, և նրա տարվա ընդհանուր եկամուտը կազմում է 905091 դրամ: Կազմակերպությունը աշխատում է հնգորյա շաբաթով: Ինչպե՞ս կատարեմ վերջնահաշվարկը, խնդրում եմ բացատրել մանրամասն: Կանխավ շնորհակալ եմ:
Ինչպե՞ս է կատարվելու վերջնահաշվարկը
Anna.
Աշխատում եմ 01.03.2009թ-ից: 01.02.2011թ-ից գտնվում եմ մինչև երեք տարեկան երեխայի խնամքի արձակուրդում: Բացի անաշխատունակության արձակուրդը այլ արձակուրդ (ամենամյա) չեմ ունեցել: Արձակուրդից հետո ցանկանում եմ ազատվել աշխատանքից: Խնդրում եմ ասեք` ինչպե՞ս է կատարվելու իմ վերջնահաշվարկը: Կանխավ շնորհակալություն:
Ազատման հրամանի ամսաթվի վերաբերյալ
Գայանե.
Հարգելի գործընկերներ, աշխատողը դիմում է գրել 01.03.2012-ին 02.04.2012թ-ից իրեն աշխատանքից ազատելու համար: Տնօրենը մակագրել է այն 19.03.2012թ-ին: Կարելի՞ է արդյոք ազատման հրամանը տալ 30.03.2012թ-ին, թե՞ պարտադիր պետք է տալ մակագրման ամսաթվով: Ազատումը լինելու է ՀՀ ԱՕ 112 հոդվածին համաձայն: Նախապես շնորհակալություն:
Թոշակառուի` աշխատանքից ազատում
Վահե.
Հարգելի հաշվապահներ, խնդրում եմ պատասխանեք հետևյալ հարցիս` վերջին փոփոխված աշխատանքային օրենսգրքով գործատուն կարո՞ղ է աշխատանքից ազատել աշխատողին, եթե աշխատողը ստանում է ծերունական կենսաթոշակ:
Վերջնահաշվարկի կատարում
Karine.
Բարև, հարգելի հաշվապաներ: Խնդրում եմ օգնեք, ես սկսնակ եմ ու պետք է կատարեմ վերջնահաշվարկ: Մանկավարժը աշխատել է սեպտեմբերի 1-ից մինչև հոկտեմբերի 22-ը, որից հետո մինչև դեկտեմբերի 28-ը եղել է բյուլետենում, այնուհետև աշխատել է հունվարը լրիվ ամիս և փետրվարի 29-ին դուրս է եկել աշխատանքից: Աշխատավարձը 24312 դրամ է: Ինչպե՞ս հաշվեմ վերջնահաշվարկը: Եթե հնարավոր է` գրեք մանրամասն: Շնորհակալություն:
Աշխատանքից ազատում
Ata.
Խնդրում եմ ինձ օգնեք այս հարցում. ինչպե՞ս կարող եմ ազատել աշխատանքից աշխատողին, եթե նա ոչ մի խախտում չունի: Ընդունել եմ աշխատանքի աշխատանքային պայմանագրով: Շնորհակալություն:
Ընդունման և ազատման հայտերը չեն ներկայացվել
Վահե.
Հարգելի հաշվապահներ, խնդրում եմ, ինձ օգնեք: Ես նոր հաշվապահ եմ, կանգնել եմ փաստացի խնդրի առջև: Սոցում անհատական հաշվետվությունների (Ձև Ֆ10) ներկայացման ժամանակ պարզվել է, որ նախկին հաշվապահը աշխատակիցների ընդունման և ազատման հայտերը չի ներկայացրել: Ասացեք, խնդրեմ, ի՞նչ տույժ և տուգանք է հասնում, և հիմա ի՞նչ պետք է անեմ: Նշեմ նաև, որ 2010թ. Ձև Ֆ10 տարեկան հաշվետվության համար վարչական տուգանք է եկել կազմակերպության վրա:
Կանխավ շնորհակալություն:
Տնօրենին աշխատանքից ազատելու վերաբերյալ
Հայկուհի.
Հարգելի հաշվապահներ, խնդրում եմ օգնել գտնելու ՍՊԸ-ի տնօրենին աշխատանքից ազատման որևէ օրենսդրական կարգ: Ի՞նչ քայլեր և ի՞նչ հերթականությամբ պետք է իրականացնել, եթե տնօրենն ուզում է ազատվել աշխատանքից իր դիմումի համաձայն: Շնորհակալություն:
Երեխայի խնամքի նպաստ ստանալու վերաբերյալ
Արթուր.
Ա/Ձ գնում է ֆիզ. արձակուրդ, իր տեղը ընդունում է աշխատող, օգտվում է 2 տարվա երեխայի արձակուդի խնամքից, 6 ամիս հետո դադարեցնում է գործունեությունը, ազատում աշխատողին: Արդյո՞ք նա կշարունակի ստանալ 18 000-ը: Հիմնավորեք պատասխանը ըստ օրենսդրության պահանջների:
Աշխատանքից ազատելու հետ կապված
Լիլի.
Բարև Ձեզ: Խնդրում եմ, ինձ շտապ պետք է այս հարցի պատասխանը. աշխատողը գտնվում է ֆիզ. արձակուրդում, ազատման հարց է առաջացել, ինչպե՞ս վարվեմ, նա դեռ ունի ևս 7 ամիս չվճարվող արձակուրդ:
Սոցապ անհատական հաշվետվության վերաբերյալ
Anna.
Եթե դեկտեմբերի 23-ին ներկա է դրվել տաբելում, և նույն օրը հաշվարկվել և վճարվել է աշխատավարձ+վերջնահաշվարկ, իսկ հրամանի տեքստում գրված է ազատել դեկտեմբերի 26-ից (24-շաբաթ, 25-կիրակի), այսինքն դեկտեմբերի 26-ին էլ չի աշխատելու: Իսկ անհատական հաշվետվությունում գրվում է հաշվետու ժամանակաշրջանի սկիզբ 01.01.2011թ, ավարտը 26.12.2011թ: Ես ճի՞շտ եմ գրանցել թե պետք է նշեմ ավարտը 23.12.2011թ.Եթե կարող եք օգնեք, դա շատ շտապ է: Շնորհակալություն:
Աշխատակիցների` աշխատանքից ազատման վերաբերյալ տեղեկություններ
Հասմիկ.
Հարգելի գործընկերներ, աշխատակիցների` աշխատանքից ազատման վերաբերյալ տեղեկությունները ո՞ր պետական մարմիններին են ներկայացվում: Այդ տվյալները ուշացումով ներկայացնելու դեպքում ինչպիսի՞ տույժեր են նախատեսված:
Արձակման նպաստի և վերջնահաշվարկի վերաբերյալ
Նինա.
Աշխատանքային օրենսգրքի 99 հոդվածի համաձայն համատեղությամբ աշխատողի աշխատանքային պայմանագիրը լուծվելու դեպքում համատեղությամբ աշխատողին արձակման նպաստ չի վճարվում: Սակայն ըստ նույն օրենքի վերջնահաշվարկ կատարվում է: Ո՞րն է տարբերությունը, որ համատեղությամբ աշխատողին արձակման նպաստ չի տրվում, սակայն վերջնահաշվարկ կատարվում է:
10-ից ավելի աշխատակիցների` աշխատանքից ազատում
Hayk.
Հարգելի հաշվապահներ, եթե կազմակերպությունը նույն ամսում իրենց դիմումի համաձայն ազատում է 10-ից ավելի աշխատակիցների, ի՞նչ խնդիրներ կարող է ունենալ օրենքի հետ: Նախապես շնորհակալ եմ:
Վերջնահաշվարկ
Hayk.
Հարգելի կոլեգաներ, խնդրում եմ ասեք` եթե աշխատակիցը մոտ երեք ամիս աշխատելուց հետո ազատվում է աշխատանքից իր դիմումի համաձայն, նրան վերջնահաշվարկ տալուց արձակուրդային հաշվարկվու՞մ է:
Հաշվապահական հաշվառման փաստաթղթերի հանձնում-ընդունում
Անուշիկ.
Խնդրում եմ պատասխանեք: Եթե աշխատողը գլխավոր հաշվապահն է, ուզում է աշխատանքից դուրս գալ, դիմումը գրել է մեկ ամիս առաջ, բայց ընդունող հաշվապահ չկա, ինչպե՞ս պետք է վարվի, 4-րդ եռամսյակի հաշվետվությունները հանձնել է, տարեկանն էլ գրել է, ու՞մ պետք է հանձնի փաստաթղթերը: Վերջնահաշվարկը ո՞վ պետք է անի:
Աշխատանքից ազատվելու դիմում
Կարինե.
Հարգելի գործընկերներ, խնդրում եմ ուղարկել աշխատանքից ազատվելու դիմումի ձև karine305 շնիկ rambler.ru
ԱՕ հոդված 115-ի հետ կապված
Սուսաննա.
Խնդրում եմ պատասխանել հետևյալ հարցին, կանխավ շնորհակալություն: Համաձայն ՀՀ աշխատանքային օրենսգրքի 115-րդ հոդված 1-ին կետի գործատուն իրավունք ունի 113-րդ հոդվածի 1-ին և 2-րդ կետերի հիմքով լուծել աշխատանքային պայմանագիրը, այս մասին աշխատողին 2 ամիս առաջ ծանուցմամբ, հակառակ դեպքում հաշվարկվում և ենթակա է վճարման նույն հոդված 2-րդ կետով սահմանված տուժանքը: Վերոգրյալ հոդվածի դրույթներից կարելի՞ է ենթադրել, որ գործատուն իրավունք ունի լուծել աշխատողի հետ կնքված պայամանգիրը ծանուցման հաջորդ օրվանից` վերջինիս վճարելով 115-րդ հոդվածի 2-րդ կետով սահմանված տուժանքը:
Ի՞նչ պատասխանատվություն է կրում գործատուն
Լոսի.
Ի՞նչ իրավունքներ ունի աշխատողը և ինչպիսի՞ պատասխանատվություն է կրում գործատուն աշխատողին 3 ամիս ուշացումով գրանցելու, իսկ գրանցելուց հետո պայմանագրում աշխատավարձը 50 տոկոսով պակաս ցույց տալու համար: Նաև եթե աշխատանքից ազատվելու դեպքում գործատուն հրաժարվում է վերջնահաշվարկ կատարել ու նաև վերադարձնել աշխատողի աշխատանքային գրքույկը:
Վերջնահաշվարկ
ԱՆԻ.
Բարև բոլորին: Խնդրում եմ պատասխանեք հարցիս: Եթե աշխատողն աշխատում է մի հիմնարկում 01/10/2010-ից և չի գնացել արձակուրդ, իսկ 31/12/2011 ազատվելու է աշխատանքից, ինչպե՞ս հաշվեմ վերջնահաշվարկ: Աշխատավարձը 40000 դրամ է և 6 աշխատանքային օր: Խնդրում եմ մանրամասն գրեք: Նախապես շատ շնորհակալ եմ:
Ինչպե՞ս հաշվել վերջնահաշվարկ
ԱՆԻ.
Բարև բոլորին: Խնդրում եմ պատասխանեք հարցիս. եթե աշխատողն աշխատում է մի հիմնարկում 01/10/2010-ից և չի գնացել արձակուրդ, իսկ 31/12/2011 ազատվելու է աշխատանքից, ինչպե՞ս հաշվեմ վերջնահաշվարկ: Աշխատավարձը 40 000 դրամ է և 6 աշխատանքային օր: Խնդրում եմ մանրամասն գրեք: Նախապես շատ շնորհակալ եմ:
Արդյո՞ք գործատուն իրավունք ունի լուծել աշխատանքային պայմանագիրը
Վիկտորյա.
Հարգելի գործընկերներ, արդյո՞ք գործատուն իրավունք ունի լուծել որոշակի ժամկետով կնքած աշխատանքային պայմանագիրը ժամկետը լրանալու պատճառով, եթե աշխատակիցը հղիության մասին տեղեկանք է ներկայացրել:
Վերջնահաշվարկ
Անի.
Բարև: Աշխատողը մեր կազմակերպությունում աշխատում է 2010թ-ից: Հուվար ամսին նա չի աշխատել և փոխարենը ստացել է արձակուրդային 63333, փետրվարից 1-ից անցել է սովորական աշխատանքի մինչև նոյեմբերի 30 70000 դրամ աշխատավարձով: Աշխատանքը 5-օրյա է: Խնդրում եմ օգնեք վերջնահաշվարկի հարցում:
Արդյո՞ք հասնում է վերջնահաշվարկ
Շուշանիկ.
Խնդրում եմ հնարավորինս ստույգ պատասխանեք հարցիս: Աշխատանքի եմ ընդունվել 01.09.2002թ: Աշխատանքից ազատվել եմ 15.10.2011թ. իմ դիմումի համաձայն: Աշխատել եմ դպրոցում որպես համակարգչային կաբինետի օպերատոր, աշխատավառձս 50000 դրամ: Առձակուրդս տրվել է ամեն տարի հուլիսի 1-28-ը: Ուզում եմ իմանալ, արդյո՞ք ինձ հասնում է վերջնահաշվարկ և ինչքա՞ն:
Կանխավ շնորհակալություն:
Ինչպե՞ս կատարել վերջնահաշվարկը
Սյուզի.
Բարև բոլորին: Խնդրում եմ պատասխանեք հարցիս. եթե աշխատողն աշխատում է մի հիմնարկում 01/10/2010-ից և չի գնացել արձակուրդ, իսկ այժմ ազատվում է աշխատանքից, ինչպե՞ս հաշվեմ վերջնահաշվարկ: Աշխատավարձը եղել է 40 000 և 6 աշխատանքային օր: Խնդրում եմ մանրամասն գրեք: Նախապես շատ շնորհակալ եմ:
Աշխատողը ազատման դիմում է գրել
Գայանե.
Հարգելի կոլեգաներ, աշխատողը ազատման դիմում է գրել 04.11.2011թ-ին` իրեն 16.11.2011թ.-ից ազատելու համար: Տնօրենը մակագրել է դիմումը 07.11.2011թ-ին և այդ նույն ամսաթվով տրվել է հրաման` 16.11.2011-ից աշխատողին ազատել համաձայն ՀՀ ԱՕ 110 հոդվածի: Արդյո՞ք ժամկետների առումով ամեն ինչ ճիշտ է, և բավարա՞ր է արդյոք միայն դիմումը մակագրելն ու հրամանը, թե՞ համաձայնագիր էլ պիտի կնքվի:
Նախապես շնորհակալ եմ:
Աշխատանքից ազատում բացակաների պատճառով
Համեստ.
Հարգելի կոլեգաներ, խնդրում եմ ինձ պատասխանել: Արդյո՞ք գործատուն իրավունք ունի աշխատողին ազատել աշխատանքից բացակաների պատճառով: Նշեմ ավելին, որ աշխատողը ունի 2 երեխա, նրանցից մեկը երկուսուկես տարեկան է, և աշխատողը նույնիսկ չի օգտվում նաև ընդմիջման ժամերից, ուղղակի մի ժամ շուտ է տուն գնում, և երկրորդ` արդյո՞ք պետական կազմակերպություններում իրավունք կա մեկ ընտանիքի անդամներով զբաղեցնել այդ հիմնարկության բարձր պաշտոննները` ամուսին, կին և այլն: Եթե հնարավոր է, գրեք այն կայքը, որից կարող եմ օտվել:
Ժամանակավոր աշխատանքային պայմանագրի լուծում
ANYA.
Խնդրում եմ օգնել, շտապ պետք է կողմնորոշվեմ, չեմ կարողանում:
Ընդունել ենք աշխատանքի ժամանակավոր աշխատանքային պայմանագրով մեկ ամիս տևողությամբ: Ժամկետը լրանում է, խնդրում եմ ասացեք` որ հոդվածներով առաջնորդվեմ, և ընդհանրապես հրաման տա՞մ, թե, ոչ, և եթե տամ` ինչ հոդված գրեմ: 111,3 հոդվածում միայն ասում է, որ ծանուցման ժամկետները չեն վերաբերվում, իսկ 101-ում, եթե շուտ ավարտենք, նոր կարող ենք այդ հիմքով ազատել, իսկ ես ի՞նչ հիմքով ազատեմ և ծանուցում տա՞մ, թե՞ ոչ: Ո՞վ կարող է ասել, թե ազատման հրամանի հիմքը ինչ նշեմ, խնդրում եմ կոնկրետ հոդվածի համարը նշեք, եթե կա այդպիսինը:
Աշխատողը չի օգտվել իր հերթական արձակուրդից
ԳՈՀԱՐ.
Աշխատողն աշխատել է 2 տարի, 2011թ. չի օգտվել իր հերթական արձակուրդից և որոշել է ազատվել աշխատանքից: Կարո՞ղ եմ նրան տրամադրել իրեն հասանելիք հերթական արձակուրդը, ենթադրենք նոյեմբերի 1-ից, իսկ արձակուրդից հետո ազատել աշխատանքից: Այդ դեպքում վերջնահաշվարկ հաշվու՞մ ենք, թե՞ ոչ, եթե այո, ի՞նչ կտրվածքով:
Ինչքա՞ն աշխատավարձ պետք է վճարվի
Սիրարփի.
Աշխատողը աշխատել է մեկ ամիս: Գործատուին տեղեկացրել է ամսվա վերջին օրը, որ չի աշխատելու հաջորդ օրվանից: Ինչքա՞ն աշխատավարձ պետք է վճարվի:
Աշխատանքից ազատում համաձայն ԱՕ 113 հոդվածի
Նարինե.
Բարև Ձեզ: Խնդրում եմ շտապ պատասխանել հետևյալ հարցերին.
1. Եթե հիմք ընդունելով ՀՀ ԱՕ հոդված 113 1 մասի կետ 5-ը` աշխատողին պետք է ազատել 120 կամ 123 հոդվածով, կատարած աշխատանքին չհամապատասխանելը գործատուն ի՞նչ փաստաթղթով պետք է ներկայացնի:
2.Եթե հիմք ընդունելով ՀՀ ԱՕ հոդված 113 1 մասի կետ 9-ը , աշխատողին պետք է ազատել 123 հոդվածով, ապա քանի՞ օր անհարգելի բացակայության դեպքում կարող է այն կիրառվել:
Նախապես շնորհակալություն:
Աշխատանքային գրքույկի վերաբերյալ
Գայանե.
Համատեղությամբ աշխատողն ազատվել է իր հիմնական աշխատավայրից, որտեղ նա չի պահանջել լրացնել համատեղությամբ աշխատելու մասին տվյալներ: Քանի որ այսուհետ մեր ընկերությունն է նրա համար հիմնական աշխատավայր, թույլատրելի՞ է արդյոք, որ նախկին աշխատավայրից նրան ազատելու վերաբերյալ գրառումից հետո լրացնենք համատեղությամբ աշխատելու մասին տվյալները, ինչպե՞ս նշենք գրքույկում, որ պարզ լինի ներկայումս նրա աշխատելու փաստը:
Աշխատողի պայմանագրի ժամկետը լրացել է
Անի.
Աշխատողի պայմանագրի և 2 ամսի երկարացման ծանուցագրի ու համաձայնագրի ժամկետը լրացել է, և այլևս նա չի աշխատում մեզ մոտ, պարտադի՞ր է նրա հեռացման համար տնօրենի հրաման:
Ինչքա՞ն վերջնահաշվարկ է հասնում
Գոհար.
Բարև:
Աշխատողը աշխատանքի է ընդունվել 01 մարտի 2011 թ: Ազատվել է 30.09.2011 թ-ին:
Ինչքա՞ն վերջնահաշվարկ է հասնում: Աշխատանքը հնգօրյա է: Շնորհակալություն:
Ինչքա՞ն կկազմի աշխատողին վճարվելիք գումարը
Ն.
Բարև ձեզ: Աշխատողն ինձ մոտ աշխատել է ապրիլի 1-ից հուլիսի 30, և հաշվարկվել է ամսական 65 000 դրամ աշխատավարձ, առձեռն 59 995 դրամ: Ասացեք խնդրեմ, ինչքա՞ն կկազմի աշխատողին վճարվելիք գումարը, որում ներառված կլինի վերջնահաշվարկը, և ինչքա՞ն կկազմի սոց. վճարն ու եկամտահարկը: Պե՞տք է տեղեկացնել այլ տեսչություններին ազատվելու մասին: Խնդրում եմ բացատրել քայլերով: Վերջում նշեմ` կազմակերպությունն աշխատում է շաբաթական 5 օր:
Նախապես շնորհակալություն:
Վերջնահաշվարկի վերաբերյալ
Քրիստինե.
Բարև Ձեզ, խնդրում եմ օգնեք.
1) եթե աշխատողը հերթական արձակուրդից 1 ամիս հետո ազատվում է աշխատանքից, վերջնահաշվարկ արվու՞մ է այդ 1 ամսվա համար:
2) վերջնահաշվարկի գումարից ինչպե՞ս է պահվում եկամտահարկը: Գումարե՞մ նրա աշխատավարձին, թե՞ առանձին դիտարկեմ:
3) վերջնահաշվարկի գումարը անհատական հաշվետվությունում (Ձև Ֆ10) ներառվու՞մ է,թե՞ ոչ:
Կանխավ շնորհակալություն:
Անհրաժեշտ է կատարել վերջնահաշվարկ
koko.
Հարգելի հաշվապահներ, անհրաժեշտ է կատարել վերջնահաշվարկ, եթե հնարավոր է` շտապ: Աշխատողը աշխատել է 9 ամիս: Առաջին 7 ամիսներին ստացել է 90000 դրամ, 8-րդ ամսում` 40000, 9-րդ ամսում աշխատել է մինչև 20.09.11թ: Հնարավորության դեպքում մանրամասնեք:
Արդյո՞ք պարտադիր է հրամանագիրք ունենալ
Մարիամ.
Հարգելի հաշվապահներ, խնդրում եմ պատասխանեք հնարավորինս արագ իմ հարցին: Հրամանագիրքը, որտեղ նշվում է աշխատողի ընդունման և ազատման հրամաններ, պարտադի՞ր է ունենալ:
Ինչքա՞ն վերջնահաշվարկ է հասնում
Գոհար.
Աշխատողը աշխատանքի է ընդունվել 01.03.2011թ., ամսական աշխատավարձը պայմանագրով կազմում է 40 000 դրամ, ազատվել է աշխատանքից 16.09.2011թ.: Ինչքա՞ն վերջնահաշվարկ է նրան հասնում:
Կազմակերպությունը փոխել է անվանումը
Անժելա.
Հարգելի գործընկերներ, խնդրում եմ հուշեք` ինչպես վարվեմ հետևյալ իրավիճակում: Կազմակերպությունը փոխել է անվանումը և հետևաբար կնիքը, մինչ անվանումը փոխելը աշխատողներ է ազատել աշխատանքից, սակայն աշխատանքային գրքույկներում ազատման գրառման տակ կնիք չի դրվել: Ի՞նչ պետք է անեմ հիմա, որպեսզի այդ մարդիկ հետագայում խնդիրներ չունենան: Միգուցե դնե՞մ այժմյան կնիքը, բայց միևնույն ժամանակ տեղեկանք տամ, որ կազմակերպությունն անվանափոխվել է: Նախապես շնորհակալություն:
Արդյո՞ք պետք է վերջնահաշվարկ կատարել
Արփինե.
Բարև ձեզ, ուզում եմ իմանալ, գործատուն աշխատողին աշխատանքից ազատել է ըստ աշխատանքային օրենսգրքի 113 հոդվածի 6 կետի, արդյոք վերջնահաշվարկ անել պե՞տք է, թե՞ ոչ:
Նախապես շնորհակալություն:
Չօգտագործված արձակուրդի փոխհատուցում
Արամ.
Հարգելի հաշվապահներ, աշխատողը կազմակերպությունում աշխատել է ընդամենը մեկ ամիս: Արդյո՞ք նրա աշխատանքից ազատվելուց պետք է հաշվարկեմ ու վճարեմ մեկ ամսվա համար հասանելիք արձակուրդային օրերի համար (որը մեր կազմակերպությունում կազմում է 2 օր): Շտապ է: Շատ շնորհակալ եմ:
Աշխատողի ազատման հետ կապված
Աննա.
Բարև ձեզ: Խնդրում եմ օգնեք ինձ և շատ շտապ: Եթե աշխատողը ֆիզ. արձակուրդից վերադարնալուց անմիջապես ազատման դիմում է գրում, ապա ՍՊԸ-ն իրավունք ունի՞ ազատել աշխատանքից, համաձայն աշխատողի դիմումի: Եթե ՍՊԸ-ն իրավունք չունի ազատելու, ապա տաբելում գրանցում են նրա անունը և պետ.բյուջե (գործ. սոց) վճարում կատարու՞մ են, եթե նա գտնվում մինչև մեկ տարեկան երեխայի խնամքի տակ: Շնորհակալություն:
Վերջին մեկնաբանություններ