Tag: ազատում

Լիլիթ. Խնդրում եմ, օգնեք: Աշխատողը մի դեպքում աշխատել է 11.07-ից 08.08-ը (համարյա 1 ամիս), մյուս դեպքում՝ 11.07-ից 31.07-ը: Իմ կարծիքով՝ երկու դեպքում էլ հարկավոր չէ հաշվարկել չօգտագործված արձակուրդայինի հատուցումը, սակայն կասկածում եմ և ուզում եմ իմանալ ձեր կարծիքը, քանի որ «Պարտադիր սոց. ապ. վճարների հաշվարկման և վճարման կարգի մասին» հրահանգում նշված է մինչև մեկ ամիս աշխատողների համար միջին օրականի հաշվարկի ձևը: Ակամա հարց է առաջանում` ինչի՞ համար է այն:

Գայանե. Հարգելի կոլեգաներ, խնդրում եմ պատասխանել: Հարցս հետևյալն է. Աշխատակցուհին ընդունվել է աշխատանքի 11.11.2002թ-ին: Վերջին անգամ արձակուրդ է գնացել 01.08.2011թ-ին և գրել է դիմում սեպտեմբերի 1-ից աշխատանքից ազատելու վերաբերյալ: Նրա 1 օրվա միջին աշխատավարձը կազմում է 1716 դրամ: Կազմակերպությունն աշխատում է 5-օրյա աշխատանքային գրաֆիկով: Արդյո՞ք պետք է վճարել վերջնահաշվարկ և եթե այո, ապա որքա՞ն: Նախապես շնորհակալ եմ:

Վահե. Բարև ձեզ, կխնդրեի պատասխանել, եթե աշխատողը ԱՁ-ի մոտ աշխատել է 4.5 ամիս, այնուհետև գնացել է ֆիզ. արձակուրդ մինչև երեխայի 2 տարին լրանալը, հիմա լրանում է երեխայի 2 տարին, և աշխատողը ցանկանում է ազատվել աշխատանքից, այս դեպքում պե՞տք է արդյոք վերջնահաշվարկ կատարել և աշխատողին վճարել 4,5 ամսվան բաժին ընկնող արձակուրդային օրերի համար:

ՍԵՎԱԿ. Հարգելի ընկերներ, խնդրում եմ պատասխանել հետևյալ հարցին. աշխատողի հետ կնքված աշխատանքային պայմանագիրը լուծելիս վերջինիս հետ կատարվել է վերջնահաշվարկ (որում ներառված են աշխատավարձի և չօգտագործված ամենամյա վճարովի արձակուրդի գումարները): Այս դեպքում արդյո՞ք պարտադիր է աշխատանքային գրքույկում փաստացի աշխատած ժամանակահատվածին ավելացնել չօգտագործած ամենամյա վճարովի արձակուրդի օրերը: s.aghabekyan շնիկ mail.ru

Վահե. Բարև ձեզ, խնդրում եմ պատասխանել մի հարցի. աձն վարում է մեկ հրամանների գիրք, որտեղ տալիս է հրաման աշխատանքի ընդունման, ազատման և նաև արձակուրդի հրաման մի հրամանների գրքում, որքանո՞վ է սխալ վարվում, և ինչպե՞ս վարվել: Շարունակե՞լ արձակուրդային, ընդունման և ազատման հրամանները մի գրքում գրել, թե՞ հաջորդ արձակուրդային հրամանը գրել առանձին գրքում: Շնորհակալություն:

Դիանա. Հարգելի հաշվապահներ, ինչպե՞ս տարբերակել անհատական իրավական ակտը ներքինից: Դե հասկանալի է, որ աշխատանքի ընդունման և ազատման հրամանները, պայմանագրերը, լրացուցիչ պայամանգրերը անհատական են, իսկ, օրինակ, հերթափոխով աշխատողների աշխատանքային ռեժիմը սահմանող ամեն շաբաթ ընդունվող հրամանը անհատակա՞ն է, թե՞ ներքին: Կարո՞ղ է արդյոք այն լինել և ներքին, և անհատական: Ինչպե՞ս պետք է մեկնաբանել "ԻՐԱՎԱԿԱՆ ԱԿՏԵՐԻ ՄԱՍԻՆ" ՀՀ օրենքի 2-րդ հոդվածի 6-րդ կետում գրված "որոշակի (բայց ոչ անհատական)" արտահայտությունը: Խնդիրը իրավական ակտերի մասին աշխատակիցներին պատշաճ կերպով իրազեկելու մեջ է, քանի որ անհատական իրավական ակտերի դեպքում բավական չէ դրանք, օրինակ, միայն էլ. փոստով աշխատակիցներին ուղարկելը, տվյալ դեպքում պե՞տք է յուրաքանչյուր աշխատակցի ստորագրությունը և բացի այդ էլ նրանց պետք է հանձնվի՞ մեկական օրինակ: Արդյո՞ք գոյություն ունի ցանկ, որտեղ հստակ տարբերակված են անհատական իրավական ակտերի տեսակները: Կանխավ շնորհակալություն

Anna. Հարգելի կոլեգաներ, խնդրում եմ, եթե կարող եք, ինձ ուղարկեք աշխատանքային պայմանագրի լուծման մասին ծանուցման օրինակ: Կանխավ շնորհակալություն:

Ողջույն, Ռուբեն. Ընկերության ֆինանսական վիճակը վատթարացել է, և եթե դրական փոփոխություններ չլինեն, ստիպված կլինի կրճատել անձնակազմի զգալի մասին: Խնդրում եմ հուշել` ինչպիսի ծախսեր կառաջանան արտադրական ծավալների կրճատման հետևանքով աշխատանքից ազատման դեպքում, և արդյո՞ք հնարավոր է որևէ կերպ կրճատել աշխատանքից ազատման հետ կապված ծախսերը: Հնարավորության դեպքում խնդրում եմ տրամադրել հղումներ համապատասխան նորմատիվ իրավական ակտերին: Կանխավ շնորհակալություն:

Anna. Խնդրում եմ պատասախանել հետևյալ հարցիս ֆիզ. արձակուրդի հետ կապված. աշխատողը 2009 թվականին ազատվել է աշխատանքից և 2011 թ. հունվարից նորից ընդունվել է աշխատանքի նույն կազմակերպությունում, այսինքն անաշախատունակության նպաստն առաջանալու պահին աշխատողն ունի աշխատած 4 ամիս: Հարցս հետևյալն է` իրավունք ունե՞մ մնացած 8 ամիսը վերցնեմ նախկին նույն աշխատավայրից, եթե ընդհատում է եղել:

Մարինե. Հարգելի մասնագետներ, խնդրում եմ պատասխանել հետևյալ հարցիս: Եթե աշխատողի ազատման դիմում գրում է, որպեսզի լուծվի իր պայմանագիրը հաջորդ ամսվա 1-ից, արդյո՞ք այդ օրը համարվում է իրեն համար աշխատանքային: Կանխավ շնորհակալություն:

Եվա. Հարգելի հաշվապահներ, խնդրում եմ հնարավորինս շուտ պատասխանել: Մեր ընկերության աշխատակիցը, որն աշխատում էր 2010թ. օգոստոս ամսից և արձակուրդ չի գնացել (վճարովի արձակուրդի մասին է խոսքը), 2011թ. ապրիլ ամսին իր հաշվին արձակուրդ է վերցրել (չվճարվող արձակուրդ) 1 ամիս ժամանակով և ժամկետի ավարտից հետո այլևս աշխատանքի չի ներկայացել: Իմացանք, որ արտերկիր է գնացել: Հիմա պետք է աշխատանքից ազատենք: Ինչպե՞ս վարվել: Ազատման դիմում չկա: Արդյո՞ք չօգտագործած արձակուրդի փոխհատուցում տրվելու է: Ասեմ, որ աշխատած-չվճարված օրական չունի: Եթե հաշվարկեմ, ապա ու՞մ վճարեմ:

Անի. Հարգելի հաշվապահներ, ես գնացել եմ ֆիզ. արձակուրդի մայիսի 16-ից, պայմանագրիս ժամկետը ավարտվում է հուլիսի 1-ին, ինչպե՞ս պետք է հաշվարկվի հղիության և ծննդաբերության նպաստը, 140 օրվա պե՞տք է վճարեն, թե՞ ոչ, կանխավ շնորհակալություն:

Ջեմմա. Բարև ձեզ: Եթե հղիության 5-րդ ամսին աշխատողը ազատվել է աշխատանքից, ֆիզարձակուրդ հաշվարկվու՞մ է, թե՞ ոչ:

Սևակ. Հարգելի ընկերներ, ունեմ մեկ հարց փոխարինող աշխատողի հետ կնքված աշխատանքային պայմանագրի լուծման մասին: Փոխարինող աշխատողի հետ կնքված աշխատանքային պայմանագիրը լուծելուց քանի՞ օր առաջ պետք է ծանուցել վերջինիս:

MERIKO. Աշխատողի աշխատանքից ազատման դեպքում չօգտագործված արձակուրդային օրերի դիմաց փոխհատուցվող գումարը հարկվու՞մ է սոց. վճարով, և հաշվարկվու՞մ է արդյոք վերջնահաշվարկում արձակուրդային օրեր, եթե տվյալ կազմակերպությունում աշխատել է երեք ամիս:

Susanna. 2010թ. դեկտեմբերի 30-ին 10 աշխատողներ աշխատանքից ազատվեցին պայմանագրի ժամկետը լրանալու պատճառով: Մայիսի 1-ից նորից նույն աշխատողներին պետք է ընդունենք աշխատանքի, ասացեք խնդրեմ, նրանց համար ձևաթուղթ պե՞տք է ներկայացվի սոցապ:

Ֆլորա. Հարգելի հաշվապահներ, ծառայության մատուցման պայմանագրով աշխատողի համար հայտ եմ ներկայացնում, արդյո՞ք հետո անհրաժեշտ է ներկայացնեմ նաև աշխատանքից ազատման անհատական հաշվետվություն: Կանխավ շնորհակալություն արձագանքելու համար:

Էմմա. Եթե աշխատողը 15.11.2010թ. ընդունվել է աշխատանքի, արձակուրդ չի գնացել և 04.04.2011թ. ազատվում է աշխատանքից, նոր օրենքով ինչպե՞ս պետք է տալ վերջնահաշվարկ:

Սվետլանա. Հարգելի հաշվապահներ, ես նույնպես մինչև այժմ վերջնահաշվարկից սոց. չեմ հաշվարկել, սակայն միշտ անհամապատասխանություն եմ տեսել: Այժմ ես մեկ անգամ ևս մանրամասն կարդացի "Հարկ վճարողի սեղանի գիրքը" և էջ 210-ում` "Աշխատանքային պայմանագիրը լուծվելու դեպքում" պարբերության մեջ վերջին նախադասությունը մանրամասնում է` վարձու աշխատողին վճարվող վերջնահաշվարկի գումարը կազմող աշխատավարձից և դրան հավասարեցված այլ վճարումներից սոցիալական վճարները հաշվարկվում են ընդհանուր սահմանված կարգով: Այսինքն չօգտագործված արձակուրդը, որը աշխատողին աշխատանքից ազատվելիս վճարվում է, դիտվում է որպես աշխատավարձին հավասարեցված վճարում: Դա նպաստ կամ այլ փոխհատուցում չէ: Հարգարժան հաշվապահներ, խնդրում եմ արձագանքել:

ԱՆՆԱ Ա.. Շնորհավորում եմ բոլոր կանանց գալիք տոնը: Հարգելիներս, ասացեք խնդրեմ, կարո՞ղ եմ արդյոք աշխատանքի ընդունման և ազատման հրամանների համար տարբերակված համարակալումներ դնեմ, օրինակ աշխատանքի ընդունման հրամանների համար` 001-ԱԸ, 002-ԱԸ, իսկ ազատման հրամանների համար` 001-ԱԱ, 002-ԱԱ: Որտե՞ղ կարող եմ գտնել այս հարցի պատասխանը:

Ֆլորա. Հարգելի հաշվապահներ, աշխատողի աշխատանքից ազատվելու դիմումի համաձայն տնօրենը 28.12.2010-ին հրաման է գրել 10.01.2011թ-ին աշխատողին աշխատանքից ազատելու և վերջնահաշվարկ կատարելու մասին: Խնդրում եմ ասեք, 2011թ.-ի այդ 10 օրվա համար աշխատողը վարձատրվելու՞ է, թե՞ ոչ, իսկ աշխատողին վճարվել է միայն 10 չօգտագործված արձակուրդի համար:

Ֆլորա. Հարգելի հաշվապահներ, կազմակերպությունը, որը հունվարին ունեցել է մեկ աշխատող` տնօրեն, դադարեցրել է գործունեությունը, իսկ մարտին նորից վերսկսել: Այս դեպքում տնօրենին պե՞տք էր ազատել աշխատանքից հունվարին և մարտին նորից աշխատանքի ընդունել: Կանխավ շնորհակալություն:

Սուսաննա. Բարև ձեզ, հարգելի հաշվապահներ: Խնդրում եմ ինձ շտապ պատասխանեք: Իմ աշխատակիցներից մեկը ընդունվել է աշխատանքի 01.06.2005թ, սակայն 2010թ հուլիս ամսին գտնվել է արձակուրդում: Մարտի 15-ին ազատվել է աշխատանքից: Քանի՞ ամսվա վերջնահաշվարկ պետք է հաշվարկեմ:

Անահիտ. 6 ամսվա աշխատող եմ և գտնվում եմ հղիության 5-րդ ամսում: Կցանկանայի իմանալ, թե ինչպիսի փոփոխություններ են տեղի ունեցել հղիության ու ծննդաբերության նպաստ ստանալու հետ կապված, և այդ փոփոխություններով արդյո՞ք ինձ տրամադրվելու է օրինական վճարովի արձակուրդ: Եթե այո, ինչպես է հաշվարկվելու: Աշխատավարձս 55000 դրամ է: Եվ եթե պայմանագրիս ժամկետը լրանա ֆիզարձակուդիս ընթացքում, կարո՞ղ են ինձ աշխատանքից հեռացնել, թե՞ ոչ: Պատասխանելիս, եթե կարելի է, նշեք հոդվածները: Շնորհակալություն:

Մարինա Ղազարյան. Բարև ձեզ: Խնդրում եմ պատասխանեք, եթե աշխատող է ընդունվում կամ ազատվում, ո՞ր բաժինն է տալիս այդ հաշվետվությունները, կադրերի՞ բաժինը, թե՞ հաշվապահությունը: Խնդրում եմ հնարավորության դեպքում արագ պատասխանել: Կանխավ շնորհակալություն:

Էլլա. Բարև ձեզ: Աշխատողը աշխատել է 2010թ. դեկտեմբերի 1-ից մինչև 2010թ. դեկտեմբերի 31-ը, այսինքն` մեկ ամիս: Ինչպե՞ս կարող եմ վերջնահաշվարկ կատարել, եթե ամսական աշխատավարձը 50 000 դրամ է: Իմ կարծիքով՝ վերջնահաշվարկ չի կատարվում, որովհետև միջին ամսական աշխատավարձը = 0:

Աննա. Հարգելի հաշվապահներ, խնդրում եմ ինձ օգնեք հետևյալ հարցում: Աշխատողը գնացել է արձակուրդ 11.02.2011-08.02.2011: Սակայն արձակուրդի ընթացքում աշխատողը ներկայացրել է դիմում աշխատանքից ազատման: Հունվարին հաշվարկել եմ 33333, իսկ փետրվարին 14286: Հաշվարկել եմ 3% - 1000դր հունվարի համար, իսկ փետրվարի - 429 դրամ: Գործատուի սոցը հունվարի համար հաշվարկել եմ 8999, իսկ փետրվարին արդյո՞ք գործատուն սոց. չի վճարում:

Anna. Հարգելի հաշվապահներ, խնդրում եմ օգնեք, կազմակերպությունը արդեն մի քանի տարի է չի աշխատում, հիմնադիրը հանդիսանում է նաև տնօրեն: Այդ ընթացքում վճարվել են սոց. ապ. վճարները և ներկայացվել են հաշվետվություններ: Ուզում ենք դիմում գրել հարկային տեսչություն կազմակերպության գործունեության դադարեցման վերաբերյալ: Կարող եմ արդյոք հիմնադրին (տնօրենին) ազատել աշխատանքից, որպեսզի ազատվենք անիմաստ պարտականություններից: Կանխավ շնորհակալ եմ:

ԱՆՆԱ Ա. Բարև Ձեզ, հարգելի հաշվապահներ: Ասացեք խնդրեմ, եթե աշխատողը ներկայացրել է մի քանի օր անց աշխատանքից ազատվելու դիմում, իսկ գործատուն էլ չունի որևէ առարկություն այդ կապակցությամբ, ի՞նչ փաստաթղթեր պետք է կազմվեն և աշխատանքային գրքույկի 4-րդ սյունակում ի՞նչ պետք է լրացվի: Համաձայն "Աշխատանքային գրքույկի ձևը, աշխատանքային գրքույկ վարելու և կրկնօրինակ տրամադրելու կարգ"-ի 4-րդ սյունակում գրվում է գրառման հիմքը` իրավական ակտի համարը, ընդունման օրը, ամիսը, տարեթիվը: Այստեղ ինձ համար պարզ չէ` պետք է լրացնեմ ազատման հրամանի թե պայմանագիրը լուծելու համաձայնագրի համարը, օրը, ամիսը, տարեթիվը: Նախապես շնորհակալություն:

Վիկա. Աշխատանքի ընդունման և ազատման ժամանակ հաշվետվություն ի՞նչ ժամանակահատվածում պետք է հանձնել:

Ella. Հարգելի հաշվապահներ, խնդրում եմ պատասխանեք հետևյալ հարցիս: Այն շատ շտապ է: Կազմակերպությունը աշխատող է ընդունել 01.04.09թ, ազատվել է աշխատանքից 30.12.10թ, արձակուրդ չի գնացել,կազմակերպությունը աշխատում է 5 օրյա ռեժիմով: Ինչպե՞ս կարող եմ վերջնահաշվարկ կատարել, եթե ամսական աշխատավարձը 50000 դրամ է:

Արմինե. Բարև ձեզ, սիրելի հաշվապահներ: Ես մարզադպրոցի հաշվապահ եմ: Մարզիչս փետրվարի 7-ին ազատվել է աշխատանքից: Հիմա ես նրան պետք է վճարեմ հունվարի աշխատավարձ + փետրվարի 7օրվա աշխատավարձ + վերջնահաշվարկ: Վերջնահաշվարկը հաշվելիս, եթե 1 ամսվան հասնում է 2.5օր արձակուդային, ապա փետրվարի 7 օրվան ինչքա՞ն արձակուրդային օր հաշվեմ: Խնդրում եմ շտապ պատասխանեք:

Ella. Եթե աշխատողին վճարել են ամսվա վերջում աշխատավարձ 31/01/11, և այդ օրը աշխատողը գրում է ազատման դիմում, և ազատման հրամանը տրվել է 31/01/11, ես ինչպե՞ս և ե՞րբ կարող եմ վճարել չօգտագործված արձակուրդի գումարը, որ հունվար ամսվա եկամտահարկը շեղում չտա: Ես աշխատավարձից արդեն գանձել եմ եկամտահարկ, ես կարո՞ղ եմ եկամտահարկ հաշվարկել չօգտագործված արձակուրդի գումարից: Շնորհակալ եմ:

Քրիստինե. Ո՞ր հիմքով կարելի է ազատել աշխատանքից հղի կնոջը:

Լուսինե. Հարգելի հաշվապահներ, ես սկսնակ հաշվապահ եմ և ձեր օգնության կարիքն ունեմ: ՍՊԸ-ի երկու աշխատակցի պետք է ազատեմ աշխատանքից նախորդ տարվա դեկտեմբերի 30-ով: Ինչպե՞ս կատարել վերջնահաշվարկ, եթե նրանք աշխատում են 2010թ-ի սեպտեմբերի 2-ից, նշեմ աշխատավարձի չափերը՝ 45000 և 40000 դրամ: Հնարավորության դեպքում կխնդրեի նշել, թե ուրիշ ինչ ունեմ անելու բացի վերջնահաշվարկից: Շատ շնորհակալ կլինեմ բոլոր արձագանքողներից, քանզի խնդրանքս շտապ է:

Մարգարիտա. Հարգելի հաշվապահներ, եթե աշխատողին ազատում ես աշխատանքից, այդ մասին աշխատանքի տեսչություն հաշվետվություն ներկայացնու՞մ ես, թե՞ ոչ, կամ ու՞մ ես այդ մասին հաշվետվություն ներկայացնում: Շնորհակալություն: megi.torosyan շնիկ mail.ru

Արմինե. Բարև ձեզ, հարգելի հաշվապահներ: Ես մարզադպրոց ՊՈԱԿ-ի հաշվապահն եմ: Մեր մարզիչներից մեկը, որը աշխատում է վեցորյայով, դրույքը 42900դրամ է, և նրա արձակուրդը 35 օրացույցային օր է, որը, ինչքանով որ տեղյակ եմ, դարձել է 30 աշխատանքային, վերջին արձակուրդը գնացել է 2010թ-ի օգոստոսին, 2011թ հունվարի 20-ից ազատվել է աշխատանքից: Խնդրում եմ ասեք` ինչպես կատարեմ վերջնահաշվարկը: Հունվարի աշխատավարձն հաշվե՞մ այսպես 42900/23*13: Աշխատավարձն ու վերջնահաշվարկը գումարե՞մ իրար, հետո կատարե՞մ պահումները: Նախապես շնորհակալ եմ: Խնդրում եմ շուտ պատասխանեք:

Ella. Խնդրում եմ պատասխանել հետևյալ հարցին։ Եթե աշխատողը գրում է ազատման դիմում և հիմումի մեջ նշում է, որ խնդրում է ազատել ամսի 20–ից, նախորդ օրը՝ 19–ը, համարվու՞մ է որպես վերջին աշխատանքային օր այդ աշխատողի համար։

Gayane. Բարև ձեզ, հարգելի հաշվապահներ: Խնդրում եմ ինձ օգնեք այս հարցում. 2009թ-ի նոյեմբերի 25-ից կազմակերպությունը ընդունել է աշխատող, մինչև 2011թ-ի հունվար ամիսը արձակուրդ չի գնացել, հունվարի 10-ից ազատվում է աշխատանքից, ես իրեն ինչպե՞ս եմ վերջնահաշվարկ կատարելու:

Վահե. Հարգելի գործնկերներ, խնդրում եմ ուղարկել, եթե հնարավոր է, աշխատանքի ընդունման, ազատման, գործուղման և արձակուրդի հրամանի ձևեր: Կանխավ շնորհակալ եմ: vahe_tigranyan շնիկ mail.ru

Narine. Բարև ձեզ, Իսկ կարո՞ղ եք ասել, եթե աշխատողը ընդունվել է աշխատանքի 06.12.10 և ազատվում է 30.12.10թ, այս դեպքում կատարվու՞մ է վերջնահաշվարկ: Կանխավ շնորհակալ եմ:

Ալլա. Հարգելի հաշվապահեր, խնդրում եմ օգնեք հետևյալ հարցում: 30.12.10-ին ՍՊԸ-ն ժամանակավորապես դադարեցման դիմում է ներկայացրել ՀՏ-ին: Սակայն ընկերության 3 աշխատակիցներ չեն ազատվել աշխատանքից, չի կատարվել վերջնահաշվարկ: Ինչպե՞ս վարվեմ, որպեսզի խախտումներ չլինեն: Կարո՞ղ եմ նրանցից համաձայնագրեր վերցնել աշխատավարձ չվճարելու վերաբերյալ, կամ... Ընկերությունը այլ եկամուտներ չունի, որպեսզի գոնե կատարի սոցապ հատկացումները: Կանխավ շնորհակալ եմ բոլորից:

Անի. Բարև Ձեզ, խնդրում եմ օգնեք, աշխատանքային գրքույկում ազատվելու հիմքը գրու՞մ ենք, թե՞ ոչ:

Raya. Եթե նույն գործատուի մոտ վարձու աշխատողը ազատվում և ընդունվում է աշխատանքի նույն օրը, ապա պե՞տք է կատարել վերջնահաշվարկ:

Նինա. Խնդրում եմ ուղարկել աշխատանքի ընդունման, ազատման, գործուղման հրամանի ձևեր: Նախապես շնորհակալ եմ:

Արմինե. Հարգելի կոլեգաներ, ես աշխատում եմ մարզադպրոց ՊՈԱԿ-ում: Սեպտեմբերի 14-ին ընդունել եմ աշխատանքի մարզիչին և նոյեմբերի 1-ին ազատել: Խնդրում եմ ասեք, ես վերջնահաշվարկ պե՞տք է տամ, թե չէ: Եթե տամ, ապա ինչպե՞ս հաշվեմ ու ի՞նչ ետպահում պետք է անեմ: Խնդրում եմ շտապ պատասխանել:

Գետա. Հարգելի հաշվապահներ ինչպես է հաշվարկվում վերջնահաշվարկը: