Category: Աշխատավարձ, կադրեր

Ինչպե՞ս իմանալ՝ աշխատողը գրանցված է, թե ոչ

Արթուր.

Հաշվապահներ ջան, ո՞նց իմանամ՝ գրանցված աշխատող եմ, թե չէ, գործատուն ինձ գրանցել է, թե չէ: Շնորհակալ եմ:

Աշխատանքի վարձատրություն քաղաքացիաիրավական պայմանագրի դեպքում

Աստղիկ․

Բարև ձեզ, հարգելի գործընկերներ: Խնդրում եմ օգնել մի հարցում: Քաղաքացիաիրավական պայմանագրով աշխատողի աշխատավարձը սահմանվել է 100 000 դրամ: Հունվար ամսին նա աշխատել է 22 օր, բնականաբար տոն օրերին ևս: Խնդրում եմ, ասեք՝ ինչքա՞ն կկազմի նրա միջին օրականը և հունվարին վճարվելիք աշխատավարձը: Կանխավ շնորհակալ եմ:

Արձակուրդայինի հաշվարկ

Ասլան․

Բարև ձեզ։ Աշխատում եմ ապտեկայում գիշերային հերթափոխով՝ երեկոյան ժամը 21։00-ից մինչև առավոտյան 09։00-ն, օրը մեջ, ամսական 15 հերթափոխ, աշխատավարձս 75 000 դրամ է, գումարած միջինը 55 000 դրամ բոնուսի տեսքով։ 6 ամսվա աշխատող եմ ու 12 օրով արձակուրդ եմ գնում։ Ինչպե՞ս են հաշվարկելու արձակուրդայինս։ Ու մի բան էլ՝ 75 000 դրամը հարկվածն է։ Արձակուրդայինը նույնպե՞ս հարկվում է:

Ինչպե՞ս նշել աշխատանքի վարձատրության ձևը պայմանագրի մեջ

Հայկ․

Բարև ձեզ: Այսպիսի հարց ունեմ․
Աշխատակիցը 2020թ. հունվարից աշխատում է համատեղությամբ՝ շաբաթական 10 ժամ, այսինքն՝ օրական 2 ժամ: Ստանում է մաքուր 50 000 դրամ աշխատավարձ՝ ֆիքսված: Աշխատանքային պայմանագրում նշել եմ ոչ լրիվ աշխատաժամանակ, սակայն աշխատանքի վարձատրության ձևը ի՞նչ պետք է նշել: Եթե ժամավճար գրեմ, արդյո՞ք սխալ չի լինի, քանի որ ամեն ամիս աշխատած ժամերի հանրագումարը կարող է տարբեր լինել:
Կանխավ շնորհակալություն:

Հաստիքների կրճատման հետևանքով աշխատակիցը ազատվել է աշխատանքից

Լիանա.

Հարգելի գործընկերներ, խնդրում եմ օգնել: Եթե հաստիքների կրճատման հետևանքով աշխատակիցը ազատվել է աշխատանքից, և նրան պատշաճ ծանուցվել է ազատման մասին երկու ամիս առաջ, ծանուցագիրը ստացել և ստորագրել է ինքը անձամբ, կատարվել է վերջնահաշվարկ աշխատակցի հետ: Երկուսուկես ամիս անց նա պնդում է, որ հղի է և ապօրինի է ազատվել աշխատանքից, բայց նա հղիությունը փաստող ոչ մի փաստաթուղթ չի ներկայացրել այդ երկու ամսվա ընթացքում և փորձում է դատական կարգով այդ հարցը լուծել: Արդյո՞ք հնարավոր է վերականգնել, թե՞ ոչ: Նախապես շնորհակալություն:

Պե՞տք է արդյոք ՍՊԸ-ն անկանխիկ վճարի աշխատավարձը

Ռուզան.

Բարև ձեզ, հարգելի հաշվապահներ: Խնդրում եմ, արձագանքեք: Եթե ՍՊԸ-ն 01.01.2020թ. դրությամբ ուներ 10 աշխատող, իսկ 25.01.2020թ.-ին՝ 9 աշխատող, պարտավո՞ր է անկանխիկ վճարել աշխատավարձը:

Անկանխիկ վճարման պահանջի վերաբերյալ

Հռիփսիմե.

Հարգելի գործընկերներ, խնդրում եմ պատասխանել հետևյալ հարցին. արդյո՞ք Երևանում 10-ից ավել աշխատող ունեցող կազմակերպությունը անկանխիկ եղանակով պետք է վճարի նաև վերջնահաշվարկները, արձակուրդային վճարները, նպաստները, պարգևավճարները, հավելավճարները և այլն, թե՞ դրանց կամ դրանց մի մասի համար թույլատրելի է կանխիկ վճարումը: Ինչպես նաև, եթե կարելի է, նշեք այս կետի խախտման դեպքում նախատեսված պատասխանատվության մասին իրավական ակտը: Կանխավ շնորհակալություն:

Հիվանդության նպաստի հաշվարկը ինչպե՞ս է կատարվում

Գուրգեն․

Եթե հիվանդը 4 ամիս գտնվում է բյուլետենի մեջ, հնարավո՞ր է, որ առաջին ամսվա 21 օրվա համար ստանա ուրիշ գումար, երկրորդ ամսվա 21 օրվա համար ուրիշ, երրորդ և չորրորդ ամիսներին ուրիշ, և ի վերջո ինչպե՞ս պետք է հաշվել, նախապես շնորհակալություն։

Հնարավո՞ր է արդյոք ժամկետից շուտ գնալ ֆիզ. արձակուրդ

Լյուսի.

Բարև ձեզ: Ես գտնվում եմ հղիության 14-րդ շաբաթում։ Աշխատանքս ոտքի վրա է և ստեղծում է լուրջ առողջական խնդիրներ։ Կասե՞ք, խնդրեմ, հնարավո՞ր է արդյոք ժամկետից շուտ գնալ ֆիզ. արձակուրդ:

Որքա՞ն կլինի աշխատողի ստաժը

Գուգո․

Բարև ձեզ։ Սովորել եմ 4 տարի 8 ամիս և աշխատել եմ 7 ամիս, իմ ստաժը կլինի 5 տարի 3 ամի՞ս, թե՞ 6 տարի։

Արդյո՞ք անձը կստանա նպաստ

Արուս.

Բարև ձեզ: 31 շաբաթական հղի եմ, և բյուլետենը արդեն բացվել է: Ունեմ Ա/Ձ ընտանեկան ձեռնարկատիրություն, որը սոց. չի վճարում, 3 ամիս է գրանցված աշխատող եմ այլ Ա/Ձ-ում, նաև քաղաքացիաիրավական պայմանագրով աշխատում եմ: Հարցս հետևյալն է՝ արդյո՞ք կստանամ ֆիզ. արձակուրդի գումարը և աշխատող մայրերի՝ երեխայի խնամքի նպաստը (18 000 դրամը):

Աշխատողը գտնվում է ժամանակավոր անաշխատունակության մեջ

Ռուզաննա Խանզադյան.

Բարև ձեզ: Ինձ հետաքրքիր է մի հարց, խնդրում եմ, պատասխանեք: Եթե աշխատողը վթարի է ենթարկվել, արդեն մեկ ամիս է հիվանդանոցում է, եկամտային հարկի հաշվետվության մեջ ինչպե՞ս եմ ցույց տալու:

Կարո՞ղ է գործատուն նվազեցնել աշխատավարձը

Անուշ.

Կարո՞ղ է արդյոք գործատուն կեղտոտ աշխատավարձը իջեցնել, որպեսզի աշխատողը ստանա նույն աշխատավարձը, որքան մինչ եկամտային հարկի սանդղակի փոփոխությունն էր: Դա օրինակա՞ն է, թե՞ ոչ: Խնդրում եմ օրենքի հղում, եթե կա:

Ծանուցման ժամկետները աշխատանքից ազատվելու դեպքում

Աստղիկ.

Բարև ձեզ: Խնդրում եմ օգնել: Գլխավոր հաշվապահն ուզում է ազատվել աշխատանքից: Քանի՞ օր առաջ պետք է դիմում ներկայացնի տնօրենին ըստ օրենքի: Ասեմ, որ 30 օր չի ուզում սպասել, քանի որ մեկնելու է արտերկիր: Ասացեք, խնդրեմ, ինչպե՞ս է հարցը կարգավորվում: Շնորհակալություն:

Որքա՞ն է սոցիալական վճարի դրույքաչափը 2020թ․ հունվարի 1-ից հետո

Արմինե.

Հարգելի գործընկերներ, շնորհավոր բոլորի անցած տոները: Խնդրում եմ պատասխանել՝ որքա՞ն է կազմում սոցիալական վճարը 2020թ. հունվարի 1-ից հետո, քանի որ տարբեր կարծիքներ եմ լսել: «Կուտակային կենսաթոշակների մասին» ՀՀ օրենքում ասվում է.
Հոդված 81, մաս 8.1.
Մինչև Հայաստանի Հանրապետության հարկային օրենսգրքով անհատ ձեռնարկատեր և նոտար չհանդիսացող ֆիզիկական անձանց եկամուտների՝ եկամտային հարկով հարկման բեռի նվազեցումը սույն օրենքի 5-րդ հոդվածի 1-ին մասի 1-ին և 2-րդ կետերով սահմանված անհատ ձեռնարկատեր և նոտար չհանդիսացող անձանց համար սույն օրենքի 6-րդ հոդվածի 2-րդ մասի 1-ին կետով նախատեսված սոցիալական վճարի կեսը, սակայն ոչ ավել, քան 12500 դրամ, կատարում է պետությունը:

Ստացվում է, որ սոց. վճարը 2020թ. հունվարի 1-ից հետո պետք է կազմի 5 %, քանի որ պետությունը այլևս չի մասնակցում աշխատողի սոց. վճարի վճարմանը, սակայն շատ տեղերում ասում են, որ սոց. վճարի դրույքաչափը մնացել է անփոփոխ՝ 2,5 %:

Արդյո՞ք անձը կստանա մայրության նպաստ

Լուսինե.

Բարև ձեզ: Ձեր տոները շնորհավոր!!!
Մի էսպիսի հարց ունեմ.
Ես այժմ գտնվում եմ երեխայի խնամքի արձակուրդում, որը ձևակերպել եմ ֆիզ. արձակուրդից հետո: Կարո՞ղ եմ այս դեպքում առանց աշխատանքի վերադառնալու նորից ֆիզ. արձակուրդ գնալ: Եթե այո, ապա արդյո՞ք մայրության նպաստ կստանամ նորից: Որովհետև մայրության նպաստը հաշվարկվում էր ֆիզ. գնալու օրվան նախորդող մեկ տարվա միջին աշխատավարձով, իսկ նկարագրածս պարագայում մայրը փաստորեն աշխատավարձ չի ստացել խնամքի արձակուրդում լինելու պատճառով:
Երկար ստացվեց, բայց շատ շնորհակալ կլինեմ պատասխանելու համար:

Որքա՞ն է ուսուցչի շաբաթական աշխատաժամանակը

Լուսինե․

Բարև ձեզ։ Խնդրում եմ, ինձ շտապ պետք է գտնել հարցիս պատասխանը, եթե օգնեք, շատ շնորհակալ կլինեմ։
Ուզում եմ իմանալ՝ ուսուցիչների աշխատաժամանակի հաշվարկն ինչպես է կատարվում, արդյոք կա՞ որևէ հիմք հանդիսացող աղյուսակ (կողմնորոշիչ աղյուսակ)։ Օրինակ՝ եթե ուսուցիչն ունի շաբաթական 18 ժամ ծանրաբեռնվածություն և նաև դասղեկ է, որքա՞ն է նրա շաբաթական աշխատաժամանակը։

Ո՞ր կատեգորիայի աշխատողները կարող են հրաժարվել աշխատավարձը անկանխիկ ստանալու եղանակից

Մագա.

Բարև ձեզ: Տեղեկացել եմ, որ 2020թ. հունվարի 1-ից ուժի մեջ է մտնելու անկանխիկ եղանակով աշխատավարձի վճարման մասին օրենքը, որը վերաբերելու է միայն Երևան քաղաքին: Գիտեմ նաև, որ աշխատողը կարող է հրաժարվել վճարման նման եղանակից և ընտրել կանխիկով վճարումը: Խնդրում եմ, պարզաբանեք՝ ո՞ր կատեգորիայի աշխատողները կարող են, թե՞ համատարած բոլորը:

Չօգտագործված արձակուրդի քանի՞ օր ունի աշխատակիցը

Արսեն.

Ողջույն: Ընդհանրապես շաբաթական 5-օրյա աշխատանքի դեպքում տրամադրվում է 20 աշխատանքային օր արձակուրդ: Ես աշխատել եմ 1,5 տարի և հիմա որոշել եմ ազատվել աշխատանքից: Արձակուրդից օգտվել եմ վերջերս և գնացել եմ 25 աշխատանքային օր արձակուրդ: Այս պահին ես դեռ քանի՞ օր ունեմ արձակուրդային, այսինքն՝ վերջնահաշվարկին քանի՞ օր կհաշվարկվի: Շնորհակալություն:

Աշխատակիցը պետք է մեկնի հղիության և ծննդաբերության արձակուրդ

Հայկ.

Բարև ձեզ: Կխնդրեի օգնել:
Եթե աշխատակիցը պետք է գնա հղիության և ծննդաբերության արձակուրդ, նրա նպաստի հաշվարկման համար նախորդող 12 ամիսները չեն ձևավորվում, քանի որ ընդունվել է աշխատանքի 6 ամիս առաջ, ապա միջին աշխատավարձի հաշվարկման համար հանրագումարը բաժանում ենք 12-ի՞, թե՞ 6-ի: Եվ նաև կուզեի իմանալ՝ միջին օրական աշխատավարձը բազմապատկում ենք աշխատանքային օրերի թվո՞վ, թե՞ օրացուցային օրերով: Եթե կարելի է, գրեք ամենավերջին փոփոխությունը օրենքի հղումով: Նախապես շնորհակալություն:

Ինչպե՞ս է կատարվելու աշխատավարձի հաշվարկը 2020թ․ հունվարի 1-ից հետո

Լուսինե.

Հարգելի հաշվապահներ, խնդրում եմ պատասխանել՝ ինչպե՞ս է կատարվելու աշխատավարձի հաշվարկը 2020թ. հունվարի 1-ից հետո՝ հաշվի առնելով բոլոր փոփոխությունները: Նախապես շնորհակալություն:

Որքա՞ն կկազմի աշխատավարձը

Մուշեղ.

Բարև ձեզ: Աշխատավարձս առանց հարկման կազմում է 195 000 դրամ + 45 % հավելավճար, ամսվա ընթացքում հինգ օր եղել եմ վատառողջ և ներկայացրել եմ անաշխատունակության թերթիկ, որքա՞ն պետք է լինեն պահումները, և որքա՞ն աշխատավարձ պետք է ստանամ:

Որքան կկազմի արձակուրդայինի գումարը

Հեղինե.

Բարև ձեզ: Խնդրում եմ ասեք՝ եթե աշխատավարձը կազմում է 98 000 դրամ, իսկ դեկտեմբեր ամսին, որը արձակուրդային ամիսների հաշվարկի մեջ է, ստացել է պարգևատրում՝ 50 000 դրամ, արձակուրդայինի գումարը ինչքա՞ն կլինի:

Կազմակերպությունը լուծարվում է

Մարինե․

Բարև ձեզ, հարգելի հաշվապահներ: Հարցերս շտապ են, խնդրում եմ հնարավորության դեպքում պատասխանել հետևյալ հարցերիս՝
Հարց 1․ Կազմակերպությունը լուծարվում է 2020թ. հունվար ամսին, այսինքն՝ վերջին աշխատանքային օր է համարվում 2019թ. դեկտեմբերի 31-ը: Արձակման նպաստը, համաձայն Աշխատանքային օրենսգրքի, վճարվում է աշխատողի մեկ ամսվա միջին աշխատավարձի չափով: Ինչպե՞ս հաշվարկել միջին աշխատավարձը, դեկտեմբեր ամիսը ներառե՞լ միջին աշխատավարձի հաշվարկում, թե՞ ոչ:
Հարց 2․ Կազմակերպության գործունեությունը համարվում է միկրոավտոբուսով ուղևորափոխադրումը, աշխատում է առավոտյան 07:00-ից մինչև 19:00-ն: Աշխատաժամանակի առավելագույն տևողությունը, ներառյալ՝ արտաժամյա աշխատանքը, չի կարող գերազանցել շաբաթական 48 ժամը։ Արտաժամյա աշխատաժամանակի տևողությունը տարվա ընթացքում չպետք է գերազանցի 180 ժամը, 2 իրար հաջորդող օրերի համար չի կարող գերազանցել 4 ժամը: Խնդրում եմ պատասխանել, թե ինչպես կազմել աշխատանքային գրաֆիկը, որպեսզի չխախտենք օրենքը, և ինչպես լրացնենք աշխատաժամանակի հաշվարկի տեղեկագիրը:

Սոցիալական վճարի հաշվին պետք է հատուցվի 25 000 դրամ

Խաթուն.

Բարև ձեզ: Աշխատողը մահացել է, հարազատներին ասել են, որ սոց. վճարից պետք է հատուցվի 25 000 դրամի չափով: Ինչպե՞ս է դա կատարվելու այն դեպքում, երբ աշխատակիցը սոց. վճար վճարող չէր: Խնդրում եմ տալ օրենքի հղում:

Հաշվետվության ո՞ր ձևը պետք է հանձնել

Մարիամ.

Մի հարց, եթե կարելի է՝
1. եթե աշխատակիցը taxservise-ում գրանցվել է նոյեմբերի 25-ին, իսկ աշխատելու է 26-ից, ապա նոյեմբեր ամսվա համար պետք է հաշվարկենք նույն 23 տոկոս եկամտային հարկ և 5 տոկոս սոց. վճա՞ր, թե՞ պետք է հաշվենք 1 օրվա կտրվածքով և բազմապատկենք աշխատած օրերի թվով:
2. taxservise-ում կան եկամտային հարկի և սոցիալական վճարի հաշվետվության տարբեր օրինակներ, կասե՞ք՝ որ ձևը պետք է օգտագործի ԱՁ-ն, որը շրջանառության հարկ վճարող է:

Շնորհակալություն:

Նոր աշխատող գրանցելու վերաբերյալ

Մարիամ.

Բարև ձեզ: Մեր ընկերությունը ԱՁ է, հարկվում է շրջանառության հարկով:
Եթե taxservise-ում աշխատող ենք գրանցում՝
1.աշխատողին գրանցում ենք այսօրվա ամսաթվով, նա կարո՞ղ է այսօր անցնել աշխատանքի:
2.taxservise-ում գրանցելիս աշխատավարձի չափը գրանցում ենք 55 000 դրա՞մ, թե՞ ավելի մեծ գումար, որ պահումները հանած ստացվի 55 000 դրամ:
3.Կարո՞ղ ենք գումարը առձեռն վճարել աշխատողին:
4.Այդ դեպքում հարկային պարտավորությունները ինչպե՞ս ենք փոխանցում:

Շնորհակալություն:

Արդյո՞ք օրապահիկի գումարը ենթակա է հետգանձման

Մովսեսյան Կարինե.

Բարև ձեզ: 2017թ. հիմնարկի աշխատակիցներին տրամադրվել է գործուղում առանց գիշերելու 100 կմ ավելի հեռավորության վրա: Նրանց հատկացվել է օրապահիկ: Արդյո՞ք այժմ գործուղման օրապահիկի գումարը ենթակա է հետգանձման: Շնորհակալություն:

ՍՊԸ-ի տնօրենը պետք է գնա ամենամյա արձակուրդ

Հով․

ՍՊԸ-ի տնօրենը, ով նաև հիմնադիրն է և այլ աշխատողներ չունի, պետք է գնա ամենամյա արձակուրդ, փոխարինող կարո՞ղ է նշանակել այլ անձի:

Աշխատակիցը ոչ մի օր չի ներկայացել աշխատանքի

Արմինե․

Բարև ձեզ:
Ցանկանում եմ մի հարց տալ: Աշխատակիցն ընդունվել է և ոչ մի օր չի ներկայացել աշխատանքի (երկու ամիս): Նրան ազատելիս առաջանու՞մ է արդյոք վերջնահաշվարկ:

2020թ. հունվարի 1-ից հետո աշխատավարձի վճարումների վերաբերյալ

Արմինե.

Կոլեգաներ ջան, հիմա էդ չարաբաստիկ օրենքը վերջնականապես ընդունվե՞ց, որ 2020թ. հունվարի 1-ից հետո 10 և ավելի աշխատող ունեցող ընկերությունները պետք է աշխատավարձը փոխանցումով վճարեն:

Հացաբուլկեղենի խանութի գանձապահի աշխատավարձը որքա՞ն պետք է սահմանվի

Հելեն.

Բարև ձեզ։
Ես մի քանի հարցեր ունեմ և հուսով եմ՝ ինձ օգտակար ինֆորմացիայով կօգնեք։
Հացաբուլկեղենի խանութի գանձապահը, ով պետք է սպասարկի հաճախորդին, դրամարկղ վարի, վաճառք իրականացնի, աշխատաժամերը 11 ժամ + մեկ ժամ հանգիստ, օրը մեջ… նման պայմաններով աշխատողի աշխատավարձը որքա՞ն է կազմում, կամ հնարավո՞ր է այդ աշխատողին օրավարձով վճարել: Գանձապահի աշխատանքը ծա՞նր է, վնասակա՞ր: Խնդրում եմ ինձ հիմնարար բացատրել և օրենքից հղում անել: Անչափ շնորհակալ եմ:

Դրամական օգնություն տրամադրելու վերաբերյալ

Սաթեն.

Բարև ձեզ: Խնդրում եմ, պատասխանեք: Աշխատակիցը դրամական օգնություն է խնդրել վիրահատության համար: Արդյո՞ք կարող եմ 400 000 միանվագ գումար հատկացնել կանխիկ դրամարկղից և դրա համար ի՞նչ պահումներ պետք է կատարեմ:

Ինչպե՞ս ձևակերպել դիմումը

Հեղինե․

Ունեմ մեկ տարեկան երեխա, 4 ամսականից վերադարձել եմ աշխատանքիս, սակայն ցանկություն ունեմ կրկին ֆիզ. արձակուրդ գնալ: Ինչպե՞ս ձևակերպեմ դիմումս։

Ինչպե՞ս է որոշվում միջին օրական աշխատավարձը

Անուշ.

Եթե աշխատանքային գրաֆիկը հերթափոխով է, ինչպե՞ս է որոշվում միջին օրական աշխատավարձը։

Ըստ ԱՕ 195-րդ հոդվածի 3-րդ մասի՝
Հնգօրյա աշխատանքային շաբաթվա դեպքում միջին օրական աշխատավարձի չափը որոշվում է՝ միջին ամսական աշխատավարձը բաժանելով 21-ի: Վեցօրյա աշխատանքային շաբաթվա դեպքում միջին օրական աշխատավարձի չափը որոշվում է՝ միջին ամսական աշխատավարձը բաժանելով 25-ի։

Գործուղման ծախսերը հաստատող փաստաթղթեր չեն ներկայացվել

Սաթեն.

Բարև ձեզ: Խնդրում եմ, հուշեք՝ ինչպես են հաշվարկվում ՀՀ տարածքում ՍՊԸ-ի միջոցներից հատկացվող գործուղման ծախսերը, եթե գործուղումից վերադառնալուց և աշխատանքի ներկայանալուց հետո գործուղման ծախսերը հաստատող փաստաթղթեր չեն ներկայացվել: Եվ եթե կարելի է, խնդրում եմ, փաստացի օրինակով՝ քաղաքացին գործուղվել է ՀՀ տարածքում, վճարումը նախապես է կատարվել, վերադառնալուց հետո չի ներկայացրել ծախսերը հիմնավորող փաստաթղթեր: Որքա՞ն կկազմի գործուղման նվազագույն վճարը:

Ինչպե՞ս է կատարվելու վերջնահաշվարկը

Սոնա.

Բարև ձեզ: Կխնդրեմ օգնել: Եթե աշխատել եմ 2 ամիս՝ ամսական 15 օր և 12-ժամյա գրաֆիկով (նաև ցերեկային և գիշերային հերթափոխերով), ինչպե՞ս է կատարվելու վերջնահաշվարկը:

Կանխավ շնորհակալ եմ։

Ինչպե՞ս ձևակերպել արձակուրդայինը

Կարինե.

Բարև ձեզ: Խնդրում եմ ինձ օգնել: Աշխատողը ընդունվել է աշխատանքի 2005թ.-ից և մինչ օրս չի գնացել արձակուրդ, իսկ 2019թ. ապրիլից էլ գտնվում է բյուլետենի մեջ (հիվանդության պատճառով): Ինչպե՞ս պետք է ձևակերպել արձակուրդայինը և ազատել աշխատանքից:

Գործուղման վերաբերյալ

Անի.

Բարև ձեզ: Հարցս հետևյալն է՝ նոյեմբերի 17-ին, ժամը 14:30-ին մեկնում եմ Մինսկ գործուղման և վերադառնում եմ նոյեմբերի 21-ի գիշերը, ժամը 02:45-ին։ Քանի՞ օր եմ համարվում գործուղման մեջ, նոյեմբերի 21-ի համար գործատուն պե՞տք է վճարի օրապահիկ, թե՞ ոչ, և նոյեմբերի 21-ին ես պարտավո՞ր եմ ներկայանալ աշխատանքի։

Անձը գտնվում է հղիության և ծննդաբերության արձակուրդում

Արմինե.

Բարև ձեզ: Այս պահին գտնվում եմ հղիության և ծննդաբերության արձակուրդում, որը երկարացվել է բարդ ծննդաբերության պատճառով: Ինձ հետաքրքրում է մի հարց՝ երեխայի խնամքի նպաստի համար պետք է դիմել նրա 70 օրականը լրանալուն պե՞ս, թե՞ երբ որ ավարտվեն իմ ավելացված արձակուրդի օրերը:

Շնորհակալ եմ:

Հարցեր աշխատակիցների հետ կապված

Մարգարիտա.

1. Տնօրենին արձակուրդ ուղարկելու համար պե՞տք է արդյոք տնօրենի դիմումը:
2. Աշխատողը կազմակերպությունում աշխատում է համատեղությամբ: Մենք պե՞տք է տրամադրենք տեղեկանք նրա աշխատանքի համար և արձակուրդի ժամանակացույց:
3. Աշխատողին, որը պետք է անցնի պարտադիր բժշկական զննություն, պետք է ընդունել, հետո ուղարկե՞լ բուժզննության, թե՞ ուղարկել բուժզննության, հետո միայն ընդունել աշխատանքի: Խնդրում եմ մանրամասնել:
4. Եթե աշխատողը ազատվել է աշխատանքից և նրան վճարվել է վերջնահաշվարկ, բայց համակարգ չի ներկայացվել ազատման հայտը և միայն 3 ամիս անց կազմակերպությունը հայտ է ներկայացրել ազատման տվյալ ամսվա համար, այդ 3 ամիսը որպես աշխատանքային ստաժ հաշվարկվու՞մ է աշխատողի համար, թե՞ ոչ:
5. Եթե աշխատողը (շաբաթական 24 ժամ ծանրաբեռնվածությամբ) փոխարինում է մեկ այլ աշխատողի արձակուրդի ժամանակ (շաբաթական 40 ժամ ծանրաբեռնվածությամբ, աշխատավարձը՝ 90 000 դրամ), 12 աշխատանքային օր ինչպե՞ս վարձատրել համատեղությամբ աշխատանքի համար: Կարո՞ղ եմ արձակուրդ գնացող աշխատողի աշխատավարձի 50 տոկոսի չափով վարձատրել:

Խնդրում եմ հնարավորության դեպքում պատասխանել:

Արդյո՞ք անձը կստանա նպաստ

Դիանա Բադիյան.

Բարև ձեզ:
1. Խնդրում եմ, հուշեք ֆիզ. արձակուրդի հաշվապահական ձևակերպումը:
2. Եվ եթե անձը, ով հանդիսանում է ՍՊԸ-ի սեփականատեր, նաև այդ ՍՊԸ-ում գրանցված աշխատող է, ապա նրան հասնու՞մ է երեխայի խնամքի նպաստ, թե՞ ոչ:

Հղիության և ծննդաբերության արձակուրդի վերաբերյալ

Թագուհի․

Բարև ձեզ: Ես ցանկանում էի իմանալ՝ արդյո՞ք հղին իրավունք ունի հասանելիք ֆիզ. արձակուրդ գնալ 8-րդ ամսում, թե՞ օրենքը թույլ չի տալիս։

Կանխավ շնորհակալություն։

Մայրության նպաստի և երեխայի խնամքի նպաստի վերաբերյալ

Լիլիթ․

Բարի օր, հարգելի հաշվապահներ: Խնդրում եմ, օգնեք ինձ հասկանալ.
Ես 16-շաբաթական հղի եմ, մինչ այժմ աշխատում էի տանից ու գրանցված աշխատող չեմ եղել։ Հիմա անցնելու եմ աշխատանքի մի հիմնարկ, որտեղ ինձ գրանցելու են։
Հարցերս հետևյալն են՝ ինձ վրա տարածվելու՞ է աշխատող մայրերի նպաստը։ Եվ երկրորդ հարցս՝ հիմնարկի հաշվապահը պնդում է, որ ամուսինս կարող է ստանալ խնամքի արձակուրդի գումարները (18 000 դրամ), առանց արձակուրդի դուրս գալու, արդյո՞ք ցնդաբանություն չէ սա:

Կանխավ շնորհակալություն։

Աշխատողը գտնվում է երեխայի խնամքի արձակուրդում

Հասմիկ.

Աշխատողը գտնվում է երեխայի խնամքի արձակուրդում, որի ժամկետը պետք է երկարացվեր 01.04.19թ., սակայն մոռացվել է: Հիմա 27.10.19թ. պետք է գրանցվի երկրորդ երեխայի խնամքի արձակուրդը, ինչպե՞ս վարվել, որ ճիշտ լինի, այսինքն՝ նախորդ տվյալներն ուղղելու հնարավորություն կա՞, թե՞ արդեն ոչ:

Նախապես շնորհակալություն:

Նոր բյուլետեն բացելու համար

Էմմա․

Բարև ձեզ:

Ինձ հետաքրքրում է մի հարց՝ մայրս ոտքը կոտրել է, վիրահատվել է, և բյուլետեն ենք բացել, հետո ինչ-ինչ պատճառներով բյուլետենը փակվել է, բայց մայրս դեռ աշխատունակ չէ, ոտքը վիրահատված է ու դեռ 2 ամիս պետք է վերականգնվի: Խնդրում եմ, ինձ ասեք՝ հնարավո՞ր է նորից բյուլետեն բացել, և ի՞նչ թղթեր են անհրաժեշտ դա անելու համար:

Նախապես շնորհակալ եմ։

Աշխատանքային գրքույկի լրացման վերաբերյալ

Լուսինե.

Հարգելի գործընկերներ, արդյո՞ք աշխատանքային գրքույկում լրացվում է (էր) քաղաքացիաիրավական պայմանագրերով կատարված աշխատանքների վերաբերյալ տեղեկություն:

Աշխատավարձը հաշվարկվել է ոչ աշխատանքային օր

Տաթև.

Բարև ձեզ: ՀԾ-ում աշխատավարձը հաշվարկել եմ 30.06.2019թ.-ով՝ կիրակի է, անհրաժե՞շտ է ուղղել, թե՞ ոչ:

Արդյո՞ք կարելի է աշխատանքը համատեղությամբ դարձնել

Ռուբեն․

Բարև ձեզ: Ես աշխատում եմ թանգարանում՝ որպես գիտաշխատող, իսկ դպրոցում՝ ուսուցիչ՝ աշխարհագրության և պատմության: Դպրոցում աշխատել եմ համատեղությամբ, իսկ թանգարանում՝ հիմնական աշխատող: Այս տարի դպրոցում դարձել եմ հիմնական ուսուցիչ: Ուզում եմ իմանալ՝ արդյո՞ք կարող եմ թանգարանում աշխատանքս համատեղության կարգով դարձնել: