Ինչպե՞ս պետք է գրանցել տնօրենին
Ար.Գալստյան.
Հարգելի հաշվապահներ, խնդրում եմ օգնել ինձ: Կազմակերպությունը համարվում է շրջանառության հարկ վճարող, դեռևս չունի աշխատողներ, միայն տնօրենն է: Խնդրում եմ ասել՝ ինչպես պետք է գրանցել տնօրենին:
ԱՁ զբաղվում է կիսաֆաբրիկատների արտադրությամբ
Սեդա.
Հարգելի մասնագետներ, խնդրում եմ ինձ օգնեք Ա/Ձ ի հաշվետվություների հարցում: Ա/Ձ-ն զբաղվում է կիսաֆաբրիկատների արտադրությամբ, աշխատում է շրջանառության հարկով: Ես եմ վարում իմ Ա/Ձ-ի հաշվապահությունը, ի՞նչ վճաներ ունեմ անելու, վարչականի տակ չընկնեմ: Շնորհակալ կլինեմ մանրամասն խորհրդատվության համար, Սեդա (043 16 52 39):
Տուգանքի վճարման վերաբերյալ
Tigran.
Բարև ձեզ:
Հաշվապահական հաշվետվությունները օրենքով սահմանված ժամկետից ուշ ներկայացնելու դեպքում իրավաբանական անձը վճարում է տուգանք ըստ "Հարկերի մասին" ՀՀ օրենքի, թե՞ ըստ "Վարչական իրավախախտումների մասին" ՀՀ օրենքի:
Կարո՞ղ է նույն անձը ունենա երկու ՍՊԸ
Tatev.
Բարև ձեզ։ Օգնեք ինձ հետևյալ հարցով։ Կարո՞ղ է նույն անձը ունենա երկու ՍՊԸ, որոնցից մեկը աշխատի ԱԱՀ-ով, մյուսը շրջանառության հարկով։
Նախապես շնորհակալություն։
Դեղատուն բացելու համար
Արամայիս.
Բարև ձեզ, հարգելի հաշվապահներ: Խնդրում եմ պատասխանել. ցանկանում եմ դեղատուն բացել Երևանում, ինչպե՞ս պետք է աշխատեմ, որտեղի՞ց սկսեմ, արդյո՞ք պետք է աշխատող պահեմ, քանի որ ինքս դեղագետ չեմ: Խնդրում եմ մանրամասն գրել, նապապես շնորհակալություն:
Անձը ցանկանում է էլեկտրական սարքավորումների արտադրությամբ զբաղվել
Միհրան.
Բարև ձեզ:
Եթե նախատեսվում է ֆիզիկական անձի կողմից էլեկտրական սարքավորման արտադրություն, ո՞ր հարկատեսակով է նպատակահարմար գրանցվել և կատարել գործունեություն` որպես ոչ իրավաբանական անձ: Հարկավոր է նաև պատասխան լիցենզավորման անհրաժեշտության մասին: Կանխավ շնորհակալ եմ:
2017թ-ից կգանձվի ԱԱՀ ներգնա տուրիստական փաթեթներից
Արամ.
Հարգելի գործընկերներ, որքանով տեղյակ եմ, 2017թ-ից կգանձվի ԱԱՀ ներգնա տուրիստական փաթեթներից:
Հարց. արդյո՞ք դա վերբերում է միայն ԱԱՀ-ով աշխատող տնտեսվարող սուբյեկտներին:
Եթե այո, արդյո՞ք չի ստացվի, որ ԱԱՀ-ով աշխատող տնտեսվարողի կողմից ներկայացված նույն տուրիստական փաթեթը ԱԱՀ մասով ավելին կարժենա, քան հաստատագրված հարկ վճարող տնտեսվարողինը:
Խնդրում եմ, պարզաբանեք:
Շնորհակալություն,
Արամ
Դիմացի կազմակերպությունը դուրս է գրել ճշգրտող հաշիվ
Ռոզա.
Բարև ձեզ, խնդրում եմ պատասխանել հետևյալ հարցիս.
Երբ դիմացի կազմակերպությունը նոյեմբեր ամսին դուրս է գրում օգոստոս ամսին վերաբերող հարկային հաշվի ճշգրտող հաշիվ, ի՞նչ պետք է անել:
1. Ճշտու՞մ ենք օգոստոս ամսի հաշիվը
2. Եթե ոչ, նոյեմբերին ստացված հաշիվը ի՞նչ ձևակերպում ենք տալիս
Կանխավ շնորհակալ եմ:
Արդյո՞ք պետք է դուրս գրել էլեկտրոնային հաշիվ
ԱրԳալստյան.
Հարգելի հաշվապահներ, խնդրում եմ, օգնեք ինձ: Կազմակերպությունը համարվում է շրջանառության հարկ վճարող: Վերջինս շահույթ ստանում է ՀՀ սահմաններից դուրս գտնվող ֆիզ. անձանցից: Արդյո՞ք պետք է դուրս գրել հաշիվ e-Invoicing ծրագրով:
Վերջնահաշվարկ
Վերգի.
Բարև ձեզ։ Խնդրում եմ օգնել վերջնահաշվարկ հաշվարկել։ Աշխատողը ընդունվել է աշխատանքի 01․03․2016թ․, մայիսի 16-31 եղել է իր հաշվին արձակուրդում, նոյեմբեր ամսին վերցրել է արձակուրդ իր հաշվին և դեկտեմբերի 1-ից ցանկանում է դուրս գալ աշխատանքից։ Աշխատավարձը 250 000 դրամ է, 5-օրյա աշխատանքային շաբաթ։ Կանխավ շնորհակալություն։
Հաշվապահական հաշվառման քաղաքականության օրինակ
Ռուզան Նավասարդյան.
Բարև ձեզ:
Կարո՞ղ եմ խնդրել ձեզ ինձ տրամադրել հաշվապահական հաշվառման քաղաքականության օրինակելի ձև: Կանխավ շնորհակալ եմ:
ՀԴՄ ֆիսկալ հաշվետվության հետ կապված
Արմեն.
Բարև ձեզ, ո՞վ կասի` Datecs DP-15 ՀԴՄ ինչպե՞ս կարող եմ ամսական հաշվետվությունը հանեմ: Օրեկան հաշվետվությունը հանում եմ, պետք է դրանք գումարեմ, թե՞ կա միանգամից հանելու ձև:
Կազմակերպությունը ապրանք է արտահանելու ՌԴ
Arsine.
Կազմակերպությունը աշխատում է ԱԱՀ-ով: Պետք է ապրանք արտահանի Ռուսաստան: Խնդրում եմ ասեք` արտահանումից հետո ի՞նչ փաստաթղթեր պետք է ներկայացնել հարկային և ի՞նչ ժամկետներում:
Կանխավ շնորհակալություն:
Արտադրանքի, ապրանքների տեղափոխման փաստաթուղթ
Աննա.
Բարև ձեզ: Ապրանքների Ներմուծման կամ Արտահանման ժամանակ էլեկտրոնային Տեղափոխման փաստաթուղթ (Արտադրանքի, ապրանքների տեղափոխման) դու՞րս են գրում, թե՞ ոչ, եթե առաքումը կատարում է ՀՀ բեռնափոխադրման կազմակերպությունը և հաշիվ-ապրանքագիր է ներկայացրել, որտեղ նշված երկու թողով Բեռնափոխադրում ՌԴ - ՀՀ սահման և Բեռնափոխադրում ՀՀ սահման - ք. Երևան: Խնդրում եմ, դա շատ շտապ է, պատասխանեք:
1) Ներմուծման դեպքում - ՀՀ բեռնափոխադրման ընկերությունը հաշիվ է ներկայացրել, որտեղ նշված է վայրը, որտեղից առաքվում է` Ռուսաստան, և առաքվող հասցե` ք. Երևան, իսկ ես միայն Պահեստի մուտքի օրդեր եմ կազմել այնտեղ, որտեղ բերել են ապրանքը, այսինքն մեր գործունեության հասցեն: Կարո՞ղ եք պատասխանել` Ապրանքի տեղափոխման փաստաթուղթ ևս պետք էր կազմել, թե՞ ոչ:
2) Արտահանման դեպքում - ՀՀ տարածքում Գնորդը (ՍՊԸ) գնված ապրանքը միաժամանակ վաճառողի (ՍՊԸ) պահեստից բեռնափոխադրման ընկերության միջոցով արտահանում է (ինվոյսով, CMR...) Ռուսաստան: Կարո՞ղ եք պատասխանել` Ապրանքի տեղափոխման փաստաթուղթ ևս պետք է կազմել, թե՞ ոչ, եթե պետք է, ապա ի՞նչ են նշում առաքման վայրը` որտեղի՞ց - որտեղ
3) ՀՀ տարածքում Վաճառողը (ՍՊԸ) Գնորդին (ՍՊԸ) Էլեկտրոնային հաշիվ-ապրանքագրում կարո՞ղ է նշել առաքվող հասցե-Ռուսաստան: Այդ ապրանքը գնորդի կողմից միաժամանակ արտահանվում է (Ինվոյսով, CMR...) Գնորդի կողմից բեռնափոխադրման ընկերության միջոցով դեպի Ռուսաստան: Այդ դեպքում նույնպե՞ս պետք է գրանցվի Ապրանքի տեղափոխման փաստաթուղթ:
Ես պարզապես ուզում եմ հասկանալ` արտահանման դեպքում ո՞ր դեպքում կարող եմ այդ Ապրանքի տեղափոխման փաստաթուղթը չգրանցել: Շնորհակալություն:
Ի՞նչ վիճակագրական հաշվետվություն է ներկայացնում տուրիստական գործակալությունը
Sona.
Բարև ձեզ: Հարգելի գործընկերներ, տուրիստական գործակալությունը վիճ. վարչություն ի՞նչ հաշվետվություն պետք է ներկայացնի:
Արագ սննդի կետ բացելու համար
Ալիկ.
Բարև ձեզ:
Ցանկանում եմ բացել արագ սննդի կետ Երևանի Կենտրոն համայնքում մոտ 15 քմ ընդհանուր տարածքով՝ տարածքի վարձակալությամբ: Սկզբնական շրջանում նախատեսում եմ աշխատել ինքս: Կցանկանայի իմանալ` ի՞նչ էտապներ կան անցնելու` սկսած ամենասկզբից: Կխնդրեի նաև ձեր մեկնաբանությունը հարկայինի վերաբերյալ, թե ինչ սկզբունքով է հարկվելու: Շնորհակալություն:
Աշխատողը տարեկան քանի՞ անգամ կարող է գնալ արձակուրդ
Լուսինե.
Բարև ձեզ, հարգելի կոլեգաներ: Ինձ մի հարց է անհանգստացնում, թե աշխատողը տարեկան քանի՞ անգամ կարող է գնալ արձակուրդ: Եթե նման օրենք կա, խնդրում եմ օրենքի կետն ասել:
Արդյո՞ք պետք է հաշվարկել արտաժամյա աշխատանքի համար հավելավճար
Աստղիկ.
Հարգելի մասնագետներ, խնդրում եմ ինձ օգնել մի շատ կարևոր հարցում: Ընկերության պահակները երեքն են և աշխատելու են 24-ժամյա գրաֆիկով` ամսական աշխատելով 240-ից 264 ժամ: Խնդրում եմ ասել` բացի գիշերային 30 տոկոս հավելավճարից նրանց քանի՞ ժամ արտաժամյա վճար է հասնում կամ հասնու՞մ է արդյոք: Կանխավ շնորհակալություն:
Գույքի անհատույց օգտագործման պայմանագիր
Արմեն.
Ես հիմնարկության տնօրեն եմ։ Հիմնարկություն բերել եմ շատ կահույք և այլ անհրաժեշտ գույք, քանի որ անգամ աթոռներ չկային։ Գործադիր մարմնի աուդիտը ասում է, որ անհրաժեշտ է անհատույց օգտագործման պայմանագիր կնքել հիմնարկի հետ։ Հարցս ինչում է. ես տնօրեն լինելով կարո՞ղ եմ իմ հետ պայմանագիր կնքել անհատույց օգտագործման: Եվ եթե կարող եք` անհատույց օգտագործման պայմանագրի այդպիսի մի տիպային օրինակ ինձ ուղարկեք։ Կանխավ շնորհակալություն։
Հաշվապահական հաշվառման քաղաքականության օրինակելի ձև
Գոհար.
Բարև ձեզ: Խնդրում եմ իմ էլ. փոստին ուղարկել ՊՈԱԿ-ի հաշվապահական հաշվառման քաղաքականության օրինակելի ձև: Կանխավ շնորհակալություն:
Միջին աշխատավարձի հաշվարկ
Ամալյա.
Բարև ձեզ: Խնդրում եմ, ինձ օգնեք հետևյալ հարցում: Աշխատողի միջին աշխատավարձը հաշվարկելիս ըստ ՀՀ աշխատանքային օրենսգրքի չպետք է ներառել այն ամիսները, որտեղ աշխատողը գտնվել է արձակուրդում, անաշխատունակության կամ պարապուրդի մեջ: Ինձ հետաքրքրում է հետևյալ հարցը՝ եթե աշխատողը արձակուրդում է եղել, ենթադրենք, մայիսի վերջին և հունիսի սկզբին, այսինքն՝ 2 ամիսներին էլ նա ունի աշխատավարձ, միջին աշխատավարձի ժամանակ արդյո՞ք հաշվի է առնվում այդ 2 ամիսների ստացած միայն աշխատավարձը:
Մայրության նպաստ հաշվարկելիս
Կարինե.
Բարև ձեզ:
Արդյո՞ք աշխատողները ֆիզ. արձակուրդ գնալիս ստանում են 126 000 դրամը, որ տրվում է պետության կողմից: Եվ մայրության նպաստ հաշվարկելիս վերջին 12, թե՞ 6 ամիսների միջին կեղտոտ աշխատավարձով են հաշվում: Մի հարց ևս` կեսարյան դեպքում, երբ 155 օր են հաշվում նպաստը միանգամից 155 - ով են հաշվում, թե՞ 140 -ով ու արդեն ծննդաբերությունից հետո 15 օրվա հաշվարկն առանձին են անում:
Նախապես շնորհակալ եմ պարզաբանումների համար:
Քանի՞ օր արձակուրդ է հասնում աշխատողին
Սյուզաննա.
Բարև ձեզ,
ինձ նման հարց է հետաքրքրում. եթե ես ֆիզ. արձակուրդ եմ գնում տվյալ տարվա փետրվարի մեկից, ինձ քանի՞ օր արձակուրդ է հասնում տվյալ տարում` 24, թե՞ ավելի քիչ:
Շինարարական ընկերություն բացելու համար
Լուսինե.
Կարո՞ղ եք ասել` շինարարական ընկերություն բացելու համար, որը միայն ծառայություն պետք է մատուցի, ՍՊԸ, թե՞ ԱՁ է անհրաժեշտ բացել: Ո՞րն է ճիշտ բացել, պարտադի՞ր պետք է ԱԱՀ-ով աշխատի, և ինչպե՞ս կազմակերպել, քանի՞ աշխատող պետք է լինի պարտադիր: Խնդրում եմ արձագանքեք:
Արդյո՞ք դուրս է գրվում տեղափոխման փաստաթուղթ
Աննա.
Բարև ձեզ, դա շատ շտապ է, խնդրում եմ պատասխանեք: Ապրանքների ներմուծման կամ արտահանման ժամանակ էլեկտրոնային տեղափոխման փաստաթուղթ (Արտադրանքի, ապրանքների տեղափոխման), դու՞րս են գրում, թե՞ ոչ, եթե առաքումը կատարում է մեկ ուրիշ տրանսպորտային կազմակերպություն: Շնորհակալություն:
Ովքե՞ր են վճարում արտոնագրային վճար հանրային սննդի գործունեության համար
Արմենակ.
Հարգելի հաշվապահներ, խնդրում եմ ասել, թե ովքեր են վճարում հանրային սննդի վճար:
Ընդհանուր ժողովի որոշումն անվավեր ճանաչելու համար
Աննա.
Ընդհանուր ժողովի որոշումն անվավեր ճանաչելու համար դիմու՞մ ենք ներկայացնում դատարան, թե՞ հայց: Շնորհակալություն:
Սառը սուրճի արտադրությամբ և վաճառքով զբաղվելու համար
Վաչե.
Բարև ձեզ: Հարգելի օգտվողներ, հարցս հետևյալն է. ցանկանում եմ սկսել սառը սուրճի արտադրություն և վաճառել տարբեր խանութներում: Չեմ պլանավորում ունենալ աշխատող/ներ: Ես իմ արտադրանքը ինքս ցրելու եմ վաճառակետերին: Խնդրում եմ ասեք` անհրաժե՞շտ է արդյոք ԱՁ գրանցել, եթե այո` ի՞նչ փաստաթղթերով և ինչքա՞ն ամսական հարկերի պայմաններով, եթե ոչ, ապա ասացեք խնդրեմ` արտադրանքը խանութում չի՞ առաջացնի խնդիրներ հարկայինի հետ: Նախապես շնորհակալություն, խնդրում եմ, օգնեք` հասկանամ:
ՀԿ գրանցման համար անհրաժեշտ փաստաթղթեր
Լենա.
Հարգելի հաշվապահներ, մենք ուզում ենք հիմնել ՀԿ: Կարո՞ղ եք ուղարկել պետական գրանցման համար անհրաժեշտ բոլոր փաստաթղթերի ձևանմուշները՝
1. Դիմում
2. Կանոնադրություն
3. Հիմնադիրների ժողովի արձանագրություն
5. Իրական շահառուների վերաբերյալ հայտարարություն
Էլ. փոստ՝ tadevosyan.lena շնիկ gmail.com
Կանխավ շնորհակալություն:
ՀԿ հիմնադիրների միջև կնքվող պայմանագրի օրինակելի ձև
Սերգեյ.
Խնդրում եմ ինձ ուղարկել ՀԿ հիմնադիրների միջև կնքվող պայմանագրի օրինակելի ձևը և հիմնադիրների ժողովի արձանագրության օրինակելի ձևը: Կանխավ շնորհակալ եմ:
2018թ. հունվարի 1-ից ուժի մեջ մտնող Հարկային Օրենսգրքով ԱԱՀ շեմը սահմանվելու է 58,35 միլիոն դրամ
Արմեն.
Հարգելի գործընկերներ, 2018թ. հունվարի 1-ից ուժի մեջ մտնող Հարկային Օրենսգրքով ԱԱՀ շեմը սահմանվելու է 58,35 միլիոն դրամ: Արդյո՞ք 2017թ-ին այդ շեմը գերազանցած կազմակերպությունները 2018-ին չեն կարողանա աշխատել շրջանառության հարկով: Շնորհակալություն:
Կազմակերպության գործունեության դադարեցում
Վահե.
Ինչպե՞ս դադարեցնել ՍՊԸ-ի գործունեությունը:
ՌԴ գրանիտե քարի արտահանման համար
Artur.eghikyan.
Բարև Ձեզ: Ինձ հետաքրքրում է` ՌԴ գրանիտե քարի արտահանման համար ի՞նչ մաքսավճարներ են գանձում և ի՞նչ ընթացակարգեր ու փաստաթղթեր են պահանջում: Կանխավ շնորհակալություն:
Կազմակերպությունը Ռուսաստանից ներմուծում է կատարել
Արթուր.
Բարև ձեզ: Կարո՞ղ եք պատասխանել. ՍՊԸ չունի պահեստ, Ռուսաստանից ներմուծում է կատարել գործունեության հասցե և այնտեղից վաճառել` դուրս գրելով հարկային հաշիվ: Ես կարո՞ղ եմ այդպես ձևակերպել մինչև պահեստ ունենալը: Եթե գիտեք ուրիշ տարբերակ, խնդրում եմ գրեք: Շնորհակալություն:
Նյութական պատասխանատվության մասին պայմանագրի ձև
katrin.nare2013.
Բարև ձեզ, եթե դժվար չէ, խնդրում եմ ինձ ուղարկել նյութական պատասխանատվության մասին պայմանագրի ձևը: Կանխավ շնորհակալություն:
Ֆիզիկական անձը ցանկանում է իրականացնել կարի արհեստանոցի աշխատանք
Գևորգ.
Ֆիզիկական անձը ցանկանում է իրականացնել կարի արհեստանոցի աշխատանք` բաղկացած 1-2 աշխատողից: Արդյո՞ք պարտադիր է ԱՁ գրանցվել (եթե պարտադիր է, որքա՞ն է պետական տուրքը), և ի՞նչ հարկատեսակով պետք է հարկվի:
ԱՁ-ն զբաղվում է հացաբուլկեղենի արտադրությամբ
Արմենակ.
Հարգելի հաշվապահներ, Ա/Ձ եմ: Զբաղվում եմ հացաբուլկեղենի արտադրությամբ ընտանիքիս անդամների հետ, համարվում եմ ընտանեկան ձեռնարկատիրության սուբյեկտ: Արտադրանքի վաճառքն իրականացնում եմ մանրածախ՝ տեղում: Արդյո՞ք պետք է կատարեմ հանրային սննդի վճար:
ՊՈԱԿ-ը իր բուֆետում ցանկանում է սնունդ մատակարարել ուսանողներին
Syuzi.
Հարգելի հաշվապահներ, խնդրում եմ ինձ օգնեք: ՊՈԱԿ-ը իր բուֆետում ցանկանում է սնունդ մատակարարել ուսանողներին: Բուֆետապան ենք ընդունել աշխատանքի: Մենք շահույթ չենք հետապնդում, սնունդը պետք է վաճառվի որ գնով որ բերել ենք, նույն գնով վաճառենք ուսանողներին: Եթե հնարավոր է` բացատրեք փաստաթղթային շարժը:
Արդյո՞ք դուրս են գրվում էլեկտրոնային փաստաթղթեր ներմուծման և արտահանման ժամանակ
Աննա.
Բարև ձեզ: Կարո՞ղ եք ինձ շտապ օգնել և պատասխանել`
1) ԵՏՄ երկիր արտահանման ժամանակ - Հաշվարկային փասթաթղթեր բաժնից Էլեկտրոնային Ապրանքների տեղափոխման փաստաթուղթ դու՞րս են գրում
2)Ներմուծման ժամանակ - Հաշվարկային փասթաթղթեր բաժնից Էլեկտրոնային Ապրանքների տեղափոխման փաստաթուղթ դու՞րս են գրում
Եթե այո, այսինքն դուրս է գրվում, ապա վայրը, որտեղից ապրանքը տեղափոխվում է, ի՞նչ պետք է նշվի և եթե չեմ ներկայացրել, ի՞նչ կարող եմ անել` կարո՞ղ եմ ուշ ներկայացնել:
Շնորհակալություն:
Որտե՞ղ են գրանցվում ապրանքների գները
Hasmik.
Հարգելի հաշվապահներ, քանի որ վերջին 4-5 տարիների ընթացքում ես առևտրի ոլորտի հետ չեմ առընչվել, խնդրում եմ օգնել մի հարցում: Նախկինում առևտրի կետում առկա ապրանքների վաճառքի գները ֆիքսվում էին հասույթի գրանցման գրքում, հիմա ինչպե՞ս է կարգավորվում այդ հարցը, որտե՞ղ և ինչպե՞ս են գրանցվում առկա ապրանքի վաճառքի գները: Կանխավ շնորհակալություն:
ԱՁ զբաղվում է հեռախոսների վերանորոգումով
Haik.
Ունեմ ԱՁ, չունեմ աշխատող, զբաղվում եմ հեռախոսների վերանորոգումով: Ունեմ ՀԴՄ, նույնականացման քարտ: Կարո՞ղ եմ ինքս վարել իմ հաշվապահությունը, ի՞նչ է պետք դրա համար:
ՍՊԸ գրանցելու կարգ
Անն.
Ինչպիսի՞ է հարկային դաշտում ՍՊԸ գրանցելու կարգն ու գործողությունների հերթականությունը:
Նոր աշխատող գրանցելու համար
ArGalstyan.
Հարգելի հաշվապահներ, կարո՞ղ եք ուղարկել ինչ թղթեր են պետք նոր աշխատող գրանցելու համար և ու՞մ պետք է ուղարկել այդ թղթերը: Կանխավ շնորհակալ եմ:
Հատուկ հարկային հաշվի դիմումի ձև
Արմինե Բասմաչյան.
Բարև ձեզ: Որ խնդրեի` ինձ հատուկ հարկային հաշվի դիմումի ձև չէի՞ք ուղարկի:
Հարկման ո՞ր դաշտում են գտնվում հասարակական կազմակերպությունները
Սաթե.
Խնդրում եմ պատասխանել, թե հարկման ո՞ր դաշտում են գտնվում հասարակական կազմակերպությունները և ի՞նչ հաշվետվություններ են ներկայացնում: Կանխավ շնորհակալություն:
Արդյո՞ք կարող են աշխատողին ազատել աշխատանքից
Satenik.
Բարև ձեզ: Մեկ հարց.
կարո՞ղ են ֆիզ. արձակուրդի կամ մինչև 2 տարեկան երեխայի խնամքի արձակուրդի մեջ գտնվող աշխատողին ազատել աշխատանքից:
Տեղեկանք տրամադրելու կարգ
Աննա Հարությունյան.
Բարև ձեզ, հարգելի կոլեգաներ: Ինձ մեկ հարց է հետաքրքրում` կա՞ արդյոք ինչ-որ օրենսդրական ակտ, որն արգելում է գործատուին տրամադրել տեղեկանք անգլերեն լեզվով, կամ ինչ-որ տեղ ամրագրվա՞ծ է տեղեկանք տրամադրելու կարգը: Շնորհակալություն:
Արդյո՞ք պետք է գրել տեղափոխման փաստաթուղթ
Hasmik.
Հարգելի հաշվապահներ, եթե պահեստից նույն հասցեում գտնվող խանութ ապրանք է տեղափոխվում, տեղափոխման փաստաթուղթ պե՞տք է գրվի, թե ոչ: Կանխավ շնորհակալություն:
Կազմակերպությունը ծառայություններ է մատուցում արտերկիր
margarit.
Բարև ձեզ, հարգելի հաշվապահներ: Խնդրում եմ պատասխանել. ՍՊԸ-ն աշխատում է ԱԱՀ-ով` ծառայություններ է մատուցում արտերկիր (ԱԱՀ-ի 0-ական դրույքաչափով), եթե ՀՀ տարածքից ապրանք ենք գնում` ոչ վաճառելու նպատակով, այլ գույք և առօրյա օգտագործման համար, այդ ապրանքների ԱԱՀ-ի գումարը այլ հարկային պարտավորություններից կնվազեցնե՞ն, թե՞ ոչ։
Ի՞նչ հարկեր պետք է վճարի հիմնադրամը
Lia.
Բարև ձեզ: Հարցս հետևյալն է. բարեգործական հիմնադրամը կազմակերպում է բարեգործական համերգ, որի ընթացքում բարեգործական նպատակներով վաճառվելու են հատուկ ձայնագրված DVD-ներ և մի քանի արվեստի գործեր, որոնց վաճառքից ստացված գումարը պետք է փոխանցվի հիմնադրամի հաշվեհամարին: Համերգի մուտքը լինելու է տոմսերով, որոնք վաճառվելու են: Ի՞նչ հարկեր պետք է վճարի հիմնադրամը: Կանխավ շնորհակալություն:
Վերջին մեկնաբանություններ