Ո՞ր հաշվետվությունը պետք է ներկայացնի ԱՁ-ն
Էդուարդ.
Ասացեք, խնդրեմ, թե որ համարի հաշվետվությունը պետք է ներկայացնել էլեկտրոնային եղանակով ԱՁ-ի համար, եթե 2013թ. ընթացքում ոչ եկամուտ եմ ունեցել, ոչ էլ աշխատող, բայց վճարել եմ ամսական 5 000 դրամը:
Կազմակերպությունը իրացրել է ապրանք ձեռքբերման արժեքից պակաս արժեքով
Գոհար.
Կազմակերպությունը իրացրել է ապրանք ձեռքբերման արժեքից պակաս արժեքով, ԱԱՀ-ի հաշվետվության մեջ արտացոլվել է վերահաշվարկված ԱԱՀ-ի գումարը ԱԱՀ-ի մասին օրենքի 26 հոդվածի 4 կետին համաձայն: Հարց. վերահաշվարկված և նվազեցված ԱԱՀ-ի գումարը շահութահարկի առումով ծախս համարվու՞մ է, թե՞ ոչ, և որտե՞ղ կարելի է կարդալ այդ մասին:
Ֆինանսական և հարկային հաշվառումների միջև առաջացող տարբերություն
Արփինե.
Բարև Ձեզ: Խնդրում եմ թվարկել այն դեպքերը, որոնց ժամանակ ֆինանսական և հարկային հաշվառումների միջև առաջանում է տարբերություն:
ԱՁ զբաղվում է ավտոտեխսպասարկմամբ
Արմեն.
Հարգելի գործընկերներ, ԱՁ զբաղվում է ավտոտեխսպասարկմամբ: Եթե ավտոմեքենայի ինչ որ մաս է փոխարինվում, կամ յուղ, կամ պահեստամաս, որը ըստ էության ԱՁ - ն վաճառում է հաճախորդին, արդյո՞ք դա կհարկվի այլ հարկով, թե՞ դա մտնում է արտոնագրային վճարի մեջ:
Որո՞նք են հիմնադրամի ակտիվները
Նաիրա.
Խնդրում եմ օգնել ինձ հետևյալ հարցում.
Հիմնադրամների մասին ՀՀ օրենքի Գլուխ 6-ի Հոդված 39. կետ 3-ում նշված է հետևյալը`
ֆինանսական հաշվետվությունների վերաբերյալ աուդիտն իրականացնող անձի (աուդիտորի) եզրակացությունը, եթե հիմնադրամի ակտիվների արժեքը գերազանցում է 10 միլիոն դրամը:
Հարցս հետևյալն է` որո՞նք են հիմնադրամի ակտիվները, ի՞նչ է մտնում դրա մեջ:
Կանխավ շնորհակալ եմ:
Քանի՞ տարեկանից կարելի է գրանցվել որպես ԱՁ
Տիգրան.
Քանի՞ տարեկանից կարելի է գրանցվել որպես ԱՁ:
ՀՀՄՍ վերաբերյալ նյութեր
Քնարիկ.
Բարև ձեզ, կարո՞ղ եք ինձ օգնել` հաշվապահական հաշվառման միջազգային ստանդարտների վերաբերյալ նյութեր որտեղի՞ց կարող եմ ձեռք բերել:
Միջին աշխատավարձ հաշվարկելիս
Տոմա.
Խնդրում եմ պարզաբանել` անաշխատունակության նպաստ վճարելու համար միջին աշխատավարձ հաշվարկելիս արդյո՞ք գումարվում է այլ գործատուի կողմից ստացած վերջնահաշվարկը, որը ըստ ինձ համարվում է եկամտային հարկի հաշվարկման օբյեկտ:
Ապրանքային մնացորդի օտարում լուծարման ժամանակ
Հարություն.
Հարգելի գործընկերներ, ենթադրենք, ԱՁ կամ ՍՊԸ ցանկանում է դադարեցնել գործունեությունը և լուծարվել, սակայն ունի ապրանքային մնացորդ: Ի՞նչ է լինելու այդ ապրանքային մնացորդի հետ, արդյո՞ք առաջանում են հարկեր դրա օտարման հետ կապված: Կանխավ շնորհակալություն:
Արդյո՞ք հիմնադրամը ունի շահութահարկի պարտավորություն
Մելանյա.
Հարգելի հաշվապահներ, խնդրում եմ օգնեք:
Բարեգործական հիմնադրամը տարվա կտրվածքով ունեցել է ընդամենը 2,5 մլն դրամի մուտք նվիրատվության ձևով և 2 մլն դրամի ծախսեր հիմնադրամի գործունեության նպատակներին համապատասխան, ընդ որում ծախսերի մեջ չեն ներառվում աշխատանքի վարձատրություն և դրան հավասարեցված վճարներ:Արդյո՞ք հիմնադրամը պետք է վճարի շահութահարկ և ի՞նչ տոկոսադրույքով: Կանխավ շնորհակալ եմ:
ԱՁ նամակ է ստացել չկատարված հարկային պարտավորությունների վերաբերյալ
Թամարա.
2002 թվականին ես գրանցվել եմ որպես ԱՁ: 7 ամիս աշխատելուց հետո դիմումի համաձայն դադարեցրել եմ գործունեությունը: 2 օր առաջ նամակ եմ ստացել, ըստ որի ես ունեմ չկատարած հարկային պարտավորություններ, շուրջ 400 000 դրամի չափով, որից տույժեր, սոց. վճարի ապառք, հաստատագրված վճարի ապառք և այլն: Խնդրում եմ պարզաբանեք` արդյո՞ք չէր կարող հարկայաին տեսչությունը մեկ անգամ գոնե այսքան տարվա մեջ ծանուցեր ինձ, որպեսզի այսքան պարտքեր չկուտակվեին:
Ինչպե՞ս կատարել գրառումը աշխատանքային գրքույկում
Lianna.
Բարև ձեզ:
Աշխատակիցը նույն կողմակերպությունում փոխադրվել է այլ աշխատանքի` պետի տեղակալից տնօրենի տեղակալի պաշտոնին: Խնդրում եմ օգնեք, թե ինչպես պետք է կատարեմ գրառումը աշխատանքային գրքույկում:
Շնորհակալություն:
Ի՞նչ հարկեր պետք է վճարի ԱՁ-ն
Shushan.
Խնդրում եմ պատասխանեք` Ա/Ձ-ն, որ աշխատում է շրջանառության հարկով և չունի գրանցված աշխատող, բացի շրջանառության հարկից այլ հարկեր պե՞տք է վճարի, թե ոչ, և կխնդրեի նշել հոդվածը:
Չօգտագործված արձակուրդի փոխհատուցում
Աշոտ.
Հարգելի հաշվապահներ,
Հիմնարկում աշխատանքների ծավալների կրճատման պատճառով տնօրինությունը մտադիր է կրճատել իմ հաստիքը և 01.04.14թ.-ից ազտելաշխատանքից: Վերջին անգամ արձակուրդ եմ գնացել 2008/2009 ժամանակահատվածի համար (մեզ մոտ չգիտեմ ինչու արձակուրդը հատկացնում են այդպիսի ձևակերպումով՝ 2008/2009 և այլն): Խնդրում եմ պատասխանել` վերջնահաշվարկի ժամանակ արդյո՞ք հիմնարկությունը պարտավոր չէ վճարել 2009/2010, 2010/2011, 2011/2012, 2012/2013 և 2014թ. 3 ամսվա ժամանակահատվածի համար: Մեր հաշվապահն ասում է, որ պարտավոր են վճարել վերջին 3 տարվա համար:
Ցանկացած պատասխանի դեպքում կար՞ող եք որպես հիմնավորում նշել որևէ օրենսդրական ակտ:
Շնորհակալություն:
Նպաստի հաշվարկ
Անի.
Բարև ձեզ: Ֆիզարձակուրդի հաշվարկում արդյո՞ք հաշվի են առնվում նաև պարգևավճարները, և հաշվարկվում է մաքուր աշխատավարձը, թե՞ առանց պահումների:
Ֆիզ. անձի հետ կնքվել է քաղաքացիաիրավական պայմանագիր
Լուսինե.
Հարգելի հաշվապահներ, եթե ֆիզ. անձի հետ կնքվել է քաղաքացիաիրավական պայմանագիր մինչև 1 ամիս ժամկետով, տվյալ անձի համար ընդունման-ազատման գրանցման հայտ էլ. եղանակով պե՞տք է ուղարկվի, թե՞ տվյալ անձի համար այլ հավելումներ տողում պետք է լրացվի (015), և դրանից կուտակային պե՞տք է պահվի, թե՞ ոչ: Կանխավ շնորհակալություն:
Անվանական ապրանքային մնացորդ
astxik.
Հարգելի հաշվապահներ, դուք տեղյա՞կ եք, 2013թ սեպտեմբերի 1-ի դրությամբ որոշում կա՞, որ ապրանքային մնացորդ պետք է ունենաք անվանական:
Աշխատանքային գրքույկը աշխատողին հարկավոր է
Margarita.
Եթե աշխատանքային գրքույկը աշխատողին հարկավոր է, տնօրենը իրավունք ունի՞ մերժելու` չտրամադրելու այն: Կանխավ շնորհակալություն:
Կազմակերպությունը ստացել է սուբսիդիա
Artur.
Խնդրում եմ պատասխանել հետևյալ հարցերին.
1. Կազմակերպությունը ստացել է սուբսիդիա ինչ որ ապրանք էժան մատակարարելու համար կառավարության ծրագրի շրջանակներում, օրինակ 200 դրամանոց ապրանքը վաճառի 150-ով, իսկ 50 դրամը տրամադրվել է սուբսիդիա, հաշիվ-ապրանքագիրը գրվել է 150-ով, 50 դրամը բնականաբար համարվում է եկամուտ: Արդյո՞ք այն արտացոլվեու է ԱԱՀ-հաշվարկում, եթե այո, ապա որ տողում և ինչի՞ հիման վրա, իսկ եթե ոչ, ապա շահութահարկի հաշվարկի ո՞ր տողում
2. Ստացել է նաև դրամաշնորհ այդ ապրանքը առաքելու համար ևս 50 դրամ, արդյո՞ք այն արտացոլվեու է ԱԱՀ-հաշվարկում, եթե այո, ապա ո՞ր տողում և ինչի՞ հիման վրա, իսկ եթե ոչ, ապա շահութահարկի հաշվարկի ո՞ր տողում: Կազմակերպությունը առաքումը իրականացրել է բեռնափոխադրող կազմակերպության միջոցով: Խնդրում եմ, եթե հնարավոր է, տալ մանրամասն պատասխան:
Նորաբաց կազմակերպությունը գործունեություն չի ծավալելու
Վարդգես.
Խնդրում եմ օգնել հետևյալ հարցում:
Ցանկանում եմ բացել ՍՊԸ, սակայն ընկերությունը նախատեսում է մինչև հունիսի 1-ը գործունեություն չծավալել: Ի՞նչ է անհրաժեշտ անել, որպեսզի հարկային տեսչությունը այդ նոր ՍՊԸ-ին ժամանակավոր չներառի իր հարկային վճարումների մեջ: Կանխավ շնորհակալություն:
Ի՞նչ տարեկան հաշվետվություն են տալիս արտոնագրային վճարով աշխատող Ա/Ձ-ները
Աննա.
Հարգելի հաշվապահներ, կարո՞ղ եք ասել` ինչ տարեկան հաշվետվություն են տալիս արտոնագրային վճարով աշխատող Ա/Ձ-ները: Կանխավ շնորհակալություն:
Պարտադիր պաշտոններ ՍՊԸ-ում
Վարդգես.
Խնդրում եմ օգնել ինձ հետևյալ հարցում. ՍՊԸ-ում բացի տնօրենից կա՞ն որևէ այլ պաշտոններ, որոնք պետք է պարտադիր լինեն: Կանխավ շնորհակալություն:
2014թ. նվազագույն ժամային դրույքաչափ
ameli.
Խնդրում եմ օգնեք իմանալ 2014թ. նվազագույն ժամային դրույքաչափը հերթափոխով աշխատելու ժամանակ:
Կազմակերպությունը 2013 թ. վերաբերվող պարգևավճարները վճարում է 2014 թ. սկզբին
Գառնիկ.
Հարգելի կոլեգաներ, խնդրում եմ պարզաբանել հետևյալը:
Կազմակերպությունը 2013 թ. վերաբերվող պարգևավճարները վճարում է 2014 թ. սկզբին: Պարտադիր կուտակային կենսաթոշակային վճարների առումով արդյո՞ք տվյալ պարգևավճարը համարվում է նվազեցվող եկամուտ, թե՞ այն չպետք է նվազեցվի՝ հաշվի առնելով, որ դա 2013 թ. եկամտի մաս է (պարզապես վճարվել է 2014 թ.-ին):
Նախօրոք շնորհակալություն:
Արդյո՞ք պետք է լինի աշխատանքային պայմանագիր տնօրենի հետ
Արսինե.
Հարգելի հաշվապահներ, խնդրում եմ օգնեք.
եթե ՍՊԸ-ի պետռեգիստրի վկայականով նշված է, թե ով է տնօրենը, նման պարագայում պետք է լինի աշխատանքային պայմանագիր տնօրենի հետ, թե՞ հիմնադրի որոշում:
Կազմակերպությունը ինչպե՞ս պետք է կատարի ԱԱՀ-ի հաշվանցումները
Հ.Ա.
Հարգելի փորձառու հաշվապահներ, ձեր օգնության կարիքն ունեմ:
ԱԱՀ վճարող կազմակերպությունը լիզինգով ձեռք է բերել էքսկավատոր, որի համար վարկային կազմակերպությունից ստացել է հաշիվ 20 մլն դրամի (ներառյալ ԱԱՀ-ն), վճարել է կանխավճար 2 մլն դրամ: Ֆին. վարձակալության պայմանագրում էլ նշված է, որ վարձակալված գույքի` Վարձատուի ձեռք բերման գինը 20 մլն. դրամ է կազմում: Մարումների գրաֆիկը տրված է ԱՄՆ դոլարով:
Հարցս հետևյալն է.
կազմակերպությունը ինչպե՞ս պետք է կատարի ԱԱՀ-ի հաշվանցումները, և վճարված տոկոսները կարո՞ղ ենք ծախսագրել: Ի՞նչ արժույթով մուտք անեմ ՀՄ-ն, եթե ՀՄ-ի ձեռք բերման փաստաթղթում արժեքը դրամով է, լիզինգի պայմանագրում արժեքը, կանխավճարն ու մնացած մարումները նշված են դոլարով:
Ես կարծում եմ, որ կանխավճարից 16.67 տոկոս պետք է միանգամից հաշվանցեմ, բացի դա վճարվելիք գումարներից մայր գումարը պետք է բազմապատկեմ այդ օրվա ԿԲ-ի կուրսով ու դրան համապատասխան 16.67 տոկոսը հաշվանցեմ, իսկ վճարվող տոկոսը տվյալ հաշվետու ժամանակաշրջանում ծախս ճանաչեմ:
Սպասում եմ Ձեր կարծիքներին:
Հարգանքներով Հ.Ա.
Շահութահարկի կանխավճարի հետ կապված
emi.
Նախորդ տարի շահութահարկի կանխավճարներ չեմ վճարել, հարկը 500 հազարից պակաս էր, 2013 -ի հարկը 550 հազար է: 2014-ին ինչքա՞ն և ե՞րբ պետք է կատարեմ առաջին կանխավճարը:
Շնորհակալություն:
ՍՊԸ-ն գնել է կաբել նոյեմբերին
emi.
ՍՊԸ-ն գնել է կաբել նոյեմբերին, 2013-ի վերջում չի շահագործվել: Շահագործվել է մինչև 01.03.2014: Խնդրում եմ ասեք` ինչպիսի՞ փաստաթղթեր պետք է լրացնեմ հերթականորեն, ինչպիսի՞ ակտեր, ու եթե կարելի է ձևերը ուղարկեք: Եվ դրա համար հրաման պե՞տք է գրվի:
Շահութահարկի եռամսյակային կանխավճար
Ալեքսանդր.
Ո՞ր հաշվին պետք է վճարել շահութահարկի եռամսյակային կանխավճարը` 18.75 տոկոս:
Կազմակերպության աշխատակիցը փոխադրվում է այլ աշխատանքի
Աննա.
Բարև ձեզ:
Կարո՞ղ եք օգնել, հարցս հետևյալն է. կազմակերպության Ա աշխատակիցը փոխադրվում է այլ աշխատանքի նույն կազմակերպությունում: Նախկինում այդ պաշտոնի պարտականությունները իրականացնում էր այլ Բ աշխատակից: Կցանկանայի իմանալ` արդյո՞ք հնարավոր է միևնույն հրամանով կատարել անձի փոխադրումը և միաժամանակ անվավեր ճանաչել այն հրամանը, որով Բ աշխատակիցը իրականացնում էր այդ պարտականությունները: Բացի այդ` քանի՞ օր առաջ պետք է կազմվի համաձայնագիրը Ա աշխատակցի փոխադրման համար:
Նախապես շնորհակալություն:
Ընկերության սեփականատերը ստացել է շահաբաժին
Գարիկ.
Հարգելի հաշվապահներ, խնդրում եմ օգնեք:
Եթե ընկերության սեփականատերը ստացել է ասենք 2 միլիոն դրամի չափով շահաբաժին, արդյո՞ք նա որպես ֆիզիկական անձ պետք է հաշվետվություն ներկայացնի: Ու եթե այո, քանի որ շահաբաժինը չի հարկվում, պե՞տք է վճարվող հարկի դիմաց լրացվի զրո: Շնորհակալություն:
Կազմակերպությունը գնել է անշարժ գույք
Կարապետ.
Խնդրում եմ պատասխանեք:
1. Կազմակերպությունը գնել է անշարժ գույք, և նրանց կողմից տրվել է ելքի օրդեր` առանց հերթական համարի նշման, առանց տնօրենի ստորագրության և կնիքի, առանց գանձապահի ստորագրության (առկա է միայն հաշվապահի ստորագրությունը): Դա արդյոք կարո՞ղ է համարվել, որ կազմակերպությունը գնել է անշարժ գույք և գործարքը օրինական է:
2. Արդյո՞ք կազմակերպությունը` ՍՊԸ-ն կարող է նույն օրվա ընթացքում դուրս գրել 20.0 մլն դրամից ավել գումար և նույն օրը այն մուտքագրել դրամարկղ` առանց բանկային փոխանցումի:
Անհատ ձեռներեցը կարո՞ղ է ունենալ ֆիրմային անվանում
Գարիկ.
Անհատ ձեռներեցը կարո՞ղ է ունենալ ֆիրմային անվանում: Եթե այո, ապա ինչպե՞ս:
Աշխատանքային պայմանագրի տիպային ձև
astxik.
Հարգելիներս,
ինձ հարկավոր է տոկոսադրույքով աշխատող աշխատակիցների հետ կնքվող աշխատանքային պայմանագրի տիպային ձև, եթե կարելի է` կարևոր մասերը լրացված: Խնդրում եմ ուղարկել էլ. հասցե s.arpik շնիկ mail.ru Նախապես շնորհակալ եմ:
Ժամանակից շուտ ծննդաբերություն
Աննա.
Բարև Ձեզ:
Շատ շնորհակալ կլինեի, եթե պատասխանեիք այս հարցիս.
Ժամանակից շուտ ծննդաբերության պատճառով (հինգերորդ ամսին) աշխատանքի վայր եմ ներկայացրել ծննդաբերության մասին տեղեկանքը հիվանդանոցից, որտեղ նշած էր ինձ հասանելիք 70 օր արձակուրդը: Կուզենայի իմանալ` այդ օրերի դիմաց հասնու՞մ է ինձ գումար, թե՞ ոչ, ինչպես նաև` եթե ուզենամ ժամանակից շուտ վերադառնալ աշխատանքի, արդյո՞ք հրաման կտրվի, և ես կկարողանամ ստանալ ամսական աշխատավարձը:
Նախապես շնորհակալ եմ:
Ինչպիսի՞ ձևակերպում պետք է կատարվի
Սաթեն.
Հարգելի հաշվապահներ, խնդրում եմ պատասխանեք.
Կազմակերպության կողմից մարվել է ապրանքի գնման համար առաջացած կրեդիտորական պարտքը: Հետագայում պարզվել է, որ կատարվել է ավել վճարում, և այդ գումարը պետք է ետ ընդունվի: Ինչպիսի՞ ձևակերպում պետք է կատարվի.
5212- 2511-100000
2511-????- 30000
Նպաստ ստանալու համար
Նինա.
Բարև ձեզ, ես աշխատում եմ արդեն 3 տարի, հղիության 12-րդ շաբաթում եմ, սակայն կազմակեպությունը 1 կամ 2 ամսից կլուծարվի, փաստորեն ֆիզ. արձակուրդ չեմ հասցնի գնալ, խնդրում եմ` կարո՞ղ եք ասել, արդյո՞ք ոչինչ անել հնարավոր չէ որևէ գումար ստանալու համար, կամ ավելի շուտ որևէ ձևակերպուոմ անել: Կանխավ շնորհակալություն:
ՓՈՍ տերմինալով գործարքի դեպքում
Emily.
Խնդրում եմ օգնեք: ՓՈՍ տերմինալով գործարքի դեպքում ՀԴՄ-ում երևում է, որ գործարքի մի մասը անկանխիկ է: Հարցս հետևյալն է` եթե ՀԴՄ-ի Z հաշվետվության մեջ 50 000 է երևում, որից 20 000 տերմինալով գործարք է, ապա ինչպե՞ս կազմեմ ԴՄՕ-ն` 50 000, թե՞ 30 000, իմ կարծիքով` 30000-2511, քանի որ փաստացի այդքան է կանխիկը, 20 000 դե բնականաբար ձևակերպելու եմ բանկով` 25211:
ԱՁ չի ներկայացել ՀՏ
Սոնա.
Հարգելի կոլեգաներ, Ա/Ձ-ն գրանցվել է պետ. ռեգիստրում 25.02.2014թ, սակայն դեռ չի ներկայացել հարկային: Եթե Ա/Ձ-ն չի պատրաստվում գործունեություն իրականցնել, արդյո՞ք պետք է ներկայանա հարկային և ստանա ՀՎՀՀ, և արդյո՞ք պետք է որևէ վճարում անի և հաշվետվություն ներկայացնի:
Կանխավ շնորհակալություն:
ՏՀՏ-ն իրավունք ունի՞ ստուգում կազմակերպել դադարեցման շրջանում
Դիանա.
Բարև Ձեզ, կարո՞ղ եք ասել` ՍՊԸ-ն դադարեցման դիմում տալուց հետո ՏՀՏ-ն իրավունք ունի՞ ստուգում կազմակերպել դադարեցման շրջանում, խնդրում եմ նշել օրենքի կետ: Եվ կա՞ արդյոք օրենք, որ այսքան տարի դադարեցման մեջ գտնվող ՍՊԸ-ները ավտոմատ լուծարվում են: Շնորհակալություն:
Արդյո՞ք կարելի է լուծել աշխատանքային պայմանագիրը ՀՀ ԱՕ 112 հոդվածի համաձայն
Արմինե.
Հարգելի հաշվապահներ, մեր աշխատակիցը գտնվում է երեխայի խնամքի արձակուրդում, սակայն ցանկանում է ազատվել աշխատանքից երկրից մեկնելու պատճառով: Արդյո՞ք կարելի է լուծել աշխատանքային պայմանագիրը ՀՀ ԱՕ 112 հոդվածի համաձայն` աշխատակցի դիմումի հիման վրա:
ԱՁ զբաղվելու է մաքրման ծառայությունների մատուցմամբ
Վահե.
Բարև ձեզ:
Ցանկանում եմ բացել ԱՁ, որը զբաղվելու է մաքրման ծառայությունների մատուցմամբ: Կխնդրեմ ասել, թե որ հարկատեսակով ավելի արդյունավետ կլինի գործունեություն իրականացնել, ինչպիսի՞ պարտադիր վճարումներ պետք է կատարել, և պարտադի՞ր է լինելու արդյոք ՀԴՄ-ի կիրառումը:
Շնորհակալություն:
ԱՁ-ն կարո՞ղ է աշխատել մեկ ՀԴՄ-ով
Գայանե.
Բարև Ձեզ: Ա/Ձ-ն իր գործող գրախանութին կից առանձին բաժնով բացում է վարսավիրանոց: ԱՁ-ն կարո՞ղ է աշխատել մեկ ՀԴՄ-ով, բայց երկու բաժիններով` բաժին 1 և բաժին 2: Շնորհակալություն:
ԱՁ աշխատում է զբոսաշրջության ոլորտում
Հայրոյան.
Սկսնակ հաշվապահ եմ, խնդրում եմ ուղղություն տալ. տուրիստական միջնորդային կազմակերպություն է` ԱՁ, ինչպիսի՞ հարկով է հարկվում և ինչպիսի՞ հաշվետվություններ է ներկայացվում:
Աշխատավարձի հաշվարկման ցուցակի օրինակելի ձև
Սմբատ Աբովյան.
Բարև ձեզ: Խնդրում եմ, եթե հնարավոր է, օգնեիք բեռնել աշխատավարձի հաշվարկման ցուցակի օրինակելի ձև: Ի՞նչ պարտադիր դաշտեր պետք է պարունակի, և այլ լրացուցիչ, սակայն հաշվարկման համար անհրաժեշտ դաշտեր: Արդյո՞ք խախտում կդիտվի այդ դեպքում սյունակների ավելացումը, օրինակ՝ դրույքաչափ, գիշերավարձ, արտաժամյա աշխատանքի համար հավելավճար, ստաժի հավելավճար, բարձր լեռնային, արձակուրդային, հերթապահության, տոնական և հանգստյան օրերի, պարգևատրում, ԺԱԹ-հիվանդության նպաստ, Ֆիզ. նպաստ, օգնություն: Դա ամենը հաշվեցուցակի ձախ կողմում:
Իսկ աջ՝ եկամտային հարկ, անդամավճարներ, օրինակ` արհմիության, դատավորների միության, բռնագանձման ենթակա դատարանի վճռով: Դա լուրջ հարց է, շատ տեղերում տարբեր մոտեցում է, և օգտագործվում են տարբեր ձևեր:
Շնորհակալ կլինեմ:
Սմբատ Աբովյան՝ smbat_sun շնիկ mail.ru
Աշխատանքային պայմանագրի լուծման կարգ
Լիանա.
Բարև ձեզ:
Կասե՞ք՝ աշխատողի հետ աշխատանքային պայմանագրի լուծման կարգն ինչպիսին է: Աշխատողը դիմում է գրում ու վե՞րջ:
Ցորենի ներմուծում ՌԴ-ից
Sirarpy.
Ես անհատ ձեռներեց եմ և ինձ հետաքրքրում է, թե որքան է 1տ ցորենի թեփի մաքսազերծման գինը մեր երկիր ՌԴ-ից:
Կարո՞ղ է արդյոք կազմակերպությունը ծախս ճանաչել կոմունալ վճարները
Հայկ.
Հարգելի հաշվապահներ, խնդրում եմ, օգնեք: Եթե կազմակերպությունը ֆիզ. անձից տարածք է վարձակալել, որտեղ իրականացնում է իր գործունեությունը, կարո՞ղ է արդյոք կազմակերպությունը ծախս ճանաչել էլ. էներգիայի ու մնացած կոմունալ վարձերը և նվազեցնել շահութահարկից:
Արդյո՞ք կարիք կա կնքելու համատեղությամբ աշխատանքային պայմանագիր
Սուսաննա.
Բարև Ձեզ, ես աշխատում եմ որպես գործավար, իսկ կադրերի բաժնի աշխատակցի ազատումից հետո նաև համատեղությամբ կադրերի բաժնի տեսուչ միևնույն հիմնարկությունում: Ներքին հրամանով գործավարի հիմնական աշխատավարձի հետ ստանալու եմ նաև հավելավճար ԿԲ տեսուչի աշխատավարձի 50 տոկոսի չափով:
Հարցս հետևյալն է.
1. արդյո՞ք կարիք կա կնքելու համատեղությամբ աշխատանքային պայմանագիր (երկրորդը) միևնույն հիմնարկությունում երկու գործ համատեղելու պայմանով, եթե ոչ, ապա օրինական ձևակերպման կարգը ինչպիսի՞ն է
2. կա՞ որևէ սահմանապակում համատեղության դեպքում աշխատավարձի չափի հետ կապված: Կարելի՞ է արդյոք երկրորդ աշխատանքի համար վճարել ոչ թե 50 տոկոս, այլ 90 տոկոս:
3. այս դեպքում օրենքով թույլատրվու՞մ է ութժամյա աշխատաժամանակում համատեղել միևնույն ձեռնարկությունում մեկ անձի կողմից երկու աշխատանքների կատարումը
Կանխավ շնորհակալություն:
Հարգանքներով` Սուսաննա:
Կուտակային կենսաթոշակների վճարների ձևակերպումներ
anna.
Բարև Ձեզ:
Խնդրում եմ տալ հետևյալ գործառնության հաշվապահական ձևակերպումը` աշխատավարձից կատարված հատկացումները (5%) կուտակային կենսաթոշակային հիմնադրամին:
527.1- ? - X (5%)
? - 252.1 - X (5%)
Կանխավ շնորհակալություն:
Վերջին մեկնաբանություններ