Ինչպե՞ս ակտիվացնել “Էլեկտրոնային գրքեր” էջը
Իզաբելա.
Հարգելի գործընկերներ, եթե ճիշտ եմ հասկացել, 2014թ. առաքվող, տեղափոխվող ապրանքների գրքերը լրացվելու են էլեկտրոնային եղանակով: Հարկային հաշիվների ծրագրում կա էլեկտրոնային գրքեր էջը, որը ակտիվ վիճակում չէ: Խնդրում եմ ասել` ինչպե՞ս ատիվացնել այն: Ես ունեմ Հարկային Տեսչության կողմից տրված անուն և գաղտնաբառ: 
Արդյո՞ք նվիրատվությունը մաքսազերծման ենթակա է
Արման.
Բարև Ձեզ: Հարցս հետևյալն է, խնդրում եմ պատասխանեք: Արդյո՞ք նվիրատվությունը մաքսազերծման ենթակա է, թե՞ ոչ: Շնորհակալություն:
Վերջնահաշվարկ ժամային վարձատրության դեպքում
Arman.
Բարև ձեզ: Կարո՞ղ եք ինձ օգնել` ինչպե՞ս են հաշվարկում վերջնահաշվարկ կամ արձակուրդային վճար ժամային վարձատրության դեպքում, օրական 1 ժամ 5 օրյա աշխատանքային շաբաթվա դեպքում: Շնորհակալություն:
Աշխատողի լրացուցիչ պարտականությունների նշանակում
Արման.
Բարև ձեզ: Խնդրում եմ, ինձ շտապ օգնեք: Ես կարո՞ղ եմ գրանցել մեկ աշխատանքային պայմանագիր ու համաձայնագիր և նշել մեկ դրույք: Օրինակ՝ ընդունել աշխատանքի որպես տնօրեն՝ 5 ժամ աշխատանքային գրաֆիկով, և համատեղության կարգով նշանակել կոսմետոլոգ՝ 1 ժամ աշխատանքային գրաֆիկով, աշխատավարձը՝ 100 000 դրամ:
Եթե դա սխալ է, ապա ինչպե՞ս կարող եմ դա գրանցել, որ 100 000 դրամ աշխատավարձը չգերազանցի: Շնորհակալություն:
Տոն օրերի համար հաշվարկ կատարելիս
Garik.
Բարև Ձեզ: Հունվար ամսին տոն օրերին աշխատել են, աշխատանքը վեցօրյա է, տոն օրերի համար հաշվարկ կատարելիս քանի՞ օրվա պետք է բաժանվի` 20, թե՞ 20 + աշխատած տոն օրեր:
Աշխատողը աշխատում է 3 աշխատավայրերում
Ռայա.
Հարգելի գործընկերներ,
կարո՞ղ եք ասել, եթե աշխատողը ունի հիմնական աշխատանք, համատեղությամբ աշխատանք, և մեկ այլ ընկերությունում էլ քաղ. իրավական պայմանագրով է աշխատում, հղիության և ծննդաբերության արձակուրդ վերցնելու դեպքում ՀՀ օրենքով 3 տեղից էլ պե՞տք է ձևակերպվի արձակուրդը և վճարվի: Առանձնապես հետաքրքիր է քաղ. իրավականի դեպքում: Խնդրում եմ հղել հոդվածը:
Արդյո՞ք արձակուրդում գտնվող աշխատողին կարող են ազատել աշխատանքից
Լիանա.
Բարև Ձեզ: Խնդրում եմ պատասխանել իմ հարցին. ես գտնվում եմ երեխայի խնամքի համար տրամադրված արձակուրդում: Կարո՞ղ են ինձ ազատել աշխատանքից: Իսկ եթե շուտով ֆիզ. արձակուրդ գնամ, արդյո՞ք կվճարվեմ: Նախապես շնորհակալություն:
Անձը ցանկանում է վաճառել մեկ առանձնատուն և մեկ բնակարան
Էդգար.
Հարգելի հաշվապահներ,
3-4 ամիս առաջ գնել եմ մեկ առանձնատուն և մեկ բնակարան: Հիմա ուզում եմ երկուսն էլ վաճառել: Խնդրում եմ ինձ պատասխանել` արդյո՞ք դա կդիտվի որպես միևնույն տեսակի գույք և ենթակա կլինի գանձման 20 տոկոս ավելացված արժեքի հարկով, թե՞ ոչ մի խնդիր չի լինի: Որովհետև օրենքում նշված է` նույն տեսակի գույքի օտարումը և առանձին ձևով է նշված` բնակարան և առանձնատուն: Կանխավ շնորհակալություն:
Տարեկան ի՞նչ հաշվետվություններ են ներկայացնում ԱՁ-ները
Վարդուհի.
Հարգելի հաշվապահներ,
Ա/Ձ -ները, որոնք չունեն աշխատողներ, տարեկան ի՞նչ հաշվետվություններ են ներկայացնում: Կանխավ շնորհակալություն:
Անձը մեկ տարվա ընթացքում օտարել է իրեն պատկանող երեք բնակարան
Վահագն.
Հարգելի հաշվապահներ,
Մեկ տարվա ընթացքում օտարել եմ ինձ պատկանող երեք բնակարան, որոնցից առաջինը վաճառել եմ, իսկ մյուս երկուսը նվիրաբերել եմ սահմանափակ պատասխանատվությամբ ընկերությանը, որի հիմնադիրն ու տնօրենը հանդիսանում եմ ինքս: ՍՊԸ-ն իր հերթին վաճառել է այդ բնակարանները, ուստի և վճարել է առաջացած ԱԱՀ-ն: Մտավախություն ունեմ որպես անհատ ևս ենթարկվելու կրկնակի հարկման: Որքանո՞վ է իրատեսական դա: Նշեմ նաև, որ այդ գործընթացը կատարվել է մեկ տարվա ընթացքում:
ԱՁ եկամտային հարկ
Հրայր.
Հարգելի մասնագետներ, ինչպե՞ս ԱՁ-ն կարող է վճարել 5 000 դրամ ամսական եկամտային հարկը: Հնարավո՞ր է արդյոք վճարել տարվա կտրվածքով (60 000 դրամ):
Վարձատրություն կատարված աշխատանքների դիմաց
Gayane.
Հարգելի կոլեգաներ, ասացեք խնդրեմ` եթե կազմակերպությունը ֆիզ. անձի հետ մեկ տարով կնքում է քաղաքացիաիրավական պայմանագիր կատարված աշխատանքների համար, պայմանագրում կարո՞ղ է նշել յուրաքանչյուր ամսվա համար վճարումը 30 000 դրամ, թե՞ պարտադիր պետք է լինի 46 300 դրամից ոչ պակաս:
Նախապես շնորհակալ եմ:
Արդյո՞ք ճիշտ է եկամտային հարկ պահելը
Լուսիկ Այվազյան.
Հարգելի հաշվապահներ, ֆիզիկական անձանց հետ կնքվել է տրանսպորտային միջոցի վարձակալության պայմանագիր: Ֆիզիկական անձը ծառայության է մատուցում դրա կառավարման և տեխնիկական շահագործման համար: Աշխատանքներ կատարելուց հետո հաշվարակվել է վարձակալության գումարը համաձայն պայմանագրի, և այդ գումարից հաշվարկվել է եկամտային հարկ: Արդյո՞ք ճիշտ է եկամտային հարկ պահելը: Կանխավ շնորհակալություն:
Շրջանառության հարկի ձևակերպումներ
Hayk.
Հարգելի հաշվապահներ, խնդրում եմ ասեք, թե ինչ հաշիվներով է կատարվում շրջանառության հարկի ձևակերպումները:
Կարո՞ղ է արդյոք անչափահասն աշխատել լողավազանում որպես մարզիչ
Նարինե.
Բարև Ձեզ: Կարո՞ղ է արդյոք անչափահասն աշխատել լողավազանում որպես մարզիչ: Եթե ոչ, ապա ինչու՞, ո՞ր օրենքով կամ որոշմամբ է դա արգելվում: Կանխավ շնորհակալ եմ:
Ինչպե՞ս ընտրել ֆոնդեր և ֆոնդի կառավարիչ
Տիգրան.
Բարև Ձեզ: Խնդրում եմ օգնել ինձ:
Ես հանդիսանում եմ ՍՊԸ-ի փոխտնօրեն համատեղության կարգով, նաև աշխատում եմ մեկ այլ տեղ, վարում եմ այդ ՍՊԸ-ի հաշվապահությունը: Խնդրում եմ ասեք` 5% պարտադիր կուտակային վճարը երկու տեղից էլ պե՞տք է փոխանցվի: Եվ եթե կարող եք, ասեք` ինչպե՞ս եմ ֆոնդեր և ֆոնդերի կառավարիչներ ընտրում: Նախօրոք շնորհակալ եմ:
Մարզադաշտի վարձակալության գործունեություն
Նարեկ.
Խնդրում եմ օգնել հետևյալ հարցում:
Հարգելի հաշվապահներ, հարցս հետևյալն է.
Ես ցանկանում են բացել մինի-ֆուտբոլի դաշտ (վարձակալությամբ հանձնել հաճախորդներին), այն պետք է բացվի ԱՁ-ով, թե՞ ՍՊԸ-ով: Եվ ինչպե՞ս է այն հարկվում: Կանխավ շնորհակալություն:
Զբոսաշրջային գործունեություն
Emily.
Բարև Ձեզ, հարգելի հաշվապահներ: Կխնդրեի, որ պատասխանեին զբոսաշրջության ոլորտում աշխատող հաշվապահները: Ա/Ձ սկսել է զբաղվել արտասահմանյան երկրների զբոսաշրջային կազմակերպությունների հետ զբոսաշրջային գործունեությամբ և հյուրանոցներում, հանգստյան տներում տեղեր ամրագրելով: Հարցերս հետևյալն են`
1. Արդյո՞ք պետք է Ա/Ձ-արտասահմանյան երկրներ ուղարկվող պայմանագրերի և հաշիվ-ֆակտուրաների համար համար ձեռք բերի կնիք կամ հակառակ դեպքում պե՞տք է արդյոք գլխավոր պայմանագրերը նոտարով հաստատված լինեն:
2. Արդյո՞ք պետք է պայմանագրերը և հաշիվ-ֆակտուրաները լինեն նաև հայերեն տարբերակով, բացի տվյալ երկրի լեզվով գրվածից:
3.Արդյո՞ք Ա/Ձ չի կարող աշխատել միայն բանկային հաշիվներով և պետք է ունենա ՀԴՄ և բացի ՀԴՄ կտրոնից հաճախորդին տրամադրի հաշիվ-ֆակտուրա ռուսերեն կամ անգլերեն, կամ այն երկրի լեզվով, ուր որ գնում է հաճախորդը: Ա/Ձ դեռ շրջանառության հարկ վճարող է:
Եվ վերջում շատ կխնդրեի, որ այս ոլորտում աշխատող հաշվահապներից մեկը իր հեռախոսի համար գրեր, որ հարցերի դեպքում դիմեի, իհարկե եթե կարելի է :)
Ի՞նչ տարեկան հաշվետվություն պետք է ներկայացնի ԱՁ-ն
Արսինե.
Հարգելի հաշվապահներ, խնդրում եմ օգնեք.
եթե ԱՁ-ն աշխատում է շրջանառության հարկով, տալիս է եկամտային հարկի ամսական հաշվետվություն վարձու աշխատողների մասով և շրջանառության հարկի եռամսյակային հաշվետվություն, ապա որևիցե տարեկան հաշվետվություն պե՞տք է ներկայացնի, թե ոչ:
Կանխավ շնորհակալություն:
Տարեկան ի՞նչ հաշվետվություն պետք է հանձնել
Նանե.
Բարև Ձեզ, ես ցանկանում եմ իմանալ` ՀԿ-ները բացի շահութահարկի պարզեցված հաշվարկից տարեկան էլ ի՞նչ հաշվետվություն պետք է ուղարկեն: Շնորհակալ եմ շատ:
ԱՁ գործունեություն է իրականացնում տարբեր վայրերում
Վրույր.
Բարև Ձեզ: Եթե ԱՁ-ի գործունեությունն այնպիսին է, որ այն տեղի է ունենում տարբեր վայրերում, օրինակ` ոռոգման ցանցերի նախագծում և այլն: Այդ դեպքում հարկային պարտավորությունները կատարվում են գրանցման վայրու՞մ, թե՞ որտեղ: Կանխավ շնորհակալություն:
ԱԱՀ հաշվարկի վերաբերյալ
Լյուդմիլա.
Շատ շտապ է, խնդրում եմ արագ արձագանքեք հարցիս` 2013 -ի չորրորդ եռամսյակից ԱԱՀ վճարող եմ համարվել, մինչ այդ շրջանառության հարկով եմ հարկվել մինչև սեպտեմբերի 30-ը:
Հարցս հետևյալն է` սեպտեմբերի համար Արմենթելի ու Օրանժի հարկային հաշիվները ստացել եմ Հոկտեմբերի 5-ին: Կարո՞ղ եմ հոկտեմբերի 5-ին ստացած հարկային հաշիվները չորրորդ եռամսյակի ԱԱՀ-ի հաշվարկի մեջ ներառել:
Քանի՞ օրվա համար պետք է հաշվարկել նպաստը
Anna.
Բարև Ձեզ:
Խնդրում եմ օգնեք հաշվարկել իմ հղիության արձակուրդի օրերը, եթե ես պետք է գնամ այդ արձակուրդին հունվարի 13-ից, սակայն մինչև հունվարի 23-ը ես գտնվում եմ պետական արձակուրդում: Այսինքն` քանի՞ օրվա համար պետք է հաշվարկեն հղիության և ծննդաբերության նպաստը:
Կանխավ շնորհակալություն:
Վիճակագրական հաշվետվության բլանկ
Նառա.
Բարև Ձեզ: Խնդրում եմ ինձ ուղարկեք վիճակագրական հաշվետվության բլանկ կամ ասեք` որտեղից կարող եմ բեռնել: Նախապես շնորհակալություն:
Տարեկան հաշվետվության ո՞ր ձևը պետք է ուղարկել
Մանե.
Մի հարց ունեմ՝ էլեկտրոնային հաշվետվությունների հետ կապված:
Մանկապարտեզ ՀՈԱԿ-ի համար ամեն ամիս ուղարկում եմ 86-րդ ձևը, իսկ տարեկան հաշվետվության ո՞ր ձևը պետք է ուղարկեմ: Նախապես շատ շնորհակալ եմ:
Գույքի անհատույց օգտագործման պայմանագիր
Gohar.
Հարգելի հաշվապահներ, հնարավո՞ր է ֆիզ. անձի և կազմակերպության միջև կնքել անշարժ գույքի անհատույց օգտագործման պայմանագիր:
Ի՞նչ հիմքով է տեղափոխվում չօգտագործված արձակուրդը
Սասուն.
Ի՞նչ հիմքով է տեղափոխվում չօգտագործված արձակուրդը, և մինչև քանի՞ չօգտագործված արձակուրդ կարելի է տեղափոխել:
Ի՞նչ տարեկան հաշվետվություն պետք է ներկայացնել
Լիլի.
Բարև ձեզ: Հարգելի կոլեգաներ, ի՞նչ տարեկան հաշվետվություն պետք է ներկայացնել, եթե ՍՊԸ-ն ՓՄՁ է և 2013թ. ընթացքում ներկայացրել է շրջանառության հարկի եռամսյակային և եկամտային հարկի ամսական հաշվետվություններ: Խնդրում եմ, նշեք հաշվետվության ձևի համարը և ժամկետները:
Արդյո՞ք աշխատողի համար հաշվարկվում է հավելավճար
Գոհար.
Հարգելի հաշվապահներ, խնդրում եմ պատասխանել իմ հարցին:
Աշխատողը 5 տարի աշխատել է մի գործատուի մոտ և ստացել ստաժի հավելավճար: Այնուհետև աշխատանքից դուրս գալուց 2 ամիս անց անցել է աշխատանքի մեկ այլ գործատուի մոտ: Այս գործատուի մոտ հաշվարկվու՞մ է արդյոք նրա աշխատանքային ստաժը և վճարվու՞մ է նրան ստաժի հավելավճար նախկին 5 տարվա համար, թե՞ ոչ:
Նախապես շնորհակալություն:
Տնօրենը արդյո՞ք կրում է պատասխանատվություն
Ավետիք.
ՍՊԸ տնօրենը արդյո՞ք կրում է պատասխանատվություն ՍՊԸ-ի պարտքերի համար իր անձնական ունեցվածքով:
Կազմակերպությունը իրականացրել է փոխանակման գործարք
Սաթեն.
Հիմնական միջոցների ձեռք բերման համար կազմակերպությունը վճարումը կատարում է ոչ թե դրամով, այլ բարտերի տեսքով, տալիս է ապրանք` ինքնարժեքով: Այդ ապրանքի համար պե՞տք է իրացում ձևակերպեմ և ներառեմ շրջանառության հարկի հաշվարկում:
Կարգավորող հաշիվների նշանակություն
Marina Zazyan.
Բարև ձեզ, հարգելի հաշվապահներ: Խնդրում եմ ձեզ բացատրել կարգավորող հաշիվների նշանակությունը: Առավել պարզ լինելու համար` օրինակով: Նախապես շնորհակալություն:
Արդյո՞ք գործունեությունը ԱԱՀ – ով հարկվող է
Արգամ.
Հարգելի կոլեգաներ, ԱԱՀ-ով հարկվող գործունեությու՞ն է արդյոք հանրային սննդի առաքումը, եթե առաքման առանձին գումար չի գանձվում պատվիրատուից: Կանխավ շնորհակալ եմ:
Պարտադիր կուտակայինի վերաբերյալ
Լյուդմիլա.
Հարգելիներս, բարև ձեզ: Խնդրում եմ պատասխանել հարցիս` տնօրենը ցանկանում է աշխատողների պարտադիր կուտակայինի 5% -ը ընկերության հաշվին տրամադրել, ինչպե՞ս պետք է անել` ուղղակի աշխատավարձը բարձրացնել 5%-ով, թե՞ այլ տարբերակ կա: Շահութահարկի մասով դա ծա՞խս է: Ու ի՞նչ ձևակերպումներ պետք է տալ ընդհանրապես, եթե հնարավոր է` համապատասխան հղում կատարեք:
Եթե ֆիզ. անձը ապրանք է ստանում փոստով
Կարինե.
Բարև ձեզ: Կցանկանայի իմանալ` ֆիզիկական անձինք երբ սովորական առցանց ապրանք են գնում, այժմ պե՞տք է հարկ վճարեն: Նախկինուն փոստով գալիս էր անվճար, իսկ 2014 թվականից հա՞րկ ենք մուծելու և ինչքա՞ն:
Աշխատավարձի հաշվարկ ժամավարձային սկզբունքով
Gayane.
Կազմակերպությունը ՀԿ է, ունի հաստատված հաստիքացուցակ, և վճարումը կատարում է համաձայն հաստիքացուցակի, և աշխատանքային պայմանագրերում նշված է հաստիքային դրույքի չափը, օրինակ, 70 000 դրամ:
Սակայն վերջերս իմացանք, որ պայմանագրերում պարտադիր պետք է նշված լինի ժամավարձային արժեքը, օրինակ, 770 դրամ, և հաշվարկը կատարվի համաձայն դրա:
Հարցս հետևյալն է` այդ դեպքում ո՞րն է հանդիսանալու հիմք աշխատավարձի վճարման դեպքում, որովհետև 20, 21 կամ 22 աշխատանքային օրերի դեպքում աշխատանքային ժամերը կլինեն տարբեր, դրանից ելնելով էլ` աշխատավարձը կլինի տարբեր, և այն էլ այն չի համապատասխանի հաստիքացուցակին:
Նախապես շնորհակալ եմ:
Անշարժ գույքի գործակալություն հիմնելու համար
Խորեն Ս.
Բարև ձեզ:
Շնորհավոր Ամանոր:
Ես ցանկանում եմ հիմնել անշարժ գույքի գործակալություն: Խնդրում եմ, ցույց տաք ճանապարհ՝ ինչի՞ց սկսել, եթե ցանկանում եմ այն աշխատացնել որպես ԱՁ: Եվ յուրաքանչյուր աշխատողի համար ի՞նչ հարկեր կամ տուրքեր կան: Հարկման ի՞նչ առանձնահատկություններ կան: Խնդրում եմ նկարագրել հնարավորինս մանրամասն: Կանխավ շնորհակալություն:
Օտարերկրյա կազմակերպությունը իր ներկայացուցչությունն է բացել ՀՀ-ում
Armen.
Եթե օտարերկրյա կազմակերպությունը իր ներկայացուցչությունն է բացել ՀՀ-ում և այդ ընթացքում ՀԴՄ-ով գործարք չի կատարել, այլ միայն ֆինանսավորել է կրթական ծրագրեր և անհատույց գույք է գնել այլ ոչ առևտրային կազմակերպությունների համար, այս դեպքում ինքը ԱԱՀ-ով հարկվող համարվու՞մ է, թե՞ ոչ (ԱԱՀ-ի մասին 3-րդ հոդվածը կարդացել եմ, հստակ չեմ պատկերացնում):
Ազատ գրաֆիկով աշխատողի աշխատանքի վարձատրություն
Գայանե.
Հարգելի հաշվապահներ, ասացեք խնդրեմ` եթե կազմակերպությունը հունվարի 8-ից աշխատանքի է ընդունել ազատ գրաֆիկով օրական 3 ժամ ժամանակով անձի, կարո՞ղ ենք պայմանագրում գրել` հունվարի 8-ից անցնել աշխատանքի ազատ գրաֆիկով, օրական 3 ժամ ժամանակով` աշխատավարձը սահմանելով 40 000 ՀՀ դրամ:
Նախապես շնորհակալ եմ:
Աղբահանություն և սանիտարական մաքրում իրականացնող կազմակերպություն
Հաշվապահ.
Բարև բոլորին:
Ժողովուրդ ջան, խնդրում եմ պատասխանեք իմ հարցին, շատ կարևոր է:
Ինչպիսի՞ հարկային ռեժիմով պետք է աշխատի աղբահանություն և սանիտարական մաքրում իրականացնող ՍՊԸ-ն (օպերատոր): Եվ եթե կարելի է` հղում կատարեք համապատասխան օրենսդրությանը:
Որպես ԱՁ գրանցվելու համար
armine.
Բարև ձեզ, ես ցանկանում եմ որպես անհատ ձեռներեց գրանցվեմ: Ինչպե՞ս դա իրականացնեմ և ու՞ր դիմեմ:
Արդյո՞ք պետք է հաշիվները գրանցել առաքման գրքում
Նարինե.
Հարցս հետևյալն է` կազմակերպությունը աշխատում է մեծածախ առևտրով, ԱԱՀ-դաշտում: Հաշիվ-ապրանքները գրվել են նաև ոչ էլետրոնային: Արդյո՞ք պետք է ոչ էլեկտրոնային եղանակով դուրս գրված հաշիվ-ապրանքագրերը գրանցել առաքման գրքում: Կանխավ շնորհակալություն:
Հնարավո՞ր է արդյոք ստանալ նպաստը
Անի.
Գտնվում եմ երեխայի խնամքի արձակուրդում, Հայաստանից բացակայել եմ 9 ամիս, երեխայի խնամքի նպաստ չեմ ստացել: Խնդրում եմ պատասխանել` հնարավո՞ր է արդյոք այդ գումարը ստանալ, եթե այո, ապա խնդրում եմ ասել` ո՞ր օրենքի հիման վրա: Նախապես շնորհակալություն պատասխանի համար:
Աշխատողները վարձատրվում են ժամավճարային սկզբունքով
Լյուդմիլա.
Բարև ձեզ: Խնդրում եմ հնարավորության դեպքում օգնեք հետևյալ հարցում:
Հունվարի 1-ից ունեմ ժամավճարով աշխատողներ: Ինձ կասե՞ք` տոն օրերի համար վճարելու՞ եմ, թե՞ ոչ: Եթե հնարավոր է, համապատասխան հղում արեք, որտեղ կարող եմ գտնել: Արդյո՞ք ժամավճարով և դրույքաչափով աշխատողներին մեկ տաբելում գրեմ:
Շնորհակալություն:
Արդյո՞ք նպաստից պահվում է եկամտային հարկ
Մարիա.
Արդյո՞ք հղիության և ծննդաբերության նպաստից պահվում է եկամտային հարկ, և եթե այո, ապա ինչքա՞ն:
Տուգանք դրամարկղային գիրք չվարելու համար
Արմեն.
Հարգելի հաշվապահներ, ես ունեմ ՍՊԸ, որը զբաղվում է առևտրով և շրջանառության հարկ վճարող է հանդիսանում, նաև ունի ՀԴՄ: Արդյո՞ք պետք է ունենալ դրամարկղային գիրք: Եթե այո, ապա կասե՞ք` ինչքա՞ն է սահմանվում տուգանքը դրամարկղային գիրք չունենալու համար:
Հասարակական կազմակերպությունը շրջանառության հարկի հաշվետվություն տալի՞ս է
Suren Barseghyan.
Հասարակական կազմակերպությունը շրջանառության հարկի հաշվետվություն տալի՞ս է:
Ի՞նչ վիճակագրական հաշվետվություններ պետք է ներկայացնի կազմակերպությունը
Gohar.
Բարև Ձեզ: Շնորհավոր Ամանոր և Սուրբ Ծնունդ: Հարգելի հաշվապահներ, խնդրում եմ հուշել` ատամնաբուժական գործունեությամբ զբաղվող ՍՊԸ-ն ի՞նչ վիճակագրական հաշվետվություններ պետք է ներկայացնի: Կանխավ շնորհակալություն:
Տնօրենը ցանկանում է իջեցնել աշխատակցի աշխատավարձը
Աննա.
Բարև Ձեզ:
Ներկայումս իմ գրանցված աշխատավարձը 185 000 ՀՀ դրամ է, իմ գործատուն ուզում է գրանցված աշխատավարձս իջեցնել 60 000 ՀՀ դրամ: Դրա համար նա ուզում է ինձ աշխատանքից հեռացնել (հեռացնելը միայն փաստաթղթով), մեկ ամիս հետո նորից գրանցել: Ցանկանում եմ իմանալ` առանց աշխատանքից հեռացնելու չի՞ կարող աշխատավարձս իջեցնել:
Նաև ցանկանում եմ իմանալ` ես ունեմ 1 տարեկան բալիկ, նորից ես կարո՞ղ եմ դեկրետ գնալ մինչև բալիկիս 3 տարեկան լրանալը:
Շնորհակալություն պատասխանելու համար:
Դրամարկղային գրքերը էլեկտրոնային եղանակով վարելու վերաբերյալ
Արթուր.
Հարգելի գործընկերներ, արդյո՞ք դրամարկղային գրքերը պարտադիր էլեկտրոնային եղանակով վարելու պահանջը արդեն ուժի մեջ է: Արդյո՞ք ընդունվել է համապատասխան որոշումը:
Վերջին մեկնաբանություններ