
Ո՞վ է վճարելու գումարը
Գրիգոր․
Բարև Ձեզ: Հարցս շատ շտապ է: Աշխատողը, որի պայմանագիրը վերջանում է հուլիսի 20-ին, գտնվում է հղիության և ծննդաբերության արձակուրդում մինչև հուլիսի 27-ը, կազմակերպության կողմից վճարվում է մինչև պայմանագրի ավարտը, իսկ մնացած յոթ օրը չի՞, վճարվում արդյոք, եթե այո, ապա ո՞վ է վճարում:

Օտարերկրացին որպես տնօրեն
Էդուարդ․
Արդյ՞ոք օտարերկրյա քաղաքացին կարող է լինել ՀՀ-ում ՍՊԸ-ի տնօրեն, եթե այո, ապա ինչպիսի՞ պայմաններով։

Նպաստի արտացոլում հաշվետվության մեջ
Մելինե․
Բարև ձեզ։ Եթե հիվանդաթերթիկը (15 օրվա կեսարյան) բերել են փետրվարին, բայց վրայի ամսաթիվը հոկտեմբեր է, դա ցույց ենք տալիս փետրվա՞րի հաշվետվության մեջ, թե՞ հոկտեմբերի։

Արդյո՞ք գումարը կդիտվի որպես շահաբաժին
Արմինե․
Բարև ձեզ: Կխնդրեմ օգնել հետեւյալ հարցում: Կազմակերպությունն ՏՏ ոլորտ է: Տնօրենը միակ հիմնադիրն է, փոխառության կարգով կազմակերպությունից վերցնում է գումար (դոլլարով), հետո դա կարո՞ղ է դիտվել որպես շահաբաժին։

Արտարժույթով գործարքներ
Ռոման․
Բարև ձեզ:
1․ Եթե կազմակերպության բանկային հաշվից կանխիկացում է կատարում լիազոր անձ, բայց կազմակերպությունում որպես աշխատող գրանցված չէ: Ի՞նչ խնդիրներ և հետևանքներ կարող է ունենալ համալիր ստուգման ժամանակ։
2․ Եթե կազմակերպությունը ունի ռուբլու հաշիվ և դրամարկղ, դրամարկղային մուտքի և ելքի օրդերները լրացնելիս կարո՞ղ է ռուսերեն լրացվել։
3․ Եթե շրջանառության հարկով աշխատող Ա/Ձ բանկի դոլլարային հաշվից կանխիկացում է կատարում դոլլարով, ի՞նչ խնդիրներ կարող է առաջանալ։


Ծառայության արտահանում
Վարդուհի․
Բարև Ձեզ, հարգելի հաշվապահներ, խնդրում եմ օգնել մի հարցում. ՏՏ ոլորտում աշխատող կազմակերպությունը ծառայություն պետք է մատուցի ՌԴ, այս դեպքում արդյո՞ք ԱԱՀ-ով հարկվում է գործարքները, թե՞ ոչ։ Եթե կարելի է՝ օրենքի հղումով հուշեք: Կանխավ շնորհակալ եմ:

Հաշվապահական խնդիր
Մարգարիտ․
Բարև Ձեզ։ Ուսանող եմ, նոր եմ սովորում հաշվապահական հաշվառում։ Խնդրում եմ օգնել տալ հետևյալ խնդրի հաշվապահական ձևակերպումները։ Նախապես շնորհակալություն։
"Սոֆիստ" ՍՊԸ-ն սկսել է գործունեությունը 2019 թվականի ապրիլի 1-ին: Հետևյալ գործարքները վերաբերում են առաջին ամսվա բիզնեսի գործառնություններին:
1) Ապրիլի 1. Ստանում 500 000 ԱՄՆ դոլար $ 100 անվանական արժեքով 5 000 բաժնետոմս թողարկելու համար: 2) Ապրիլի 2. Գնում ապրանքներ $ 20 000-ով: Գումարը ենթակա է 2% զեղչի, եթե վճարվում 10 օրվա ընթացքում: 3) 3) Ապրիլ 5. Հիփոթեկային վարկի միջոցով 150 000 ԱՄՆ դոլարով գնում է գրասենյակային շենք և պահեստ:
4) Ապրիլի 11. "Սոֆիստ" ՍՊԸ վճարում է պահուստների համար (Տող 2) զեղչվող ժամանակահատվածում, այդպիսով ստանում 2% զեղչ: 5) Ապրիլի 15. Գնում է արտոնագիր 1 000 դոլարով:
6) Ապրիլի 15. Արտոնագիրը գրանցելու համար վճարում $ 100:
7) Ապրիլի 20. Ապահովագրական ընկերությանը գույքի ապահովագրության համար վճարում է 600: Ծածկույթի շրջանը սկսվում է մայիսի 1-ից: 8) Ապրիլի 29. Պատվիրում է դիսփլեյներ $ 10 000-ով: Պատվերի պահին վճարում չի կատարվում:

Շրջանառության հարկ վճարողի հայտարարություն
Նունե․
Հարգելի հաշվապահներ, Ձեր խորհուրդով այսօր ուղարկեցի 207 հաշվետվությունը՝ գործունեությունս մարտի 1-ից վերսկսելու մասին, հետո փորձեցի 201 հաշվետվությունը ուղակել, սակայն գրում է, որ տվյալ հաշվետվությունը պետք է հանձնել մինչև փետրվարի 20-ը: Խնդրում եմ ասեք՝ ինչ անե՞մ: Կանխավ շնորհակալ եմ։

Հայտարարություն իրական շահառուների վերաբերյալ
Լիլիթ․
Խնդրում եմ ասել․ իրական շահառուի հայտարարագրի կազմելը ու՞մ ֆունկցիան է՝ գլխավոր հաշվապահի՞, թե՞ իրավաբանի:

Խնդիր նպաստի վերաբերյալ
Angela.
Բարև Ձեզ։ Ուսանող եմ, նոր եմ սովորում հաշվապահական հաշվարում։ Խնդրում եմ օգնել տալ հետևյալ խնդրի հաշվապահական ձևակերպումը․
Աշխատակիցը սեպտեմբեր ամսին 22 օր բացակայել է աշխատանքից, որի համար բերել է ԺԱԹ։ Նախորդ ամիսների համախառն եկամուտը կազմել է 4 400 000 ։ Նա աշխատում է 5 օրյա աշխատանքային շաբաթով։ Որոշել ԺԱն-ի գումարը և տալ հաշվապահական ձևակերպում։

ԱՁ գործունեության վերսկսում
Նունե․
Բարև Ձեզ։
Խնդրում եմ ասեք՝ ի՞նչ կարելի է անել, եթե մինչև փետրվարի 20-ը չեմ տվել հայտարարություն շրջհարկով աշխատելու վերաբերյալ, քանի որ ԱՁ սառեցված է եղել անորոշ ժամանակով: Հիմա ուզում եմ վերսկսել աշխատանքը շրջանառության հարկով:
Կանխավ շնորհակալ եմ։

Ո՞վ է վճարում նպաստը
Հարութ․
Բարև Ձեզ: Մեկ հարց.
ժամանակավոր անաշխատունակության նպաստը ու՞մ միջոցներով է տրվում՝ գործատուի՞, թե՞ պետբյուջեի։

ԱՁ-ն միկրոձեռնարկատեր է
Գայանե․
Բարև Ձեզ։ Հարգելիներս,
1․ ԱՁ-ն գեղեցկության սրահ է, որտեղ լինելու է և մատնահարդար, և վարսավիր, և Էլոս ծառայություններ։ Կարո՞ղ է միկրոյի դաշտում աշխատել, մարզում է։
2․ Երեխայի մինչև ո՞ր տարիքը տատիկը կարող է վճարվել որպես դայակ, 2, թե՞ 3։
3․ Միկրոյով գործող ԱՁ-ի մատնահարդարը քանի՞ ամսվա գրանցված աշխատող պետք է լինի, որ ֆիզ. արձակուրդ հաշվարկվի։

Հարկ վճարողի թերթիկ
Միլենա․
Բարև ձեզ, հարգելի հաշվապահներ։ ՀԱՐԿ ՎՃԱՐՈՂԻ ԿՈՂՄԻՑ ՏԵՂԵԿՈՒԹՅՈՒՆՆԵՐ ՓԱԿՑՆԵԼՈՒ ՀԱՅՏԱՐԱՐՈՒԹՅԱՆ վրա ու՞մ կնիքն ու ստորագրությունը պետք է լինի, ԱՁ ֊ի՞։

Ծառայության ձեռքբերում
Զանուշ Հայրապետյան.
Բարև Ձեզ։ Մանկապարտեզին անհրաժեշտ է միայն սննդամթեքի գնման գործընթացը կազմակերպելու համար ձեռք բերել գնումների համակարգողի ծառայություն: Հարցը հետևյալն է․ ծառայության ձեռք բերումը իրականացվում է մեկ անձ գնման ընթացակարգով, որի արդյունքում կնքվում է ծառայությունների գնման պայմանագիր, թե՞ համապատասխան մասնագետի հետ կնքվում է քաղաքացիաիրավական պայմանագիր: Եվ ո՞րն է տարբերությունը: Խնդրում եմ ուղղորդել: Կանխավ շնորհակալություն:

ՀՄ-ի վրա կատարվել է կապիտալ բնույթի ծախս
Նելլի․
Բարև ձեզ։ Եթե տվյալ ՀՄ-ի ամորտիզացիոն ժամկետը ավարտվել է, բայց ՀՄ-ի վրա կատարվել է կապիտալ բնույթի ծախս, ամբողջը ծախսագրվում է շահութահարկով տվյալ տարու՞մ, մերսի։

Ինչքա՞ն կկազմի ծերության թոշակը
Անահիտ․
Բարև ձեզ, ես կուզենայի իմանալ՝ 47 տարվա աշխատանքային ստաժի դեպքում ինչքա՞ն կկազմի ծերության թոշակը։

Ի՞նչ հարկեր կառաջանան
Նանե․
Ողջույն,
Ես աշխատում եմ արտեկրում գրանցված IT կազմակերպությունում տանից։ Աշխատավարձը որ արտերկրից փոխանցվելու է իմ՝ ՀՀ բանկի անձնական հաշվին, ենթակա՞ է հարկման։

Շահութահարկի հաշվարկ
Նանո․
Բարև Ձեզ, հարգելի գիտակ հաշվապահներ, խնդրում եմ օգնել, առաջին անգամ եմ հաշվարկելու ՍՊԸ-ի շահութահարկը, փորձեմ տալ մաքսիմալ շատ ինֆո․ կազմակերպությունն ԱԱՀ-ով աշխատող է, 2021 թ. դուրս է գրել 13 մլն հաշիվ, ստացել է 7 մլնի, ինչպես նաև պարզեցվածով աշխատող կազմակերպությունից 3 մլն ծառայության հաշիվ, ունի երկու ամսվա վարձակալության վճար 500 000, աշխատողներ 2 հոգի, ուզում եմ հասկանալ՝ այսքան ինֆորմացիայով կարո՞ղ եք օգնել, եթե պետք լինի՝ այլ ինֆո էլ կտրամադրեմ։

Արձակման նպաստ
Լիաննա․
Բարև ձեզ, խնդրում եմ օգնեք հասկանալ: Ես գտնվում եմ երեխայի խնամքի արձակուրդում: Համայնքապետարանը լուծարվել է, փետրվարի 28-ից ես ազատված եմ աշխատանքից: Հիմա հարց․ ինձ արձակման նպաստ, վերջնահաշվարկ հասնու՞մ է։ Մի հարց էլ․ աշխատող մայրերին տրամադրվող ամսական նպաստ էլ չի՞ վճարվելու ինձ։ Շնորհակալ եմ նախօրոք։

Փոխառության տրամադրում տնօրենին
Վահե․
Բարև ձեզ, ԱՁ-ն տնօրենին ուզում է տրամադրել փոխառություն: Ի՞նչ փաստատուղթ պետք է ներկայացվի բանկ հաշվապահի կողմից, որ այդ գումարը ԱՁ-ի հաշվից տեղափոխվի տնօրենի հաշվի վրա:

Անաշխատունակության ժամանակահատված
Լիլիթ․
Բարև Ձեզ, հարգելի հաշվապահներ, հարցս հետևյալն է. վարձու աշխատողը որքա՞ն ժամանակ կարող է լինել անաշխատունակության մեջ: Ըստ «ԺԱՄԱՆԱԿԱՎՈՐ ԱՆԱՇԽԱՏՈՒՆԱԿՈՒԹՅԱՆ ԵՎ ՄԱՅՐՈՒԹՅԱՆ ՆՊԱՍՏՆԵՐԻ ՄԱՍԻՆ» օրենքի 8-րդ հոդվածի 2-րդ կետի 3 ամիս, 3 ամիս իրար հաջորդող օրացույցային օրերի մասի՞ն է խոսքը, թե՞ աշխատանքային, և արդյո՞ք տարվա ընթացքում տարբեր ժամանակներում ներկայացված անաշխատունակության թերթիկը, որն էլի կազմում է 3 ամիս, վերաբերվում է այս հոդվածին: Կանխավ շնորհակալ եմ...

Հաշվետվությունների ցանկ
Գոհար․
Հարգելի հաշվապահներ, խնդրում եմ ասել՝ շրջանառության հարկ վճարող ԱՁ-ի (միրգ և բանջարեղենի խանութ) համար տարեկան հաշվետվությունների ցանկը և ներկայացման ժամկետները: Նախապես շնորհակալություն:

Կորոնավիրուսի թեստի վաճառք
Արմեն․
Բարև Ձեզ: Հարցս վերաբերում է քովիդի թեստի վաճառքին։ Արդյո՞ք բժշկական հաստատություններին կորոնավիրուսի թեստ վաճառելը ազատված է ԱԱՀ-ից։

Լիազորի գրանցում
Համլետ․
Բարև ձեզ: Լիազոր գրանցելիս հեռախոսի համարի ֆորմատը չի ընդունում, ասում է՝ արժեքը սխալ է։ Ինչպե՞ս կարող եմ լրացնել:

Շուկայից ձեռքբերում
Նարինե․
Բարև Ձեզ, հարգելի գործընկերներ։ Խնդրում եմ եթե կարող եք հիմնավոր (օրենքին հղում տալով) պատասխանեք՝ ինչպե՞ս կարելի է ձևակերպել․ մուտքագրել նյութեր, որոնք օգտագործված են և ումից որ «ձեռք» են բերվում, չունի և չի կարող տրամադրել փաստաթուղթ։ Ես գիտեմ, որ կարելի է գնման ակտով նման բաներ ձևակերպել, բայց դա կարո՞ղ է լինել շուկայից ձեռք բերում և հիմա որ տոկասադրույքով է հարվելու։ Ի՞նչ հետևանքներ կարող է ունենալ տվյալ գործարքը, եթե ՍՊԸ-ն ցանկանա վաճառել տվյալ նյութը։
Կանխավ շներհալակալ եմ։

Հաշվի՝ հետին ամսաթվով դուրսգրում
Լուսինե․
Բարև Ձեզ։ Արդյո՞ք կարող ենք հարկային հաշիվը ետին ամսաթվով դուրս գրել։

Գործունեության վերսկսում
Նվարդ․
Բարև Ձեզ, ինչպե՞ս կարող եմ ակտիվացնել անորոշ ժամկետով դադարեցված ԱՁ-ի գործունեությունը։

Բաժնետերերը կատարել են ներդրումներ
Լիաննա․
Բարև բոլորին։ Հարգելի հաշվապահներ, այսպիսի հարց ունեմ։ Հիմանդրել ենք ՍՊԸ, որի կանոնադրությամբ երկու բաժնետերերը 10 000 ական դրամ են ներդրել դրամարկղ, որպես կանոնադրական կապիտալ։ Բացի այդ բաժնետերերը ընկերության գործունեությունը սկսելու համար ներդրել են հիմնական սարքեր, սարքավորումներ, նյութեր, որոնք կանոնադրությամբ չեն երևում։ Հիմա դրանց ձևակերպումը ի՞նչ փաստաթղթերով պիտի կատարվի, ինչպե՞ս նշվի, թե որ բաժնետերը ինչքան է ներդրել։ Եվ ի՞նչ է նշանակում կանոնադրական կապիտալը մինչև չվճարվի, շահաբաժիններ չենք կարող վճարել։

Հարկերի հաշվեհամարներ
Արուս․
Բարև ձեզ, հարգելի հաշվապահներ: Շրջանառության հարկով աշխատող ԱՁ-ն (ՏՏ), եթե չունի աշխատող, եկամտային հարկը և սոցիալական վճարը կարո՞ղ է վճարել տարվա վերջում 12 ամսվա համար միաժամանակ (60 000 + 60 000), ոչ թե ամեն ամիս (5 000 + 5000)։ Իսկ վճարման հաշվեհամարները որո՞նք են շրջանառության հարկի, եկամտային հարկի և սոցիալական վճարի։

Հաշիվ ոչ ռեզիդենտին
Ռուզաննա․
Բարև ձեզ, հարգելի հաշվապահներ։ Ռեզիդենտ կազմակերպությունը կարո՞ղ է ապրանքի մատակարարման հաշիվ դուրս գրել ոչ ռեզիդենտ կազմակերպությանը e-invoicing-ով։ Թեժ գծից ասեցին՝ կարող ես, բայց ես ուզում եմ լսել ձեր կարծիքը և հիմնավորումը։ Կանխավ շնորհակալ եմ։

Որքա՞ն կկազմի մայրության նպաստը
Մերի.
Բարև Ձեզ: Հարգելի հաշվապահներ, ես Ա/Ձ-ի աշխատող եմ: Ըստ աշխատանքային պայմանագրի իմ աշխատավարձ կազմում է 90 000 ՀՀ դրամ: Նշեմ, որ աշխատում եմ որպես մատնահարդար։ Մարտ ամսին պիտի ֆիզարձակուրդի անցնեմ, կհաշվեք` ինչքա՞ն գումար կստանամ: Նշեմ, որ անցած տարվա մայիսին որպես աշակերտ եմ գրանցված եղել, հուլիսից արդեն աշխատող։ Շնորհակալություն։

Ա/Ձ հարկեր
Միլենա.
Բարև ձեզ, հարգելի հաշվապահներ: Գեղեցկության սրահը աշխատելու է միկոյով, Ա/Ձ-ն նոր է բացվել։ Ինչպե՞ս գրանցվեմ taxservice-ում, ո՞ր դիմումի ձևն ընտրեմ։ Եվ ԱՁ-ն կարո՞ղ է սոց. վճար չվճարել: ԱՁ-ի տնօրենը ի՞նչ հարկեր է վճարում, եթե ինքն էլ է աշխատում: Նախապես շնորհակալություն

Աշխատանք համատեղությամբ
Արմինե.
Բարև ձեզ։ Կասե՞ք` եթե աշխատողը նույն գործատուի մոտ ընդունվում է 1,5 դրույքով (8+4 ժամ, շաբաթական ստացվում է 60 ժամ): Ըստ օրենքի մինչև 48ժամ է թույլատրվում, ինչպե՞ս է ճիշտ վարվել։
Եվ մյուս հարցը՝ եթե աշխատողն արդեն 2 ամիս է դիմում է ներկայացրել խնամքի արձակուրդի շարունակման (երեխան դեռ 3տ չկա), արդյո՞ք իրավունք ունի գործատուն որոշակի պատճառաբանություններով մերժել աշխատողին, ով ստիպված շարունակում է մնալ (գիտեմ, որ ըստ օրենքի նման արձակուրդի իրավունք ունեցողին արտահերթ են հատկացնում հասանելիք արձակուրդը և անգամ մեկ օր անհարգելի բացակայելու դեպքում պարտավոր են ազատել): Այս դեպքում ևս ինչպե՞ս վարվել։

Անձնագրային տվյալների փոփոխություն
Արմինե.
Բարև Ձեզ: 2 ամիս առաջ աշխատող ենք ընդունել, հիմա փոխվել է անձնագրային տվյալները, ի՞նչ պետք է անել: Խնդրում եմ` մանրամասն գրել:

Տալ հաշվապահական ձևակերպումներ
Նարինե.
Շենքի մի քանի բնակիչներ վերանորոգել են շենքի իրենց հարկերը և համատիրությանը խնդրում են, որ վերանորոգման վրա ծախսված գումարի չափով անդամավճարներից ազատվեն։ Խնդրում եմ պատասխանել` թե ո՞նց ձևակերպումը ճիշտ տալ։

Արդյո՞ք անհրաժեշտ է ՀԴՄ
Մաշա.
Բարև Ձեզ, հարգելի հաշվապահներ: Իրավաբանական ծառայություններ մատուցող կազմակերպությանը արդյո՞ք անհրաժեշտ է ՀԴՄ սարք, եթե կանխիկով չի աշխատելու, և եթե հնարավոր է՝ ո՞ր դասակարգիչն է կիրառվում սույն գործունեության համար։ Կանխավ շնորհակալ եմ։

Դրոշմանիշային վճարի վճարում
Մանե.
Ողջույն: Դրոշմանիշային վճար վճարելիս Շահառուի վանդակում գրելու եմ ՊԵԿ, թե՞ ֆինանսների նախարարություն, թե՞ ընդհանրապես այլ բան:

Շրջանառության հարկի դրույքաչափեր
Նարեկ.
Իրավաբանական և հաշվապահական ծառայություններ մատուցելու դեպքում շրջանառության հարկով հարկվելիս ի՞նչ դրույքաչափով է հարկվելու կազմակերպությունը, և մեկ հարց ևս՝ պատվիրատուի հետ ծառայությունների մատուցման պայմանագիր կապելիս հնարավո՞ր է երկու ծառայությունների համար կնքել մեկ պայմանագիր, թե՞ պետք է իրավաբանականի համար առանձին, հաշվապահականի համար առանձին, կանխավ շնորհակալ եմ:

Հաշվապահը աշխատում է համատեղությամբ
Հայկ․
Բարև Ձեզ, խնդրում եմ կասե՞ք՝ եթե հաշվապահը համատեղությամբ աշխատում է ինչ-որ ընկերությունում օրական 2 ժամ հնգօրյա գրաֆիկով, այսինքն շաբաթական 10 ժամ, այս դեպքում կարելի՞ է աշխատանքային պայմանագրում ամսական աշխատավարձը սահմանել մաքուր 30 000 դրամ:

Արդյո՞ք պետք է գրանցվել որպես ԱՁ
Ամելի․
Բարև ձեզ, սիրելի ընկերներ, ցանկանում եմ զբաղվել օնլայն վաճառքով (ինստագրամ)։ Արդյո՞ք ինձ ԱՁ է պետք։

ԱՁ-ն աշխատում էր շրջանառության հարկով
Արթուր․
Բարև Ձեզ։ ԱՁ ն աշխատում էր շրջանառության հարկով, սակայն չի ներկայացրել հայտարարություն և անցել է ԱԱՀ դաշտ, հնարավո՞ր է նորից անցում կատարել շրջհարկի դաշտ, թե՞ ավելի լավա կասեցվի։
Եվ եթե ԱԱՀ ի դաշտում է աշխատում և գյուղացուց երկողմանի գնման ակտով գնում է կանաչեղեն, դրա համար հարկվում է 10%՞
Եվ երրորդ հարցս․ եթե շրջհարկի դաշտում է աշխատել և վերջին եռամսյակն էլ չի ներկայացրել շրջհարկի հաշվետվություն, հիմա էլ անցել է ավտոմատ ԱԱՀ ի դաշտ, ինչպե՞ս պետք է հաշվետվությունները ուղարկել, որ ճիշտ ստացվի։

Դրոշմանիշային վճարի վերադարձ
Սաթենիկ․
Բարև Ձեզ, եթե աշխատողը երկու տեղ է աշխատում, դրոշմանիշային վճարը մի տեղից ո՞վ է հետ վերադարձնում։

Արդյո՞ք կուտակվում են արձակուրդային օրեր
Անյա․
Բարև Ձեզ, աշխատողը, ով գտնվում է հղիության և ծննդաբերության արձակուրդում, կուտակու՞մ է արձակուրային օրեր։

Նպաստի հաշվարկ
Բարև Ձեզ, հարգելի հաշվապհներ, ասացեք խնդրեմ՝ ինչպե՞ս է հաշվարկվում անաշխատանակության թերթիկը հերթափոխային աշխատանքի դեպքում, եթե հիվանդության օրերին տաբելի մեջ այդ աշխատողը չկա։

Պայմանագիր ՀԿ նախագահի հետ
Անահիտ․
ՀԿ-ի նախագահի հետ կնքվու՞մ է արդյոք աշխատանքային պայմանագիր։

Կենսաթոշակի տարիք
Սուսաննա․
Բարև ձեզ։ Հարցս այսպիսին է՝ քանի՞ տարեկանից են գնում թոշակի տղամարդիկ և կանայք։

Դրոշմանիշային վճարի վերջնաժամկետ
Վիկտորյա․
Բարև ձեզ։ Դրոշմանիշային վճարրը մինչև ամսի քանի՞սը պետք է վճարվի։

Բյուլետենի հաշվարկ
Էլեն․
Բարև ձեզ, խնդրում եմ ասել՝ ինչպե՞ս հաշվել բուլետենը, եթե միկրոձեռնարկատիրության աշխատող է, և աշխատավարձը կազմում է 190 000 դրամ։
Վերջին մեկնաբանություններ