Անուշ․

Բարև ձեզ, կասե՞ք՝ եթե աշխատողները ունեն չօգտագործված արձակուրդներ 2016-2017թթ, գործատուն իրավունք ունի՞ այն հիմա տալու, թե ոչ, օրենքի սահմաններում, եթե նման օրենք կա։

Նարեկ․

Բարև Ձեզ։ Խնդրում եմ ինձ օգնեք հետևյալ հաշվապահական ձևակերպումը տալու համար․

ՊՈԱԿ-ը ձեռք է բերել մարմնամարզական ներքնակներ, գնդակներ, օղակներ: Ցանկանում եմ տեղեկանալ՝ արդյո՞ք ճիշտ է դրանք ճանաչել որպես արագամաշ առարկաներ, բոլորի ձեռք բերման գները ավելի քիչ են, քան 50 000 դրամը:

Հասմիկ․

Հասարակական կազմակերպությունը ուզում է նվիրատվություն անել ՊՈԱԿ-ին դրամաշնորհային ծրագրի շրջանակում։ Տվյալ պարագայում հարկային պարտավորություններ առաջանու՞մ են։

Lia.

Բարև Ձեզ: Աստղագուշակների խորհրդատվություն, հոգևոր խորհրդատվություն, խաղաքարտերով գուշակելու ծառայությունների մատուցման համար անհրաժե՞շտ են լիցենզիաներ, և ի՞նչ հարկատեսակով կարող է աշխատել: Նախապես շնորհակալություն։

Զավեն․

Բեռնափոխադրում իրականացնող ԱՁ-ն, որը աշխատում է միկրոձեռնարկատիրության դաշտում, կարո՞ղ է իր որդուն պատկանող մեքենան շահագործել, թե՞ պետք է վարձակալության պայմանագիր կնքի։

Կարինե․

Աշխատակցին տրվել է մայրության նպաստ, 01.03.2023-02.08.2023թթ գտնվելու է հղիության և ծննդաբերության արձակուրդում։ Երեխան ծնվել է մարտի 9-ին, եկամտային հարկի հաշվետվությամբ ներկայացվել է նպաստը գումարով և ժամկետով։ Հետագա քայլը ո՞րն է լինելու։ Աշխատակիցն ասում է՝ երեխայի ծննդյան 70 օրը լրացել է, ու պետք է ինչ որ հայտ ներկայացնեմ, որ ինքն էլ սոցապում դիմում գրի։ Չեմ հասկանում՝ ինչի մասին է խոսքը․ առաջին անգամ եմ առնչվում ֆիզարձակուրդի հարցերի։

H.K.

Բարև Ձեզ։ Շահութահարկով աշխատող կազմակերպությունը նվիրատվություն է արել ՊՈԱԿ-ին։ Շահութահարկ առաջանու՞մ է տվյալ գործարքից։

Անահիտ․

Հարգելի հաշվապահներ, ԵՏՄ-ից ներմուծման և արտահանման վիճակագրական հաշվետվությունները կարողանու՞մ եք հանձնել Արտաքին առևտրի Ազգային մեկ պատուհան կայքից։

Թ․

Բարև Ձեզ, փորձառու հաշվապահներ։ Խնդրում եմ պատասխանեք՝ եթե ԱՁ աշխատում է ԱԱՀ-ով, վարձակալությամբ տալիս է տեխնիկա, հիմա նոր տեխնիկա է գնում նորից, ԱԱՀ-ով աշխատող մեկ այլ կազմակերպությունից, այդ վճարած ԱԱՀ-ն կարո՞ղ է հաշվանցել, երբ այդ տեխնիկան էլ տա վարձակալությամբ, և դուրս գրի ԱԱՀ-ով հաշիվ։

Աննա.

Բարև Ձեզ, հարգելի հաշվապահներ։ Մի հարց կխնդրեի պարզաբանել. Ա կազմակերպությունը Բ կազմակերպությանը գործակալական պայմանագրով տալիս է ապրանք վաճառի։ Գործակալը ապրանքը վաճառում է իր անունից։ Հասկանալի է, որ գործակալ հանդես եկող ընկերությունը պետք է գործի ԱԱՀ-ի դաշտում, իսկ պրինցիպալ հանդես եկող կազմակերպությունը, եթե դիմացի կողմի հետ գործակալը գործարքն անում է իր անունից (հդմ-ով վաճառք է իրականցնում, ամսվա վերջում հաշվետվությամբ ցույց տալիս վաճառքը, որի համար դուրս է գրվում հաշվարկային փաստաթուղթ)։ Արդյո՞ք ճիշտ է։

Գոհար.

Բարև Ձեզ։ Ինքս հաշվապահ չեմ և հարցս գուցե պրիմիտիվ թվա, բայց ուզում եմ իմանալ «Նվազագույն աշխատավարձի մասին» օրենքի 2․1 հոդվածի բովանդակությունից բխող հաշվարկը հետևյա՞լն է՝ 75000/16 (16 ժամը՝ պայմանական է)։

Լիանա.

Բարի օր։ Խնդրում եմ տրամադրել տեղեկություն հետևյալ հարցերի շուրջ․

Արդյո՞ք աշխատելով անհատապես, որպես freelance, առանց ԱՁ, և ստանալով ՀՀ-ից դուրս գրանցված կամ հարկերից ազատված կազմակերպության կողմից վարձավճար, պետք է նախատեսել հարկերի վճարումը։ Եթե այո, ապա ինչպե՞ս է գումարը որոշվում, հարկվում և վճարվում։

Արդյո՞ք freelance-ի դեպքում հարկերի վճարումը պետք է կատարվի ամսական, թե՞ տարեկան, և ի՞նչ է նախատեսված վճարումը ուշացնելու դեպքում։

Կարո՞ղ եք հղում տալ ֆրիլանս դաշտի հարկային օրենսդրությանը։ Շնորհակալ եմ։

Սեդա.

Բարև Ձեզ։ Նույն ընկերության մեկ կազմակերպությունից ազատվելու և մյուսն ընդունվելու ժամանակ աշխատակցի միջին աշխատավարձը կարո՞ղ է պահպանվել արձակուրդի հաշվարկման համար, քանի որ 6 ամսվա սահմանափակումը հանվում է տվյալ դեպքում։

Վահագն.

Վահագն.

Բարև Ձեզ։ ԵՏՄ-ից ներմուծման դեպքում ի՞նչ ժամկետում պետք է ներկայացնել ներմուծման հայտարարագիր հարկային տեսչությանը։ Եվ ԱՁ-ի կողմից ներմուծված ապրանքի համար տեղափոխման բեռնագիր պե՞տք է արդյոք գրել՝ սահմանն անցնելուց հետո, թե՞ ներմուծման թղթերը բավարար են ապրանքը կոնկրետ հասցե հասնելու համար։

Իրինա.

Բարև Ձեզ, ընկերներ: Խնդրում եմ պատասխանեք, եթե աշխատակիցը վնասվել է աշխատանքի ժամանակ և ներկայացրել անաշխատունակության թերթիկ, ի՞նչ քայլեր են դրան հաջորդում: Նախապես շնորհակալություն։

Կարինե.

Ձևակերպել հիմնական միջոցների՝ որպես վաճառքի համար պահվող դասակարգումը, իրական արժեքով վերաչափումը և դրանց վաճառքի հետ կապված գործառնությունները։ Որոշել և ձևակերպել վաճառքից շահույթը կամ վնասը։

Տվյալներ․

Հաստոցների սկզբնական արժեքը 600․000 դրամ, օգտակար ծառայությունը սահմանվել է 5 տարի, մնացորդային արժեքը 0, մաշվածությունը հաշվարվել է գծային մեթոդով։ Ձեռքբերումից երկու տարի անց հաստոցները վերադասակարգվել են որպես վաճառքի համար պահվող։ 6 ամիս հետո կատարվել է դրանց վերաչափումն իրական արժեքով՝ հանած վաճառքի ծախսումները, որոնք սահմանվել է 380․000 դրամ։ Տարվա վերջում հաստոցները վաճառվել են 420.000 դրամով՝ գումարած ԱԱՀ։ Վաճառքից գումարը ստացվելու է առաջիկա ամսվա ընթացքում: Դրամարկղից վճարվել է միջնորդավճար հաստոցների վաճառքի համար՝ 9600 դրամ, ներառյալ՝ ԱԱՀ-ն։

Կարեն.

Բարև Ձեզ։ Կխնդրեի ասեք՝ ԼՂՀ-ից ստացված հաշիվների ԱԱՀ-ի հաշվանցման կարգը, և ո՞ր օրենքը կարդամ դրա հետ կապված։

Արեն.

Բարև ձեզ, հարգելի հաշվապահներ: ՀՀ ռեզիդենտ կազմակերպությունը Ղազախստանի Հանրապետության ռեզիդենտ կազմակերպությունից ձեռք է բերել ծրագրի օգտագործման իրավունք: Ղազախստանի Հանրապետության կազմակերպությունից ստացել են ռեզիդենտությունը հավաստող տեղեկանք: Այդ տեղեկանքը բավարա՞ր է արդյոք ոչ ռեզիդենտի շահութահարկից ազատվելու համար։ Նաև հավելյալ հարց, եթե ծրագրի օգտագործման իրավունքը տրամադրվել է 8 ամիս ժամկետով, ոչ ռեզիդնետի ԱԱՀ-ի մասով մատակարարի անունից հաշիվ դուրս գրել և ԱԱՀ վճարել, կարո՞ղ ենք 8 ամսյա ժամկետը, երբ ավարտվի այդ ժամանակ կատարել։

Անի.

Բարև ձեզ, հարգելի հաշվապահներ։ Խնդրում եմ օգնել հետևյալ հարցում. ՍՊԸ-ն ունի վարձակալության պայմանագիր ֆիզ. անձի հետ, պայմանագիրը պետական գրանցում չունի: Կարո՞ղ է արդյոք ՍՊԸ-ն նշված տարածքում ՀԴՄ տեղադրել : Նախապես շնորհակալ եմ։

Արմենուհի.

Բարև Ձեզ։ Խնդրում եմ ինձ օգնեք հասկանալ, եթե շրջհարկով ներկայացված հաշվետվություններում վաճառքից եկամուտը ավել է ցույց տրված ՀԴՄ-ի թվից, կարո՞ղ եմ երկու տարվա կտրվածքով ճշտում տալ և ի՞նչ տույժեր ու տուգանքներ են կիրառվում այս դեպքում: Շնորհակալություն։

Նարե.

Բարև Ձեզ, հարգելի հաշվապահներ։ Աշխատողը աշխատանքի է ընդունվել 2023թ. մարտին, աշխատում է արվեստի դպրոցում, իրեն բաժին հասնող արձակուրդի օրերը 25-ն են։ Հարցս հետևյալն է. եթե չի ձևավորվում 12 ամիսը՝ արձակուրդային օրերը կրճատվու՞մ են։

Արթուր.

Համակարգիչ հավաքելու համար մասեր եմ ցանկանում ներմուծել, ընդհանուր գումարը amazon.com-ով գալիս է մոտ 750 000 դրամ։ Որքա՞ն մաքսավճար պետք է կատարեմ։

Տիգրան.

Բարև ձեզ։ Եթե ՍՊԸ գրանցելուց հետո որևէ ֆինանսական մուտք ու ելք չունենա, ենթադրենք մեկ տարի, դա խնդիր կառաջացնի՞։

Ընկերություն՝ Դեմոլաբ տեղեկատվական կենտրոն ՀԿ
Հասցե՝ ք․Երևան, Արամի 64
Հեռախոս՝ 095 506305
Էլ․ փոստ՝ shanahit@gmail.com
Թափուր աշխատատեղ՝ Գլխավոր հաշվապահ
Աշխատանքի նկարագրություն՝

• Ընկերության գործունեության համար անհրաժեշտ բանկային փոխանցումների կատարում,

• Ֆինանսական փաստաթղթերի ընդունում կամ տրամադրում, եկամուտների և ծախսերի վերահսկում,
• Ծրագրային ֆինանսական հաշվետվությունների պատրաստում
• Աշխատավարձերի հաշվարկում և տրամադրում, ինչպես նաև այլ վճարման ենթակա գումարների ժամանակին փոխանցում,
• Հաշվապահական հաշվառումների և դրանց պահպանման համար անհրաժեշտ առաջնային փաստաթղթերի ստեղծում,
• Տեղեկատվության հաշվառում հաշվապահական համակարգում և առաջնային փաստաթղթերի համապատասխանության վերահսկում,
• Տեղեկատվության կամ փաստաթղթերի ճշգրիտ և ժամանակին ներկայացում կարգավորող մարմնին՝ օրենսդրական պահանջների խստիվ պահպանմամբ, և համապատասխան վերահսկողություն,
• Հարկային ստուգման ընթացքում փոխգործակցություն հարկային մարմինների հետ՝ առավելագույնս հետևելով օրենսդրության պահանջներին և ընկերության շահերին,
• Ընկերության հաճախորդների կամ գործընկերների հետ բանակցությունների և գործերի վարում իր իրավասության սահմաններում:
  
  Պահանջներ՝
  
• Նվազագույնը երեք տարվա աշխատանքային փորձ հաշվապահության ոլորտում
• Բարձրագույն կրթություն տնտեսության, ֆինանսների ոլորտում
• Ռուսերենի և անգլերենի իմացությունը պարտադիր է
• Սեղմ ժամկետում բարձր արդյունավետությամբ աշխատելու ունակություն
• Թիմային աշխատանքի և ժամանակի կառավարման հմտություն
• ՀԾ իմացություն
• Համակարգչային ծրագրերի իմացություն (Excel, Word)
• Հաշվապահական հաշվառման ՀՀ օրենսդրության իմացություն
• Ֆինանսական հաշվետվությունների հիմունքների իմացություն

Ընկերություն՝ Աբրահամյան և գործընկերներ ՍՊԸ
Հասցե՝ ՀՀ, ք.Երևան, Տիգրան Մեծ 67ա
Հեռախոս՝ +(374)91-00-90-20
Էլ․ փոստ՝ gayane@partners.am
Թափուր աշխատատեղ՝ Հաշվետար (հաշվապահ)

Աշխատանքի նկարագրություն՝

• Սկզբնական փաստաթղթերի մուտքագրում ՀԾ հաշվապահ ծրագրային բազա.
• հաշիվների դուրս գրում,
• ստացված հաշիվների մուտքագրում,
• բանկային քաղվածքի մուտքագրում ՀԾ հաշվապահ ծրագրային բազա,
• հաշվապահության հետ կապված այլ հանձնարարություններ

Աշխատանքային գրաֆիկ՝ երկուշաբթի-ուրբաթ ժամը 10:00-18:00

Պահանջներ՝

• Հաշվապահական հաշվառման ոլորտում առնվազն մեկ տարվա փորձ
• ՀԾ հաշվապահ ծրագրի իմացություն
• E-invoicing և այլ հարակից հաշվապահական ծրագրերի իմացություն
• Excel ծրագրի իմացությունը ցանկալի է
• սովորելու ձգտում

Աշխատավարձ՝ Պայանագրային՝ կախված գիտելիքներից և սովորելու ունակությունից
Այլ նշումներ՝ Տվյալ հայտարարությանը համապատասխանող անձինք կարող են իրենց ինքնակենսագրականը ուղարկել gayane@partners.am էլ.հասցեին կամ զանգահարել 091009020 հեռախոսահամարով:

Թինա․

Բարև Ձեզ։ ԱԱՀ-ով աշխատող կազմակերպությունը հուշանվերներ է ներմուծել աշխատակիցների համար։ Կարո՞ղ եք ասել՝ տրամադրումից ի՞նչ հարկեր են առաջանում, և ի՞նչ փաստաթղթավորում է անհրաժեշտ կատարել տրամադրման ժամանակ։

Lian.

Հարգելի հաշվապահներ, ՏՏ ոլորտի հավաստագիր ունեցող կազմակերպության աշխատակցի մայրության նպաստից եկամտային հարկը և՞ս հարկվում է 10% (ինչպես աշխատավարձի դեպքում)։

Հայկ․

Բարև Ձեզ: ԱՁ-ն, որի գործունեությունը ժամանակավորապես դադարեցված է, ունի իր անունով ՀԴՄ, որը գրանցումից հանել ենք 97 Ձևով: Հիմա ցանկանում է ՀԴՄ-ն նվիրել ուրիշ ընկերության: Կարելի՞ է նվիրատվության պայմանագիր կազմել և վերջ, որևէ իրավական կամ հարկային հետևանքներ կառաջանա՞ն: Շնորհակալություն։

Աննա․

Բարև ձեզ, հարգելի հաշվապահներ։ ՍՊԸ իր հաշվեհամարից փոխանցում է կատարել տնօրենի էլ ստորագրության համար։ Կասե՞ք խնդրեմ՝ սա խնդիր կառաջացնի՞, թե՞ պետք է դիմել էկենգ, որպեսզի հաշիվ դուրս գրեն, կանխավ շնորհակալ եմ:

Կարեն․

Բարև Ձեզ։ Կազմակերպությունը օրապահիկ է տալիս աշխատակիցներին՝ օրական 6 000 ՀՀ դրամ։ Կխնդրեի հուշեք․

1․ Ի՞նչպես պետք է փաստաթղթավորեմ։

2․ Շահութահարկով ծախս համարվելու՞ է։

3․ Եկամտային հարկով հարկվելու՞ է։

Կխնդրեի ասեք նաև՝ օրապահիկի հետ կապված ո՞ր օրենքը կարդամ։

Տիգրան․

Հարգելի հաշվապահներ, խնդրում եմ հայտնել Ձեր կարծիքը հետևյալ հարցի վերաբերյալ: ՏՏ ոլորտում գործող ՀՀ կազմակերպությունը, ով գործում է հարկման ընդհանուր համակարգում և ունի ՏՏ ոլորտի հավաստագիր, ծառայություններ է մատուցում օտարերկրյա կազմակերպություններին և, քանի որ ՀՀ-ից դուրս է ծառայության մատուցումը, ԱԱՀ-ի զրոյական դրույքաչափ է կիրառվում: Միաժամանակ կազմակերպությունը ՀՀ-ում տարածքի վարձակալությունից վարձակալան վճար է վճարում ՀՀ ռեզիդենտ ԱԱՀ վճարող հանդիսացող կազմակերպությանը և ներկայումս կուտակել է ԱԱՀ-ի դեբետ: Հարցս հետևյալն է՝ արդյո՞ք հնարավոր է կուտակված ԱԱՀ-ի դեբետը հետ ստանալ և եթե հնարավոր է՝ ի՞նչ կարգով է դա լինելու։

Սոնա․

Բարև Ձեզ։ ՍՊԸ-ի գործադիր տնօրենը, որը հանդիսանում է նաև միակ հիմնադիր տնօրենը, մահացել է։ Խնդրում եմ ուղարկել նրան աշխատանքից ազատելու հրամանի ձև և հուշել, թե ով պետք է այդ դեպքում ստորագրի այդ հրամանի տակ։ Փոխտնօրեն չունենք, ունենք հաշվապահ և փաստաթղթաշրջանառությանբ զբաղվող աշխատակից։ Կանխավ շնորհակալություն։

Գուրգեն․

Բարև ձեզ, ցանկանում եմ իմ էլեկտրական մեքենան տալ օրավարձով: Կարո՞ղ եմ արդյոք ԱՁ բացել և տալ վարձակալության այդ մեքենան: Եթե ոչ՝ ԱՁ-ին օտարելիս որևէ հարկային պարտավորություն առաջանու՞մ է:

Ռուզաննա․

Բարև ձեզ։ ՍՊԸ-ն գույք է ցանկանում ձեռք բերել (բեռնատար) ֆիզ. անձից։ Խնդրում եմ ասել՝ ինչպե՞ս պետք է գրանցումներն անել, և ի՞նչ վճարներ կան։

Zara.

Ողջույն։ Ես աշխատելու եմ արտասահմանյան ընկերության հետ որպես մարքեթինգի/կապերի մասնագետ և աշխատավարձը ստանալու համար պետք է բացեմ ԱՁ։ Հարցուփորձ անելուց հետո հասկացա, որ կան տարբեր ԱՁ-ի տեսակներ, որոնցից յուրաքանչյուրը տարբեր տեսակի հարկեր է վճարում, օրինակ՝ մեկը ԱԱՀ, մյուսը շրջհարկ, և այլն, բայց այդքան էլ հստակ չէր ինձ համար, թե որը պետք է ես բացեմ։

Հիմա ունեմ հետևյալ հարցերը․

1- իմ դեպքում ո՞ր տեսակը կլինի ամենաճիշտը և ձեռնտուն

2 – ի՞նչ հարկեր պետք է վճարեմ այդ դեպքում

3 – կարո՞ղ եմ արդյոք ինքս գրանցվել առցանց, թե՞ անհրաժեշտ կլինի հաշվապահի օգնություն։

Ինձ ասացին, որ հաշվապահը պետք է գրանցումից միանգամից հետո ինչ-որ հավելյալ գրանցում անի, բայց չհասկացա, թե դա ինչ է և արդյոք պետք է պարտադիր լինի։

4 – Բանկում պե՞տք է առանձին հաշվեհամար բացվի ԱՁ-ի համար

Շատ շնորհակալ կլինեմ պատասխանների համար։

Կարեն․

Բարև Ձեզ։ Ունեմ երկու տեսակ ապրանք՝ 150 գրամանոց և 300 գրամանոց, ու սխալվել եմ վերո ծրագրով սխալ համարի դրոշմապիտակներ եմ վերագրել և ուղղում չեմ կատարել։ Կասե՞ք՝ ինչքա՞ն տուգանք կլինի։

Սուսաննա․

Ի՞նչ է հաշվապահական հաշվառման քաղաքականությունը։

Ո՞վ կարող է աշխատել գլխավոր հաշվապահ։

Մելինե․

Բարև ձեզ, հարգելի հաշվապահներ, կհուշե՞ք խնդրում եմ՝ ՀԾ հաշվապահ ծրագրում (նոր եմ ձեռք բերել), օրինակ, տույժերի ծախսերին հաշվեգրումը, կամ ասենք միասնական հաշվում առկա գումարով եկամտային հարկի մարումը ի՞նչ փաստաթղթերով ձևակերպել, հիշարար օրդե՞ր։ Եվ ձեռք բերված կնիքը ի՞նչ փաստաթղթով մուտքագրել՝ հիմնական միջո՞ց, թե՞ արագամաշ առարկա: Շնորհակալություն։

Լուսինե․

Հարգելի հաշվապահներ, արդյո՞ք կազմակերպությունը կարող է աշխատել միկրոյի դաշտում, եթե կատարում է կանաչապատման ծառայություններ:

Ալվարդ․

Բարև ձեզ։ ՍՊԸ-ն մեկ ամիս է ինչ կա, բայց դեռ ոչ մի գործարք չեմ կատարել։ Ցանկանում եմ կանոնադրական կապիտալի նվազեցում կատարել, ինձ Պետռեգիստրից ասեցին, որ պետք որոշման թուղթը բերեք, կա ինչ որ ձևանմուշ որոշման համար։

Գալինա․

Բարև Ձեզ: Հարգելի ընկերներ, խնդրում եմ պատասխանել՝ եթե անձը զբաղվում է տնայնագործությամբ, այսինքն գործում է տիկնիկներ և վաճառում, ունի ՀՎՀՀ, հարկ վճարելու՞ է, թե ոչ, եթե այո, ապա ի՞նչ հարկատեսակի գծով: Կանխավ շնորհակալություն:

Նաիրա․

Բարև Ձեզ, հարգելի հաշվապահներ: Նախագծային աշխատանքով զբաղվող ՍՊԸ բացելու համար ինչպիսի՞ հաջորդական քայլեր պետք է իրականացնել, աշխատողների գրանցում ե՞րբ պետք է կատարել, ինչպես նաև լիցենզիա ստանալու համար ի՞նչ է անհրաժեշտ։

Հայկ․

Բարև Ձեզ: Ապրիլ ամսին ՍՊԸ հիմնադրին վճարման ենթակա շահաբաժինների հաշվանց եմ կատարել նույն հիմնադրին տրված փոխառությունների հաշվին: Հարցս հետևյալն է. պարտավորությունների հաշվանցի մասին համաձայնագիրը և փոխադարձ հաշվարկների ակտը կնքվում է միևնույն անձի միջև, այդպես ճի՞շտ է: Այսինքն ստացվում է, որ նույն անձը մի կողմից հանդես է գալիս որպես հիմնադիր և տնօրեն, մյուս կողմից՝ որպես քաղաքացի: Կխնդրեմ մեկնաբանել այս մասով։

Սյուզի․

Բարև Ձեզ: Հարգելի գործընկերներ, ինձ հետաքրքրում է հետևյալ հարցը: Ինչպե՞ս պետք է վարձատրվեն 25-օրյա վարժական հավաքներին մասնակցող աշխատակիցները: Եթե կա Կառավարության համապատասխան որոշում, խնդրում եմ հղում կատարեք: Կանխավ շնորհակալ եմ։

Աննա․

Բարև Ձեզ, հարգելի հաշվապահներ։ Եթե կազմակերպությունն ունի մարդատար մեքենա հիմնական միջոց, վարչական ակտ գալու դեպքում կարո՞ղ է այլ ֆիզիկական անձը վճարել տվյալ ակտը, թե՞ պարտադիր պետք է կազմակերպության բանկային հաշվից կատարել:

Վարազդատ․

Հարգելի հաշվապահներ, ՍՊԸ-ն մատուցում է գովազդային ծառայություններ, կնքում է ծառայությունների մատուցման պայմանագիր: Արդյո՞ք անհրաժեշտ է ՀԴՄ-ով աշխատել:

Ընկերություն՝ GML Accounting
Հասցե՝ ք. Երևան, Հրաչյա Քոչար 24
Հեռախոս՝ 055866682
Էլ․ փոստ՝ gml.accounting@mail.ru
Թափուր աշխատատեղ՝ Ավագ հաշվապահ
Աշխատանքի նկարագրություն՝

Հաշվապահական գրասենյակին պահանջվում է ավագ հաշվապահ: Աշխատանքային ժամեր` 10:00-18:00, Աշխատավայրը` ք. Երևան, Քոչար 24

Պահանջներ՝

• Բարձրագույն կրթություն
• առնվազն 2 տարվա հաշվապահի աշխատանքային փորձ
• ՀՀ հարկային օրենսդրության և այլ անհրաժեշտ իրավական ակտերի իմացություն
• ռուսերենի իմացություն
• ՀԾ հաշվապահ ծրագրի իմացություն
• Գործող օրենսդրությանը համապատասխան հաշվարկների կազմում և ներկայացում հարկային և այլ մարմիններ, այդ թվում` ԱԱՀ հաշվարկ, վիճակագրական հաշվետվություններ
• ԵՏՄ արտահանման և ներմուծման հայտարարագրերի կազմում

Աշխատավարձ՝ 250 000 դրամ և ավելի` կախված փորձից և գիտելիքներից
Այլ նշումներ՝ Ունենք նաև հաշվապահի թափուր հաստիք

Հեղինե․

Բարև ձեզ, խնդրում ասեք՝ տարիներ շարունակ աշխատած և կուտակած եկամտային հարկը ինչ որ նպատակի համար հնարավո՞ ր է օգտագործել։ Եթե այո, խնդրում եմ օգնել և ուղղություն ցույց տալ։

Նարե․

Հարգելի հաշվապահներ, եթե արձակուրդը երկու ամսվա մեջ է՝ հաշվետվությունը պետք է հանձնել ըստ ամիսների առանձի՞ն։