Author: Accountant.am

Կարինե․

Կազմակերպությունը ապրանք է արտահանել ԵՏՄ, արդյո՞ք բացի հայտարարագրից պետք է դուրս գրի հաշիվ վավերագիր, և ԱԱՀ-ի հաշվետվության մեջ ցույց տրվու՞մ է։

Արմենուհի․

Բարև ձեզ, հարգարժան գործընկերներ: Դրոշմապիտակներ ստանալուց հետո ե՞րբ պետք է ներկայացնել հաշվետվություն՝ օգտագործման և մնացորդների վերաբերյալ: Կանխավ շնորհակալություն:

Էմմա․

Բարև Ձեզ։ Խնդրում եմ օգնեք հասկանալ՝ արդյո՞ք գործատուն ճիշտ է վարվել, և օրենքով այդպես է։ 2021թ․ ուսումնական հաստատությունում ընդունվել էի ժամանակավոր աշխատանքի, փոխարինում էի ֆիզարձակուրդում գտնվող աշխատակցին։ 2022 թ․ հունիսի 3-ին ես նույնպես գնացի ֆիզարձակուրդ։ Բալիկս ծնվեց օգոստոսի 6-ին, և երբ լրացավ նրա ծննդյան 70 օրը, դիմեցի գործատուիս մայրության նպաստ ստանալու համար անհրաժեշտ փաստաթուղթը վերցնելու, որ աշխատել եմ ուսումնական հաստատությում, և ինձ ասացին, որ չեն կարող տրամադրել դա, քանի որ նախկին աշխատակիցը վերադարձել է, և ես ինքնստինքյան ազատվել եմ աշխատանքից։ Արդյո՞ք դա օրինական է, և ես էլ չեմ կարող ստանալ մինչև 2 տարեկան երեխայի խնամքի նպաստը։ Կանխավ շնորհակալ եմ օգնելու համար։

Գայանե․

Բարև Ձեզ, հարգելի հաշվապահներ։ Հուլիսի 1-ից միկրոյի դաշտում գրանցված աշխատողների հարկերը 20% եկամտային հարկն է դարձել, 5% կուտակայինը։ Ճի՞շտ եմ հասկացել, որ ԱՁ-ի համար էլ է 5 000 դրամ շահութահարկ, 5 000 դրամ սոց վճարվում, ինչպես օրինակ շրջանառության հարկի դեպքում է։ Կանխավ շնորհակալություն։

Վահան․

Բարև ձեզ։ Ես էլեկրոնային աևտրի օնլայն հարթակ ունեմ, որտեղ պետք է համագործակեմ տարբեր հագուստի, էլեկտրոնիկայի և զարդերի խանութների հետ։ Վճարումները ստանալու եմ միայն բանկերի կողմից տրված օնլայն տերմինալներով։ Կայքում ցանկացած վճարում կատարելիս գումարը անցնում է իմ հաշիվ, հետո նոր ես պիտի փոխանցեմ այն գործընկեր կազմակերպությունների հաշիվ։ Առաքումները կազմակերպում են գործընկեր կազմակերպությունները։ Ես որպես միջնորդ որոշակի տոկոս եմ պահելու վաճառքներից։

Ինչպե՞ս կազմակերպեմ այս գործըթացը հաշվապահական առումով։ Կարո՞ղ եմ արդյոք գումարը ստանալ, միջնորդավճարը պահեմ ու նոր փոխանցեմ գործընկերներիս, թե՞ պետք է ամբողջությամբ վաճառքի գումարը փոխանցեմ, հետո օրինակ ամսվա վերջ հաշիվ ներկայացնեմ։

Ենթադրում եմ, որ շրջհարկով ճիշտ կլինի աշխատել։

Գրիգոր․

Աշխատակիցը իրար հաջորդող ժամանակաշրջանների համար անաշխատունակության թերթիկներ է ներկայացրել մի քանի հատ, արդեն լրացել է 200 օրը: Քանի՞ օրվա համար պետք է վճարում կատարեմ (եթե կարելի է, խնդրում եմ հղում ուղարկեք): Կանխավ շնորհակալ եմ:

Նունե․

Բարև Ձեզ, չէի՞ք ասի՝ Էվակուատորի ծառայությունն ի՞նչ հարկով է հարկվում:

Ջուլիա․

Բարև ձեզ, հարգելի հաշվապահներ։ ԱԱՀ դաշտում աշխատող ընկերությունը արտադրության համար հումքը գնում է ֆիզ․ անձից, լինում է առք ու վաճառքի պայմանագիր, երկկողմանի գնաման ակտ։ Եկամտային հաշվետվության մեջ 2-րդ տողում պե՞տք է ցույց տալ, և 10՞ % է հարկվում այդ դեպքում։

Լուսինե․

Շրջանառության հարկով աշխատող ԱՁ-ն արտասահմանյան ընկերությանը թղթային ինվոյս է դուրս գրում, որտեղ բացի իր մատուցած ծառայություններից առանձին տողերով նշում է նաև իր կատարած ծախսերը, որի համար փոխհատուցում է ստանում։ Արդյո՞ք փոխհատուցվող գումարն էլ է համարվում հարկման բազա։

Լուսինե․

Բարև ձեզ։ Խնդրում եմ օգնեք հասկանամ՝ խանութը աշխատելու է 08.00-00.00։ Ցանկանում եմ աշխատող գրանցել, բայց չեմ հասկանում՝ ժամայինը ո՞նց պետք է լինի, խնդրում եմ ուղղություն տալ։

Վահագն․

Բարև Ձեզ։ Ավտոմեքենաների թափքի (կուզավնոյ) վերանորոգման աշխատանքները ո՞ր դասակարգիչն է։

Լիանա․

Շրջանառության հարկով աշխատող կազմակերպությունը ներմուծել է էլեկտրական մեքենա, որի համար վճարել է միայն մաքսատուրք։ Ցանկանում է անցնել հարկման ընդհանուր համակարգի։ Ընդհանուր համակարգի անցնելուց հետո վաճառելու է մեքենան։ Այս դեպքում հաշիվ վավերագիր պետք է դուրս գրել, թե՞ հարկային հաշիվ։

Սոֆյա․

Հարգելի հաշվապահներ, անձը ցանկանում է ՌԴ-ից կատարել ալյուրի ներկրում ՀՀ-ում մեծաքանակ վաճառք իրականացնելու նպատակով: Ի՞նչ քայլեր է անհրաժեշտ կատարել հարկային դաշտ մտնելու և օրինական գործունեություն ծավալելու համար: Արդյո՞ք անհրաժեշտ է ԱՁ բացել, թե որպես ֆիզ անձ էլ հնարավոր է կազմակերպել (գործունեությունը շարունակական է լինելու), և ո՞ր տարբերակն է ավելի շահավետ: Կանխավ շնորհակալություն:

Լիլիթ․

Բարև ձեզ։ Եթե ՍՊԸ տնօրենին ամսվա մեջ մեկ անգամ դրամարկղից տրվում է առհաշիվ գումար գնումներ կատարելու համար, և տնօրենը առհաշիվ տրված գումարի համար հաշվետվություն է ներկայացնում, հարցս այն է՝ արդյո՞ք ոչ կանխիկ՝ ՍՊԸ-ի հաշվից տնօրենի հաշվեհամար փոխանցվող գումարի համար էլ պետք է տնօրենի ներկայացնի նույն հաշվետվությունը։ Նշեմ, որ տնօրենի հաշվին փոխանցվում է շուկայից գնում կատարելու նպատակով, ՍՊԸ-ն աշխատում է շրջհարկի դաշտում։

Թ․

Բարև ձեզ։ Կազմակերպությունը օգտվում է Թվիթերից և գովազդ է տեղադրում այնտեղ։ Ի՞նչ հարկեր են առաջանում նշված ծառայության մատուցումից։

Հասմիկ․

Բարև Ձեզ։

Խնդրում եմ պատասխանել, թե ինչ հերթական քայլեր պետք է անեմ այս դեպքում՝ ՌԴ -ից նենմուծված ապրանքների որոշ խմբաքանակ եղել է անորակ, մենք կազմել ենք միասնական ակտ հետ վերադարձի, ինվոյս корректировочный, որպեսզի դիմացի կողմը վերադարձնի անորակ ապրանքի գինը, բայց ես այն ներմուծելիս վճարել եմ նրա լրիվ ներմուծման ԱԱՀ: Ասացեք՝ ինչպե՞ս կարող ետ երադարձնել այդ վերադարձված ապրանքների ԱԱՀ-ն:

Խնդրում եմ օգնել այդ հարցում նաև ԵՏՄ -ի որոշումների հետ կապված։

Анна.

Добрый день, скажите пожалуйста - я хочу упаковывать мороженое, и был у меня вопрос надо ли клеить акциз, но мне сказали - это дрошманиш на эти товары. Как надо получить их?

Նարեկ․

Բարև Ձեզ: Խնդրում եմ օգնեք հետևյալ հարցում, հարցը վերաբերվում է հանրային հատվածի հաշվապահական ձևակերպմանը: ՊՈԱԿ-ը ձեռք է բերել հետևյալ ապրանքները ՝
1․ Մարմնամարզական ներքնակ 4 հատ 15 000 = 60 000
2․ Ֆուտբոլի գնդակ 4 հատ 6 000 = 24 000
3․ Վոլեյբոլի գնդակ 4 հատ 5 000 = 20 000
4․ Բասկետբոլի գնդակ 4 հատ 7 000 = 28 000
5․ Մարմնամարզական օղակների կոմպլեկտ 1 հատ 25 000 = 25000
6․ Մարմնամարզական այծիկ 1 հատ 20 000 = 20 000
7․ Մարզական պարկեր 4 հատ 5500 = 22 000
Ընդամենը 199 000:

Ցանկանում եմ տեղեկանալ՝ արդյո՞ք ճիշտ է սրանք ճանաչել արագամաշ առարկա, եթե այո, խնդրում եմ գրեք նաև հաշվապահական ձևակերպումը, քանի որ վճարման հանձնարարագրի մեջ առկա հաշիվների թղթակցությունը համակարգը սխալ է ճանաչում, հավանաբար որևիցե սխալ եմ թույլ տալիս: Նախապես շնորհակալություն:

Ալլա․

Բարև ձեզ, հարգելի հաշվապահներ, այսպիսի հարց․ եթե շրջանառության հարկով աշխատող ԱՁ-ն շուկայից ձեռքբերումներ է կատարում, եկամտային հարկի պարտավորություն առաջանու՞մ է։

Թինա․

Բարև Ձեզ, հարգելի հաշվապահներ։ Եթե աշխատակցի հետ աշխատանքային պայմանագիրը լուծվում է փորձաշրջանը չանցնելու հիմքով, այդ դեպքում նրան արձակման նպաստ վճարվու՞մ է ԱՕ 129 հոդվածի 1-ին մասի չափով, թե՞ ոչ։

Գոհար․

Բարև Ձեզ։ Նվիրաբերություն ստացողը ցանկանում է գումարը ետ վերադարձնել և Նվիրաբերության պայմանագիրը չեղարկել։ Ինչպիսի՞ ճիշտ թղթաբանություն պետք է վարել՝ համաձայնագրով չեղարկել, թե՞ կողմերը պայմանագրի վրա գրեն "չեղարկել" ու ստորագրեն։

Աննա․

Բարև Ձեզ: Եթե ասվում է, որ միևնույն անուն ապրանքի վաճառքի գների միջև 20 տոկոս շեղում պետք է չլինի, այսինքն եթե վաճառքի գինը 10.000 է մաքսիմում, կարո՞ղ եմ գինը բարձրացնել 12.000, և դա մեծածախ վաճառքին է՞լ է վերաբերում:

Սիրարփի․

Հարգելի հաշվապահներ, մի այսպիսի հարց․ աշխատակիցը գրել է դիմում հերթական արձակուրդի և դիմումում նաև խնդրել, որ վճարվի ոչ թե 3 օր առաջ կամ դիմումից 3 օրվա ընթացքում, այլ ուրիշ ժամկետ, օրինակ ՝ 15,06,-17,08, բայց խնդրել է վճարել 10,07, տնօրենը կարո՞ղ է մակագրի հաշվապահին վճարելու համար և ի՞նչ հիմքով, եթե կարելի է՝ գրեք հղումը ԱՕ-ի։

Գոռ․

Բարև Ձեզ։ Շրջանառության հարկով աշխատող կազմակերպությունը որոշել է անցնել ԱԱՀ-ի։ Կասե՞ք՝ ո՞ր համարի էլ․ հայտարարությունը պետք հանձնի ՊԵԿ և ո՞ր հոդվածների հիմքով։ Նշեմ, որ անցումը կամավոր է, այլ ոչ թե շրջանառության ծավալից կամ այլ պարտադիր պայմաններից։

Գարիկ․

Բարև ձեզ, հարգելի հաշվապահներ։ Խնդրում եմ օգնեք՝ որպես միկրոձեռնարկատիրություն գրանցված ֆիզ․ անձը ի՞նչ վճարներ պետք է կատարի ու ինչպե՞ս։ Ասեմ, որ ՊԵԿ զանգահարել եմ, և ինձ ասել են, որ ոչ մի հարկ չեմ վճարելու։

Հովհաննես․

Կարո՞ղ է անհատ ձեռնարկատերը ՍՊԸ գրանցել:

Նար․

Բարև բոլորին։ Հիմնադիրը ցանկանում է փոխառություն տրամադրել ՍՊԸ-ին։ Խնդրում եմ նշել․

1․ Եթե անժամկետ է (ցպահանջ), նշվում է որպես երկարաժամկե՞տ

2. Տոկոսի մինիմալ չափն ու դրա հաշվարկման կարգին կծանոթացնե՞ք

3․ Եվ կխնդրեմ ասել, թե որտեղից կարող եմ գտնել պայմանագրի տիպային օրինակը

Կանխավ շնորհակալ եմ։

Իրինա․

Հարգելի ընկերներ, ունենք աշխատակից մեխանիզատոր, ով աշխատացնում է Ընկերությանը պատկանող տեխնիկա, սակայն տեխնիկան ժամանակավոր գտնվում է ՊՆ -ի տրամադրության տակ: Ի՞նչ սկզբունքով է վարձատրվելու աշխատակիցը։

Լուսինե․

Բարև ձեզ։ Շրջանառության հարկով աշխատող կազմակերպությունը գումար պետք է փոխանցի Ամերիկայի կազմակերպությանը, որը զբաղվում է մենեջմենթով, արտիստներ է ուղարկելու Հայաստան։ Արդյո՞ք այս դեպքում առաջանում է ոչ ռեզիդենտի շահութահարկ։

Անահիտ․

Բարև ձեզ։ Ինձ ո՞վ կօգնի ՀԴՄ-ի անվանացանկի անցկացման գործում, խնդրում եմ օգնեք, քիչ ժամանակ է մնացել։

Աննա․

Հարգելի հաշվապահներ, ՍՊԸ գտնվում է ժամանակավոր դադարի մեջ, այս դեպքում զրոյական հաշվետվություններ ներկայացվու՞մ են։ Կանխավ շնորհակալ եմ։

Արուսյակ․

Շրջանառության հարկով աշխատող կազմակերպությունը կարո՞ղ է նվազեցնել տնօրենի գործուղման ծախսերը։

Emi.

Բարև ձեզ, խնդրում եմ ինձ ասեք․

1. ՍՊԸ-ն կարո՞ղ է տարածքի վարձակալության անհատույց պայմանագիր կնքել ԱՁ-ի հետ (տարածքը 8 ք.մ ՍՊԸ-ինն է)
2. Եթե ոչ, ապա ամենաքիչը ինչքա՞ն պետք է լինի վարձակալության չափը, և ինչքա՞ն է հարկը և ո՞վ է վճարում
3. Պայմանագիրը կարո՞ղ են իրար մեջ կնքել, առանց նոտարի

Գոհար․

Բարև ձեզ: Կարո՞ղ եք ինձ հուշել՝ ՀՀ ո՞ր օրենքով է թույլատրվում հեռավար աշխատանքը ՀՀ-ում: Օրենքի հղում կարո՞ղ եք տալ։

Արսեն․

Բարև ձեզ, մասնագետներ ջան: Չինաստանից ցանկանում եմ մեծաքանակ խաղալիքներ ներմուծել, որի մեջ կոնֆետներ կան:

Նախ կխնդրեմ մաքսազերծման հետ կապված օգնեք, ինչպե՞ս է հաշվարկվելու: Նաև կցանկանամ իմանալ՝ արդյո՞ք ինչ որ լիցենզիա կամ անվտանգության թղթեր հարկավոր են, քանի որ կոնֆետներ կան մեջը։ Հայաֆիկացում արվելու՞ է, թե՞ ոչ, դրոշմապիտակ կպցվելու՞ է, թե՞ ոչ։

Եվ նաև կխնդրեմ ասեք՝ հարկային դաշտում ո՞ր ձևով ավելի օգտակար կլինի գրանցվել, երկու հոգով ենք ցանկանում զբաղվել: Շնորհակալություն նախապես։

Նառա․

Բարև Ձեզ։ Ա/Ձ-ն բեռնափոխադրում է իրականացնում, միկրոյից դառնալու է շրջհարկ վճարող։

1․ Ե՞րբ պետք է ներկայացնի հայտարարությունը շրջհարկ վճարողի

2․ Ծառայությունը կազմել է մայիս ամսվա համար 275 000 դրամ, ի՞նչ վճարումներ կան տվյալ գումարից

Դիանա․

Բարև Ձեզ, հարգելի հաշվապահներ։ Կարո՞ղ եք ասել՝ ի՞նչ հետևանքներ կլինեն, եթե աշխատողի ազատման հրամանը տրվել է ապրիլին, սակայն հարկային հայտ ուղարկվել է հունիսի 21-ին, որի հետ միաժամանակ հունիսից հուլիս կնքվել է ծառայությունների մատուցման մասին պայմանագիր 21.06.2023-10.07.2023, ազատման հայտը այդ ժամանակ ենք նշել, բայց հետին ամսաթվով։

Սեդա Հախվերդյան․

Բարև Ձեզ։ Մեր ընկերությունը ուզում է եռակողմ պայմանագիր կնքի և ներմուծված հումքը մինչև Հայաստան մտնելը վաճառի Վրաստանում: Խնդրում եմ ասեք՝ ի՞նչ պարտավորություններ կառաջանան, և ինչպե՞ս կատարել այդ գործարքը:

Լիլիթ․

Բարև ձեզ։ Ցանկանում եմ սովորել ներմուծում և արտահանում ձևակերպել՝ սկսած անհրաժեշտ փաստաթղթերի ցանկից: Որտեղի՞ց սկսեմ, կա՞ն նյութեր հասանելի ներկայացված: Շնորհակալ կլինեմ, եթե ուղղություն ցույց տաք:

Կամ գուցե կա՞ն արդյունավետ դասընթացներ:

Լուսինե․

Շրջանառության հարկով աշխատող կազմակերպությունը ոչ ռեզիդենտ ընկերությանը վճարում է ծառայությունների մատուցման համար։ Այս դեպքում առաջանու՞մ է ոչ ռեզիդենտի շահութահարկ։

Սուսաննա․

Բարև ձեզ, հարգելի գործընկերներ, մանկապարտեզի աշխատակիցը հուլիսի 1-ով հետ է վերադառնում երեխայի խնամքի արձակուրդից, բայց այդ օրով հաստատությունը 1 ամսով փակվում է` աշխատողների ամենամյա արձակուրդից օգտվելու պատճառով։ Արձակուրդից հետ վերադարձող աշխատակցին կարելի՞ է տրամադրել ամենամյա արձակուրդ, թե՞ պետք է որոշ ժամանակ աշխատի, հետո օգտվի ամենամյա արձակուրդից։ Շնորհակալություն։

Ժաննա․

Բարև Ձեզ, հարգելի հաշվահներ, խնդրում եմ օգնել․ ՍՊԸ-ն վճարում է ոչ ռեզիդենտ ֆիզ․ անձի ZOOM հարթակի օգտագործման համար, այն ամերիկյան է և ՀՀ ԱՄՆ-ի հետ կրկնակի հարկումը բացառելու մասին պայմանագիր չունի։ Խնդրում եմ ասեք, թե ի՞նչ հաշվետվություններ պետք է հանձնել, և ի՞նչ հարկեր պիտի վճարենք։ Ինվոյսի վրա երևում է, որ ԱԱՀ արդեն ներառված է։

Շուշանիկ․

Խնդրում եմ պարզաբանել․ ԱՁ-ն, որը աշխատում է շրջանառության հարկով հանրային սննդի ոլորտում և դեռ աշխատող չունի, ի՞նչ հարկային հաշվետվություններ և վճարներ պետք է ներկայացնի։ Եվ արդյո՞ք շրջ. հարկի հաշվետվության ծախսերի տողում պետք է ներառել աշխատավարձը։

Անուշ․

Ու՞մ դիմել և ինչպե՞ս վարվել, երբ տարիներ շարունակ աշխատողին չեն գրանցում։

Լիլիթ․

Բարև ձեզ,խնդրում եմ օգնեք․ տնօրենը ունի 20 օր արձակուրդային օրեր, իրեն պետք է 30 արձակուրդային օր, կարո՞ղ եմ 2024թ ից ավանսով 10 օր տալ։

Եվ մի հարց էլ․ տնօրենը ՍՊԸ-ում 0,5 դրույքով է աշխատում, 5 օրյա գրաֆիկ, արդյո՞ք իրեն էլ է հասնում 20 օր, ինչպես սովորական աշխատողին, այսինքն մտածում եմ, որ տնօրեն է, 24 կամ 25 օր է տարեկանը։

Քնարիկ․

Բարև ձեզ, եթե մայիսի 15-ից ՍՊԸ-ն անորոշ ժամկետով դադարեցրել է գործունեությունը, կարո՞ղ է հունիսին մայիսի հաշվետվությունները ուղարկի, ու մայիսի հարկերը վճարի այդ 15-օրվա համար, խոսքը եկամտային հարկի ու սոցի մասին է։