Ինչպե՞ս պետք է լրացնել աշխատանքային գրքույկը
Arevik.
Խնդրում եմ ինձ հուշեք` ինչպե՞ս պետք է լրացնել աշխ. գրքույկը, եթե աշխատանքային պայմանագրի ժամկետը լրանում է, և աշխատողը ավտոմատ դուրս է գալիս:
Ավտոտեխսպասարկման գործունեության սահմանային չափերի վերաբերյալ
Edgar.
Հարգելի հաշվապահներ, խնդրում եմ պատասխանեք հետևյալ հարցին: Ավտոտեխսպասարկման կենտրոնը աշխատում է հաստատագրված վճարների հարկման դաշտում: Ունի 3 աշխատատեղ: Հաստատագրված վճարներով հարկման դաշտից դուրս գալու և ընդհանուր հարկման դաշտ ընկնելու համար իրացման շրջանառությունը ամսվա կտրվածքով պետք է գերազանցի 800.0՞, թե՞ 2400.0 դրամը:
ՍՊԸ վարձակալության է տվել իր տարածքը
Սյուզի.
Բարև ձեզ, հարգելի հաշվապահներ: Ինձ մի հարց է հետաքրքրում: Եթե ՍՊԸ-ն մեկ այլ ՍՊԸ-ին վարձակալությամբ տարածք է տվել, վարձակալության չափը պետք է լինի կադաստրային արժեքի 5 տոկոսից ոչ պակաս: Այսինքն՝ եթե 46 000 000 է կադաստրային արժեքը, ուրեմն պետք է լինի մինիմում 46000000*5%/12=191667 դրամ: Ճի՞շտ եմ արդյոք: Եվ եթե ենթադրենք՝ սահմանվել է 50 000 դրամ, ոչ մի աշխատող չունի, այսինքն՝ ծախսը միայն իր աշխատավարձն է ու սոցը, դրանք պետք է հանվե՞ն 191 667-ից ելնելով: Այսինքն՝ հիմք վերցնենք մեր 50 000 դրամը: Դրանց տարբերության 20 տոկո՞սն է մեր շահութահարկը: Եվ մի հարց էլ: Վարձակալության դեպքում (ի նկատի ունեմ` ոչ մի գործառնություն չի իրականացնում կազմակերպությունը, միայն իր տարածքի վարձատվությունն է), եռամսյակային շահութահարկի 1 տոկոսները, ավելի ճիշտ` նվազագույն շահութահարկը, պե՞տք է փոխանցել, թե՞ կանխավճարի ու 1 տոկոսի մեծ թիվը:
Արձակուրդայինի հաշվարկ
Տաթև.
Ես այս տարվա փետրվարի 1-ից մինչև հունիսի 27 գտնվել եմ ֆիզ. արձակուրդում: Դրանից հետո դուրս եմ եկել աշխատանքի: Հոկտեմբերին ինձ տալիս են այս տարվա իմ հերթական արձակուրդը: Խնդրում եմ, եթե հնարավոր է, օգնեք ինձ այն հաշվարկել:
Աշխատողների համար ստաժի ձևաթղթեր չեն ներկայացվել
Տաթև.
Հարգելի կոլեգաներ, ես կանգնել եմ մի խնդրի առաջ և ունեմ Ձեր օգնության կարիքը: Տարվա սկզբից մինչ հիմա աշխատանքի եմ ընդունել 3 հիմնական աշխատողի, որոնց համար աշխատանքի պետական տեսչություն չեմ ներկայացրել ստաժի մասին ձևաթուղթը: Ի՞նչ տույժի կամ տուգանքի պետք է ենթարկվեմ, և 3 բացթողման համար ինչքա՞ն է տուգանքը, եռապատի՞կ:
ԲԲԸ-ն ձեռք է բերել մեքենա-սարքավորումներ
Կարինե.
Հարգելի հաշվապահներ, ասացեք խնդրեմ, եթե ԲԲԸ-ն (արտադրությամբ զբաղվող) ձեռք է բերել մեքենա-սարքավորումներ, ի՞նչ հաշվապահական փաստաթղթեր պետք է լրացվեն և ի՞նչ ձևակերպումներ պետք է տրվեն: Վճարումը կատարվել է բանկային հաշվից` փոխանցումով, բացի դրանից այդ սարքավորումները ներմուծված են եղել: Նախապես շատ շնորհակալություն:
Եթե աշխատողը օգոստոսի 1-ից գնում է արձակուրդ
վահե.
Բարև ձեզ:
Մի հարց. եթե աշխատողը օգոստոսի 1-ից գնում է արձակուրդ 10 աշխատանքային օրով, և նրան արձակուրդային գումարը վճարվում է հուլիսի 28-ին, իսկ հուլիս ամսվա աշխատավարձը հուլիսի 31-ին, այս դեպքում արձակուրդային գումարը օգոստոս ամսվա աշխատավարձի հետ գրվելու է եկամտահարկի եռամսյակային հաշվետվության օգոստո՞ս ամսվան համապատասխանող սյունակում, թե՞ հուլիս ամսվան համապատասխանող սյունակում:
Չօգտագործված արձակուրդի հատուցումը
Լիլիթ.
Խնդրում եմ, օգնեք: Աշխատողը մի դեպքում աշխատել է 11.07-ից 08.08-ը (համարյա 1 ամիս), մյուս դեպքում՝ 11.07-ից 31.07-ը: Իմ կարծիքով՝ երկու դեպքում էլ հարկավոր չէ հաշվարկել չօգտագործված արձակուրդայինի հատուցումը, սակայն կասկածում եմ և ուզում եմ իմանալ ձեր կարծիքը, քանի որ «Պարտադիր սոց. ապ. վճարների հաշվարկման և վճարման կարգի մասին» հրահանգում նշված է մինչև մեկ ամիս աշխատողների համար միջին օրականի հաշվարկի ձևը: Ակամա հարց է առաջանում` ինչի՞ համար է այն:
Աշխատանքից ազատում համաձայն ՀՀ ԱՕ հոդված 113
Anahit.
Բարև ձեզ: Խնդրում եմ պատասխանեք հետևյալ հարցիս. եթե աշխատողը մի քանի օր բացակայել է աշխատանքից, նրան կարելի՞ է ազատել աշխատանքից աշխատանքային օրենսգրքի 113 հոդվածի 9-րդ կետի համաձայն, թե՞ պետք է ենթարկել կարգապահական տույժի, հետո եթե էլի բացակայի, նոր ազատել: Հոդվածի այս կետը ունի՞ որևէ սահմանափակում: Կանխավ շնորհակալություն:
Աշխատանքից ազատում
Գայանե.
Հարգելի կոլեգաներ, խնդրում եմ պատասխանել: Հարցս հետևյալն է.
Աշխատակցուհին ընդունվել է աշխատանքի 11.11.2002թ-ին: Վերջին անգամ արձակուրդ է գնացել 01.08.2011թ-ին և գրել է դիմում սեպտեմբերի 1-ից աշխատանքից ազատելու վերաբերյալ:
Նրա 1 օրվա միջին աշխատավարձը կազմում է 1716 դրամ: Կազմակերպությունն աշխատում է 5-օրյա աշխատանքային գրաֆիկով: Արդյո՞ք պետք է վճարել վերջնահաշվարկ և եթե այո, ապա որքա՞ն:
Նախապես շնորհակալ եմ:
Արձակուրդից հետկանչ
Արևիկ.
Հարգելի էքսպերտներ, խնդրում եմ ինձ հուշեք արձակուրդից հետկանչ կատարելու ճիշտ տարբերակը: Հատկապես, եթե խոսքը գնում է տնօրենի մասին: Արդյո՞ք հրամանի տակ ինքը` տնօրենը պետք է ստորագրի:
Կանխավ շնորհակալություն:
Հղիության և ծննդաբերության նպաստի հաշվարկ
Աննա Օհ.
Խնդրում եմ հաշվել իմ ֆիզ. արձակուրդի գումարը, աշխատավարձս 106 հազար դրամ է, իսկ ես պետք է ունենամ երկվորյակներ: Նախապես շնորհակալություն:
Փաստաթղթի տպում
Անժելա.
Բարև Ձեզ: Խնդրում եմ օգնեք հասկանալ ՀԾ-ում առաջացած հետևյալ խնդիրը. երբ տալիս եմ դիտել փաստաթուղթը, փաստաթուղթը նորմալ ցույց է տալիս, սակայն տպելուց միայն թվերն է տպվում: Նախապես շնորհակալություն:
Նյութական պատասխանատվության պայմանագրի տիպային օրինակ
Անուշ.
Բարև Ձեզ: Շտապ անհրաժեշտ է նյութական պատասխանատվության պայմանագրի տիպային օրինակ: Կայքում չեմ կարողանում գտնել: Կանխավ շնորհակալ եմ:
Հաշվապահական հաշվառման միջազգային ստանդարտներ
Gohar.
Խնդրում եմ ուղարկել միջազգային ստանդարտները նշված հասցեին.
gogazg2006 շնիկ mail.ru
Կանխավ շնորհակալություն:
Կազմակերպության կողմից գնվել է գործիքների հավաքածու
Gohar.
Հարգելի կոլեգաներ, կխնդրեի պարզաբանել: Կազմակերպության կողմից գնվել է գործիքների հավաքածու` պտուտակներ 42400 դրամ արժողությամբ: Ըստ Ձեզ դա պետք է մուտքագրվի որպես ՀՄ՞, թե՞ կարող ենք մուտք անել որպես արագամաշ առարկա:
Շնորհակալություն:
Աշխատանքի ընդունման անհատական իրավական ակտ
Անժելա.
Հարգելիներս, եթե կարող եք, խնդրում եմ ուղարկեք աշխատանքի ընդունման անհատական իրավական ակտի տիպային ձև angela-avagyan շնիկ yandex.ru հասցեին:
Վերջնահաշվարկ
Անժելա.
Հարց 1. Աշխատակցի աշխատավարձը ըստ ամիսների հետևյալն է`
հունիս-2010-50000
հուլիս 2010-150000
օգոստոս 2010-150000
սեպտեմբեր 2010-150000
հոկտեմբեր 2010-140000
նոյեմբեր 2010-85000
դեկտեմբեր 2010-85000 Մանրամասն
Երկարաժամկետ վարկի ստացում
Anna.
Բարև Ձեզ:
Խնդրում եմ ասեք, երբ կազմակերպությունը ստանում է երկարաժամկետ բանկային վարկ, ինչպե՞ս պետք է ձևակերպել վարկի ստացումը, տոկոսները և մարումը: Իսկ վարկի ստացումը կարելի՞ է ճանաչել որպես շահույթ, իսկ մարումը` ծախս:
Հրամանների հետ կապված
Գուրգեն.
Բարև Ձեզ: Ասացեք խնդրեմ, պարտադի՞ր է արդյոք աշխատողի` "Հրամանին ծանոթացա - ստորագրություն" գրառումը տնօրենի կադրային հրամանի վրա:
Շնորհակալություն:
ՀՄ հետ կապված ձևաթղթեր
Liana.
Խնդրում եմ ուղարկել հիմնական միջոցների հաշվառման գույքային քարտի` Ձև ՀՄ-8, շահագործումից հանման ակտի` Ձև ՀՄ-6, ձևաթղթերը: Կանխավ շնորհակալություն:
Հաշվապահական հաշվառման դասընթացներ
Սարգիս.
Բարև ձեզ: Ես ավարտել եմ ՀՊՏՀ-ի "Կառավարման տեղեկատվական համակարգեր" բաժինը, բայց որոշել եմ փոխել մասնագիտությունս ու դառնալ հաշվապահ, հիմա ունեմ հետևյալ խնդիրը, մագիստրատուրա չգիտեմ` որ բաժին տամ գործերս` "հաշվապահական հաշվառու՞մ", թե՞ "Աուդիտ": Այդ իսկ պատճառով դիմում եմ ձեզ` արդեն կայացած հաշվապահներին, կօգնե՞ք ինձ ձեր խորհրդով:
Եվ երկրորդ խնդրանքս, արդյո՞ք դուք ունեք լավ մասնագետի կոնտակտներ, ով կհամաձայնի անհատական հաշվապահության դասընթացներ անցկացնել:
Շատ շնորհակալ եմ ուշադրության համար:
Հղիության և ծննդաբերության նպաստ
Հասմիկ.
Բարև ձեզ, հարգելի հաշվապահներ: Խնդրում եմ օգնեք հետևյալ հարցում` ինձ օգոստոսի 9-ից տրված է հղիության և ծննդաբերության արձակուրդի թերթիկ, ես հիմա օգոստոս ամսվա աշխատավարձ հաշվարկելիս կամ հաշվետվության մեջ պետք է հաշվեմ իմ աշխատավարձը` պահումներով, կամ հաշվետվությունների ո՞ր մասում պետք է ցույց տամ իմ ֆիզ. արձակուրդի գումարը և պահված եկամտահարկը:
Ի՞նչ պայմանագիր է կնքվում
Robert.
ԱԱՀ-ով աշխատող ՍՊԸ-ին անհրաժեշտ է բեռնատար մեքենա վարձակալությամբ: Ի՞նչ պայմանագիր է կնքվում մեքենայի տիրոջ հետ, կա՞ նվազագույն գումարի չափ վարձակալության համար, օրենքով նախատեսված ի՞նչ վճարումներ է կատարվում:
ԱԱՀ հաշվանցում
Անի.
Բարև Ձեզ,սիրելի հաշվապահներ: Ընկերությունը համարվում է ԱԱՀ չվճարող, սակայն հաճախ Վրաստանից ապրանքներ է ներմուծում: Կցանկանայի իմանալ, թե այդ դեպքում ինչպես է կատարվում ԱԱՀ-ի հաշվանցումը:
Հաշվապահական ծրագրի ձեռքբերում
Գեղամ.
Բարև: Չէի՞ք ասի, թե ինչպես կարելի է ձեռք բերել 1C -ի հայերեն թարգմանված տարբերակը: Նախապես շնորհակալություն:
Պե՞տք է արդյոք վերջնահաշվարկ կատարել
Վահե.
Բարև ձեզ,
կխնդրեի պատասխանել, եթե աշխատողը ԱՁ-ի մոտ աշխատել է 4.5 ամիս, այնուհետև գնացել է ֆիզ. արձակուրդ մինչև երեխայի 2 տարին լրանալը, հիմա լրանում է երեխայի 2 տարին, և աշխատողը ցանկանում է ազատվել աշխատանքից, այս դեպքում պե՞տք է արդյոք վերջնահաշվարկ կատարել և աշխատողին վճարել 4,5 ամսվան բաժին ընկնող արձակուրդային օրերի համար:
Ընկերության գործունեության հասցեի հետ կապված
Սոնա.
Հարգելի հաշվապահներ, ես սկսնակ հաշվապահ եմ և իմ առաջին գործն եմ վերցրել և շատ եմ զգում Ձեր օգնության կարիքը: Ընկերությունը նորաբաց ՍՊԸ է, որը դեռ չունի գործունեության հասցե: Տնօրենը ցանկանում է վարձակալել տարածք: Ուղղակի գործունեության բնույթը այնպիսին է, որ տարածքը իրականում այդքան էլ պետք չի գալու (ինտերնետ առևտուր): Իսկ հիմա հարցերս.
1. Հնարավո՞ր է որպես գործունեության հասցե ձևակերպել տնօրենի բարեկամներից մեկի բնակարանը, որում մարդիկ են ապրում:
2. Օֆիսային տարածքներ տրամադրող շենքերից մեկում, երբ տարածք էինք նայում, ասեցին, որ վարձակալության պայմանագիրը կարող է տվյալ դեպքում նոտարով չհաստատվել, այլ ներքին պայմանագիր կնքել: Դա հնարավո՞ր է: Թե՞ ամեն դեպքում վարձակալության պայմանագիրը պետք է հաստատվի նոտարով:
3. Եթե վարձակալության պայմանագիրը պետք է հաստատվի նոտարով, ի՞նչ քայլեր են պետք դրա համար և ի՞նչ ծախսեր կան:
Շատ շնորհակալություն:
Մեքենայի ներմուծում
Հրանտ.
Հարգելի հաշվապահներ, ցանկանում եմ Ճապոնիայից ներմուծել անձնական օգտագործման համար օգտագործված մեքենա՝ SAAB 9-5, 1998 թ. թողարկման, ունի հետևյալ գործարանային պարամետրերը՝ Power Steering, Airbag, Air Conditioning, Power Window, Power Mirror, Central Locking, Leather seats, Alloy Wheels,
Chassis YS3EF48E0W: Մեքենայի արժեքը FOB: US$ 2,800: Կարո՞ղ եք ինձ հայտնել մոտավոր մաքսազերծման արժեքը: Խնդրում եմ հնարավորության դեպքում պատասխանել վերոնշյալ էլեկտրոնային հասցեին:
Շնորհակալություն:
Կազմակերպությունը զբաղվում է բեռնափոխադրմամբ
Գայանե.
Հարգելի հաշվապահներ, եթե կարող եք, պատասխանեք:
Կազմակերպությունը զբաղվում է բեռնափոխադրմամբ: Հաստատագրված հարկ վճարող կազմակերպությունը բացի եկամտահարկի և սոց. հաշվետվություններից ի՞նչ հաշվետվություններ է ներկայացնում (ամսական, եռամսյակային, տարեկան):
Կանխավ շնորհակալություն:
Ծախսի հիմնավորում
Սոնա.
Հարգելի Հաշվապահներ, ընկերությունն ունի կայք, որի համար վճարում է դոմեյնի և հոսթինգի գումար: Հոսթինիգ գտնվում է արտասահմանում, և վճարումը արվում է ինտերնետով: Հոսթինգի գումարը հնարավո՞ր է շահութահարկից պակասեցվող ծախս ցույց տալ` հիմք ընդունելով տպված էլեկտրոնային invoice-ը: Կսպասեմ ձեր պատասխանին: Շնորհակալություն:
Հարկային հաշվի դուրս գրման և մատակարարման ամսաթվեր
zara.
Կարո՞ղ եմ արդյոք ապրանքների մատակարարման դեպքում հարկային հաշվի դուրս գրման ամսաթիվը գրել 17.08.11թ, իսկ մատակարարման ամսաթիվը լինի 21.08.11թ: Կա՞ արդյոք կարգ, որոշում կամ պարզաբանում, որով կարող է պարզաբանվել հարցը: Կանխավ շնորհակալ եմ:
Որքա՞ն է կազմում նպաստը
ՄԵՐԻ.
Կարո՞ղ եք ասել` որքան է կազմում երկրորդ երեխայի միանվագ գումարը, և որտե՞ղ կարող եմ կարդալ դրա մասին: Նախապես շնորհակալ եմ:
Գործունեության դադարեցում
Davit.
Բարև Ձեզ:
Ո՞վ կարող է ինձ ասել` ինչ քայլեր պետք է արվի կազմակերպության գործունեության դադարեցման հետ կապված, և ո՞վ կարող է ինձ տալ դադարեցման դիմումի ձև:
Կանխավ շնորհակալություն:
ԱՁ-ն ապրանք է ձեռք բերել հաշիվ-ապրանքագրով
Վահե.
ԱՁ-ն ապրանք է ձեռք բերել հաշիվ-ապրանքագրով, որի գումարը կազմում է մոտ 900000 դրամ, և որի դիմաց նա վճարել է կանխիկ ամբողջ գումարը, ես գիտեմ, որ օրենքով կանխիկ վճարումների գծով ԱՁ-ի համար սահմանափակումներ չկա, եթե նա ապրանքը ձեռք է բերել հարկային հաշվով, բայց ԱՁ-ն վարում է դրամարկղի գիրք, չնայած նրան, որ ԱՁ-ն դրամարկղի գիրք չի վարում օրենքով: Ի՞նչ եք կարծում, այս դեպքում օրենքի խախտում է այն, որ ապրանքի դիմաց վճարված 900000 դրամ գումարը միանգամից ելք արվի դրամարկղի գրքից: Եվ նաև մի հարց, կարո՞ղ եմ արդյոք դրամարկղի գիրքը լրանալու դեպքում նոր դրամարկղի գիրք չվարել:
Պե՞տք է արդյոք ծանուցել աշխատողներին
T.
Եթե ընկերությունն անցնում է վեցօրյա աշխատանքային շաբաթի, պե՞տք է արդյոք ծանուցել աշխատողներին: Եվ եթե այո, ապա ի՞նչ ժամկետներում: Շնորհակալ եմ:
Ապրանքի արտահանում
Nazeli.
Հարգելի հաշվապահներ, ես սկսնակ հաշվապահ եմ և դժվարանում եմ այս հարցում: Ուզում ենք արտահանում կատարել Ռուսաստանի Դաշնություն: Խնդրում եմ պարզաբանել, արտահանման ժամանակ, երբ ԱԱՀ-ով չենք ուղարկում և դուրս ենք գրում սովորական հաշիվ, ի՞նչ հիմքի վրա ենք պահանջում պետությունից ԱԱՀ և ի՞նչ կարգով է այն կատարվում, ինչպե՞ս է արտացոլվում ԱԱՀ հաշվետվության մեջ: Շնորհակալություն:
Արդյո՞ք առաջանում է եկամտահարկի պարտավորություն
Արտակ.
Ես ունեմ երկու բնակարան: 1 տարվա ընթացքում երկու բնակարանը վաճառելու կամ նվիրատվության դեպքում արդյո՞ք ես պետք է եկամտահարկ վճարեմ:
Վերջնահաշվարկի կատարում
Օֆելյա.
Բարև Ձեզ, խնդրում եմ պատասխանել իմ հարցին:
Եթե աշխատողը անցել է աշխատանքի 2009թ. նոյեմբեր ամսից, աշխատել է մինչև 2011թ. ապրիլ ամիսը ներառյալ, այդ ընթացքում արձակուրդի ոչ մի անգամ չի գնացել, ապրիլին կենտրոնը փակվել է, և նա դուրս է մնացել, սակայն վերջինիս չեն տեղեկացրել այս ամենի մասին:
Հարց`
Ազատվելիս վերջնահաշվարկ կատարվու՞մ է, եթե այո, ապա ինչպե՞ս: Եվ եթե աշխատողին ոչինչ չեն ասել վերջնահաշվարկի մասին, ազատվելուց 4 ամիս անց կարո՞ղ է նա պահանջել իր վերջնահաշվարկը:
Աշխատավարձը`
ամսական 28.000 ՀՀ դրամ, և պարգևավճարներ` 80.000 ՀՀ դրամ, 100.000 ՀՀ դրամ, 230.000 ՀՀ դրամ
Կանխավ շնորհակալություն:
Աշխատանքային գրքույկի լրացում
Աննա.
Ըստ օրենքի առաջին գործատուն պետք է ուսման տարիները գրանցի աշխատանքային գրքույկում, բայց ինչքանո՞վ ճիշտ կլինի գործատուի կնիքը դնել: Թե՞ աշխատողը բուհում գրանցել տա, նոր ներկայացնի:
Արդյո՞ք աշխատանքը համարվում է վնասակար
Աննա.
Կարո՞ղ եք ասել, փոշեհան անունով հաստիք կարո՞ղ ենք ստեղծել: Եթե այո, դա մտնու՞մ է վնասակար աշխատանքների ցանկի մեջ:
Քանի՞ օր է հասնում ամենամյա արձակուրդ
Աննա.
118 աշխատանքային օր աշխատելուց հետո քանի՞ օր է հասնում ամենամյա արձակուրդ:
Արձակուրդայինի հաշվարկ
Հրանուշ.
Բարև ձեզ, հարգելի հաշվապահներ: Եթե աշխատողը հուլիսի 28-ից մինչև օգոստոսի 16-ը գտնվում է արձակուրդում, աշխատած օրերի քանակը 22 է, նրա համար հաշվարկված անվանական աշխատավարձը կազմում է 187.000 դրամ, վճարվում է 153.653.98 դրամ, ապա ինչպե՞ս հաշվարկել վերջինիս արձակուրդայինը: Նախապես շնորհակալություն:
Կազմակերպության գործունեության հասցե
Հրաչ.
Բարև ձեզ:
Ո՞ր օրենքում (որոշում, ...) է նշված, որ կազմակերպությունը պետք է ունենա գործունեության հասցե: Շնորհակալություն:
Գույքահարկի արտոնություններ
Աիդա.
Արաբկիր շրջանում Կոմիտասի վրա ունեմ 2 բնակարան քարի շենքերում, մեկը 5 հարկանիի 5-րդ հարկում, մյուսը 6 հարկանիի 5 հարկում: Ամեն տարի մուծում եմ սեփականաշնորհված բնակարանների գույքահարկերը, սակայն տեղյակ եմ, որ կան շենքեր, որոնց առաջին և 5-րդ հարկի բնակիչները չեն մուծում, այսինքն ազատված են գույքահարկի վճարներից: Խնդրում եմ ասել` կա՞ն արդյոք որոշումներ Երևան քաղաքի շենքերի որոշակի բնակարանների համար, որոնց սեփականատերերն ազատվում են գույքահարկից, և ինչպե՞ս տեղեկանալ այդ որոշումներին: Շնորհակալ եմ նամակիս ուշադրություն դարձնելու և պատասխանելու համար:
Աշխատանք տոնական և հանգստյան օրերին
Astghik.
Բարև ձեզ: Հարգելի գործընկերներ, օգնեք ինձ մեկ հարցում խնդրում եմ. եթե աշխատողը համաձայն ՀՀ ԱՕ-ի տոնական կամ հանգստյան օրերին չի աշխատել, արդյո՞ք նա պետք է վարձատրվի չեկած օրերի համար: Խնդրում եմ նշել` որտեղից կարող եմ ինֆորմացիա վերցնել այս հարցի վերաբերյալ:
ՀՀ Կառավարության 07.07.2011 թիվ 937-Ն որոշում
Կամո.
Հարգելի կոլեգաներ, ի՞նչ եք կարծում, ՀՀ Կառավարության 07.07.2011 թիվ 937-Ն որոշման (հարկային հաշիվների վերաբերյալ տեղեկանքի ներկայացման կարգի մասին) 18-րդ կետի մասին:
18. Տեղեկանքներ չեն կարող ներկայացվել հարկային մարմնի կողմից ստուգված կամ ստուգվող ժամանակաշրջանների համար:
Այսինքն, եթե 10.10.11 թ.բացվում է ստուգում, սեպտեմբերի համար տեղեկանքը դեր չեմ ներկայացրել, բայց ստուգման հանձնարարականում սեպտեմբերը ընդգրկված է որպես ստուգվող ժամանակաշրջան, ստացվում է, որ չեմ էլ կարող ներկայացնել: Աբսուրդ չէ՞ արդյոք:
Հղիության և ծննդաբերության նպաստ ստանալու վերաբերյալ
Արմինե.
Բարև ձեզ: Ես նոր եմ ընդունվել աշխատանքի և հղիության 1 ամսում եմ գտնվում, ես կարո՞ղ եմ ստանալ հղիության և ծննդաբերության նպաստ:
Փաստաթղթերի համարակալում
Կարեն.
Հարգելի հաշվապահներ,
ի՞նչ տուգանք է հասնում դրամարկղային փաստաթղթերի համարակալման ժամանակ հաջորդականության խախտման համար, այսինքն, օրինակ, ելքի օրդեր N 10-ից հետո 12 համարակալելու դեպքում:
Ապրանքի ներմուծում օդային ճանապարհով
Պետրոս.
Հարգելի գործընկերներ,
եթե ոչ ռեզիդենտի հաշիվ-ֆակտուրայում նշված է բեռնափոխադրման արժեքը, իսկ բեռը ներմուծվել է օդային տրանսպորտով` ինքնաթիռով, այս դեպքում համարվու՞մ է արդյոք, որ ոչ ռեզիդենտը տնտեսական գործունեություն է իրականացրել ՀՀ տարածքում, և արդյո՞ք հաշիվ-ապրանքագրում նշված բեռնափոխադրման արժեքը ենթակա է հարկման 5% շահութահարկով:
Վերջին մեկնաբանություններ