ՍՊԸ տնօրենը իր հետ կնքու՞մ է աշխատանքային պայմանագիր

Բարև Ձեզ, Աննա: Եթե տնօրենը այս դեպքում վարձու աշխատող է, ապա նրա հետ աշխատանքային պայմանագիր կնքում է ընկերության հիմնադիրը: Եթե նա և՛ տնօրենն է, և՛ ընկերության հիմնադիրը, ապա կարող է իր հետ կնքել աշխատանքային պայմանագիր, որում նշվում է. «… ՍՊԸ-ն, որը գործում է իր կանոնադրությամբ (գրանցված պետական ռեգիստրի տարածքային բաժնում 01.01.2021թ.-ին թիվ …), ի դեմս ընկերության հիմնադիր ՀՀ քաղաքացի Պողոս Պողոսյանի (հետագայում՝ Գործատու), մի կողմից և ՀՀ քաղաքացի Պողոս Պողոսյանը (նույն. քարտ, սոց. քարտ, հասցե, հետագայում՝ Աշխատող) մյուս կողմից, սույն պայմանագրում միասին անվանվելով «Կողմեր», կնքեցին սույն աշխատանքային պայմանագիրը (այսուհետ՝ պայմանագիր) ներքոգրյալ պայմանների մասին…
Աշխատողը նշանակվում է գլխավոր տնօրենի պաշտոնում՝ համաձայն Գործատուի հիմնադրի կայացած ընդհանուր ժողովի որոշման, և պարտավորվում է կատարել սույն պայմանագրով սահմանված իր աշխատանքային պարտականությունները գործատուի գործունեության հետևյալ հասցեում՝…»: