Բարև Ձեզ: Ուզում եմ ԱՁ բացել, ներմուծել ու վաճառել, բայց օնլայն տարբերակով ու տանից: Ուզում եմ իմանալ, հնարավո՞ր է արդյոք ՀԴՄ-ն գրանցել տան հասցեով:
Accountant.am
Կայք հաշվապահների համար և ոչ միայն
Accountant.am
Կայք հաշվապահների համար և ոչ միայն
Քանի որ Ա/Ձ-ն գրանցվում է իր բնակության հասցեով, ու գործունեությունը կատարվելու է տանից, ապա այո, իսկ, եթե այլ վայրից է վաճառքն արվելու, ապա այն վայրի հասցեում, որտեղից վաճառք իրականացվելու է:
ՀԴՄ-ն գրանցվում է այն հասցեով, որտեղ իրականացվում է գործունեությունը, հետևաբար՝ այո, կարող եք:
Որտեղից իրականացվում է վաճառքը ՀԴՄ-ն պետք է գրանցեք այդ հասցեով, եթե տանից եք վաճառելու՝ այո, կարող եք:
Այո, ՀԴՄ-ն գրանցում են գործունեության իրականացման հասցեում, տվյալ դեպքում տան հասցեով։
Ասացին, որ պետք է վաճառակետ լինի, իսկ օրենքով վաճառակետը պետք է համապատասխանի նորմերին, տունը չի համապատասխանում, բայց շատերին գիտեմ, որ տանից էդպես աշխատում են: Գուցե ստուգման ժամանակ դա խնդիր լինի՞:
Քանի որ Ձեր վաճառքները օնլայն են լինելու, վաճառակետի նորմերը չեն կարող դիտարկվել։ Դուք տանից չեք վաճառում, վաճառում եք վիրտուալ հարթակում:
Կազմակերպությունների և անհատ ձեռնարկատերերի կողմից ինտերնետային կայքի կամ էլեկտրոնային հավելվածի (էլեկտրոնային առևտրային հարթակի) միջոցով ընդունվող պատվերների շրջանակներում ապրանքների մատակարարման, ծառայությունների մատուցման կամ աշխատանքների կատարման գործարքների մասով կարող է կիրառվել էլեկտրոնային ՀԴՄ: Էլեկտրոնային ՀԴՄ-ն ծրագրային ապահովում է, որը հնարավորություն է ընձեռում ինտերնետային կայքի կամ էլեկտրոնային հավելվածի (էլեկտրոնային առևտրային հարթակի) միջոցով ապրանքների մատակարարման, ծառայությունների մատուցման կամ աշխատանքների կատարման գործարքների համար գեներացնել էլեկտրոնային ՀԴՄ-ի էլեկտրոնային կտրոն:
Ձեր հարցը կարգավորվում է ՀՀ հարկային օրենսգրքի 380․1 հոդվածով, որը լրացվել է 01.06.20 ՀՕ-280-Ն-ով։