Սամվել.
Խնդրում եմ պատասխանել հետևյալ 2 հարցին՝
1. 2015թ. կազմակերպությունը աշխատել է շրջանառության հարկով, բացի շրջանառության հարկից էլ ի՞նչ հարկատեսակի հաշվետվություն ներկայացնել և վճարում կատարել՝ չհաշված եկամտային հարկը:
2. 2015թ. կազմակերպությունը ժամանակին ներկայացրել է շրջ. հարկի հաշվետվությունները և ժամանակին կատարել վճարումները (4-րդ եռամսյակի վճարումը կատարվել է մինչև 2016թ. հունվարի 15-ը): 2016թ. հայտը ժամանակին չներկայացնելու պատճառով ավտոմատ անցել ենք ԱԱՀ-ի դաշտ: Խնդրում եմ պատասխանել՝ ՀՏ-ն իրավունք ունի՞ գանձել 2015թ. համար շահութահարկ՝ ամբողջ 2015թ. շրջ. հարկի 40 %-ի 20 %-ը:
Դուք այս տարի պետք է ներկայացնեիք եռամսյակի համար ԱԱՀ-ի հաշվետվություն և 2015թ.-ի համար տարեկան եկամտային հարկի հաշվարկ, իսկ արդեն մյուս տարի՝ մինչև ապրիլի 15-ը, պետք է տարեկան եկամտային հարկի հաշվետվություն ներկայացնեք, բայց արդեն 117 ձևը:
Հարգելի Լիաննա, խոսքը գնում է կազմակերպության մասին, իսկ եկամտային հարկի տարեկան հաշվարկ ներկայացնում են ԱՁ-ները:
Հարգելի Սամվել, ոչ, 2015թ. համար շահութահարկի պարտավորություն չի առաջանում, եթե իհարկե 2015թ. ներկայացրել եք շրջանառության հարկ վճարող համարվելու համար դիմումը:
Հավելեմ Կարենի ասածին՝ գոյություն ունեն մի շարք գործունեության տեսակներ, որոնք, անկախ շրջանառությունից կամ այլ նախապայմաններից, հարկվում են միանգամայն ԱԱՀ և շահութահարկ հարկման դաշտերով, օրինակ՝ այլ կազմակերպությունների հաշվապահական հաշվառման վարումը և այլն: Եթե տվյալ գործունեության ցանկից և որևիցե մեկը չունեք, ապա միայն շրջանառության հարկով եք հարկվելու: