David.
Բարև ձեզ,
Ես ցանկանում եմ բացել Ա/Ձ սահմանամերձ շրջանում, որը պետք է զբաղվի անասնաբուժական դեղորայքի և գյուղտեխնիկայի վաճառքով (տրակտոր, կթի ագրեգատներ, խոտհնձիչ մեքենա և այլն), խնդրում եմ ասեք.
1. Ես շրջանառության հարկով, թե Ավելացված Արժեքի Հարկով պետք է հարկվեմ (խնդրում եմ համապատասխան օրենքի հոդվածի, որոշման հղումով),
2. Եկամտային հարկման մասով սահմանամերձ շրջանը ի՞նչ արտոնություններից կարող է օգտվել (խնդրում եմ համապատասխան օրենքի հոդվածի, որոշման հղումով),
3. Ա/Ձ բացելու համար ի՞նչ հերթական քայլեր են պետք
4. Որքա՞ն գումար է մոտավոր անհրաժեշտ Ա/Ձ բացելու համար (ՀԴՄ սարքը ներառյալ) և որքա՞ն ժամանակ է անհրաժեշտ Ա/Ձ գրանցելու համար
Նայեք ՀՀ օրենքը ՍԱՀՄԱՆԱՄԵՐՁ ԳՅՈՒՂԱԿԱՆ ՀԱՄԱՅՆՔՆԵՐՈՒՄ ԻՐԱԿԱՆԱՑՎՈՂ ԳՈՐԾՈՒՆԵՈՒԹՅՈՒՆԸ ՀԱՐԿԵՐԻՑ ԱԶԱՏԵԼՈՒ ՄԱՍԻՆ ընդունված 2014 թվականին:
Կարծում եմ՝ պետք է աշխատեք շրջանառության հարկով, սակայն վերը նշված օրենքի համաձայն ազատված կլինեք այդ հարկից:
Եկամտային հարկի մասով ևս ազատված է ԱՁ-ն իր 5 000-ի մասով, բայց եթե աշխատող գրանցեք, ապա Ձեզ մոտ կառաջանա եկամտային հարկի պարտավորություն աշխատողի մասով, աշխատողին պետք է գրանցեք գոնե նվազագույն աշխատավարձով հարկերը ներառյալ 78 000 դրամ և կվճարեք 5% սոց վճար 3 900 դրամ և 19 032 դրամ եկամտային հարկ:
Որպես սահմանամերձ գոտում գործող Ձեզ ՀԴՄ-ն տրվում է անվճար:
ԱՁ բացելու համար պետք է գնաք համապատասխան տարածքի պետական ռեգիստր ու գրանցվեք, դա րոպեների հարց է, կարծեմ արժի 3 500 դրամ, այնուհետև գնում եք հարկային և տալիս շրջանառության հարկ վճարողի դիմում:
Հարգելի Նարինե,
Շնորհակալ եմ մանրամասն տեղեկատվության համար:
ՍՊԸ բացման համար կանոնադրության փաստաթղթերն ինձ ներկայացնելու համար 35.000 վճար են ուզել, դա ճի՞շտ է այդքա՞ն է: