Հասմիկ․
Ա/Ձ-ն նորաբաց է, չի տվել շրջանառության հարկի հայտարարություն, զբաղվելու է քսերոքսի ծառայությամբ, պարզ է, որ 20 % է հարկվելու ԱԱՀ, իսկ եկամտային և սոց․ վճար ամսակա՞ն է հարկվելու և որքա՞ն։
Կայք հաշվապահների համար և ոչ միայն…
on Գումարի փոխանցում հիմնադրի հաշվին: “հարկայինը կարող է շրջանառության հարկ վճարողի մոտ շահույթ հաշվել` ուսումնասիրության կամ ստուգման ժամանակ” Nov 19, 11:14
on Զբոսաշրջության գործունեություն: “ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ Օ Ր Ե Ն Ք Ը Ընդունված է 2015 թվականի նոյեմբերի 13-ին ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԾԱՆՈՒՑՄԱՆ ՄԱՍԻՆ Հոդված 10.Ծանուցման ձևերը, ծանուցման…” Nov 18, 16:55on Գումարի փոխանցում հիմնադրի հաշվին: “հարկային մարմինը ստուգում է իրականացնում Ձեր կողմից ներկայացված հաշվետվությունների հիման վրա,կասեք ինչ հաշվետվություն եք ներկայացնում,որ շահույթը ֆիքսվի,որ շահաբաժին տաք?” Nov 18, 15:39
Այդ դեպքում Դուք գտնվելու եք նաև շահութահարկի դաշտում, նկատի առեք, դա արդեն հարկման ընդհանուր ռեժիմն է, նայեք Հարկային օրենսգրքի 135-րդ հոդվածը: Եկամտայինի և սոց. վճարի հաշվով՝ նախատեսու՞մ եք վարձու աշխատող ունենալ, թե՞ ոչ:
Այո, 5 000 դրամ եկամտային հարկ և 5 000 դրամ կենսաթոշակ։
Տիգրան ջան, ոչ աշխատող չեմ ունենալու, իսկ Լիան որ գրել է 5 000-ական դրամ (եկամտային և սոց.), դա շրջ. հարկին է չէ՞ վերաբերում, թե՞ ԱԱՀ-ի դեպքում էլ կան մինիմում 5 000-ական վճարներ:
ՀՀ ՀՕ հոդված 125 մաս 3՝ 5 000 դրամ շահութահարկ, «Կուտակային կենսաթոշակների մասին» ՀՀ օրենքի 7-րդ հոդվածի համաձայն՝ վճարում են 5 %, մինչև 6 000 000 դրամը, 6 000 000 դրամը գերազանցելու դեպքում՝ 10 % 6 000 000 դրամը գերազանցող մասից + 300 000 դրամ։
Տվյալ դեպքում եկամտային հարկը և սոցիալական վճարը հաշվարկվում են կախված շրջանառությունից և շահույթի չափից:
Հասմիկ, ԱԱՀ-ի դեպքում մինիմում վճարներ չկան, այն դուրս է բերվում հաշվարկով՝ ելնելով Ձեր շրջանառությունից, պետք է ուշադիր լինեք ԱԱՀ-ի հաշվարկը լրացնելիս:
Բարև ձեզ:
Ձեր պարագայում Ա/Ձ-ի համար տարեկան եկամտային հարկ (շահութահարկի հաշվարկում)՝ 60 000 դրամ, և սոցիալական վճար՝ 60 000 դրամ, չի առաջանալու, սա տարածվում է միայն շրջանառության հարկ վճարողների Ա/Ձ-ների վրա: Իսկ ինչ վերաբերում է ամսական եկամտային հարկին և սոցիալական վճարին, եթե գրանցված աշխատող ունեք ամեն ամիս առաջանում է՝ անկախ հարկման համակարգից, իսկ եթե աշխատող չունեք՝ ամեն ամիս ԱԱՀ հաշվետվություն եք ներկայացնելու և վճարելու:
Քրիստինե ջան, խնդրում եմ, օրենքի հոդված կամ կետ կասեք, որ ԱԱՀ-ով հարկվող ԱՁ-ն տարեկան 60 000 դրամ շահութահարկից և 60 000 դրամ սոց. վճարից, ինչպես նաև 12 000 դրամ դրոշմանիշային վճարից ազատված է, ստացվում է՝ եթե ԱԱՀ-ով է աշխատում, այդ վճարումներից ազատված է: Պարզապես օրենքում չեմ կարդացել, որ հստակ հարկատեսակ առանձնացնի վճարել չվճարելու համար: