Ռուբ.

Բարև ձեզ։ Ընկերությունը ֆիզիկական անձանցից ծառայությունների գնման ակտով ծառայություն է ձեռք բերել, որում նշվել են օրենքով սահմանվող բոլոր պարտադիր պայմանները դա ծախս ճանաչելու համար։ Հարկերը պահվել են 10 տոկոս և վճարվել պետությանը։ Նշեմ, որ ընկերությունն աշխատում է ԱԱՀ դաշտում։ Օրենքի խախտում կա այս դեպքում, թե՞ ոչ։

Արա.

Բարև ձեզ։ Եթե կազմակերպությունը ֆիզիկական անձից կատարել է գնումներ, որոնք օգտագործել է իր հիմնական գործունեության համար, որպես նյութեր, և կազմել է երկկողմանի գնման ակտեր, բյուջե վճարել հարկերը, ապա կարո՞ղ ենք դրանք նվազեցնել շահութահարկից, թե՞ ոչ։

Արման․

Բարև Ձեզ։
ՀՎՀՀ ստանալուց հետո ֆիզ անձը առաջին անգամ պետք է ներկայացնի տարեկան հաշվետվություն: Ի՞նչ եղանակով են ձեռք բերվում ՀՆէՀ մուտք գործելու գաղտաբառը և օգտվողի անունը:

Հայարփի․

Բարև ձեզ: Խնդրում եմ օգնեք․ շրջհարկով աշխատող ՍՊԸ-ն, որը իր գործունեությունը ծավալում է ֆիզ. անձից վարձակալած տարածում, ունի պայմանագիր և ամեն ամիս վճարում է 10 % եկամտային հարկ, և պայմանագրով ամրագրված է, որ կարող տալ ենթավարձակալության: Հիմա ամսով ցանկանում ենք տալ, սակայն շաբաթական 2 օր, մեկ այլ ՍՊԸ-ի, միկրոյի դաշտում գործող: Հարցս հետևյալն է․ կարո՞ղ ենք կնքել ծառայության մատուցման պայմանագիր առանց նոտար և կադաստրի գրանցման՝ օրավարձով հանձնելով որպես ստանդարտ գործարք, թե՞ պարտադիր կնքենք ենթավարձակալության պայմանագիր։ Շնորհակալություն

Անի.

Հարգելի՛ հաշվապահներ, շրջհարկի հաշվետվության 232 ձևի մեջ հանրային սննդի հետ կապված 6 բաժնում 6.4 կետում լրացվում է միայն e-invoicing-ով ստացված հաշիվների մասով, թե՞ կարելի է նաև ֆիզ. անձից վարձակալությունն էլ ներառել:

Մարգարիտա․

Բարև Ձեզ: ԱԱՀ-ով աշխատող ՍՊԸ-ն պատրաստվում է խորհրդատվական ծառայություն մատուցել օտարերկրյա կազմակերպությանը և ֆիզ. անձանց: Խնդրում եմ պատասխանեք` էլեկտրոնային փաստաթուղթ պետք է դուրս գրվի, թե՞ ոչ, ի՞նչ փաստաթղթավորում է հարկավոր, և հարկեր կգոյանան, թե՞ ոչ: Կանխավ շնորհակալություն:

Գրիգոր․

Բարև Ձեզ։ մի քանի հարց ունեմ. 1) երկքաղաքացիություն ունեցող անձը (ՌԴ և ՀՀ), որը ՌԴ-ում ունի ԱՁ, կարո՞ղ ՀՀ-ում է բացել ԱՁ: 2) ԵՏՄ-ից ներմուծման դեպքում մաքսային վիճակագրական հաշվեվությունը ներկայացնելու համար որտեղի՞ց ստանանք ծածկանուն և գաղտնաբառ և էլեկտրոնային եղանակով հնարավո՞ր է դա: 3) Ներմուծման դեպքում բացի հայտարարագիր, հայտարարություն և մաքսային վիճ. հաշվետվություն, շրջ. հարկի կամ ԱԱՀ-ի, ուրիշ ի՞նչ հաշվետվություններ պետք է հանձնենք: Խնդրում եմ վիճ. վարչության հաշվետվության մասին մանրամասն գրել (խոսքս լրացման կարգի մասին չէ, այլ թե ինչպե՞ս գրանցվել, ուղարկել): 4) Կարո՞ղ ենք արդյոք արտադրանքը վաճառել միայն հաշիվ դուրս գրելով, այդ թվում ֆիզիկական անձանց և մինչև 300 000 դրամի իրացման դեպքում վճարումը ընդունել դրամարկղով (դրամարկղի մուտքի օրդերով)։ Շնորհակալություն:

Արմենուհի։

Բարև Ձեզ։ Խնդրում եմ ինձ օգնեք գրանցել անձին, ով ՀՎՀՀ է ստացել դայակ աշխատելու համար: Օգտվող, լիազոր գրանցել եմ, հիմա ուզում եմ հասկանալ հետագա քայլերը: Աշխատանքի մեջ է համարվում սեպտեմբերից, վճարել եմ աշխատավարձ և տուրքերի մուծումները արել եմ, բայց հարկային դաշտում չգիտեմ ոնց գրանցել։ Կանխավ շնորհակալություն։

Մարի․

Բարև ձեզ, հարգելի հաշվապահներ։ Կխնդրեմ օգնեք կողմնորոշվել․ իմ բնակարանը հանձնում եմ վարձակալությամբ այլ ֆիզ. անձի: Չունեմ պայմանագիր: Կասե՞ք՝ այս դեպքում ի՞նչ խնդիրեր կարող են առաջանալ: Եվ եթե կնքեմ պայմանագիր՝ ինչպիսի՞ ընթացակարգ է, ի՞նչ պարտավություններ կունենամ: Շնորհակալ կլինեմ, եթե արձագանքեք:

Լիաննա․

Բարև ձեզ, հարգելի մասնագետներ։ Ով ՊԱՐԶ լեզվով կբացատրի եկամտային հարկի մասին օրենքից այս դեպքերը։ 1) Շրջհարկով աշխատող ՍՊԸ-ն ֆիզ․ անձից ձեռք է բերել ավտոմեքենա (10, թե՞ 5 տոկոս պետք է վճարի)։ 2) Այդ նույն մեքենան վաճառում է ա) 365 օրվա ընթացքում բ) 365 օրը լրանալուց հետո։

Անի.

Հարգելի՛ հաշվապահներ, ԱԱՀ-ով աշխատող կազմակերպությունը ձեռք է բերել սարքավորում ֆիզ. անձից առ ու վաճառքի պայմանագրով: Հարց 1․ արդյո՞ք գնման ակտ պետք է: Հարց 2․ ՀԾ հիմնական միջոցներում մուտք անելիս հաշվառման բաժնում քանի՞ ամսով է ձևակերպվում և գումարը գրվում է ամբո՞ղջը, թե՞ եկամտայինը արդեն հանած: Շնորհակալ եմ:

Սոֆա.

Բարև Ձեզ: Մի հարց. 2021թ. վարձավճարը 150 000դ., 2021թ. եկամտայինի հաշվարկում հունվար, փետրվար, մարտ ցույց եմ տվել, իսկ մնացած 9 ամիսները մոռացել եմ: Հիմա ես կարո՞ղ եմ այդ ամիսների գումարները 2022թ. եկամտայինում 150 000 գումարեմ ներառեմ: Ի՞նչ խորհուրդ կտաք խնդիրներից խուսափելու համար: Նշեմ, որ վարձ. պայմանագիրը նոտարով հաստատված է և ֆիզ. անձից է վարձակալած: Շնորհակալ եմ նախապես:

Արման.

Բարև Ձեզ: Պատվիրել եմ նոր հագուստ Ռուսաստանից, քանակը 19 հատ, ընդհանուր 13կգ: Հիմա գտնվում է կարգոյում, չունեմ ԱՁ: Որպես ֆիզիկական անձ ինչքա՞ն պետք է մաքսավճար վճարեմ, որպեսզի կարողանամ վերցնել իմ ծանրոցը: Հագուստը գնվել է շուկայից, չկա ոչ մի օրինական փաստաթուղթ գնի մասին: Կանխավ շնորհակալ եմ:

Լուսինե.

Բարև Ձեզ: Ինձ հետաքրքիր է` ինչպիսի՞ կարգավորումներ են գործում ՀՀ-ում կրիպտոարժույթի թողարկման (mining) վերաբերյալ:
1. Արդյո՞ք համարվում է ձեռնարկատիրական գործունեություն, թե՞ ուղղակի ֆիզ. անձը կարող է տարվա վերջում եկամուտ հայտարարագրել:
2. Ի՞նչ հարկեր է անհրաժեշտ վճարել:

Շնորհակալ եմ ցանկացած տեղեկատվության համար:

Արփինե.

Բարև Ձեզ: Խնդրում եմ օգնեք մի հարցում. ԱՁ ցանկանում է բեռնափոխադրումներ կատարել ֆիզիկական անձանց համար, ՀՀ-ից ՌԴ և հակառակը: Ի՞նչ քայլեր են հարկավոր դրա համար, միայն լիցենզիա ստանա՞լ, կարո՞ղ է աշխատել միկրոհամակարգում և այդ դեպքում հաշիվ ինչպե՞ս է դուրսգրում։

Սոնա.

Բարև Ձեզ, հարգելի հաշվապահներ։ Հարցս հետևյալն է. ֆիզ. անձը, հանդես գալով որպես վարձատու, բնակարանը տվել է վարձով 2021թ.` օրենքի սահմաններում պայմանագիր կազմելով։ Շուրջ 1 տարի ստացել է եկամուտ։ Մինչ օրս չի ստացել որևէ ծանուցում հարկ չվճարելու հետ կապված։ Հիմա ուզում եմ հասկանալ` արդյո՞ք որևէ խնդիր կառաջանա այս առումով։ Վարձատուն պարտավո՞ր է հետաքրքրվել և իմանալ, թե ինչ հարկ պետք է վճարի, թե՞ պետք է ծանուցվի համապատասխանաբար։ Եթե այո, ապա տարածքային հարկային մարմի՞ն պետք է դիմել։ Եթե հնարավոր է` տեղադրեք օրենքից հղում, թե ինչքան հարկ է առաջանալու և վճարման կանոնների հետ կապված։

Օվսաննա․

Բարև Ձեզ, հաշվապահներ ջան, խնդրում եմ ինձ կասե՞ք՝ ինչքա՞ն եկամտային հարկ պիտի տա ֆիզ անձը միևնույն հարկային տարում երկրորդ բնակարանը օտարելու դեպքում, ասեմ, որ ինձ ասում են՝ բան է փոխվել, ու հիմա հարկ չկա, ճի՞շտ է արդյոք։

Անահիտ Ալեքսանյան.

Բարև ձեզ: Մշտապես ապրում եմ արտասահմանում, Հայաստանի քաղաքացի եմ, ունեմ բնակարան Երևանում, որը պատրաստվում եմ վարձակալության տալ ֆիզիկական անձի: Պե՞տք է արդյոք մուծեմ եկամտային հարկ վարձավճարից և ի՞նչ չափով և ինչպե՞ս( ID չունեմ ): Շնորհակալություն:

Հասմիկ.

Բարի երեկո: Եթե ֆիզիկական անձը նվիրատվությամբ ստացել է երկու հողակտոր, նշանակությունը` բնակելի: Առաջինը ստացել է 2015թ, երկրորդը 2021թ: 2022թ հողակտորներից մեկը նվրատվություն անելուց, ինչպես նաև երկրորդ հողակտորը վաճառելուց հետո, ֆիզիկական անձի մոտ հարկ առաջանու՞մ է: Շնորհակալ կլինեմ, եթե արձագանգեք:

Դիանա.

Հարգելի հաշվապահներ,
ընկերությունը զբաղվում է ինտերնետ ծառայության մատակարարմամբ։ Ֆիզ. անձիք վճարումները կատարում են տերմինալներով։ Այդ գումարները ստանում ենք տերմինալների կողմից կատարված բանկային փոխանցումներից։ Խնդրում եմ` տվեք հաշվապահական ձևակերպումները։

Նախապես շնորհակալ եմ:

Տավրոս.

Եթե արտահանվել է ՌԴ, գնորդը ֆիզ. անձ է և ՀՀ ում հաշվետվություն չի ներկայացվել, բայց առկա է ավիաբեռնագիր և փոստային ծառայության անդորրագիրը, ապա ի՞նչ հետևանք դա կունենա: ՀՀ-ից արտահանողը ԱԱՀ-ով է աշխատում:

Լիանա.

Բարև Ձեզ։ Ես հանդիսանում եմ ԱՁ, սակայն մոտ մեկ ամիս է, ինչ գործունեությունը ժամանակավորապես դադարեցրել եմ՝ ֆիզ. արձակուրդ գնալու կապակցությամբ։ Ունեմ տարածք, որն այժմ ցանականում եմ տալ վարձակալությամբ։ Խնդրում եմ պատասխանել՝ կարո՞ղ եմ վարձակալության պայմանագիրը կնքել ֆիզ. անձով՝ առանց ԱՁ գործունեությունը վերսկսելու, և եթե այո, ապա այդ դեպքում ինձ կհատկացվի՞ արդյոք նախածննդյան մայրության նպաստը։ Կանխավ շնորհակալություն։

Դիանա.

Բարև ձեզ: Խնդրում եմ ասել` դրոշմանիշային վճարի չափերը` ֆիզ անձի, ԱՁ-ի համար: Շնորհակալ եմ կանխավ:

Անահիտ.

Բարև ձեզ, հարգելի հաշվապահներ: Իրավաբանական անձը ֆիզ. անձի հետ իրավաբանական ծառայությունների մատուցման պայմանագիր է կնքում, կասե՞ք` օրենքի ո՞ր կետի համաձայն ի՞նչ հարկեր պետք է վճարվի ֆիզ. անձի համար։ Կանխավ շնորհակալ եմ։

Անի.

Բարև Ձեզ: ԱԱՀ-ով աշխատող արտադրամասից պատրաստի արտադրանքը ֆիզ. անձին տեղում կանխիկ վաճառելու համար ի՞նչ գործողություններ պետք է կատարվեն:

Արուս.

Բարև ձեզ, հարգելի հաշվապահներ: Ֆիզիկական անձն աշխատում է որպես ծրագրավորող և ուզում է ԱՁ բացել` դրսի կազմակերպությանն ազատ ժամանակ «ծրագրային ապահովման մշակում» ծառայություն մատուցելու նպատակով, հարկվելու է շրջանառության հարկով: Հիմա աշխատավարձը ստանում է դրամային քարտով, ԱՁ-ի ժամանակ ստանալու է արտարժույթով, արդյոք՝
– պե՞տք է նոր արտարժութային քարտ բացի, թե նույն աշխատավարձի քարտը օգտագործի, միևնույն է հետո արտարժույթը փոխելու է դրամի,
– եռամսյակային հաշվետվություն ներկայացնելիս եկամուտը հաշվարկելիս հաշվի՞ է առնում քարտին գումարի ստացման օրվա դրությամբ ՀՀ կենտրոնական բանկի կողմից մինչև տվյալ օրվա ժամը 16:00-ը հրապարակած միջին փոխարժեքը,
– որպես հիմնավորում գումարի ամեն ամիս ստացման, թե՞ եռամսյակը մեկ դուրս է գրում հաշիվ վավերագիր, քանի որ դրսի կազմակերպությունն ուղղակի քարտին է նստացնելու գումարը,
– եթե գումարը ստացվել է ամսի 1-ին, հաշիվ վավերագիրը գրվել է ամսի 27-ին, պետք է հաշվի առնել ամսի 1-ի գումարի ստացման օրվա փոխարժե՞քը, ոչ թե դուրս գրման օրվա փոխարժեքը, նկատի ունենալով, որ եկամուտը ի սկզբանե հաշվարկվել է քարտին գումարի ստացման օրվա փոխարժեքով,
– առանց ԱՁ բացելու, որպես ֆիզիկական անձ, ծրագրային ապահովման մշակում կարո՞ղ է իրականացնել և հարկայինում պե՞տք է ներկայացնի եկամտային հարկ և սոց. վճար ընդհանուր հիմունքներով և ավելի բարձր տոկոսներով:
Խնդրում եմ ձեր մասնագիտական կարծիքը:

Մերի.

Բարև Ձեզ, հարգելի հաշվապահներ: Հարցս վերաբերվում է հասարակական կազմակերպության հաշվետվություններին: Խնդրում եմ օգնեք հասկանալ` 2019-ին գրանցված ՀԿ-ն չունի ո՛չ գույք, ո՛չ էլ անդամավճարներ, չի ունեցել նաև որևէ տեսակի դրամական ներդրումներ: Այս տարի մի դասասենյակի համար ձեռք է բերել գույք, որի համար ստացել է հաշվարկային փաստաթուղթ և տրամադրվել է հանձման-ընդունման ակտ, գույքի գումարը տրամադրվել է մի ֆիզիկական անձի կողմից: Խնդրում եմ օգնեք հասկանալ` ո՞ր հաշվետվության ձևն է անհրաժեշտ լրացնել և եթե հնարավոր է` ինչպե՞ս։ Կանխավ և անչափ շնորհակալ եմ 😊

Սուրեն.

Հարգելի հաշվապահներ, Ռուստաստանի Դաշնությունուից որպես ֆիիկական անձ իրականացրել եմ ապրանքի ներկրում` անձնական օգտագործման նպատակով: Ներկրված ապրանքի քաշը գերաանցել է սահմանված 25 կգ և կազմել 265կգ, քանակը 2 հատ: ԵՏՄ գործարքների դարանում լրացրել եմ այս տվյալները` քանակը – 2, քաշը – 265: Հարց 1. արդյո՞ք պետք է լրացնեմ ներմուծման հայտարարագիր, թե՞ ոչ, լրացնելու դեպքում ի՞նչ արժեք պետք է նշեմ ԱԱՀ հարկման բազա տողում:

Վիկա․

Մի այսպիսի հարց․ ՊՆ-ում աշխատող անձը բնակարան է վարձել նոտարով կադաստրով հաստատված, բայց վարձատուի հետ պայմանավորվել է՝ վարձավճարի հարկը և հաշվետվությունը ինքն է տալու, որ խնդրեմ՝ կասե՞ք, հաշվետվությունը ո՞նց պետք է հանձնել։

Կարեն.

Ֆիզ. անձը Չինաստանից ներմուծելու է 100-150 հատ մազի կտրման սարք (մաշինկա, թրիմեր): Խնդրում եմ նշեք` բացի ԱԱՀ-ի 20%-ից էլ ի՞նչ վճարներ պետք է անի, և արդյո՞ք ինվոյսը գնի որոշման հիմք է:

Անի․

Հարգելի հաշվապահներ, խնդրում եմ օգնել, ոչ մի կերպ չեմ կարողանում ծախս ձեռք բերել, բեռնափոխադրմամբ եմ զբաղվում, եթե ձեռք չբերեմ՝ մեծ հարկեր եմ մուծելու, հնարավո՞ր է՝ ֆիզ անձով հաշիվներ դուրս գրվի, ու դա համարվի ինձ համար ծախս, խնդրում եմ հուշեք մի բան, ի՞նչ կարելի է անել, կանխավ շնորհակալ եմ:

Սյուզաննա.

Բարև ձեզ: Ֆիզիկական անձից գյուղատնտեսական ապրանքներ` ձուկ, ձեռք բերելու համար երկկողմանի, թե՞ միակողմանի գնման ակտ է կազմվում:

Տիգրան.

ՀՀ ռեզիդենտ ֆիզիկական անձը ՌԴ-ում ունի կազմակերպության բաժնեմաս և պետք է վճարի շահաբաժնից հարկ: Արդյո՞ք կարող է շահաբաժինը վճարվի ՀՀ-ում 5 տոկոս դրույքաչափով և ներկայացնի ՌԴ` ռեզիդենտության տեղեկանք ՀՀ-ից: Եվ 2 հարցը. եթե տվյալ դեպքում կիրառելի է կրկնակի հարկումը բացառելու համաձայնագիրը, ապա որտե՞ղ պետք է վճարվի շահաբաժնի հարկը և ի՞նչ դրույքաչափով:

Լիաննա.

Հարգելի հաշվապահներ, եթե վարձակալելու ենք գրասենյակային տարածք, և տարածքի սեփականատերը ոչ ռեզիդենտ ֆիզ. անձ է, որն ուղարկել է լիազորագիր: Հիմա վարձակալական պայմանագիր կազմելիս, լիազորվող անձի տվյալնե՞րը պետք է լրացնել պայմանագրում, թե՞ սեփականատիրոջ տվյալներըը։
Շնորհակալ եմ նախապես:

Արա.

Բարև ձեզ։ Եթե ֆիզիկական անձից կատարվել են ապրանքների գնումներ` երկկողմանի գնման ակտերի միջոցով, ապա եկամտային հարկի հաշվետվության ներկայացման ժամանակ երկրորդ մասում, ո՞ր կոդը պետք է ընտրեմ «այլ եկամուտները», թե՞ պետք է ընտրեմ «չհիմնավորված վճարումները», բայց 20%-ը ձեռքով փոխեմ 10%-ի, քանի որ 150-րդ հոդվածի 13-րդ կետի երկրորդ մասի բոլոր վավերապայմանները պահպանված են։ Նշեմ, որ ընկերությունը գործում է հարկման ընդհանուր համակարգում։
Շնորհակալություն։

Ռոման.

Բարև ձեզ: Եթե ֆիզիկական անձը ներմուծում է անվադողեր ԵՏՄ-ից, ԱԱՀ վճարելու պարտավորություն չունի, քանի որ չափաքանակը չի գերազանցել: Արդյո՞ք այս դեպքում բնապահպանական հարկի վճարելու պարտավորություն ունի, թե՞ ոչ:

Անահիտ.

Եթե ՍՊԸ-ն ֆիզ. անձից ավտոմեքենա է գնել` 2 500 000դրամով, ինչքա՞ն եկամտային հարկ պիտի վճարի:

Արա.

Բարև ձեզ։ Կազմակերպությունը ֆիզիկական անձից երկկողմանի գնման ակտով ցանկանում է ձեռք բերել նյութեր, որոնք օգտագործելու է իր հիմնական գործունեության իրականացման համար։ Ֆիզիկական անձը ցանկանում է կանխիկ ստանալ վճարումը, իսկ նյութերի արժեքը գերազանցում է 300.000 դրամը։ Եթե վճարումը կատարվի դրամարկղից, ապա տվյալ գործարքի մասով կկատարվի՞ խախտում, թե՞ ոչ։ Շնորհակալություն։

Արուսիկ.

Բարև Ձեզ, հարգելի հաշվապահներ:
Կազմակերպությունները ճանաչվել են փոխկապակցված: Հիմա ցանկանում ենք մի կազմակերպությունից հիմնադիրներից մեկի փոփոխություն կատարել, որպեսզի հաջորդ տարվանից անցեն շրջ․ հարկի ոլորտ։ Ստացվում է, որ պետք է ձևակերպենք անյպես, իբր ֆիզ. անձը (հիմնադիր) վաճառում է իր փայաբաժինը մեկ այլ ֆիզ. անձի, արդյունքում առաջանալու՞ է եկամտային հարկ, և ո՞րն է լինելու հարկման բազան ու ի՞նչ դրույքաչափով։

Անահիտ Ավետյան.

Բարև Ձեզ: Խնդրում եմ օգնել, եթե կարելի է օրենքների հղումներով: Հարցս հետևյալն է. ֆիզիկական անձը Ռուսաստանի Դաշնությունից ներկրել է ավտոմեքենա /Ֆորդ մակնիշի մարդատար, 2012թ./ անձնական օգտագործման համար, ի՞նչ հարկեր պետք է կատարի:Շնորհակալություն

Մարիաննա․

Բարև Ձեզ։ Խնդրում եմ օգնել․ ԱՁ-ն ֆիզ․ անձից ապրանք է գնում, այդ դեպքում անհրաժե՞շտ է պայմանագիր և գնման ակտ։ Եվ քանի՞ տոկոս է հարկը այդ գնման ակտից։ Շնորհակալություն։

Սոֆյա․

Նորաբաց ՍՊԸ-ն ունի հիմնադիր և տնօրեն, ով նույն անձն է: Գործունեության ոլորտը՝ արտադրություն, ձեռքի աշխատանք, փայտագործություն: Հարկի տեսակը՝ շրջանառության հարկ:
Ասացեք խնդրեմ․
1. Եթե տնօրենը և հիմնադիրը նույն անձն է, պե՞տք է գրանցել որպես աշխատող և վճարել եկամտային հարկ
2. Կարո՞ղ ենք տնօրենին և մեկ աշխատակցի գրանցել կես դրույքով (յուրաքանչյուրին)
3. Եթե նախատեսված է աշխատել փոխանցումներով, պարտադի՞ր է ունենալ ՀԴՄ սարք և դրամարկղային գիրք
4. Եթե ֆիզիկական անձի հետ ենք աշխատում, կարո՞ղ ենք հաշիվ գրել ֆիզիկական անձին, իսկ նա փոխանցումներն անի կազմակերպության հաշվեհամարին:
5. Ի՞նչ հարկեր ենք վճարելու

Շնորհակալություն։

Գագիկ.

Բարև ձեզ, հարգելի հաշվապահներ:
Նոր բացված Ա/Ձ-ն մատուցելու է ֆինանսական խորհրդատվական ծառայություններ: Կխնդրեմ պատասխանել մի քանի հարցի.
1. Ա/Ձ հանդիսացող ֆիզ.անձը պիտի իրեն գրանցի՞ որպես աշխատող, թե՞ հենց Ա/Ձ հանդիսացող ֆիզ. անձը կարող է մատուցել այդ ծառայությունները:
2. Տվյալ ծառայությունների մատուցման դեպքում Ա/Ձ-ն կարո՞ղ է դիմում ներկայացնել հարկային և աշխատել միկրոձեռնարկատիրության դաշտում (տարեկան 24մլն-ը չի գերազանցելու), թե՞ շրջհարկով:
3. Եվ, ո՞ր դեպքում, ի՞նչ հաշվետվություններ են ներկայացվելու և ի՞նչ ամսական վճարումներ են կատարվելու:
Կանխավ շներհակալ եմ:

Հրանուշ.

Բարև Ձեզ, հարգելի հաշվապահներ։ Մի էսպիսի հարց. եթե ոչ ռեզիդենտ ֆիզ. անձին կանխավճարային հաշվով գումար է փոխանցվել` հոկտեմբեր ամսում՝ ծառայությունների մատուցման նպատակով, ապա տվյալ դեպքում այն ներառվու՞մ է հոկտեմբեր ամսվա եկամտային հարկի հաշվետվության մեջ: Եթե այո, ապա ո՞ր դրույքաչափով կհարկվի։

Անի.

Բարև ձեզ: ԱՁ-ն կարո՞ղ է անհատույց վարձակալության պայմանագիր կնքել ֆիզ անձի հետ, առանց նոտարի:

Նարեկ․

Բարև ձեզ։ ԵԱՏՄ-ից էլեկտրոնային ծխախոտի (сигарет) ներկրման դեպքում և՛ որպես ֆիզ. անձ, և՛ իրավ. անձ՝ ի՞նչ մաքսային կարգ է գործում, և ի՞նչ փաստաթղթեր են անհրաժեշտ։

Աննա.

Բարև Ձեզ, հարգելի հաշվապահներ: Հարցս վերաբերում է ՀՕ 30 հոդվածին, փոխկապակցված անձ: Եթե ֆիզ. անձը մի առևտրային կազմակերպության հիմնադիրներից մեկն է 70% բաժնեմասով, մեկ այլ կազմակերպությունում կարո՞ղ է հանդես գալ 15%-ով, և արդյո՞ք չի ընկնի ԱԱՀ-ի դաշտ:

Տիգրան.

Բարև ձեզ։ Ես հաճախակի եմ գնումներ կատարում օնլայն հարթակներից։
Ֆիզիկական անձով ուզում եմ սեփական օգտագործման համար ներմուծել համակարգչային մասեր, համակարգիչ կամ notebook:
ՊԵԿ-ի կայքում նայել եմ աղյուսակը թույլատրելի քանակների, բայց չեմ գտել համակարգչային մասերին որոնք են վերաբերում։
Ընդհանուր համակարգիչ հավաքելու համար պետք է գնեմ 10 ապրանք։ Մի կամ 2 ապրանքատեսակից հնարավոր է 2 կամ 4 հատով (օրինակ՝ օպերատիվ հիշողություն կամ կոշտ սկավառակ)։
1) Կարո՞ղ եմ արդյոք հանգիստ պատվիրել։ Չստացվի, մաքսատանը մտածեն բերում եմ վաճառելու նպատակով։
Եվ մեկ հարցել.
2)օրինակ՝ ենթադրենք ՊԵԿ-ի աղյուսակում գրված է, որ ֆիզիկական անձին թույլատրվում է ներմուծել անձնական օգտագործման նպատակով 1 հատ հեռուստացույց։ Դա 1 ամսվա համա՞ր է գրված այդ՝ 1 հատը, թե՞ 1 տարվա համար։ Այսինքն՝ ուզում եմ հասկանամ աղյուսակում նշված քանակները 1 ամսվա կտրվածքի համար են թե՞ մի տարվա։ Որ իմանամ՝ ինչքա՞ն ժամանակը մեկ պատվիրեմ, որ կասկածի տեղիք չտա (չմտածեն հանկարծ վաճառքով եմ զբաղվում)։
3) Գումարը 200 եվրոն գերազանցելու դեպում կամ 31կգ գերազանցելու դեպքում, ավել գումարի 15% ո՞նց և ու՞ր պետք է վճարեմ։
Շնորհակալություն:

Ռազ.

Բարև ձեզ: ԱՁ-ն, որը ներկայացրել է միկրոձեռնարկատիրության սուբյեկտ համարվելու մասին հայտարարություն, վարձակալությամբ է վերցրել տարածք ֆիզ. անձից։ Այս դեպքում առաջանու՞մ է եկամտային հարկ 10% և ո՞վ է վճարելու այն։

Արսեն.

Հարգելի հաշվապահներ, ՍՊԸ-ն ֆիզ. անձից գնել է մեքենա ձեռնարկատիրական նպատակներով, սակայն 5 ամիս անց ուզում է այն վերադարձնել (համաձայնություն կա կողմերի միջև)։ Ինչպե՞ս է դա կատարվելու, և արդյո՞ք հարկեր կառաջանան։ ՍՊԸ-ն աշխատում է ԱԱՀ-ով։
Նախապես շնորհակալ եմ։