Հարություն․

Բարև Ձեզ: Հարկման ընդհանուր և հատուկ համակարգերում գործող կազմակերպությունները արդյո՞ք կարող են 5 տարի ժամկետով, զրո տոկոսով փոխառության պայմանագիր կնքել հիմնադիրի, այլ ֆիզ. անձի կամ այլ կազմակերպության հետ: Եթե կա որևէ սահմանափակում, խնդրում եմ հղում անել: Կանխավ շնորհակալություն:

Meline.

Բարև ձեզ, հարգելի հաշվապահներ։ Հիմնադիր-տնօրենը գրավոր համաձայնություն է տվել, որպեսզի իրեն տրամադրված երկարաժամկետ փոխառությունը մարվի նաև իր աշխատավարձի հաշվին: Կօգնե՞ք խնդրում եմ ճիշտ ձևակերպումներ տալ՝ փոխառության տրամադրում, մարում աշխատավարձից: Շնորհակալ եմ նախապես:

Արև․

Բարև Ձեզ, հարցս հետևյալն է՝ ընկերության հիմնադիրը, ով նաև տնօրեն է, ընկերությանը պայմանագրով տվել է փոխառություն Ռուսական ռուբլով, կարո՞ղ եմ արդյոք կնքել համաձայնագիր, ֆիքսեմ ընդհանուր գումարը ՀՀ կենտրոնական բանկի որևէ օրվա կուրսով և փոխառությունը ետ վերադարձնեմ այդ գումարով ՀՀ դրամով։

Ռուզաննա․

Բարև ձեզ, հաշվապահներ ջան, ունեմ խնդիր. ՍՊԸ-ն գրանցված է մարզում: Մի քանի ամիս 1 մլն փոխառություն եմ դրել դրամարկղ տնօրենի անունից: Հիմա ո՞նց կարելի է ուղղել սխալը: Կարո՞ղ եմ 1 մլն մասնատել 300 000-րի։

Անահիտ․

Բարև Ձեզ, հարգելի հաշվապահներ։ Օգնեք խնդրում եմ․ կարո՞ղ է արդյոք ՍՊԸ-ն (գործում է շրջանառության հարկի դաշտում) բանկից արտարժույթով ստացած վարկը փոխառության պայմանագրով և նույն արտարժույթով (մոտ 700 000$) տրամադրել հիմնադիր տնօրենին: Եթե հնարավոր է, հղում արեք օրենքին։ Շնորհակալություն։

Վահագն․

Բարև Ձեզ։ Մի հարց է հետաքրքիր․ Եթե ֆիզ․ անձն իր անունով բացված ԱՁ-ում իր անձնական միջոցներից գումար է մուտք անում ԱՁ-ի դրամարկղ կամ բանկային հաշիվ, օրինակ ապրանք գնելու համար, քանի որ ԱՁ-ի գումարը բավարար չէ: Այդ դեպքում այդ գումարը կհամարվի՞ փոխառություն, թե՞ ինքը նույնականացվում է իր ԱՁ-ի հետ։ Եթե կհամարվի փոխառություն, ապա եկամուտների հայտարարագրումը վերաբերվու՞մ է այն ֆիզ. անձանց, ովքեր ստացել են 20 մլն. փոխառություն, թե՞ նաև ովքեր տվել են 20 մլն. փոխառություն։ ԱՁ-ն աշխատում է շրջ. հարկով։

Ջուլիա․

Բարի ողջույն, հարգելի հաշվապահներ։ Մի այսպիսի հարց. ՍՊԸ 2023 թվականին գործունեություն է ծավալել 2 ամիս և մինչ այսօր գտվում է ժամանակավոր դադարում։ Սակայն ուզում ենք լուծարել, բայց ունենք տնօրենին տրամադրված փոխառություն 2 մլն դրամի չափով։ Արդյո՞ք դա որևէ խնդիր կառաջացնի հետագայում։ Ընկերությունը չունի Դտ և Կտ պարտքեր, շահութահարկի հաշվետվությունն հանձնված է և հարկը վճարված։

Աննա․

Բարև Ձեզ։ Եթե ֆիզ․ անձը 2023թ-ին ստացել է 2021թ-ին տրամադրված փոխառության վերադարձ, արդյո՞ք այդ գումարը պետք է ներառել 2023թ-ի հայտարարագրում։

Վահագն․

Բարև Ձեզ։ ԱՁ-ն ցանկանում է վարկ վերցնել արտարժույթով, բայց արտարժույթով ոչ մի գործարք չունի, կարո՞ղ է այդ գումարը կանխիկացնել և փոխանակել արտարժույթի փոխանակման կետում, կամ փոխանցել իր անձնական ֆիզ. անձի հաշվին որպես անտոկոս փոխառություն։ ԱՁ-ն դրամարկղի գիրք չունի, քանի որ աշխատում է միկրոձեռնարկատիրության դաշտում։

Սոնա․

Բարև Ձեզ։ Ընկերությունը հիմնադրին տրամադրել է փոխառություն, հնարավորություն կա՞ փոխառության գումարին համարժեք շարժական գույք տրամադրի, և փոխառությունը մարվի դրանով։ Պայմանագրին կից համաձայնագրի հիման վրա։ Շնորհակալություն։

Կարեն․

Բարև Ձեզ։ Ֆիզ․անձը 2022 թվականին ընկերությանը տրամադրել է 35 000 000 ՀՀ դրամի փոխառություն։ 2023 թվականին ընկերությունը վերադարձրել է նույն ֆիզ․ անձին 25 000 000 ՀՀ դրամի փոխառություն։ Արդյո՞ք այս տարի ֆիզ անձը պետք է ներկայացնի եկամուտների հայտարագրում։

Գայանե․

Բարև Ձեզ, այսպիսի մի հարց՝ եթե շահույթը կազմել է 12 457 782, շահութահարկի գումարը 2 242 401, այսինքն զուտ շատ շահույթը կկազմի 10 215 381, կարո՞ղ ենք տրամադրել շահաբաժին հենց այս թվի չափով։ Եվ եթե այո՝ ընկերությունը տնօրենին տրամադրել է փոխառություն 10 960 000, կարո՞ղ եմ դա փոխմարեմ , և այս ամսվա մեջ շահաբաժնի 5 % հարկը վճարե՞մ։ Շնորհակալություն։

Հերմինե․

Բարև Ձեզ։ ԱԱՀ-ով աշխատող ՍՊԸ-ն անտոկոս փոխառություն է տվել ֆիզ․ անձի, որը հիմնադիր չէ։ Կարո՞ղ է ՍՊԸ-ն ներել այդ փոխառությունը, և արդյո՞ք հարկ կառաջանա։

Վահագն․

ԱՁ-ն ստացել է վարկ իր բանկային հաշվին, որի մի մասը փոխանցվել է իր անձնական ֆիզ. անձի հաշվին, որպես ԱՁ-կողմից տրամադրված անտոկոս փոխառություն ֆիզ անձին (իրեն)։ Այդ փոխառությունը վերադարձվում է մաս-մաս ԱՁ-ի հաշվեհամարին։

Հարց․ թույլատրելի՞ է օրենքի տեսանկյունից։ Այդ փոխառության վերաբերյալ պե՞տք է ինչ որ հաշվետվություն ներկայացնել։ Փոխառությունը չի գերազանցում 20 000 000 դրամը)։ ԱՁ-ն աշխատում է շրջ. հարկի դաշտում։

Հայկ․

Բարև Ձեզ: 2023թ. ընթացքում ՍՊԸ-ի հիմնադրին վճարել եմ շահաբաժին, սակայն փաստացի գումար չեմ տվել, այլ հիմնադրին վճարման ենթակա շահաբաժինների հաշվանց եմ կատարել նույն հիմնադրին տրված փոխառությունների հաշվին: Այժմ 165 ձևը պե՞տք է ներկայացնել: Եվ արդյո՞ք ժամկետը մինչև ապրիլի 20-ն է: Շնորհակալություն։

Լիլիթ․

Բարև Ձեզ։ Խնդրում եմ պատասխանել․ ընկերությունը կարո՞ղ է արդյոք իր հետ կապ չունեցող ֆիզանձին տրամադրել փոխառություն:

Էդուարդ․

Ողջույն։ Նորաբաց ՍՊԸ է, գրանցման ամսաթիվ 20.02.24, կանոնադրական կապիտալ 3դր: Միակ հիմնադիրն ու գործադիր տնօրենը ես եմ, տնօրենի աշխատանքային գրանցումը 21.02.24, շաբաթական աշխատաժամանակը 6 ժամ: Գործունեություն և եկամուտ դեռևս չկա: Փետրվարի համար պետք է տամ ինձ 9 օրվա աշխատավարձ, աշխատավարձը պետք է տամ` ՍՊԸ-ին փոխառություն տալով: Օգնեք հասկանալ ողջ գործընթացը:

Հարց 1․ ո՞նց եմ իրականացնելու փոխառությունը
Հարց 2․ ո՞նց և նվազագույնը ինչքա՞ն գումար կարող եմ փոխանցել ինձ որպես աշխատավարձ Հարց 3․ ո՞նց և ե՞րբ եմ կատարելու փոխանցված աշխատավարձի համար հարկերի վճարումը (եկամտային հարկ, սոցիալական վճար և դրոշմանիշային վճար)

Екатерина.

Добрый день. Организация имеет договор займа с грузинской организацией. Поэтому договору грузинская организация должна заплатить армянской проценты по займу. Подскажите, пожалуйста:

1) по какой ставке налога на прибыль облагаются проценты?
2) берется ли в зачет налог, уплаченный в Грузии?
3) какой документ нужен с грузинской стороны об оплате налога? нужно ли его заверять апостилем?
4) какую отчетность нужно будет сдать и в какие сроки?

Заранее огромное спасибо!

Հայկ․

Բարև բոլորին: Հարգելի մասնագետներ, ճի՞շտ է արդյոք, որ եթե կազմակերպությունն ունի բանկերից վերցրած վարկ, ապա չի կարող իր հիմնադրին անտոկոս փոխառություն տրամադրել: Եթե կարելի է՝ օրենքի հղում կանե՞ք:

Մարինե․

Խնդրում եմ օգնեք։ Տնօրենն անձնական միջոցներից կանխիկ գումար է մուտք արել լինզինգի հաշվին։ Ինչպե՞ս ձևակերպեմ՝ մուտք դրամարկղ, փոխառության վերադարձ, ապա դրամարկղից լիզինգի վճարու՞մ։

Միքայել․

Բարև Ձեզ, հարգելի գործընկերներ։ Մի քանի հարց ունեմ․

– Արդյո՞ք ճիշտ եմ հասկանում, որ ՍՊԸ բացելուց հնարավոր է ընտրել G46.4 Տնտեսական գործունեության դասակարգիչը։ Ի նկատի ունեմ՝ պարտադիր չէ ավելի կոնկրետ կոդ ընտրել (օրինակ G46.4x կամ G46.4x.x)։

– ՍՊԸ բանկային հաշիվը ՍՊԸ գրանցելուց ինչքա՞ն ժամանակ հետո պետք է բացել։

– Ի՞նչ եղանակով է կանոնադրական կապիտալի գումարը նստում ՍՊԸ հաշվին։ Ի՞նչ պետք է անի ՍՊԸ դրա համար։

– Կարո՞ղ է արդյոք ՍՊԸ հիմնադիրը անտոկոս վարկ տալ ՍՊԸ-ին, որպեսզի Հիմնադրի մոտ անիմաստ շահութահարկ չստեղծվի վարկը վերադարձնելիս։

Հասմիկ․

Բարև Ձեզ։

1․ Ոչ ֆինանսական կազմակերպությունը իրավունք ունի՞ փոխառություն տրամադրել աշխատողին կամ էլ հիմնադիրներից որևէ մեկին

2․ Արդյո՞ք փոխառության պայմանագիրը նոտարական վավերացում պետք է ստանա, կարգը ինչպե՞ս պետք է լինի

Անի․

Բարև Ձեզ, հարգելի մասնագետներ;

Հարցս հետևյալն է. Կարո՞ղ է արդյոք ՍՊԸ-ի հիմնադիրը կանխիկ միջոցներ դնել դրամարկղում որպես փոխառություն: Եթե այո, կա՞ արդյոք սահմանափակում։

Զառա․

Հարգելի կոլեգաներ, կխնդրեի ինձ ուղարկել փոխառության ետ վերադարձի պայմանագրի օրինակ: Կանխավ շնորհակալություն:

Հարութ․

Հարգելի հաշվապահներ, հարցս հետևյալն է․ ԱՁ-ն կարո՞ղ է իր բանկային հաշվին եղած դրամը կամ արտարժույթը փոխանցել այլ անձի բանկային հաշվին կամ տալ արտարժույթով փոխառություն՝ փոխանցելով օտարերկրյա բանկային հաշվին այդ անձի և հետ ստանալ այդ գումարը կանխիկ մաս մաս։

Մելինե․

Բարև ձեզ։ Հիմնադիր տնօրենին տրված փոխառությունը կարելի՞ է մարել նաև աշխատավարձի հաշվին։ Ի՞նչ ձևակերպում տալ։

Արման․

Հարգելի հաշվապահներ, արդյո՞ք ստացված փոխառությունների մասով ֆիզ․ անձինք պետք է որևէ հաշվետվություն ներկայացնեն 2023թ-ի համար։ Շնորհակալություն։

Արթուր․

Բարև ձեզ, հարգելի հաշվապահներ։ Կբացատրեք խնդրում եմ ՀՕ հոդված 114-ի 1-ին մասի 3-րդ կետի կիրառությունը, բանկ և վարկային կազմակերպություն չհամարվող շահութահարկ վճարողների ստացած վարկերի և (կամ) փոխառությունների գծով հաշվարկվող տոկոսների գումարները, եթե անտոկոս փոխառություններ են տրամադրվել այլ հարկ վճարողների։ Այսինքն՝ ի՞նչ է նշանակում։

Հայկ․

Բարև Ձեզ: ՍՊԸ հիմնադիր և տնօրեն հանդիսացող անձը բանկի տերմինալով կատարել է ընկերության հաշվի համալրում: Արդյո՞ք ճիշտ կլինի դա ձևակերպել որպես նրան մինչ այդ տրված փոխառությունների մարում, եթե բանկի քաղվածքում նպատակը նշված է հաշվի համալրում: Եթե ոչ, ապա ի՞նչ ձևակերպել (դրամարկղում բավարար գումար չկա դրամարկղից ելք ցույց տալու համար): Շնորհակալություն։

Ջուլիա․

Բարի օր։ Ֆիզիկական անձանց տարեկան եկամուտների հայտարարագրման հետ կապված․

1․ Հաշվետվության ձևը 163՞-ն Է

2. 2023-ի համար ներկայացնելու են բոլորը, ովքեր կազմակերպությունների 20 և ավել %-ի բաժնետե՞ր են (փաստորեն բոլոր նրանք, ում համար պետ․ ռեգիստր ներկայացրեցինք իրական շահառուի հայտարարագիր)

3. Ներկայացնելու՞ են բոլոր նրանք, ովքեր 20 մլն և ավել փոխառություն են ստացել, բայց ոչ թե այդ փոխառության գումարը, այլ հարկվող եկամուտները՝ աշխատավարձ, շահաբաժին․.., որոնք արդեն իսկ արտացոլված են ամսական եկամտայինի հաշվարկում

4․ Եթե ստացել են օրինակ 25 մլն փոխառություն, բայց մինչև 2023-ի վերջ ամբողջությամբ կամ մասամբ մարել են, ենթադրենք մնացորդը 0 կամ 5մլն է, էլի՞ ներկայացնելու են

Գայանե․

Բարև Ձեզ։ Եթե կազմակերպությունը ֆիզիկական անձին տրամադրել է անտոկոս փոխառություն, այդ ժամանակ առաջանու՞մ է որևէ հարկային պարտավորություն։

Քնարիկ․

Բարև ձեզ, հարգելի գործընկերներ, մի հատ խնդրի առաջ եմ կանգնել, օգնեք լուծել․ կազմակերպությունը (շրջհարկով աշխատող) տնօրենին տվել է փոխառություն 36 մլն., հիմա հնարավոր է կազմակերպությունը փակվի, ինչպե՞ս էդ գումարը տնօրենը հետ տա։

Աննա․

Բարև Ձեզ, խնդրում եմ օգնել տալ հաշվապահական ձևակերպումներ ՀԾ-ում հետևյալ գործարքների համար․ ՍՊԸ-ն ստացել է վարկ, այնուհետև այդ վարկը տոկոսով փոխառություն է տվել ֆիզ. անձի, ինչպես նաև հետագա վարկի տոկոսի ծախսի և փոխառության տոկոսի եկամուտի ձևակերպումները: Կանխավ շնորհակալություն:

Եվա․

Բարև Ձեզ, խնդրում եմ կասե՞ք՝ եթե կազմակերպությունը ֆիզ․ անձին փոխառություն EUR -ով է տվել, դրանից ի՞նչ հետևանքներ են առաջանում, տուգանքը ինչքա՞ն է, Արտարժույթի օրենքի խախտում է ստացվու՞մ է։

Արեգա․

Ընկերության հիմնադիր տնօրենը անտոկոս փոխառություն է տրամադրում ընկերությանը:

Հարց․ այս դեպքում եկամտային հարկի պարտավորություն առաջանու՞մ է, թե՞ ոչ։

Նար․

Բարև բոլորին։ Հիմնադիրը ցանկանում է փոխառություն տրամադրել ՍՊԸ-ին։ Խնդրում եմ նշել․

1․ Եթե անժամկետ է (ցպահանջ), նշվում է որպես երկարաժամկե՞տ

2. Տոկոսի մինիմալ չափն ու դրա հաշվարկման կարգին կծանոթացնե՞ք

3․ Եվ կխնդրեմ ասել, թե որտեղից կարող եմ գտնել պայմանագրի տիպային օրինակը

Կանխավ շնորհակալ եմ։

Կարինե․

Բարև ձեզ, եթե նորաբաց ՍՊԸ-ի հիմնադիրը մեկ անձ է և հիմնական միջոց է ձեռք բերել փոխառությունով, ինչպե՞ս պետք է վերադարձնել։

Հայկ․

Բարև Ձեզ: Ապրիլ ամսին ՍՊԸ հիմնադրին վճարման ենթակա շահաբաժինների հաշվանց եմ կատարել նույն հիմնադրին տրված փոխառությունների հաշվին: Հարցս հետևյալն է. պարտավորությունների հաշվանցի մասին համաձայնագիրը և փոխադարձ հաշվարկների ակտը կնքվում է միևնույն անձի միջև, այդպես ճի՞շտ է: Այսինքն ստացվում է, որ նույն անձը մի կողմից հանդես է գալիս որպես հիմնադիր և տնօրեն, մյուս կողմից՝ որպես քաղաքացի: Կխնդրեմ մեկնաբանել այս մասով։

Կարեն․

Բարև Ձեզ։ ԱԱՀ-ով աշխատող ՍՊԸ-ն ցանկանում է գումար տալ իր աշխատակցին 1 600 000 ՀՀ դրամի չափով։ Եթե դա ձևակերպեմ որպես հավելավճար աշխատավարձ, պետք է հարկվե՞մ 25 տոկոսի չափով։ Կարո՞ղ եմ արդյոք դա ձևակերպել որպես փոխառության տրամադրում։ Այդ դեպքում պե՞տք է 16,67 տոկոսի չափով ԱԱՀ վճարե՞մ։

Վահագն․

Բարև Ձեզ։ Եթե ԱՁ-ն ֆիզիկական անձին տրամադրում է փոխառություն անկանխիկ եղանակով, քանի որ գումարը գերազանցում է 300 000 դրամը, ապա ֆիզիկական անձը կարո՞ղ է փոխառության գումարը վերադարձնել ԱՁ-ին մաս-մաս կանխիկ եղանակով, եթե յուրաքանչյուր վերադարձված գումարը չի գերազանցելու 300.000 դրամը ամեն ամիս՝ օրինակ ամեն ամիս վերադարձնելու է 250 000 դրամ։

Անահիտ․

Բարև ձեզ, հարգելի հաշվապահներ։ Կբացատրեք խնդրում եմ ՀՕ հոդված 114-ի 1-ին մասի 1-ին կետի կիրառությունը, շահութահարկ վճարողի հարկման բազան որոշելիս ինչպե՞ս է հաշվարկվում համախառն եկամտից չնվազեցվող վարկերի և փոխառությունների գծով հաշվարկվող տոկոսների գումարները: Կանխավ շնորհակալ եմ:

Հայկ․

Բարև Ձեզ, հարգելի մասնագետներ: Ցանկանում եմ իմանալ՝ կա՞ արդյոք հստակ պարզաբանում իմ հարցի հետ կապված: Եթե ՍՊԸ-ն իր հիմնադրին, որը նաև 100% մասնակից է, ունի տրված փոխառություն՝ անկանխիկ եղանակով՝ 145 հաշվի վրա, միաժամանակ կտ-ական պարտք շահաբաժինների մասով՝ 529 հաշվի վրա: Կարելի՞ է կատարել այդ հաշիվների փոխմարում՝ իհարկե 5% եկամտային հարկը պահելով և վճարելով բյուջե: Եթե այո, ապա ի՞նչ հիմնավորմամբ, և ի՞նչ փաստաթղթեր պետք է կազմել: Շնորհակալ եմ։

Սերգեյ․

Բարև Ձեզ, հարգելի հաշվապահներ: ԱԱՀ-ով աշխատող ՍՊԸ-ն բանկից 500.000.000 վարկ է վերցրել ու լրիվ գումարը անտոկոս փոխառություն տրամադրել հիմնադիրին: Հիմնադիրը ամեն ամիս վարկի մարման չափով գումար է մուտք անում կազմակերպության հաշվին վարկի մայր գումարը և տոկոսները մարելու համար: Ի՞նչ ձևակերպումներ եմ տալու ՀԾ հաշվապահ ծրագրով:

Նարինե․

Հարգելի հաշվապահներ, կարելի՞ է արդյոք փոխառության գումարը մուտքագրել դրամարկղ տնտեսական ծախսերի համար, հարկեր և աշխատավարձ փոխանցելու համար:

Հեղինե․

Բարև ձեզ։ Խնդրում եմ օգնեք։ ՍՊԸ-ի տնօրենին տրամադրվել է փոխառություն երկու ամիս առաջ։ Հիմա նա ուզում է փոխառությունը մարել իրեն հասանելիք բոնուսի հաշվին։ Քանի որ գումարը ՍՊԸ-ի հաշվից միանգամից ուղղվում է փոխառության մարմանը, եթե չեմ սխալվում, կնքվում է համաձայնագիր։ Կարո՞ղ եք ինձ ուղարկել համաձայնագրի տիպային օրինակ։

Աստղիկ.

2022թ. հունիսին, որպեսզի դրամարկղի մնացորդը նվազեցնեմ, անցած տարիներին չտրված շահաբաժին եմ տվել հիմնադրին, բայց շահաբաժնի գումարը քիչ էր քան կուտակված շահույթը: 2022թ. 6 ամսվա կտրվածքով հաշվարկել եմ հարկվող շահույթ, ավելացրել կուտակված շահույթին և վճարել շահաբաժին, հաշվետվության մեջ ներկայացրել և վճարել 5 տոկոս: Հասկանում եմ, որ սխալվել եմ: Խնդրում եմ ձեր օգնությունը, բացի փոխառություն ձևակերպելուց ուրիշ ի՞նչ ձևով կարող եմ շտկել սխալս:

Սուրեն․

Բարև Ձեզ։ Ունեմ նման հարց։ Կազմակերպությունը 412 հաշվով ունի փոխառության պարտավորություն հիմնադիր տնօրենի նկատմամբ։ Մյուս կողմից էլ 342 հաշվում ունի դեբետային մնացորդ, այսինքն՝ նախորդ տարիների չբաշխված շահույթ։ Կարող եմ արդյո՞ք 412-ի կրեդիտը մարեմ առկա 342-ի դեբետով, թե՞ ոչ։ Ինչ ռիսկեր կամ նյուանսներ կան։ Շնորհակալ եմ։

Շուշանիկ․

Բարև Ձեզ, հարգելի հաշվապահներ: Խնդրում եմ օգնել հետևյալ հարցում՝ արդյո՞ք ՍՊԸ-ի հետ որևէ առնչություն չունեցող ֆիզիկական անձը կարող է փոխառություն տրամադրել ՍՊԸ-ին հարկային պարտավորությունները մարելու համար։

Լիանա.

Բարև ձեզ։ ՍՊԸ-ն աշխատում է ԱԱՀ-ի դաշտում։ Հիմնադիր-տնօրենը ՍՊԸ-ի հաշվարկային հաշվին ինչպե՞ս կարող է գումար մուտք անել։ 1․ Որպես ներդրու՞մ։ 2․ Անտոկոս փոխառությու՞ն։ 3․ Դրամարկղի գիրք և կանխիկ գործարքներ չունի, կարո՞ղ է համալրում անել։

Լիլիթ.

Հարգելի գործընկերներ, խնդրում եմ օգնել լուծել այս խնդիրը։ Պայմանագրի համաձայն <<Լույս>> ԲԲԸ-ն իր ժամանակավորապես ազատ դրամական միջոցները տրամադրել է <<Քվանտ>> ՍՊԸ-ին որպես փոխառություն` 2 000 000 դրամ գումարով: Փոխառությունը տրամադրվել է 2016թ. փետրվարի 1-ից` 2 տարի ժամկետով, տարեկան 15% տոկոսադրույքով: Փոխառության հիմնական գումարի և տոկոսների մարումը կատարվել է միանվագ վճարման կարգով՝ փոխառության ժամկետի վերջում: Վճարված գումարները մուտքագրվել են <<Լույս>> ԲԲԸ-ի հաշվարկային հաշվին: Ձևակերպել գործարքը և ըստ տարիների ճանաչված տոկոսային եկամուտը: Ցույց տալ յուրաքանչյուր տարվա վերջին տրված փոխառության զուտ մնացորդը: