Հայկ․

Բարև բոլորին: Հարցս հետևյալն է. ԱՁ-ն բացվել է 2024թ. օգոստոսին, սակայն հարկային համակարգում չի գրանցվել, և քանի որ չի ընտրել հարկման հատուկ համակարգ, ավտոմատ դարձել է ԱԱՀ վճարող: Օգոստոսին ներմուծել է ֆոտո տպիչ, և այլևս գործունեություն չի ունեցել: Հիմա ցանկանում է դադարեցնել գործունեությունը: Այսօր արդեն գրանցել եմ համակարգում, բայց դե ԱԱՀ-ի ամսական զրոյական հաշվարկներն էլ չի ուղարկվել: Ճի՞շտ կլինի հիմա ուղարկել 2 ամիսների հաշվարկը, հետո գործունեությունը դադարեցնելու դիմումը: Ի՞նչ պատասխանատվություն է նախատեսվում խախտման համար։

Պաշ․

Բարև Ձեզ։ Ես 2022թ. գնել եմ ավտոմեքենա և մի քանի ամիս անց վաճառել 2023թ., ստացել եմ ՀՎՀՀ, ներկայացրել եմ հաշվետվություն ժամանակին, հարկային պարտավորությունները վճարել եմ ժամանակին: Բանկի աշխատակցի կողմից վճարման հանձնարարագրում ՀՎՀՀ նշվել է, սակայն հարկային պարտավորությունը չի մարվել, և հաշվարկվել են տույժեր, 2024թ. ԴԱՀԿ-ն հարկային պարտավորության, տույժերի և իր միջնորդավճարի չափով գումար է սառեցրել հաշվիցս։ Կօգնե՞ք հասկանալ՝ ինչպե՞ս ճիշտ լուծեմ հարցը:

Վահան․

Բարև ձեզ, հարգելի հաշվապահներ։ Այս պահին գրանցված աշխատող եմ IT ընկերությունում։ Եթե ճիշտ եմ հասկացել՝ մյուս տարի մինչև մայիս պետք է հայտարարագիր ներկայացնեմ այս տարվա համար։ Ի՞նչ կլինի, եթե ընդհանրապես չներկայացնեմ հայտարարագիր։ Ինչ-որ տուգանք սահմանվու՞մ է։ Ու արդյո՞ք տուգանքով կլուծվի հարցը, թե՞ ոչ։

Հայկ․

Բարև Ձեզ: Խնդրում եմ օգնել հետևյալ հարցում. ֆիզ․ անձը իրեն պատկանող անշարժ գույքը տվել է վարձակալության ԱՁ-ի, կամ ՍՊԸ-ի: Եթե գործարքը կադաստրում պետական գրանցում չի ստացել, ապա այստեղ ի՞նչ անելիք ունի ֆիզ անձը: Եվ խախտումների դեպքում ինչպիսի՞ պատասխանատվության կարող է նա ենթարկվել: Շնորհակալություն։

Հասմիկ․

Հարգելի հաշվապահներ, բարև ձեզ։ Ընկերությունը չի ներկայացրել առաջին և երկրորդ եռամսյակների հաշվետվությունները։ Վարչական տուգանք մե՞կ հատ է նշանակվելու, թե՞ երկու։ Կանխավ շնորհակալություն։

Արամ․

Բարև ձեզ: ԱԱՀ-ով աշխատող ԱՁ-ի գործունեությունը ժամանակավոր դադարեցվել է 17/05/2024 թվականին: Մայիս ամսին գործարք չի կատարվել, բայց մինչ այժմ զրոյական հաշվետվություն չի ուղարկվել մայիս ամսվա համար: Արդյո՞ք տույժ առաջանում է, և ի՞նչ պետք է անել ուղղելու համար: Կանխավ շնորհակալություն։

Արտակ․

Բարև Ձեզ, ընկերներ, խնդրում եմ ինձ օգնել․ 2023 թվականից զբաղվում եմ հագուստի մանրածախ վաճառքով ինտերնետի միջոցով և 2023 թվականին ներկայացրել եմ շրջանառության հարկի բոլոր հարկային հաշվետվությունները, իսկ 2024 թվականից սկսած չեմ ներկայացրել դիմում շրջանառության հարկով հարկվելու վերաբերյալ և անցել եմ ԱԱՀ-ին, սակայն անձնական խնդիրների պատճառով 2024 թվականի հունվարից մինչև օրս որևէ հաշվետվություն չեմ ներկայացրել, խնդրում եմ օգնել և հատնել՝ ինչպե՞ս կարող եմ շտկել իրավիճակը, ինչպես նաև ի՞նչ հետևանքներ կլինեն նման իրավիճակում, նախապես շնորհակալ եմ։

Նաիրա․

Բարև ձեզ։ Ձեռնարկությունը ունի չվճարված աշխատավարձեր, աշխատանքային տեսչությունը իրավունք ունի՞ տնօրենին տուգանել չվճարվածի 25% չափով, թե՞ այդ տուգանքը պարտավոր է վճարել ընկերությունը։ Շնորհակալություն։

Բարև Ձեզ, հարգելի հաշվապահներ, խնդրում եմ օգնեք։ Ֆիզիկական անձը 2023թ-ին անշարժ գույք է վարձակալության տվել կազմակերպությանը փոքր գումարով։ Կազմակերպությունը որպես հարկային գործակալ հաշվարկել է եկամտային հարկը և վճարել։ Սակայն վարձակալության պայմանագիրը պետական գրանցում չունի, ֆիզ. անձն էլ հայտարարություն չի տվել, բայց ներկայացրել է ֆիզ. անձանց եկամուտների հայտարարագիր։ Խնդրում եմ ասեք` այս դեպքում ֆիզ. անձին տուգանք սպառնու՞մ է։

Նարե․

Բարև Ձեզ, հարգելի հաշպահներ։ Հսկիչ դրամարկղային մեքենայի կիրառության կանոնների խախտման հետևանքով ԱՁ-ին՝ համաձայն ՀՕ 416 հոդվածի, առաջադրվել է տուգանք։ Օրենքով սահմանված 10-օրյա ժամկետում տուգանքը չմարելու դեպքում հարկային ի՞նչ հետևանքներ կարող են առաջանալ (լրացուցիչ տույժ, տուգանք և այլն)։ Խնդրում եմ նշել նաև համապատասխան հոդվածի հղումը։

Գայանե․

Բարև Ձեզ, որ խնդրեմ կասե՞ք՝ ի՞նչ պատասխանատվություն կա նախորդ տարիների 163 ձևը (բնակարանի վարձակալությունից եկամտային հարկի հաշվարկը) ուշ ներկայացնելու և վճարումները ուշացնելու համար: Նախապես շնորհակալ եմ:

Աննա․

Բարև ձեզ, հարգելի հաշվապահներ, կհուշե՞ք խնդրում եմ՝ ՀԾ հաշվապահ ծրագրում ինչպե՞ս տալ հետևյալ գործարքի ձևակերպումը․ վարձակալություն է տրված ֆիզ․ անձին կազմակերպության կողմից, կազմակերպությունը հանդիսանում է հարկային գործակալ 10%-ի չափով, ուշացման համար տուգանք է սահմանվել x գումար։

Մելինե․

Ողջույն բոլորին։

Բարի երեկո, խնդրում եմ ուղղորդել: Եթե նախորդ տարիների հաշվետվություն ենք ճշգրտում, առաջացած տույժ, տուգանքերը հաշվետու տարվա ֆինանսական արդյունքի՞ն են վերագրվում, թե՞ պետք է հետադարձ ճշգրտել նախորդ տարիների ֆինանսական արդյունքները: Շնորհակալություն նախապես:

Աննա․

Բարև ձեզ։ Շրջհարկով աշխատող և ՀԴՄ ունեցող ԱՁ-ն 2023թ-ին գերազանցել է 24 մլն շրջանառությունը։ 2024թ-ին չի ներկիայացրել ապրանքների անվանացանք ՀԴՄ կտրոնի վրա։ Ի՞նչ վարչական տույժ է նախատեսվում տվյալ դեպքում։

Եվա․

Ֆիզիկական անձանց հայտարարագրման քայլերը կնշե՞ք, և եթե ուշացված հանձնվի, քանի որ երկրում չի տվյալ անձը, դա խնդի՞ր է։

Տաթև․

Բարև Ձեզ, խնդրում եմ ասեք՝ եթե քաղաքացիաիրավական պայմանագրով աշխատակցի պայմանագիրը մինչև 29/12/2023թ․ է գործել, բայց գրանցման հայտը չի ներկայացվել, ի՞նչ կարելի է անել։ Եթե հայտը հիմա ներկայացնեմ, ի՞նչ կարող է լինել։

Աստղիկ․

Բարև բոլորին։ Այսպիսի հարց ունեմ։ Ես պետք է տարեկան հաշվետվություն ներկայացնեմ, սակայն ներկայացնելու համար նախատեսված ժամկետը անցել է։ Խոսքը այս հաշվետվության մասին է` «ՋՐՕԳՏԱԳՈՐԾՄԱՆ ՄԱՍԻՆ» ՁԵՎ N 2-ՏԱ (ՋՈՒՐ) (ՏԱՐԵԿԱՆ) ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ, որի ներկայացման ժամկետը մինչև փետրվարի 25-ն է, ընդ որում վաղն ենք (28) ներկայացնելու, ուզում էի իմանալ՝ վարչական տուգա՞նք է գալու դրա համար և եթե այո, կգա, ապա որքա՞ն գումարի սահմանում։

Աննա․

Բարև ձեզ, վարչական իրավախախտման համար կալանք է դրվել ՍՊԸ տնօրենի քարտին։ Այսինքն՝ միասնական հաշվից տուգանքը չի քաշել։

Ի՞նչ պետք է անել տվյալ դեպքում։

Եվա․

Բարև Ձեզ։ Կասե՞ք՝ ֆիզ․ անձանց եկամտի հայտարարագրման մասով ի՞նչ հաշվետվություն պետք է ուղարկել։ Ի՞նչ ժամկետում։ Եվ չներկայացնելը ի՞նչ հետևանքներ կունենա։ Եվ ֆիզ․ անձանց ՀՎՀՀ ինչպե՞ս կարող ենք վերցնել, եթե ֆիզ անձը ՀՀ-ում չէ։

Նարեկ․

Բարև Ձեզ։ Ընկերության աշխատակիցը դուրս է եկել աշխատանքից 3 ամիս առաջ, բայց աշխատանքի ազատման հայտ չենք ներկայացրել։ Կասե՞ք՝ ի՞նչ անել, որ մինիմալ ռիսկային լինել։ Ազատման հայտ ուղարկեմ 3 օր հետին ամսաթվով և ճշգրտեմ եկամտային հարկի հաշվետվությունները աշխատակցի աշխատավարձը զրո գրելով, թե՞ երեք ամիս հետին ամսաթվով ազատեմ աշխատակցին՝ ճշգրտելով նաև եկամտային հարկի հաշվետվությունները՝ աշխատակցի աշխատավարձը զրո գրելով։

Արթուր․

Բարև ձեզ։ Յուրաքանչյուր անգամ եռամսյակային հաշվետվությունը ներակայացնլուց հետո, ՊԵԿ հաշվետվությունների ներկայացման էլեկտրոնային համակարգի «Հարկային պարտավորություններ» բաժնի «ԱՀՔ դիտում» ենթաբաժնի «ՀԱՇՎԱՐԿՎԱԾ ՏՈՒՅԺ» սյունակում ձևավորվում է տույժ։ Ամեն անգամ տարբեր թվային արտահայտմամբ։ Նման փորձառություն ունեցե՞լ եք, ի՞նչն է պատճառը։ Շնորհակալ եմ։

Քրիստինե․

Բարև բոլորին։ Եթե էլեկտրոնային դրամարկղի հայտը հունվարի 2-ով է ուղարկվում, խնդի՞ր է առաջանալու կամ տուգանք։

Բարև Ձեզ։ Ես ՏՏ ոլորտի աշխատող եմ, երեք ամիս առաջ բացել եմ ԱՁ, դրանից հետո այն օգտագործելու կարիք չի եղել, սակայն չեմ հրաժարվել ԱՁ֊ից, ուզում եմ իմանալ, թե այդ դեպքում ի՞նչ պարտավորություններ ունեմ, արդյո՞ք որևէ հարկ վճարելու, հաշվետվություններ ներկայացնելու կարիք կա։ Եթե այո, ապա ի՞նչ գործիքներ կան դրանք իրականացնելու համար, ու ի՞նչ տուգանքներ խախտումների դեպքում, եթե նախորդ ամիսներին որևէ վճարում չեմ իրականացրել։

Նամի․

Բարև ձեզ, ես ԱՁ եմ բացել մի քանի ամիս առաջ, բայց ընդհանրապես ոչ մի շրջանառություն չեմ ունեցել, հաշվետվություն էլ չեմ ներկայացրել։ Կարո՞ղ եմ սառեցնել, և ունե՞մ արդյոք որևէ տույժ հաշվետվություն չներկայացնելու համար։

Կարեն․

Բարև Ձեզ։ ԱԱՀ-ով աշխատող ԱՁ-ն անալիտիկ հաշվառում չվարելու համար ի՞նչ պատասխանատվության է ենթարկվում։

Սոֆյա․

Հարգելի հաշվապահներ, կազմակերպության աշխատակիցների աշխատավարձերի մասով հարկերի վճարումները և եկամտային հաշվետվությունները կատարվել են ժամանակին, սակայն աշխատակիցների աշխատավարձերը ուշացրել ենք երեք ամսով՝ պայմանավորված գրանտային ծրագրով ուշ փոխանցումներին: Ասացեք խնդրեմ՝ ի՞նչ խնդիր կառաջանա, եթե աշխատավարձերը ուշ փոխանցենք և ուշացման համար տույժեր չհաշվենք: Ի դեպ՝ ուշացված աշխատավարձի մասով պայմանագրում էլ չունենք նշված:

Արմինե․

Ֆինանսական ճգնաժամի արդյունքում կազմակերպությունը, հրաժարվելով հաշվապահական ծառայությունից, մի քանի ամիս չի հանձնել որևէ հարկային հաշեվություն: Եթե այսօր հաշվետվությունները հանձնվեն, բացի սահմանված տույժերից և տուգանքներից ի՞նչ հավելյալ պատասխանատվություն կարող է առաջանալ:

Անահիտ․

Բարև ձեզ։ Օգոստոսի 30-ին ԱՁ ենք գրանցել պետռեգիստրում, էլ ոչինչ չի արվել։ Շրջհարկի դիմում չենք տվել, բացի այն, որ ԱԱՀ պիտի աշխատենք, վարչական է՞լ կգա, որ թեկուզ զրոյական, բայց ԱԱՀ հաշվետվություն չենք ներկայացրել օգոստոս ամսվա համար։

Կարեն․

Բարև Ձեզ։ ԱԱՀ-ով աշխատող ԱՁ-ն եթե հաշվառում չի վարում, որքա՞ն տուգանք է առաջանում։

Կարեն․

Բարև Ձեզ։ Վերո համակարգում գրանցումներ չկատարելը ինչքա՞ն տուգանք է առաջացնում։ Կաս՞եք՝ ո՞ր հոդվածը կարդամ։

Եվա․

Բարև Ձեզ, խնդրում եմ կասե՞ք՝ եթե կազմակերպությունը ֆիզ․ անձին փոխառություն EUR -ով է տվել, դրանից ի՞նչ հետևանքներ են առաջանում, տուգանքը ինչքա՞ն է, Արտարժույթի օրենքի խախտում է ստացվու՞մ է։

Ալլա․

ՍՊԸ հիմնադրվել է 1 տարի առաջ, պետ․ ռեգիստի վկայականում գործադիր մարմնի ղեկավար նշանակված է պաշտոնը՝ տնօրեն (Անուն Ազգանուն), հարկման դաշտը՝ ԱԱՀ (դիմումը տարվա սկզբին այդպես ներկայացվել է), բայց ոչ մի օր գործունեություն չի իրականացվել, պարզապես ամեն ամիս ներկայացվել է 0-ական եկամտային հարկի և ԱԱՀ հաշվետվություն: Քանի որ գործունեություն չի իրականացվել, տնօրենի գրանցման հայտ չի ներկայացվել: Հարցս հետևյալն է՝ արդյո՞ք անհրաժեշտ էր ներկայացնել գրանցման հայտը։ Եթե այո, ապա հիմա ուշացած ներկայացնելու դեպքում ի՞նչ է սպասվում։

Անահիտ․

Բարև ձեզ, շրջանառության հարկով աշխատող ՍՊԸ-ն ԵՏՄ ներմուծում է արել, որի հայտարարագիրը տրվել ժամանակին, իսկ հայտարարությունը ավելի ուշ, վարչական տուգանք կսահմանվի՞։

Դիանա․

Բարև Ձեզ, հարգելի հաշվապահներ։ Կարո՞ղ եք ասել՝ ի՞նչ հետևանքներ կլինեն, եթե աշխատողի ազատման հրամանը տրվել է ապրիլին, սակայն հարկային հայտ ուղարկվել է հունիսի 21-ին, որի հետ միաժամանակ հունիսից հուլիս կնքվել է ծառայությունների մատուցման մասին պայմանագիր 21.06.2023-10.07.2023, ազատման հայտը այդ ժամանակ ենք նշել, բայց հետին ամսաթվով։

Աննա․

Բարև Ձեզ, Ա/Ձ- ի մահից հետո հարկայինում ասացին՝ միայն կարող եք աշխատակիցներին ազատել և 97 ձևը հանձնել նոր օգտատեր ավելացնելով լիազոր բաժնից, քանի որ Ա/Ձ-ն մահացել է, իր անունից բանկը աշխատավարձի փոխանցում չկատարեց, հարց՝ կարո՞ղ ենք հանձնել շրջ հարկի հաշվետվությունը և եկամտայինը և մյուս պարտավորությունները, թե ինչպես հարկայինում ասացին չկա Ա/Ձ, չկա պարտավորություն, եթե այդպես է՝ ինչու՞ է տույժ գալիս (մի փոքր գումար է մնացել) պարտավորություն բաժնում։

Քրիստինե․

Եթե աշխատավարձը չվճարվի անկանխիկ, ի՞նչ տուգանք է նախատեսված։

Հասմիկ․

Բարև ձեզ, կարո՞ղ է ՀԴՄ տուգանքի վճարը այլևս չի երևալու հարկային պարտավորությունների ԱՀՔ քաղվածք բաժնում, մենք չենք վճարել, բայց հիմա չի երևում, նախկինում երևում էր։

Արմենուհի.

Բարև Ձեզ։ Խնդրում եմ ինձ օգնեք հասկանալ, եթե շրջհարկով ներկայացված հաշվետվություններում վաճառքից եկամուտը ավել է ցույց տրված ՀԴՄ-ի թվից, կարո՞ղ եմ երկու տարվա կտրվածքով ճշտում տալ և ի՞նչ տույժեր ու տուգանքներ են կիրառվում այս դեպքում: Շնորհակալություն։

Կարեն․

Բարև Ձեզ։ Ունեմ երկու տեսակ ապրանք՝ 150 գրամանոց և 300 գրամանոց, ու սխալվել եմ վերո ծրագրով սխալ համարի դրոշմապիտակներ եմ վերագրել և ուղղում չեմ կատարել։ Կասե՞ք՝ ինչքա՞ն տուգանք կլինի։

Մելինե․

Բարև ձեզ, հարգելի հաշվապահներ, կհուշե՞ք խնդրում եմ՝ ՀԾ հաշվապահ ծրագրում (նոր եմ ձեռք բերել), օրինակ, տույժերի ծախսերին հաշվեգրումը, կամ ասենք միասնական հաշվում առկա գումարով եկամտային հարկի մարումը ի՞նչ փաստաթղթերով ձևակերպել, հիշարար օրդե՞ր։ Եվ ձեռք բերված կնիքը ի՞նչ փաստաթղթով մուտքագրել՝ հիմնական միջո՞ց, թե՞ արագամաշ առարկա: Շնորհակալություն։

Աննա․

Բարև Ձեզ, հարգելի հաշվապահներ։ Եթե կազմակերպությունն ունի մարդատար մեքենա հիմնական միջոց, վարչական ակտ գալու դեպքում կարո՞ղ է այլ ֆիզիկական անձը վճարել տվյալ ակտը, թե՞ պարտադիր պետք է կազմակերպության բանկային հաշվից կատարել:

Գոհար․

Բարև ձեզ, հարգելի մասնագետներ, հարցս հետևյալն է․ եթե ապրիլի 30-ին լրացել է դրոշմապիտակների հետ վերադարձի ժամկետը, կասե՞ք՝ ինչ՞քայլեր պետք է անեմ հիմա տուգանքներից խուսափելու համար։

Վազգեն․

Բարև ձեզ, հարգելի հաշվապահներ։ Խնդրում եմ օգնել հետևյալ հարցում։ Եթե ՀՀ կազմակերպությունը ՀՀ-ում մշտական հաստատություն չունեցող ոչ ռեզիդենտ կազմակերպությունից ձեռք է բերել ծրագրի օգտագործման իրավունք, 1 տարի ժամկետով եւ վճարել այդ գործարքի ամբողջ գումարը ստացված վճարային հաշվի հիման վրա 10 000 $։ Տվյալ գործարքը հանդիսանու՞մ է ոչ նյութական ակտիվի ձեռքբերում։

Եթե ոչ նյութական ակտիվ է, ինքնահաշիվ պե՞տք է գրվի, թե՞ ոչ։ Եթե այո, ապա ե՞րբ գրել ինքնահաշիվը։ Օրենսգրքի համաձայն ծառայության մատուցման պահ է հանդիսանում ծառայություն մատուցողի կողմից ոչ նյութական ակտիվի սեփականության իրավունք փոխանցումը ծառայություն ստացողին, արդյո՞ք կարող եմ ստանալուց մեկ տարի անց գրել ինքնահաշիվ։ ԱԱՀ տույժեր կառաջանա՞ն, թե՞ ոչ։

Ըստ հարկային օրենսգրքի՝ եթե հնարավոր չէ դուրս գրել ինքնահաշիվ, ապա հարկ վճարողը ինքնահաշիվը կարող է գրել հաշվարկային կամ վճարային փաստաթուղթը փաստացի ստանալու օրը, տվյալ դրույթը ո՞ր դեպքերի համար է, և եթե փաստացի փոխանցվել է 10 000$ գործարքի գումարի մասով ոչ ռեզիդենտ կազմակերպությանը, արդյունքում 20 տոկոս պակաս պետք է փոխանցվի որպես հարկային գործակալ, տվյալ դեպքում ոչ ռեզիդնետը պարտավո՞ր է հաշիվ ուղարկել 10 000+20%, որի հիման վրա գրվի ինքնահաշիվը, թե՞ ոչ։ Եվ տվյալ նկարագրված դեպքում կարո՞ղ եմ ոչ նյութական ակտիվի մաշվածք հաշվարկել և ծախսագրել ստացման օրվանից, թե՞ ոչ։ Շնորհակալություն։

Մետաքսե․

Բարի օր։ ԱՁ-ն բացվել է անցած տարի նոյեմբերին, և ոչ մի գործողություն չի արվել դրանից հետո (ոչ դիմում, ոչ հաշվետվություն): Հիմա ցանկանում եմ դադարեցնել գործունեությունը։ Խնդրում եմ կօգնե՞ք հասկանալ՝ ի՞նչ տույժեր պետք է վճարեմ, և եթե ID քարտ չունեմ, ի՞նչ տարբերակով է հնարավոր ներկայացնել դադարեցման դիմում։

Գայանե․

Բարև Ձեզ։ Հարկային պարտավորություններից առաջացած տուժերը ներառու՞մ ենք շահութահարկի նվազեցումների մեջ։ Շնորհակալություն։

Արթուր․

Բարև Ձեզ։ Ուզում եմ իմանալ՝ ձեզ հետ նման դեպք պատահե՞լ է, ու ի՞նչ եք արել։

2023-ի հունվարի 9-ին ՊԵԿ միասնական հաշիվ 2022-ի չորրորդ եռամսյակի շրջանառության հարկի չափով գումար եմ փոխանցել՝ իմ ԱՁ-ի «2022-ի չորրորդ եռամսյակի հարկային պարտավորություն» նպատակով։ Միասնական հաշվից առաջին հերթին 2022-ի սոցվճարի գանձում է կատարվել, իսկ մնացորդից՝ 2022-ի չորրորդ եռամսյակի շրջանառության հարկի մարում է կատարվել, որը բնականաբար ավելի քիչ է եղել, քան իրական գումարը։

Հիմա ՊԵԿ-ը տուգանել է՝ հարկերը ժամանակին չվճարելու համար։ Այնինչ 2022-ի սոցվճարի, շահութահարկի ու դրոշմանիշային վճարի համար մինչև 2023-ի ապրիլի 20-ը կարող ենք փոխանցել։

Անի․

Բարև Ձեզ։ ԱՁ եմ, աշխատում եմ սոցիալական մեդիա մարքեթինգի ոլորտում։ Այս ամիս պետք է վճարեմ՝

1․ Շրջանառության հարկ,

2․Անհատ ձեռնարկատիրոջ և նոտարի սոցիալական վճար,

3․ՀԱՇՎԱՐԿ ՌԵԶԻԴԵՆՏ ՇԱՀՈՒԹԱՀԱՐԿ ՎՃԱՐՈՂԻ ԵՎ ՄՇՏԱԿԱՆ ՀԱՍՏԱՏՈՒԹՅԱՆ ՄԻՋՈՑՈՎ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՈՉ ՌԵԶԻԴԵՆՏ ՇԱՀՈՒԹԱՀԱՐԿ ՎՃԱՐՈՂԻ ՇԱՀՈՒԹԱՀԱՐԿԻ

4․ Դրոշմանիշային վճար

Ցավոք անձնական խնդրների պատճառով չեմ կարողանա վճարել մոտակա 2 ամսվա ընթացքում։ Կասե՞ք խնդրում եմ՝ ի՞նչ տույժ և տուգանք է նախատեսվում յուրաքանչյուրի ուշացման համար։

Կանխավ շնորհակալություն։

Եվա․

Բաև Ձեզ, խնդրում եմ կասե՞ք՝ Vero համակարգով դրոշմապիտակների ուշ վերագրման համար ի՞նչ չափի տույժ և տուգանք է սպասվում կազմակերպությանը։

Թամարա.

Բարև Ձեզ, հարգելի հաշվապահներ։ Ասացեք խնդրեմ, եթե շրջ. հարկով աշխատող Ա/Ձ դեկտեմբերին աահ-ով է աշխատել, շահութահարկի հաշվարկում 8 -րդ բաժինը լրացնու՞մ է, թե՞ ոչ։ Եվ ի՞նչ տուգանք է սահմանված այդ 1 ամիսը դրամարկղի գիրք չվարելը կամ գիրք չունենալը։ Շնորհակալություն։

Գոհար.

Բարև ձեզ, հաշվապահներ ջան։ Ինձ ո՞վ կարող է ՀԴՄ տուգանքը մաս-մաս վճարելու դիմումի ձև ուղղարկել։