Արփինե.

Բարև ձեզ։ Կարո՞ղ եք ինձ օգնել։ Կազմել եմ խնդիր, որը վերաբերում է ավելացման իրավունքով ժամկետային ավանդին։ Հաճախորդը 01.05.2019թ.-ին ներդրել է 120 000 դրամի՝ ավելացման իրավունքով ավանդ։ Ավանդի տարեկան տոկոսադրույքը 8,75 % է, իսկ ավանդի ժամկետը 450 օր է (24․07․2020թ․)։ 25-րդ օրը հաճախորդը ցանկանում է կատարել ավանդի համալրում՝ 50 000 դրամի չափով։ Այնուհետև 67-րդ օրը հաճախորդը կրկին ցանկանում է կատարել ավանդի համալրում, այս դեպքում՝ 80 000 դրամի չափով։ Եկամտային հարկի չափը 10 % է։ Այս խնդրի նպատակն է կատարել հաճախորդի՝ ժամկետային, ավելացման իրավունքով ավանդի տոկոսագումարի հաշվարկը և ներկայացնել այդ ավանդի հաշվառումը բանկի հաշվային պլանով։ Տոկոսագումարը հաշվարկել եմ, ինչպիսի՞ն կլինի հաշվապահական ձևակերպումը։

Արմեն.

Հարգելի հաշվապահներ, արդյո՞ք ԱԱՀ հաշվարկի մեջ ՀՀ տարածքում ձեռքբերված ապրանքների և ծառայությունների տողում պետք է արտացոլել ստացված վարկի համար բանկին վճարված տոկոսները, միջնորդավճարները, կանխիկացման համար գանձնված գումարները: Շնորհակալություն:

Lilit.

Բարև ձեզ: Խնդրում եմ օգնեք գրել այս խնդիրը:
Ստորև բերված տվյալների հիման վրա ձևակերպել երկարաժամկետ վարկի ստացման, մարման և տոկոսային ծախսերի հաշվառման գործառնությունները: Որոշել փոխառության ծախսումների կապիտալացման դրույքը և կապիտալացման ենթակա գումարը:

Տվյալներ. Վարչական նոր մասնաշենքի կառուցման համար 01.02.200x թ. կազմակերպությունը ստացել է առևտրային բանկից երկարաժամկետ վարկ` 8.000.000 դրամ գումարով, 4 տարի մարման ժամկետով 20% տոկոսադրույքով: Վարկի գումարը մուտքագրվել է հաշվարկային հաշվում: Վարկի և տոկոսների մարումը կատարվում է անուիտետով, ըստ կազմված ժամանակացույցի, յուրաքանչյուր տարվա վերջում: 2 ամիս անց ստացված գումարից 4.000.000 դրամը 10 ամիս ժամկետով տրամադրվել է այլ կազմակերպությանը որպես փոխառություն, տարեկան 10% տոկոսադրույքով: Վերը նշվածվարկի գումարից բացի շենքի շինարարության համար օգտագործվել է 1.000.000 դրամ ընդհանուր նպատակներով ներգրավված փոխառությունից: Փոխառությունը ներգրավվել է 200x թ. մարտի 1-ին պարտատոմսերի թողարկման և տեղաբաշխման ճանապարհոց` 3.000.000 դրամ գումարով, 2 տարի ժամկետով, տարեկան 16% տոկոսադրույքով, յուրաքանչյուր տարվա վերջում վճարումներ կատարելու պայմանով: Շենքի կառուցումը ավարտվել է 2-րդ տարվա վերջում, որից հետո վարկի տոկոսների կապիտալացումը դադարեցվել է:

Մ.

Բարև Ձեզ, հարգելի հաշվապահներ:
Պատկերացրեք այսպիսի իրավիճակ. ընկերությունը լիզինգով գնել է մարդատար ավտոմեքենա, որի գումարը կազմում է 20 000 միավոր, որից 3 334-ը` ԱԱՀ, 16 666 – ը արժեք, կանխավճարը 4 000 միավոր, ամսական մարումները` 1 600 միավոր, որից մայր գումար և տոկոս, գործարքը կատարելու և ամսական մարումների կատարման հաշվապահական ձևակերպումներն ինչպիսի՞ն կլինինեն:

Կանխավ շնորհակալություն բոլորին:

Վարդան Գրիգորյան.

Իրավունք ունի՞ արդյոք գրավատունը վարկառուից բացի տոկոսավճարներից այլ վճարներ, օրինակ` վարկի ձևակերպման վճար, սպասարկման վճար կամ այլ միջնորդավճարներ գանձել: Խնդրում եմ պատասխանը հիմնավորել, քանի որ “Գրավատնային գործունեության մասին” օրենքում չի խոսվում այդ մասին:

Հեղինե.

Կազմակերպության հաշվեհամարին եկած ” % ըստ կապիտալի ” ի՞նչ թղթակցող հաշվով ներկայացնել, նախապես շնորհակալություն:

astxik.

Հարգելիներս,
ինձ հարկավոր է տոկոսադրույքով աշխատող աշխատակիցների հետ կնքվող աշխատանքային պայմանագրի տիպային ձև, եթե կարելի է` կարևոր մասերը լրացված: Խնդրում եմ ուղարկել էլ. հասցե s.arpik շնիկ mail.ru Նախապես շնորհակալ եմ:

Լյուդմիլա.

Բարև Ձեզ, հարգելի հաշվապահներ: Խնդրում եմ օգնեք հետևյալ հարցում.
ՍՊԸ-ն ուզում է բանկում ավանդ ներդնել որպես իրավաբանական անձ: Ինձ կասե՞ք, թե հաշվապահորեն ի՞նչ գործողություններ պետք է անեմ, և եթե հնարավոր է` համապատասխան հղում կատարեք: Արդյո՞ք ստացված տոկոսներից բանկն է եկամտային հարկի պահում կատարում:

Արտակ.

Հարգելի հաշվապահներ, կազմակերպությունը ավանդ է դրել բանկում, խնդրում եմ գրեք, թե ինչ ձևակերպում է տրվում ավանդի ներդնման, հետ ստացման և տոկոսային եկամուտ ստանալու ժամանակ:

Արտաշ.

Բարև ձեզ:

Իմ հարցը հետևյալն է՝ կարո՞ղ է արդյոք ընկերությունը փոխառություն տրամադրել իր աշխատակիցներին տոկոսով, ինչպես տրամադրում են, օրինակ, բանկերը, թե՞ օրենքով ինչ-որ տեղ ֆիքսված է, որ պետք է բանկ կամ վարկային կազմակերպություն լինել նման գործունեությամբ զբաղվելու համար, կամ նման գործունեությունը լիցենզավորման ենթակա է:

Շնորհակալություն:

Կարինե.

Խնդրում եմ օգնեք, շտապ է: Բանկում կազմակերպությունը ունի որոշակի գումար: Ինչպե՞ս հաշվապահորեն ձևակերպեմ բանկի տոկոսը որպես եկամուտ:

inna.

Հարգելի հաշվապահներ, կազմակերպությունը աշխատում է ԱԱՀ-ով և ֆիզ. անձին տրամադրել է փոխառություն տոկոսով: Հարցս հետևյալն է` տոկոսային եկամուտը հարկվու՞մ է ԱԱՀ-ով:

Նարինե.

Կազմակերպությունը ՊՈԱԿ է, նրա միակ ֆինանսական աղբյուրը պետությունից ստացված սուբսիդիան է, ամսվա ընթացքում կատարված ծախսերից հետո մնում է մնացորդ: Բանկը, որտեղ մեր հաշվարկային հաշիվն է, այդ գումարի վրա տոկոս է աշխատացնում` 0,05: Արդյո՞ք այդ գումարը համարվում է եկամուտ, և պե՞տք է ցույց տամ եկամտահարկի հաշվետվության մեջ և հարկեմ 10 տոկոսով որպես տոկոսներ: Կանխավ շնորհակալություն:

Նարինե.

Անտոկոս ու անժամկետ փոխառությունը կարո՞ղ է ծախս համարվել, թե՞ ծախս է համարվում միայն տոկոսների պահով, եթե նրանք կան: Օրինակ, ենթադրենք, հիմանդիրը մի քանի տարվա թնթացքում 100 մլն դրամի փոխառություն է տրամդրում, և կազմակերպությունը ամեն տարի 20 մլն-ի չափով մարում է պարտքը, արդյո՞ք 20 մլն -ը շահութահարկից նվազեցվող ծախս կհամարվի:

Mari.

Ողջույն, ես հետաքրքիր ապրանքատեսակի արտադրութան գաղափար ունեմ, որն ուզում եմ կյանքի կոչել ինտերնետում: Խնդրում եմ գրեք` ինչպես կարելի է սեփական ապրանքը/գաղափարը պատենտավորել, որ եթե նույնիսկ դա կրկնօրինակեն, ես իմ գաղափարի եկամուտներից (ուրիշներին բերված) տոկոսներ կարողանամ պահանջել կամ արգելեմ գաղափարիս ապօրինի օգտագործումը:

Նանա.

Հարգելիներս, կազմակերպությունը ստացել է վարկ $ 60000 մեկ տարի մարման ժամկետով, տոկոսագումարը մեկ տարվա համար կազմում է $ 5999.99: Ի՞նչ ձևակերպումներ պետք է տալ վարկի ստացման ժամանակ և հետագա մարումները կատարելիս: Կանխավ շնորհակալություն:

Արթուր.

Բարև ձեզ: Խնդրում եմ պատասխանել. բանկից ստացված տոկոսները եկամուտ պե՞տք է գրվի ԱԱՀ-ի հաշվարկի մեջ և ո՞ր տողում:

Anna.

Բարև Ձեզ:
Խնդրում եմ ասեք, երբ կազմակերպությունը ստանում է երկարաժամկետ բանկային վարկ, ինչպե՞ս պետք է ձևակերպել վարկի ստացումը, տոկոսները և մարումը: Իսկ վարկի ստացումը կարելի՞ է ճանաչել որպես շահույթ, իսկ մարումը` ծախս:

Կարինե.

Բարև ձեզ, հարցս հետևյալն է. ես աշխատում եմ գրավատանը, կցանկանայի իմանալˋ հաճախորդին գրավի դիմաց գումարը տրամադրելիս ելքի օրդեր լրացվու՞մ է, թե՞ ոչ, և տոկոսները վճարելիս մուտքի օրդեր կազմվու՞մ է արդյոք: Յուրաքանչյուրը քանի՞ օրինակ: