Tag: ձևակերպում

Սերգեյ․

Բարև ձեզ: Հարգելի հաշվապահներ, կազմակերպությունը ամեն տարի համայնքապետարանին վճարում է պետական տուրք գովազդային վահանակի համար: Հաշվապահական ինչպիսի՞ ձևակերպումներ պետք է տալ:

Ալլա․

Բարև Ձեզ, խնդրում եմ պատասխանել․ եթե ունենք դեբիտորական պարտք, և տվյալ կազմակերպությունը սնանկ է ճանաչվել, ինչպե՞ս պետք է դուրս գրել այդ պարտքի գումարը, ի՞նչ փաստաթղթեր են հարկավոր, և ի՞նչ ձևակերպում պետք է տրվի: Նախապես շնորհակալություն։

Վահագն․

Բարև ձեզ, հարգելի՛ հաշվապահներ։ Այսպիսի մի հարց ունեմ։ Կարո՞ղ եմ ես ՍՊԸ-ով ոչ նոտարական վարձակալության պայմանագրի գումարը վճարել իմ (հիմնադիրն եմ) անձնական հաշվից և ձևակերպումներ չտալ, քանի որ առհաշիվ չեմ ուզում անել։ Էդ գումարի վերադարձը չեմ ուզում իրականացնել։ Նախապես՝ շնորհակալ եմ։

Հասմիկ․

Բարև Ձեզ։ ՍՊԸ-ն ձեռք է բերել երրորդ երկրից էլեկտրամոբիլ։ Ձեռք բերման գինը կազմել է 19 900 000 ՀՀ դրամ (հաշիվ արանքագիր, տրանսպորտի տեղափոխման ծախս, բնապահպանական հարկ, մաքատուրք, բրոքերի գումար), հիմա ուզում ենք վաճառել ՌԴ ֆիզ.անձի: Մեքենան գրանցված է, ձևակերպվել է որպես հիմնական միջոց: Ի՞նչ ձևակերպումներ պետք է տամ, ինչպե՞ս պետք է ԱԱՀ-ի հաշվետվությունը ներկայացնեմ (արտահանում ու քանի %)։

Նարե․

Բարև Ձեզ։ Խնդրում եմ օգնել ձևակերպումների հարցում` ստացվել է դրամաշնորհ, տրվել է դտ 253 կտ541 ձևակերպումը, գումարի փոխարկումը դտ 252 կտ 253, փոխարժեքի տարբերությունը դտ725 կտ 253։ Գիտեմ, որ դրամաշնորհի գումարը ծախսելիս պետք է տրվի դտ 541 կտ 628 ձևակերպումը, իսկ դրամաշնորհից առաջացած ԱԱՀ-ն ինչպե՞ս պետք է ձևակերպել։

Ռոզա․

Հարգելի գործընկերներ, ԱԱՀ հաշվոտվությունում չեմ ներառել ԱԱՀ-ով հաշիվը, որը ճիշտ ժամանակ ստորագրել եմ, մի քանի ամիս անց ուղղել եմ հաշվետվությունը, 226-ի ձևակերպումն ինչպե՞ս կատարեմ։

Հասմիկ․

Չինաստանից ՍՊԸ ներմուծել է էլեկտրամոբիլ որպես հիմնական միջոց: Ինչպե՞ս պետք է ձևակեպեմ նրա ձեռքբերման ինքնարժեքը ըստ հաշիվների՝ մեքենայի բեռնափոխադրման վճարը, ինվոյսը, բնապահպանական վճարը և բրոկերային ծառայությունը։

Մելինե․

Հարգելի հաշվապաներ, հիմնադիրին, ով նաև տնօրենն է, տրամադրել ենք փոխառություն դտ 145 կտ 252, և հաշվել աշխատավարձ՝ դտ 713 կտ 527: Իր գրավոր համաձայնությամբ փոխառությունը մարվելու է նաև աշխատավարձի հաշվին: Ինչպե՞ ս է այս ձևակերպումը տրվելու՝ դտ 527 կտ 145, իսկ ու՞ր մնաց 229 հաշիվը։ Խնդրում եմ պատասխանել:

Քնարիկ․

Բարև ձեզ։ Հարցս վերաբերում է շինարարության արտադրության։ Հնարավո՞ր է նյութական արժեքների կոմպլեկտավորումից ստանալ ՀՄ, եթե այո, ինչպիսի՞ հաշվապահական ձևակերպում պետք է տալ։ Նախապես շնորհակալություն։

Անի․

Պահանջվում է ձևակերպել ներդրումային գույքի իրական արժեքով վերաչափման և վաճառքի հետ կապված գործառնությունները: Կազմակերպությունում կիրառվում է ներդրումային գույքի հետագա չափման իրական արժեքի մոդելը։ 2021թ. դեկտեմբերի վերջի դրությամբ ներդրումային գույքի հաշվեկշռային արժեքը՝ 25.000.000 դրամ է, իրական արժեքը` 24.800.000 դրամ, իսկ 2022թ. վերջում իրական արժեքը կազմել է 25.200.000 դրամ։ 2023թ. մայիսին գույքը վաճառվել է։ Այդ պահին գույքի իրական արժեքը գնահատվել է 25.500.000 դրամ։ Գույքը վաճառվել է այդ գնով, գումարած ԱԱՀ, գումարը գնորդից ստացվելու է մեկ ամսվա ընթացքում։

Այլ հաշվապահական խնդիրներ

Հայկ․

Բարև Ձեզ։ 3-րդ ընկերությունը պարտք է 1-ին ընկերությանը 200 000 ՀՀ դրամ։ Կնքվել է համաձայնագիր, համաձայն որի 2-րդ ընկերությունը պետք է 3-րդ ընկերության փոխարեն մարի 1-ին ընկերության պարտքը։ Կասե՞ք՝ 3-րդ ընկերությունը ինչպիսի՞ հաշվապահական ձևակերպումներ պետք է տա։ Նշեմ, որ 3-րդ ու 2-րդ ընկերությունները միմյանց միջև պարտք չեն ունեցել։

Նանար․

Բարև ձեզ։

Շրջանառության հարկով հարկվող արտադրությամբ զբաղվող ԱՁ-ն ձեռք է բերել ապրանք առանց ՀԴՄ կտրոնի ու հաշիվ վավերագրի։ Ինչպե՞ս պետք է ձևակերպվի գնումը։ Շնորհակալություն։

Անուշ․

Բարև Ձեզ, խնդրում եմ օգնել հետևյալ հարցում․ ընկերությունը մատակարարին կրեդիտորական պարտքը վճարելու համար պետք է կնքի փոխառության պայմանագիր այլ ընկերության հետ՝ ամսական որոշակի տոկոսով: Ինչպիսի՞ հաշվապահական ձևակերպում պետք է տրվի։ Շնորհակալություն:

Ալլա․

Բարև ձեզ: Խնդրում եմ հուշեք հետևյալը` սեփական ԱՁ-ի հաշվին ինչպե՞ս գումար ներդնել։ Ի՞նչ գործառնություններ կառաջանան։ Օրինակ՝ 200 հազար փոխանցեմ ԱՁ-ի հաշվին, կունենամ Դտ 252, Կտ ի՞նչ։

Հայկ․

Բարև ձեզ: Ծառայություն մատուցող կազմակերպությունը աշխատում է ԱԱՀ-ով: Ձեռք բերված նյութերի մի մասը հետ է վերադարձրել, դիմացի կողմը դուրս է գրել ճշգրտող հաշիվ: Վերադարձի ձևակերպումը այսպե՞ս կլինի. դտ 521 - կտ 211, դտ 521 - կտ 226: Նախապես շնորհակալություն։

Անահիտ․

Պահանջվում է ներկայացնել սինթետիկ ձևակերպումը և հաշվարկել բանկի օգուտ և վնասը: Ֆիզիկական անձն իր դոլարային հաշվից ցանկանում է կանխիկացնել 200 եվրո: Տվյալ օրվա փոխարժեքի տվյալներն են․

Դոլար Եվրո
Առք-483, 529
Վաճառք-487, 533
ԿԲ-485,87 528,43

Պահանջվում է ներկայացնել սինթետիկ ձևակերպումը և հաշվարկել բանկի օգուտ և վնասը:

Դիտել այլ հաշվապահական խնդիրներ

Գոռ․

Բարև ձեզ։ Կարո՞ղ եք օգնել՝ ԱԱՀ ետ վերադարձը հարկատուի հաշվին ինչպես ձևակերպել։

Անի․

Կազմակերպությունը ապառիկ վաճառել է համակարգիչ, որի սկզբնական արժեքը 800 000 դրամ է, վաճառքի պահին կուտակված մաշվածությունը` 400 000 դրամ: Համակարգիչը վաճառվելէ 720 000 դրամով, ներառյալ` ԱԱՀ-ն: Վաճառքից գումարը ստացվելու է առաջիկա ամսվա ընթացքում: Պահանջվում է կատարել անհրաժեշտ հաշվարկները, որոշել ֆինանսական արդյունքը՝ կազմելով համապատասխան թղթակցությունները:

Այլ հաշվապահական խնդիրներ

Կօգնե՞ք տալ ձևակերպումները։ Ձևակերպել հաստոցի վերադասակարգման և վաճառքի գործառնությունները։ Հաստոցի սկզբնական արժեքը 600 000 դրամ է, օգտակար ծառայության սահմանված ժամկետը՝ 5 տարի: Մաշվածության հաշվարկման համար կիրառվել է գծային եղանակ։ Երեք տարի անց հաստոցը վերադասակարգվել է որպես վաճառքի համար պահվող և դրանցից մեկ ամիս անց՝ վաճառվել 336 000 դրամով, ներառյալ՝ ՍՍՀ-ն: Վաճառքի գումարը ստացվելու է առաջիկա ամսվա ընթացքում: Հաշվետու անձըվճարել է միջնորդավճար հաստոցի վաճառքի համար` 15 000 դրամ՝ գումարած ԱԱՀ-ն։

Այլ հաշվապահական խնդիրներ

Հայկ․

Բարև Ձեզ։ Կազմակերպությունը օվերդրաֆտ է ստացել։ Կասե՞ք՝ հաշվապահական ձևակերպումները ինչպե՞ս անել։

Անահիտ․

Կազմակերպությունը մայիսին ֆիզ. անձից ձեռք է բերել հողատարածք (սեփականաշնորհման վկայականով):) Եկամտային հարկը վճարել եմ և հաշվետվությունով ցույց տվել: Պայմանական՝ 1100.000 դրամ եկամտային հարկով: Օգոստոսին տվյալ տարածքը կադաստրով կիսել է հավասար բաժինների: Ունի վճարումներ վկայականների ձևակերպման համար (պետական տուրքեր): Ինձ հետաքրքիր են հաշվապահական ձևակերպումները:

Մարիաննա․

Պահանջվում է որոշել ձեռք բերված սարքավորման սկզբնական արժեքը և ձևակերպել գործառնությունները։

Տվյալներ. կազմակերպությունը ձեռք է բերել սարքավորում, որի դիմաց հաշվարկային հաշվից վճարել է 489 600 դրամ, ներառյալ՝ ԱԱՀ-ն։ Սարքավորումը տեղափոխել է տրանսպորտային կազմակերպությունը։ Տեղափոխման արժեքն է 48 000 դրամ, ներառյալ ԱԱՀ-ն։ Տեղափոխման վճարումն իրականացվել է հաշվարկային հաշվից: Սարքավորման տեղակայման համար օգտագործվել են նյութեր՝ 12 500, բանվորներին հաշվարկվել է աշխատավարձ` 58 000 դրամի չափով։ Տեղակայված սարքավորումը հանձնվել է շահագործման։

Այլ հաշվապահական խնդիրներ

Նարեկ․

Կազմակերպությունը վարկ է վերցնում բանկից։ Վարկը փոխանցվում է ուրիշ կազմակերպության որպես կանխավճար։ Այդ կազմակերպությունը ապրանքը բերում և մուտքագրվում է կազմակերպություն։ Դրանից հետո փակում ենք բանկի վարկը։ Խնդրում եմ գրել հաշվապահական ձևակերպումները։

Էլինա․

Բարև Ձեզ, հարգելի գործընկերներ։ Եթե մի X կազմակերպություն մյուս Y կազմակերպությանը տալիս է գումար, որպեսզի այդ Y կազմակերպությունը իր փոխարեն տվյալ գումարը փոխանցի Z կազմակերպությանը, քանի որ ինքը չի կարող փոխանցել սանկցիաների պատճառով, այդ դեպքում դա որպես ի՞նչ կդիտվի Y կազմակերպության համար, և ինչպե՞ս կձևակերպվի։ Նախապես շնորհակալություն։

Լարիսա․

Բարև Ձեզ, ես ուսանող եմ, մի քանի ձևակերպումներ դժվարանում եմ կազմել, շատ շնորհակալ կլինեմ, եթե օգնեք․

1) Անշարժ գույքի վարձավճարի արտացոլում (ձևակերպում)։
2) Անշարժ գույքի վարձավճարի գծով պարտավորության մարում դրամարկղից։
3) Վարձավճարների գծով ֆիզիկական անձին վճարված եկամուտներից պահված (գանձված) եկամտային հարկիարտացոլում։
4) Տարեկան գույքի մաշվածություն։
5) Հաստոցների մաշվածություն։
6) Համակարգչային տեխնիկայի մաշվածություն։
7) Բեռնատար տրանսպորտային միջոցի մաշվածություն։
8) Փետրվար ամսվա համար ԱրմենՏել ՓԲԸ-ի կողմից ներկայացված հարկային հաշվի համաձայն` հեռախոսակապի գծով ծախսերը կազմում է 32 175 դրամ, ներառյալ ԱԱՀ։ Ըստ կատարված հաշվարկ-տեղեկանքի` 32 175 դրամ ծախսից 24 125 դրամը վարչական նպատակներով է, 1 200 դրամ` իրացման և 6 750 դրամը` արտադրական։
9)Միչև 200 ձիաուժ շարժիչի հզորությամբ բեռնատար (բեռնաուղևորատար) ավտոմեքենաների համար գույքահարկը հաշվարկվում է յուրաքանչյուր ձիաուժի դիմաց 100 դրամ տարեկան դրույքաչափով։ Ըստ տրանսպորտային միջոցի գրանցման վկայագրի` շարժիչի հզորությունը 150 ձիաուժ է։ Փետրվար ամսվա համար գույքահարկի գծով ծախսը կկազմի 1 250 (150*100) / 12 դրամ։ Տրվում է հետևյալ հաշվապահական ձևակերպումը։

Շնորհակալ եմ նախապես։

Meline.

Բարև ձեզ, հարգելի հաշվապահներ։ Հիմնադիր-տնօրենը գրավոր համաձայնություն է տվել, որպեսզի իրեն տրամադրված երկարաժամկետ փոխառությունը մարվի նաև իր աշխատավարձի հաշվին: Կօգնե՞ք խնդրում եմ ճիշտ ձևակերպումներ տալ՝ փոխառության տրամադրում, մարում աշխատավարձից: Շնորհակալ եմ նախապես:

Ի՞նչ հաշվապահական ձևակերպումներ պետք է տալ, երբ հետ ենք ստանում եկամտային հարկից ավել վճարված մայրության նպաստի գումարը։

Հայկ․

Բարև Ձեզ։ Ա Կազմակերպությունը 8 500 000 ՀՀ դրամի ապրանքներ է վաճառել Բ կազմակերպությանը։ Բանկի հետ կնքնվել է ֆակտորինգային պայմանագիր, որից հետո Ա կազմակերպությունը իր պարտքը զիջել է բանկային կազմակերպությանը։ Կասե՞ք՝ ի՞նչ հաշվապահական ձևակերպումներ տալ Ա և Բ կազմակերպությունների համար։

Շուշանիկ․

Բարև ձեզ, հարգելի հաշվապահներ։ Խնդրում եմ պատասխանել իմ հարցին․ լիզինգով ստացել եմ հոսքագիծ հանձման-ընդունման անկտով համապատասխան լիզինգատուի, արդյո՞ք պետք է դեռ սեփականության իրավունքով չանցած մեր ընկերությանը պետք է շահագործման հանձնեմ և ամորտիզացնեմ, եթե այո, ապա խնդրում եմ նաև հուշել հաշվապահական ձևակերպումը։

Անի․

Ողջույն, հարգելի մասնագետներ։ Հարցս հետևյալն է. մեր կազմակերպությունը առևտրային կազմակերպություն է և գործում է հարկման ընդհանուր համակարգում: Կազմակերպության մասնակիցներից մեկը ռեզիդենտ իրավաբանական անձ է: Հարցը. շահաբաժին վճարելու դեպքում ինչպիսի՞ հաշվապահական ձևակերպումներ պետք է տալ:

Աշոտ․

Բարև ձեզ։ Ինձ ո՞վ կարող է օգնել լիզինգի ձևակերպումների հետ կապված հարցով։

Կազմակերպությունը լիզինգով ՀՄ է ձեռք բերել՝ կանխավճարով։ Կանխավճարը ՀԾ-ում ձևակերպել եմ Դտ 152 Կտ 252 11 000 000։ Լիզինգ տրամադրող կազմակերպությունը դուրս է գրել հետևյալ հաշիվները։

1․ Միջնորդավճարի հաշիվ 6 000 դր՝ ձևակերպել եմ դտ 713 Կտ 521
2․ Լիզինգի առարկայի հանձնման-ընդունման ակտ, մեկ տողով ՀՄ արժեք 22 000 000, մյուս տողով մաքսազերծման ծախս 85 000
3․ Մեկնարկային վարձավճար 2 տողով, մեկում 11 000 000, մյուսում 42 000 + ԱԱՀ, և նույն հաշվի 3-րդ տողում տոկոսագումար՝ 33 000, իսկ լրացուցիչ տվյալներում գրված է, որ 24 000-ը վճարման ենթակա չէ
4․ Վարձավճար 2 տողով, տողերից մեկը ԱԱՀ-ով, իսկ 3-րդ տողում գրված է տոկոսագումար 101 000, լրացուցիչ տվյալներում գրված է՝ 74 000-ը վճարման ենթակա չէ։

Որ խնդրեմ կօգնեք ՀԾ ում ձևակերպումները տամ։

Հայկ․

Բարև Ձեզ։ Ընկերությունները եռակողմ համաձայնագիր են կնքել և կատարել են պարտավորությունների հաշվանցում։ Մեր ընկերությունը ունեցել է 15 000 000 ՀՀ դրամի պարտավորություն, և համաձայնագրի համաձայն մեր պարտքը զրոյացել է։ Կասե՞ք՝ ինչպե՞ս պետք է կատարել հաշվապահական ձևակերպումները։

Հասմիկ․

Բարև Ձեզ։ ՓԲԸ-ն ցանկանում է նվազեցնել կանոնադրական կապիտալը՝ բաժնետոմսերի անվանական արժեքը նվազեցնելու ճանապարհով։ Ի՞նչ հաշվապահական ձևակերպումներ են տրվում, խնդրում եմ օգնել թղթակցություններում։ Շնորհակալություն։

Հայկ․

Բարև Ձեզ։ Անհատույց ապրանք է ստացել ԱԱՀ վճարող կազմակերպությունը։ Մատակարարը հաշիվ է գրել ընդհանուր 500 000 ՀՀ դրամ արժեքով, սակայն լրացուցիչ տվյալներում գրել է, որ անհատույց է։

Հարց 1 - Արդյո՞ք մատակարարը ճիշտ է գրել հաշիվը, թե՞ պետք էր գրել զրոյական հաշիվ։

Հարց 2 - Կասե՞ք՝ որպես գնորդ ի՞նչ հաշվապահական ձևակերպումներ տամ։ Որպես գնորդ այդ 500 000 դրամի չափով պե՞տք է եկամուտ ճանաչեմ։

Հարց 3 - Եթե անհատույց եմ ստացել, բայց հաշիվը 500 000 ՀՀ դրամ արժեքով է, ինչպե՞ս պետք է կրեդիտորական պարտքը զրոյացնել։

Մարիամ․

1) 2016 թվականի հունվարի 1-ին ընկերության կասկածելի դեբիտորական պարտքերի պահուստը կազմում էր 38.000 միավոր: 2016 թվականի դեկտեմբերի 31-ին դեբիտորական պարտքը կազմում էր 868.500 միավոր: Դրանից պետք է դուրս գրվեր 28.500 միավոր պարտք որպես անհուսալի, և կասկածելի պարտքերի պահուստը պետք է կազմեր դեբիտորական պարտքի 5%-ը: Որքա՞ն պետք է կազմի 2016 թվականի դեկտեմբերի 31-ին ֆինանսական արդյունքների մասին հաշվետվությունում կասկածելի պարտքերի գծով ծախսը։

2) Ներկայացնել համապատասխան հաշվապահական գրանցումներ հետևյալ գործարքների համար`

1. Երեք տարվա ընթացքում կառուցված շենքի անմիջապեu շահագործման հանձնում

2. Հիմնադիրների կողմից կազմակերպության կանոնադրական կապիտալ կատարվելիք ներդրումների դիմաց տրված տեղակայման ենթակա uարքավորումների ձեւակերպում

3. Իրացված հիմնական միջոցի հաշվեկշռային արժեքի ծախu ճանաչում

4. Շենքի ձեռքբերման նպատակով կանխավճարի արտացոլում

5. Հաշվետու ժամանակաշրջանի վերջում վարչական ծախuերի դուրuգրման արտացոլում։

Այլ հաշվապահական խնդիրներ

Հայկ․

Բարև Ձեզ։ Ընկերությունը ֆիզ․ անձից վարձակալության է վերցրել տարածք 400 000 ՀՀ դրամով։ Պայմանագրում նշված է, որ այդ գումարից վարձակալը պահում է եկամտային հարկը, իսկ մնացածը վճարում է վարձատուին։

1․Կասե՞ք՝ ինչպե՞ս տալ հաշվապահական ձևակերպումները։

2․ Շահութահարկով որքա՞ն գումարը կարող եմ ծախս ճանաչել։

Հարութ․

Մանրածախ խանութը մատակարարից ձեռք է բերել 100 հատ էլեկտրական մսաղաց վաճառքի համար, յուրաքանչյուր միավորի համար ըստ հաշիվ-ապրանքագրի պետք է վճարվի 15 000 դրամ, գումարած ԱԱՀ: Ձեռք բերված ապրանքները մինչև խանութի պահեստ տեղափոխման և բեռնաթափման համար առաքիչի կողմից վճարվել է 20 000 դրամ: Մսաղացի վաճառքի գինը սահմանվել է 21 840 դրամ, այդ թվում առևտրական հավելագինը՝ 3 000 դրամ, ԱԱՀ 3 640 դրամ Հաշվետու ժամանակաշրջանում վաճառվել է 80 հատ մսաղաց։ Վճարը մուտքագրվել է խանութի դրամարկղ:

Պահանջվում է որոշել վաճառված ապրանքների ինքնարժեքը և ձևակերպել ապրանքների ձեռք բերման ու վաճառքի գործառնությունները մանրածախ առևտրում:

Այլ հաշվապահական խնդիրներ

Հարութ․

Խնդիր. Կազմակերպությանը պատկանող ավտոմեքենաներից մեկը փոխանակվել է նմանատիպ մեկ այլ ավտոմեքենայի հետ։ Ավտոմեքենայի սկզբնական արժեքը կազմել է 400 000 դրամ, իսկ կուտակված մաշվածությունը` 250 000 դրամ։ Ձևակերպել․

• Փոխանակված հին ավտոմեքենայի կուտակված մաշվածության գումարը
• Նմանատիպ ավտոմեքենայի փոխանակումը

Այլ հաշվապահական խնդիրներ

Հարութ․

Խնդիր. Հիմնական միջոցների լուծարող հանձնաժողովը լուծարման ակտով լուծարել է հաստոց 985 000 դրամ սկզբնական արժեքով, 820 000 դրամ կուտակված մաշվածքով։ Հաստոցի ապատեղակայման համար հաշվարկվել են 20 000 դրամաշխատավարձ և 5 000 դրամ սոցապ հատկացումներ։ Հաստոցի լուծարքից ստացվել է 35 000 դրամի ջարդոն, որը մուտքագրվել է օժանդակ նյութերի պահեստ։ Տալ հաշվապահական ձևակերպումները։

Այլ հաշվապահական խնդիրներ

Հարութ․

Խնդիր. Կազմակերպության արտադրամասի շենքի տանիքի կապիտալ նորոգման նպատակով կատարվել են հետևյալ ծախումները. 1․ Շինանյութեր` 250 000 2․ Հաշվարկված աշխատավարձ 300 000 3․ Հաշվարկված սոցապ հատկացումներ` 45 000 4․ Այլ ծախսեր` փոխանցված հաշվարկային հաշվից` 30 000 դրամ; Ընդամենը 625 000

Նորոգվող շենքի սկզբնական արժեքը 50 000 000 դրամ է, օգտակար ծառայության ժամկետը` 20 տարի։ Վերանորոգումը կատարվել է շահագործման 10-րդ տարվա վերջին։ Նախատեսվել է նորոգումից հետո շենքի ծառայության ժամկետը ավելացել է 50 տարով։ Հաշվապահորեն ձևակերպել
• Կապիտալ նորոգման ծախսումների գումարը,
• Նորոգման աշխատանքների ավարտից հետո կատարված ծախսումները կապիտալացումը,
• Հաշվել նորոգումից հետո շենքի տարեկան մաշվածությունը

Դիտել այլ հաշվապահական խնդիրներ

Անուշ․

Խնդիր. Պահանջվում է ձևակերպել նյութերի ապառիկ վաճառքը և դեբիտորական պարտքի մարումը, տույժի հաշվեգրումը և գանձումը: Որոշել և ձևակերպել նյութերի վաճառքից շահույթը կամ վնասը։ Բացել հաշիվները և դրանցում արտացոլել շահույթի կամ վնասի բացահայտման հետ կապված գործառնությունները։

Տվյալներ․ Կազմակերպությունը վաճառել է պահեստում մնացած չօգտագործվող նյութերը 180 000 դրամով, ներառյալ ԱԱՀ: Վաճառված նյութերի ինքնարժեքը կազմել է 105 000 դրամ։ Հաշվետու անձի կողմից վճարվել են՝ նյութերի տեղափոխման ծախսումները՝ 18.000 դրամ ներառյալ ԱԱՀ: Գնորդը պարտավորվել է գումարը վճարել 20 օրվա ընթացքում, սակայն փաստացի վճարումը կատարվել է նյութերի առաքումից 60 օր հետո: Ըստ պայմանագրի, ուշացրած յուրաքանչյուր օրվա համար գնորդը պետք է վճարի տույժ՝ վաճառքի գումարի 0,5%-ի չափով։

Դիտել այլ հաշվապահական խնդիրներ

Աննա․

Բարև ձեզ, հարգելի հաշվապահներ, կհուշե՞ք խնդրում եմ՝ ՀԾ հաշվապահ ծրագրում ինչպե՞ս տալ հետևյալ գործարքի ձևակերպումը․ վարձակալություն է տրված ֆիզ․ անձին կազմակերպության կողմից, կազմակերպությունը հանդիսանում է հարկային գործակալ 10%-ի չափով, ուշացման համար տուգանք է սահմանվել x գումար։

Արեգա․

Հարգելի հաշվապահներ, այսպիս հարց.

1. Շահութահարկի հաշվարկում լիզինգի սուբսիդավորվող տոկոսագումարները որպես եկամուտ ճանաչվու՞մ են, թե՞ ոչ
2. Եթե այո, ապա ինչպիսի՞ եկամուտ (հաշվապահական ձևակերպում)
   
   Կանխավ շնորհակալություն։

Արեգա․

Բարև Ձեզ։ Խնդրում եմ պատասխանեք հետևյալ հարցիս. 20.12.2022թ․ լիզինգով ձեռք եմ բերել արևային պանելներ՝ 26 920 000 դրամ արժողությամբ։

Հարց 1. 2023թ համար ինչպե՞ս հաշվարկեմ ամորտիզացիան

Հարց 2. օգտակար ծառայության ժամկետը քանի՞ տարի է

Հարց 3. Հաշվապահական ձևակերպումները

Կանխավ շնորհակալություն։

Աննա․

Խնդրում եմ օգնեք լուծել այս խնդիրըԽնդիր: Պահանջվում է ձևակերպել արտադրանքի վաճառքի գործառնությունները և որոշել իրացումից ստացված շահույթը կամ վնասը: Բացել հաշիվները և դրանցում արտացոլել շահույթի կամ վնասի բացահայտման հետ կապված գործառնությունները: Տվյալներ: Գնորդներին վաճառվել է պատրաստի արտադրանք: Հասույթը, կանխիկ գումարով 300,000 դրամ, գումարած 20% ԱԱՀ, մուտքագրվել է դրամարկղ: Ապառիկ վաճառվել է 800,000 դրամի արտադրանք, գումարած 20% ԱԱՀ: Վաճառված արտադրանքի փաստացի արտադրական ինքնարժեքը կազմել է 950,000 դրամ: Վաճառքի հետ կապված՝ կատարվել են հետևյալ ծախսերը.

ա) Հաշվարկվել է աշխատավարձ պահեստում փաթեթավորող բանվորներին` 50,000 դրամ, բ) Տրանսպորտային կազմակերպությանը հաշվարկային հաշվից փոխանցվել է 24,000 դրամ, ներառյալ ԱԱՀ, գ) Գովազդի համար ստացվել է գովազդային թերթի հաշիվը` 36,000 դրամ, ներառյալ ԱԱՀ:

Այլ հաշվապահական խնդիրներ