Անահիտ․

Ինչպե՞ս ստանալ էլեկտրոնային ստորագրություն վարձով տված բնակարանի եկամտային հարկի հաշվետվություն ներկայացնելու համար, եթե սեփականատերը Հայաստանում չի, ՀՎՀՀ ունի, e-request.am էջում ներկայացրել է հայտարարություն բնակարանի վարձով տալու մասին։

Հայկ.

Բարև Ձեզ: Մեր կազմակերպությունն ունի վարկ մեզ սպասարկող բանկում: Ընթացիկ բանկային հաշվի վրա գումարի մուտք է եղել բանկի կողմից, նպատակ դաշտում նշված է՝ տրամադրման վճարների հետվճար/բիզնես վարկ: Բանկի հետ ճշտեցի, ասացին, որ դա մեր գումարն է, որը կարող ենք տնօրինել: Ձևակերպել եմ 631 հաշվի վրա՝ որպես եկամուտ: Հարցս հետևյալն է. շահութահարկով հարկման ենթակա՞ է այդ եկամուտը: Նշեմ, որ ԱԱՀ-ի հաշվարկում չեմ ներառել: Շնորհակալություն։

Արթուր․

Բարև, հարգելի խումբ։ Խնդրում եմ ասել՝ արդյո՞ք սանտեխնիկական ծառայությունների մատուցումը կարող է կարող է համարվել միկրո և արդյո՞ք պետք է լիցենզիա։ Նախապես շնորհակալ եմ։

Գոհար․

Բարև ձեզ, հարգելի մասնագետներ։ Հարցս վերաբերվում է տուրիստական միջնորդ կազմակերպություններին, ՀՀ ռեզիդենտ կազմակերպությունը ամրագում է արտասահմանյան հյուրանոցային և այլ տեսակի տուրիստական ծառայություններ և դա վաճառում մի այլ ոչ ռեզիդենտ կազմակերպության, խնդրում եմ հուշել՝ արդյո՞ք հնարավոր է շրջանառության հարկով աշխատել և հարկվել միջնորդավճարից: Պատրաստ եմ նաև վճարովի խորհրդակցություն անցնել:

Արտակ․

Բարև Ձեզ, խնդրում եմ կասե՞ք ինձ՝ եթե ԱՁ աշխատում է շրջանառության հարկով (հագուստի օնլայն մանրածախ վաճառք), ամեն ամիս ի՞նչ սոցվճար է պետք է վճարել և ի՞նչ եղանակով։ Եվ եթե 3 ամիս այդ գումարը չի վճարվել, կարո՞ղ եմ արդյոք մեկ ամսվա մեջ այդ ողջ չվճարված գումարը վճարել։ Շնորհակալություն։

Հայկ․

Բարև Ձեզ: Կազմակերպությունը ձեռք է բերել 24 հատ նույն ապրանքից՝ որպես նվեր կանանց տոնի առթիվ: Հարց 1. Կարելի՞ է վերագրել որպես ծախս 7148 հաշվին։ Հարց 2․ Շահութահարկի տեսանկյունից իրավունք կա՞ ԱԱՀ-ն հաշվանցել և ամբողջ գումարի չափով ծախս ճանաչել:

Արթուր․

Հարգելի գործընկերներ, այսպիսի մի հարց ունեմ․ մենք ունենք համատիրություն: Ֆիզիկական և իրավաբանական անձանցից ստանում ենք փայավճարներ, որոնք հիմնված են անդամության վրա ըստ Համատիրությունների մասին օրենքի, և դա ֆիքսված է մեր կանոնադրությունում: Խնդրում եմ պարզաբանել՝ այս վճարները արդյո՞ք համարվում են անդամավճարներ, եթե այո, ապա 108 հոդվածի 11 մասով նվազեցվող եկամուտներ կլինեն, իսկ հոդված 410-ով քանի որ ձեռնարկատիրական չէ, հաշվարկային փաստաթղթի կարիք չկա: Արդյո՞ք այս մասով պետք է դուրս գրվեն հաշվարկային փաստաթղթեր, և կառաջանա՞ արդյոք վճարման ենթակա շահութահարկ: Եթե հնարավոր է՝ խնդրում եմ նշել օրենքի հղումներ:

Կարո․

Բարև ձեզ։

Ես ունեմ հողատարածք Հայաստանում, որը ցանկանում եմ վաճառել և փոխարենը գնել բնակարան։ Հողը գնել եմ 1 մլրդ և վաճառում եմ 10 մլրդ, իսկ բնակարան արժե 50 մլրդ։

Ի՞նչ հակեր պետք է վճարեմ։

Ավելացնենք, որ ես աշխատում և ապրում եմ Հայաստանից դուրս, բայց Հայաստանի քաղաքացի եմ։

Շողեր․

Բարև Ձեզ, 2020թ․ շահութահարկի հաշվարկը գրանցելիս այս հաղորդագրությունն է բերում՝

Հաշվարկը հնարավոր է ներկայացնել միայն հարկի գումարի ավելացման կամ դեբետի (հաշվանցվող գումարի) պակասեցման դեպքում:

Իլոնա․

Կազմակերպությունը (Հիմնադրամը) միկրոյից գնում կատարելիս ինչ-որ հարկե՞ր են առաջանում։ Եվ գնումը ինչպե՞ս պետք է լինի, միկրոն կարո՞ղ է հաշիվ դուրս գրել։

Գայանե․

Բարև Ձեզ, այսպիսի մի հարց՝ եթե շահույթը կազմել է 12 457 782, շահութահարկի գումարը 2 242 401, այսինքն զուտ շատ շահույթը կկազմի 10 215 381, կարո՞ղ ենք տրամադրել շահաբաժին հենց այս թվի չափով։ Եվ եթե այո՝ ընկերությունը տնօրենին տրամադրել է փոխառություն 10 960 000, կարո՞ղ եմ դա փոխմարեմ , և այս ամսվա մեջ շահաբաժնի 5 % հարկը վճարե՞մ։ Շնորհակալություն։

Հարութ․

Հարգելի հաշվապահներ, հարցս հետևյալն է․ ԱՁ- ն, որն աշխատում է ՏՏ ոլորտում, գրանցված է ՀՀ-ում և ծառայություն է մատուցում օտարյեկրյա կազմակերպության, ԱՁ-ն ՀՀ քաղաքացի չէ և ՀՀ-ում չի բնակվում, աշխատում է շրջանառության հարկով։ Հարց՝ նշված իրավիճակում կարո՞ղ է խնդիրներ ունենալ հարկման դաշտի ընտրության կամ այլ հարցերում։

Մարինա․

Բարև ձեզ, եթե տանից աշխատում եմ որպես ֆրիլանսեր ծրագրավորող՝ ծառայություն մատուցելով արտասահմանյան կազմակերպությանը, կարո՞ղ եմ արդյոք գրացվել որպես ԱՁ և աշխատել միկրոյի դաշտում։

Մարգարիտա․

Ողջույն, կարո՞ղ եք տալ տեղեկատվություն հետևյալ հարցերի շուրջ:

1. Հյուրատնային գործունեություն ծավալող կամ քոթեջներ տրամադրող ԱՁ-ն կարո՞ղ է արդյոք համարվել միկրոձեռնարկատիրության սուբյեկտ

2. Առաջին կետին զուգահեռ, եթե հանգստի կազմակերպան մեջ ներառվի նաև նախաճաշ (տեղում պատրաստելու եղանակով կամ սննդի կետերից գնելով և հյուրասիրություն կազմակերպելով), արդյո՞ք տվյալ դեպքում էլ կարող է ԱՁ-ն միկրոձեռնարկատիրության սուբյեկտ հանդիսանալ (Հարկային օրենսգրքի հոդված 267, 5-րդ կետի 2-րդ ենթակետ), թե՞ դա համարվում է հանրային սնունդ, որի համար թույլտվություն է պետք ստանալ

Վահագն․

Բարև Ձեզ։ Ավտոտեխսպասարկման կետը ավտոմեքենայի յուղի վաճառքի և փոխելու դեպքում, ո՞ր դեպքում պետք է վճարի բնապահպանական վճար։ Ինձ ասում են, եթե թափոններ չեն առաջանալու, ապա բնապահպանական հարկի խնդիր չի առաջանա, ի՞նչ է նշանակում թափոններ չեն առաջանա, դա հին յուղի կուտակու՞մն է, թե մեկ այլ բան։ Եվ ավտոտեխսպասարկման կետը իրավունք ունի՞ ընդհանրապես ավտոմեքենայի փոխված հին յուղը վաճառել։ Ավտոտեխսպասարկման կետը աշխատում է միկրոյի դաշտում և գտնվում է Երևան քաղաքից դուրս։

Գայանե․

Բարև Ձեզ, հարգելի հաշվապահներ։ Խաղալիքի խանութ է մարզում, շրջհարկով է աշխատում, ապրանքները ձեռք է բերում առանց փաստաթղթերի, շուկայից է գնում։ Բացի շրջանառության հարկ 5 %-ից էլի հարկ կա՞, որ պետք է վճարի։ Դա խնդի՞ր է, որ առանց փաստաթղթի է ապրանք գնում։ Շնորհակալ եմ շատ։

Lia.

Բարև Ձեզ։ ԱՁ-ն 2023 թվականին շրջանառության հարկի հայտարարություն չի տվել, հայտնվել է ԱԱՀ-ի դաշտում։ Ներկայացրել է 216 ձևը, որը հարկայինի պնդմամբ որևէ ազդեցություն չունի, սակայն կամերալներ է գալիս, որ ԱԱՀ հաշվանցելու իրավունք չունեինք։ Նման պրակտիկա ունեցե՞լ եք։ Արդյո՞ք բողոքարկման հանձնաժողով դիմելուց կարելի է արդյունքի հասնել։

Ժանետա․

Ողջույն բոլորին։ Հարցս հետևյալն է․ կառուցապատող ֆիզիկական անձը ի՞նչ հարկեր պետք է վճարի։

Հերմինե․

Բարև Ձեզ։ ԱԱՀ-ով աշխատող ՍՊԸ-ն անտոկոս փոխառություն է տվել ֆիզ․ անձի, որը հիմնադիր չէ։ Կարո՞ղ է ՍՊԸ-ն ներել այդ փոխառությունը, և արդյո՞ք հարկ կառաջանա։

Ժաննա․

Հայաստանում գրանցված ՍՊԸ-ն պատրաստվում է հեռահար ծառայությունների մատուցման պայմանագիր կնքել Գերմանիայի Դաշնության Հանրապետության ռեզիդենտ ֆիզիկական անձի հետ (ֆիզիկական անձը Գերմանիայի Դաշնության Հանրապետությունում ունի Մշտական կացության իրավունքի փաստաթուղ) ։ Ի՞նչ հարկեր (ԱԱՀ և/կամ շահութահարկ, եկամտային հարկ) պետք է վճարի հայկական ՍՊԸ-ն Հայաստանի տարածքում և ի՞նչ փաստաթղթեր են անհրաժեշտ ոչ ռեզիդենտի կողմից։

Հեղինե․

ԱՁ-ն ցանկանում է զբաղվել ոսկու արտադրությամբ և վաճառքով: Կարո՞ղ է աշխատել շրջանառության հարկով: Կանխավ շնորհակալություն:

Վահե․

Բարև ձեզ։ Ես ցանկանում եմ ներմուծել Չինաստանից մանր էլէկտրատեխնիկա և զբաղվել դրանց վերավաճառքով ՀՀ-ում։ Կասե՞ք՝ ո՞ր տարբերակն է ինձ ավելի շահավետ՝ ԱՁ, թե՞ ՍՊԸ, և ի՞նչ հարկեր, տուրքեր պետք է վճարել, հատկապես ՍՊԸ-ով կամ ԱՁ-ով մաքսազերծման ժամանակ։ Ի՞նչ է անհրաժեշտ ՍՊԸ բացելու համար։ Նախապես շնորհակալ եմ։

Հասմիկ․

Բարև ձեզ, խնդրում եմ օգնել հասկանալ այս հարցը․ եթե կազմակերպությունը ունի գերավճար շահութահարկի կանխավճարներից, որը առաջացել է 2023թ․ վճարված 2022թ․ շահույթից, իսկ 2023թ․ շահույթը քիչ է, կրկի՞ն պետք է փոխանցեմ կանխավճար, թե՞ դա կմաշացնեն։

Վահագն․

ԱՁ-ն ստացել է վարկ իր բանկային հաշվին, որի մի մասը փոխանցվել է իր անձնական ֆիզ. անձի հաշվին, որպես ԱՁ-կողմից տրամադրված անտոկոս փոխառություն ֆիզ անձին (իրեն)։ Այդ փոխառությունը վերադարձվում է մաս-մաս ԱՁ-ի հաշվեհամարին։

Հարց․ թույլատրելի՞ է օրենքի տեսանկյունից։ Այդ փոխառության վերաբերյալ պե՞տք է ինչ որ հաշվետվություն ներկայացնել։ Փոխառությունը չի գերազանցում 20 000 000 դրամը)։ ԱՁ-ն աշխատում է շրջ. հարկի դաշտում։

Անի․

Հարգելի հաշվապահներ, արդյո՞ք առաջանում են հարկային պարտավորություններ անձնական իրերն վաճառելիս, օգտագործված կամ նոր: Ո՞ր օրենքներն են կարգավորում այս կարգի եկամուտներն:

Лианна.

Здравствуйте! Если я являюсь гражданином Армении и хочу открыть ИП для того чтобы продавать товары на маркетплейсе Озон из Армении, какая система налогообложения мне подойдёт? Второй вопрос – если я уже открыла ИП, но в течение нескольких месяцев или года не продаю ничего, то обязана выплачивать какую-то сумму государству или нет? Заранее благодарю!

Տաթևիկ․

Հարգելի գործընկերներ, եթե աշխատողը աշխատում է ժամավճարով՝ 1 ժամը 1 000 դրամ (ներառյալ հարկերը), ու՞մից պետք պահվի դրոշմանիշային վճարը։

Հովհաննես․

Բարև ձեզ։ ԱՁ բացվել է 2023 դեկտեմբերի 25-ին, հունվարի 12 ին շրջհարկի հայտարարություն եմ ուղարկել և նույն օրը ԱՁ անորոշ ժամանակով դադարեցրել եմ, իսկ մարտի 2 ին վերսկսել։ Խնդրում եմ ինձ ասեք՝ ե՞րբ և ի՞նչ հարկեր և վճարներ պետք է անեմ։ Շնորհակալություն։

Գայանե․

Բարև Ձեզ, հարգելի հաշվապահներ։ ԱՁ-ն գովազդային վահանակներ է պատրաստում, գործում է շրջհարկով, ունի մեկ աշխատող, որպես գրաֆիկ դիզայներ։ Հարցս հետևյալն է․ նաև ունի սուրճի ապարատ, հունվարից է տեղադրել սուրճի ապարատը։ Ես ամեն ամիս սուրճի ապարատի հետ կապված հաշվետվություն ունեմ ներկայացնելու, թե՞ ոչ։ Ամեն ամիս աշխատողի համար 189 ձևը ներկայացնում եմ, ուղղակի սուրճի ապարատի հետ կապված չգիտեմ՝ ինչ պետք է անեմ։ Եռամսյակային և տարեկան հաշվետվության մեջ ինչպե՞ս եմ ցույց տալու։ Կանխավ շնորհակալություն։

Lia.

Բարև Ձեզ։ ԱՁ-ն զբաղվում է ավազի, խճաքարի վաճառքով։ Գործում է մարզում։ Արդյո՞ք կարող է աշխատել միկրոյով։ Թե՞ դա դասակարգչով մեծածախ վաճառք է համարվում։

Դիաննա․

Ողջունում եմ բոլորին։ Հարցս հետևյալն է․ եթե ֆիզիկական անձը հանդիսանում է ՍՊԸ-ի հիմնադիր, տնօրեն և հիմնադրում է ևս այլ ՍՊԸ-ը, երկրորդ ՍՊԸ-ն հանդիսանու՞մ է ԱԱՀ վճարող։

Լուսինե․

Բարև Ձեզ: ԱՁ-ն, որը նոր է բացվելու, մետաղադրամով խաղային ավտոմատ է աշխատացնելու։ Հարց՝ ի՞նչ հարկատեսակով է աշխատելու, և խնդրում եմ նշել քայլերի հերթականությունը։

Աննա․

Բարև Ձեզ, հարգելի գործընկերներ։ Մի հարց. Հանդիսությունների կազմակերպում գործունեությունը կարո՞ղ է միկրոյի դաշտում աշխատել (նշեմ, որ ընկերությունը հաճախորդից գումարը վերցնում է, և տարբեր ծառայությունների համար վճարում, որից իր եկամուտը կկազմի Х%, ծառայությունները կարող է վճարվել ինչպես քաղաքացիաիրավական պայմանագրով, այնպես էլ հաշվարկային փաստաթուղթ դուրս գրելու հիման վրա)։ Իսկ հանդիսության ծառայությունները լինում են՝ ֆոտո նկարահանում, երաժշտություն, դիզայն, մեքենաների վարձույթ։

Գայանե․

Բարև Ձեզ, հարգելի հաշվապահներ։ ՍՊԸ-ն գործում է շրջհարկով, էլեկտրական մոնտաժման աշխատանքներ է իրականացնում, կան գրանցված երկու աշխատող և տնօրեն։ Հարցս հետևյալն է՝ բացի աշխատավարձերի հարկերից, շրջանառության հարկից բացի, պե՞տք է ամեն ամիս 5 000 դրամ սոցիալական վճար և 5 000 դրամ շահութահարկ վճարվի։ Նախապես շնորհակալ եմ։

Վահագն․

Բարև Ձեզ։ Անհատ Ձեռնարկատերը, որն աշխատում է շրջանառության հարկի դաշտում, տարվա վերջին հաշվարկից հետո ստացված իր մաքուր եկամուտը ԱՁ-ի հաշվից կամ դրամարկղից վերցնելու դեպքում այդ եկամուտը ենթակա՞ է հարկման որպես ֆիզ․ անձի ստացած եկամուտ, թե՞ ԱՁ-ի վճարած շրջանառության հարկը, եկամտային հարկը և սոց վճարը համարվում է վերջնական հարկում։

Քրիստինա․

Բարև ձեզ, հարգելի կոլեգաներ, կասե՞ք՝ եթե ՍՊԸ-ն ֆիզ․ անձի հետ պայմանագրի հիման վրա գործարք է անում, ֆիզ․ անձը պետք շինարարական ծառայություններ մատուցի ՍՊԸ-ին, հիմա հարցս՝ եկամտային հարկը քանի՞ տոկոս կկազմի, և հաշվետվության մեջ եկամտայինի 2-րդ բաժնի ո՞ր կոդի տակ պետք է ցույց տալ։

Էդուարդ․

Ողջույն։ Նորաբաց ՍՊԸ է, գրանցման ամսաթիվ 20.02.24, կանոնադրական կապիտալ 3դր: Միակ հիմնադիրն ու գործադիր տնօրենը ես եմ, տնօրենի աշխատանքային գրանցումը 21.02.24, շաբաթական աշխատաժամանակը 6 ժամ: Գործունեություն և եկամուտ դեռևս չկա: Փետրվարի համար պետք է տամ ինձ 9 օրվա աշխատավարձ, աշխատավարձը պետք է տամ` ՍՊԸ-ին փոխառություն տալով: Օգնեք հասկանալ ողջ գործընթացը:

Հարց 1․ ո՞նց եմ իրականացնելու փոխառությունը
Հարց 2․ ո՞նց և նվազագույնը ինչքա՞ն գումար կարող եմ փոխանցել ինձ որպես աշխատավարձ Հարց 3․ ո՞նց և ե՞րբ եմ կատարելու փոխանցված աշխատավարձի համար հարկերի վճարումը (եկամտային հարկ, սոցիալական վճար և դրոշմանիշային վճար)

Կարմեն․

Բարև ձեզ, հարգելի հաշվապահներ։ Հարցս հետևյալն է՝ գյուղում սեփական տան բակում կա շոգեբաղնիք, խորովածանոց, լողավազան: Ժամանակ առ ժամանակ հայտարարությունների հիման վրա տրվում է վարձով: Ի՞նչ պետք է անի տան տերը իր գործունեությունը օրինականացնելու համար և ինչպիսի՞ հարկատեսակով պիտի հարկվի: Նախապես շնորհակալ եմ։

Սամվել․

Բարև Ձեզ։ ՀՀ ռեզիդենտ կազմակերպությունը աշխատում է ԱԱՀ-ի դաշտում։ Կազմակերպությունը ցանկանում է ավտոմեքենա ներմուծել այլ երկրից դեպի Վրաստան և վաճառել հենց Վրաստանում։ Ինչ որ խնդիր չի՞ առաջանա, երբ ներմուծումը ՀՀ տարածք չի իրականացվում։ Այս դեպքում ի՞նչ հարկեր կառաջանան։

Սերգեյ․

Բարև ձեզ։ Ես ԱՁ եմ, աշխատում եմ միկրոյով, երրորդ երկրից ներմուծման պատվեր ունեմ (գրանտային ծրագրով)։ Ազատված եմ ԱԱՀ և մաքսայինից։
Հարց.
1. Ներմուծման ծախս եմ հաշվելու սարքավորումների արժեքը և բեռնափոխադրման վճարը, իսկ մնացածի համար վճարում եմ 18%՞
2. եթե ուզում եմ մարդ վարձել, որ գնա արտասահման ու ստուգի սարքավորումների սարքինությունը և հետևի բարձման գործընթացին, ապա կարո՞ղ եմ դա ծախս ներկայացնել։ Եթե այո, ապա թղթաբանորեն ինչպե՞ս ձևակերպել

Կանխավ շնորհակալություն։

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում․ ԱՁ է բացվել հանրային սննդի, մարզում է, ներկայացվել է միկրոյի հայտարարություն։ Կասե՞ք՝ բացի աշխատողների 189 ձևից ի՞նչ հաշվետվություններ կան հանձնելու։ ՀԴՄ-ն POS ծառայությունով է։ Եվ կասե՞ք՝ երբ սննդամթերք ենք գնում, պարտադի՞ր պետք է հաշիվ գրեն, և եթե փաստաթղթով ձեռք չբերենք, ապրանքը պետք է 20 % եկամտային հարկ վճարե՞նք։ Երբվանից է գործում այդ օրենքը։ Խնդրում եմ օրենքի հղում տալ։ Նախապես շաաատ շնորհակալ եմ, հարգելիներս։

Քրիստինե․

Բարև բոլորին։ Խնդրում եմ օգնեք։ Կազմակերպությունը իր արտադրած կահույքը վաճառելու է ֆիզիկական անձի, ով գտնվում է Իտալիայում։ Ինչպե՞ս պետք է կազմակերպենք արտահանումը, և ի՞նչ հարկեր ու վճարներ են առաջանալու։

Գայանե․

Բարև Ձեզ, ես զբաղվում եմ ձեռագործ իրերի պատրաստումով, աշխատող չունեմ, ուզում եմ համագործակցեմ խանութների հետ և օնլայն խանութների հետ (նաև արտերկրի)։ Կարո՞ղ եմ գրանցվել որպես Ա/Ձ միկրոձեռնարկատեր և իրականացնել վաճառքներ։ Եթե ոչ, ո՞ր տեսակը պետք է բացել։

Աննա․

Բարև ձեզ, հարցը հետևյալն է․ ձեռք եմ բերել հիմնական միջոց շենք կադաստրային արժեքից ցածր գնով աճուրդով մի քանի անգամ մասնակցելուց հետո հրապարակած արժեքից բարձր։ Հարկայինը հղում է անում 109 հոդվածին, շահութահարկ վճարելու համար գործարքը 2022թ-ին է եղել։ Հիմա վաճառում եմ հիմնական միջոցը։ Ես 2024թ․ շահութահարկի հաշվարկում որպես պակասեցում ո՞ր արժեքն եմ վերցնելու, ճի՞շտ եմ, որ կադաստրային արժեքի 80 տոկոսը հանած ԱԱՀ։

Գալինա․

Բարի լույս, խնդրում եմ բացատրեք, թե ինչպիսի հարկեր պետք է վճարի որպես ՍՊԸ գործող տուրիստական ​​գործակալությունը: Շնորհակալություն։

Եվա․

Եթե ԱԱՀ վճարող կազմակերպությունը ներմուծում է ապրանք, որի համար վճարում է բնապահպանական հարկ, դա ներառվու՞մ է ինքնարժեքի մեջ։

Մարիամ․

Ողջույն բոլորին։ Քանի որ բացարձակ գիտելիքներ չունեմ այս ոլորտից, խնդրում եմ ուղղորդեք ճիշտ քայլեր ձեռնարկել։

Գործունեություն պետք է ծավալեմ Upwork-ում, խնդրում եմ նշեք՝ որպես ի՞նչ գրանցվել հարկայինում, որպեսզի հնարավորինս քիչ վճարեմ հարկ, և եթե վճարումը ստանալու եմ Paypal-ով, ապա ինչպե՞ս են հարկայինից վերահսկելու եկամուտը։ Եվ եթե այնպես ստացվի, որ որոշ ամիսներ եկամուտ չլինի, միևնույնն է պե՞ տք է վճարումներ կատարեմ պետությանը։

Անահիտ․

Բարև ձեզ, խնդրում եմ օգնել՝ որտե՞ղ կարող եմ ծանոթանալ հիմնադրամների մասին օրենքին, հարկման համակարգին։

Ջուլիա․

Բարև ձեզ, հարգելի հաշվապահներ։ ՍՊԸ փետրվար ամսին գնել է լիզինգով էլէկտրոմոբիլ և հիմա ցանկանում է ամբողջությամբ փակել լիզինգը.

1. Ե՞րբ մեքենան կհարմարվի ընկերության սեփականությունը

2. Հնարավո՞ր է արդյոք կատարել այսպիսի գործարք ֆիզ․ անձի և ընկերության մեջ՝ փոխանակելով մեքենան համարժեք մեքենայի հետ, թե՞ միևնույն է դա դիտարկվում է որպես օտարում, և այդ պարագայում պետք է դուրս գրել հաշիվ վավերագիր և վճարել 5% հարկը (Ընկերությունն աշխատում է շրջհարկի դաշտում)։

Աշոտ․

Բարև ձեզ։ Կազմակերպությունը ֆիզ․ անձից շինություն է ձեռք բերում, որը կառուցել է հենց վաճառողը, բայց մոտ 20 տարի առաջ։ Եկամտային հարկը 20% է լինելու, թե՞ 10։