Սյուզի.

Հարգելի հաշվապահներ, եկամտային հաշվարկը և վճարումը ամսի 22-ին անելու դեպքում հնարավո՞ր է տույժ, տուգանք առաջանա:

Լիաննա.

Բարև ձեզ, հարգելի հաշվապահներ: Այսպիսի հարց. շրջհարկով աշխատող ՍՊԸ-ի իրավաբանական հասցեն տնօրենի բնակարանի հասցեն է, արդյո՞ք պետք է ունենալ անհատույց վարձակալական պայմանագիր,(կցանկանայի ճշտել, ո՞ր տեսակն է այս դեպքում տեղին` բնակելի տարածքի վարձակալական պայմանագիր, թե՞ գույքի անհատույց վարձակալական պայմանագիր), և եթե ՍՊԸ վարձակալելու է տարածք` գրասենյակի համար, արդյո՞ք պետք է փոխել ՍՊԸ-ի իրավաբանական հասցեն, և վարձակալությունից ի՞նչ հարկեր կառաջանա ՍՊԸ-ի համար։
Շներհակալություն:

Հասմիկ.

Բարև Ձեզ: Խնդրում եմ օգնեք, եթե ՍՊԸ-ում օտարերկրյա քաղաքացու կողմից (հիմնադիր չի հանդիսանում) ներդրում է կատարվելու, դա որպես եկամուտ ճանաչվու՞մ է և հարկու՞մ է արդյոք, եթե այո, ապա ի՞նչ հարկատեսակով և ի՞նչ դրույքաչափով: Խնդրում եմ օրենքի հղում նշեք: Շնորհակություն:

Վարդուհի.

Մինկրոձեռնարկատիրության դաշտում աշխատող Ա/Ձ օգոստոսի 10-ին կազմակերպությանն ապրանք է վաճառել: Օգոստոսի 13-ին նոր ներկայացրել է ՇՀ համարվելու հայտարարություն, որում ՇՀ է համարվում 10.08-ից: Խնդրում եմ տալ պարզաբանում՝ արդյո՞ք ԱՁ 10.08-ից չի համարվում ԱԱՀ վճարող՝ վերոնշյալ գործարքի արդյուքում:

Անի.

Բարև ձեզ, հարգելի՛ հաշվապահներ: Կազմակերպությունն աշխատում է շրջհարկով, ԵՏՄ-ից ներմուծում է քսայուղեր: 2019թ. նոյեմբերին ներմուծել է ապրանքի քանակություն, ձևավորվել է ԱԱՀ, վճարել ենք, բայց վերահաշվարկ ենք կատարել, ԱԱՀ-ի ավել մասը մուտք են արել ԱԱՀ-ի դեբետ բաժնում՝ 89 450դր: Հարցս հետևյալն է. ինչպե՞ս հետ վերադարձնել գումարը միասնական հաշիվ: Լրացրել եմ 261 ձևը, իրենց ասելով 6-րդ կետի 2 մասը, բայց մերժել են: Աշխատում ենք շրջհարկով, ներկայացնում ենք եռամսյակային հաշվետվություն:

2. ԱԱՀ 260 հաշվետվության ձևի հետ կապված հարց. 7-րդ, 9-րդ, 18-րդ և 19.1-րդ տողերի Ա բաժնում լրացվում է ամբողջ գումարը՝ ներառյալ ԱԱՀ, թե՞ առանց ԱԱՀ: Շնորհակալություն

Տիգրան.

Բարև ձեզ: Խնդրում եմ ասեք՝ կոսմետիկայի ոլորտում արտադրություն իրականացնող ՍՊԸ-ի հարկային կանոնները, ԱԱՀ-ի դրույքաչափը և այլ հարկային վճարումներ:

Կարեն․

Բարև ձեզ։ Անձնական օգտագործման ապրանքների մաքսային սահմանաչափերը ի՞նչ ժամանակահատվածի համար են՝ ամի՞ս, թե՞ տարի։

Օլեգ.

Իրավաբանական անձ եմ, աշխատում եմ շրջանառության հարկով: Ցանկանում եմ օտարել 75 մլն դրամով անշարժ գույք, որի կադաստրային արժեքը 200 մլն դրամ է, գումարը փոխանցվելու է երկու փուլով՝ 50մլն այս տարի, 25մլն 2022թ.-ին: Խնդրում եմ ասեք՝ ի՞նչ հարկով եմ հարկվելու, և ո՞ր արժեքից՝ 200մլն, թե՞ 75մլն-ից:

Տիգրան.

Հարգելի հաշվապահներ, հարցս վերաբերում է բժշկական հաստատության կողմից բնապահպանական հարկի վճարմանը: Հաստատությունը 2017թ-ից իրականացնում է գործունեություն պացիենտների ռենտգեն ախտորոշումներ, բուժում, և հիվանդանոցային գործունեություն չի ծավալում: Արդյո՞ք վերջինս պարտավոր է ներկայացնելու բնապահպանական հարկի հաշվետվություն և վճարել հարկը:

Սյուզի.

Բարև ձեզ: Կասեք՝ խնդրում եմ, եթե աշխատողը կրճատ աշխատաժամով է գրանցված, ո՞ր դեպքում է գործատուն վճարում հարկերը, և լրիվ աշխատաժամի դեպքում էլի ե՞րբ է գործատուն վճարում հարկերը։ Եվս մեկ հարց. դրոշմանիշային գումարը եկամտային հարկման բազայի մեջ է չէ՞։ Դրոշմանիշայինի համար հաշվարկի ձև չկա, ուղղակի փոխանցում ենք և վե՞րջ։ Շատ շնորհակալ եմ:

Գայանե.

Բարև Ձեզ: Ընկերությունը զբաղվում է կայքերի պատրաստմամբ և վաճառում Գերմանիայում գտնվող մեկ այլ ընկերության, հիմա ՍՊԸ-ով է զբաղվում: Կասեք ինձ՝ հնարավո՞ր է փոխել այլ հարկատեսակի, որպեսզի քիչ հարկեր վճարի, օրինակ՝ միկրո, ԱՁ: Շնորհակալություն:

Հասմիկ.

Ողջույն: Խնդրում եմ տեղեկացնել` առցանց Ա/Ձ գրանցվելուց հետո, որտե՞ղ է նաև պետք ներկայացնել փաստաթղթեր, որպեսզի ամբողջական լինի գրանցումը։ Ա/Ձ-ն մատուցվելու է օնլայն դասընթացներ, աշխատակից չի ունենալու, շրջանառությունը մինչև 115 մլն։ Խնդրում եմ տեղեկացնել՝ հարկավո՞ր է արդյոք լիցենզիա, ի՞նչ հաշվետվություններ է պետք ներկայացնել, և դրանց հաճախականությունը, և ի՞նչ տուրքեր, հարկեր են սպասվում։ Արդյո՞ք անհրաժեշտ է ունենալ դրամարկղ, ՀԴՄ, եթե անկանխիկ են կատարվելու գործարքները և ինչպե՞ս են դուրս գրվում հաշիվները /էկենգի միջոցով/։ Շնորհակալություն:

Անի.

Բարև ձեզ, հարգելի՛ հաշվապահներ: Հուլիս ամսվա եկամտային հաշվարկի ճշգրտված հաշվետվության արդյունքում 2150 դր. հետ է մուտք արվել միասնական հաշվին: Ինչպիսի՞ ձևակերպում տալ: Շնորհակալ եմ:

Տիգրան․

Ողջույն բոլորին։

Ցանկանում եմ գրանցվել որպես Ա/Զ, գործունեություն՝ օնլայն վաճառք (մանկական հագուստ, մանակական պարագաներ և նմանատիպ ապրաքներ)։ Աշխատելու եմ շրջ․ հարկով 5%: Տարեկան շրջանառությունը չի գերազանցելու 115 մլն դրամը։

Պետք է վճարեմ․
• Սոց․ վճար 5 000 դրամ
• Շահութահարկ 5 000 դրամ
• Դրոշմանիշային վճար տարեկան շրջանառությունից կախված ըստ սանդղակի։

ՀԴՄ սարք ունենալու եմ։ Ապրանքները ձեռք եմ բերելու այլ երկրներից և վաճառելու եմ Հայաստանում։

Հարց 1․ Նշված դեպքում ես ԱԱՀ վճարելու՞ եմ։

Ապրանքները եթե իմ անունով եմ պատվիրելու և՛ մեծաքանակ, և՛ փոքր քանակներով

Հարց 2․ Ո՞ր դեպքում ի՞նչ հարկ եմ վճարելու (մաքսազերցում, ԱԱՀ կամ այլ հարկ) և եթե իմ անունով եմ պատվիրելու, այդ դեպում ես հանդես եմ գալիս որպես Ֆիզ․ ա՞նձ , թե՞ անհատ ձեռներեց։ Ուզում եմ ուղղակի հասկանալ՝ եթե ես Ա/Ձ եմ և աշխատում եմ շրջանառության հարկով, ապա մեծաքանակ ապրանք պատվիրելու դեպքում ի՞նչ հարկատեսակ պետք է վճարեմ կամ չվճարեմ։ Ինձ մենակ պետք է հասկանամ՝ ապրանքները այլ երկրներից Հայաստան ներմուծելու համար ի՞նչ հարկ եմ վճարելու մեծաքանակի կամ փոքր քանակների դեպքերում։

Արմինե․

Ինձ հետաքրքիր է․ իմ կեղտոտ աշխատավարձը կազմում է 49 000 հազար դրամ, դրոշմանիշային վճարը ումի՞ց է պահվում՝ աշխատողի՞ց, թե՞ գործատուից։

Նարեկ․

Բարև Ձեզ։
Ես պետք է զբաղվեմ հագուստի օնլայն վաճառքով (հագուստները գնվում են այլ երկրներից և վաճառվում Հայաստանում)։ Խնդրում եմ ասել՝ որպես անհատ ձեռնարկատեր գրանցվելու դեպքում ի՞նչ հարկեր պետք է վճարեմ։ Աշխատելու եմ միայն ես, այլ աշխատողներ գրանցված չեն լինելու։ Շնորհակալություն։

Բարև ձեզ: Մի հարց. ֆիզ․ անձը գնել է մեքենա և վաճառել նույն ամսում, սա իր առաջիններ տարվա մեջ, հիմա նորից գնել է մեքենա և վաճառում է: Կասեք՝ ի՞նչ հարկեր պետք է վճարի։ Առաջինից 1 % եկամտային, իսկ 2-ի՞ց։

Մերի.

Բարև Ձեզ։ Մենք ցանկանում ենք մրգային օղիների արտադրություն սկսել։ Ծանուցումը ներկայացրել ենք ֆինանսների նախարարություն։ Կխնդրեի օգնեիք հասկանալ հետագա ընթացքը. շիշ, շշալցում, պիտակների ձեռք բերման կարգ ու վայր, ակցիզային հարկի վճարման վայր, դրոշմանիշների ձեռք բերման կարգ և արժեք, և այլ պետական բոլոր վճարումներ և ընթացակարգ։

Նարին.

Հարկման ինչ ձևի հայտ ներկայացնել?
Քանի օր առաջ պետ. ռեգիստրում բացել ենք ՍՊԸ, հագուստի արտադրությամբ զբաղվող նորաստեղծ կազմակերպություն, որը մոտակա ամիսներին դեռ գործունեություն չի իրականացնելու և կարծում եմ դեռևս ակտիվություն չի ցուցաբերելու: Ի՞նչ հարկման ձև ընտրել, արդյո՞ք միկրոձեռնակատիրոջ դիմում տալը ճիշտ է հագուստի արտադրությամբ զբաղվող ֆիրմայի համար, և եթե այո, ի՞նչ հայտ, ի՞նչ հաշվետվություն և ինչպիսի՞ ամսական վճարներ է անհրաժեշտ ներկայացնել:

Ալլա.

Բարև Ձեզ: Ա/Ձ ժամանակավոր դադարի ժամանակ ինչ որ վճարումներ կատարու՞մ է:

Ռուբ.

Բարև ձեզ: Եթե գնման ակտով ֆիզիկական անձից գնում է կատարվում, ապա գնման ակտի մեջ և ապրանքների գնման պայմանագրի մեջ արժեքը պետք է գրվի եկամտային հարկի գումարը ներառյա՞լ, թե՞ միայն ֆիզիկական անձին վճարվող գումարը՝ առանց եկամտային հարկի։ Շնորհակալություն:

Մարիամ.

Բարև Ձեզ:

Եթե ԱՁ-ն կատարում է միայն մեկ գործարք, և կասեցվում է իր գործունեության երկրորդ ամսում, ի՞նչ հարկեր է վճարում ԱՁ-ն։ Արդյո՞ք դրոշմանիշային վճարը պետք է վճարել ողջ տարվանը, թե՞ միայն գործունեության ամիսների հաշվով։

Շնորհակալություն:

Հարգելի հաշվապահներ, ինձ կասե՞ք՝ կա՞ Օրենսգրքով նախատեսված հատուկ դրույթներ կամ հստակ սահմանված աշխատավարձի չափ, երբ գործատուն պարտավոր է ինքը վճարի աշխատողի հարկերը:

Արուսյակ.

Բարև ձեզ: Ես խնդրում եմ կասեք, եթե ֆիզիկական անձը դրամաշնորհ է ստացել՝ ի՞նչ հարկեր պետք է վճարի:

Էլեն.

Կխնդրեմ պարզաբանել, թե ՍՊԸ-ին մեկանգամյա ծառայություն մատուցող անձի հետ ի՞նչ պայմանագիր պիտի կնքել, և ի՞նչ հարկեր վճարել, եթե նա չի ուզում ձևակերպվի որպես աշխատող, մասնավորապես որպես քաթինգի տնօրեն։ Կանխավ շնորհակալություն։

Հերմինե.

Բարև Ձեզ: Եթե Հասարակական կազմակերպությունը ֆիզիկական անձից գնում է ավտոմեքնեա՝ ի՞նչ հարկային պարտավորություն է առաջանում ՀԿ-ի համար: Շնորհակալ եմ:

Սյուզի.

Բարև Ձեզ: Կասեք խնդրեմ՝ 253 հոդվածի 1 կետը ինչպե՞ս կարող եմ հասկանալ` շրջանառության հարկը ԱԱՀ և կամ շահութահարկին փոխարնող հարկ է։ Չէ որ կազմ.-ը աշխատում է կամ ԱԱՀ ու շահութահարկով կամ շրջհարկով։ Կխնդրեմ նաև ասեք՝ ինչպե՞ս է փոխարինում՝ 40 ու 60 %-ով։ Շնորհակալություն:

Օֆելյա.

Բարև ձեզ: Ես նոր եմ զբաղվում օնլայն վաճառքով, ասեմ, որ դեռ սա աշխատանք չեմ կարող համարել, քանի որ պատվերներ գրեթե չունեմ: Ցանկանում եմ իմանալ՝ ինչպե՞ս լինել գրանցված աշխատող, և արդյո՞ք անպայման է ունենալ ՀԴՄ սարքավորում, քանի որ դա ավելի թանկ արժե, քան ես կարող եմ այս տարի աշխատել: Նաև կցանկանայի իմանալ՝ կարո՞ղ եմ արդյոք արտերկրից որոշ քանակությամբ ապրանք բերել վաճառելու համար և ինչպե՞ս դա անել որպեսզի օրենքներին համապատասխան լինի և ինձ վրա էլ շատ ծանր չնստի: Կներեք՝ ինչքան կարողացա բացատրեցի 🙈

Անահիտ.

Բարև ձեզ, հարգելի հաշվապահներ:
1. Ընկերությունը, որը զբաղվելու է վեբ կայքերի պատրաստմամբ, կարո՞ղ է համարվել միկրոձեռնարկատիրություն:
2. Եթե իմ անունով ԱՁ ունեմ բացված, այդ ԱՁ-ի անվան տակ ես կարո՞ղ եմ ունենալ 2 տարբեր հարկային դաշտերում գործող ընկերություներ, մեկը զբաղվելու է դասընթացների անցկացմամբ, իսկ մյուսը կայքերի պատրաստմամբ, թե՞ յուրաքանչյուրի համար տարբեր ԱՁ-ներ է պետք բացել:
Կանխավ շնորհակալ եմ։

Բարև Ձեզ։ Ինձ կասե՞ք ԱՁ-ի աշխատողի համար հարկերը կարող ենք վճարել միասնական հաշվին, նաև դրոշմանիշայինը ինչպե՞ս վճարեմ։

Աննա:

Բարև ձեզ: Կարող եք ասել՝ ԱՁ միկրոձեռնարկատերը ամսական եկամտային և սոց. վճարի հաշվետվությունը ուղարկելուց բացի հաշվեհամարին որքա՞ն գումար պետք է փոխանցի:

Մարիաննա.

Բարև ձեզ: Ես պատրաստվում եմ գրանցված աշխատանքից դուրս գալ և զբաղվել ֆրիլանսինգով (ՏՏ ոլորտ), ինձ մի քանի հարց է հետաքրքրում:
1. Կարո՞ղ եմ արդյոք գրանցվել որպես ինքնազբաղ անձ, եթե այո, ինչպե՞ս:
2. Որքա՞ն հարկ պետք է վճարեմ և ի՞նչ փաստաթղթեր կամ հաշվետվություններ ներկայացնեմ:
3. Վճարված հարկերը ենթակա՞ են վերադարձման հիփոթեքային վարկի համար վճարված տոկոագումարների համար։ Խնդրում եմ տրամադրել հղում օրենքին։
Կանխավ շնորհակալ եմ։

Աննա.

Բարև Ձեզ: Հարցս հետևյալն է՝ մեկ օրով վարորդ ենք վարձել, որպեսզի տեղափոխի մեր կազմակերպության սարքավորումը՝ վերանորոգելու նպատակով: Արդյո՞ք պետք է կնքել քաղաքացիաիրավական պայմանագիր մեկ օրվա համար և վճարել եկամտային հարկ ե այլ վճարումներ:

Գառնիկ.

Բարև ձեզ:

Խնդրում եմ, ասացեք՝ ի՞նչ մաքսատուրքեր և հարկատեսակներ են կիրառվում ցեմենտի մաքսազերծման ժամանակ՝ ներմուծված Իրանից: Մասնավորապես, պետ. տուրքի մասին։

Շնորհակալություն:

Սոնա.

Բարև Ձեզ։ Եթե աշխատակիցը ամբողջ ամիս բացակայել է աշխատանքից և ստացել բացականեր, այս դեպքում աշխատավարձ չի՞ ձևավորվում, հարկ չի՞ առաջանում, և ի՞նչ գործողություններ պետք է ձեռնարկել այս աշխատակցի նկատմամբ:

Ռուբ.

1) Եթե ֆիզիկական անձանցից կատարվում են գնումներ, հիմնական գործունեության իրականացման համար և այդ ֆիզիկական անձանց հետ կնքվում է ապրանքների ձեռքբերման պայմանագրեր ու միարժամանակ երկկողմանի գնման ակտեր, որոնց մեջ նշվում է անձի բնակության հասցեն, անձնագրային տվյալները և այլ օրենքնով սահմանված տվյալներ, ապա այդ կատարված ծախսեը ենթակա՞ են շահութահարկից նվազեցման և եկամտային հարկի մասով էլ ինչպիսի պարտավորություն է առաջանում: Վճարելու եմ 10%, թե՞ չեմ վճարելու, խոսքս վերաբերվում է հոդված 150-ի 13-րդ կետին, նշեմ նաև, որ ձեռքբերված ապրանքները գյուղատնտեսական նշանակության չեն։
2) Քաղ. իրավական պայմանագրի կողմ հանդիսացող անձին արդյո՞ք կարող են տրվել առհաշիվ գումարներ նյութեր ձեռքբերելու համար, թե՞ ոչ, եթե այո, ապա այդ պարագայում վերջինս պե՞տք է ներկայացնի հաշվետվություն:

Ամալյա.

Քաղաքացիաիրավական հարաբերություններ պայմանագրով աշխատողի աշխատավարձի հաշվարկը ՍՊԸ-ում և պահումների մասին որտեղի՞ց կարող եմ օգտվել:

Մարինե․

Ողջույն։
Մասնագիտությամբ վեբ ծրագրավորող եմ։ Աշխատում եմ ֆրիլանս տարբերակով։ Հաճախորդին պետք է, որ ես գրանցվեմ որպես ինքնազբաղված անձ։
1․ Դա հնարավո՞ր է ՏՏ ոլորտի վեբ ծրագրավորման ճյուղի համար։
2. Հնարավոր չլինելու դեպքում ալտերնատիվ տարբերակ կարո՞ղ է Ա/Ձ֊ն լինել։
3. Շրջհարկով կարո՞ղ եմ Ա/Ձ բացել, որքա՞ն է տարեկան շրջանառության սահմանաչափը և ի՞նչ կլինի եթե գերազանցվի այդ սահմանաչափը։
Շնորհակալ եմ տրամադրված ժամանակի համար։

Սյուզի․

Բարև ձեզ։ Կասե՞ք խնդրեմ՝ 209 հաշվետվությունը` հաշվարկ ոչ ռեզիդենտին վճարված շահութահարկի գումարի մասին, ո՞ր դեպքում և ո՞ր հարկման ռեժիմում աշխատող կազմակերպություններն են հանձնում այս հաշվետվությունը։

Մարալ․

Բարև Ձեզ,

Ես ծրագրավորող եմ և պետք է դառնամ անհատ ձեռներեց, որպեսզի կարողանամ աշխատել Հայաստանից դուրս գտնվող ընկերությունում (գտնվելով Հայաստանում): Որտե՞ղ կարող եմ ծանոթանալ հարկերի (այն գումարի, պայմանների, երբ) մասին տեղեկություններին, որոնք ես պետք է վճարեմ որպես անհատ ձեռնարկատեր:

Կանխավ շնորհակալություն։

Զոյա․

1) 3-րդ և 4-րդ կետերում նշված անհատ ձեռնարկատերերը և նոտարները դրոշմանիշային վճարը վճարում են հետևյալ դրույքաչափերով.

Մինչև 1 200 000 դրամ հաշվարկման բազայի դեպքում 18 000 դրամ
1 200 001-ից մինչև 2 400 000 դրամ հաշվարկման բազայի դեպքում 36 000 դրամ
2 400 001-ից մինչև 6 000 000 դրամ հաշվարկման բազայի դեպքում 66 000 դրամ
6 000 001-ից մինչև 12 000 000 դրամ հաշվարկման բազայի դեպքում 102 000 դրամ
12 000 001 դրամ և ավելի հաշվարկման բազայի դեպքում 180 000 դրամ

Խնդրում եմ մեկնաբանել

2) Ունեմ ԱՁ (միկրոձեռնարկատիրություն է), զինվորական ապահովագրության հիմնադրամին վճարում ենք 15 000 ԱՁ տնօրեն և 1 500 աշխատողի համար (ամսական): Այդ գումարները նվազեցվե՞լ են։ Ինչքա՞ն պիտի վճարենք և երբվանի՞ց։

Ռ. Գալոյան.

Բարև Ձեզ: Ա/Ձ-ն նոր է բացվել և աշխատելու է շրջհարկով: Խնդրում եք ասեք՝ ի՞նչ հաշվետվություններ պետք է հանձնենք և ի՞նչ հարկեր պետք է վճարենք: Կանխավ շնորհակալություն:

Գրիգոր․

Բարև Ձեզ։ Վարսավիրանոցում 3 հոգի աշխատելու դեպքում ի՞նչ հարկային վճարներ են պետք։

Քրիստինե.

Բարև բոլորին։ Բացվում է ՍՊԸ՝ չիր արտադրելու նպատակով: Միկրո դաշտում կարո՞ղ է աշխատել, սննդի տեսչությունից թույլտվություն պե՞տք է, թե՞ ոչ։ Նախապես շնորհակալություն։

Մարինա.

Բարև ձեզ, հարգելի հաշվապահներ։ Կասե՞ք, խնդրում եմ, եթե կազմակերպությունը ֆիզ. անձին վարձակալության է տալիս իր տարածքներից մեկը, ի՞նչ հարկային պարտականություններ են իր մոտ առաջանում, և ինչո՞վ են վերջիններս տարբերվում իրավաբանական անձին վարձակալության տալուց։

Լիլի.

Բարև ձեզ: Կասե՞ք՝ ֆիզ. արձակուրդի հաշվարկ կատարելիս միայն եկամտային հա՞րկ է պահվում։

Էսթեր.

Ողջույն, հարգելի հաշվապահներ։ Կարո՞ղ է որևէ մեկը օգնել ինձ հասկանալ Հարկային օրենսգրքի 256-րդ հոդվածի 2-րդ մասի երկրորդ նախադասության էությունը․ «2. Ռեզիդենտ առևտրային կազմակերպությունների համար շրջանառության հարկը փոխարինում է ԱԱՀ-ին և (կամ) շահութահարկին: Շրջանառության հարկի մեջ շահութահարկի հաշվարկային մեծությունն ընդունվում է 40 տոկոս, իսկ ԱԱՀ-ի հաշվարկային մեծությունը` 60 տոկոս»։ (ԳԼՈՒԽ 55, Շրջանառության հարկի համակարգը):

Հասմիկ.

Հարգելի կոլեգաներ,
նորաբաց ՍՊԸ է, որը զբաղվելու է շինարարությամբ, առավել կոնկրետ՝ բնակելի, հասարակական և արտադրական շենքերի շինարարությամբ: Կարո՞ղ եք հուշել՝ կարո՞ղ է աշխատել միկրոձեռնարկատիրության դաշտում, բացառությունների մեջ չեմ գտնում: Եթե կան ոլորտի հաշվապահներ, կհուշե՞ք՝ կարո՞ղ է աշխատել շրջանառության հարկի դաշտում, թե՞ ամեն դեպքում ճիշտ է ի սկզբանե աշխատել ԱԱՀ-ի դաշտում: Ակնկալում եմ ոլորտին լավատեղյակ մասնագետի պատասխան: Տնտեսական գործունեության դասիչների մեջ լիցենզիա չի պահանջվում, F.41.20.1։
Կանխավ շնորհակալություն:

Սյուզի.

Բարև ձեզ։ Խնդրում եմ ասեք՝ ինչպե՞ս կարող է հանրային սննդի ոլորտում գործունեություն իրականացնող կազմակերպությունը աշխատել միաժամանակ ԱԱՀ-ով և շրջանառության հարկով։