Էմմա․

Բարև Ձեզ։

Մի էսպիսի հարց, հարգելի խմբակիցներ ջան․

Աշխատողը նույն կազմակեպությունում 1 դրույքով աշխատում է, բայց ներքին համատեղությամբ նաև 0,5 դրույքով այլ աշխատանք է կատարում և հաստիք զբաղեցնում՝ տարբեր աշխատանքային պայմանագրերով:

Ինչպե՞ս պետք է լրացնել աշխատաժամանակի հաշվարկման տեղեկագրիրը՝ միայն 8 ժամ, թե՞ նաև 4 ժամ, միասին՝ 12:

Կանխավ շնորհակալություն:

Տիգրան․

Բարև ձեզ, կարո՞ղ է X ՍՊԸ-ի հիմնադիր տնօրենը լինել Y ՍՊԸ-ում գրանցված աշխատող: Եթե այո, դա նորմալ ընթացքով է լինում, թե՞ որոշալի այլ գործողություններ է պետք, որ գրանցվենք այդպես։

Սաթենիկ․

Բարև Ձեզ։ Հարցս այսպիսին է․ եթե անձը համատեղությամբ է աշխատում, և նրա հիմնական աշխատատեղից տրամադրում եմ գործուղման մասին տեղեկանք, ապա մյուս աշխատավայրում դա կարո՞ղ են համարել հարգելի բացակա, և եթե, այո՛, ապա աշխատանքային օրենսգրքի ո՞ր հոդվածով է դա սահմանվում:

Կիմա․

Բարև ձեզ։ Հարցս վերաբերվում է դրոշմանիշային վճարին։ Ես աշխատում եմ համատեղությամբ։ Ճի՞շտ է արդյոք, որ մեկ աշխատողից պահվի դրոշմանիշային վճարը, ընդ որում 11 000դրամ։ Կարո՞ղ եմ մի աշխատավայրի գումարը օրենքով հետ պահանջել։ Շնորհակալություն։

Անահիտ․

Հարգելի հաշվապահներ, աշխատակիցը միաժամանակ աշխատում է 2 գործատուի մոտ, որոնցից մեկը իր հիմնական գործատուն է, իսկ երկրորդը համատեղություն է 0,5 դրույքով։ Արդյո՞ք երեխայի խնամքի արձակուրդում գտնվելու ժամանակահատվածում 3 000 դրամ ամսական վճարվող սոց. վճարը պետք է վճարվի երկու գործատուների կողմից, թե՞ վճարում է միայն հիմնական գործատուն։ Շնորհակալ եմ, հնարավորություն դեպքում նաև խնդրում եմ տրամադրեք օրենքից հղում։

Անահիտ․

Բարև Ձեզ։ Խնդրում եմ նշել՝ ինչպե՞ս է կատարվում մայրության նպաստի հաշվարկը, եթե անձը բացի հիմնական աշխատավայրից, համատեղությամբ աշխատում է նաև այլ գործատուի մոտ։ Շնորհակալություն։

Սոֆյա․

Բարև Ձեզ, հարգելի հաշվապահներ։ ՍՊԸ-ի տնօրենը տվյալ կազմակերպությում կատարում է նաև դասընթացավարի աշխատանք (պայմանագրին կից համաձայնագրով): Նա հոկտեմբերի 01-ին տեղափոխվելու է արտերկիր վերապատրաստման ծրագրով: Սակայն շարունակելու է աշխատել որպես դասընթացավար հեռավար: Իսկ նոյեմբեր ամսին գնալու է մայրության արձակուրդի, բայց շատ հավանակն է, որ այդ ժամանակ դեռ վերադարձած չի լինի: Ի՞նչ անել․

1. Տնօրենի համար ուղարկել ճշտված գրանցամն հայտ և դադարեցում տալ տնօրենի աշխատանքին, սակայն շարունակի մնալ որպես դասընթացավար: Արդյոք կարո՞ղ է նա որոշ ժամանակ հեռավար աշխատել որպես դասընթացավար

2. Նշանակել տնօրենի ժամանակավոր պաշտոնակատար:

3. Պե՞տք է արդյոք զբաղվել տնօրենի մայրության արձակուրդի ձևակերպման հարցերով, եթե արտերկրից մեզ ուղարկվի անաշխատունակության թերթիկ: Կա՞ն արդյոք գումարը վճարելու ժամկետներ այդ մասով, եթե աշխատակիցը հանրապետությունից բացակայում է:

Հովհաննես․

Բարև ձեզ, ես համատեղությամբ աշխատում եմ երկու դպրոցում։ 11 ժամ մի դպրոցում, 16 ժամ մյուս դպրոցում։ Ուզում եմ իմանալ՝ օրենքով թույլատրվու՞մ է արդյոք 5-օրյա աշխատանքային շաբաթվա մեջ 2 օր գնալ մի դպրոցը, 3 օր՝ մյուս դպրոցը։ Կա՞ ամրագրված օրենք աշխատանքային օրենսգրքում։ Կանխավ շնորհակալություն։

Արթուր․

Բարև Ձեզ, պատասխանեք խնդրեմ․ համատեղությամբ իրականցված աշխատանքի ժամանակահատվածը կարո՞ղ է հաշվարկվել երկարամյա ծառայության աշխատանքային կենսաթոշակ նշանակելու դեպքում։

Միլենա․

Բարև Ձեզ։ Խնդրում եմ օգնեք՝ արդյո՞ք համատեղությամբ աշխատողների արձակուրդը կիսվում է (20 աշխատանքային օրից դառնում է 10)։

Շուշան․

Բարև ձեզ, համատեղությամբ աշխատողը գնացել է հղիության և մայրության արձակուրդ, ներկայացրել բուլետենի պատճենը, ստացել է իր նպաստի գումարը հիմնական աշխատավայրից, հիմա հարց՝ եկամտային հարկի հաշվետվությունում ի՞նչ պետք է գրի գործատուն, եթե ինքը չի վճարել, միայն նպաստի ամսաթվերը լրացնել չի թողնում:

Եվա․

Բարև Ձեզ, խնդրում եմ կասե՞ք՝ համատեղությամբ աշխատանք համարվու՞մ է մեկ աշխատանքի վայրում աշխատանքային պայմանագրով աշխատելը, մյուսում քաղաքացիաիրավական պայմանագրով։

Մերի․

Բարև Ձեզ։ Երբ վարձու աշխատողը համատեղությամբ է աշխատում, և արդեն 1 գործատուն հաշվարկել և վճարել է մայրության նպաստը, 2-րդ գործատուն նպաստը հաշվարկելիս վերցնում է միայն ի՞ր վճարած եկամուտները։ Եվ 1-ին գործատուի կողմից վճարած նպաստը հանում ենք հիմնական գործատուի հաշվարկած նպաստի գումարից, վճարում տարբերությու՞նը։

Անի․

Բարև Ձեզ։ Ես գիտեմ, որ օրենքը թույլ է տալիս համատեղությամբ աշխատել օրը 12 ժամ (ներառյալ հանգստի ժամերը և ընդմիջումը), բայց նաև շաբաթվա կտրվածքով 48 ժամ։ Այսինքն, ես չե՞մ կարող շաբաթվա մեջ աշխատել 5 օր 12- ական ժամով, քանի որ այն կգերազանցի 48 ժամը և կկազմի 60 ժամ։ Խնդրում եմ նշել` այդ դեպքում ես ինչպիսի՞ պայմանագիր պետք է կնքեմ, որպեսզի հնարավորություն ունենամ աշխատել շաբաթական 60 ժամ երկու տարբեր աշխատավայրերում։ Նախապես շնորհակալ եմ։

Աննա․

Հարգելի հաշվապահներ, աշխատակիցը աշխատում է համատեղությամբ, մյուս աշխատավայրից հաշվարկվել և վճարվել է նպաստի գումարը, կասե՞ք՝ մյուս գործատուն taxcervicov ինչ որ հաշվետվություն ունի՞ ներկայացնելու, կանխավ շնորհակալ եմ։

Լիլիթ․

Բարև Ձեզ, հարգելի հաշվապահներ։ Խնդրում եմ մի հարցում օգնել։ 20/04/2022թ.ից ընդունվել եմ աշխատանքի մանկապարտեզում, որպես հաշվապահ 0,5 դրույքով։ Համատեղությամբ աշխատում եմ նաև դպրոցում` ուսուցչի օգնական 1 դրույքով։ Կնքվել է աշխատանքային պայմանագիր։ Իսկ ես գիտեմ, որ ըստ այդ պայմանագրի իրավունք ունեմ աշխատելու 1,5 դրույք։ Հնարավո՞ր է, եթե այս տարի հաշվապահի հաստիքը ավելացնեն, պայմանագիրս փոխեմ քաղ. իրավական։ Խնդիր չի՞ առաջանա։ Եվ կասե՞ք կարգը։ Նախապես շնորհակալություն։

Գայանե․

Բարև Ձեզ, ես ունեմ էսպիսի մի հարց․ կարո՞ղ եք ինձ օգնել, եթե ես հաշվապահ եմ և լրիվ դրույքով գրանցված եմ կազմակերպությունում, այսինքն շաբաթական 40 ժամ, կարո՞ղ եմ նաև գրանցվել երկու այլ կազմակերպություններում կես-կես դրույքով։

Անա․

Բարև Ձեզ, կխնդրեյի պատասխանել իմ հարցին․ ԱՁ, որը իրականացնում է ծառայությունների մատուցում ՏՏ ոլորտում, կարո՞ղ է համատեղությամբ աշխատել երկու տարբեր կազմակերպությունների հետ, նշեմ, որ աշխատանքը իրականցվելու է ՀՀ տարածքից դուրս, իսկ աշխատաժամանակը 2 աշխատանքի պարագայում էլ 8 ժամ է, ամբողջ դրույք։ Այս պարագայում հնարավո՞ր է արդյոք 2 աշխատանք իրականացնելը։

Հայկ.

Բարրև Ձեզ։ Դրոշմանիշային վճարը հաշվարկելու դեպքում համատեղության կարգով և հիմնական աշխատանքների աշխատավարձերը գումարվու՞մ են, թե ամեն աշխատանքի համար առանձին առանձին է հաշվարկվում դրոշմանիշային վճարը։ Օրինակ ես աշխատում եմ համալսարանում դասախոս և համատեղության կարգով նույն համալսարանի գիտահետազոտական մարմնի գիտաշխատող։ Առաջին վայրում աշխատավարձը 191 000 է, իսկ 2-րդում 50 000 դրամ։ Ասում են, որ այս երկու աշխատավարձերը գումարվում են, և դրոշմանիշային վճարը կազմում է 5500 դրամ, եթե առանձին են հաշվում, լինում է 3500 դրամ, այսինքն 50 000 դրամի պարագայում չի գանձվում։ Խնդրում եմ նշել՝ ո՞ր օրենքով է կարգավորվում։ Խնդրում եմ պատճառաբանված պատասխան, քանի որ ես գտնում եմ, որ առանձին պետք է ամեն վայրում հաշվարկվի։

Աննա.

Հարգելի հաշվապհներ, եթե աշխատողի գրանցման հայտում նշվել է ոչ լրիվ աշխատաժամանակ, շաբաթական ժամը 12 ժամ, և նշվել համատեղությամբ աշխատանք, սա նորմա՞լ է։

Սոնա.

Հարգելի գործընկերներ, ողջույն։ Եթե ունենք հերթափոխային շաբաթական 40 ժամ գրանցված աշխատակից, ով նաև ուզում է ներքին համատեղությամբ այլ հաստիք նույնպես զբաղեցնել, ինչպե՞ս կարող ենք իրականացնել գրանցման գործընթացը, կամ այն հնարավո՞ր է, թե՞ ոչ, քանի որ, ըստ աշխատանքային օրենսգրքի նույն կամ տարբեր գործատուների մոտ համատեղությամբ կարող է օրական 12 ժամ աշխատել։ Կանխավ շնորհակալ եմ։

Արմինե.

Բարև Ձեզ: Մեկ հարց ունեմ՝ հնարավո՞ր է որ նույն գործատուի մոտ աշխատողը լինի ձևակերպված և՛ որպես համատեղությամբ աշխատող, և՛ ՔԻՊ-ի հիմունքով՝ տարբեր ծրագրերով։ Կանխավ շնորհակալ եմ։

Մարիաննա.

Բարև Ձեզ։ Համատեղությամբ աշխատելու դեպքում, ո՞ր դեպքում է հասնում արձակուրդային և վերջնահաշվարկ։

Արմինե.

Բարև Ձեզ։ Կարո՞ղ եք պարզաբանել, արդյոք պարտադի՞ր է համատեղությամբ աշխատողին ապահովել ամսական մինիմալ աշխատավարձով։ Կանխավ շնորհակալ եմ։

Արմինե.

Բարև Ձեզ։ Խնդրում եմ պարզաբանել՝ հնարավո՞ր է արդյոք, աշխատողը հիմնական աշխատավայրում աշխատի 4 ժամ/օր, իսկ համատեղությամբ մեկ այլ գործատուի մոտ՝ 8 ժամ/օր։ Այսինքն՝ չգերազանցի 12-ժամյա օրական տևողությունը։ Խնդրում եմ նաև ԱՕ կանոնակարգող հոդվածի համարն էլ հուշեք։ Շնորհակալություն։

Արտյոմ.

Բարև Ձեզ։ Պետք է ընդունենք մաքրուհի, աշխատելու է ամեն օր 1 ժամ, ստանալու է ամսական 10 000 դրամ աշխատավարձ։ Միաժամանակ ինքը աշխատում է մի քանի տեղերում նման գրաֆիկով։ Հարց․ ինչպե՞ս ձևակերպել, քանի՞ ժամ նշել տեղեկագրում և ինչպե՞ս վարձատրել։ Շնորհակալություն։

Անահիտ.

Բարև Ձեզ։ Եթե աշխատակիցը մեկ այլ տեղ անցել է աշխատանքի ոչ լրիվ աշխատաժամանակով, իսկ հիմնական աշխատավայրում լրիվից դարձել է ոչ լրիվ աշխատաժամանակով աշխատող, գրանցման հայտում հիմնական աշխատավայրի համար պե՞տք է նշել համատեղությամբ՝ այո, թե՞ մնա՝ ոչ։

Անահիտ Ղարիբյան.

Բարև Ձեզ։ Կասեք՝ հաշվապահները կարո՞ղ են աշխատել մի քանի դպրոց ր մանկապարտեզում՝ համատեղելով, գերազանցելով 12 ժամը՝ օրական։ Շնորհակալություն։

Լիլիթ․

Բարև ձեզ։ Աշխատողը աշխատում է հունիսի 14-ից համատեղությամբ շաբաթական 10 ժամ, 5 օրյա, ամսական աշխատավարձը 40 000դ։ Օգոստոսի 3-ին գնալու է արձակուրդ։ Ինչպե՞ս պետք է որոշեմ միջին աշխատավարձը։

Շուշան Դարբինյան.

Կարո՞ղ է արդյոք աշխատողը համատեղությամբ աշխատել 18-ից մինչև հաջորդ օրվա ժամը 18-ը, ժամը 24-ից մինչև հաջորդ օրը ժամը 24-ը։ Շնորհակալություն։

Կիմա․

Բարև ձեզ, հարգելի մասնագետներ։ Ճի՞շտ է, որ համատեղությամբ աշխատողին մայրության նպաստը պետք է վճարի հիմնական աշխատավայրի գործատուն։ Ասեմ, որ հիմնական աշխատավայրում աշխատավարձը 88 000դրամ է, իսկ համատեղությամբ ստանում է 250 000դրամ։ Կարո՞ղ է նպաստը վճարել մյուս գործատուն, որտեղ աշխատավարձի չափը մեծ է։
Եվ ես մեկ հարց․ եթե աշխատակիցը եղել է երեխայի խնամքի արձակուրդում և պետք է վերադառնա աշխատանքի, ունի ամենամյա չօգտագործված արձակուրդային օրեր։ Խնդրում եմ ասեք՝ ինչպե՞ս լրացնեմ 12 ամիսները, ինչպե՞ս հաշվել արձակուրդայինը։ Շնորհակալություն

Ռուզաննա․

Բարև Ձեզ։ Խնդրում եմ պատրաստել՝ արդյո՞ք փոխտնօրենը կարող է աշխատել կես դրույքաչափով, օրը 4 ժամ, համատեղության կարգով։
Կանխավ շնորհակալ եմ։

Լիլիա.

Բարև ձեզ: Անընդմեջ հերթապահության ռեժիմով (24 ժամ) աշխատողը կարո՞ղ է համատեղության կարգով աշխատել այլ գործատուի մոտ և ի՞նչ պայմաններով: Կանխավ շնորհակալություն:

Կիմա.

Բարև Ձեզ, հարգելի մասնագետներ։ Օպերատորը աշխատում է 2 դպրոցում, 2֊էլ 0,75 դրույքով։ Հարցս հետևյալն է՝ աշխատաժամանակի հաշվառման տեղեկագրի մեջ պետք է գրվի օրական 6ժամ, թե՞ 4ժամ։ Շնորհակալություն։

Սուսաննա.

Բարև ձեզ։ Ասացեք, խնդրում եմ, համատեղությամբ աշխատանքի ժամաքանակը: Ճի՞շտ եմ արդյոք՝ մի գործատուի մոտ 40 ժամ, մյուսի մոտ 20 ժամ, թե՞ երկու գործատուի մոտ էլ 20 ժամ։

Լուսի.

Արդյո՞ք միևնույն գործատուի մոտ երկու տարբեր աշխատանքային պայմանագրերով աշխատող անձը կարող է օգտվել արձակուրդի իր իրավունքից, երկու տարբեր աշխատանքային պայմանագրերով հասանելիք արձակուրդային օրերի գումարային հաշվարկի մեթոդով, թե՞ միաժամանակ պահպանելով երկու աշխատանքային պայմանագրերով հասանելիք արձակուրդի բոլոր օրերի համար վճարվելու իրավունքը։

Ալլա.

Բարև ձեզ։ Կարո՞ղ է մանկապարտեզի երաժշտության դաստիարակը՝ 0.75 դրույթով աշխատող, համատեղության կարգով շաբաթը 3օր աշխատել մասնավոր մանկապարտեզում։

Կիմա․

Բարև ձեզ, հարգելի մասնագետներ։ ճի՞շտ է, որ համատեղությամբ աշխատանքի դեպքում մայրության նպաստը պետք է վճարի հիմնական աշխատավայրի գործատուն։ Այդ դեպքում ինչպե՞ս պետք է հարկային հաշվետվությունը լրացնի այն գործատուն, ով չունի մայրության նպաստի թերթիկը։ Շնորհակալություն։

Գայանե․

Բարև ձեզ։ Եթե աշխատողը համատեղությամբ է աշխատում, աշխատանքից ազատվելու ժամանակ տվյալ աշխատակցին վերջնահաշվարկ հասնու՞մ է, թե՞ ոչ։

Արուս․

Բարև Ձեզ, հարգելի հաշվապահներ։
Համատեղությամբ աշխատող եմ, հիմնական աշխատավայրում կեղտոտ աշխատավարձը կազմում է 111 600 դրամ, ապրիլից ընդունվել եմ այլ աշխատանքի՝ կեղտոտ 601 250 դրամով: 06.07.2022թվականից գտնվելու եմ ֆիզարձակուրդում։ Խնդրում եմ կասեք՝ ինչքա՞ն կկազմի մայրության գումարը։
Շնորհակալ եմ։

Գայանե․

Համատեղությամբ աշխատողն ազատվելիս հիմնական տեղից ստանու՞մ է արդյոք արձակման նպաստ։

Անի․

Բարև Ձեզ։
1․ ՀՀ ԱՕ-ի 139 հոդվածի 4-րդ մասի համաձայն արդյոք կարո՞ղ եմ 24 ժամյա գրաֆիկով ընդունել աշխատանքի՝ ոչ լրիվ աշխատաժամանակով՝ 12 ժամ տևողությամբ, հաշվի առնելով ՀՀ աշխատանքային օրենսգրքի 155-րդ հոդվածի 5-րդ մասը՝ 5. Ամենշաբաթյա անընդմեջ հանգիստը չպետք է պակաս լինի 35 ժամից: Սույն հոդվածի 2-4-րդ մասերով նախատեսված դեպքերում տրամադրվող երկու հանգստյան օրերը պետք է հաջորդեն իրար:
Արդյո՞ք աշխատաժամանակի ռեժիմի խախտում չէ։
2․ Եթե համատեղությամբ աշխատողի աշխատաժամանակը պակաս է օրական 4 ժամից, կարո՞ղ եմ ընդմիջում չներառել, հաշվի առնելով, որ ընդմիջումը տրամադրվում է աշխատանքային օրվա կեսից հետո, բայց ոչ ուշ քան աշխատանքը սկսելուց հետո 4 ժամից։

Արմինե.

Բարև Ձեզ։ Ես մի հարց ունեմ, որ մի քանի ամիս է փնտրտուքների մեջ եմ և հստակ պատասխան չեմ կարողանում իմանալ։ Հարցս հետևյալն է. հունվարի 21-ից ես ֆիզարձակուրդի մեջ եմ։ Միաժամանակ աշխատել եմ 2 դպրոցում։ Մի դպրոցում փոխարինող եմ եղել, մյուսը՝ հիմնական աշխատավայրս է եղել։ Ես, որ ֆիզարձակուրդ գնացի, ինձ ասացին, որ 2 դպրոցից էլ ստանալու եմ արձակուրդային գումարս (նախածննդյան և հետծննդյան)։ Այդպես էլ եղավ։ Բայց հիմա ես փաստի առաջ եմ կանգնել, խնդիրը նրանումն է, որ փոխարինող դպրոցի հիմնական աշխատողը եկել է և ես ազատվել եմ այդ դպրոցից։ Հիմա պետությունն ուզում է ինձնից գանձելու այդ դպրոցի տրված գումարը։ Ասեմ, որ փոխարինող դպրոցի ժամաքանակն ու աշխատավարձի չափը փոխանցվել է հիմնական աշխատավայր։ Եվ ուզում եմ իմանալ՝ արդյո՞ք դա ճիշտ է, որ պետք է ինձնից գանձեն փոխարինող դպրոցի գումարը։

Մելինե․

Բարև Ձեզ։ Ցանկանում եմ ինձ տեղեկացնեք մայրության և անաշխատունակության նպաստի հաշվարկման վերաբերյալ մի քանի նրբություններ: Ինքս աշխատում եմ արդեն մոտ 3 տարի որպես հիմնական աշխատող X գործատուի մոտ, 2022 թվականի հունվարի 14-ից աշխատում եմ նաև Y գործատույի մոտ, մի փոփոխությամբ՝ X գործատույի մոտ համատեղությամբ է հաստիքս, իսկ Y գործատույի մոտ հիմնական։ Ասացեք խնդրեմ՝ ինչպե՞ս պետք է կատարվի ինձ վերաբերվող (մայրության, անաշխատունակության) նպաստների հաշվարկները: Արդյոք ո՞ր գործատույից եմ ստանալու ինձ վճարվելիք գումարները, ի՞նչ տվյալներ պետք է ընդգրկվեն, պե՞տք է X գործատույից տվյալներ վերցնել, միջին աշխատավարձ ինչպե՞ս են ստանալու։ Մանրամասն խնդրում եմ պատասխանել, եթե կարող եք:
Կանխավ շնորհակալություն։

Բարև ձեզ։ Եթե կինը անհատ ձեռներեց է և համատեղությամբ աշխատում է նաև այլ ընկերությունում, ապա նպաստի հիմք հանդիսացող միջին ամսական աշխատավարձը հաշվարկվում է այդ ընկերության միջին ամսական աշխատավարձին ավելացրած, որպես ԱՁ 43038 դրամ (նվազագույն աշխատավարձի 50%-ը)։ Ճի՞շտ եմ հասկացել, այո։

Մարինե․

Կազմակերպությունում պահակներն աշխատում են 18։00-ից հաջորդ օրը 08։00-ն, այդ օրը գնում են տուն հանգստանում, երրորդ օրը 18։00-ից նորից աշխատանքի են, ստացվում է 14 ժամ։ Կասե՞ք՝ ի՞նչ սխալ եմ թույլ տալիս, և ինչպե՞ս կարգավորեմ նրանց հերթափոխային աշխատաժամանակը։ Եվ 2-րդ հարցը․ ԱՕ 139 հոդվածի 5-րդ կետում ասվում է՝ “5. Տարբեր գործատուների կամ նույն գործատուի մոտ երկու և ավելի աշխատանքային պայմանագրերով աշխատողի ամենօրյա աշխատաժամանակի տևողությունը (ներառյալ` հանգստի և սնվելու համար ընդմիջումները) չի կարող անցնել օրական 12 ժամից:” Արդյո՞ք ճիշտ եմ հասկանում, որ շաբաթական 40 ժամից անցնում է համատեղությամբ աշխատանքային պայմանագրերի դեպքում։

Անուշ.

Բարև ձեզ: Կասեք` եթե ցանկանում եմ աշխատել համատեղությամբ` մի տեղ լրիվ դրույքով, որպես հատուկ մանկավարժ, իսկ մյուս տեղում ցանկանոմ եմ աշխատել որպես լոգոպեդ, ապա ինչքա՞ն դրույքաչափ է ինձ հասնում /հնարավոր է 0,25 չափով, ես դրա իրավունքն ունե՞մ/, եթե 2-րդ աշխատավայրում ստանում եմ մաքուր 71 000 դրամ, և աշխատելու եմ շաբաթական 3 օր, 2,5 ժամ: Ինչպե՞ս պետք է այն հաշվեն, ինչքա՞ն դրույք է ինձ հասնում:

Լուսինե.

Բարև ձեզ։ Կարող եք ինձ օգնել մի հարցում։ Եթե աշխատում եմ 2 դպրոցում, 2 օր մի դպրոցում, 3 օր մյուս։ 1 շաբաթվա բյուլետինի օրերը 2 դպրոցներում ո՞նց են հաշվելու։ Յուրաքանչյուրն իր օրե՞րը:

Արմինե.

Բարև ձեզ։ Կասե՞ք` եթե աշխատողը նույն գործատուի մոտ ընդունվում է 1,5 դրույքով (8+4 ժամ, շաբաթական ստացվում է 60 ժամ): Ըստ օրենքի մինչև 48ժամ է թույլատրվում, ինչպե՞ս է ճիշտ վարվել։
Եվ մյուս հարցը՝ եթե աշխատողն արդեն 2 ամիս է դիմում է ներկայացրել խնամքի արձակուրդի շարունակման (երեխան դեռ 3տ չկա), արդյո՞ք իրավունք ունի գործատուն որոշակի պատճառաբանություններով մերժել աշխատողին, ով ստիպված շարունակում է մնալ (գիտեմ, որ ըստ օրենքի նման արձակուրդի իրավունք ունեցողին արտահերթ են հատկացնում հասանելիք արձակուրդը և անգամ մեկ օր անհարգելի բացակայելու դեպքում պարտավոր են ազատել): Այս դեպքում ևս ինչպե՞ս վարվել։

Հայկ․

Բարև Ձեզ, խնդրում եմ կասե՞ք՝ եթե հաշվապահը համատեղությամբ աշխատում է ինչ-որ ընկերությունում օրական 2 ժամ հնգօրյա գրաֆիկով, այսինքն շաբաթական 10 ժամ, այս դեպքում կարելի՞ է աշխատանքային պայմանագրում ամսական աշխատավարձը սահմանել մաքուր 30 000 դրամ: