Tag: ընդհանուր դաշտ

Վարդան․

Բարի օր։ Բացել ենք ԱՁ հունվարի 16-ին։ ԱՁ-ն զբաղվելու է ՏՏ ծառայությունների մատուցմամբ։ Դիմում ներկայացնելու 20-օրյա ժամկետը լրացել է կիրակի օրը։ Այսօր կարո՞ղ եմ հարկատեսակի համար դիմում ներկայացնել։

Տիգրան․

Բարև Ձեզ։ Ես շրջանառության հարկով աշխատող ԱՁ եմ, ուզում եմ անցնել ընդհանուր դաշտ։ Պահեստում ունեմ ապրանքային մնացորդ, որը ձեռք եմ բերել ՌԴ-ից և սահմանին վճարել եմ ԱԱՀ։ Ես կարո՞ղ եմ այդ ապրանքը մուտք անեմ որպես սկզբնական մնացորդ։ Դրա համար ինչ որ բան պե՞տք է վճարեմ։ Եվ այդ ապրանքի ԱԱՀ-ն ինձ կհաշվանցեն, թե՞ ոչ։ Եթե հնարավոր է՝ ուղղություն ցույց տվեք՝ ինչ անեմ, որ այդ մնացորդի ձևակերպումը ճիշտ լինի և կրկնակի չհարկվի։

Լիլիթ․

Հարգելի հաշվապահներ, հարցս հետևյալն է․ եթե ՀՀ ռեզիդենտ Ընկերությունը աշխատում է ընդհանուր հարկման դաշտում և ՌԴ ԱՁ-ից ծառայություններ է ստանում, արդյո՞ք պետք է դուրս գրել ինքնահաշիվ և արդյո՞ք ԱՁ ին տրված եկամուտը կհարկվի եկամտային հարկի 20% -ով։ Նշեմ նաև, որ ծառայությունը իրենից ներկայացնում է տեխնիկական փաստաթղթերի ճշգրտում։

Սուսաննա․

ԱԱՀ վճարող ԱՁ-ի սոց․ վճարը հարկվող շահույթի քանի՞ տոկոս է հաշվարկվում։

Գոհար․

Բարև Ձեզ։ Մի քանի հարց ունեմ, խնդրում եմ օգնեք․

1. Եթե ԱՁ կամ ՍՊԸ-ն դադարեցված է եղել, այս տարվա համար պե՞տք է հարկատեսակի համար հայտեր ներկայացնել և փակել 2023-ի տարեկան հաշվետվություններն
2. ԱԱՀ-ով աշխատող ԱՁ-ի շրջանառությունն 0 է եղել։ Տարեկան ի՞նչ հաշվետվություն և հարկային պարտավորություն ունի

Լիանա․

Բարև Ձեզ։ Գյուղացուց փաստաթղթավորված (ոչ էլեկտրոնային) ձեռքբերումը կարո՞ղ ենք շարունակել ծախս ճանաչել։ Հարցս վերաբերում է շրջանառության հարկով և ԱԱՀ- ով հարկվող կազմակերպություններին։

Աշոտ․

Բարև ձեզ։ Եթե ԱՁ-ն ուզում է ՍՊԸ բացել, որտեղ կլինի միակ բաժնետերը և տնօրենը, և աշխատելու է ԱԱՀ-ով, ԱՁ-ն նույնպե՞ս դառնում է ԱԱՀ վճարող, թե՞ ոչ։

Հապետ․

Հարգելի հաշվապահներ, անհատ ձեռնարկատերը 2023թ-ին գործունեություն է իրականացրել ընդհանուր հարկման ռեժիմում: Ինչպե՞ս կարող է տնօրինել ձեռնարկատիրական գործունեությունից ստացված եկամուտը (շահույթը): Խոսքը դրամարկղում առկա գումարներին է վերաբերվում։

Բաբկեն․

Բարև ձեզ, հարգելի հաշվապահներ։ ԱՁ եմ և ունեմ մսի խանութ։ Սխալի պատճառով միկրոձեռնարկատիրությունից անցել եմ ընդհանուր հարկման դաշտ։ Որ խնդրեմ՝ կասե՞ք 260 հաշվետվության լրացման կարգը, և ո՞ր տողում պետք է գրեմ ՀԴՄ շրջանառության թիվը, և մնացած տողերում ի՞նչ լրացնեմ: Նախապես շնորհակալություն:

Աննա․

Խնդրում եմ օգնել հետևյալ հարցում. Հարկման ընդհանուր դաշտում աշխատող ընկերությունը ՀՀ-ում ձեռք բերած դիզելային վառելիքը պետք է վաճառի այլ ընկերության։ Ի՞նչ հարկեր են առաջանում բացի ԱԱՀ-ից և շահութահարկից։ Հարցս վերաբերում է ակցիզային հարկին և բնապահպանական հարկին։

Անահիտ․

Բարև ձեզ։ Օգոստոսի 30-ին ԱՁ ենք գրանցել պետռեգիստրում, էլ ոչինչ չի արվել։ Շրջհարկի դիմում չենք տվել, բացի այն, որ ԱԱՀ պիտի աշխատենք, վարչական է՞լ կգա, որ թեկուզ զրոյական, բայց ԱԱՀ հաշվետվություն չենք ներկայացրել օգոստոս ամսվա համար։

Լիլիթ․

ԱԱՀ վճարողը շահութահարկ վճարելուց հետո վճարում է նաև ԱԱՀ-ի հարաբերությունը շրջանառությանը վճար 4% չափով։ Նմանատիպ հարկային վճար կա՞։ Եթե այո, ապա որտե՞ղ կարելի է այդ մասին կարդալ, ավելի ստույգ։

Աննա․

Հարգելի հաշվապահներ, եթե ՍՊԸ, որն աշխատում է շրջ․ հարկի դաշտում, այս պահի դրությամբ շրջանառության շեմը անցնի 115 000 000 մլն, 2024թ․ կարող է դիմում տալ և նորից աշխատել շրջանառության հարկով։

Հայկ․

Բարև Ձեզ: 2010 թվականից ունենք անշարժ գույքի վարձակալության պայմանագիր՝ հաստատված նոտարով: Ժամանակի ընթացքում պայմանագրի գնի փոփոխություններ են եղել, որոնք չեն հաստատվել նոտարով: Շրջհարկով աշխատելու ընթացքում վարձակալության վճարները ծախս եմ ճանաչել: Այժմ արդեն աշխատում ենք ընդհանուր հարկման դաշտում: Կարո՞ղ եմ արդյոք հաշվանցել ԱԱՀ-ն և գումարը շահութահարկով ծախս ճանաչել: Եթե ոչ, ապա ի՞նչ պետք է անել: Շնորհակալություն։

Արեն․

Բարև ձեզ: Կազմակերպությունը աշխատում է ընդհանուր հարկման դաշտում: Ունի գրանցված ավտոմեքենա: ԱՊՊԱ պատահարի գծով ստացել է փոխհատուցում ապահովագրական ընկերությունից 350 000 դրամ: Հարցս հետևյալն է՝ 350 000 դրամը արդյո՞ք պետք է հարկվի և շահութահարկով և ԱԱՀ-ով։

Տիգրան․

Հարգելի հաշվապահներ, հարցս հետևյալն է. Ա կազմակերպությանը պատկանում է Բ կազմակերպության 100 տոկոս բաժնետոմսերը։ Ա կազմակերպությունը ցանկանում է վաճառել Բ կազմակերպությունում ունեցած ամբողջ բաժնետոմսերը մեկ այլ կազմակերպության։ Արդյո՞ք վաճառքից առաջանալու է շահութահարկ և ԱԱՀ։ Նշեմ նաև, որ Ա կազմակերպությունը գործում է հարկման ընդհանուր դաշտում։

Վլադ․

Բարև ձեզ, հարգելի հաշվապահներ։ Կազմակերպությունը ունի մարդատար ավտոմեքենա, որը շահագործում է տնօրենը, խնդրում եմ ասեք՝ արդյո՞ք բենզինի ԱԱՀ-ն հաշվանցման ենթակա է , մանրածախ առևտուր է, գործում է հարկման ընդհանուր համակարգում։ Շնորհակալ եմ։

Նարինե․

Նորաբաց ՏՏ ոլորտի կազմակերպությունը տվել է շրջ․ հարկ վճարող համարվելու վերաբերյալ հայտարարություն։ Դիմել է հավաստագիր ստանալու համար։ Հավաստագիր ստանալուց հետո որ անցնի հարկման ընդհանուր համակարգի, կարո՞ղ է օգտվել արտոնությունից։

Ընկերությունը զբաղվում է հյուրանոցային գործունեությամբ: Ընկերությունը գործում է ընդհանուր հարկման դաշտում: Տուրիստների գերակշիռ մասը օտարերկյա քաղաքացիներ են: Ինչպիսի՞ օրենսդրական կարգավորումներ են գործում, ի՞նչ առանձնահատկություններ կան հարկման գործընթացում։

Արեն․

Ողջույն, հարգելի հաշվապահներ: Խնդրում եմ օգնել հետևյալ հարցում: Տեղեկատվական տեխնոլոգիաների ոլորտում աշխատող կազմակերպությունը ֆիզիկական անձից վարձով ձեռք է բերել գրասենյակային տարածք առանց նոտարական կամ կադաստրային վավերցման: Ամսական վարձավճարը կազմում է 285 000 դրամ: Կազմակերպությունն աշխատում է ընդհանուր հարկման դաշտում: Պայմանագիրը նշված է 1 տարի ժամկետով: Հիմա խնդրում եմ ասեք՝ կարո՞ղ է կազմակերպությունը ամբողջ տարվա վարձավճարի գումարը նվազեցնել համախառն եկամտից։

Եվ հաջորդ հարցս՝ տարածքը վարձակալությամբ տրամադրվում է ողջ գույքով, ներառյալ համակարգիչներ: Պայմանագրի մեջ որ նշվի՝ տարածքը հանձնվում է ամբողջ գույքով, դա բավարա՞ր է, թե՞ այլ կարգավորումներ կան: Նշեմ, որ 2023 թվականի դեկտեմբեր ամսին վճարվելու է ամբողջ գումարը տարվա և 10 տոկոս հարկը վճարվի, սա անկանխիկի խախտում չի կարող չէ՞ դիտվել, քանի որ 12 ամիսների վճարն է վճարում, թե՞ սխալվում եմ։

Կարեն․

Բարև Ձեզ։ ԱՁ-ն 2022 թվականի 1-ին եռամսյակին աշխատել է շրջ հարկով, այնուհետև ապրիլ ամսին անցել է ԱԱՀ, 2023 թվականին կրկին սկսել է աշխատել շրջ հարկի դաշտում։

Հարց․ 2023 թվականին առաջին եռամսյակի հաշվարկում 2022 թվականին 1-ին եռամսյակի հաշվարկով առաջացած փոխհատուցվող գումարը կներառվի՞, թե՞ ոչ։ Կասե՞ք, թե որ հոդվածով է կարգավորվում այս հարցը։

Աննա․

Ողջույն, հարգելի հաշվապահներ։ Ա/Ձ-ն աշխատում է ընդհանուր հարկման դաշտում, ծառայություններն արտահանում է (0-ական ԱԱՀ) և պետք է դուրս գրի հաշիվ վավերագիր: Եթե ճիշտ եմ հասկանում՝ հաշիվ վավերագիրն դուրս է գրվում ծառայության մատուցումն ավարտելուց, իսկ հարկերն պետք է հաշվել վավերագիրն դուրս գրելու ԿԲ օրվա փոխարժեքով:

Հարցերս հետևյալն են․

1) Կարելի՞ է հաշիվ վավերագիր դուրս գրել նախորդ ամիսների ծառայությունների համար, եթե վարձատրությունն խմբավորված են փոխանցելու

2) Պե՞տք է մանրամասնել հենց որ ամիսների աշխատանքի համար է, թե՞ բավար է պարզապես նշել ծառայության տեսակն ու գումարի չափն

3) ԱԱՀ հաշվետվությունը ներկայացնելուց փաստաթուղթն դուրս է գրելու՞ օրն է էական, թե՞ գումարն հաշվին նստելու: Օրինակ, եթե հաշիվ վավերագիրն դուրս գրվի ամսվա վերջում, սակայն գումարն հաշվին նստի հաջորդ ամիս:

Ռուբեն․

Բարև ձեզ, հարգելի հաշվապահներ: Կազմակերպությունը աշխատում է ընդհանուր հարկման դաշտում: 2022 թ. Հուլիս ամսին պետության կողմից ստացել է լիցենզիա գործունեության իրականացման համար 1 տարի ժամկետով 500 000 դրամ: 2022 թվականի նոյեմբեր ամսին դադարեցրել է գործունեությունը: Հարց՝ ոչ նյութական ակտիվի մաշվածքը 2022 թվականի համար ամբողջությամբ ծախսագրելու դեպքում կլինի՞ որևէ խնդիր։

Sofa.

Բարև Ձեզ, մի հարց․ եթե 2 ՍՊԸ-ի տնօրենը նույն մարդն է 100% բաժնեմասով, կհամարվի փոխկապակցված և հետևաբար ԱԱՀ համարվող, ես շրջ. հարկի հայտ եմ տվել 2023.01.01-ով, ի՞նչ կառաջարկեք անել։ Շնորհակալ եմ նախապես։

Մարգարիտա․

Բարև Ձեզ: ՍՊԸ-ն աշխատում է ԱԱՀ դաշտում: Կազմակերպության բանկային քարտով գնումներ ենք կատարել տարբեր վաճառքի կետերից: Խնդրում եմ պատասխանեք՝ ինչպե՞ս ձևակերպենք ծախսերը, և շահութահարկի հաշվարկում կարո՞ղ եմ նվազեցնել որպես ծախս:

Աննա․

Հարգելի հաշվապահներ, ՍՊԸ աշխատում է հարկման ընդհանուր համակարգում և ունի գործունեության տեսակ՝ կանոնավոր ուղևորափոխադրում, որի հանար մինչ գործունեությունը սկսելը վճարում է պետ․ տուրք, ստանում արտոնագիր յուրաքանչյուր ամիս և իրականացնում գործունեությունը։ Կասե՞ք՝ գործունեության այս տեսակի մասով ինչպե՞ս կատարել ձևակերպումներ: Կանխավ շնորհակալ եմ:

Լիլիթ․

Բարև Ձեզ։ Եթե ՍՊԸ-ն 2022 նոյեմբերին անցել է ԱԱՀ դաշտ, 2023 ի՞նչ հարկով պիտի աշխատի։

Տաթև․

Բարև ձեզ, սիրելի հաշվապահներ։ ՍՊԸ-ն (շրջ. հարկով աշխատող - տարեկան շրջանառությունը մոտ 100 մլն) ծառայություն է մատուցում ինչ-որ կազմակերպության, միևնույն ժամանակ այդ կազմակերպությունը վարձակալում է ՍՊԸ-ի տնօրենի ամուսնուն պատկանող բնակարանը (տարեկան մոտ 30 մլն)։ Արդյո՞ք նրանք կճանաչվեն փոխկապակցված հարկ վճարողներ և կանցնեն ԱԱՀ-ի դաշտ։

Մելինե․

Բարև ձեզ։ Շրջհարկի դաշտից անցել ենք ԱԱՀ հոկտեմբերի 6-ից, հիմա հոկտեմբերի համար ԱԱՀ հաշվարկ ներկայացնելիս արդյո՞ք պետք է համամասնություն կիրառվի հարկման բազայի, հաշվանցման ենթակա ԱԱՀ-ի համար (վերցվի 15 օրվանը)։ Եթե ունեցել ենք ընդամենը 3 հաշիվ վավերագիր դուրս գրած (երբ կարծել ենք, որ շրջհարկով ենք աշխատում ), ու 3 ի դիմացի կողմն էլ ազատված են ԱԱՀ-ից, կարի՞ք կա հաշիվները չեղյալ համարելու և ԱԱՀ-ով նոր հաշիվ գրելու։ Եվ վերջին հարցս՝ այդ ազատված գործարքների մասով գումարը ավտոմատ լրացվում է հաշվարկի մեջ 13Ա-ում, հիմա ես 9Ա-ն այդքանով պակաս պե՞տք է լրացնեմ, այո՞։ Շնորհակալ կլինեմ, եթե արձագանքեք։

Մելինե․

Հարգելի հաշվապահներ, խնդրում եմ պատասխանել։ Իմ ՍՊԸ-ն 3 ամիս առաջ անցել է ԱԱՀ-ի դաշտ, նոր են ծանուցել։ Հիմա այդ 3 ամսվա համար պետք է վճարել ԱԱՀ և շահութահարկի հաշվարկ կատարել։ Ենթադրենք՝ վերջին 3 ամիսներին եկամուտը եղել է 2 մլն (ամեն ամիս), ԱԱՀ-֊ով ստացված հաշիվ չունեմ, ուրեմն ամեն ամիս պիտի վճարվի 400 000 ԱԱՀ։ Եվ տարիս փակել եմ մաքուր 5 մլն շահույթով, ուրեմն նաև 5 մլնի 18 % էլ պիտի վճարեմ, այո՞։ Ճի՞շտ եմ ներկայացնում կոպիտ հաշվարկով։ Շնորհակակություն։

Գրիգոր․

Բարև Ձեզ: Կառուցապատող կազմակերպությունը մի քանի տարի առաջ շենք է կառուցել, աշխատել է ընդհանուր հարկման դաշտում: Կառուցված բնակարաններից մի քանիսը չի վաճառել։ Կարո՞ղ է արդյոք 2023թ,-ի աշխատել շրջանառության հարկով, 2022թ․ շրջանառությունը չի գերազանցել 115 մլն. դրամը:

Աննա.

Հարգելի հաշվապահներ, կազմակերպությունը աշխատում է հարկման ընդհանուր համակարգում, սակայն ոչ մի տեսակ գործունեություն չի իրականացվել, 0-ական հաշվետվությունները ներկայացվել է։ Կա՞ տարեկան հաշվետվություններ ներկայացնելու։ Կանխավ շնորհակալ եմ:

Սյուզի․

Բարև Ձեզ: Խնդրում եմ ասացեք՝ նշվածներից ո՞ր դեպքում է ՍՊԸ-ն վճարում շահաբաժին, եթե այն գործում է ՝ 1. Ընդհանուր հարկման 2. Շրջհարկի 3. Միկրոձեռնարկատիրության հարկման դաշտում:

Իմ իմացությամբ նշվածներից միայն 1. Ընդհանուր հարկման դեպքում է ՍՊԸ-ն վճարում շահաբաժին: Խնդրում եմ գրեք Ձեր կարծիքը:

Ռուբեն․

Բարեւ ձեզ։ Եթե ընդհանուր հարկման դաշտում աշխատող կազմակերպությունը ֆիզիկական անձից վարձակալությունով վերցրել է տարածք անհատույց հիմունքներով, կա՞ որևիցե հարկ, որ կարող է առաջանալ տվյալ դեպքում։

Հայկ․

Բարև Ձեզ: Ունեմ 2 հարց, կխնդրեմ օգնել:

Հարց 1. ՍՊԸ-ն այս տարվա նոյեմբերի 1-ից շրջհարկի համակարգից անցել է ԱԱՀ-ի համակարգ: Արդյո՞ք պետք է ներկայացնել և ԱԱՀ-ի ամսական հաշվարկը՝ նոյեմբեր ամսվա համար, և նաև շրջհարկի հաշվետվությունը 2022թ. 4-րդ եռամսյակի համար:

Հարց 2. ԱԱՀ-ի 260 ձևը լրացնելիս ԱԱՀ-ի դեբետ բաժնում համակարգը ավտոմատ լրացնում է ձեռքբերումների գումարը, ցանկանում եմ իմանալ՝ արդյո՞ք այդ հաշվարկում ներառվում են ինվոյսինգում ստացված այն հաշիվների հանրագումարը, որոնց մատակարարման ամսաթիվը նոյեմբեր ամսվան է պատկանում:

Նախապես շնորհակալություն։

Սիրան․

Բարև Ձեզ։ ՏՏ ոլորտի Ա/Ձ-ն, ով ունի հավաստագիր և աշխատում է հարկման ընդհանուր համակարգում, վճարու՞մ է արդյոք սոց․ վճար, և եթե այո, ապա ո՞ր հաշվետվությունը պետք է ներկայացնի։ Նախապես շնորհակալություն։

Թամ. Շրջանառության հարկի համակարգից հարկման ընդհանուր համակարգ անցնելիս՝ ծախսերի գծով չնվազեցված մասը ինչպե՞ս է ներառվում շահութահարկի հաշվարկում։

Մաշա․ Ողջույն, հարգելի հաշվապահներ։ Երբ մանրածախ առևտրային գործունեություն իրականացնող սուպերմարկետը, որը գործում է հարկման ընդհանուր համակարգում, վարձակալությամբ է հանձնում տաղավարներ, ԱՁ համարվող կազմակերպությունների ( բանջարեղենի , առևտուր , դեղատուն ), ճի՞շտ եմ հասկանում, որ տվյալ դեպքում սուպերմարկետի կողմից պետք է դուրս գրվի հարկային հաշիվ և հարկվի 20% ԱԱՀ։

Նանո․ Բարև Ձեզ, հարգելի գիտակ հաշվապահներ, խնդրում եմ օգնել, առաջին անգամ եմ հաշվարկելու ՍՊԸ-ի շահութահարկը, փորձեմ տալ մաքսիմալ շատ ինֆո․ կազմակերպությունն ԱԱՀ-ով աշխատող է, 2021 թ. դուրս է գրել 13 մլն հաշիվ, ստացել է 7 մլնի, ինչպես նաև պարզեցվածով աշխատող կազմակերպությունից 3 մլն ծառայության հաշիվ, ունի երկու ամսվա վարձակալության վճար 500 000, աշխատողներ 2 հոգի, ուզում եմ հասկանալ՝ այսքան ինֆորմացիայով կարո՞ղ եք օգնել, եթե պետք լինի՝ այլ ինֆո էլ կտրամադրեմ։

Արթուր․ Բարև Ձեզ։ ԱՁ ն աշխատում էր շրջանառության հարկով, սակայն չի ներկայացրել հայտարարություն և անցել է ԱԱՀ դաշտ, հնարավո՞ր է նորից անցում կատարել շրջհարկի դաշտ, թե՞ ավելի լավա կասեցվի։ Եվ եթե ԱԱՀ ի դաշտում է աշխատում և գյուղացուց երկողմանի գնման ակտով գնում է կանաչեղեն, դրա համար հարկվում է 10%՞ Եվ երրորդ հարցս․ եթե շրջհարկի դաշտում է աշխատել և վերջին եռամսյակն էլ չի ներկայացրել շրջհարկի հաշվետվություն, հիմա էլ անցել է ավտոմատ ԱԱՀ ի դաշտ, ինչպե՞ս պետք է հաշվետվությունները ուղարկել, որ ճիշտ ստացվի։

Լիաննա․ Հարգելի հաշվապահներ, ՍՊԸ֊ն , որն ստեղծվել է 2021թ֊ին, չի տվել շրջհարկի հայտարարություն, անցել ա հարկման ընդհանուր դաշտ, սակայն ոչ մի գործունեություն չի ծավալել, շրջանառություն չի ունեցել, այժմ 2022թ֊ին տվել է շրջհարկի հայտարարություն և պատրաստվում է ակտիվ գործունեություն ծավալել։ Հիմա հարցս` 2021թ֊ի համար որևէ հարկային պարտավորություն, որևէ հաշվետվություն ունի՞ ուղարկելու։ Ուղարկվել է միայն տնօրենի գրանցման հայտ և ամսական եկամտայինները՝ զրոյականով։

Մարիա․ Հարգելի հաշվապահներ, ԱՁ-ն 2021թ-ին աշխատել է ընդհանուր հարկման դաշտում (շահութահարկ և ԱԱՀ)։ Համաձայն ՀՕ հոդված 135՝ պետք է կատարեր շահութահարկի կանխավճարներ, սակայն չի կատարել։ Հիմա, երբ արդեն պարզ է շահութահարկի գումարը, ստացվել է այնպես, որ կանխավճարների գումարը ավելի մեծ է, քան փաստացի շահութահարկի գումարը։ Հարցը հետևյալն է՝ ԱՁ-ն պետք է մարի պարտավորությունը շահութահարկի կանխավճարների գումարի չափով, հետո ավել մասը ետ ստանա, թե՞ կարող է վճարում կատարել փաստացի շահութահարկի չափով։ Շնորհակալություն։

Ռոման․ Բարև ձեզ: Կազմակերպությունը աշխատում է ընդհանուր հարկման դաշտում: Վաճառում է միս: Արդյո՞ք իրավունք ունի ինքնարժեքից պակաս վաճառել միսը, եթե այո, ապա ո՞ր դեպքերում։

Նարինե. Բարև Ձեզ: Ես Ա/Ձ եմ, աշխատում եմ ԱԱՀ դաշտում: Կասե՞ք` ինչ սոցիալական վճարներ ունեմ կատարելու: Շնորհակալություն:

Վարդան․ Բարև Ձեզ, հարգելի հաշվապահներ։ Հարցս հետևյալն է․ ԱՁ-ն միկրոձեռնարկատիրության սուբյեկտ է։ Զբաղվում է օղու արտադրությամբ։ Հիմա ցանկանում է աշխատել ԱԱՀ-ով վաճառքի դժվարություններից խուսափելու համար։ Խնդրում եմ ասել՝ ի՞նչ քայլեր են հարկավոր անել։