Tag: դեկրետ

Արփի. Բարև ձեզ, հարգելի հաշվապահներ։ Խնդրում եմ օգնեք ճիշտ հաշվարկել արձակուրդայինը. ուսուցիչը 08.01.2020թ.-ից գնացել է ֆիզարձակուրդ, որից անմիջապես հետո գնացել է մինչև 3 տարեկան երեխայի խնամքի արձակուրդ: Վերադարձել է աշխատանքի 20.03.2022թ-ին: 01.07.2022թ-ից նրան պետք է տրվի ամենամյա արձակուրդ 35 օր տևողությամբ։ Հարսց հետևյալն է` ամենամյա արձակուրդը հաշվարկելու համար ո՞ր ամիսների հիման վրա պետք է ձևավորվի միջին ամսական աշխատավարձը. նա 2022թ-ին ունի աշխատած 3 լրիվ ամիս /ապրիլ, մայիս, հունիս/ “Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով:” Այս դեպքում ինչպե՞ս ենք որոշում միջին ամսական աշխատավարձը:

Աննա. Բարև ձեզ։ Երբ երեխան ծնվում է, մենք նորի՞ց պետք է բուժհաստատության կողմից տրված հետծննդաբերական անաշխատունակության թերթիկ ներկայացնենք գործատուին։ Եվ դրանից հետո 2 տարի կարո՞ղ ենք գտնվել արձակուրդում։

Անի. Հարգելի հաշվապահներ, հուլիսի մեկին աշխատակիցս բերել է մայրության նպաստի թերթիկ, միջինի հաշվարկի համար հունիս ամիսը մտնու՞մ է: Իսկ վճարումը քանի՞ օրվա մեջ է կատարվում։

Անուշ. Բարև Ձեզ։ Հարգելի հաշվապահներ, աշխատում եմ կազմակերպությունում որպես տնօրեն (նշեմ, որ նաև կազմակերպության հիմնադիրն եմ), որը հանդիսանում է միկրոձեռնարկություն։ Շուտով պետք է ֆիզ․ գնամ։ Եթե հնարավոր է՝ կարո՞ղ եք նշել տվյալ պարագայում ես համարվում եմ վարձու աշխատող, թե՞ ինքնազբաղ անձ։ Ինչպես պետք է հաշվարկվի ֆիզ․-ի գումարը։ Եվ 1-ից ավելի երեխաներ ունենալու պարագայում՝ պե՞տք է միանվագ ստանամ 180 օրվա ֆիզ․-ի գումար, թե՞ նախ ստանում եմ 140 օրվա, իսկ բալիկներիս ծնվելուց հետո ևս 40 օրվա։ Շնորհակալ եմ արձագանքի համար։

Շողեր. Բարև ձեզ: Խնդրում եմ պատասխանել այս հարցին. գրեթե 5 ամիս աշխատելուց հետո գնացել եմ ֆիզ. արձակուրդ ու հիմա, երբ դեռ երեխայի խնամքի արձակուրդում եմ, կազմակերպությունը լուծարվում է: Վճարվու՞մ է արդյոք արձակման նպաստ, ի՞նչ չափով: Ու եթե ես սպասեմ մինչև երեխայի 1 տարեկանը լրանալը, ապա կողմերի համաձայնությամբ լուծենք պայմանագիրը, այդ դեպքում նույնպե՞ս կվճարվի արձակման նպաստ և կկատարվի վերջնահաշվարկ: Նախապես շնորհակալ եմ:

Հայկուհի. Բարև ձեզ։ Ինձ օգնեք հաշվել խնդրում եմ. ես ամսական ստանում եմ 68 800դրամ աշխատավարձ և աշխատում եմ հերթափոխով՝ 1օր տանն եմ, մի օր աշխատանքի, շաբաթ և կիրակի հանգիստ չկա։ Ես ինչքա՞ն ֆիզարձակուրդի գումար կստանամ։

Արմինե. Բարև Ձեզ։ Եթե աշխատակիցը գնալու է ֆիզարձակուրդ, բայց իրեն լավ է զգում և ուզում է դեռ ներկայանալ աշխատանքի, հնարավո՞ր է դա արդյոք։

Մերի. Բարև ձեզ։ Քաղիրավական պայմանագրով աշխատող եմ և ունեմ գյուղի գրանցում, սակայն չեմ բնակվուն այնտեղ։ Ֆիզի դեպքում ի՞նչ որ բան վճարվելու է, թե՞ ոչ։

Սոֆյա. Հարգելի հաշվապահներ, եթե ԱՁ-ն որոշել է ժամանակավոր դադարեցնել իր գործունեությունը, սակայն ունի մեկ աշխատող ով գտնվում է երեխայի խնամքի արձակուրդում, կարո՞ղ է արդյոք դեկրետայինի գումար հաշվարկել նրան գործունեության դադար տալուց հետո ներկայացրած երկրորդ երեխայի համար:

Աստղիկ. 07.07.2022թ-ին աշխատողը վերադառնում է ֆիզ. արձակուրդից (երեխայի 3 տարին լրանալուց հետո): Մնում է աշխատանքի մեջ, թե՞ արձակուրդային է ստանալու: Ավելացնեմ, որ 2019թ-ին ստացել է իրեն հասանելիք հերթական արձակուրդը:

Անի. Բարև Ձեզ: Եթե ես խնամքի արձակուրդից շուտ եմ վերադառնում՝ մի քանի ամիս առաջ, գնում եմ ընկերություն և տեղեկացնում, որ վերադառնում եմ, ինձ ասում են, որ փոխարինող են բերել, սակայն դեռ հաստիքի պակաս ունեն ու չեն թողնում դիմում գրեմ, ասում են հետո՝ մեկ ամսից, ինձ կարող են ազատել, և դրա համար գումար վճարելու՞ են ինձ, թե՞ ոչ։ Եթե աշխատավայրում անորոշ են պահում, հստակ չեն ասում խնամքի արձակուրդից վերադաձող անձին և անիմաստ սպասեցնում են, ի՞նչ կարող եմ անել ըստ օրենքի։

Վարդուհի․ Բարև ձեզ: Հարգելի հաշվապահներ, այսպիսի հարց ունեմ․ ԱՁ-ն եթե անորոշ ժամկետով կասեցնում կամ լուծարվում է, և այդ ընթացքում 3 տ երեխայի խնամքի արձակուրդում աշխատակից է ունենում, ի՞նչ պետք է անի, ծանուցի աշխատակցին դադարի մասին, եթե վերականգնի գործունեությունը, կարո՞ղ է աշխատակիցը նորից ստանալ խնամքի գումարը։

Սոնա․ Հարգելիներս, ունենք մինչև 3 տարեկան երեխայի խնամքի արձակուրդում գտնվող ուսուցիչ, ում փոխարինող ուսուցիչը նույնպես ծննդաբերել է, նրան նույնպես ձևակերպե՞մ երեխայի խնամքի արձակուրդ, թե՞ ազատեմ աշխատանքից:

Արմիդա․ Բարև ձեզ։ Եթե աշխատողը փետրվարի մեկից դեկրետի մեջ է 140 օրը լրանում է հունիսի 20-ին։ Ի՞նչ պետք է անել՝ ազատել աշխատանքից այդ օրը, թե՞ նշել որ արձակուրդի մեջ է։

Գոհար. Բարև ձեզ, հարգելի հաշվապահներ: Ես առաջին անգամ պետք է ներկայացնեմ ու հաշվարկեմ աշխատողի հղիության և ծննդաբերության արձակուրդի հաշվարկ։ Կխնդրեմ ինձ օգնեք թե ինչպես լրացնեմ հաշվետվությաննների ներկայացման էլեկտրոնային մատյանում։ Աշխատողը աշխատում է 1 տարի, կես դրույք և ստանում է 50 000 աշխատավարձ։ Կխնդրեի նաև ասեիք՝ թե ինչպե՞ս է գործատուն վճարում, իսկ պետությունը երբ և ինչպես է փոխհատուցում։

Հերմինե․ Բարև Ձեզ։ Աշխատում եմ 2 բուժհիմնարկում: Որոնցից մեկը հիմնական, մյուսը` քաղիրավական պայմանագրով: Կասեք՝ ֆիզարձակուրդ գնալիս քաղիրավական աշխատատեղից 1 տարվա աշխատավարձի քաղվածքը ներկայացնեմ հիմնական աշխատավայր, թե՞ միայն հիմանական աշխատավայրի աշխատավարձի հիմնան վրա եմ ֆիզարձակուրդի գումար ստանալու։

Արփի․ Բարև Ձեզ։ Խնդրում եմ նշել՝ եթե կնքված է որոշակի ժամկետով պայմանագիր և աշխատակիցը դեռևս գտնվում է հղիության և ծննդաբերության արձակուրդում, ապա հղիության արձակուրդի վճարումը իրականացվում է պայմանագրի ավարտի ամսաթվով, թե՞ վճարվում է ամբողջական հաշվարկ 140 օրվա համար։ Կխնդրեմ նաև նշել օրեսնդրական հիմքերը։ Շնորհակալ եմ։

Բարև ձեզ։ Մեկ հարց ունեմ. մայրության 140 օրվա նպաստի հաշվարկման համար հիմք հանդիսացող 12 ամիսների ընթացքում եթե եղել են բյուլետենի ամիս և արձակուրդի ամիս, հաշվարկվելու՞ է նպաստի մեջ: Կասե՞ք կարգը։ Նախապես շնորհակալ եմ։

Բարև Զեզ։ Եթե աշխատակիցը գտնվում է ֆիզարձակուրդում, 2 տարին նպաստ է ստանում, երրորդ տարին նույնպես գտնվում է մայրական խնամքի արձակուրդում, այդ վերջին 1 տարին աշխատանքային ստաժ համարվու՞մ է, թե՞ չի համարվում։

Ռուբ․ Բարև ձեզ։ Աշխատակիցը 22.04.2022-ին ներկայացրել է անաշխատունակության թերթիկ մայրության նպաստի ստացման համար։ Ապրիլ ամսա համար աշխատավարձը և նպաստի գումարը վճարվել է 23.04.2022-ին։ Այստեղ կարո՞ղ է վճարման ժամկետների հետ խնդիր առաջանալ, քանի որ գործատուն միշտ մինչև հաջորդ ամսվա 15-ն է կատարել աշխատավարձի վճարում։ Եվ ո՞ր տողում պետք է լրացնեմ նպաստի գումարը՝ 1.10 գործատուի հաշվին վճարվող, թե՞ 1.11 բյուջեի հաշվին վճարվող։ Շնորհակալություն։

Իրինա. Հարգելի հաշվապահներ, ֆիզարձակուրդում գտնվող աշխատակցին մարտի 8-ի կապակցությամբ պարգևավճար հատկացվու՞մ է, թե՝ ոչ: Նախապես շնորհակալություն։

Լուսինե. Բարև Ձեզ։ Խնդրում եմ ասել՝ եթե աշխատողը գտնվում է ֆիզ․ արձակուրդում և 2 տարին լրանում է, քանի՞ աշխատանքային/օրացույցային օր առաջ/հետո կարող է տեղյակ պահել տնօրենին վերդառնալու, ևս 1 տարի անվճար արձակուրդ վերցնելու կամ աշխատանքից դուրս գալու մասին։

Էլեն. Բարև Ձեզ, հարգելի հաշվապահներ։ Աշխատողը գտնվել է մինչև երեք տարեկան երեխայի խնամքի արձակուրդում, աշխատողը վերադարձել է արձակուրդից, taxservice-ում ավարտի ամսաթիվը նախապես նշված է եղել։ Ուզում եմ հասկանալ՝ հարկայինի կայքում որևէ՞ փոփոխություն արվում է, թե՞ ավարտի ամսաթիվը հիմք է հանդիսանում։

Ամալի. Հարգելի մասնագետներ, Խնդրում եմ, պատասխանեք հետևյալ հարցերին. 1. Կրտսեր երեխայիս երկուսը լրանալուց հետո մինչև երեք տարեկան ժամանակահատվածը արձակուրդում գտնվելը ստաժ համարվու՞մ է, թե՞ ոչ։ Կրտսեր երեխայիս հետծննդյան արձակուրդից հետո վերադարձել եմ հիմնական աշխատանքիս, 1 տարի աշխատելուց հետո, երբ դեռ երկու տարեկանը չէր լրացել, նորից արձակուրդ եմ վերցրել մինչև երեխայիս 3 տարին լրանալը։ Տվյալ հաստատությունում հիմնական աշխատող եմ եղել 10+ տարվա ստաժով։ 2. Ասպիրանտուրայում սովորելու տարիները ստաժ համարվո՞ւմ են, եթե տվյալ ժամանակահատվածում որևէ տեղ գրանցված աշխատող չէ տվյալ անձը։ Շնորհակալություն։

Մարինե. Բարև Ձեզ, հարգելի գործընկերներ։ Մի հարց. եթե հիմանական աշխատողը ֆիզից վերադարձել է, իր տեղը ընդունված ժամանակավոր աշխատողը նույնպես ֆիզ է գնացել, հիմա նա նույնպես վերադառնում է, ինչպե՞ս պիտի վարվենք երկրորդի դեպքում։

Արևիկ. Բարև Ձեզ, հարգելի հաշվապահներ։ Խնդրում եմ օգնել. Ա/Ձ աշխատում է որպես միկրոձեռնարկատեր, ունի մեկ աշխատող, որի աշխատավարձը կազմում է 91 500դրամ: Աշխատողը 2020թ դեկտեմբերի 1-ից գնացել է ֆիզ. արձակուրդ: Նրան տրվել է երեխայի խնամքի արձակուրդ՝ 04.02.2021թ.-04.02.2023թ: Սակայն այս տարվա մայիս ամսին աշխատողը պատրաստվում է երկրորդ երեխայի ծնունդին: Խնդրում եմ պատասխանել՝ աշխատողին դեկրետրց դեկրետ գնալու դեպքում տրվում է ֆիզ. արձակուրդի գումար և ինչպե՞ս է դա հաշվարկվում:

Սուսաննա. Բարև ձեզ, հարգելի գործընկերներ։ Եթե նույն կազմակերպության աշխատակիցը պետք է փոխարինի ֆիզ. արձակուրդում գտնվող աշխատակցին, ապա տնօրենը պետք է տվյալ աշխատակցին ազատի՞ իր հաստիքից և ընդունի այլ հաստիքում` ֆիզ. արձակարդում գտնվող աշխատակցի փոխարեն։ Ազատման հրամանի բովանդակությունը ինչպիսի՞ն պետք է լինի, ի՞նչ հիմքով է տնօրենը ազատում մյուս հաստիքից և ընդունում այլ հաստիքով։ Շնորհակալություն։

Ռուբ․ Բարև ձեզ, հարգելի հաշվապահներ։ Աշխատակցուհին ներկայացրել է անաշխատունակության թերթիկ մայրության նպաստի հաշվարկման համար, որի առաջացման սկիզբը 22.04.2022-ն է, մինչ այսօր չի ներկայացել աշխատանքի և այլևս չի ցանկանում աշխատել։ Կասեք՝ կարո՞ղ եմ իրեն ազատել աշխատանքից այս ամիս, և այդ դեպքում ինչպիսի՞ հաշվարկներ պետք է կատարել։ Շնորհակալ եմ։

Աննա․ Բարև Ձեզ։ Կասե՞ք՝ ինչպե՞ս է հաշվարկվում միկրոձեռնարկատիրությամբ աշխատող ԱՁ մայրության նպաստը։

Անի. Հարգելի հաշվապահներ, մի խորհրդի կարիք ունեմ. եթե աշխատակիցս ուսուցչուհի է և հուլիս օգոստոս ամիսներին բոլորին տալիս ենք 35 օր արձակուրդ, և նա օգոստոսի կեսին պետք է գնա ֆիզ։ Այս դեպքում՝ ինչպե՞ս անեմ։

Լարիսա Սարգսյան. Բարև ձեզ։ Մի հարց. ես հունվար ամսին գրանցվել եմ Ա/Ձ ու հիմա հղի եմ, միկրոձեռնարկատեր եմ, չեմ վերցրել ՀԴՄ սարք։ Ինչպե՞ս են հաշվարկելու ֆիզ արձակուրդս, ինչպե՞ս իմանամ։

Գոհար. Բարև ձեզ, հարգելի հաշվապահներ։ Ես մայիսի 2-ից աշխատելու եմ մանկապարտեզում, որպես դաստիրակի օգնական և 4 ամսից գնալու եմ ֆիզարձակուրտ։ Դրանից առաջ մարտի կեսից մինչև ապրիլի վերջ (1,5) աշխատել եմ դեղատանը։ Ուզում եմ իմանալ՝ 4 ամիս աշխատելու դեպքում ֆիզարձակուրդային կստանա՞մ և երեխայի ծնվելուց հետո մայրության նպաստ ինձ կտրամադրվի, թե՞ ոչ։ Նշեմ, որ գյուղաբնակ եմ։

Գոռ. Եթե աշխատողը հիմնական աշխատող չէ ընկերությունում և գնում է հղիության ու ծննդաբերության արձակուրդ, ինչպե՞ս պետք է եկամտային հարկի հաշվետվությունում դա արտացոլել և ներկայացնել։

Հասմիկ. Բարև Ձեզ: Եթե ես գրանցված եմ ՍՊԸ-ում, որի սեփականատերը ամուսնուս մայրը և եղբայրն են, ինձ մայրության նպաստ կվճարվի՞: Եթե այո, կասե՞ք՝ ինչպես է վճարվելու՝ գործատուն վճարելու է ինձ, այնուհետև պետությունը փոխանցելու է գործատուի՞ն։ Նշեմ, որ միկրոբիզնես է, և մաքուր աշխատավարձս կազմում է 160 000 դրամ։ Կխնդրեմ նշել նաև՝ ինչքան կկազմի նպաստի չափը:

Աննա. Բարև ձեզ: Խնդրում եմ կասեք՝ ինչպե՞ս հաշվեմ ֆիզը։ Եթե աշխատել է ամիս ու կես, իր աշխատավարձը կազմում է 67 200, 5 օրյա աշխատող ենք։

Արմինե. Հարգելիներս, խնդրում եմ ուղղորդել. աշխատակիցը երեխայի խնանքի արձակուրդից վերադարձել է աշխատանքի, հանգամանքների բերումով նորից արձակուրդը շարունակելու է (նույն երեխայի)։ Այժմ ցանկանում է կրկին վերադառնալ աշխատանքի՝ այլ հաստիքով (իրեն հին հաստիքով փոխարինող կա այժմ)։ Ինչպե՞ս պետք է լրացվի հարկայինի ծրագրում՝ հին պաշտոնի ավարտ տրվի և նոր պաշտոնի ավելացու՞մ, իսկ փոխարինողը գրանցվի որպես հիմնական։ (Նշեմ, որ ծրագրում խնամքի արձակուրդը արդեն նշվել է մինչև 3տ լրանալու ամսաթիվը՝ դեկտեմբեր ամսին, վերադառնալու դեպքում նախապես լրացված ամսաթիվը չի՞ խոչընդոտի նոր պաշտոնի համար։)

Անի. Աշխատակիցը գտնվում է ֆիզ. արձակուրդի մեջ: Ֆիզ. արձակուրդը վճարելու ժամանակ, միջին աշխատավարձի հաշվարկման համար հիմք ենք վերցրել նրա երկրորդ աշխատավայրի աշխատավարձը, որտեղ ձևակերպված է մինչ օրս: Այժմ աշխատողը գնում է ֆիզ. արձակուրդից ֆիզ. արձակուրդ: Ինչպե՞ս է վճարվում նրա երկրորդ ֆիզ. արձակուրդը և ու՞մ կողմից է վճարվում։

Հայկ. Հարգելի կոլեգաներ, բարև ձեզ։ Հարցս հետևյալն է. ՍՊԸ-ն մեկ ամսից անորոշ ժամկետով դադարեցնում է իր գործունեությունը, բոլոր աշխատկիցներին, այդ թվում և տնօրենին պատրաստվում ենք ազատել աշխատանքից։ Ինչպե՞ս վարվենք մեր մեկ աշխատակցի դեպքում, եթե նա գտնվում է երեխայի խնամքի մասնակի վճարովի արձակուրդում, պատրաստվում է մայրանալ երկրորդ անգամ՝ ներկայացնելով 2022թ. նոյեմբերին նոր անաշխատունակության թերթիկ: Շնորհակալ կլինել կարդալ ձեր խորհուրդները կամ օրեսդրական կետեր, եթե այդպիսիք կան.... Կանխավ շնորհակալ եմ։ Հարգանքներով՝ Հայկ

Անգին. Քաղաքացիաիրավական պայմանագրով աշխատելու դեպքում, գործատուն մայրության նպաստ վճարու՞մ է աշխատողին, թե՞ ոչ։

Նելի. Բարև Ձեզ։ Արդյո՞ք փոխարինող աշխատողին հասնում է ֆիզարձակուրդ, և արդյո՞ք գործատուն իրավունք ունի ազատել տվյալ աշխատողին մինչև 2 տարեկան երեխայի խնամքի արձակուրդի ավարտը։ Եվ ո՞ր օրենսգրքում կարող եմ տեղեկանալ այս մասին։

Անի. Հարգելի հաշվապահներ, եթե աշխատակիցս գնացել է հերթական ամենամյա արձակուրդ և արձակուրդի ընթացքում ներկայացրել է ֆիզբյուլետեն, այդ ժամանակ ինչպե՞ս եմ վարվում։

Անի․ Բարև Ձեզ։ Ես ֆիզարձակուրդից վերադարձել եմ աշխատանքի, երբ երեխաս 2.5 տարեկան է։ Բայց երեխան չի մնում խնամակալի մոտ։ Կարո՞ղ եմ արդյոք նորից ֆիզս երկարացնել միչև երեխայիս 3 տարեկան լրանալը։ Շնորհակալություն։

Մարիա. Դեկրետից դեկրետ գնալու դեպքում, ինչպե՞ս հաշվել մայրության նպաստը։ Ամսական մաքուր աշխատավարձը կազմում է 210 000 դրամ, առաջին դեկրետից հետո աշխատել է 4 ամիս։ Այսինքն` վերջին 1 տարում ախատել է 4 ամիս, իսկ դրանից առաջ եղել է դեկրետում։

Դիաննա․ Բարև Ձեզ, հարգելի հաշպապահներ։ Հարցս հետևյալն է՝ անձը գտնվում է երեխայի խնամքի արձակուրդում՝ 09.03.2020_27.12.2022թ., այդ ընթացքում՝ 11.04.22_02.02.2025թ. ձևակերպում ենք երկրորդ երեխայի խնամք՝ տալով հրաման՝ դիմումի համաձայն։ Հարկայինում ինչպե՞ս դա գրանցել, որպեսզի աշխատողը չտուժի։

Սեդա․ Բարև ձեզ, հարգելի հաշվապահներ։ Ես ֆիզարձակուրդի մեջ եմ, աշխատել եմ դեղատանը, որը ԱՁ միկրոձեռնարկություն է։ Հիմա երեխան 8 ամսական է դառնում, ինձ այդ դեղատան հաշվապահն ասում է, թե իմ հարկի գումարը՝ 3 000 դրամը, այսուհետ պետք է ես վճարեմ, մինչ այդ գործատուն էր վճարել, դա այդպե՞ս է։

Կիմա․ Բարև ձեզ, հարգելի մասնագետներ։ ճի՞շտ է, որ համատեղությամբ աշխատանքի դեպքում մայրության նպաստը պետք է վճարի հիմնական աշխատավայրի գործատուն։ Այդ դեպքում ինչպե՞ս պետք է հարկային հաշվետվությունը լրացնի այն գործատուն, ով չունի մայրության նպաստի թերթիկը։ Շնորհակալություն։

Հայկ․ Բարև Ձեզ։ Ունենք երեխայի խնամքի արձակուրդում գտնվող աշխատակից, հնարավո՞ր է մինչև երեխայի 3 տարին լրանալը աշխատակիցը իր սեփական դիմումի համաձայն ազատվի աշխատանքից:

Լամարա․ Բարև բոլորին։ Խնդրում եմ պատասխանել. աշխատել եմ դպրոցում որպես ուսուցչուհի։ 2017թ․ հունիսից գնացել եմ մայրության և հղիության արձակուրդ։ Այնուհետեւ մինչեւ երեք տարեկան երեխայի խնամքի արձակուրդ։ Դեռ չվերադարձավ 2022թվականի հունիսից նորից գնացել եմ հղիության և մայրության արձակուրդ։ Նորից երեք տարեկան երեխայի խնամքի արձակուրդ։ 2021 թվականի սեպտեմբերին վերադարձել եմ աշխատանքի նույն դպրոցում այլ պաշտոնի (հիմա ուսուցիչ չեմ)։ Ուսուցիչներին տրվող ամառային արձակուրդայինը չեմ ստացել 2017 թվականից։ Հարց․ կարո՞ղ եմ հիմա ստանալ, եթե նույն պաշտոնում չեմ։ Ինչպե՞ս հաշվարկել։ Օրենքի հղում է պետք։ Շնորհակալ եմ։

Արուս․ Բարև Ձեզ, հարգելի հաշվապահներ։ Համատեղությամբ աշխատող եմ, հիմնական աշխատավայրում կեղտոտ աշխատավարձը կազմում է 111 600 դրամ, ապրիլից ընդունվել եմ այլ աշխատանքի՝ կեղտոտ 601 250 դրամով: 06.07.2022թվականից գտնվելու եմ ֆիզարձակուրդում։ Խնդրում եմ կասեք՝ ինչքա՞ն կկազմի մայրության գումարը։ Շնորհակալ եմ։