Tag: արձակուրդ

Աննա. Բարև Ձեզ: Հարցս ամենամյա արձակուրդի վերաբերյալ է: Աշխատողը աժխատանքային տարում չի օգտագործել իրեն հասանելիք արձակուրդը: Արձակուրդը հաջորդ աշխատանքային տարի տեղափոխելու համար դիմում կամ հրաման չի գրվել: Արդյո՞ք թույլատրելի է առանց աշխատակցի կողմից գրված դիմումի և տնօրենի կողմից արձակուրդի տեղափոխման մասին հրամանի երկրորդ աշխատանքային տարվա մեջ տրամադրել արձակուրդ:

Եթե մայրության կամ անաշխատունակության նպաստ է, կիսատ ամիսները` արձակուրդ, կամ այլ նպաստ վճարված ամիսները հաշվարկի մեջ մտնու՞մ են։ Օրենքից հղում. վարձու աշխատողի միջին ամսական աշխատավարձը հաշվարկվում է ժամանակավոր անաշխատունակությունը առաջանալու ամսվան նախորդող տասներկու հերթական օրացուցային ամիսների (այսուհետ` հաշվարկային ժամանակահատված) համար տվյալ գործատուի կողմից վարձու աշխատողին վճարված եկամուտը տասներկուսի բաժանելու միջոցով: Սույն մասի իմաստով եկամուտ են համարվում սոցիալական վճարների հաշվարկման օբյեկտ համարվող աշխատավարձը և դրան հավասարեցված եկամուտները, ինչպես նաև սույն օրենքով սահմանված նպաստը: Վարձու աշխատողի անաշխատունակության նպաստը հաշվարկվում է սույն կարգի համաձայն հաշվարկված միջին ամսական աշխատավարձի 80 տոկոսից։ Հարց. 80 տոկոսը տրվում է քաղաքացուն, իսկ մնացած 20 տոկոսը պետությանը, թե՞ ուղղակի չի վճարվում:

Գայանե. Բարև ձեզ: Խնդրում եմ հարցիս պատասխանեք` եթե աշխատակիցները ոչ աշխատողի մեղքով պարապուրդում են, կարո՞ղ եմ արձայուրդ ուղարկել:

Արմինե. Բարի օր: Եթե աշխատողը գնացել է երեխայի խնամքի արձակուրդ, որի ավարտն արդեն նշվել է (3տ լրանալու օրը), ու ցանկանում է մինչև 3տ լրանալը վերադառնալ, բայց ուրիշ պաշտոնով։ Խմբագրելուց նախկին պաշտոնին ավարտ տալ, ավելացնել նոր պաշտո՞ն, թե՞ չի լինի, քանի որ ավարտ է տրվել խնամքի արձակուրդի։ Ինչպե՞ս վարվել:

Հասմիկ. Բարև ձեզ։ Ուսուցիչներին ինչպե՞ս է տրվում արձակուրդ, և ինչպե՞ս հաշվարկել, եթե ուսուցիչը աշխատել է մարտից։ Իսկ վերջնահաշվարկ ինչպե՞ս կատարել, եթե աշխատանքից դուրս է եկել հունվարին:

Հասմիկ. Բարև ձեզ։ Հարցս էսպիսինն է: Ուսուցիչը ընդունվել է աշխատանքի 01/11/2011-ին և ազատվել է աշխատանքից 01/10/2021-ին։ Այդ ժամանակահատվածում եղել է դեկրետում 24/03/2017-ից մինչև 26/12/2019-ը։ Այժմ հարցը. տվյալ ուսուցչին ի՞նչ կարգով պետք է կատարվեր վերջնահաշվարկը և արդյո՞ք պետք է հետ պահվեր գումար:

Լուսինե. Բարև Ձեզ: Հարգելի հաշվապահներ, ես Ա/Ձ-ի աշխատող եմ: Ըստ աշխատանքային պայմանագրի իմ աշխատավարձ կազմում է 85 000 ՀՀ դրամ /62 000 քարտով եմ ստանոմ, 23 000 առձեռն/: Նշեմ, որ աշխատում եմ որպես մատնահարդար։ Կհաշվեք` ինչքա՞ն կկազմի դեկրետայինի գումարը։ Շնորհակալություն:

Սոնա. Բարև Ձեզ: Կասեք` 2,5 ամսվա աշխատողին ֆիզ տրամադրու՞մ են:

Արմինե․ Բարև ձեզ։ Եթե աշխատողը օգտվել է երեխայի խնամքի արձակուրդից (մի քանի ամիս) վերադարձել աշխատանքի և այժմ հիմնավոր պատճառներով ցանկանում է շարունակել խնամքի արձակուրդը (երեխան 2տ 3ամս է՝ այսինքն դեռ կարող է մի քանի ամիս էլ օգտվել արձակուրդից)։ Օրենքն ասում է, որ նման իրավունք ունեցող աշխատողը խնամքի արձակուրդից կարող է մաս առ մաս օգտվել և արտահերթ։ Գրանցման հայտում ինչպե՞ս է կատարվում փոփոխությունը, կխնդրեմ մանրամասն գրել։

Դիաննա․ Բարև Ձեզ, հարգելի հաշվապահներ, խնդրում եմ ասեք․ եթե աշխատողը մինչև 28.02.2022թ. եղել է չվճարվող արձակուրդում, ապա կարո՞ղ ենք իր դիմումի համաձայն նույն օրով ազատել աշխատանքից։

Գայանե․ Բարև Ձեզ։ Հարգելիներս, 1․ ԱՁ-ն գեղեցկության սրահ է, որտեղ լինելու է և մատնահարդար, և վարսավիր, և Էլոս ծառայություններ։ Կարո՞ղ է միկրոյի դաշտում աշխատել, մարզում է։ 2․ Երեխայի մինչև ո՞ր տարիքը տատիկը կարող է վճարվել որպես դայակ, 2, թե՞ 3։ 3․ Միկրոյով գործող ԱՁ-ի մատնահարդարը քանի՞ ամսվա գրանցված աշխատող պետք է լինի, որ ֆիզ. արձակուրդ հաշվարկվի։

Լիաննա․ Բարև ձեզ, խնդրում եմ օգնեք հասկանալ: Ես գտնվում եմ երեխայի խնամքի արձակուրդում: Համայնքապետարանը լուծարվել է, փետրվարի 28-ից ես ազատված եմ աշխատանքից: Հիմա հարց․ ինձ արձակման նպաստ, վերջնահաշվարկ հասնու՞մ է։ Մի հարց էլ․ աշխատող մայրերին տրամադրվող ամսական նպաստ էլ չի՞ վճարվելու ինձ։ Շնորհակալ եմ նախօրոք։

Մերի. Բարև Ձեզ: Հարգելի հաշվապահներ, ես Ա/Ձ-ի աշխատող եմ: Ըստ աշխատանքային պայմանագրի իմ աշխատավարձ կազմում է 90 000 ՀՀ դրամ: Նշեմ, որ աշխատում եմ որպես մատնահարդար։ Մարտ ամսին պիտի ֆիզարձակուրդի անցնեմ, կհաշվեք` ինչքա՞ն գումար կստանամ: Նշեմ, որ անցած տարվա մայիսին որպես աշակերտ եմ գրանցված եղել, հուլիսից արդեն աշխատող։ Շնորհակալություն։

Արմինե. Բարև ձեզ։ Կասե՞ք` եթե աշխատողը նույն գործատուի մոտ ընդունվում է 1,5 դրույքով (8+4 ժամ, շաբաթական ստացվում է 60 ժամ): Ըստ օրենքի մինչև 48ժամ է թույլատրվում, ինչպե՞ս է ճիշտ վարվել։ Եվ մյուս հարցը՝ եթե աշխատողն արդեն 2 ամիս է դիմում է ներկայացրել խնամքի արձակուրդի շարունակման (երեխան դեռ 3տ չկա), արդյո՞ք իրավունք ունի գործատուն որոշակի պատճառաբանություններով մերժել աշխատողին, ով ստիպված շարունակում է մնալ (գիտեմ, որ ըստ օրենքի նման արձակուրդի իրավունք ունեցողին արտահերթ են հատկացնում հասանելիք արձակուրդը և անգամ մեկ օր անհարգելի բացակայելու դեպքում պարտավոր են ազատել): Այս դեպքում ևս ինչպե՞ս վարվել։

Անյա․ Բարև Ձեզ, աշխատողը, ով գտնվում է հղիության և ծննդաբերության արձակուրդում, կուտակու՞մ է արձակուրային օրեր։

Մանե․ Բարև Ձեզ։ Աշխատողի հիմնական աշխատավարձը 0,5 դրույք է, կազմում է 45 638 ՀՀ դրամ։ Այժմ պետք է հաշվարկել ամենամյա արձակուրդ։ Միջին հաշվելու համար 12 նախորդ ամիսների ընթացքում ստացել է պարգևատրում ընդամենը 78 456 ՀՀ դրամ (երեք ամսվա ընթացքում)։ Խնդրում եմ օգնեք կատարել արձակուրդային հաշվարկը։

Թամարա. Բարև ձեզ: Եթե սեպտեմբերին ընդունվել ես աշխատանքի, որպես գրանցված աշխատող, և հունվարին իմանում ես, որ հղի ես, ինչպե՞ս է իրականացվում դեկրետը, և արդյո՞ք վճարվում է ֆիզ. գումար:

Մերի. Բարև Ձեզ: Նախորդ տարի 5 ամիս աշխատելուց հետո գտնվում եմ ֆիզարձակուրդում, այնուհետև մինչև 2 տարեկան երեխայի խնամքի արձակուրդում։ Արձակուրդս դեռ չի ավարտվել, բայց կազմակերպությունը լուծարվել է։ Խնդրում եմ ասեք` ինձ արձակման նպաստ հասնու՞մ է։

Ռուզաննա. Բարև Ձեզ։ Խնդրում եմ պատասխանել՝ 10 ամիս համատեղությամբ աշխատող աշխատակիցը ցանկանում է վերցնել ամբողջ արձակուրդը, այնուհետև հնարավոր է ազատվի աշխատանքից, արդյո՞ք կարող ենք ամբողջը տրամադրել, թե՞ միայն իր 10 ամիս աշխատած ամիսների համար։ Կանխավ շնորհակալ եմ։

Մարինե. Բարև Ձեզ, հարգելի հաշվապահներ: Եթե մարդը աշխատանքի է ընդունվել 2021թվականի հունվարի 08-ին և նա աշխատանքից ազատվում է 2022թվականի փետրվարի 11-ից: Նրան տրվել է 20 աշխատանքային օր տևողությամբ ամենամյա արձակուրդ` 08.01.2021-08.01.22թթ. համար և միաժամանակ տվյալ ժամանակահատվածի համար նրան տրվել է մեկ ամիս իր հաշվին չվճարվող արձակուրդ: Խնդրում եմ ասեք` նրան տրվու՞մ է վերջնահաշվարկ աշխատանքից ազատվելիս 08.01.2022-11.02.2022թթ. համար:

Աննա. Բարև ձեզ: Կասեք` հղիության որերո՞րդ ամսում է թույլատրվում ընդունվել աշխատանքի, հետո գնալ ֆիզ։

Մանե. Բարև ձեզ: Ունենք աշխատող, որը գնալու է ֆիզ., հարցս հետևյալն է. կարո՞ղ է մինչև երեխայի ծնվելը աշխատի, թե՞ ոչ:

Բարև ձեզ: Ինձ կարո՞ղ եք խորհուրդ տալ արձակուրդի հաշվարկման հետ կապված։ Եթե աշխատողն ընդունվել է աշխատանքի մայիսից, նոյեմբերին գնացել է արձակուրդ, 2022թ. հունվարի 3-15 նորից գնացել է, ընդհանուր թիվը բաժանում եմ 12-ի՞, թե՞ 8-ի, թե՞ 7-ի, հետո բաժանում 25 ու բազմապատկում 12-ի՞: Եվս մեկ հարց. եթե աշխատողը գտնվել է արձակուրդում 3-15.01.2022թ., հունվարի 6-ը ոչ աշխատանքային օր է, աշխատողը գտնվել է 11՞, թե՞ 12-օրյա արձակուրդում:

Մանե. Բարև Ձեզ: Աշխատողը գնացել է ֆիզ 27.07.2021թ-ին, անաշխատունակության թերթիկում նշված է սկզիբը 27.07.21, վերջը` 13.12.21թ., այնուհետև դրան ավելացվել է 15 օր բյուլետեն, որն ավարտվել է 29.12.21թ-ին։ Գրանցման հայտով ֆիզի ավարտը նշում եմ բյուլետենի ավարտը, թե՞ ոչ:

Սոնա. Բարև ձեզ: Ես գրանցված եմ և ապրում եմ գյուղում, սակայն հղիությունս վարելու նպատակով ուզում եմ տեղափոխվել Երևան՝ բարեկամիս տուն։ Պե՞տք է հիվանդանոց թուղթ ներկայացնեմ, որ Երևան բարեկամիս տանն եմ ապրում, բայց այնտեղ գրանցված չեմ, որ հիվանդանոցային ծառայությունները անվճար լինեն։ Այդ դեպքում ես կստանամ մինչև 2 տարեկան երեխայի նպաստ, թե՞ ոչ։

Անի. Հարգելի հաշվապահներ, 2020 թվականին ֆիզարձակուրդում 140 օրվա ընթացքում սոց. փաթեթ տրամադրվում էր, իսկ 2022 թվականին պե՞տք է տալ այդ 140 օրվա համար:

Արմինե․ Բարի օր, հարգելի ընկերներ։ Աշխատակիցն աշխատում է համատեղությամբ ՀՈԱԿ֊ում դաստիարակ և այլ տեղ՝ միկրո, Ա/Ձ։ Հղիության և ծննդաբերության արձակուրդ է գնացել, (3֊րդ երեխան է), վճարել ենք ըստ օրենքի՝ միկրոյով աշխատող Ա/Ձ֊ի եկամուտը նվազագույնի կեսի չափով և մանկապարտեզի եկամտի գումարը ներառելով։ Ճի՞շտ ենք վարվել։ Եվ հետևյալ հարցը. նույն աշխատակիցը ցանկանում է գնալ խնամքի արձակուրդ, անկախ նրանից, որ միկրոյի աշխատող է, կարո՞ղ է մանկապարտեզից արձակուրդ գնալ։ Ստացվում է, որ կստանա և միանվագ 1 000 000, և՛ 2 տ խնամքի արձակուրդի նպաստը, և՛ 6տ 50 000՞, թե՞ որոշակի նրբություններ կան օրենքում, որ միաժամանակ 6տ ու 2տ նպաստը կարող է չտրվել միաժամանակ։ Շնորհակալություն։

Ֆլորա. Բարև Ձեզ: Ամենամյա արձակուրդը մասերով տալը 20 աշխատանքային օրվա դեպքում ամենամյա արձակուրդի մասերից մեկը պետք է կազմի առնվազն 10 աշխատանքային օր, իսկ մյուս 10-ը կարո՞ղ է տրամադրվել 3 և 7, կա՛մ 5 և 5, կա՛մ ուրիշ հարաբերակցությամբ աշխատանքային օրեր` առանձին-առանձին:

Լիանա. Բարև Ձեզ։ Ես հանդիսանում եմ ԱՁ, սակայն մոտ մեկ ամիս է, ինչ գործունեությունը ժամանակավորապես դադարեցրել եմ՝ ֆիզ. արձակուրդ գնալու կապակցությամբ։ Ունեմ տարածք, որն այժմ ցանականում եմ տալ վարձակալությամբ։ Խնդրում եմ պատասխանել՝ կարո՞ղ եմ վարձակալության պայմանագիրը կնքել ֆիզ. անձով՝ առանց ԱՁ գործունեությունը վերսկսելու, և եթե այո, ապա այդ դեպքում ինձ կհատկացվի՞ արդյոք նախածննդյան մայրության նպաստը։ Կանխավ շնորհակալություն։

Հայկուհի. Բարև ձեզ, հարգելի գործընկերներ: Հարցս հետևյալն է. եթե աշխատակիցը գրել է աշխատանքից հեռացման դիմում մեկ ամիս առաջ, կարո՞ղ է այդ մեկ ամսվա ընթացքում օգտվել նաև իրեն հասանելիք ամենամյա արձակուրդի մնացորդից (օր.՝ երկու շաբաթ), կարո՞ղ է գործատուն մերժել արձակուրդի դիմումը և չտրամադրել արձակուրդը։

Արմինե. Բարև ձեզ։ Ինձ մի հարց է անհանգստացնում։ Ես աշխատում եմ 2 դպրոցում։ Մի դպրոցը իմ հիմնական դպրոցն է, մյուսը՝ ֆիզարձակուրդ գնացած աշխատակցի եմ փոխարինում։ Այժմ ես էլ եմ Ֆիզարձակուրդ գնում։ Ուզում եմ հասկանալ` ես 2 դպրոցից էլ կարո՞ղ եմ ստանալ նախածննդյան և հետծննդյան գումար։ Մի դպրոցից ստանում եմ 63 000դրամ, մյուսից՝ 74 000դրամ (մաքուր)։ Նախապես շնորհակալություն:

ԱՐԵԳՆԱԶ. Բարև Ձեզ: Խնդրում եմ ասեք` եթե մինչև նախածննդյան արձակուրդը 7 ամիս է աշխատում` կստանա՞ նպաստ և ինչպե՞ս կհաշվարկվի:

Արմինե. Բարև ձեզ։ Ես աշխատում եմ 0.5 դրույքով, կեղտոտ աշխատավարձս՝ 49 000դր.։ Հիմա պետք է գնամ ֆիզարձակուրդի, ինչպե՞ս հաշվարկեմ:

Գոհար. Որտեղի՞ց գտնեմ օրենքները, որով հաշվարկվում է արձակուրդաինը, աշխատավարձը, բյուլետենը, վերջնահաշվարկը /ֆորմուլան այդ հաշվարկների/: Ո՞ր իրավական ակտում կարող եմ ծանոթանալ: Ցանկանում եմ ծանոթանալ կադրային գործին։ Խնդրում եմ տրամադրել ինձ հղում համապատասխան գրականությանը։

Էլեն. Բարև ձեզ, հարգելի հաշվապահներ: Եթե աշխատակիցը հղի է և աշխատում է դեռ, նա ի՞նչ գումար պետք է ստանա հղիության 7-րդ ամսում և ի՞նչ թղթեր պետք է ներկայացվի:

Գայանե. Բարև ձեզ: Շրջհարկով աշխատող ԱՁ ունենք, և աշխատակիցը հղի է: Խնդրում եմ ասեք` հնարավո՞ր է արդյոք դեկրետային գումար վճարել աշխատակցին, եթե այո, ապա ինչպես:

Աստղիկ. Բարև Ձեզ։ Հարցս հետևյալն է. աշխատողին տրամադրվել է ամենամյա նվազագույն արձակուրդ և ելնելով անհրաժեշտությունից հետ է կանչվել։ Դա եղել է 2018 թվականին։ Օրենքով սահմանված կարգով աշխատողը ստացել է աշխատավարձ և այլն, իսկ չօգտագործած օրերը (15 օր) մինչ օրս չի օգտագործել, չի միացվել հաջորդ արձակուրդներին և ոչ մի ձևով չի օգտագործվել աշխատողի կողմից։ Հիմա լուծվելու է աշխատանքային պայմանագիրը։ Ասացեք խնդրեմ` այդ 15 օրը հաշվարկվու՞մ է որպես վերջնահաշվարկ և վճարվում, թե՞ ․․․․։ Կանխավ շնորհակալություն:

Գոհար. Բարև ձեզ։ Ես ուզում եմ իմանալ` եթե գյուղաբնակ ես և աշխատող ու ունենում ես 3-րդ բալիկին, ո՞ր նպաստներից կարող ես օգտվել: Կարո՞ղ ենք օգտվել և՛ 50 000, և՛ 57 000-ից: Կանխավ շնորհակալություն:

Բարև Ձեզ։ Եթե աշխատողը նախկինում ոչ մի տեղ չի աշխատել և գործի ընդունվելուց 5 ամիս հետո` 6-րդ ամսում, պետք է մայրության նպաստ ստանա: Եթե նախորդ 5 ամիսների կեղտոտ աշխատավարձերի գումարը կազմում է 417 038, ապա ինչպե՞ս հաշվարկել միջին ամսական, միջին օրական և արձակուրդի գումար, և եկամտային հարկ և առձեռն արձակուդային: 417038÷12=34753 34753÷30,4×140=160020 160020×21%=33604 160020-33604=126416 Արդյո՞ք ճիշտ եմ հաշվել: Որքա՞ն է մինիմալ աշխատավարձը և սահմանվա՞ծ է արդյոք մայրության նպաստի մինիմալի շեմ:

Հասմիկ. Բարև ձեզ։ Ոչ լրիվ աշխատաժամանակի դեպքում (ամսական 36 ժամ) ամենամյա արձակուրդ հասնու՞մ է աշխատողին։ Եթե հնարավոր է` հղումով։

Կարինե. Բարև Ձեզ: Ունեմ շրջհարկով գործող ԱՁ։ Փետրվարից պետք է անցնեմ դեկրետի։ Արդյո՞ք անհրաժեշտ է դադարեցնել ԱՁ-ի գործունեությունը, ու արդյոք հնարավո՞ր է չդադարեցնել ու հրաժարվել նպաստից:

Մարինե. Բարև Ձեզ։ Եթե աշխատակիցը դեռ չի օգտվել իր ամենամյա արձակուրդից` կարո՞ղ է միանգամից վերցնել չվճարվող արձակուրդ, եթե այո, ո՞ր օրենքով է ամրագրվում։

Մարինե. Հարգելի հաշվապահներ, եթե աշխատողը հղիության և ծննդաբերության անաշխատունակության թերթիկը բերում է աշխատանքի վայր 2021 թվականի դեկտեմբերի 30-ին, իսկ բյուլետեն գնում է 2022 թվականի հունվարի մեկից: Կարո՞ղ եմ հրամանը տալ ներկայացնելու պահին` դեկտեմբերի 30-ին և հրամանի մեջ հղումը կատարեմ 2022 թվականի հունվարի 01-ից, իսկ գումարը ստանա 2022թվականի հաշվարկի մեջ:

Արմեն. Բարև ձեզ, հարգելի հաշվապահներ: Ասացեք խնդրեմ` ամենամյա արձակուրդ տրամադրելու փաստաթղթաշրջանառության հերթական քայլերը և վճարման կարգը։ Օրինակ՝ գործատուն կարո՞ղ է աշխատակցին տրամադրել արձակուրդային դիմում լրացնելու իրավունք, աշխատակցի կողմից ստորագրվի, բայց գործատուն վերցնելով այդ դիմումը պատռի, աշխատակցին հաստատի, որ կարող է դիմումի համաձայն գնալ հերթական արձակուրդի, բայց 3 կամ 5 օր հետո գրավոր ծանուցի, որ աշխատակիցը հեռացված է աշխատանքից համաձայն ՀՀ ԱՕ 113-րդ հոդվածի 1-ին մասի 9-րդ կետով պայմանավորված։ Աշխատակիցը կարո՞ղ է պահանջել հրամանագրքի գրանցամատյանում նշված գրառումները, որի հիման վրա պահանջել արձակուրդային վճար։ Ինչպե՞ս է կարգավորվում գործատուն փաստաթղթաշրջանառությունը, ո՞ր օրենքի համաձայն։ Եվ, ո՞ր օրենքով է կարգավորվում հրամանագրքի վարման կանոնները։

Մարա. Ողջույն բոլորին։ Հարգելի հաշվապահներ, հարցս հետևյալն է՝ ընդունվել եմ աշխատանքի 2021թ-ի մարտի 24-ին 2022թ-ի հունվարի 26-ին աշխատանքից ազատվելու դեպքում ինչքա՞ն վերջնահաշվարկ կստանամ։ 2 օր աշխատում եմ 2օր հանգսգանում։ Արձակուրդից չեմ օգտվել, եթե պայմանականորեն ընդունենք, որ աշխատավարձս կազմել է 158 000 դրամ առանց խրախճանք։ Կանխավ շնորհակալություն:

Հռիփսիմե. Բարև ձեզ: Կցանկանամ իմանալ` եթե ՍՊԸ-ն ունի մեկ աշխատող` տնօրենը, ապա արձակուրդային կհաշվարկվի՞ տնօրենի համար:

Տաթև. Բարև Ձեզ: Կօգնե՞ք` հաշվեմ մայրության նպաստը, 12 ամիսների աշխատավարձը 500 000 է:

Անի. Բարև Ձեզ։ Արդյո՞ք միանվագ դրամային աջակցություն (առաջին երեխայի դեպքում` 300 000 դրամ) տրամադրվում է նաև այն ընտանիքին, որի մայրը ծննդաբերելուց հետո (140 անաշխատունակության օրվա, օրինակ` 100-րդ օրը) դիմում է նպաստի համար, սակայն չի պատրաստվում կիրառել մինչև 2տ. երեխայի խնամքի արձակուրդը, այլ այդ 140 օրը լրանալուց հետո վերադառնում է աշխատանքի։

Արփինե. Բարև Ձեզ: Ես հունվ․ 25-ից լինելու եմ հղիության եւ ծննդաբերության արձակուրդում, նախորդող 12 ամիսների ընթացքում աշխ. պայմանագիր ունեցել եմ երկու տարբեր կազմակերպություններում։ Հիմնական գործատուիս կներկայացնեմ նախորդ ընկերությունից ստացած եկամուտների մասին տեղեկանք: Հարցս հետեւյալն է. այս մեկ տարվա ընթացքում ես ունեցել եմ նաև բազմաթիվ այլ «ծառայությունների մատուցման» կարճաժամկետ պայմանագրեր, արդյո՞ք դրանց համար նույնպես վճարվելու եմ, թե՞ ոչ: Հարցնում եմ՝ հաշվի առնելով, որ որքան գիտեմ՝ կա օրենք, ըստ որի ամեն ամսվա համար հաշվարկվում է միայն մեկ գործատուից ստացված եկամուտը։ Այսինքն` ծառայությունների մատուցման պայմանագրերով եկամուտները չե՞ն հաշվարկվի, եթե այդ նույն ամիսներին ունեցել եմ նաև հիմնական աշխատանք։ Լսել եմ, որ հաշվարկվում են, բայց սա վճարում է ոչ թե գործատուն, այլ սոցապ նախարարությունը, բայց նման կարգավորում/օրենք չեմ գտնում, խնդրում եմ օգնեք այս հարցով։

Լիլիթ. Բարև Ձեզ, հարգելի հաշվապահներ: Մեկ հարց է ինձ հետաքրքիր` ըստ նոր օրենքի ֆիզարձակուրդում գտնվող անձանց սոց. փաթեթի գումար՝ ամսական 6 000դրամ, փոխանցվու՞մ է, թե՞ ոչ: