Բարև Ձեզ։ Ես շրջհարկով աշխատող ԱՁ ունեմ, իրականացնում եմ դիզայներական պատվերներ։ Արտասահմանյան ընկերության հետ աշխատելիս կարո՞ղ եմ իրենց նույն ձևով հաշիվ դուրս գրել, թե՞ այլ կարգ է պահանջվում։ Եվ արդյո՞ք արտասահմանյան ընկերություններին մատուցված ծառայությունները նույնպես 5% հարկվում են։
Կանխավ շնորհակալ եմ։

Գոհար․

Բարև ձեզ, հարգելի հաշվապահներ։ Ինձ կօգնե՞ք հասկանամ, թե ի՞նչ անեմ ֆիզ․ անձի կողմից ավտոմեքենայի օտարման ժամանակ առաջացած հարկային պարտավորության համար։ Պետք է ԱՁ բացի, և ներկայացնեմ 163 ձևը ու էլի փակե՞մ։

Գայանե․

Բարև Ձեզ։ Եթե ԱՁ տարվա կեսից դարձել է ԱԱՀ վճարող և պետք է ներկայացնի շահութահարկի հաշվարկ, ընտրում է ԱՁ նոտար բաժինը, թե՞ դա միայն նոտարներին է վերաբերում։

Անուշ․

Բարև Ձեզ, բանիմաց հաշվապահներ ջան։ ԱՁ-ն, որը մատուցում է շինարարական ծառայություն, կարո՞ղ է․

1․Մինչև հուլիսի 1-ը աշխատել միկրոյով, որպեսզի աշխատողի համար ավելորդ եկամտային հարկ չտա

2․ Հոիլիսի 1-ից, որ անցնի շրջ․ հարկի, հայտարարությունը ե՞րբ պետք է տա

3․ Շրջ․ հարկի դեպքում ի՞նչ հաշվետվություններ է հանձնելու և ի՞նչ հարկեր է վճարելու և հարկերի վճարման հավեշվետու ժամանակաշրջանը ե՞րբ է։

Շնորհակալություն։

Լիաննա․

Բարև ձեզ, ես ցանկանում եմ գրանցվել որպես միկրոձեռնարկատեր գնումների համակարգող աշխատելու համար, խնդրում եմ ասացեք՝ ո՞րն է տարբերությունը ԱՁ միկրոձեռնարկատիրության և ԱՁ չհանդիսացող միկրոձեռնարկատիրության միջև, և միկրո բացելու համար նախ պետք է ԱՁ բացել, հետո նո՞ր դիմել միկրոձեռնարկատեր դառնալու համար։

Արտավազդ․

Շրջհարկով աշխատող ԱՁ-ը շահութահարկի հաշվետվության մեջ բացի 107 -րդ տողից ի՞նչ տողեր է լրացնում։

Նանա․

Բարև Ձեզ։ էլոսի սարք եմ ուզում գնել, տարածք վարձել և սկսել զբաղվել մազահեռացմամբ: Կասե՞ք՝ ԱՁ գրանցման դեպքում ի՞նչ հարկատեսակներով եմ հարկվելու:

ՀԴՄ սարք պե՞տք է գնեմ։

Հասմիկ.

Բարև Ձեզ։ Եթե Ա/Ձ-ն բացվել է 01.03.2023թ.-ին, ե՞րբ պետք է տամ հայտարարությունը։

Թամարա.

Բարև Ձեզ, հարգելի հաշվապահներ։ Ասացեք խնդրեմ, եթե շրջ. հարկով աշխատող Ա/Ձ դեկտեմբերին աահ-ով է աշխատել, շահութահարկի հաշվարկում 8 -րդ բաժինը լրացնու՞մ է, թե՞ ոչ։ Եվ ի՞նչ տուգանք է սահմանված այդ 1 ամիսը դրամարկղի գիրք չվարելը կամ գիրք չունենալը։ Շնորհակալություն։

Անի․

Բարև Ձեզ, հարգելիներս։ Խնդրում եմ օգնել Wildberries-ում վաճառողի հաշվառման հարցերում։ ԱՁ–ն դեռ չի բացվել, պլանավորում է իրականացնել օնլայն վաճառք Wildberries–ում։

1) Այս դեպքում վաճառողը ԱԱՀ, թե՞ շրջհարկի հայտ պիտի տա (կարո՞ղ եք օրենսգրքից հղում տալ):

2) Ամեն վաճառքից հետո e-invoicing-ով մատակարարի անունից պիտի՞ հաշիվ գրենք ֆիզ անձի անունով

3) Եթե վաճառքները (օնլայն գնորդները) նաև ՌԴ–ում են լիելու, ապա դա դիտարկվելու՞ է որպես արտահանում

4) Իսկ ինչու՞ պետք է հաշիվ գրենք Wildberries–ին (ինչպես նշված էր բազմաթիվ մեկանաբանությունում)։

5) Wildberries-ից առանձին թղթային հաշիվներ ստանալու դեպքում պե՞տք է գրվի ինքնահաշիվներ

Այս հարցում փորձառու ընկերներ Խնդրում եմ օգնեք։

Սյուզի․

Բարև Ձեզ։ Կամաիրավաբանական տեսանկյունից ո՞ր տեսակի ընկերությունն է (ԱՁ, ՓԲԸ, ՍՊԸ) ավելի հարմար գրանցման և լուծարման համար։

Ելենա․

Բարև ձեզ։ Ֆիզ անձը մեկ տարվա ընթացքում գնել և վաճառել է մեքենա։ Հաշվետվություն տալու համար ՊԵԿ-ում ՀՎՀՀ չեն տրամադրել, քանի որ ֆիզ անձը ունի ԱՁ և համապատասխան ՀՎՀՀ։ Հարցս հետևյալն է՝ հաշվետվությունը ներկայացնելուց հետո ԱՁ-ի մոտ ոչ մի պարտավորություն չի՞ առաջանա։

Թամարա․

Հարգելի հաշվապահներ, ունեմ 1 հարց. ԱՁ -ը (ռեստորան) աշխատել է շրջ. հարկով: 2022թ․ նոյեմբերի 30 ից անցել է 115 մլն. շեմը և համարվել է ԱԱՀ վճարող։ Նոյեմբերի 1 օրվա համար ուղարկել ենք ԱԱՀ հաշվետվություն: Ասացեք խնդրեմ՝ շահութահարկի հաշվարկում պետք է ներառվի ամբո՞ղջ նոյեմբերի տվյալները, թե միայն նոյեմբեր 30 -ի տվյալները՝ դեկտեմբերի հետ միասին, և այդ ամիսներին ձեռք բերված ՀԴՄ կտրոնները (Սիթի) կարո՞ղ են համարվել ծախս՝ շահութահարկի հաշվարկում: Շնորհակալություն:

Լուսինե․

Բարև ձեզ։ ԱՁ-ն տեխնիկի ծառայություն է մատուցում ատամնաբուժարանին, պատրաստում է օրինակ պրոթեզներ, կարո՞ղ է աշխատել միկրոձեռնարկատիրության հարկման դաշտում։

Տաթև․

Հարգելի հաշվապահներ, օգնեք մի 2 հարց հասկանալ․

1․ Նոր գրանցվող ԱՁ-ն, որը մատուցելու է դիզայներական ծառայություններ, ի՞նչ հարկեր և այլ վճարներ պետք է կատարի։

2․ Ինչպես նաև կուզեի իմանալ՝ եթե ԱՁ-ն աշխատելու է հեռավար կարգով և չի ապրում իր հաշվառման հասցեում, գործունեության վայր ո՞րը պետք է նշի։

Արևիկ․

Բարև ձեզ։ Ես նոր եմ ունեցել փոքրիկիս, դեռ 10 օր է, դիմումը ներկայացրել եմ միանվագ գումարը ստանալու, հիմա 3 ամսով պետք է անհատ ձեռներեցը բացեմ։ Ինձ պետք է հասկանալ՝ կապ ունի՞ մայրության նպաստի հետ, թե՞ ոչ, կարո՞ղ եմ հանգիստ բացել, թե՞ խնդիրներ կարող են լինել, և չստանամ փոքրիկի ամսական նպաստը, որը տրվում է մինչև 2 տարեկան։

Լիլիթ․

Բարև ձեզ։ Հնարավո՞ր է ինձ օրենքի հղումով օգնեք՝ ՀԿ նախագան, որը զբաղվում է բժշկական դասընթացներով, այսինքն ձեռնարկատիրական գործունեությունով, արդյո՞ք կարող է բացել ՍՊԸ, որտեղ 100% հիմնադիրը ինքն է լինելու, ՍՊԸ-ն վերականգնողական կենտրոն է լինելու, խնդրում եմ օգնեք հասկանալ՝ ինչպե՞ս վարվենք, որ փոխկապակցված չճանաչեն։

Կամ հնարավոր է ԱՁ բացել ՍՊԸ-ի փոխարեն, կամ հնարավոր է ՀԿ-ն ու ՍՊԸ-ն նույն վարձակալված տարածքում լինի, էս երկրորդ հարցին խնդրում եմ հստակ պատասխանել։

Շնորհակալ եմ նախապես։

Հասմիկ․

Բարև ձեզ, խնդրում եմ շտապ է, անձը յանդեքսի պատվերները առաքում է հասցեներով, իր ստանալիք վճարը այդ առաքման դիմաց վճարվող գումարն է։ Յանդեքսը պարտադրում է առաքողին ա/ձ բացել, ամեն ամիս առաքումից առաջացած գումարի չափով յանդեքսի հաշիվ դուրս գրի, որպեսզի փոխանցվի իր հաշվին, հարցս է՝ կարո՞ղ է ա/ձ- ն միկրոյով աշխատի։

Ալինա․

Բարև ձեզ։ Ոսկյա զարդերի վաճառքը ինչպե՞ս է հարկվում ԱՁ-ի դեպքում, ի՞նչ հարկեր է անհրաժեշտ վճարել։

Լիլիթ․

Բարև ձեզ։ Արդյո՞ք ՀԿ նախագահը կարող է որպես ԱՁ գրանցվել կամ հիմնադրել ՍՊԸ։ Հարցը նրանում է, որ ՀԿ-ն սեմինարներ է կազմակերպում բժշկական թեքվածությամբ,այսինքն ձեռնարկատիրական գործունեությամբ է զբաղվում, հիմա պետք է ստանա լիցենզիա՝ վերականգնողական կենտրոն բացի, բայց չենք ուզում ՀԿ-ով անել, այլ ՍՊԸ-ով կամ ԱՁ-ով։

Գևորգ․

Բարև ձեզ: Կխնդրեմ օգնեք՝ ԱՁ-ն աշխատում է որպես միկրոձեռնարկատիրություն։ 2022 թվականին տարեկան շրջանառությունը կազմել է 18 381 750 դրամ: Ինչքա՞ն պետք է դրոշմանիշային վճար վճարեմ 2023 թվականին տարեկան, և արդյո՞ք դրա համար տարեկան հաշվետվություն պետք է ուղարկեմ: Շնորհակալ եմ:

Սուրեն․

Հարգելի հաշվապահներ, խնդրում եմ ասեք՝ եթե Ա/Ձ -ն աշխատում է շրջհարկով, այդ դեպքում համարվու՞մ է սոցիալական վճար վճարող: Եվ կապ ունի՞ արդյոք՝ անհատ ձեռնարկատերը ծնվել է 1974 թ.-ից առաջ կամ հետո:

Գայանե․

Հարգելի հաշվապահներ, ԱՁ- ի գործունեությունը մարզում է, հագուստի փոքրիկ խանութ, աշխատում է շրջհարկով։ Նույն ԱՁ-ն կարո՞ղ է իր անունով ՍՊԸ բացել։ Մեքենաների ներմուծմամբ է զբաղվելու տարբեր երկրներից։ Ի՞նչ հարկատեսակով խորհուրդ կտաք աշխատել։ Խնդրում եմ մանրամասնեք նաև հարկերը՝ ի՞նչ հարկեր է վճարելու։ Կանխավ շատ շնորհակալ եմ։

Արտավազդ․

Եթե որպես շրջհարկով աշխատող ԱՁ հայտարարություն եմ ներկայացրել, որ աշխատանքները սկսում եմ 21.07.22թ-ից, բայց ծառայություններ եմ մատուցել օգոստոսից սկսած, շահութահարկի և դրոշմանիշային վճարի հաշվարկը հուլիսի՞ց եմ հաշվարկում, թե՞ օգոստոսից։

Թ․

Հարգելի հաշվապահներ, Ձեր օգնության կարիքն ունեմ։ Խնդրում եմ պատասխանեք։

1. Ատամնաբուժականի մենեջերի հետ կարո՞ղ եմ կնքել պայմանագիր, աշխատաժամանակը նշեմ ամսվա մեջ 30 ժամ և վարձատրվող մաքուր 500 դրամ + ժամի համար։ Բժշկի հետ կնքել պայմանագիր 30 ժամ մաքուր 1 000 դրամի։ Արդյո՞ք չեմ խախտում նվազագույն աշխատավարձի մասին օրենքի 2.1 կետը։

2․ Եվ հաջորդ հարցը՝ բժիշկը, ով նաև տվյալ ԱՁ է, աշխատում է իր ատամնաբուժարանում, պե՞տք է գրանցել որպես աշխատող։

Մարիամ․

Բարև ձեզ։ Կարող է մի քիչ շատ լինեն հարցերս, բայց կխնդրեյի պատասխանեյիք․ ԱՁ-ն կանաչի է արտադրում և աշխատում է միկրոյի դաշտում, մարտի 1 ից ուզում է անցնել շրջ. հարկի: Շրջ․ հարկի հայտը տալուց հետո ի՞նչ հաշվետվություններ պետք է լրացվեն։ Աշխատող չունի, սոց․ վճարող չէ, և կա վարձակալած տարածք։ 189 ձևը պե՞տք է լրացնեմ վարձավճարի համար: Ներմուծումը և այլ ծախսերը կարո՞ղ եմ նվազեցնել հարկից: Նախապես շնորհակալ եմ։

Սևակ․

Բարև։ Ուզում եմ իմանալ՝ ի՞նչ հարկեր է վճարում ԱՁ-ն շինարարական ծառայություններ մատուցելով։

Մայա․

Բարի օր: Հարգելի մասնագետներ, Ա/Ձ-ի տնօրենը իր անձնական օգտագործման համար ցանկանում է երրորդ երկրից ներկրել քարե սալիկներ: Կա՞ արդյոք մաքսազերծման հարցում տարբերություն՝ եթե գործարքը կատարի որպես քաղաքացի ֆիզիկական անձ կամ ԱՁ ֆիզիկական անձ: Ո՞ր տարբերակն է ավելի հարմար հարկերի առումով, ինչպես նաև հետագա ընթացքի թղթատարության վարման համար:

Անահիտ․

Բարև Ձեզ, հարգելի գործընկերներ։ Խնդրում եմ օգնեք՝ ինչպե՞ս է լրացվում “Հաշվարկ անհատ ձեռնարկատիրոջ և նոտարի սոցիալական վճարի” (244 ձև) հաշվետվությունը, ամբո՞ղջ տարվա եկամուտը, թե՞ տարվա եկամուտից հանած ծախսի մնացորդը։ Օգնության համար շնորհակալ կլինեմ։

Արտավազդ.

ԱՁ-ի պարտավորությունները տարվա վերջի դրությամբ։ Նշեմ, որ աշխատում ենք 5% շրջհարկով, շրջհարկը վճարել ենք, եռամսյակային հաշվետվությունները կատարել ենք։

Լիլիթ.

Շրջհարկ վճարող ԱՁ-ի տարեկան շրջանառությունը 58 մլն է կազմել, մայրության նպաստը վճարվել Է 156579, նվազագույն աշխատավարձի 50%-ից Է կատարվել հաշվարկը։ Արդյո՞ք ճիշտ է հաշվել սոցապը, և ո՞ր դեպքում է ամսական հաշվարկման բազան վերցվում շահութահարկի հարկման բազա համարվող եկամուտը 12 բաժանելու միջոցով ։ Շնորհակալ եմ նախապես։

Սոնա.

Բարև Ձեզ։ Խնդրում եմ տեղեկացնել՝ ինչպե՞ս կարող է դադարեցվել ԱՁ-ի և Ընկերության միջև կնքված պայմանագիրը ժամկետից շուտ։ Շնորհակալություն։

Աշիկ․

Բարև ձեզ։ Ես ցանկանում եմ ԱՁ բացել, որպես ներմուծող և վերավաճառող, արդյո՞ք կարող եմ ինքս ինձ գրանցել որպես աշխատակից ԱՁ-ում։

Ալլա․

Շրջարկով աշխատող ԱՁ-ն, ով ՌԴ քաղաքացի է, որի համար 244 ձև պիտի հանձնեմ, գումարի ընտրության համապատասխան տողը պասիվ է, չի բացում, ի՞նչ պետք է անել։

Վահագն․

Բարև Ձեզ։ ՀՀ ում ապրող օտարերկրյա քաղաքացին կարո՞ղ է այստեղ բացել ԱՁ և համարվել միկրոձեռնարկատեր, և կա՞ հարկման տարբերություն ՀՀ քաղաքացու և օտարերկրյա քաղաքացու համար։

Գայանե․

Բարև Ձեզ, հարգելի հաշվապահներ։ Մի այսպիսի հարց․ ԱՁ գործունեությունը նկարչական խմբակ է, միկոյով է աշխատում, մարզում է։ Այդ նույն ԱՁ -ում դասապատրաստման խմբակ ենք ուզում բացել։ Հիմա հարց․ կարո՞ղ է չէ միկրոյով շարունակել։

2-րդ հարցս․ այս դեպքում հարկային դիմու՞մ եմ երկրորդ գործունեության համար, թե՞ տարվա վերջ դասակարգիչով եմ միայն ցույց տալու երկրորդ գործունեության շրջանառությունը: Ասեմ, որ ՀԴՄ չունենք, երկու գործունեության համար հաշիվ պիտի գրեմ: Կանխավ շնորհակալություն։

Անահիտ․

Բարև Ձեզ, հարգելի գործընկերներ։ ԱՁ-ն 2022թ.-ին աշխատել է ԱԱՀ-ով, բացի եկամտային հարկի և սոց. վճարի և ավելացված արժեքի հարկի ամսական հաշվետվություններից էլ ի՞նչ հաշվետվություններ պետք է ներկայացնեմ և մինչև ե՞րբ:

Նարինե․

Բարև ձեզ։

ԱՁ-ն լրագրող է, ով ֆրիլանս տարբերակով աշխատում է այլ պետության հետ, նյութեր է մշակում և փոխանցում։ ԱՁ-ն կարո՞ղ է աշխատել միկրոձեռնարկատիրության համակարգում, թե՞ ոչ ։

Հռիփսիմե․

Բարև Ձեզ, եթե Ֆիզ. անձին պատկանում է մեքենա և նույն ֆիզ. անձը ունի նաև ԱՁ, ինչպե՞ս կարող է իր մեքենան օգտագործել ԱՁ գործունեության մեջ: Արդյո՞ք կառաջանա եկամտային հարկ, եթե ինքն իրենից վարձակալի մեքենան:

Տիրուհի․

Բարև Ձեզ։ Շրջանառության հարկով աշխատող ԱՁ-ն սոցիալական վճարի ամսական հաշվարկվող 5 000-ական դրամները վճարում են մինչև հաջորդող տարվա ապրիլի 20-ը ներառյա՞լ, թե՞ պետք է վճարել ամսական։ Հոդված 7-ի 4-րդ մասում ասվում է ՝ «Եկամտային հարկի մասին» Հայաստանի Հանրապետության օրենքով եկամտային հարկի վճարման համար սահմանված ժամկետներում:

Վահագն․

Բարև Ձեզ։ Շրջանառության հարկի դաշտում աշխատող ԱՁ-ն 2022թ. -ի համար պե՞տք է ներկայացնել Իրական շահառուի հայտարարագիր, և եթե այո, ապա ո՞ր հաշվետվության ձևն է taxservice.am կայքով, թե՞ այլ կայքով։

Տիրուհի․

Բարև Ձեզ։ Եթե ԱՁ-ն անորոշ ժամկետով դադարեցրել է գործունեությունը դեկտեմբերի 20-ին, դեկտեմբեր ամսվա շահութահարկը և սոց․ վճարը, համապատասխան հաշվետվությունը ներկայացվել է, հունվարից այլևս շահութահարկ չի վճարելու 125հ-ի 3,1 համաձայն, իսկ սոց․ վճար և՞ս չի վճարելու։ 2022թ աշխատում էր։

Մելանյա.

Բարև, Հարգելի գործընկերներ։ Խնդրում եմ օգնել. արդյոք հնարավո՞ր է կատարել գործող ԱՁ-ի տնտեսական գործունեության դասակարգչի փոփոխություն: Եվ եթե այո, ապա ինչպե՞ս։

Մարիամ․

Բարև ձեզ, ԱՁ-ն հաշվառումից հանելուց հետո անհրաժե՞շտ են արդյոք որևէ այլ գործողություններ՝ հաշվի առնելով, որ չեմ պլանավորում երբևիցե վերսկսել:

Սաթեն․

Խնդրում եմ պատասխանեք․

2022-ին ԱՁ-ն (շրջ. հարկ) ունեցել է 13 000 000 իրացում: 2023-ին պե՞տք է վճարի 120 000 դրոշմանիշային վճար 2022-ի համար, թե՞ դա կանխավճար է 2023-ի համար։

Մարի Համբարձումյան․

ԱՁ որտե՞ղ տեսնի՝ ինչքա՞ն է կազմում իր դրոշմանիշային վճարը, ինչպես սոց. վճարը, որ հստակ երևա կոնկրետ թիվ։

Մարիամ․

Բարև Ձեզ։ Հարցս այսպիսին է․ ցանկանում եմ ֆրիլանս տարբերակով աշխատել Upwork և Fiverr հարթակներում։ Ինձ կասե՞ք` այդ դեպքում անհրաժե՞շտ է ԱՁ բացե՞լ, շրջանառության հարկով աշխատե՞լ։ Եվ նաև ի՞նչ հաշվետվություններ են անհրաժեշտ ներկայացնել հարկային դաշտում։

Գրիգ․

Ցանկանում եմ կատարել ավտոմեքենաների նորոգում և ներկում, ունեմ ԱՁ։ Կարո՞ղ եմ միկրոյով կատարել, թե՞ պարտադիր պետք է արտոնագրային լինի։

Անա․

Հարգելի հաշվապահներ, շնորհավորում եմ տոների կապակցությամբ։ Խնդրում եմ օգնել հասկանալ հետևյալ հարցերը․

ՌԴ քաղաքացիություն ունեցող անձը, ով ՀՀ-ում չունի հատուկ կեցություն, այստեղ գրանցվել է ԱՁ, Ռեզիդենտ չի համարվում, քանի որ 183 օր դեռ չի եղել ՀՀ-ում։ ԱՁ-ն գրանցված է ՏՏ ոլորտում , աշխատում է շրջհարկով, կարո՞ղ եք ասել՝ այս պարագայում բացի շրջանառության հարկից մնացած վճարները պարտադի՞ր են համարվում։ Շնորհակալություն։

Աննա.

Ուսումնասիրում եմ որպես ֆրիլանս աշխատելու հնարավորությունները և այսպիսի հարցեր են առաջացել։

– Ինչպես հասկանում եմ՝ նման դեպքում հնարավոր է գրանցվել որպես Ա/Ձ և ավելի քիչ հարկ վճարել, քան ֆիզ. անձի դեպքում։ Ապա ի՞նչ արտոնություն կա որպես ֆիզ. անձ գրանցվելու մեջ։

– Արդյո՞ք այս պահի դրությամբ ֆրիլանս աշխատելը ու հարկ չվճարելը համարվում է որևէ կանոնի խախտում։

Շնորհակալ եմ պատասխանի համար 🙂