Tag: Ա/Ձ

Վահագն․

Բարև Ձեզ։ Մի հարց է հետաքրքիր․ Եթե ֆիզ․ անձն իր անունով բացված ԱՁ-ում իր անձնական միջոցներից գումար է մուտք անում ԱՁ-ի դրամարկղ կամ բանկային հաշիվ, օրինակ ապրանք գնելու համար, քանի որ ԱՁ-ի գումարը բավարար չէ: Այդ դեպքում այդ գումարը կհամարվի՞ փոխառություն, թե՞ ինքը նույնականացվում է իր ԱՁ-ի հետ։ Եթե կհամարվի փոխառություն, ապա եկամուտների հայտարարագրումը վերաբերվու՞մ է այն ֆիզ. անձանց, ովքեր ստացել են 20 մլն. փոխառություն, թե՞ նաև ովքեր տվել են 20 մլն. փոխառություն։ ԱՁ-ն աշխատում է շրջ. հարկով։

Avik.

Հաշվապահներ ջան, բարև Ձեզ։ Խնդրում եմ ասեք՝ ի՞նչ հարկատեսակով գրանցեմ ԱՁ-ն ավտեպահեստամասերի խանութի համար։

David.

Բարև ձեզ։ Խնդրեմ կասե՞ք` ի՞նչ հաշվետվություններ պետք է ներկայացնի ԱՁ–ն։ Հնարավո՞ր է առանց հաշվապահի հասկանալ, թե՞ շատ բարդ կլինի։ Մի հարց էլ ունեմ։ Ես կարո՞ղ եմ որպես ֆիզիկական անձ մինչև 2025 թվական հայտարարագիր չներկայացնել։ Գումար ստանում եմ դրսից։

Էվա․

Բարև ձեզ։ Ասացեք խնդրում եմ՝ եթե ցանկանում եմ գրանցվել որպես ԱՁ Էլեկտրոնային ռեգիստրի օնլայն հարթակում, սակայն ներկա պահին չունեմ էլեկտրոնային ստորագրություն, հայտն այդ դեպքում արդյոք կհաստատվի՞։ Եվ արդյո՞ք կա տարբերակ առանց Պետռեգիստր մոտենալու բացել ԱՁ։ Շնորհակալություն։

Էրիկ․

Բարև Ձեզ։ Ունեմ ԱՁ, ունեմ նաև անձնական ավտոմեքենա, որը հաշվառված է իմ անունով։ Կարո՞ղ եմ արդյոք պետհամարանիշ գնել ԱՁ-ի անունով, ու դնել իմ մեքենայի վրա։

Վահագն․

Բարև Ձեզ։ ԱՁ-ն ցանկանում է վարկ վերցնել արտարժույթով, բայց արտարժույթով ոչ մի գործարք չունի, կարո՞ղ է այդ գումարը կանխիկացնել և փոխանակել արտարժույթի փոխանակման կետում, կամ փոխանցել իր անձնական ֆիզ. անձի հաշվին որպես անտոկոս փոխառություն։ ԱՁ-ն դրամարկղի գիրք չունի, քանի որ աշխատում է միկրոձեռնարկատիրության դաշտում։

Արտավազդ․

Բարև ձեզ։ ԱՁ-ն, որը զբաղվում է արտադրությամբ և աշխատում է շրջանառության հարկով, սակայն ապրիլի 1-ից անցել է ԱԱՀ դաշտ, խնդրում եմ կասե՞ք՝ ի՞նչ նրբություններ կան այս դեպքում, որ պետք է անպայման հաշվի առնել հաշվետվությունների ճիշտ ուղարկելու և այլնի հետ կապված։

Սյուզաննա․

Բարև ձեզ։ Խնդրում եմ պատասխանեք՝ արդյո՞ք ԱԱՀ-ով աշխատող ԱՁ-ն շահութահարկի հաշվետվությունը լրացնելիս պետք է 8-րդ բաժինն էլ լրացնի։

Հայկ․

Բարև ձեզ։ ԱՁ եմ գրանցել, գնացի հարկային՝ ինձ տվեցին մուտքանուն և գաղտնաբառ, և խորհուրդ տվեցին դիմել հաշվապահի։ Հարցս հետևյալն է. եթե ես չունեմ ID, կարո՞ղ է հաշվապահը հանդես գալ որպես իմ լիազոր։

Արտակ․

Բարև Ձեզ, խնդրում եմ կասե՞ք ինձ՝ եթե ԱՁ աշխատում է շրջանառության հարկով (հագուստի օնլայն մանրածախ վաճառք), ամեն ամիս ի՞նչ սոցվճար է պետք է վճարել և ի՞նչ եղանակով։ Եվ եթե 3 ամիս այդ գումարը չի վճարվել, կարո՞ղ եմ արդյոք մեկ ամսվա մեջ այդ ողջ չվճարված գումարը վճարել։ Շնորհակալություն։

Շուշանիկ․

Խնդրում եմ պատասխանել հետևյալ հարցին՝ եթե ՌԴ-ում գրանցված ինքնազբաղված ԱՁ-ն, ով ՌԴ-ի քաղաքացի է (ИП на НПД), զբաղվում է նկարչությամբ և սեփական նկարած նկարների վաճառքով ցանկանում է ՀՀ -ում զբաղվել նույն գործունեությամբ, ի՞նչ կազմակերպաիրավական ձևով է նպատակահարմար իրականացնել գրանցումը ՀՀ-ում:

Հարութ․

Հարգելի հաշվապահներ, հարցս հետևյալն է․ ԱՁ- ն, որն աշխատում է ՏՏ ոլորտում, գրանցված է ՀՀ-ում և ծառայություն է մատուցում օտարյեկրյա կազմակերպության, ԱՁ-ն ՀՀ քաղաքացի չէ և ՀՀ-ում չի բնակվում, աշխատում է շրջանառության հարկով։ Հարց՝ նշված իրավիճակում կարո՞ղ է խնդիրներ ունենալ հարկման դաշտի ընտրության կամ այլ հարցերում։

Զառա․

Բարև ձեզ: Կարո՞ղ եմ իմանալ` արդյո՞ք հնարավոր է որպես ԱՁ գրանցվել, եթե անձնագրով ոչ մի տեղ գրանցում չունեմ։

Աննա․

Բարև Ձեզ։ 17 տարեկան անչափահաս քաղաքացին ուզում է գրանցվել որպես Ա/Ձ, ՏՏ ոլորտի ծառայություն` օնլայն խաղերի ծրագրավորում իրականացնելու և խաղի մեջ գովազդների միջոցով եկամուտ ստանալու համար։ Հայր չունի, ունի մոր համաձայնությունը։ Ինչպե՞ս պետք է տեղի ունենա որպես Ա/Ձ գրանցվելու պրոցեսը` նույն կե՞րպ, բայց ծնողի համաձայնությամբ, թե՞ ինչ-որ կոնկրետ տարբերություն կա։ Եվ այլ հարց` եթե քաղաքացին հաջորդ տարի մեկնի ԱՄՆ սովորելու F-1 վիզայով և ֆիզիկապես չգտնվի Հայաստանում 4 տարով (բացառությամբ ամառների), ինչ որ խնդիրներ կառաջանա՞ն Ա/Ձ կարգավիճակի հետ։ Լսել եմ, որ այդ դեպքում ավելի ճիշտ է գրանցվել որպես ՍՊԸ, բայց վստահ չեմ։ Շնորհակալություն։

Վահե․

Բարև ձեզ։ Ես ցանկանում եմ ներմուծել Չինաստանից մանր էլէկտրատեխնիկա և զբաղվել դրանց վերավաճառքով ՀՀ-ում։ Կասե՞ք՝ ո՞ր տարբերակն է ինձ ավելի շահավետ՝ ԱՁ, թե՞ ՍՊԸ, և ի՞նչ հարկեր, տուրքեր պետք է վճարել, հատկապես ՍՊԸ-ով կամ ԱՁ-ով մաքսազերծման ժամանակ։ Ի՞նչ է անհրաժեշտ ՍՊԸ բացելու համար։ Նախապես շնորհակալ եմ։

Վահագն․

ԱՁ-ն ստացել է վարկ իր բանկային հաշվին, որի մի մասը փոխանցվել է իր անձնական ֆիզ. անձի հաշվին, որպես ԱՁ-կողմից տրամադրված անտոկոս փոխառություն ֆիզ անձին (իրեն)։ Այդ փոխառությունը վերադարձվում է մաս-մաս ԱՁ-ի հաշվեհամարին։

Հարց․ թույլատրելի՞ է օրենքի տեսանկյունից։ Այդ փոխառության վերաբերյալ պե՞տք է ինչ որ հաշվետվություն ներկայացնել։ Փոխառությունը չի գերազանցում 20 000 000 դրամը)։ ԱՁ-ն աշխատում է շրջ. հարկի դաշտում։

Եվա․

Ողջույն: Եթե Ա/Ձ-ն սոց. վճար կատարող չի, 240 և 244 հաշվետվությունները լրացնել պե՞տք է, թե՞ ոչ: Կանխավ շնորհակալ եմ:

Արամ․

Բարև ձեզ: Ես ԱՁ եմ բացել, գործունեություն եմ ծավալում լուսանկարչության ոլորտում, չունեմ աշխատողներ: Ծառայություն եմ մատուցել այլ ՍՊԸ-ի ու գումարը ստացել եմ իմ բիզնես հաշվին: Կարո՞ղ եմ գումարն այդ հաշվից փոխանցել իմ կամ մեկ ուրիշի ֆիզիկական հաշվին:

Վահագն․

Բարև Ձեզ։ Անհատ Ձեռնարկատերը, որն աշխատում է շրջանառության հարկի դաշտում, տարվա վերջին հաշվարկից հետո ստացված իր մաքուր եկամուտը ԱՁ-ի հաշվից կամ դրամարկղից վերցնելու դեպքում այդ եկամուտը ենթակա՞ է հարկման որպես ֆիզ․ անձի ստացած եկամուտ, թե՞ ԱՁ-ի վճարած շրջանառության հարկը, եկամտային հարկը և սոց վճարը համարվում է վերջնական հարկում։