Tag: ՏՏ ոլորտ

Iskan.

Բարև Ձեզ, հունվարի 20-ին բացել եմ ԱՁ, ՏՏ ոլորտում եմ աշխատում, հունվարի 23-ին ներկայացրել եմ հաշվետվություն շրջանառության հարկով աշխատելու վերաբերյալ։ Աշխատելու եմ Ռուսաստանում գտնվող կազմակերպության հետ, սակայն գործը ավարտելուց հետո (կավարտեմ մինչը 31․01․2023) ցանկանում եմ գործունեության ժամանակավոր դադարեցման հայտ ներկայացնել։ Խնդրում եմ կասե՞ք՝ ի՞նչ հաշվետվություններ պետք է ներկայացնեմ, ե՞րբ, և ի՞նչ հարկեր պետք է վճարեմ, բացի շրջհարկից։ Եվ 232 հաշվետվության ո՞ր տողում պետք է լրացնեմ ստացված եկամտիս չափը։ Կանխավ շնորհակալություն։

Լիլիթ․

Բարև Ձեզ, զբաղվում եմ ծրագրավորմամբ, ցանկանում եմ բացել ՍՊԸ։ Ընտրելով հարկման տեսակը շրջհարկով հարկվող՝ կարո՞ղ եմ հետագայում փոփոխել, օրինակ՝ եթե կառավարությունը որոշում կայացնի երկարաձգել ՏՏ ոլորտի արտոնությունները։ Եվ խնդրում եմ ուղղարդեք՝ որտե՞ղ կարող եմ կարդալ հարկային պարտավորությունների մասին շրջհարկով հարկվելու դեպքում։ Շնորհակալ եմ։

Աննա․

Բարև Ձեզ, շնորհավոր Ամանոր և Սուրբ Ծնունդ։ Ուզում եմ ճշտել հետևյալ հարցերը.

1) անկախ նրանից, որ ՏՏ ոլորտի հավաստագրի մեջ գործողության ժամկետը գրված է մինչև 31.12.2022թ, համաձայն 26.12.2022թ ՀՕ-570-Ն օրենքի 18 հոդվածի 4-րդ կետի, գործողության ժամկետը ավտոմատ երկարացվու՞մ է մինչև 2023թ դեկտեմբերի 31-ը։ Ոչ մի հայտարարության, գրության ներկայացնելու կարիք չկա՞

2) Հավաստագրի գործողության ընթացքում ստացված արդյունքների վերաբերյալ հաշվետվությունը կարո՞ղ ենք ներկայացնել info@hti.am էլեկտրոնային հասցեին, կամ e-request.am հարթակի միջոցով ԲՏԱ նախարարությանը

3) Հաշվետվության մեջ Գործունեության տեսակը դաշտում գրում ենք պարզապես ՏՏ ոլո՞րտ

Կանխավ շնորհակալություն:

Անա․

Հարգելի հաշվապահներ, շնորհավորում եմ տոների կապակցությամբ։ Խնդրում եմ օգնել հասկանալ հետևյալ հարցերը․

ՌԴ քաղաքացիություն ունեցող անձը, ով ՀՀ-ում չունի հատուկ կեցություն, այստեղ գրանցվել է ԱՁ, Ռեզիդենտ չի համարվում, քանի որ 183 օր դեռ չի եղել ՀՀ-ում։ ԱՁ-ն գրանցված է ՏՏ ոլորտում , աշխատում է շրջհարկով, կարո՞ղ եք ասել՝ այս պարագայում բացի շրջանառության հարկից մնացած վճարները պարտադի՞ր են համարվում։ Շնորհակալություն։

Անա․

Բարև Ձեզ, սիրելիներս, կխնդրեյի պատասխանել հետևյալ հարցին․

ՏՏ ոլորտում ՝ շրջհարկով աշխատող ԱՁ-ն, որը չունի աշխատող, կասե՞ք՝ ի՞նչ վճարներ պետք է կատարի։ Որքանով որ ես եմ տեղյակ, դրանք են․ 5 տոկոս շրջանառության հարկ, 5 000 սոցիալական վճար և տարեկան հասույթից գոյացած դրոշմանիշային վճար։ Վճարները այսքա՞ն են, թե՞ կա հարկատեսակ, որը բաց եմ թողել։

Շնորհակալություն։

Աննա․

Բարև Ձեզ, այսպիսի մի հարց ունեմ: ԱՁ-ն 2022թ նոյեմբեր ամսին դիմել է «Տեղեկատվական տեխնոլոգիաների ոլորտի պետական աջակցության մասին» Հայաստանի Հանրապետության օրենքով սահմանված կարգով հավաստագիր ստանալու համար:

Ըստ ՀՀ հարկային օրենսդրության 445 հոդվածի 5) կետի (Հոդված 445. Օրենսգիրքն ուժի մեջ մտնելու կապակցությամբ Հայաստանի Հանրապետության որոշ օրենքների ուժը կորցրած ճանաչելը_ 5) «Եկամտային հարկի մասին» Հայաստանի Հանրապետության 2010 թվականի դեկտեմբերի 22-ի ՀՕ-246-Ն օրենքը, բացառությամբ այդ օրենքի 10-րդ հոդվածի 1.1-ին մասով «Տեղեկատվական տեխնոլոգիաների ոլորտի պետական աջակցության մասին» Հայաստանի Հանրապետության օրենքով սահմանված կարգով հավաստագրված հարկային գործակալներին վերաբերող դրույթների, որոնք գործում են հավաստագրի տրամադրման օրվանից մինչև 2022 թվականի դեկտեմբերի 31-ը) ԱՁ-ն որպես հարկային գործակալ կարող է այդ հավաստագրով տրված արտոնությունից օգտվել մինչև 2022թ դեկտեմբերի 31-ը:

Այսինքն՝ 2023թ հունվարի 1-ից աշխատողների աշխատավարձից պետք է եկամտային հարկը հաշվարկվի 20% տոկոսադրույքո՞վ՝ 10%-ի փոխարեն։ Կանխավ շնորհակալություն:

Մարինե․

Բարև ձեզ, հարգելի հաշվապահներ։ Նախապես ներողություն եմ խնդրում շատ հարցեր հղելու համար։ Գործող ԱՁ-ն ուզում է դադարեցնել գործունեությունը և բացել ՍՊԸ ու դիմել հավաստագրի համար։ Զբաղվելու է ֆրիլանս ծրագրավորմամբ։ ԱՁ-ն 1 տարի է ինչ գործում է որպես միկրոձեռնարկատիրություն։ Դասավանդում է։ Ունի մեկ աշխատող։ Նախկինում ցավոք չի դիմել հավաստագրի համար։

1․ Կարո՞ղ է ՍՊԸ-ի հիմնադիրը լինել մեկ ուրիշ մարդ։ Հաճախորդները փոխանցելիս կարո՞ղ են պատճառաբանել, որ հիմնադիրը այլ մարդ է, և չեն կատարի փոխանցում։ Թե՞ ՍՊԸ-ի դեպքում փոխանցումը չի սուբյեկտիվացվում։

2. Կարո՞ղ է ԱՁ-ի հիմնադիրը դառնալ ՍՊԸ-ի տնօրեն այն դեպքում, երբ գրանցված աշխատող է հանդիսանում այլ ընկերությունում։

3. Այս դեպքում ՍՊԸ-ն կարո՞ղ է դիմել հավաստագրի համար։ Աշխատող ունենալ / չունենալու խնդիր կարո՞ղ է լինել։

4․ Եթե ԱՁ-ով շարունակի, ապա պե՞տք է փոխել գործունեության տեսակը - շրջանառության հարկ։ Այդ դեպքում որքա՞ն տարեկան տոկոս պետք է ԱՁ-ն վճարի

5․ ԱՁ-ն մեկ տարի գործելուց հետո կարո՞ղ է դիմել հավաստագրի համար։

Լիլիթ․

Բարև Ձեզ, հարգելի հաշվապահներ։ Կխնդրեմ պատասխանեք հետևյալ հարցերին․ ո՞րն է ամենանպատակահարմար կազմակերպաիրավական ձևը ֆրիլանսերի համար, որն առցանց աշխատում է արտերկրում գտնվող գործատուների հետ։ ՏՏ ոլորտում աշխատելու դեպքում որևէ արտոնություններ կա՞ն։ Ի՞նչ հարկեր և հաշվետվություններ են նախատեսված այդ գործունեության համար։ Կանխավ շնորհակալություն։

Անա․

Բարև Ձեզ, կխնդրեյի պատասխանել իմ հարցին․ ԱՁ, որը իրականացնում է ծառայությունների մատուցում ՏՏ ոլորտում, կարո՞ղ է համատեղությամբ աշխատել երկու տարբեր կազմակերպությունների հետ, նշեմ, որ աշխատանքը իրականցվելու է ՀՀ տարածքից դուրս, իսկ աշխատաժամանակը 2 աշխատանքի պարագայում էլ 8 ժամ է, ամբողջ դրույք։ Այս պարագայում հնարավո՞ր է արդյոք 2 աշխատանք իրականացնելը։

Սիրան․

Բարև Ձեզ։ ՏՏ ոլորտի Ա/Ձ-ն, ով ունի հավաստագիր և աշխատում է հարկման ընդհանուր համակարգում, վճարու՞մ է արդյոք սոց․ վճար, և եթե այո, ապա ո՞ր հաշվետվությունը պետք է ներկայացնի։ Նախապես շնորհակալություն։

Անա.

Բարև ձեզ, սիրելի հաշվապահներ։ Կխնդրեյի օգնել ինձ այս հարցերում։ 1․ Հարկային դաշտում ինչպե՞ս են հաշվում եռամսյակը (4-րդ եռամսյակը ներառու՞մ է նոյեմբեր, դեկտեմբեր, հունվար ամիսները)։ 2․ Եթե Ա/Ձ ՏՏ ոլորտում բացվել է հոկտեմբերի 26-ին, նոյեմբերի 10-ին ուղարկել եմ շրջհարկով աշխատելու դիմում, կարո՞ղ եք ասել՝ այս պարագայում պետք է 3-րդ եռամսյակի համար հաշվետվություն ուղարկել։ Շնորհակալություն

Աննա․

Բարև Ձեզ։ ՏՏ ոլորտի ընկերություն ենք, ստանում ենք ոչ ռեզիդենտ կազմակերպությունների կողմից վիտուալ ծառայություններ, որի համար մեզ հաշիվ է գրվում, համապատասխանաբար մենք էլ ինքնահաշիվ ենք գրում։ Ինձ հետաքրքիր է՝ բացի կրկնակի հարկման երկրների միջև համաձայմանգրերից, անհրաժե՞շտ է նաև կոնկրետ կազակերպության ռեզիդենտության տեղեկանքը, որպեսզի ոչ ռեզիդենտ շահութահարկի մասով նվազեցում կատարվի, և եթե ունեք Slack, AWS (Ամազոն) ընկերության հրապարակային ռեզիդենտության տեղեկանքները, խնդրում եմ կիսվել։

Ալինա․

Ողջույն, նախագծերի ղեկավար եմ, ցանկանում եմ ԱՁ բացելու միջոցով ՏՏ ընկերությանը ծառայություն տրամադրել, որի տարեկան շրջանառությունը չի անցնում 10 մլն տարեկան։ Ուզում էի իմանալ՝ պետ․ ռեգիստրում ի՞նչ ծառայության տակ պետք է գրանցեմ, կարո՞ղ եմ միկրոբիզնեսի տակ լինել ու ի՞նչ հարկեր պետք է վճարեմ։

Սվետա.

Հարգելի հաշվապահներ, Ա/Ձ-ն զբաղվելու է IT ոլորտում ծառայության մատուցմամբ, 115 մլն չի գերազանցելու շրջանառությունը, դեռ մի հոգի է, բայց հետագայում սպասվում է աշխատողի ներգրավվում։ Կասե՞ք, արդյոք օֆիսային տարածք անհրաժեշտ է, և ի՞նչ հարկեր են գոյանում։ Նախապես շնորհակալ եմ։

Մարիաննա. Բարև ձեզ, հարգելի հաշվապահներ։ Ա/Ձ բացել եմ 2022-ի սեպտեմբերի 30-ին և գործունեությունը դրսի հետ է՝ ՏՏ ոլորտ։ Այս ամիս աշխատավարձը հաշվին կնստի և եռամսյակային շրջհարկ հունվարին կտամ։ Կարո՞ղ եմ նոյեմբերի 1-ով Ա/Ձ-ի ժամանակավոր կասեցում տալ։ Եվ եթե այդպես անեմ, 2023-ին մինչև ապրիլ 240 և 244 ձևերը միայն հոկտեմբեր ամսվա համար կլինի տա՞մ։ Կանխավ շնորհակալություն։

Նորա. Հարգելի հաշվապահներ, ՏՏ ոլորտի կազմակերպություն գրանցելու համար ի՞նչ է անհրաժեշտ, ո՞ր հարկատեսակով է աշխատում և ի՞նչ հաշվետվություններ է հանձնում։

Նարե. Բարև բոլորին։ ՏՏ ոլորտի հաշվապահ եմ փնտրում, ո՞վ կարող է նրբություններին ծանոթացնել (վարձավճարով): Կարող եք կոնտակտ թողնել կապնվեմ ձեզ հետ։

Արամ. Բարև ձեզ։ IT ոլորտում կազմակերպություն գրանցելու համար ինչպե՞ս ծանոթանամ հարկային ծախսերին։ Կազմակերպությունը իրականացնում է արտասահմանից ֆրիլանս եղանակով վեբ ծրագրավորման պատվերներ, ի՞նչ դրույքաչափով է հարկվում այդ ոլորտը։

Հեղինե. Բարև Ձեզ։ ՏՏ ոլորտի ՍՊԸ-ն բացում է դուստր ընկերություն, քանի որ իր աշխատակիցների քանակը գերազանցում է 30-ը։ Դուստր ընկերությունն իրավունք ու՞նի մինչև 30 աշխատող գրանցել:

Արուս. Հարգելի հաշվապահներ, խնդրում եմ օգնել ստանալու այս հարցի հստակ պատասխանը. ՏՏ ոլորտում ծառայություններ մատուցող և շրջանառության հարկով աշխատող ԱՁ-ն իր ծառայության համար ամեն ամսվա համար մինչև հաջորդ ամսվա 15-ը 2 000 դոլար է ստանում արտերկրից: Հուլիս ամսվա համար - 2000 դոլար կնստի հաշվին օգոստոսի 15-ին, օգոստոս ամսվա համար - 2000 դոլար կնստի հաշվին սեպտեմբերի 15-ին, սեպտեմբեր ամսվա համար - 2000 դոլար կնսի հաշվին հոկտեմբերի 15-ին: Հարցս այսպիսին է. հաշվին նստելու օրո՞վ է հաշվարկային փաստաթուղթ դուրս գրվում և նույն օրվա փոխարժեքով է հաշվարկվում եկամուտը, թե՞ հնարավոր է յուրաքանչյուր ամսվա վերջում դուրս գրել հաշվարկային փաստաթուղթ և նույն ամսվա վերջին օրվա փոխարժեքով հաշվարկել եկամուտը: Երրորդ եռամսյակի համար, եթե ցանկանում եմ հոկտեմբերի 10-ին հաշվետվություն ներկայացնել, դեռ սեպտեմբեր ամսվա գումարը նստած չի լինում, հետևաբար դա հաշվարկելու եմ սեպտեմբեր ամսվա վերջին օրվա դրությամբ, որը դեռ հաշվին չի երևալու: Ինչպիսի՞ն է Ձեր պրակտիկան և նման պարագայում ինչպե՞ս եք հաշվարկելու:

Մայա․ Բարև Ձեզ, հարգելի հաշվապահներ։ ՀՀ մշտական քաղաքացի եմ: Ա/Ձ վկայական եմ ստացել ընդամենը 3 օր առաջ: ՀՏ-ից ստացել եմ անհրաժեշտ անուն, ծածկանունները: Գործունեություն դեռևս չեմ սկսել: ՏՏ ոլորտում գործունեություն սկսելու համար ցանկանում եմ պայմանագիր կնքել օտարերկրյա մատակարար կազմակերպության հետ: Վերջինիս կողմից պահանջվող փաստաթղթերից մեկը ՀՏ-ի կողմից տրվող ռեզիդենտի կարգավիճակի մասին տեղեկանքն է: Գրավոր դիմումիս և զանգերիս ի պատասխան ՀՏ-ից միայն մեկ ցուցում եմ ստացել՝ նայել ՀՕ հոդված 134: Խնդրում եմ, կարո՞ղ եք ասել՝ իմ պարագայում անհրաժեշտ տեղեկանքը ստանալու համար, բացի անձնագրիս բոլոր էջերի պատճեններից սահմանված այլ ի՞նչ փաստաթղթեր եմ պարտավոր ներկայացնելու ՀՏ: ՀՕ հոդված 314. Հայաստանի Հանրապետության ռեզիդենտի կարգավիճակի հաստատումը կամ կարգավիճակը հաստատող տեղեկանքի տրամադրումը 4. Հայաստանի Հանրապետության ռեզիդենտի կարգավիճակի հաստատման տեղեկանք ստանալու համար հարկ վճարողը ներկայացնում է` 2) ֆիզիկական անձի դեպքում` ա. տեղեկություն օտարերկրյա պետությունում ստացված եկամտի տեսակի և մեծության վերաբերյալ, ինչպես նաև օտարերկրյա պետությունում եկամուտների ստացումը հիմնավորող փաստաթղթերի պատճենը՝ եկամուտների առկայության դեպքում, բ. քաղաքացու անձնագրի բոլոր էջերի պատճենները, գ. Հայաստանի Հանրապետության տարածքում անձի գտնվելու ժամանակահատվածի հաշվարկման աղյուսակը կամ Հայաստանի Հանրապետության տարածքում կենսական շահերի կենտրոնի գտնվելու մասին ազատ ոճով շարադրած հիմնավորումը` կցելով հաստատող փաստաթղթերի պատճենները:

Աննա․ Բարև Ձեզ, հարգելի կոլեգաներ։ ԱՁ աշխատում է շրջհարկով, ՏՏ ոլորտում։ Արդյո՞ք պետք է ինքնահաշիվ դուրս գրի, մատուցման ծառայությունը ԱՄՆ է եղել և արդյո՞ք պետք է վճարել ոչ ռեզիդենտի հարկ՝ եռամսյակային կտրվածքով, և հաշվետվություն ոչ ռեզիդենտի։

Հովհաննես. Բարև ձեզ: ՏՏ ոլորտում աշխատող ոչ ռեզիդենտ Ա/Ձ հարկեր և հաշվետվություններ։ 1․ ՏՏ ոլորտում աշխատող ոչ ռեզիդենտ Ա/Ձ (հավաստագիր ունի, աշխատում է հարկման ընդհանուր համակարգում) ի՞նչ հարկեր է վճարոմ։ 2․ Ի՞նչ հաշվետվություններ պետք է հանձնել հարկային մարմին, և եթե կան հաշվետվություններ, որոնք պետք է հանձնել ՏՏ Նախարարություն (ամսական, եռամսյակային, տարեկան), խնդրում են ասել։ Կանխավ շնորհակալ եմ օգնության համար։

Շուշանիկ. Բարև ձեզ: Հարցս հետևյալն է՝ եթե ՏՏ ոլորտի ընկերությունն ունի հավաստագիր, նա միայն վճարելու է 10 տոկոս եկամտային, թե՞ նաև հասույթից հարկեր էլ է վճարելու՝ շրջանառության հարկ կամ ԱԱՀ։ Կանխավ շնորհակալություն։

Նունե. Բարև ձեզ։ ԱԱՀ վճարող Ա/Ձ֊ն՝ ՏՏ ոլորտ, ի՞նչ հարկեր պետք է վճարի՝ շահութարկի կանխավճար, սոց., դրոշմանիշ ու քանի՞ տոկոս, ե՞րբ։

Անի. Բարև Ձեզ, հարգելիներս։ Խնդրում եմ օգնեք՝ ցանկանում ենք ՍՊԸ բացել Հայաստանում, որը ՏՏ ոլորտի ծառայություններ է մատուցելու ոչ ռեզիդենտ կազմակերպությանը, որը Հայաստանում մշտական հաստատություն չունի: Հարց 1. ԱԱՀ-ի 0-ական դրույքաչափ կկիրառվի՞ արդյոք։ Հարց 2. ՏՏ ոլորտի արտոնությունից կարո՞ղ ենք օգտվել, եթե աշխատակիցների թիվը լինի 1։

Արուսիկ․ Բարև Ձեզ։ ՏՏ ոլորտում աշխատող ՍՊԸ-ն, որն ունի ՏՏ լիցենզիա և ազատված է շահութահարկ վճարելուց, պե՞տք է հանձնի շահութահարկի հաշվետվությունը։

Բարև Ձեզ։ Ի՞նչ հարկեր պետք է վճարի ԱՁ-ն ՏՏ ոլորտի համար:

Ամալյա․ Բարև ձեզ: Խնդրում եմ օգնել՝ ՍՊԸ աշխատում է շրջանառության հարկով և օգտվում է ՏՏ ոլորտի եկամտային հարկի արտոնությունից: Արդյո՞ք ավելանում է աշխատողի զուտ աշխատավարձը այդ արտոնության հետևանքով, եթե չնվազեցնել անվանական աշխատավարձը, և առհասարակ ինչպե՞ս օգտագործել արտոնությունից ստացված գումարը: Կա՞ն արդյոք սահմանափակումներ: Որտե՞ղ կարող եմ կարդալ այդ մասին։ Խնդրում եմ հղում տալ։ Կանխավ շնորհակալություն։

Տաթև. Բարև Ձեզ: Եթե ուզում եմ ՏՏ ոլորտի ԱՁ գրանցվել և աշխատել արտերկրի ՏՏ կազմակերպությունների հետ (աշխատող չեմ ունենալու), ապա ի՞նչ հարկեր պետք է վճարեմ եւ յուրաքանչյուրը քանի տոկոսն են կազմում իմ եկամուտի։

Արմեն. Բարև Ձեզ։ Շրջհարկով աշխատող ՏՏ ոլորտի կազմակերպությունը կարո՞ղ է ստանալ հավաստագիր և օգտվել եկամտային հարկի արտոնություններց։ Ինչպե՞ս կարող եմ տեսնել արտոնությունները, թե՞ որ օրենքով է սահմանվում:

Վարդուհի․ Բարև Ձեզ, հարգելի հաշվապահներ, խնդրում եմ օգնել մի հարցում. ՏՏ ոլորտում աշխատող կազմակերպությունը ծառայություն պետք է մատուցի ՌԴ, այս դեպքում արդյո՞ք ԱԱՀ-ով հարկվում է գործարքները, թե՞ ոչ։ Եթե կարելի է՝ օրենքի հղումով հուշեք: Կանխավ շնորհակալ եմ:

Հայկ. Ուզում եմ ԱՁ բացել ու ՏՏ ոլորտում ծառայություններ առաջարկել։ ՏՏ ոլորտի արտոնագիր ստանալու ընթացակարգը խնդրեմ կասե՞ք, թե ինչպե՞ս պիտի ստանամ, ի՞նչ վճարներ կան։ Ինչպե՞ս նաև դա արդյոք կազատի ինձ 5% շահութահարկի վճարումից:

Հայկ. Ուզում եմ գրանցել Ա/Ձ ու IT ոլորտում աշխատել։ Արտերկրից ենթադրենք ստացա ամսական աշխատավարձ 1000 դոլար։ Կխնդրեմ մանրամասն ներկայացնել՝ ի՞նչ հարկեր կան, և ինչպե՞ս է վճարման կարգը։

Անի. Հարգելի հաշվապահներ, IT ոլորտի համար կա՞ն ինչ-որ արտոնություններ:

Տիգրան. Բարև ձեզ: Ինձ հետաքրքրում է ԱՁ-ի և ինքնազբաղվածի տարբերությունը, մասնավորապես հարկերը, և ՏՏ ոլորտի արտոնությունները, եթե պատրաստվում եմ աշխատել տնից` ֆրիլանս:

Սոնա. 2020թ-ից կազմակերպությունը ձեռք է բերել հավաստագիր` տեղեկատվական տեխնոլոգիաների ոլորտում աշխատելու և համապատասխան աջակցություններից օգտվելու համար: 2021թ-ի դեկտեմբեր ամսին կնքելու է պահմանագիր օտարերկրյա ոչ ռեզիդենտ կազմակերպության հետ՝ ՏՏ ոլորտի ծառայություն մատուցելու նպատակով: Այսինքն` կատարվելու է ծառայության արտահանում: 1.Կազմակերպությունը ընդհանուր հարկման դաշտում հարկվելու՞ է ԱԱՀ-ի 0-ական դրույքաչափով: 2.Կազմակերպությունը 2021թ-ի համար ազատվա՞ծ է շահութահարկից՝ ելնելով ՀՕ Շահութահարկի մասին օրենքի 8-րդ հոդվածից:

Էմմա. Բարև ձեզ: Կարո՞ղ եք օգնել հասկանալ ՏՏ ոլորտում հավաստագրի համար դիմելու և դրանից հետո հարկային արտոնություններից օգտվելու կարգը։ Եթե փորձ ունեք, խնդրում եմ կիսվել։ Կանխավ շնորհակալություն։