Ֆլորա.

Խնդրում եմ օգնեք ինձ այս հարցում: 2011թ.-ի փետրվարին կատարել ենք փոխանցում պարտադիր սոց, ինչպես նաև փոխանցել ենք տույժ վճարումն ուշացնելու համար` նպատակը նշվել է փոխանցման ժամանակ: Սակայն այդ հաշվարկը պետք չէր անել և առավելևս փոխանցել: Եթե կարող եք, գրեք խնդրում եմ, ի՞նչ ձևակերպումներ անեմ ճշգրտելու համար, և արդյո՞ք գերավճար կդիտվի այդ փոխանցումը` չնայած նրան, որ նպատակը նշել ենք:

astxik.

Խնդրում եմ պատասխանեք` շահութահարկում ակտի տույժ ու տուգանքները ծախսագրվու՞մ են: Շնորհակալություն:

Գոհար.

ՀԴՄ կտրոն չտրամադրելու դեպքում առաջին անգամ որքա՞ն է տուգանքի չափը:

ԱՐՄԵՆ.

Հարգելի հաշվապահներ, եթե Ա/Ձ-ն գրանցվել է 4 տարի առաջ, չունի աշխատող, բայց տարեկան անհատական հաշվետվություն տարածքային սոցապ 1 անգամ է ներկայացրել և ամեն տարի էլ չի ներկայացրել, տուգանք կնշանակվի՞ արդյոք դրա համար:

Ֆլորա.

Հարգելի հաշվապահներ, եթե Ա/Ձ-ն գրանցվել է նախորդ տարվանից, ոչ մի գործունեություն չի կատարել և նույնիսկ Ա/Ձ-ի նվազագույն սոց. վճարը չի կատարել (5000 դրամ), արդյո՞ք նա պետք է վճարի այդ սոց. վճարները և միաժամանակ տույժ 0,15%-ի չափով:
Կանխավ շնորհակալություն:

Ռուզան.

Արդյոք գոյություն ունի ֆիզիկական անձանց գույքահարկի վաղեմության ժամկետ: Այսինքն` եթե տարիներ առաջ չենք վճարել գույքահարկը, ապա այսօր կարո՞ղ ենք ինչ-որ կերպ խուսափել նախկին տարիների կուտակված գույքահարկի և տույժ-տուգանքների վճարումից:

Կարեն Մարտիրոսյան.

Բարև Ձեզ, ես ժամանակավորապես գտնվում եմ արտերկրում, հաշվետվությունները ուշացնելու պատճառով վարչական տուգանքի եմ ներկայացվել, եկել է համապատասխան նամակ և գրություն 20000 դրամի չափով, բայց նշված չի բյուջեի որ հաշվի համարին պետք է փոխանցվի, բանկերը այդ հաշվի համարները չգիտեն, զանգում եմ Հայաստանի բոլոր հարկային տեսչությունները, նրանք էլ չգիտեն կամ ասում են` իրավաբաններին հարցրեք, այդպես էլ իրավաբաններին չգտանք, թեժ գիծը զանգերին չի պատասխանում հեռ. 594618,594658,594618 և այլն: Խնդրում եմ ասել, ինձ ուղարկված համապատասխան գրության մեջ պե՞տք է նշված լիներ վարչական տուգանքի բյուջեի հաշվի համարը, թե՞ դա պարտադիր չի: Եվ խնդրում եմ, եթե հնարավոր է, ասեք այդ հաշվի համարը, քանի որ քիչ ժամանակ է մնացել:

Անի.

Խնդրում եմ պատասխանել: Եթե դրամարկղային գրքում եջը կեղտոտվել է և պոկվել, այն նորից կպցվել է և գլխավոր հաշվապահի կողմից ակտավորվել: Սրա համար տուգանք հասնու՞մ է: Իսկ առհասարակ եթե էջ է պակասում գրքից, բայց ոչ լրացված (բոլոր ամիսների գրառումներն առկա են), ի՞նչ տույժ է հասնում սրա համար:

Անի.

Եթե բանկից գումար է կանխիկացվել, իսկ բանկի տված գործարքի հաստատման թուղթը պատռվել է և սկոչի օգնությամբ կպցվել է, ինչ որ տուգանք հասնու՞մ է սրա համար:

Լիլիթ.

Ուզում եմ իմանալ, թե ձև 9-ի և 10-ի վերջնաժամկետը երբ է, և ուշացնելու դեպքում վարչական ակտ գրելու՞ են:

Վահան.

Վիճակագրական տվյալները հունվար ամսվա համար սխալ ներկայացնելու համար (ներկայացրել եմ աճողական կարգով, բայց պարզվում է, որ պետք է ներկայացնեյի միայն հունվար ամսվա համար, բլանկի ձևը փոխվել է) Ա/Ձ-ն պե՞տք է տուգանվի, թե՞ կա ուրիշ ընթացակարգ չտուգանվելու համար: Եվ եթե պետք է տուգանվի, ապա խնդրում եմ նշել տուգանքի չափը:

Գոհար.

ՍՊԸ-ն, որը հաշվետվությունները ներկայացնում է էլեկտրոնային եղանակով, ԱԱՀ-ի հունվար ամսվա հաշվետվությունը ինտերնետային կապի խափանման պատճառով ուղարկել է “Հայփոստ”-ի միջոցով: Արդյունքում ՍՊԸ-ին ներկայացվել է վարչական տուգանք: Խնդրվում է մատնանշել այն օրենքը, որը արգելում է գոնե բացառիկ դեպքերում հաշվետվությունների ուղարկումը “Հայփոստ”-ի միջոցով:
Կանխավ շնորհակալություն:

ԱՆՆԱ.

Հարգելիներս, ասացեք խնդրեմ, արդյո՞ք կազմակերպությունն իրավունք ունի առհաշիվ գումարների ծախսման մասին հաշվետվությունով երևացող պարտքը աշխատակցին տա մի քանի ամիս ուշացումով: Սա կարո՞ղ է խախտում դիտվել: Մեկ հարց ևս. կազմակերպությունը կարո՞ղ է որպես ծախս նվազեցնել հարկայինի կողմից հարկերը վճարելն ուշացնելու հետևանքով հաշվարկված տույժերը:

ELEN.

Ողջույն,
ես արդեն մոտ 7 ամիս վարում եմ մի ՍՊԸ ի հաշվապահություն: Բոլոր հաշվետվությունները պարտադիր ներկարկայացրել եմ ճիշտ ժամանակին, միայն մինչ օրս վիճակագրություն չեմ ներկայացրել: Նշեմ նաև, որ ՍՊԸ-ում աշխատում եմ հենց նրա բացման օրից:
Խնդրում եմ ասեք` ինչ անեմ, հնարավո՞ր է, որ տուգանքներ են եկել, որոնց մասին չգիտեմ:

Աիդա.

Հարգելի հաշվապահներ,
խնդրում եմ օգնել ինձ մի հարցում: Կազմակերպությունը սոցվ. ճարների գծով 01.12.2010թ.-ի դրությամբ ունեցել է որոշակի գերավճար: Արդյո՞ք դա կհաշվանցվի հաջորդ ամսվա հաշվարկին: Նաև մի հարց` սոց. վճարների ուշացման դեպքում ի՞նչ տուգանք կարող է լինել:
Նախապես շնորհակալություն:

Մարինա.

Ես ուշացրել եմ սոցի հաշվետվությունը 4 օր, ինձ տուգանք հասնո՞ւմ է:

Արփինե.

Բարև բոլորին: Խնդրում եմ ձեզ, պատասխանեք իմ մի քանի հարցերին:
1. Եթե նախորդ հաշվապահը չի ներկայացել վիճ. վարչություն և 2009թ. հաշվետվություն չի ներկայացրել, և եթե ես այս տարի ներկայանամ, ինձ կտուգանե՞ն, թե՞ ոչ: Եթե տուգանեն, ապա ի՞նչ գումարի չափով:
2. Ես այս եռամսյակում ունեցել եմ 5-ից ավել աշխատակից, շփոթել եմ և այս եռամսյակի հոկտեմբեր ամսվա համար ամսական հաշվետվություն եմ ներկայացրել` եռամսյակայինի փոխարեն: Հիմա ուզում եմ մյուս 2 ամիսների համար ոչինչ չներկայացնել: Ամսական հաշիվ կներկայացնեմ մյուս եռամսյակում: Իմ այդ սխալի համար ինձ կտուգանե՞ն, թե՞ ոչ:
Նախապես շնորհակալություն:

Էդգար.

Հարգելի գործընկերներ,
ի՞ նչ տուգանք է նախատեսված առաքման գիրքը առաքման վայրում չպահելու համար:

Դավիթ.

Ով պատասխանի այս հարցին, կարծում եմ կարժանանա ՀՀ լավագույն հաշվապահ տիտղոսին: Կարդալ ավելին “Հարկերի մասին ՀՀ օրենք” →

Ժոռա.

Բարև բոլորին:
Եթե կարելի է, ինձ պարզաբանեք. Վիճ.վարչության հաշվետվություններում ես մի 3-4 անգամ սխալ եմ ցույց տվել աշխատողների միջին ցուցակային թիվը: Արդյոք սա նշանակում է, որ ինձ կտուգանեն յուրաքանչյուր դեպքի համար առանձին , թե ընդհանուր մեկ թվով և ընդհանրապես որքա՞ն է այդ խախտման մաքսիմալ պատիժը:

Ella.

Բարև Ձեզ: Խնդրում եմ ինձ օգնեք: Եթե կազմակերպությունը 4 տարվա ընթացքում վիճակագրական ծառայության կողմից տեղեկացված չի եղել, որ պետք է տեղեկություններ ներկայացնի, և գրությունը ստացել եմ 06.06.2010թ. 1) Կազմակերպությանը հասնու՞մ է տուգանք 2) Կազմակերպությունը ո՞ր ժամանակահատվածը պետք է ներկայացնի 3) Նախորդ տարվա տվյալները կազմակերպությունը իրավունք ունի՞ չներկայացնելու:

Անահիտ.

Բարև Ձեզ, եթե աշխատողի պայմանագիրը ավարտվել է 2010թ. օգոստոսի 31-ին, իսկ վերջնահաշվարկ չի արվել, այլ արվել է 2010թ. սեպտեմբերի 15-ին, ինչպիսի՞ տուգանք պետք է վճարել և ու՞մ:

Սմբատ.

Խնդրում եմ օգնեք ինձ.
Ա/Ձ – ն բացելուց հետո այն չեմ գրանցել տարածքային սոց վարչությունում, որոշ ժամանակ հետո ինձ սոց վարչությունից ծանուցագիր են ուղարկել Ա/Ձ – ն գրանցելու պահանջով: Նույն օրը ներկայացել եմ անհրաժեշտ բոլոր փաստաթղթերով և դիմում եմ գրել Ա/Ձ – ն գրանցելու խնդրանքով: Սոց վարչությունում բանավոր տեղեկացրել են, որ երկու ամսից ավելի է Ա/Ձ – ի վկայականը տրվել է, այդ պատճառով ենթարկվել եմ 20000 դրամ տուգանքի և պետք է այն մուծեմ: Արդյոք պետք է մուծվի այդ տուգանքը:

Սոնա.

Բարև Ձեզ,

Խնդրում են օգնեք ինձ հետևյալ հարցում. եթե անհատ ձեռներեցը, որ գրանցվել է մայիսին ու, չունենալով գործարք, չի վճարել ամսական սոց., ի՞նչ տույժերի է ենթարկվում, ու ի՞նչ քայլեր են անհրաժեշտ այսպիսի իրավիճակում:

Կանխավ շնորհակալություն:

Սյուզի.

Բարև Ձեզ, հարց ունեմ կապված հասույթի գրքի վարման հետ:
Եթե հասույթի գրքում ապրանքի գնի փոփոխություն եմ գրանցել (սխալմամբ), և հաջորդ օրը հաշիվ ապրանքագրով վաճառել տվյալ ապրանքից, բայց նախորդ գնով, և հիմա էլ վաճառում ենք նախորդ գնով, ու տվյալ գնի փոփոխության վրա ուղղակի գիծ եմ քաշել, ի՞նչ եք կարծում, դա ենթակա՞ է որևէ տուգանքի:
Նաև կխնդրեմ ինձ տեղեկացնել հասույթի գրքի վարման կարգին կամ որևէ կայք, որտեղից հնարավոր կլինի ինֆորմացիա ստանալ…
Կանխավ շնորհակալություն:

Ռուզաննա.

Հարգելի կոլեգաներ, խնդրում եմ պատասխանել`արդյոք գլխավոր գրքի վարումը պարտադիր է բոլոր կազմակերպությունների համար և դա չունենալու դեպքում հարկային ինչպիսի տուգանք է նախատեսվում :

Կանխավ շնորհակալ եմ:

Սեդա.

Մեկ հարց: Տնտեսական մրցակցության պաշտպանության պետական հանձնաժողով, հանձնաժողովի որոշմամբ պահանջվող տեղեկությունը տնտեսավարվող սուբեկտի կողմից ուղարկվել է յոթ օր ուշացումով;Հանձնաժողովը սուբեկտին տուգանում է 500.0 հազ. դրամի չափով,հիմք ընդունելով “Տնսեսական մրցակցության պաշտպանության մասին” ՀՀ օրենքի 36-րդ հոդվածի 7-րդ կետի պահանջը:Իսկ այնտեղ ուղղակի գրված է “հանձնաժողովի որոշմամբ սահմանված փաստաթղթերը կամ այլ տեղեկություն չներկայացնելն….առաջացնում է տուգանքի նշանակում 500.0 հազ. դրամի չափով”, այստեղ`”չներկայացնելու” և” ուշացումով ներկայացնելու” միջև դրվում է հավասարության նշան:Խնդրում եմ գործող օրենսդրության սահմաններում,հիմնավորեք Ձեր կարծիքը:

Մարիամ.

Բարև Ձեզ
խնդրում եմ ինձ հուշեք,ՍՊԸ-ն ունի պարտքեր,եթե տնօրենը փոփոխվում է ով է պատասխանատու պարտքերի համար հին տնօրենը,թե` նորը և, եթե կա ուշացած հաշվետվություն, վարչական տույժը պետք է վճարի հին տնօրենը,թե նորը
Շնորհականություն

Տաթև.

Խնդրում եմ պատասխանեք,
եթե կազմակերպությունն արդեն գրանցվել է հարկային տեսչությունում և վիճվարչությունում, սակայն դեռևս գործունեություն չի ծավալել, արդյոք նա պարտավոր է հաշվետվություն ներկայացնել վիճակագրական վարչություն: Չներկայացնելու դեպքում ինչպիսի տույժ է կիրառվելու:
Շնորհակալություն

Դիանա.

Ողջույն հարգելի կոլեգաներ
Ես սկսնակ հաշվապահ եմ և ունեմ հետևյալ հարցը դրամարկղի թղթապանակի վարելու մասին`
1. դրամարկղից յուրաքանչյուր ելքի ժամանակ, երբ դուրս ենք գրում ելքի օրդեր, նրան կատարած ծախսի ՀԴՄ կտրոնը կցելը բավական է արդյոք:
2. դրամարկղի գիրքը հարկային մարմնում գրանցելու ժամկետը որքան է և ինչ չափի տուգանք է դրա համար նախատեսված:

Կանխավ շնորհակալ եմ

Էմիլյա.

Եթե հետաձգված ԱԱՀ-ով ապրանքը իրացրել ենք ինչ տույժ եւ տուգանքների ենք ենթարկվում:

Meri.

Եթե ձեռնարկության տնօրենին, որն ընդունվել է աշխատանքի 2005թ-ից չեն փոխանցել հրամանագրքից գրնցամատյան, բայց այդ ընթացքում նրա համար հաշվարկվել է աշխատավարձ և նրա ստորագրությունը կա բոլոր փաստաթղթերի տակ, իսկ նրա գրանցամատյանում չգրանցվելու փաստը հայտնի է դարձել միայն 2009թ-ին, ինչպես ուղղել այդ սխալը կարելի է արդյոք գրանցամատյանում խախտել ժամանակագրական կարգը