Հայկ․

Բարև Ձեզ: Աշխատողին հոկտեմբեր ամսվա համար աշխատավարձի կանխավճար էի փոխանցել, սակայն ամբողջ ամիս չի աշխատել և ազատվել է աշխատանքից: Վերջնահաշվարկի արդյունքում պարզվեց, որ ավել վճարված մասը նա պետք է հետ փոխանցի: Աշխատողը փոխանցումը արել է տերմինալով, այլ ոչ թե իր բանկային հաշվից: Նպատակն էլ նշել է հաշվի համալրում: Սա խնդիրներ կառաջացնի՞ արդյոք: Շնորհակալություն։

Մագա․

Բարև Ձեզ։ 2013 թվականից աշխատում եմ մասնավոր դպրոցում որպես գործավար։ Այժմ երկրորդ երեխայի խնամքի արձակուրդի մեջ եմ, որ լրացել է հուլիսին։ Դեռ աշխատանքի չեմ ներկայացել, ազատման ծանուցում չեմ ստացել։ Ինքս ուզում եմ ազատվել։ Այս դեպքում ես վերջնահաշվարկ կստանա՞մ։

Վարդան․

Բարև Ձեզ, հարգելի մասնագետներ: 23.03.23 մինչև 06.09.24 աշխատում եմ ՍՊԸ-ում, գրանցված աշխատավարձս 158 000 է, և ունեմ հասանելիք 1 օր արձակուրդ։ Կխնդրեմ ասեք՝ վերջնահաշվարկս ո՞նց հաշվեմ:

Անահիտ․

Բարև ձեզ, խնդրում եմ ասել՝ հետևյալ պայմանների դեպքում որքա՞ն պետք է կազմի արձակուրդային վճարը․ ընդունվել եմ աշխատանքի 15.06.2023, դուրս եմ եկել աշխատանքից 10.07.2024, արձակուրդ ունեմ 24 օր, ընդհանրապես չեմ օգտագործել, աշխատավարձս 150 000 է, բայց 110 է գրանցված։ Եթե նշված տվյալները բավարար են, խնդրում եմ մոտավոր հաշվարկ կասե՞ք։

Նարե․

Հարգելի հաշպահներ, եթե կազմակերպությունը գտնվում է ծանր ֆինանսական դրության մեջ, ապա կարո՞ղ է աշխատակիցը դիմում գրել ազատման մասին և տալ համաձայնություն վերջնահաշվարկ չկատարելու մասին, քանի որ գործատուն չի կարող վճարել վերջնահաշվարկի գումարը։

Էմմա․

Բարև Ձեզ,

մի էսպիսի հարց․

Ըստ ԱՕ կարգավորումների, եթե աշխատողը ազատվում է աշխատանքից մինչև աշխատանքային տարվա ավարտը, որի համար նման արդեն տրամադրվել է արձակուրդ, արդյո՞ք աշխատողից գանձվում է չաշխատած օրերի համար վճարված գումարը: Կանխավ շնորհակալություն:

Նելլի․

Եթե աշխատակիցը սեպտեմբերից մինչև դեկտեմբերի 25 աշխատել է, այնուհետև ազատվել, և չի վճարվել վերջնահաշվարկ: Նորից մտել է և աշխատել 2 ամիս, կարո՞ղ եմ այս անգամ վերջնահաշվարկ հաշվարկելիս նախորդն էլ վճարել:

Դիանա․

Բարի երեկո։ Եթե անձը ֆիզ. արձակուրդում է, կազմակերպությունը լուծարվում է.

1) Երեխայի խնամքի նպաստը դադարեցնու՞մ են փոխանցել

2) Եվ եթե մյուս աշխատակցի վճարվող արձակուրդն ավարտվել է (2 տարին), 1 տարի հետո պետք է վերադառնար աշխատանքի, վերջնահաշվարկ ունի՞ ստանալու

Շնորհակալ եմ։

Դիանա․

Հարգելի հաշվապահներ, շնորհակալ կլինեմ, եթե արձագանքեք։ Եթե ֆիզ. արձակուրդից ֆիզ. եմ գնացել և մի քանի ամսից ավարտվում է արձակուրդը․
1) առանց գրավոր ծանուցելու չեն կարող ազատել աշխատանքից, այդ դեպքում որո՞նք են իմ անելիքները (բանավոր ուղղակի ասել են, որ առայժմ աշխատողի կարիք չունեն)
2) եթե ժամկետը լրանա, ու ինձ չընդունեն աշխատանքի, ես վերջնահաշվարկ ունե՞մ ստանալու, եթե ֆիզից ֆիզ եմ գնացել ու այդ ընթացքում չեմ աշխատել
3) ինչպե՞ս կարող եմ իմանալ՝ արձակուրդային չօգտագործված օրեր ունե՞մ

Կանխավ շնորհակալ եմ։

Հայկ․

Բարև Ձեզ: Գործատուն ցանկանում է աշխատողին ազատել ԱՕ 113-րդ հոդվածի 1-ին մասի 5-րդ կետի հիմքով, այսինքն աշխատանքային պարտականությունները թերի կատարելու համար:

Հարց 1. Ծանուցումը քանի՞ օր առաջ պետք է ուղարկել:

Հարց 2. եթե աշխատողը հրաժարվում է առձեռն ստորագրել ծանուցումը, ապա փոստային առաքումով ուղարկելը բավարար հի՞մք է ազատելու համար:

Հարց 3. եթե աշխատողը այլևս չի ներկայանում աշխատանքի, ապա այդ օրերի համար աշխատավարձի հաշվարկ չի՞ կատարվում:

Սոնա․

Բարև Ձեզ։ Վեցօրյա գրաֆիկով աշխատող աշխատակիցն իր դիմումի համաձայն ազատվել է աշխատանքից 2024թ․ հունվարի 31-ին։ Նախորդ տարիներից չի ունեցել չօգտագործած արձակուրդային օրեր։ Կատարվել է աշխատակցի հետ վերջնահավարկ, վճարվել է աշխատած օրերի համար և հունվար ամսին կուտակած 2 օր արձակուրդային։ Արդյո՞ք ճիշտ են կատարված գործողությունները, և այս դեպքում արձակման նպաստ գործատուն պե՞տք է վճարի, թե՞ ոչ։

Քրիստինե․

Բարև Ձեզ, հարցս հետևյալն է․ աշխատողը 2020 թվականից ստացել է իր արձակուրդայինները, 2023 թվականի դեկտեմբերին դիմում է գրել արձակուրդի, որը տրամադրվել է 2024 թվականի հունվարի 3-ից, արձակուրդից հետո դիմում է գրվել աշխատանքից ազատվելու, և դուրս է եկել աշխատանքից (նախօրոք դեկտեմբերին տեղեկացրել է, որ դուրս է գալու )։ Հիմա քանի որ տրամադրել են արձակուրդային, հետ են պահանջում՝ նշելով, որ 6 ամիս 2024 թվականին չի աշխատել։ Իրավացի՞ են արդյոք գումարը հետ պահանջեն, (վերջնահաշվարկը վաղը պետք է փոխանցեն, բայց չգիտենք ինչքան, բոլոր արձակուրդներից օգտվել է)։

Աննա․

Բարև ձեզ։

Կարո՞ղ եք ինձ օգնել՝ ի՞նչ անել, եթե տնօրենն եմ և ուզում եմ ազատվել աշխատանքից, իսկ հիմնադիր տնօրենը չի ստորագրում իմ դիմումի տակ և նոր տնօրեն չի բերում։

Գիտեմ, որ հարկավոր է պետռեգիստրից հանել և նորին գրանցել հիմնադիրի հրամանի համաձայն, կատարել վերջնահաշվարկ և հարկայինից հանում։ Սակայն հիմնադիրը չի տալիս հրաման, և բացի դատարան դիմելուց ինչպե՞ս կարող եմ ես ազատվել աշխատանքից։

Մանուշակ․

Բարև Ձեզ, կխնդրեի հարցիս պատասխանել, եթե հնարավոր է։ Աշխատողը աշխատում է 01.12.2009թ-ից։ Աշխատողը 2013-ին գնացել է արձակուրդ երեխայի խնամքի հետ կապված 2 ամիս, դրանից հետո ամեն տարի իրեն տրվել է ամենամյա վճարվող արձակուրդ, 2024 դուրս գալուց աշխատանքից վերջնահաշվարկի ժամանակ չեն տալիս 2024 հասանելիք արձակուրդի գումարը, դա օրենքի սահմաններու՞մ է։

Կիմա․

Բարև ձեզ, հարգելի հաշվապահներ։ Խնդրում եմ ասեք՝ կամավոր ատեստավորման նվազագույն շեմը չհաղթահարած ուսուցչին աշխատանքից ազատվելու դեպքում պետք է վճարել արձակման նպա՞ստ, թե՞ վերջնահաշվարկ։ Շնորհակալություն։

Մարի․

Բարև ձեզ։ Ես հիմա երեխայի խնամքի արձակուրդում եմ, բալիկս 5 ամսական է։ Ինձ բանավոր տեղեկացրել են, որ հաստիքս կրճատվելու է ֆինանսական դժվարությունների պատճառով։ Կարո՞ղ է գործատուն ինձ հեռացնել աշխատանքից խնամքի արձակուրդի ընթացքում։ Եթե այո, փոխհատուցում նախատեսվա՞ծ է։ Եթե ոչ, ապա ե՞րբ կկարողանա` բալիկի 1 տարեկան, թե՞ 3 տարեկան դառնալուց հետո։

Լարիսա․

Ողջույն: Աշխատակիցն ազատվել է աշխատանքից, սակայն վերջնահաշվարկի ժամանակ պարզվել է, որ իրեն տրամադրված վճարովի արձակուրդային օրերը տրամադրվել են հասանելիք օրերի քանակից ավել, և վերջինս պարտք է գործատուին: Տեղյակ ենք, որ գանձման ընթացակարգը սահմանված է 213 հոդվածով, սակայն մեզ անհասկանալի է 214 հոդվածը։ Եթե հնարավոր է՝ խնդրում եմ պարզաբանել, նաև կուզեմ իմանալ ՀԾ ծրագրով ձևակերպման կարգը։ Կանխավ շնորհակալություն:

Լամարա․

Բարի երեկո։ Խնդրում եմ պատասխանել։ Աշխատողը նոր է ընդունվել։ 4 աշխատանքային օր է եկել աշխատանքի և բերել է հիվանդության թերթիկ 15 աշխատանքային օր, ապա ազատվել աշխատանքից։ 4 օրվա համար հաշվարկվել է 9 100 դրամ աշխատավարձ (կեղտոտ)։ Ինչպե՞ս հաշվել նպաստը։ Հասնու՞մ է վերջնահաշվարկ (4 օրվա համար)։ Ու դա ինչպե՞ս հաշվել։

Քրիստինե․

Բարև բոլորին։ Աշխատողին վերջնահաշվարկ վճարելու համար կատարել ենք հաշվարկ, որտեղ միջին ամսականը կազմել է 53 000 դրամ։ Հաշվարկը կատարելու ենք ա՞յս թվով, թե՞ նվազագույն աշխատավարձի չափով՝ 104 000 դրամով։ Եվ ո՞ր օրենքի ո՞ր կետում է դա նշված, եթե միջին ամսականը փոքր է նվազագույն աշխատավարձից, ապա հաշվել նվազագույն աշխատավարձի չափով։ Շնորհակալ եմ։

Հերմինե․

Ողջույն:

Խնդրում եմ ասեք, եթե վերջնահաշվարկի ժամանակ պարզվել է, որ աշխատակիցն ազատվել է աշխատանքից, սակայն վերջնահաշվարկի ժամանակ պարզվել է, որ իրեն տրամադրված վճարովի արձակուրդային օրերը տրամադրվել են հասանելիք օրերի քանակից ավել, և վերջինս պարտք է գործատուին: Ի՞նչ ընթաակարգով կարելի է այդ գումարը հետ գանձել:

Կանխավ շնորհակալություն:

Արմինե․

Բարև Ձեզ, խնդրում եմ օգնել հետևյալ հարցով.

Աշխատակիցը, որը գտնվում էր մինչև երեք տարեկան երեխայի խնամքի արձակուրդում, արձակուրդը լրանալուց իր դիմումի համաձայն ազատվել է աշխատանքից։ Ինչպե՞ս հաշվել վերջնահաշվարկ, ո՞ր աշխատավարձը վերցնել մինջին աշխավարձը հաշվելիս։

Գայանե․

Բարև Ձեզ։ Եթե վերջնահաշվարկ եմ կատարում, միջին օրականը հաշվարկելիս մայրության նպաստը ընդգրկվու՞մ է հաշվարկի մեջ: Կանխավ շնորհակալ եմ։

Բարև ձեզ: Ինձ կօգնե՞ք կատարել աշխատողի վերջնահաշվարկը: Աշխատողը աշխատանքի է ընդունվել 17.07.2023թ. և դուրս է գալիս աշխատանքից 21.08.2023թ.։ Հուլիսի աշխատավարձը 67 485 դրամ է հաշվարկվել։ 5-օրյա աշխատանքային շաբաթ է։ Իմ կարծիքով 1 օր է հասնում, թե՞ ոչ մի։

Լուսինե․

Բարև ձեզ։ Խնդրում եմ ասացեք․ աշխատողը ընդունվել է աշխատանքի 05.08.2022-ին, և նույն թվականի օգոստոսի 22-ից գտնվում է պարապուրդում մինչև 15.08.2023 թ-ը։ 15.08,2023 թվականին ազատվել է աշխատանքից։ Խնդրում եմ ասացեք վերջնահաշվարկի օրերի քանակը։

Էլինա․

Հարգելի հաշվապահներ, արդյո՞ք ոչ նյութական ակտիվի մշակման ծախսումներում ներառվում է մշակման գործընթացում ներգրավված աշխատողի արձակուրդային գումարը կամ վերջնահաշվարկը։ Կանխավ շնորհակալ եմ։

Թինա․

Բարև Ձեզ, հարգելի հաշվապահներ։ Եթե աշխատակցի հետ աշխատանքային պայմանագիրը լուծվում է փորձաշրջանը չանցնելու հիմքով, այդ դեպքում նրան արձակման նպաստ վճարվու՞մ է ԱՕ 129 հոդվածի 1-ին մասի չափով, թե՞ ոչ։

Դավիթ․

Բարև Ձեզ: Խնդրում եմ օգնեք վերջնահաշվարկս հաշվեմ: Աշխատում եմ 7 տարի, ունեմ 38 օր չօգտագործված արձակուրդ, կեղտոտ աշխատավարձս 5 տարի եղել է 128,000 դրամ, 2021թ․-ի սեպտեմբերից 192,000։ Մաքուր աշխատավարձս արդեն 2 տարի 141,000 դրամ է, դեկտեմբեր ամսին ստացել եմ նաև 13-րդ աշխատավարձ 141,000 դրամ։ Գործատուն հաստիքի կրճատման հետևանքով է ազատում աշխատանքից և ինձ այդ մասին չի ծանուցել։ Այս դեպքում հասնում է արդյոք արձակման նպաստ և ինչքա՞ն և ճի՞շտ եմ հասկանում որ նաև ինձ վճարելու է տուժանք չծանուցած օրերի համար որը 57 օր է կազմում։ Խնդրում եմ հարցը շատ շտապ է եթե հնարավոր է կասե՞ք ինչքան գումար եմ ստանալու։ Որքա՞ն է կազմելու վերջնահաշվարկը, նպաստը և տուժանքը, և արդյո՞ք սա ամբողջ գումարն է որը նա վճարելու է քանի որ կադրերի բաժնի պետը ինձ համոզում էր սեփական դիմումի համաձայն ազատվեմ աշխատանքից՝ ինձ եռապատիկ աշխատավարձ տալու պայմանով։ Կանխավ շատ շնորհակալ եմ։

Դավիթ․

Բարև Ձեզ։ Այսօր՝ հունիսի 13-ին, ծանուցում եմ ստացել, որ հաստիքի կրճատման հետևանքով հունիսի 22-ից լուծվում է աշխատանքային պայմանագիրս։ Նշված է, որ ըստ Աշխատանքային Օրենսգրքի 129-րդ հոդվածի կվճարեն արձակման նպաստ մեկ ամսվա միջին աշխատավարձի չափով, և 115-րդ հոդվածի 2-րդ մասով տուգանք՝ ծանուցման յուրաքանչյուր ժամկետանց օրվա համար միջին օրական աշխատավարձի չափով (2 ամիս առաջ պետք է ծանուցեին)։ Իմ ամսական աշխատավարձը հարկերով 192 000 դրամ էր, մաքուր՝ 140 800, (միջին օրական աշխատավարձի հաշվարկման ձևը չգիտեմ մաքուր աշխատավարձով են հաշվում թե կողտոտ, եթե մաքուր ապա 7 400 դրամ, եթե կողտոտ ապա 10 900 դրամ), ունեմ նաև 38 չօգտագործված արձակուրդային օր։ Աշխատում եմ հնգօրյա գրաֆիկով։ Խնդրում եմ կասեք՝ իմ վերջնահաշվարկը ինչքա՞ն պետք է լինի: Շնորհակալություն:

Անի․

Վերջնահաշվարկը եկամտային հարկի հաշվետվության լրացման ժամանակ հաշվեգրման թե՞ դրամարկղային մեթոդն է կիրառվում։

Մարիամ․

Բարև ձեզ: Ես դպրոցի հաշվապահ եմ: Փոխարինող ուսուցիչն աշխատանքի է ընդունվել 2022թ. ապրիլի 4-ին, և 04.07.22թ-22.08.22թ. ժամանակահատվածում 35օր ով արձակուրդ է գնացել, որի համար կատարվել է համապատասխան արձակուրդայինի հաշվարկ։ 2023թ. հունվարի 9-ից, համաձայն իր դիմումի ազատվել է աշխատանքից, այլ աշխատանքի տեղափոխվելու պատճառով:

Այսինքն` ընդհանուր շամանակահատվածով աշխատել է 9 ամիս` սեպտեմբերից հետո բարձր աշխատավարձով։ Քանի որ նա արդեն օգտվել է ուսուցչի համար տրվող 35 օրյա արձակուրդից, ես կատարել եմ վերահաշվարկ` 7 ամսվա, լրիվ ամիսներ, աշխատավարձի գումարը բաժանելով 7-ի և 21-ի վրա, ստացել եմ միջին օրական աշխատավարձի թիվը, այնուհետև 35-ը բաժանել եմ 12 ամիսների թվի վրա և բազմապատկեի 2.92-ով, ստացել 26 օր վերջնահաշվարկի համար: Միջին օրականը բազմապատկել եմ վերջնահաշվարկի համար հիմք հանդիսացող 26 ով և ստացել իրեն հասանելիք վերշնահաշվարկի գումարը։ Հուլիս -օգոստոս ամիսների համար ստացած գումարը ընդամենը 1 000 դրամի տարբերություն է տալիս։

Ինձ ասում են, որ պետք է սեպտեմբերից հետո աշխատած ժամանակահատվածի համար կատարեմ վերջնահաշվարկ: Խնդրում եմ օգնեք ինձ, որովհետև այս ոլորտում ես նոր նոր աշխատող եմ, և որևէ ուրիշ հիմք չգիտեմ` նման հաշվարկ կատարելու և վճարելու համար: Կանխավ շնորհակալ եմ։

Հռիփսիմե․

Բարև Ձեզ, հարգելի հաշվապահներ։ Հարցս հետևյալն է․ եթե աշխատողը գողություն է արել և դրա համար ազատվել է աշխատանքից, և քանի որ ունի դրամական պարտավորություն խանութին, պետք է իր տվյալ ամսվա աշխատավարձը և վերջնահաշվարկը չփոխանցենք իր հաշվեհամարին։ ՀԾ-ում ի՞նչ ձևակերպում անեմ, որ պարտք չերևա։ Ո՞նց վարվեմ, որ ճիշտ լինի։

Սաթեն․

Խնդրում եմ պատասխանեք: Աշխատակցի աշխատանքից ազատման դեպքում նրան չտրամադրված արձակուրդների համար վերջնահաշվարկում քանի՞ օր հաշվեմ, եթե դրանք վերաբերվում են 2006, 2007, 2009, 2011 տարիներին (6-օրյա աշխ. գրաֆիկ), այսինքն հիմք ընդունեմ ներկայիս գործող աշխատանքային օրենսգիրքը, թե՞ համապատասխան տարիներինը։

Անահիտ․

Բարև ձեզ։ Եթե աշխատողին բանավոր տեղեկացրել եմ, որ ազատված է աշխատանքից, վճարել եմ վերջնահաշվարկ, բայց ոչ հրամանով, ոչ էլ հարկային չեմ ազատել որոշակի խնդիրների պատճառով, սակայն աշխատանքի չի ներկայացել տաս օր, ի՞նչ հոդվածով ազատում տամ, որ հիմքերը ճիշտ լինեն։

Անահիտ․

Բարև ձեզ, հարգելի գործընկերներ, խնդրում եմ պարզաբանում հետևյալ դեպքում։

Աշխատողի հետ կնքված է եղել որոշակի ժամկետով աշխատանքային պայմանագիր,
դրանից հետո նա գտնվել է անաշխատունակության արձակուրդում։ 120 օրը լրանալուց հետո բժշկական հանձնաժողովը ժամկետը երկարացնելու որոշում է կայացրել, պայմանագիրը երեք ամսով է կնքված եղել, քանի որ անաշխատունակության մեջ է եղել պայմանագիրը չի լուծվել, վերադարձել է աշխատանքի ծանուցում եմ տվել, որ պայմանագիրը տաս օր հետո լուծվելու է, բայց քանի որ ունեցել է չօգտագործված ամենամյա արձակուրդ, տրամադրել եմ արձակուրդը և պայմանագիրը լուծել եմ արձակուրդի ավարտի հաջորդ օրը, կատարել եմ վերջնահաշվարկ, եթե 60 օր հետո չեմ ազատել, արձակման նպաստ վճարվու՞մ է, թե՞ ոչ, և օրենքով ճի՞շտ է կատարվածը։

Աստղիկ․

Բարև Ձեզ, Հարգելիներս!! Ունեմ Ձեր օգնության կարիքը։ Եթե, օրինակ, Աշխատողն արդեն 140 օր աշխատանքի չի հաճախում՝ անաշխատունակության պատճառով։ Համաձայն ՀՀ ԱՕ-ի պատրաստվում եմ ծանուցել, որ 60 օր հետո ազազտված է աշխատանքից (տասնհինգ տարուց ավելի աշխատողին` 60 օր առաջ)։

Հարց․ 1 Արձակման նպաստը (միջին օրական աշխատավարձի քառասունչորսապատիկի չափով) տրամադրվում է վերջնահաշվարկի հե՞տ։

Հարց 2․ Մինչև ազատումը, այդ 60 օրվա սպասման ժամանակահատվածում աշխատողին ի՞նչ է տրվում, աշխատավա՞րձ, թե՞ այլ վճար, եթե արդեն անաշխատունակ չէ, ուղղակի գործատուն գտնում է, որ աշխատողի երկարատև անաշխատունակության հետևանքով, եթե աշխատողը ժամանակավոր անաշխատունակության պատճառով աշխատանքի չի ներկայացել ավելի քան 120 օր անընդմեջ կամ վերջին տասներկու ամսվա ընթացքում` ավելի քան 140 օր։

Կանխավ շնորհակալություն։

Լիլիթ.

Բարև Ձեզ։ Աշխատակից ունենք կազմակերպությունում աշխատում է 1997թվականի հուլիսի 1-ից, թոշակառու է, դուրս է գալիս աշխատանքից իր դիմումի համաձայն, կասե՞ք քայլերը: Տրվում է և՛ վերջնահաշվարկ, և՛ արձակման նպաստ, թե՞ դրանցից միայն մեկը:

Անի.

Մեկ ամսից պակաս աշխատողի վերջնահաշվարկը ինչպե՞ս պետք է կատարել։

Անի.

Հարգելի հաշվապահներ, աշխատողի դրույքի փոփոխության դեքում սոց. փաթեթի գումարը փոխվում է հաջորդող երկրորդ ամսվանից։ Սեպտեմբերին ըստ նոր տարֆիկացիայի պետք է փոխել և ֆիզում (140օր) գտնվող աշխատողի ժամերը փոխվել է։ Ըստ նոր կարգի մինչև խնամքի գնալը պետք է փոխանցել։ Սակայն հիմա ժամերը, որ փոխվել է, իրավունք ունե՞մ փոխել սոց. փաթեթի գումարի չափը։
Եվս մեկ հարց։ Պահակը գնացել է արձակուրդ և 20 աշխատանքային օր փոխարինող ենք ընդունել հոկտեմբերի 10-ից նոյեմբերի 4-ը ներառյալ։ Հիմա փոխարինողին ազատելիս պետք է վերջնահաշվարկ կատարե՞մ։ Որպես միջին ինչպե՞ս հաշվեմ և քանի՞ օր է հասնում վերջնահաշվարկ։

Աննա.

Բարև Ձեզ։ Որ խնդրեմ կասեք՝ աշխատողի ազատվելուց ո՞ր դեպքում վերջնահաշվարկ չի կատարվում:

Արմեն.

Բարև Ձեզ: Վերջնահաշվարկի հետ կապված կարո՞ղ եք օգնել։ Աշխատողը 12.04.22թ ընդունվել է աշխատանքի, 30.09.22թ. ազատվել, 6-օրյա, ապրիլ-136 000, մայիս-200 000, հունիս-200 000, հուլիս-300 000, օգոստոս-80 000, վերջնահաշվարկ 80 608 և սեպտեմբերի աշխատավարձ 80 000։ ճի՞շտ եմ հաշվարկել։

Մարիաննա.

Բարև Ձեզ։ Համատեղությամբ աշխատելու դեպքում, ո՞ր դեպքում է հասնում արձակուրդային և վերջնահաշվարկ։

Տիգրան.

Բարև ձեզ։ Ես ուղիղ մեկ տարի գրանցված աշխատել եմ 24 ժամյա գրաֆիկով, ամսական 240 ժամ։ Գրել եմ դիմում իմ հայեցողությամբ և ազատվել աշխատանքից։ Գրանցված աշխատավարձս 123 000 դրամ է։ Արձակուրդ չեմ գնացել, բայց երեք աշխատանքային օրվա գումար ստացել եմ։ Ինձ վերջնահաշվարկ կամ ազատման նպաստ հասնու՞մ է և որքա՞ն։

Մելանյա.

Բարև Ձեզ։ Ես 1 շաբաթ աշխատանքի չեմ գնացել, այնուհետև գնացել ու ազատման դիմում եմ գրել։ Ինձ իմ աշխատած օրերի աշխատավարձը՝ վերջնահաշվարկը, չի տրվելու՞։ Հավելեմ նաև, որ խանութում եմ աշխատել։

Գայանե.

Բարև ձեզ: Վերջնահաշվարկից սոց. վճար չի պահվում, սակայն ինչպե՞ս եկամտային հարկի ամսական հաշվետվության մեջ գրանցեմ վերջնահաշվարկը, որ ավտոմատ սոց. չհաշվի։

Գրիգոր.

Բարև Ձեզ:
Հարց 1) Հիմնադամը (ԲՈՒՀ) ծրագրեր է իրականացնում, և աշխատակիցները մեկնում են գործուղման արտասահման։ Կարո՞ղ ենք արդյոք օրապահիկը աշխատակիցներին փոխանցել արտարժույթով։ Նշեմ, որ ճանապարհածախսի գումարները վճարում ենք ՀՀ դրամով:
Հարց 2) Աշխատակիցը ազատվել է աշխատանքից 2021թ. մարտի 3-ին, ստացել է վերջնահաշվարկ (արձակուրդի փոխհատուցում), այնուհետև 2022թ. օգոստոսի 25-ին դատարանի որոշումով վերականգնվել է աշխատանքի: Դատարանի որոշումը ներկայացվել է կազմակերպութուն 2022թ. սեպտեմբերի 10-ին։ Համաձայն դատարանի որոշման 2021թ. մարտի 3-ից մինչև 2022թ. օգոստոսի 25-ը վճարել են միջին աշխատավարձի չափով, քանի որ որոշումը ուշ է տրվել, աշխատակիցը օգոստոսի 25-ից մինչև սեպտեմբերի 10-ը աշխատանքի չի ներկայացել: Ի՞նչ փաստաթղթի հիման վրա վճարել աշխատակցի աշխատավարձը 2022թ. օգոստոսի 25-ից մինչև սեպտեմբերի 10-ը, արդյոք հե՞տ պետք է պահենք աշխատողի արձակուրդի փոխհատուցումը, քանի որ այն արդեն ցույց է տրվել 2021թ. մարտ ամսվա եկամտային հարկի և 2021թ. տարեկան շահութահարկի հաշվետվությունում։ Եթե այո, ՀԾ-ում ինչպե՞ս կատարել հետ պահումը:
Շնորհակալութկուն:

Մարինե.

Ասեք խնդրեմ, ազատման հրամանի մեջ վերջնահաշվարկի օրերի քանակը գրվու՞մ է, թե՞ ոչ:

Մարինե.

Բարև Ձեզ: Կասե՞ք՝ աշխատողի աշխատանքից ազատման դեպքում հրամանում վերջնահաշվարկը կատարու՞մ է կադրերի տեսուչը, թե՞ հաշվապահը: Կանխավ շնորհակալություն:

Կարինե.

Աշխատողը իր հերթական ամենամյա արձակուրդից օտվելուց հետո ազատվել է աշխատանքից։ Այդ դեպքում աշխատողին վերջնահաշվարկ հասնու՞մ է, թե՞ ոչ (դիմումի համաձայն):

2020թ․ հունվարի 8-ից մինչև 2022 սեպտեմբերի 01-ը աշխատակիցն աշխատելէ ՏՏ ոլորտի արտոնագրով աշխատող ՍՊԸ-ում՝ 5-օրյա գրաֆիկով, սկզբում ոչ լրիվ աշխ․ժամանակով, վերջին մեկ տարուց ավելին նորմալ տևողությամբ։ Այս ընթացքում երբևէ արձակուրդ չի գնացել։ Ինչպե՞ս է հաշվարկվում վերջնահաշվարկը այս դեպքում։ Նշեմ նաև, որ ոչ լրիվ աշխ․ժամանակով աշխատելիս, զուգահեռաբար աշխատել է մեկ այլ ՍՊԸ-ում նույնպես ոչ լրիվ աշխ․ժամանակով։ Չօգտագործված արձակուրդային օրերն ինչպե՞ս են հաշվարկվում ոչ լրիվ աշխատաժամանակի դեպքում։