Tag: ոսկերչական

Լիլիթ․

1. Արծաթյա զարդերի արտադրությունը միկրոձեռնարկատիրության համակարգում կարո՞ղ է աշխատել, եթե տոնավաճառում է։
2. Արդյո՞ք հումքի ձեռքբերման փաստաթուղթ չունենալու 20% եկամտային հարկի վճարելը վերաբերվում է նաև միկրոձեռնարկատիրության համակարգում գտնվողին։

Հեղինե․

ԱՁ-ն ցանկանում է զբաղվել ոսկու արտադրությամբ և վաճառքով: Կարո՞ղ է աշխատել շրջանառության հարկով: Կանխավ շնորհակալություն:

Սյուզաննա․

Ողջույն։ Պատրաստվում եմ Հայաստանում համագործակցել ոսկերիչների հետ և զարդերը վաճառել ԱՄՆ-ում: Ինքս չեմ ունենալու արտադրամաս: Ես և՛ ԱՄՆ-ի, և՛ Հայաստանի քաղաքացի եմ: Տարվա մի մասը ապրում եմ ԱՄՆ-ում, մյուս մասը Երևանում։ Ուզում եմ հասկանալ՝ ԱՁ, թե՞ ՍՊԸ պետք է գրանցեմ: Կամ ընդհանրապես կարիք կա՞ ինչ որ բան գրանցելու: Շատ շնորհակալ կլինեմ օգնության համար:

Ժաննա․

Բարև Ձեզ, հարգելի հաշվապահներ, խնդրում եմ հնարավորության սահմաններում պատասխանել հետևյալ հարցին․ ՍՊԸ-ն պատրաստվում է Հայաստանում զբաղվել ոսկերչական իրերի արտադրությամբ, ի՞նչ հարկաման դաշտում է աշխատելու և ի՞նչ հարկեր ու հաշվետվություններ պետք է ներկայացնի։

Ալինա․

Բարև ձեզ։ Ոսկյա զարդերի վաճառքը ինչպե՞ս է հարկվում ԱՁ-ի դեպքում, ի՞նչ հարկեր է անհրաժեշտ վճարել։

Արև. Բարև ձեզ։ Եթե ես բացեմ ԱՁ, կարո՞ղ եմ աշխատել տանից և վաճառել արծաթյա զարդեր:

Շողիկ․ Բարև ձեզ։ ԱՁ եմ, զբաղվում եմ արծաթյա և ոսկու իրերի վաճառքով։ Կասե՞ք, թե որ հարկման դաշտում եմ լինելու և ինչ հարկեր պետք է վճարեմ։ Հաշվետվությունները ներկայացնելու համար պարտադիր ի՞մ ID card-ն է հարկավոր։

Marat. Բարև ձեզ: Մտադիր եմ գրանցվել որպես անհատ ձեռներեց ոսկերչությամբ զբաղվելու համար: Կարո՞ղ եք օգնել հաշվել հնարավորին հարկերը և տուրքերը: Հ.Գ. բնակության վայր` Դիլիջան:

Արամ. Բարև ձեզ: Արծաթյա զարդերի արտադրությամբ ու վաճառքով զբաղվող անհատ ձեռներեց եմ ու ուզում եմ ՀԴՄ ձեռք բերելու մասին հայտ ներկայացնել, բայց հայտի մեջ կա միայն ոսկերչական արտադրատեսակների վաճառք ու նորոգում կետերը: Ո՞ր կետը պիտի նշվի հայտի մեջ:

Անի. Հարգելի հաշվապահներ, ձեր խորհրդի կարիքն ունեմ: Խնդրում եմ ասեք` ի՞նչ հարկատեսակով է նպատակահարմար աշխատել, եթե ցանկանում եմ ոսկյա զարդեր արտահանել (ֆիզիկական անձանց` մանրածախ վաճառքի դեպքում), և յուրաքանչյուր դեպքում խնդրում եմ նկարագրեք հարկման սխեման, մաքսային վճարները: Եվ արդյո՞ք վերահսկելի է փոստային ծառայությունների միջոցով արտասահման առաքումները հարկային ու մաքսային մարմինների կողմից:

Ալբերտ. Բարև ձեզ։ Ա/Ձ-ն զբաղվում է ոսկերչական իրերի վաճառքով։ Երևան քաղաքում ունի երկու՝ իրարից տարբեր հասցեներով գտնվող վաճառակետեր, որոնց յուրաքանչյուրի մակերեսը 1 քառ. մետր է։ Համաձայն ՀՀ Հաստատագրված վճարների մասին օրենքի 2-րդ գլխի 25.1, 25.2, 25.3, 25.4 հոդվածների՝ առևտրի իրականացման վայրերում ոսկերչական արտադրատեսակների վաճառքի համար հաստատագրված վճարը հաշվարկվում է հետևյալ կերպ. 6 600 x ՄԱԿԵՐԵՍ x ՈՒՂՂԻՉ ԳՈՐԾԱԿԻՑ = = 6 600 x 1 x 2,75 = 18 150 դրամ։ Մանրամասն