Tag: նվիրատվություն

Աշոտ․

Բարև ձեզ։ Եթե կազմակերպությունը գումար է փոխանցում ինչ որ բարեգործական ֆոնդի, դա ծախս համարվու՞մ է, շահութահարկի հաշվետվության մեջ եկամտից կարո՞ղ եմ նվազեցնել։

Նոնա․

Բարև Ձեզ: Եթե ամերիկյան կազմակերպությունը ՀՀ-ում գտնվող ՀՀ քաղաքացի ֆիզանձին ամսական գումար է փոխանցում որպես նվիրատվություն անձնական կարիքները հոգալու (կազմակերպության հիմնադիր տնօրենը կազմակերպության միջոցներից որպես նվիրատություն գումար է ուղարկում իր` ՀՀ քաղաքացի ծնողին), որը գերազանցում է 300 000 դրամը, այդ գումարը եկամտային հարկով հարկվո՞ղ է, թե՞ ոչ, և հայտարարագրում ո՞ր տողում է անհրաժեշտ հայտարարագրել։

Սուսաննա․

Խնդրում եմ օգնեք․ եթե ֆիզիկական անձը ցանկանում է անհատույց օգտագործման սպորտային հագուստ և խմբակի սպորտային գույք տրամադրել խմբակին, մասնավորապես ԱՁ -ի մոտ հարկային դաշտում պարտավորություններ չեն առաջանում, եթե վերջինս աշխատում է ԱԱՀ-ով։ Արդյո՞ք շահութահարկի գծով Ա/Ձ պարտավորություններ կունենա։

Հայկ․

Բարև Ձեզ: Կազմակերպությունը ձեռք է բերել 24 հատ նույն ապրանքից՝ որպես նվեր կանանց տոնի առթիվ: Հարց 1. Կարելի՞ է վերագրել որպես ծախս 7148 հաշվին։ Հարց 2․ Շահութահարկի տեսանկյունից իրավունք կա՞ ԱԱՀ-ն հաշվանցել և ամբողջ գումարի չափով ծախս ճանաչել:

Աշոտ․

Բարև ձեզ։ Ուրիշ կազմակերպության բաժնետոմսերի մի մասը անհատույց տրվել է մեր կազմակերպությանը, դրա հաշվապահական ձևակերպումները ինչպե՞ս տալ, ո՞վ կօգնի։

Դավիթ․

Հարգելի գործընկերներ, ՍՊԸ-ն ունի 1 հիմանդիր, և ունի վարկ, որով կատարում է շենքի շինարարություն: Հողատարածքը և շենքը փաստացի գրավադրված են: Հիմա հիմնադիրը ցանկանում է 50% բաժնեմասը նվիրատվություն կատարել մեկ այլ անձի: Արդյո՞ք վարկի առկայությունը խոչընդոտ է այս դեպքում, ինչպիսի՞ բարդությունների կարող ենք հանդիպել: Շնորհակալություն:

Նարեկ․

Բարև Ձեզ: Խնդրում եմ օգնեք հետևյալ հարցում: Մարզպետարանը ՀՄ-ներ է հանձնել դպրոցին: Գրանցման և շահագործման հանձման ակտի մեջ պետք է նշվի մատակարար հաշիվը, սակայն տվյալ ՀՄ-ն որպես նվիրատվություն է պետք ճանաչել, և եթե գործառնությունները չենք գրանցում, անալիտիկ և սինթետիկ հաշիվների շեղում է առաջանում: Նշեք խնդրեմ՝ ինչպե՞ս վարվեմ:

Արմեն․

Բարև ձեզ։ Կազմակերպությունը բարձրագույն ուսումնական հաստատությանը նվիրաբերության պայմանագրով փոխանցում է գումար՝ ուսանողների ուսման վարձի փոխհատուցման նպատակով։ Արդյո՞ք այդ գումարը ենթական է հարկման, թե՞ ոչ։ Եթե այո, ապա ի՞նչ հարկատեսակով։

Արամ․

Բարև Ձեզ։ Ունեմ ՍՊԸ, որը պետք է նվիրատվեմ։ Կասե՞ք՝ հետագայում եթե առաջանան խնդիրներ ՍՊԸ-ի գործունեության հետ կախված, ո՞վ է կրելու պատասխանատվությունը։ Կանխավ շնորհակալություն։

Շուշանիկ․

Բարև ձեզ, հագելի գործընկերներ։ Խնդրում եմ պարզաբանել․ ըստ օրենքի հետևյալ գործարքը ընկերությունը մարկետինգային նպատակների համար գնորդներին տալիս է անհատույց նվերներ։ Դա օրենքով ինչպե՞ս է կարգավորվում, և հաշավապահական ինչպիսի՞ ձևակերպում պետք է տամ:

Հասմիկ․

Բարի օր, բոլորին։ ՀԿ-ն ֆիզ անձին գումար նվիրատվություն անելիս որպես հարկային գործակալ հանդիսանու՞մ է, թե՞ ոչ ։

Շուշանիկ․

Բարև ձեզ, հարգելի գործընկերներ: Խնդրում եմ պատասխանել հարցիս: Խնդիրը հետևյալն է` ընկերությունը մի անձի համար գնում է լողավազանի աբոնեմենտ, որը նրա աշխատակիցը չէ: Այսպես ասած՝ ընկերության կողմից ինչ որ նվեր: Ի՞նչ օրենքով է կարգավորվելու այդ աբոնենտի գումարը տվյալ ընկերությունը: Արդյո՞ք կարող է եկամտային հարկ առաջանա, և արդյո՞ք կարող է շահութահարկի գծով ծախս ճանաչվել ընկերության կողմից: Կանխավ շնորհակալ կլինեմ պատասխանի համար։

Գոհար․

Բարև Ձեզ։ Նվիրաբերություն ստացողը ցանկանում է գումարը ետ վերադարձնել և Նվիրաբերության պայմանագիրը չեղարկել։ Ինչպիսի՞ ճիշտ թղթաբանություն պետք է վարել՝ համաձայնագրով չեղարկել, թե՞ կողմերը պայմանագրի վրա գրեն "չեղարկել" ու ստորագրեն։

Հասմիկ․

Հասարակական կազմակերպությունը ուզում է նվիրատվություն անել ՊՈԱԿ-ին դրամաշնորհային ծրագրի շրջանակում։ Տվյալ պարագայում հարկային պարտավորություններ առաջանու՞մ են։

H.K.

Բարև Ձեզ։ Շահութահարկով աշխատող կազմակերպությունը նվիրատվություն է արել ՊՈԱԿ-ին։ Շահութահարկ առաջանու՞մ է տվյալ գործարքից։

Թինա․

Բարև Ձեզ։ ԱԱՀ-ով աշխատող կազմակերպությունը հուշանվերներ է ներմուծել աշխատակիցների համար։ Կարո՞ղ եք ասել՝ տրամադրումից ի՞նչ հարկեր են առաջանում, և ի՞նչ փաստաթղթավորում է անհրաժեշտ կատարել տրամադրման ժամանակ։

Հայկ․

Բարև Ձեզ: ԱՁ-ն, որի գործունեությունը ժամանակավորապես դադարեցված է, ունի իր անունով ՀԴՄ, որը գրանցումից հանել ենք 97 Ձևով: Հիմա ցանկանում է ՀԴՄ-ն նվիրել ուրիշ ընկերության: Կարելի՞ է նվիրատվության պայմանագիր կազմել և վերջ, որևէ իրավական կամ հարկային հետևանքներ կառաջանա՞ն: Շնորհակալություն։

Եվա․

Հարգելի գործընկերներ, երբ ՍՊԸ մեկ մասնակիցն իր բաժնեմասը նվիրատվության կարգով փոխանցում է մյուս մասնակցին, ի՞նչ հաշվապահական ձևակերպում է տրվում այդ դեպքում։

Գոհար․

Բարև Ձեզ։ Աշխատում եմ շրջ. հարկի 5 տոկոս դաշտում։ Հիմնական միջոցը նվիրատվություն եմ անում տղայիս, ճի՞շտ եմ հարկում - 10 տոկոս կադաստրային արժեքի և 10 տոկոս եկամտային հարկ։ Խնդրում եմ ասեք։

Արթուր․

Բարև Ձեզ։ Կազմակերպությունն աշխատում է շրջ. հարկով և ցանկանում է իր հաշվեկշռում գտնվող անշարժ գույքը, որի կադաստրային արժեքը 178 միլիոն դրամ է, նվիրատվությամբ փոխանցել ընկերության մասնակիցներին: Խնդրում եմ նշել, թե ինչ հարկային պարտավորություններ են ունենալու ընկերությունը և մասնակիցները։

Ալլա․

Բարև ձեզ, հարգելի հաշվապահներ։ Հիմնադրամին կատարված նվիրատվությունը կարո՞ղ է շահութահարկով ծախս համարվել, թե՞ ոչ։

Սաթիկ․

Բարև Ձեզ, կազմակերպությունը ցանկանում է դեղորայքի բարեգործական գնում կատարել ֆիզ. անձի համար: Կասե՞ք՝ կարգը ինչպես է լինելու, եթե ոչ մի դեղատուն չի համաձայնվում ֆիզ անձի անունով հաշիվ դուրս գրել: Պատճառաբանում են օրենքի փոփոխություն, կասե՞ք՝ ո՞ր օրենքի մասին է խոսքը: Կանխավ շատ շնորհակալ եմ։

Վիգեն. Հարգելի հաշվապահներ, ՀԿ-ն ստացել է նվիրատվություններ, որոնք փոխանցվել են կազմակերպության դոլորային հաշվին։ ՀԿ-ների տարեկան հաշվետվության ժամանակ հաշվետու տարվա մուտքերը ինչպե՞ս նշել, եթե փոխարժեքը այլ է աղբյուրից ստացման և հետևաբար ինչպե՞ս փոխարժեքը հաշվել ու տարեկան մուտքով ներկայացնել ճիշտ։

Լիլիթ. Բարև Ձեզ։ Նվիրատվության արդյունքում ձեռք բերված գույքը կարո՞ղ է գոյացած հարկային պարտավորությունների դիմաց բռնագանձվել։

Օվսաննա. Ողջույն, հարգելի հաշվապահներ։ Հարցս հետևյալն է՝ եթե ամուսինը կնոջը նվիրատվություն է անում անշարժ գույք, այս դեպքում հարկ առաջանու՞մ է։ Կանխավ շնորհակալ եմ։

Հասմիկ. Բարի երեկո: Եթե ֆիզիկական անձը նվիրատվությամբ ստացել է երկու հողակտոր, նշանակությունը` բնակելի: Առաջինը ստացել է 2015թ, երկրորդը 2021թ: 2022թ հողակտորներից մեկը նվրատվություն անելուց, ինչպես նաև երկրորդ հողակտորը վաճառելուց հետո, ֆիզիկական անձի մոտ հարկ առաջանու՞մ է: Շնորհակալ կլինեմ, եթե արձագանգեք:

Ջուլիա. Բարև ձեզ: Որքա՞ն վարձաչափ է սահմանված անշարժ գույքի 1/10 բաժնեմասի նվիրատվության համար:

Սամվել. Բարև ձեզ: Սիրելի հայրենակիցներ, կնվիրեմ ՍՊԸ: Ցանկացողները արձագանքեն` հեռ. +37491913525:

Ռոմա. Օտար երկրի քաղաքացին ՀՀ-ում կարո՞ղ է իր սեփական ավտոմեքենան նվիրել ՀՀ քաղաքացուն (օր.՝ ընկերոջը) և ի՞նչ ընթացակարգով: Եվ այն ենթակա՞ է մաքսազերծման:

Գարիկ. Բարև Ձեզ: ՍՊԸ-ն անորոշ ժամանակով դադարեցված է: ՍՊԸ-ի տնօրենը, ով նաև հանդիսանում է հիմնադիրը, ՍՊԸ-ին տվել է 0%-ով փոխառություն՝ 10 տարի ժամկետով։ Ուզում ենք հիմնադրին փոխել, և ՍՊԸ գործունեության հասցեն (100% բաժնեմասի նվիրատվություն կամ նման մի բան, որը ավելի արագ և պարզ կլինի), բայց թողնելով ՍՊԸ-ն անորոշ ժամկետով դադարեցված: Մեկ էլ փոխառության պահը ի՞նչ պետք է անենք, որպեսզի խախտում չլինի: (Փոխատուն գումարը հետ չի ուզելու թեկուզ 10 տարի հետո): Կխնդրեմ օգնել, ասելով, հերթականությամբ ի՞նչ պետք է անեմ, որպեսզի խախտումներ թույլ չտամ: Կանխավ շնորհակալ եմ:

Կամո. Բարև ձեզ: ՊՈԱԿ-ին հեռավար ուսուցման համար նվիրաբերվել է պլանշետներ և սմարթֆոններ, ինչպե՞ս տալ հաշվապահական ձևակերպումները: Շնորհակալություն:

Սոֆյա. Շրջանառության հարկով աշխատող ՍՊԸ-ն 2019թ.-ի մարտին ժամանակավորապես դադարեցրել է իր գործունեությունը: Այնուհետև 2019թ.-ի նոյեմբերին իրականացրել է տարածքի նվիրատվության գործարք ֆիզիկական անձին, ինչը արտացոլել է 2019թ.-ի 4-րդ եռամսյակի շրջանառության հաշվետվության մեջ: Արդյո՞ք առաջանում է եկամտային հարկի պարտավորություն ֆիզ. անձին նվիրաբերած գույքի մասով, ո՞վ պետք է կատարի հաշվարկի ներկայացումը և գումարի վճարումը, էլեկտրոնային ի՞նչ հաշվետվաձևով:

Լուսինե. Հարգելի հաշվապահներ: ՀԾ-7-ում ինչպե՞ս ձևակերպեմ նվիրատվություն ստացած սնունդը։

Էդգար. Կարո՞ղ է արդյոք ՓԲԸ-ն ստանալ նվիրատվություն ՍՊԸ-ից և ի՞նչ հարկատեսակներ են առաջանում այդ գործարքից:

Hayk. Բարև Ձեզ: Հոկտեմբեր ամսին ՍՊԸ-ի բանկային հաշվից փոխանցում եմ կատարել համահայկական հիմնադրամին, որպես հանգանակություն: Հաշվապահորեն ինչպե՞ս պետք է ձևակերպել այդ գործարքը: Նշեմ, որ աշխատում ենք շրջհարկի համակարգում:

Մարինե․ Բարև Ձեզ։ Տունը նվիրատվություն անել անչափահաս երեխային՝ ի՞նչ է պետք։

Vahan. Բարև Ձեզ։ ԱՁ-ն գրանցվել է 2019թ-ի հոկտեմբեր ամսին, հարկվում է ԱԱՀ-ով։ ԱՁ-ն բացվել է մրցույթի` շահում ստանալու նպատակով, և ոչ մի գործունեություն չի իրականացրել։ Շահումը փոխանցվել է նվիրաբերության տեսքով, որից հետո ԱՁ-ն 2020-ի փետրվար ամսին կասեցրել է գործունեությունը։ Այդ ընթացքում ԱՁ-ն բացառապես ոչ մի վճար չի իրականացրել։ Ներկայացրել է 0-ական ԱԱՀ հաշվետվություններ, 0-ական շահույթ, 0-ական սոց. վճար։ Ի՞նչ վճարներ պետք է անի ԱՁ-ն։ Արդյո՞ք ԱԱՀ-ով պետք է հարկվի նշված շահումը։

Lusine․ Բարև ձեզ: Խնդրում եմ պատասխանել․ արդյո՞ք ՍՊԸ-ն (այս պահին հարկվում է որպես միկրոձեռնարկատեր) կարող է նվիրատվություն անել իրեն պատկանող անշարժ գույքը: Ի՞նչ հարկային պարտավորություններ են առաջանում նվիրատվության կամ վաճառքի դեպքում:

Ռուզաննա Խանզադյան. Բարև ձեզ: Մի հարց ունեմ, եթե կարող եք, պատասխանեք: Համայնքում կա հասարակական կազմակերպություն, նախորդ տարի նրանք իրենց միջոցներով նորոգել են համայնքային սեփականություն հանդիսացող շինություն: Հիմա նրանք ցանկանում են նվիրատվության պայմանագրով կատարած աշխատանքների ակտը հանձնեն համայնքին, բայց ցույց տան, որ նախորդ տարի են հանձնել: Այդպես հնարավո՞ր է: Խնդրում եմ, պատասխանեք: Նախապես շնորհակալություն:

Գոհար. Բարև ձեզ: Ցանկանում էի իմանալ՝ նվիրատվություն անելուց հետո նվիրատուն այլևս ինչ-որ տեղ կունենա՞ տվյալ գույքի պատմություն, թե՞ նվիրատուի վրայից գույքը դուրս կգա և չի երևա ոչ մի տեղ:

Զորո. Բարև ձեզ: Կարո՞ղ եք ասել՝ մեքենայի նվիրատվությունը համարվու՞մ է օտարում և ինչպե՞ս է հարկվում (ո՞ր հոդվածով), եթե ֆիզիկական անձն է նվիրաբերում այլ ֆիզիկական անձի:

Վիգեն. Ինչպե՞ս են հարկվում անհատների կողմից ՀԿ-ին փոխանցվող նվիրաբերությունները:

Հայրապետ. Կարո՞ղ է արդյոք գործատուն սահմանել, որ որոշ անձանց (ոչ աշխատակիցներ են, ոչ էլ քաղաքացիաիրավական պայմանագրով ծառայություն մատուցողներ) եռամսյակային կտրվածքով նվիրատվություն տրվի:

Գեղամ Գրիգորյան. Բարեգործական հիմնադրամին նվիրատվություն է արվել ավտոմեքենա ԱՄՆ-ից, մաքսազերծում կա՞ արդյոք, և եթե կա, ի՞նչ կարգով:

Էլեոնորա. Բարև Ձեզ, հարգելի գործընկեր: ՀՀ քաղաքացի հանդիսացող մասնագիտությամբ բժիշկին նվիրատվությամբ բժշկական սարքավորում(ներ) տրամադրելիս (նվիրատուն այլ երկրի քաղաքացի կամ կազմակերպություն է) կիրառվու՞մ են արդյոք ներմուծման մաքսային վճարներ: Մաքսազերծումն ինչպե՞ս է իրականացվում: Եթե հնարավոր է, նշեք այդ հարաբերությունները կարգավորող իրավական ակտը: Շնորհակալություն:

Սեդա․ Հարգելի հաշվապահներ, եթե Ա/Ձ-ն անհատույց նվիրատվություն է տալիս հիվանդանոցներին, յուրաքանչյուր նոր ծնված երեխայի համար որոշակի քանակի տակդիրներ, բայց ոչ թե անմիջապես ապրանքային տեսքով, այլ յուրաքանչյուր երեխայի հաշվով քարտեր է տրամադրելու, որով ծնողը կարող է գալ դեղատուն և ստանալ: Ինչպե՞ս իրականացնել փաստաթղթավորումը, եթե Ա/Ձ-ն շրջանառության հարկ վճարող է։

Լիլիթ. Ընկերության բաժնեմասի նվիրատվությունը ենթակա՞ է նոտարական վավերացման, և արդյո՞ք մյուս բաժնետերերը պիտի համաձայնություն տան: