Գայանե․

Բարև Ձեզ, հարգելի հաշվապահներ։ Հարցս հետևյալն է․ ԱՁ-ն գործում է այս տարվանից արդեն շրջհարկով, մսի խանութ է։ Միսը գնել է ֆիզ անձից՝ գնման ակտով, գյուղապետարանի տեղեկանքով և անասնաբուժական վկայականով։ Ինքնահաշիվ պե՞տք է գրվի այդ ֆիզ անձի անունով, թե՞ ոչ, և կասե՞ք՝ այս դեպքում հարկը ինչքա՞ն է լինելու։ Իրավունք ունե՞մ 9,5 % նվազեցում տալու։ Կանխավ շնորհակալ եմ։

Քրիստինե․

Բարև Ձեզ։ Եթե կազմակերպությունը ֆիզիկական անձից գնել է գործիք (զոդման ապարատ) և տվյալ ամսվա մեջ եկամտային հարկի հաշվետվության մեջ ներկայացվել է այդ գումարը, հիմա հարց․ կազմակերպությունը տվյալ մարդու անունով պե՞տք է ներկայացնի 165 ձևը մինչև մարտի 1-ը, թե՞ ոչ։

Գրիգոր․

Բարև Ձեզ։ Շրջանառության հարկով աշխատող կազմակերպությունը նախորդ տարիներին ունի ձեռքբերումներ միակողմանի գնման ակտով (առհաշիվ մինչև 300 000 դրամ փոխանցվել է գործադիր տնօրենի հաշվարկային հաշվին, ով էլ ձեռք բերված ապրանքները ներկայացրել է միակողմանի գնման ակտով՝ այսինքն ձևակերպել է շուկայից) և 01․01․2025թ, դրությամբ ունենք մնացորդներ ինչպես միակողմանի գնման ակտով ձեռքներումներից, այնպես է հարկային հաշվով դուրս գրված ձեռքբերումներից։

Հարցս հետևյալն է՝ գույքագրման արդյունքները պե՞տք է արդյոք մինչև փետրվարի 1-ը ներկայացնել ՊԵԿ, եթե այո՝ ինչպես, և նախորդ տարիների ձեռքբերումների մասով այս տարի 20% եկամտային հարկ վճարելու՞ ենք արդյոք։ Իմ կարծիքով չպետք է վճարենք, սակայն արդեն մի քանի հաշվապահներից լսել եմ, որ այդ նախորդ մնացորդները եթե ձեռք են բերված միակողմանի գնման ակտով, այս տարի վճարելու ենք 20 % եկամտային հարկը։ Ես հարկային փոփոխություններում այդ մասին չկարողացա գտնել որևէ բան։ Խնդրում եմ, եթե այդպես է, օրենքի հղում ուղարկեք։ Շնորհակալություն։

Լիլիթ․

1. Արծաթյա զարդերի արտադրությունը միկրոձեռնարկատիրության համակարգում կարո՞ղ է աշխատել, եթե տոնավաճառում է։
2. Արդյո՞ք հումքի ձեռքբերման փաստաթուղթ չունենալու 20% եկամտային հարկի վճարելը վերաբերվում է նաև միկրոձեռնարկատիրության համակարգում գտնվողին։

Սեյրան․

Բարև ձեզ: ԱՁ-ի համար ապրանք ձեռք բերելիս բիզնես քարտով վճարելիս ի՞նչ է կատարվում։

Մերի․

Բարև Ձեզ։ Ծաղկի սրահը եթե շուկայից է գնում ծաղիկը, պետք է միակողմանի գնման ակտ կազմի, իսկ հարկվելու՞ է 20 տոկոս, թե՞ գյուղատնտեսական արտադրանք է համարվում։

Անահիտ․

392-Ն որոշմամբ՝ ֆիզ. անձից ձեռքբերման դեպքում պիտի հաշիվ դուրս գրվի, որում պիտի լրացվի ֆիզ. անձի տվյալները։ Եթե կազմակերպությունը գյուղմթերք է ձեռքբերում շուկայից միակողմանի գնման ակտով և ոչ թե կոնկրետ մեկ ֆիզ. անձից, 2025թ.-ի հունվարի 1-ից արդյո՞ք էլեկտրոնային հաշիվ պետք է գրվի, թե՞ թղթային տարբերակով միակողմանի գնման ակտ։

Գրիգոր․

Բարև Ձեզ։ 2025թ․ հունվար 01-ից հետո գնման ակտով (միակողմանի) ձեռքբերումները շրջ. հարկ վճարողների համար, համաձայն ՀՕ-ի 150 հոդվածի 13-րդ մասի, հարկվում է 20 տոկոսով։ Հարցս այսպիսին է՝ նախկին թղթային գնման ակտի փոխարեն ի՞նչ էլեկտրոնային փաստաթուղթ ենք գրում, որտեղ երևում է ձեռք բերված ապրանքների ցանկը, ձեռք բերման գինը, գումարը։

Աննա․

Բարև Ձեզ, հարգելի հաշվապահներ։ ԱՁ-ն բիզնես քարտով դոմեյն էր գնել 2023-ի Նոյեմբեր ամսին ԱՄՆ կայքից: Ծառայությունն վավեր է երկու տարով: Անցած տարի ընդհանուր հարկման դաշտում էր մնացել ու գրեթե գործունեություն չի ծավալել, հիմա շրջանառության հարկի համակարգում է: Ճի՞շտ եմ հասկանում, որ ըստ ՀՕ Հ40-ի երկու տարին լրանալու օրն է ծառայության մատուցման պահն: Այսինքն, որպես շրջանառության հարկ վճարող ինքնահաշիվ դուրս գրել պետք չի, պետք է միայն ոչ ռեզիդենտի շահութահա՞րկ վճարել 20%:

Իսկ այն որ 2023-ի շահութահարկի տարեկան հաշվետվության մեջ ծառայության գումարն “Վարչական ծախսերը / Տեղեկատվական ծառայությունների գծով ծախսերը” տողում եմ լրացրել, խնդիր չի՞ այս պարագայում:

Պարզապես նոր եմ իմանում ոչ ռեզիդենտի շահութահարկի մասին: Շատ եմ վախենում որ 10$-անոց ծառայության համար կարող է լուրջ տուգանք առաջանալ:

Մելինե․

Օնլայն առևտրով զբաղվող ԱՁ-ն, որը շրջանառության հարկով է հարկվում, 2024 թվականին 7 մլն դրամի էլեկտրոնիկա է ձեռք բերել Չինաստանից առանց հաշիվ ֆակտուրաների կամ այլ թղթերի, այնուհետև վաճառել Հայաստանում՝ դուրս գրելով հաշիվ վավերագիր ֆիզ անձին։ Եռամսյակային հաշվետվության ժամանակ ներկայացրել եմ վաճառքի այդ գումարը և վճարել համապատասխան հարկերը։ Հարցս հետևյալն է․ արդյո՞ք խնդիրներ կունենամ, եթե չունեմ ձեռքբերումը փաստող թղթեր, և ինչպե՞ս այսուհետ դա կազմակերպեմ։

Հասմիկ․

Բարի օր, խնդրում եմ ուղղորդել։ Գյուղացուց ձեռքբերված մեղուներն ու մեղվապահական պարագաներն ի՞նչ են համարվում։ 2025 թվականին տվյալ ապրանքները ձեռքբերելիս կազմակերպությունը ԳԱ-ի դեպքում վճարելու՞ է 10 կամ 20%։ Շնորհակալ եմ։

Անի․

Բարև Ձեզ։ Հարգելի հաշվապահներ, եթե ԱԱՀ – ով աշխատող ընկերությունը ցանկանում է ձեռք բերել մարդատար մեքենա և այն գրանցել ՍՊԸ – ի անունով, կարո՞ղ է արդյոք ձեռք բերման ԱԱՀ – ն վերադարձնել կամ օգտագործել։ Շնորհակալություն։

Նանար․

Բարև ձեզ։

Շրջանառության հարկով հարկվող արտադրությամբ զբաղվող ԱՁ-ն ձեռք է բերել ապրանք առանց ՀԴՄ կտրոնի ու հաշիվ վավերագրի։ Ինչպե՞ս պետք է ձևակերպվի գնումը։ Շնորհակալություն։

Գոռ․

Բարև ձեզ։ ԱԱՀ-ով աշխատող կազմակերպությունը Google-ից գնել է 19,99$ – ի հիշողության տեղ։ Արդյո՞ք պետք է ինքնահաշիվ գրել, թե՞ ոչ։

Սոֆյա․

Հարգելի հաշվապահներ, Ֆիզ․ անձը սարքավորում է վաճառում ՍՊԸ-ին։ Ի՞նչ թղթաբանություն է պետք անել, ի՞նչ հարկեր են առաջանում, ինչպե՞ս պետք է կատարի ֆիզ․ անձը հարկի վճարումը, եթե չի կարող հաշիվ գրել որպես ֆիզ անձ, իսկ ՍՊԸ-ն ցանկանում է փոխանցում անել (գումարը մեծ է 300,000դր-ից)։

Սեդա․

Բարև ձեզ։ Եթե ընկերությունն ապրանք է ձեռք բերում Չինաստանից, բայց այդ կազմակերպությունը գրանցված է Սինգապուրում, որը համարվում է օֆշորային գոտի, դա ի՞նչ պարտավորություն է առաջացնում մեզ մոտ, և ինչ որ հաշվետվություն պե՞տք է հանձնենք, թե՞ ոչ:

Ռուզաննա․

Հարգելի հաշվապահներ, համաձայն 392-ն որոշման 2025թ-ի հունվարի 1-ից հարկային գործակալները ֆիզ․ անձանցից ապրանքների ձեռքբերման դեպքում արդեն պետք է էլեկտրոնային եղանակով դուրս գրեն օրենսդրությամբ սահմանված կարգով կազմվող հաշվարկային փաստաթուղթ չհամարվող այլ փաստաթղթեր: Իսկ համաձայն 150 հոդվածի 13-րդ կետի հարկային գործակալների կողմից եկամտային հարկի 20% չի վճարվում, եթե առկա են հաշվարկային փաստաթուղթ չհամարվող` օրենսդրությամբ սահմանված կարգով կազմված` վճարվող եկամուտները հիմնավորող այլ փաստաթղթեր:

Հարց․ 2025թ-ի հունվարի 1-ից էլեկտրոնային եղանակով դուրս գրված փաստաթղթի առկայության դեպքում հարկային գործակալը արդյո՞ք կունենա որևէ պարտավորություն եկամտային հարկի գծով:

Հայկ․

Բարև Ձեզ։ 2025 թվականից շրջանառության հարկ վճարողները եթե հաշվարկային փաստաթղթով կամ ՀԴՄ-ով ձեռքբերում չեն կատարում, պե՞տք է 20 տոկոս եկամտային հարկ վճարեն։ 2025 թվականից շրջանառության հարկ վճարողները պե՞տք է պահեն պահեստի մնացորդ։ Կխնդրեի օրենքի հղումը ուղարկեք։

Դավիթ․

Բարև Ձեզ, ԱՁ աշխատում է առևտրով Երևան քաղաքում, հետևաբար շրջհարկով։ Որ խնդրեմ կասե՞ք՝ չհիմնավորված փաստաթղթերով ձեռք բերված ապրանքների համար ի՞նչ հարկեր են վճարվելու։

Հարություն․

Բարև Ձեզ: ՍՊԸ-ն գործում է հարկման ընդհանուր համակարգում: Ֆիզիկական անձից ձեռք ենք բերել գյուղատնտեսական նշանակության հողակտոր առանց շինության 16 մլն. դրամով: Արդյո՞ք ԱԱՀ-ի հաշվետվության 18-րդ տողում այդ գումարը պետք է ցույց տալ: Հարց 2․ Նույն ՍՊԸ-ն ֆիզ. անձից վարձակալում է մարդատար ավտոմեքենա ամսական 200 հազար դրամով: Արդյո՞ք ԱԱՀ-ի հաշվետվության 18-րդ տողում այդ գումարը պետք է ցույց տալ: Կանխավ շնորհակալություն:

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում։ ՍՊԸ-ն գործում է շրջհարկով, ՍՊԸ-ի անունից ապրիլ ամսում մեքենա են ձեռք բերել 4 միլիոնի։ Հարկայինից ծանուցում են ստանում, որ ապրիլ ամսվա եկամտային հաշվետվության մեջ ցույց չենք տվել։ Ճշտում տվեցի և 4 միլիոնը ցույց տվեցի, նշեմ, որ մեքենան վարկով են ձեռք բերել։ 10% պետք է մուծե՞նք։ Եթե այո, կա՞ արդյոք ժամկետ, և խնդրում եմ կասե՞ք՝ ի՞նչ այլ հաշվետվություններ և պարտավորություններ ունի ՍՊԸ-ն։ Արվեստի բնագավառ է։ Կանխավ շնորհակալություն:

Գագիկ․

Հարգելի հաշվապահներ, առք ու վաճառքով զբաղվող շրջանառության հարկ վճարողները շուկայից ձեռք բերված ապրանքների համար եկամտային հարկ հաշվարկելու՞ են արդյոք 2025թ-ին:

Վահագն․

Բարև Ձեզ։ ԱՁ-ն զբաղվում առևտրով։ Վերջացավ 3-րդ եռամսյակը, և շրջանառության հաշվետվության մեջ նկատեցի, որ ձեռքբերումների գծով ծախսերի տողում 5․4 տողում կարծես կա անճշտություն՝ 30․09․24թ-ին ստացված հարկային հաշիվները ինքնաշխատ չեն ներառվել 5․4 տողում, բայց այդ հարկային հաշիվներով ձեռք բերումները նույնպես նախատեսված են վաճառքի համար, հիմա չգիտեմ՝ ինքնուրույն ուղղե՞մ այդ տողը, թե ինչ որ բան ճիշտ չեմ հասկանում։ Նշեմ, որ 30․09․24թ-ին դուրս գրված հարկային հաշիվների և դուրս գրման ամսաթիվը և մատակարարման ամսաթիվը նույնն է՝ 30․09․24։

Տիգրան․

Ողջույն: Ինչպե՞ս է ճիշտ ձևը` փոխհատուցելու աշխատողին, եթե իր անձնական միջոցներով ինչ-որ գնում է կատարել ընկերության համար: Ի՞նչ սահմանափակումներ կան (օրինակ՝ գումարի չափ, գնման տեսակ, …)

Աննա․

Հարգելի հաշվապահներ, ՍՊԸ աշխատում է ԱԱՀ-ով , գործունեության տեսակը՝ ուղևորափոխադրումներ ավտոբուսով, մինչև սեպտեմբերի 1-ը աշխատում է պետ․ տուրք վճար ամսական որպես հարկ, սեպտեմբերի 1-ից պետք է վճարի շրջանառությունից ԱԱՀ, կասե՞ք խնդրեմ՝ իսկ ձեռքբերումների մասով կարո՞ղ է բոլոր հարկային հաշիվներում արտացոլված ԱԱՀ գումարները հաշվանցել: Կանխավ շնորհակալ եմ։

Նարեկ․

Կազմակերպությունը վարկ է վերցնում բանկից։ Վարկը փոխանցվում է ուրիշ կազմակերպության որպես կանխավճար։ Այդ կազմակերպությունը ապրանքը բերում և մուտքագրվում է կազմակերպություն։ Դրանից հետո փակում ենք բանկի վարկը։ Խնդրում եմ գրել հաշվապահական ձևակերպումները։

Մարգարիտա․

Բարև ձեզ։ ԱԱՀ-ով աշխատող ՍՊԸ-ն գյուղացուց ապրանք է գնում։ Կասե՞ք՝ ի՞նչ փաստաթղթեր են հարկավոր, որպեսզի կարողանամ հաշվետվության մեջ ներառել։

Գոռ․

Բարև Ձեզ։ Ֆիզիկական անձից կազմակերպությունը գնել է ապրանք, գնման ակտով այս պարագայում տվյալ փաստաթուղթը համարվու՞մ է հիմք շահութահարկով ծախսագրման համար, և եկամտային հարկը ո՞ր կետով է հաշվարկվում։

Սեդա․

Բարև Ձեզ։ Ֆիզ․ անձից պետք է ձեռք բերի ՀՄ (շենք,շինություն): Հարցս հետևյալն է՝ Շինությունը ձեռք բերել ֆիզ․ անձով, թե՞ իրավաբանական անձով, ո՞ր դեպքում է ավելի ձեռնտու:

Լամարա․

Բարև ձեզ, սիրելի հաշվապահներ։

ԱԱՀ վճարող ԱՁ շինհրապարակ է նախապատրաստում։ Ձեռք է բերել վառելիք, սակայն չի ստացել հաշիվ։ Կարո՞ղ եմ չփաստաթղթավորված այդ գումարը գրել ձեռքբերման տողում։

Սասուն․

Բարև ձեզ։ Շրջհարկով աշխատող ՍՊԸ-ն ցանկանում է ձեռք բերել մեքենա 4 000 000 դրամ արժեքով։ Ի՞նչ փաստաթղթեր են անհրաժեշտ, ի՞նչ կարգով է ձեռք բերվում իրավաբանական համարանիշը, ֆիզանձից գնելու դեպքում ինչպե՞ս է վճարվում մեքենայի գումարը, և ի՞նչ հարկային պարտավորություններ կառաջանան։

Անահիտ․

Բարև ձեզ։ Կազմակերպությունը բարեգործական հասարակական կաղմակերպություն է, զբաղվում է փախստականների սոցիալական հիմնախնդիրների աջակցությամբ, բնության գրկում մեկ օրվա հանգիստ կազմակերպելու համար գնվել է տարբեր սննդամթերք, որը նույն օրը սպառվել է։ Արդյո՞ք պետք է ստեղծել գնման ակտ և նոր մուտք անել պահեստ, հետո սպառում։

Հայկ․

Բարև Ձեզ։ Ընկերությունը ստացել է 600 000 դրամի (ԱԱՀ-ով) նյութեր ապրիլ ամսին։ 100 000 ՀՀ դրամի ԱԱՀ-ն ապրիլ ամսին հաշվանցել ենք։ Հունիս ամսին այդ նյութերը օգտագործել ենք ԱԱՀ-ից ազատված գործարքի համար։ 100 000 դրամի ԱԱՀ-ն հունիս ամսվա համար ԱԱՀ-ի հաշվետվության մեջ ձեռքբերումների պակասեցում տալուց բացի ի՞նչ այլ հաշվապահական ձևակերպումներ պետք է կատարել։ Ի՞նչ հաշվապահական գործառնություններ պետք է կատարել։

Մարի․

Բարև Ձեզ, հարգելի հաշվապահներ։ Ինձ մոտ ԱԱՀ-ի հաշվարկի 18Ա տողում ՊԵԿ-ի ներկայացրած գումարը իր մեջ բացի ստացված հարկային հաշիվներում, հաշիվ վավերագրերում, ՀԴՄ կտրոներում ներկայացված գումարների հանրագումարից ավել գումար է ցույց տալիս։ Խնդրում եմ ասել, ՊԵԿ-ը վերոնշյալ հաշվարկային փաստաթղթերից բացի էլ ի՞նչ ձեռքբերումներ կարող է ներառել հաշվարկի 18Ա տողում։ Նախապես շնորհակալություն։

Մերի․

Բարև Ձեզ, հարգելի հաշվապահներ։ 22.02.2023թ. ՍՊԸ ձեռք է բերել ավտոմեքենա, որի դիմաց 4.833.000 ԱԱՀ է վճարել, հիմա մեքենան վաճառվում 20 մլն ՀՀ դրամով։ Հարգելիներս, ինչպե՞ս է տեղի ունենալու փոխմարումը, և ի՞նչ ընթացակարգ է պահանջվում հաշվապահից։ Ասեմ, որ ՊԵԿ-ը ավտոմեքենայի ԱԱՀ թույլ չի տվել հաշվանցել, և այն ՀՕ 72 հոդվածի 1) 8-րդ կետով պակասեցվել է։

Վերոնիկա․

Բարև Ձեզ։ Եթե ԱՁ ձեռք է բերում ապրանք վաճառքի համար փաստաթղթով, ապա հարկվում է 1,5%, իսկ եթե 2-րդային շուկայից է ձեռք բերում ապրանք, քանի՞ տոկոս է հարկվում։

Եվա․

Բարև ձեզ։ Եթե ԱՁ տանը իր ձեռք բերած մրգերից չիր է սարքում ու վաճառում, շրջանառության հարկով աշխատելու դեպքում 3.5% հարկ է տալիս, իսկ փաստաթղթերով ձեռքբերում չունի, դա հավելյալ հարկային պարտավորություն առաջացնու՞մ է։

Նիկա․

Բարև Ձեզ։Եթե Wildberries-ից կատարում ենք գնումներ, դա կարո՞ղ ենք ցույց տալ որպես ձեռբերում, բայց ոչ նվազեցում։ Եթե այո, ապա որտե՞ղ պետք է երևան այդ գնումները։

Գայանե․

Բարև Ձեզ, հարգելի հաշվապահներ։ Խաղալիքի խանութ է մարզում, շրջհարկով է աշխատում, ապրանքները ձեռք է բերում առանց փաստաթղթերի, շուկայից է գնում։ Բացի շրջանառության հարկ 5 %-ից էլի հարկ կա՞, որ պետք է վճարի։ Դա խնդի՞ր է, որ առանց փաստաթղթի է ապրանք գնում։ Շնորհակալ եմ շատ։

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում․ ԱՁ է բացվել հանրային սննդի, մարզում է, ներկայացվել է միկրոյի հայտարարություն։ Կասե՞ք՝ բացի աշխատողների 189 ձևից ի՞նչ հաշվետվություններ կան հանձնելու։ ՀԴՄ-ն POS ծառայությունով է։ Եվ կասե՞ք՝ երբ սննդամթերք ենք գնում, պարտադի՞ր պետք է հաշիվ գրեն, և եթե փաստաթղթով ձեռք չբերենք, ապրանքը պետք է 20 % եկամտային հարկ վճարե՞նք։ Երբվանից է գործում այդ օրենքը։ Խնդրում եմ օրենքի հղում տալ։ Նախապես շաաատ շնորհակալ եմ, հարգելիներս։

Ջուլիա․

Բարև ձեզ, հարգելի հաշվապահներ։ ՍՊԸ փետրվար ամսին գնել է լիզինգով էլէկտրոմոբիլ և հիմա ցանկանում է ամբողջությամբ փակել լիզինգը.

1. Ե՞րբ մեքենան կհարմարվի ընկերության սեփականությունը

2. Հնարավո՞ր է արդյոք կատարել այսպիսի գործարք ֆիզ․ անձի և ընկերության մեջ՝ փոխանակելով մեքենան համարժեք մեքենայի հետ, թե՞ միևնույն է դա դիտարկվում է որպես օտարում, և այդ պարագայում պետք է դուրս գրել հաշիվ վավերագիր և վճարել 5% հարկը (Ընկերությունն աշխատում է շրջհարկի դաշտում)։

Դավիթ.

Բարև Ձեզ։ ԱՁ-ն աշխատանքի համար պետք է պատվիրի էժան համակարգիչ, մոտ 450$ արժեքով, ԱՁ-ի քարտով: Աշխատում է շրջ. հարկով: Հաշվի առնելով, որ մաքսային պարտավորվածություն չի առաջանում, խնդիր չի՞ առաջանա Հայաստան առաքող ընկերության ծառայությունից անձնական accountով օգտվելու դեպքում: Թե՞ պետք է ամեն դեպքում ներմուծումն որևէ կերպ ձևակերպել կամ ԱՁ-ի անունն արտացոլել: Արդյո՞ք հնարավոր է գնումն որպես ծախս ձևակերպել:

Հայկ․

Հարգելի հաշվապահներ, այսպիսի հարց ունեմ: 2023թ նոյեմբեր-դեկտեմբեր ամիսներին ունեցել եմ ԱԱՀ-ով ձեռքբերումներ (նյութեր՝ ծառայություններ մատուցելու նպատակով): ԱԱՀ-ի հաշվետվություններում կատարել եմ այդ ձեռքբերումների ԱԱՀ-ի չափով հարկի պակասեցում: Սակայն եթե նյութերի քիչ մասն եմ միայն օգտագործել, մյուս մասը երևում է որպես մնացորդ՝ 01.01.2024թ. դրությամբ: Հարց. շահութահարկի բազան հաշվելիս պետք է պակասեցնել այնքան, որքան ծախսվել է, թե՞ ամբողջությամբ, որքան ձեռք է բերվել 2023թ. ընթացքում:

Եվա․

Խնդրեմ կասե՞ք՝ եթե անհատ ձեռնարկատերը զբաղվում է վարսավիրական ծառայություններով և միկրոյի դաշտում է աշխատում, այս դեպքում ձեռքբերված նյութերի համար եթե առանց փաստաթղթի է, խնդիր կունենա՞։

Անահիտ․

Բարև ձեզ, խնդրում եմ ասեք՝ եթե ԱՁ աշխատում է շրջանառության հարկի դաշտում, վաճառում է գյուղմթերք, և եթե չունի ձեռքբերում շուկայից, բացի 5 տոկոսից վճարու՞մ է նաև 20 տոկոս եկամտային հարկ։

Վահագն․

Բարև Ձեզ։ ԱՁ-ն աշխատում է շրջանառության հարկով և զբաղվում է ավտոպահեստամասերի վաճառքով։ Շրջանառության հարկի հաշվարկման ժամանակ իրացման շրջանառության 5 տոկոսից նվազեցվում է ձեռքբերումների 4 տոկոսը, որոնց մեջ մտնում է հարկային հաշվով ձեռք բերումները, հաշիվ վավերագրով ձեռք բերումները։ Հիմա հարց՝ ՀԴՄ կտրոններով ձեռք բերումները նույնպե՞ս նվազեցվում են։

Անահիտ․

Բարև Ձեզ: Կազմկերպությունն աշխատում է շրջանառության հարկով:

1. Միակողմանի գնման ակտով ձեռքբերումների համար ազատվա՞ծ է եկամտային հարկ տալուց:
2. Հանրային սննդի շրջհարկից միակողմանի գնման ակտով ձեռքբերումները նվազեցվու՞մ են:
3. Մինչև 300 000 մեկ հատը և ամսական մինչև 3 մլն պե՞տք է լինի գնման ակտերի գումարը:
   

Շնորհակալություն նախապես։

Եվա․

Խնդրում եմ կասե՞ք՝ եթե կազմակերպությունը զբաղվելու է արտադրությամբ և ձեռքբերումների մեծ մասը անելու է շուկայից, այսինքն հաշիվ չի ստանալու, այդ դեպքում 2025թ-ից շրջանառության հարկի դաշտում աշխատելու դեպքում կհարկվի ձեռքբերման գնից, թե՞ միայն ապրանքների առք ու վաճառքի դեպքում է դա։

Սեդա․

Բարև Ձեզ։ Եթե ԱԱՀ վճարող կազմակերպությունը 2024թ սրահից ձեռքբերի մարդատար ավտոմեքենա, ԱԱՀ-ն ե՞րբ պետք է հաշվանցենք:

Լիանա․

Բարև Ձեզ։ Գյուղացուց փաստաթղթավորված (ոչ էլեկտրոնային) ձեռքբերումը կարո՞ղ ենք շարունակել ծախս ճանաչել։ Հարցս վերաբերում է շրջանառության հարկով և ԱԱՀ- ով հարկվող կազմակերպություններին։