Կայք հաշվապահների համար և ոչ միայն…
Լիաննա․
Հարգելի գործընկերներ, եթե ՍՊԸ-ն իր հարկային վճարումները, հաշվարկային հաշվի համալրումները կատարել է տերմինալով, այս դեպքում չկա՞ չէ վճարման համձնարարագիր փաստաթուղթը, և որպես գործարքը հավաստող փաստաթուղթ տերմինալի տված կտրոնները կցվու՞մ են գործերին։ Ու եթե չեն պահպանվել այդ կտրոնները, կարելի՞ է բանկային հաշվի քաղվածքը կցել ելքի օրդերներին։
Շնորհակալություն։
Աշոտ․
Բարև Ձեզ։ Քարի հղկման գործ եմ ուզում դնել սեփական բակումս: Հաստոց եմ գնելու և փոքր գործունեություն ծավալեմ: Կասե՞ք՝ միկրոձեռնարկություն կարող է դա համարվել և ի՞նչ հարկատեսակներով եմ հարկվելու։
Ջեմմա.
Բարև ձեզ, հարգելի հաշվապահներ:
2022թ-ի համար ԱՁ-ն տվել է շրջհարկով աշխատելու հայտարարություն, սակայն գործունեության ոլորտի փոփոխության հետ կապված մինչև փետրվարի 20-ը e-request-ով ուղարկվել է դիմում, որ թույլ տան 2022թ-ի սկզբից համարվել միկրոձեռնարկատիրության սուբյեկտ: Դիմումը բավարարվել է և արդեն ուղարկվել է 257 հաշվետվությունը: Հարցս կապված է հետևյալի հետ. 2022թ.-ի հունվարից գրանցված է եղել քաղիրավական պայմանագրով մի մարդ, որի համար մարտ ամսով ուղարկվել է ազատման հայտ, քանի որ ինչ-ինչ պատճառներով տվյալ անձը չի կատարել քաղիրավական պայմանագրով սահմանված ծառայությունները, այդ իսկ պատճառով էլ ոչ մի վճարում նրան չի կատարվել: Համապատասխան եկամտային հարկի 0-ական հաշվետվություններն ուղարկվել են: Հիմա քանի որ ԱՁ-ն համարվում է միկրոձեռնարկատիրության սուբյեկտ, նոր հաշվետվություններ ուղարկելու կարիք արդյոք կա՞, կամ հաշվետվություններ փոփոխելու, և ի՞նչ հարկերի վճարման կարիք կա:
Կանխավ շնորհակալ եմ:
Անահիտ․
Բարև ձեզ, հարգելի հաշվապահներ։ Վարձակալության և չհիմնավորված ծախսերի համար վճարված եկատմտային հարկը շահութահարկի հարկման բազայից որպես ծախս նվազեցվու՞մ են, թե՞ ոչ։ Դա համարվու՞մ է չփոխհատուցվող հարկ։
Անի․
Բարև Ձեզ: ԱԱՀ վճարող ՍՊԸ-ն ծառայություններ է մատուցել Ոչ ռեզիդենտ կազմակերպությանը, որի դիմաց վճարել է ոչ ռեզիդենտը: Պարտքը մարվել է, սակայն Արտարժույթի կուրսի տատանման հետևանքով առաջացած վնասը փակելու նպատակով ոչ ռեզիդենտ կազմակերպությունը ցանկանում է գումար փոխանցել: Հարցը. Հաշիվ պե՞տք է գրել, թե՞ ոչ: Ինչպիսի՞ հարկեր կառաջանան։
Բարև Ձեզ։
Ի՞նչ հարկեր պետք է վճարի ԱՁ-ն ՏՏ ոլորտի համար:
Էլլա․
Բարև Ձեզ։ Միջնորդ կազմակերպությունը ԱԱՀ վճարող պատվիատուից (ՀՀ ռեզիդենտ) բեռը վերցնում է, տալիս է բեռնափոխադրող ընկերությանը (Բուլղարիա) ՀՀ-ից Իտալիա բետնափոխադրման համար: Հարց՝ 1. Ինչպե՞ս պետք է հարկվի միջնորդ ընկերությունը: 2. Բուլղարական ընկերության կողմից ստացված ծառայության հաշիվը ինչպե՞ս պետք է ցույց տալ: 3. Բեռնափոխադրման ապահավոգրության համար ԱԱՀ-ով հաշի՞վ պետք է գրի պատվիարտուին։
Նունե․
Բարև ձեզ։ Խնդրում եմ ասեք՝ հաշվապահական ծառայության մատուցումը ո՞ր հարկային դաշտում պետք է աշխատի՝ ԱԱՀ, թե՞ շրջհարկ։
Լիլիթ․
Խնդրում եմ օգնեք։ Ստեղծել ենք թղթե խաղ, որը պետք է տանք տպագրության ու հանձնենք խանութներին։ Խնդրում եմ ասեք՝ ի՞նչ հարկատեսակով պետք է գործի։
Թամարա․
Հարգելի հաշվապահներ, կարո՞ղ եք ասել՝ 1995թ․ մինչև 2000թ․ մինիմալ աշխատավարձը, և պահումները աշխատավարձից որքա՞ն է եղել։ Շնորհակալություն։
Բարև, հարգելի հաշվապահներ։ Մի հարց․ ԱՁ-ն, որը միկրոյով է աշխատում, կարո՞ղ է բացել ՍՊԸ, էս դեպքում ԱԱՀ-ի դա՞շտ է անցնում, ու մեկ էլ չի կարո՞ղ անձը 2 ՍՊԸ-ի հիմնադիր լինի: Այս մասին եթե ինչ որ հղում տաք կարդամ շատ շնորհակալ կլինեմ:
Աստղիկ․
Եթե շինարարական կազմակերպությունը շահել է տենդեր՝ 15 միլիոնի չափով, կարո՞ղ է արդյոք պայմանագիր կնքել մեկ այլ կազմակերպության հետ 14 միլիոնով նույն աշխատանքի համար, և ի՞նչ հարկ կառաջանա կազմակերպության համար, եթե աշխատում է շրջանառության հարկով։
Մելինե․
Բարև ձեզ։ Արձակուրդայինի գումարից հարկեր և դրոշմանիշ պահվու՞մ է, և եթե գնացել է մարտի 14-ից ապրիլի 8-ը, դա ցույց է տրվում մարտ ամսվա հաշվետվության մե՞ջ:
Հայկ․
Բարև Ձեզ, որ խնդրեմ՝ կօգնեք: Շրջհարկով աշխատող ընկերությունը ունի անհուսալի կրեդիտորական պարտք 176 000 դրամի չափով: Կարո՞ղ եմ եկամուտ ճանաչել, և եթե այո, ապա արդյո՞ք հարկման ենթակա է: Այս առումով ի՞նչ անելիք ունեմ:
Շնորհակալություն։
Ռոման.
Բարև ձեզ: Եթե կազմակերպությունը հիմնադրվելիս հիմնադիրը ներդրում է անում 1 000 000 դրամ, հետո ցանկանում է 900 000 հետ վերադարձնել` ինչպե՞ս կարելի է հաշվապահորեն ձևակերպել: Այդ դեպքում կդիտվի բաշխու՞մ և 5 տոկոս հարկ կառաջանա:
Գայանե.
Բարև ձեզ։ ԱՁ բացվել է 2021թ. հոկտեմբերին և ժամանակավոր դադարեցում է տվել 2022թ. փետրվարի 1-ից։ Հոկտեմբեր, նոյեմբեր, դեկտեմբեր և 2022թ. հունվար ամիսների համար բոլոր վճարումները ժամանակին կատարվել են։ Խնդրում եմ ասեք` փետրվար ամիսը արդյո՞ք չի համարվում ԱՁ-ի գործունեության ժամանակաշրջան և փետրվար ամսվա համար եկամտային հարկի և սոց. վճարի վճարումներ արդյո՞ք չեն կատարվում:
Տաթև.
Բարև Ձեզ: Եթե ուզում եմ ՏՏ ոլորտի ԱՁ գրանցվել և աշխատել արտերկրի ՏՏ կազմակերպությունների հետ (աշխատող չեմ ունենալու), ապա ի՞նչ հարկեր պետք է վճարեմ եւ յուրաքանչյուրը քանի տոկոսն են կազմում իմ եկամուտի։
Նարե.
Բարև Ձեզ: Ո՞ր հարկատեսակով է հարկվում անշարժ գույքի գործակալությունը։ Ի՞նչ փաստաթղթեր են պետք գրանցման համար և որտե՞ղ պետք է դիմել։
Իննեսսա.
Բարև ձեզ:
Բացել եմ ԱՁ, IT ոլորտում եմ աշխատելու։ Քանի որ չեմ հասցրել ներկայացնել շրջհարկի հայտարարություն, կասեք` այս դեպքում պետք է ԱԱՀ-ով աշխատե՞մ և ինչքա՞ն է լինելու վճարման հարկի չափը։ Եվ բացի ԱԱՀ-ից այլ ի՞նչ հարկ պետք է վճարեմ։
Նարեկ.
Բարև Ձեզ: Պլանավորում ենք բացել պանրի փոքր արտադրամաս, արտադրելու ենք մոցարելա պանիր, սպառումը միայն հանրային սննդի կետերին է լինելու: Մենք կարո՞ղ ենք նույնպես աշխատել հանրային սննդի հարկատեսակով:
Ռոման.
Բարև ձեզ: Շրջանառության հարկ վճարողը ստացել է կանխավճար` փոխանցումով: Արդյո՞ք ստացված կանխավճարը պետք է ներառվի շրջանառության մեջ և հարկվի, եթե այո, ապա ո՞ր իրավական ակտով է կարգավորվում այդ գործառույթը:
Արուս․
Բարև ձեզ, հարգելի հաշվապահներ։ Շրջանառության հարկով հարկվող ԱՁ-ն բացվել է փետրվարին և դեռ շրջանառություն չունի, և ԱՁ-ի հաշվեհամարի վրա գումար չկա: Էլեկտրոնային համակարգում ուզում եմ միասնական հաշվին վճարել 10 000 դրամ փետրվար ամսվա եկամտայինի և սոց. վճարի համար, կարծում եմ՝ պետք է ԱՁ-ի հաշվեհամարին փոխանցեմ նշված գումարը, նոր վճարեմ, ուրիշ հաշվեհամարից վճարել չի կարելի: Հետևաբար Էլեկտրոնային վճարումներ մասում ՎՃԱՐՄԱՆ ԿԱՐԳԱԴՐՈՒԹՅԱՆ ԼՐԱՑՄԱՆ ՊԱՏՈՒՀԱՆ-ում Վճարողի հաշվեհամար մասում լրացնում եմ ԱՁ-ի հաշվեհամարը, իսկ վճարման նկարագրությունում նշե՞մ եկամտային և սոց վճար:
Նանե․
Ողջույն,
Ես աշխատում եմ արտեկրում գրանցված IT կազմակերպությունում տանից։ Աշխատավարձը որ արտերկրից փոխանցվելու է իմ՝ ՀՀ բանկի անձնական հաշվին, ենթակա՞ է հարկման։
Արուս․
Բարև ձեզ, հարգելի հաշվապահներ: Շրջանառության հարկով աշխատող ԱՁ-ն (ՏՏ), եթե չունի աշխատող, եկամտային հարկը և սոցիալական վճարը կարո՞ղ է վճարել տարվա վերջում 12 ամսվա համար միաժամանակ (60 000 + 60 000), ոչ թե ամեն ամիս (5 000 + 5000)։ Իսկ վճարման հաշվեհամարները որո՞նք են շրջանառության հարկի, եկամտային հարկի և սոցիալական վճարի։
Միլենա.
Բարև ձեզ, հարգելի հաշվապահներ: Գեղեցկության սրահը աշխատելու է միկոյով, Ա/Ձ-ն նոր է բացվել։ Ինչպե՞ս գրանցվեմ taxservice-ում, ո՞ր դիմումի ձևն ընտրեմ։ Եվ ԱՁ-ն կարո՞ղ է սոց. վճար չվճարել: ԱՁ-ի տնօրենը ի՞նչ հարկեր է վճարում, եթե ինքն էլ է աշխատում: Նախապես շնորհակալություն
Նարեկ.
Իրավաբանական և հաշվապահական ծառայություններ մատուցելու դեպքում շրջանառության հարկով հարկվելիս ի՞նչ դրույքաչափով է հարկվելու կազմակերպությունը, և մեկ հարց ևս՝ պատվիրատուի հետ ծառայությունների մատուցման պայմանագիր կապելիս հնարավո՞ր է երկու ծառայությունների համար կնքել մեկ պայմանագիր, թե՞ պետք է իրավաբանականի համար առանձին, հաշվապահականի համար առանձին, կանխավ շնորհակալ եմ:
Արթուր․
Բարև Ձեզ։ ԱՁ ն աշխատում էր շրջանառության հարկով, սակայն չի ներկայացրել հայտարարություն և անցել է ԱԱՀ դաշտ, հնարավո՞ր է նորից անցում կատարել շրջհարկի դաշտ, թե՞ ավելի լավա կասեցվի։
Եվ եթե ԱԱՀ ի դաշտում է աշխատում և գյուղացուց երկողմանի գնման ակտով գնում է կանաչեղեն, դրա համար հարկվում է 10%՞
Եվ երրորդ հարցս․ եթե շրջհարկի դաշտում է աշխատել և վերջին եռամսյակն էլ չի ներկայացրել շրջհարկի հաշվետվություն, հիմա էլ անցել է ավտոմատ ԱԱՀ ի դաշտ, ինչպե՞ս պետք է հաշվետվությունները ուղարկել, որ ճիշտ ստացվի։
Թամարա․
Հարգելի հաշվապահներ, ասացեք խնդրեմ՝ եթե աշխատակիցը հրաժարվել է ՀՀ քաղաքացիությունից, համարվում է ՌԴ քաղաքացի և ունի ՀՀ-ում կեցության քարտ: Հայտում փոփոխություններ կատարելուց հետո ի՞նչ հարկեր են պահվում, և սոց․ վճար պահվում է, թե ոչ։ Նա հարկվում է որպես ոչ ռեզիդենտ, թե՞ ոչ, ի՞նչ հաշվետվություն է ներկայացվում նրա համար: Շնորհակալություն։
Կատարինե.
Հարգելի հաշվապահներ, եթե ՍՊԸ-ն աշխատում է ԱԱՀ-ով և ներմուծել է 10 000 000 դրամից ավելի հիմնական միջոց, այդ հիմնական միջոցի հաշվանցումը ինչպե՞ս է կատարվում:
Արմեն.
Բարև ձեզ: Օնլայն խանութի վճարումները արտասահմանից ստանալու համար վճարային տերմինալ պետք է միացնեմ, որը պարտադիր աշխատում է գրանցված ֆիրմայի հետ (ֆիզ.անձ չի գրանցում): Ասեք խնդրեմ` տվյալ գործունեությամբ զբաղվելու համար ԱՁ, թե՞ ՍՊԸ, և որքա՞ն են հարկերը:
Լիաննա․
Հարգելի հաշվապահներ, ՍՊԸ֊ն , որն ստեղծվել է 2021թ֊ին, չի տվել շրջհարկի հայտարարություն, անցել ա հարկման ընդհանուր դաշտ, սակայն ոչ մի գործունեություն չի ծավալել, շրջանառություն չի ունեցել, այժմ 2022թ֊ին տվել է շրջհարկի հայտարարություն և պատրաստվում է ակտիվ գործունեություն ծավալել։ Հիմա հարցս` 2021թ֊ի համար որևէ հարկային պարտավորություն, որևէ հաշվետվություն ունի՞ ուղարկելու։ Ուղարկվել է միայն տնօրենի գրանցման հայտ և ամսական եկամտայինները՝ զրոյականով։
Օտար երկրացիների համար դիվիդենդի հարկը նույն դրույքաչափով է՞։
Ընկերություն՝ “ԷՅ ԷՄ ԳՐՈՒՊ” ՍՊԸ
Հասցե` ք. Երևան. Սարմենի 1
Հեռախոս` +37494185181
Էլ․ փոստ` inmamikonyan շնիկ gmail.com
Ծառայության անվանում՝ Հաշվապահական ծառայություններ
Ծառայության նկարագրություն՝
Ծառայության արժեք՝ ԱՁ-ների համար` սկսած ամսական 10.000 ՀՀ դրամից, Իրավաբանական անձ` ՍՊԸ, ՓԲԸ, ԲԲԸ և այլն` սկսած ամսական 20.000 ՀՀ դրամից
Այլ նշումներ՝ Մատուցվում է նաև Իրավաբանական ծառայություններ ոչ միայն հարկային, նաև այլ ոլորտներում, Լավագույն որակավորում ստացած իրավաբանների կողմից:
Լուսինե.
Բարև Ձեզ: Ինձ հետաքրքիր է` ինչպիսի՞ կարգավորումներ են գործում ՀՀ-ում կրիպտոարժույթի թողարկման (mining) վերաբերյալ:
1. Արդյո՞ք համարվում է ձեռնարկատիրական գործունեություն, թե՞ ուղղակի ֆիզ. անձը կարող է տարվա վերջում եկամուտ հայտարարագրել:
2. Ի՞նչ հարկեր է անհրաժեշտ վճարել:
Շնորհակալ եմ ցանկացած տեղեկատվության համար:
Սեդա Հախվերդյան.
Բարև Ձեզ: Խնդրում եմ ինձ ասեք` Բելառուսից պետք է ապրանք ներմուծվի, բեռնափոխադրումը կատարելու են իրենք: Հիմա ֆրախտի դիմաց ստացված եկամտից եկամտային հարկ վճարելու՞ ենք, թե՞ ոչ, այդ հոդվածը գործում է, թե՞ ոչ:
Սոնա.
Բարև Ձեզ, հարգելի հաշվապահներ։ Հարցս հետևյալն է. ֆիզ. անձը, հանդես գալով որպես վարձատու, բնակարանը տվել է վարձով 2021թ.` օրենքի սահմաններում պայմանագիր կազմելով։ Շուրջ 1 տարի ստացել է եկամուտ։ Մինչ օրս չի ստացել որևէ ծանուցում հարկ չվճարելու հետ կապված։ Հիմա ուզում եմ հասկանալ` արդյո՞ք որևէ խնդիր կառաջանա այս առումով։ Վարձատուն պարտավո՞ր է հետաքրքրվել և իմանալ, թե ինչ հարկ պետք է վճարի, թե՞ պետք է ծանուցվի համապատասխանաբար։ Եթե այո, ապա տարածքային հարկային մարմի՞ն պետք է դիմել։ Եթե հնարավոր է` տեղադրեք օրենքից հղում, թե ինչքան հարկ է առաջանալու և վճարման կանոնների հետ կապված։
Անահիտ Եփ․
Բարև ձեզ հարգելի հաշվապահներ, ընկերությունը ցանկանում է տեղադրել վճարային տերմինալներ, սուրճի ապարատներ, կասե՞ք խնդրեմ՝ ի՞նչ հարկատեսակով են հարկվում այդ գործունեությունները։
Սամ.
Բարև Ձեզ։ Երկու ՍՊԸ-ների միջև իրականցվելու է գույքի առուվաճառքի գործընթաց։ ՍՊԸ-ները աշխատում են ԱԱՀ-ով։ Խնդրում եմ հայտնել` ի՞նչ հարկային պարտավորություններ են առաջանում, և վճարված ԱԱՀ-ի գումարը հաշվանցվելու է, թե՞ ոչ։ Կանխավ շնորհակալություն:
Միլենա.
Բարև Ձեզ, հարգելի հաշվապահներ: Ուզում եմ ԱՁ բացել` միկրոձեռնարկատիրությամբ զբաղվող: Տարացք եմ վարձակալելու, աշխատելու է որպես գեղեցկության սրահ, գրանցելու եմ 2 աշխատող: Ի՞նչ հարկեր է վճարվում և ի՞նչ հաշվետվություն ներկայացվում: Իմ առաջին հաշվախահական փորձն է: Կանխավ շնորհակալություն:
ՍԵդա Հախվերդյան.
Բարև Ձեզ: Ընկերությունը խանութից գնել է մարդատար ավտոմեքենա, դրա ԱԱՀ-ն ինչպե՞ս է հաշվանցվում և, եթե հետո վաճառենք այդ մեքենան` ի՞նչ պետք է անենք հաշվանցված ԱԱՀ-ի հետ:
Սոնա.
Բարև Ձեզ: Ստեղծագործական գործունեություն իրականացնող ԱՁ-ն ի՞նչ հարկեր է վճարում: Արդյոք ճի՞շտ է, որ այն ազատվում է շահութահարկից և սոցիալական վճարից:
Ինեսա․
Բարև Ձեզ։
Ա/Ձ-ի հետ կապված մի քանի հարց ունեմ։ Հունվարի 25-ին բացել եմ Ա/Ձ, IT ոլորտում եմ աշխատում, ինձ պետ․ռեգիստրում ասացին, որ 20 օրից հարկային դիմում ներկայացնեմ, որ ԱԱՀ-ի հարկ չվճարեմ։ Կասե՞ք՝ այդ դեպքում ի՞նչ հարկեր են վճարվելու, ամեն ամի՞ս, թե՞ եռամսյակը մեկ պետք է վճարվի։
Օվսաննա․
Բարև Ձեզ, հաշվապահներ ջան, խնդրում եմ ինձ կասե՞ք՝ ինչքա՞ն եկամտային հարկ պիտի տա ֆիզ անձը միևնույն հարկային տարում երկրորդ բնակարանը օտարելու դեպքում, ասեմ, որ ինձ ասում են՝ բան է փոխվել, ու հիմա հարկ չկա, ճի՞շտ է արդյոք։
Լիլիթ․
Բարև Ձեզ։ Կազմակերպությունը գործում է հանրային սննդի ոլորտում, որպես ՍՊԸ, կասեք խնդրեմ՝ եթե եկամտային հարկը փոխանցում է բանկային համակարգով, ապա ի՞նչ հաջորդականությամբ է կատարվում գործընթացը, ներկայացնում է հաշվետվությունը և ըստ այդմ կատարում վճարումներ։ Շնորհակալ եմ նախապես։
Հասմիկ.
Բարի երեկո: Եթե ֆիզիկական անձը նվիրատվությամբ ստացել է երկու հողակտոր, նշանակությունը` բնակելի: Առաջինը ստացել է 2015թ, երկրորդը 2021թ: 2022թ հողակտորներից մեկը նվրատվություն անելուց, ինչպես նաև երկրորդ հողակտորը վաճառելուց հետո, ֆիզիկական անձի մոտ հարկ առաջանու՞մ է: Շնորհակալ կլինեմ, եթե արձագանգեք:
Աննա.
Բարև Ձեզ: Հարց ոչ մասնագետից.
Մատչելի կբացատրեք` ինչպե՞ս է կատարվում ԱԱՀ-ի հաշվանցումը:
Հայկ.
Ուզում եմ ԱՁ բացել ու ՏՏ ոլորտում ծառայություններ առաջարկել։ ՏՏ ոլորտի արտոնագիր ստանալու ընթացակարգը խնդրեմ կասե՞ք, թե ինչպե՞ս պիտի ստանամ, ի՞նչ վճարներ կան։ Ինչպե՞ս նաև դա արդյոք կազատի ինձ 5% շահութահարկի վճարումից:
Մելինե.
Բարև Ձեզ: Պետ. տուրքի հետ կապված փոփոխություններ կա՞ն:
Մաշա.
Բարև Ձեզ, հարգելի հաշվապահներ: Ուզում եմ հասկանալ` արդյոք P85.59.9 (կրոնական ուսուցում) կիրակնօրյա դպրոցը կարո՞ղ է գործել որպես միկրոձեռնարկատեր, ուսուցումը լինելու է բարեգործական սկզբունքով, այսինք` սաները չեն վճարելու, Առաքելական եկեղեցու ուսուցիչներն են դասավանդելու, որի դիմաց ԱՁ-ն սիմվոլիկ գումար է վճարելու, ևև ԱՁ-ն վարձակալելու է տարածք: Հարցերս հետևյալն են` սույն դասակարգչով հնարավո՞ր է աշխատել որպես միկրոձեռնարկատեր և վարձակալած տարածքի դեպքում եկամտային հարկի հաշվետվության մեջ վարձավճարից առաջացած հարկը արտացոլվում է, թե՞ ոչ:
Վերջին մեկնաբանություններ