Tag: հարկեր և տուրքեր

Լուիզա․

Բարև Ձեզ, ուզում եմ իմանալ՝ միջնորդ հանդիսացող ամիատոմսեր վաճառող ընկերությունը կարո՞ղ է շրջանառության հարկի դաշտում աշխատել։ Կանխավ շնորհակալություն։

Նարինե․

Բարև Ձեզ։ Եթե նշված ժամկետում աշխատավարձի չվճարման դեպքում գործատուն յուրաքանչյուր օրվա համար վճարում է տույժ հասանելիք աշխատավարձի 0.15% չափով, հարկեր պահվու՞մ են, թե՞ ոչ։ 0.15% -ի չափով հենց աշխատակցին է վճարվում, թե՞ 0.15% -ից հարկումից հետո առաջացած գումարն է վճարվում աշխատակցին: Դրամարկղայի՞ն մեթոդն է կիրառվում արդյոք նման դեպքում:

Սոնա․

Բարև ձեզ։ Կասե՞ք խնդրեմ՝ եթե ես աշխատում եմ հեռահար, դասավանդում եմ, այժմ ցանկանում եմ գրանցվել որպես ԱՁ, և ամեն ամիս գումարը տարբեր է, ինչպե՞ս է հաշվարկվելու հարկը։

Ինեսա․

Բարև ձեզ։ Հարցս հետևյալն է․ արտագնա տուրիզմը հարկվու՞մ է արդյոք ԱԱՀ-ով։

Սերգեյ․

Բարև ձեզ: Հարգելի հաշվապահներ, կազմակերպությունը ամեն տարի համայնքապետարանին վճարում է պետական տուրք գովազդային վահանակի համար: Հաշվապահական ինչպիսի՞ ձևակերպումներ պետք է տալ:

Արամ․

Փետրվարի 27-ին գրանցել եմ ԱՁ, երեկ լրացրել եմ 201 հաշվետվությունը շրջհարկով աշխատելու մասին, ԱՁ-ն գործելու է ՏՏ ոլորտում, աշխատող չունեմ, գիտեմ որ պետք է վճարեմ շրջհարկ, սոց․ վճար և ֆիքսված հարկ։ Ուզում էի իմանալ՝ ամսական և եռամսյակային ի՞նչ հաշվետվություններ պետք է ներկայացնեմ։ Շնորհակալ եմ։

Վարդան․

Բարև ձեզ։ Եթե ապրանքներ ենք գնել պատվիրել և օնլայն և տեղի խանութներից, որ գործունեություն իրականացվի օրթոդոնտիկ ստոմատոլոգիական, բայց տարածքի հետ կապված խնդրով չի ստացվում այն իրականացնել, և այդ ապրանքները չմնալու համար օնլայն սեփական կայքում գովազդելով վաճառվի, այդ դեպքում ինչ-որ խնդիր կառաջանա՞ հարկային պարտավորության հետ կապված։ Շնորհակալություն։

Արամ․

Բարև ձեզ։ Գրանցել եմ ԱՁ, հիմա պետք է հայտարարություն տամ շրջհարկով աշխատելու համար։ Որտե՞ղ պետք է այդ հայտարարությունը տամ, շնորհակալ եմ։

Մարի․

Բարև ձեզ։ Ցանկանում եմ բացել գեղեցկության սրահ, որտեղ ես աշխատելու եմ մենակ՝ որպես վարսահարդար և հնարավոր է նաև դիմահարդար։ Ինչի՞ց եմ սկսելու։ Եվ արդյո՞ք միկրոբիզնես է համարվում։ Ամսական մոտավոր որքա՞ն են կազմելու հարկերը։

Սոնա․

Ողջույն, հարգելի՛ հաշվապահներ։ Կասե՞ք՝ որպես ֆրիլանսեր աշխատելու դեպքում, եթե եկամուտը քիչ է, ոչ ստաբիլ (ամսական 300 դրամից քիչ), ո՞րն է հարկային պարտավորությունները կատարելու ամենահարմար տարբերակը, որպեսզի շատ չտուժեմ։ Նախապես շնորհակալ եմ արձագանքի համար։

Լիլիթ․

Բարև Ձեզ, հարգելի հաշվապահներ, խնդրում եմ ինձ օգնել հետևյալ հարցում. ԱՁ-ն իրականացնում է գեղեցկության սրահի գործունեություն, ծառայությունների մատուցման համար ձեռք է բերում ներկեր և գունաբացող նյութեր, տվյալ նյութերը, որպես ծառայությունների մատուցման հետ կապված նյութածախս կարո՞ղ է ներառել շրջանառության հարկի եռամսյակային հաշվետվությանում։ Կամ արդյո՞ք ճիշտ է, որ առանձին վաճառք լինի, ուղղակի նյութերի մի մասը ստանում է մեծ տարաներով և օգտագործում է մաս- մաս, այս դեպքում դրոշմավորման խնդիր առաջանու՞մ է։ Եթե ունեք այս որորտում փորձ, խնդրում եմ արձագանքեք։

Նունե․

Հարգելի կոլեգաներ, ճի՞շտ եմ հասկանում, որ 2024թ-ին այլ գործունեությամբ զբաղվող ԱՁ-ն (միկրո), եթե 2025թ-ին ՏՏ ոլորտում ցանկանա աշխատել, 1 տոկոս արտոնությունից չի օգտվի այս հիմքով.

1) Հայաստանի Հանրապետության հարկային օրենսգրքի 123-րդ հոդվածի 2-րդ մասի 2-րդ կետով և նույն մասի երկրորդ պարբերությամբ սահմանված նվազեցումները 2024 թվականի հունվարի 1-ից ծագած հարաբերությունների վրա կիրառելու դեպքում պետական աջակցության համար դիմող տնտեսավարող սուբյեկտները տնտեսական գործունեության դասակարգիչների մասով չպետք է փոփոխություն կատարած լինեն առնվազն 2024 թվականի հուլիս-դեկտեմբեր ամիսների հարկային մարմնին տրամադրվող իրենց հաշվետվություններում:

2) 2025 թվականի հունվարի 1-ից սկսած՝ պետական աջակցության հայցվող ժամանակաշրջանում, պետական աջակցության համար դիմող տնտեսավարող սուբյեկտները տնտեսական գործունեության դասակարգիչների մասով չպետք է փոփոխություն կատարած լինեն հարկային մարմնին տրամադրվող իրենց հաշվետվություններում:

2024թ. այլ գործունեությամբ եմ աշխատել, այժմ ցանկանում եմ ՏՏ ոլորտում գործունեություն ծավալել, կարո՞ղ եմ 2025թ-ին օգտվել 1 տոկոս արտոնությունից։

Անահիտ․

Բարև ձեզ։ ԱՁ-ն զբաղվում է ավտոմեքենաների սպասարկումով և բացի այդ ցանկանում է սուրճի սարք տեղադրել մետաղադրամով:

1. Կասե՞ք խնդրում եմ՝ պետ տուրքը ինչքա՞ն է կազմում

2. Ի՞նչ հաշվետվություն կա լրացուցիչ

3. ՀԴՄ պե՞տք է ունենա, թե ոչ

Եվ եթե կան այլ նրբություններ, խնդրում եմ հուշել։

Շնորհակալ եմ նախապես:

Լիանա․

Խնդրում եմ հուշել՝ արդյո՞ք առևտրային գործունեություն ծավալող (հագուստի առք ու վաճառք) ԱՁ - ն շրջ. հարկի հաշվետվություն ներկայացնելիս կոմունալ ծախսերը կարող է նվազեցնել։

Վալիկո․

Amazon-ից ամսագրեր ձեռք բերելու պարագայում արդյո՞ք առաջանում է ոչ ռեզիդենտի շահութահարկ:

Ինեսսա․

Բարև ձեզ, խնդրում եմ պատասխանել․ եթե ԱՁ -ն ԱԱՀ վճարող է, կարո՞ղ է օգտվել 2025 թվականին ընդունված ՏՏ ոլորտի արտոնությունից, և արդյո՞ք հարկավոր է դիմել այդ արտոնությունից օգտվելու համար, և ո՞ր կայքում կարելի է գտնել հրապարակումը կոդերի։

Վահագն․

Բարև Ձեզ։ Մի հարց իմ մոտ առաջացավ։ 2025թ․-ին առևտրի ոլորտը շրջանառության հարկը հաշվելու ժամանակ հարկը կարող ենք նվազեցնել ձեռք բերված ապրանքների մասով 9,5 տոկոսով, հիմա ենթադրենք վաճառել ենք ապրանք 2 000 000 դրամի, ձեռք ենք բերել օրինակ 2 500 000 դրամի ապրանք հարկային հաշիվներով, ձեռք բերումների 9,5 տոկոս նվազեցումը վերաբերվու՞մ 2 500 000 դրամին և կապ չունի՞, որ այդ ձեռք բերված ապրանքների համար մատակարարներին մնացել ենք պարտք։ Ինչու՞ եմ հարցնում՝ հաշվարկի մեջ այդ տողը գրված է Առևտրական (առք ու վաճառքի) գործունեության առարկա հանդիսացող ապրանքների սկզբնական արժեք։

Հայկ․

Բարև Ձեզ։ Հայաստանում գրանցված բեռնափոխադրող ընկերությունը իր մեքենաների համար ավտոպահեստամասեր է գնում, ինչպես նաև կատարում է վերանարոգում ՀՀ-ից դուրս։ Կասե՞ք՝ ոչ ռեզիդենտի շահութահարկ պե՞տք է վճարել թե՞ ոչ։

Հասմիկ․

Բարև ձեզ, հարգելի հաշվապահներ, հարցս այսպիսին է․ եթե ֆիզ․ անձը կազմակերպությանը տոկոսով փոխառություն է տալիս, տոկոսների մասով ի՞նչ հարկային պարտավորություն է առաջանում, և ո՞վ պետք է վճարի՝ ֆիզ․ անձը, թե՞ կազմակերպությունը որպես հարկային գործակալ։

Արա․

էլեկտրոնային խաղերից ստացված շահումը հարկվու՞մ է, և մինչև ո՞ր գումարն է համարվում հարկվող։ Եթե հարկվում է, ապա քանի՞ տոկոս։

Մարիա․

Բարև Զեզ։ Ա/Ձ -ն զբաղվում է հյուրատնային բիզնեսով (Booking և Airbnb կայքերով օրավարձով բնակարան է տալիս), 24 մլն շեմը չի անցնում (1 բնակարան), միկրոձեռնարկատիրության տակ կարո՞ղ է աշխատել և հարկ չվճարել: Իսկ շրջհարկի դաշտ մտնելու դեպքում կոմունալ ծախսերը և մյուս սպասարկման ծախսերը կարո՞ղ է ներառել:

Ալլա․

Բարև Ձեզ, խնդրում եմ օգնել տվյալ պայմանական օրինակի հիման վրա լրացնել հետևյալ աղյուսակը։ Անհատ ձեռնարկատերը զբղվում է տարբեր տեսակի գործունեությամբ։ Առաջին եռամսյակում 2 հսկիչ ՀԴՄ-ով իրացրել է 5մլն շրջանառություն։ Այդ ընթացքում դուրս է գրել հաշիվ վավերագրեր 2 մլն 800 հզր դրամի։ Ձեռք է բերել ապրանք ՀՀ տարածքում 2 մլն դրամի։ Ներմուծել է 3 մլն դրամի ապրանք։ Սահմանին վճարել է մաքսային վճարներ 800 հզր դրամի։ Հյուսիսային պողոտայում ունի հանրային սննդի կետ (սրճարան), որի շրջանառությունը ՀԴՄ-ով կազմել է 6 մլն դրամ։ Ձեռք է բերել 3 մլն 500 հզր դրամի ապրանք, եռամսյակային վարձակալության վճարը կազմել է 500 հզր դրամ, ծախսել է 100 հզր դրամի հոսանք։ Ունեցել է օֆիսի համար 2 ավտոմեքենա, որից մեկը վաճառել է 4 մլն դրամով (նախկինում ձեռք է բերել 3 մլն դրամով)։ ԱՁ-ն փոխառություն է տվել ֆիզիկական անձի և ստացել է 200 հզր դրամի եկամուտ։ Որոշել առաջին եռամսյակում որքա՞ն շրջանառության հարկ պետք է վճարի պետությանը։

Միլենա․

Բարև Ձեզ։

Արդյո՞ք այն անձը, ով հանդիսանում է ՍՊԸ-ի 50%-ի բաժնետեր, կարող է հետագայում բացել ԱՁ իր անունով։

Գայանե․

Բարև Ձեզ, հարգելի հաշվապահներ։ Հարցս մսի խանութի հետ է կապված, մարզում է, արդեն աշխատում է շրջհարկով։ Խնդրում եմ օգնեք հասկանալ՝ ճի՞շտ եմ կատարում գործողությունները, թե՞ ոչ։

Հարց 1․ ԱՁ-ն գյուղացուց կով է գնում, գնման ակտով և գյուղապետարանի տեղեկանքով, որ տվյալ գյուղացին ունի կով, բայց գյուղապետարանի տեղեկանքում չի նշվում՝ գյուղացին կովը ում է վաճառում, դա սխալ չէ՞։

Հարց 2․ ԱՁ-ն կովը գնում է այդ տեղեկանքի և գնման ակտի հիման վրա և տանում է սպանդանոց, վաճառում է տվյալ ԱՁ -ին՝ հաշիվ եմ դուրս գրում տվյալ ԱՁ-ի անունով

Հարգելիներս, այս գործողություններից հետո 10 % հարկ չի առաջանում չէ՞։ Կանխավ շնորհակալ եմ։

Վաղարշակ․

Բարև ձեզ։ Եթե ֆիզ անձը մեկ մեքենա (ֆուռ) ալյուր ներկրի ՌԴ-ից, ի՞նչ հարկեր պետք է վճարի։

Արաքսյա․

Բարև ձեզ, կարո՞ղ եք, խնդրում եմ, պատասխանել իմ մեկ հարցին։ Քաղաքացիաիրավական պայմանագրով աշխատելիս ի՞նչ հարկեր պետք է վճարի աշխատողը, արդյոք նո՞ւյն չափով, ինչ որ գրանցված աշխատողը։

Աննա․

Հարգելի հաշվապահներ, ձեր խորհրդի կարիքը ունեմ հետևյալ գործունեության համար․

Քաղաքացին փաստաթղթով գնում է վնասված ավտոմեքենա, խոտանում և իր անունով բացված ԱՁ-ով վաճառում որպես ավտոպահեստամասեր։

Հարց 1․ գործունեությունը ԱՁ-ի համար կարո՞ղ է համարվել արտադրություն, քանի որ կատարում է որոշակի գործողություններ՝ քանդում, մասերի լվացում, թարմացում և այլն, և աշխատել միկրոյի դաշտում։

Հարց 2․ Կհաշվարկվի 20 % եկամտային հարկ․ ա) 2024թ․ և առաջ ձեռք բերված՝ վնասված և խոտանված ավտոներից առաջացած ավտոպահեստամասերի վաճառքի նկատմամբ բ) 2025թ․ ձեռք բերված՝ վնասված և խոտանված ավտոներից առաջացած ավտոպահեստամասերի վաճառքի նկատմամբ

Սեդա․

Բարև ձեզ, ԱՁ-ն բացել եմ միայն տոնավաճառներին մասնակցելու համար, փաստացի աշխատել եմ տարվա մեջ 18 օր, իսկ տարեկան եկամուտը չի գերազանցել 1.5մլն-ը։ Իրենից ներկայացնում է ձեռագործ կախազարդերի ու այլ աքսեսուարների արտադրություն և վաճառք։ Այս տարի դեռ գործունեություն չեմ վարել։ Արդյո՞ք նոր օրենքով կշարունակեմ աշխատել որպես միկրո, թե՞ պետք է վճարեմ շրջհարկ։

Zara.

Բարև ձեզ։ Ունեմ մի քանի հարց ԱՁ-ի 2025թ․ հարկերի և դրանց վճարման վերաբերյալ։ ԱՁ-ն գործելու է շրջանառության հարկի դաշտում, աշխատողներ չի ունենալու։

Հարց 1 - Ճի՞շտ եմ հասկանում, որ վճարելու եմ հետևյալ հարկերը՝ - 5 000 դրամ ամսական շահութահարկ - 5 000 դրամ ամսական սոց․ վճար - 10% եռամսյակային շրջանառության հարկ - դրոշմանիշային վճար՝ տարեկան կտրվածքով: Կա՞ն այլ վճարներ, որոնք մոռացել եմ հաշվի առնել։ Եկամտային հարկը վճարվում է միայն աշխատող ունենալու դեպքում, ճի՞շտ է։

Հարց 2 - հնարավո՞ր է արդյոք ամսական վճարները կուտակել և վճարել միանգամից՝ տարվա վերջում, կամ օրինակ եռամսյակը մեկ։ Եվ եթե այո, դա ինչ-որ հատուկ քայլերո՞վ է արվում, թե պարզապես վճարումը կատարում եմ այդ ժամանակ և վերջ։

Հարց 3 - Ինչպե՞ս եմ կատարում վճարումները։ Արդյո՞ք բոլորը կարող եմ անել պետական վճարումների էլեկտրոնային համակարգով՝ https://www.e-payments.am/hy/ թե՞ պարտադիր է բանկով կատարել։

Հարց 4 - Ո՞ր վճարների համար պետք է հաշվետվություն ներկայացնեմ հարկային ծառայության էլեկտրոնային համակարգում։ Շրջանառության հարկ, շահութահարկ, այսքա՞նը, թե սոց վճարների և դրոշմանիշների համար էլ է պետք հաշվետվություն

Հարց 5 - արդյո՞ք դրոշմանիշային վճարի հաշվարկի սանդղակը այստեղ նշվածն է՝ https://www.arlis.am/documentview.aspx?docid=175713 "հաշվարկման բազա" ասելով հասկանում ենք տարեկան եկամուտների գումա՞րը, թե՞ սա այլ եզր է։

Անչափ շնորհակալ կլինեմ պատասխանների համար։

Լևոն․

Բարև ձեզ, հարգելի հաշվապահներ: Հարցս ՍՊԸ-ի հիմնադրին շահաբաժին տալն է: Աշխատում է միկրոձեռնարկատիրության համակարգով: Առաջին անգամ եմ անելու և խնդրում եմ ներողամտաբար մի քիչ ավելի մանրամասն բացատրեք անհրաժեշտ գործողությունների հերթականությունը, և ի՞նչ հաշվետվություններ և ե՞րբ լրացնեմ: (Եթե կարելի է նաև հաշվետվությունների լրացման ձևը մի փոքր մանրամասնեք): Կանխավ Շաաատ շնորհակալ եմ:

Լևոն․

Բարև ձեզ, սիրելի հաշվապահներ։ ՍՊԸ-ն կատարում է տպագրական աշխատանքներ (օֆսեթ տպարան է): 4 տարի գործունեության ժամանակավոր դադարից հետո ուզում եմ վերսկսել աշխատանքը: Կատարում եմ ա) գրքերի, բուկլետների, պլակատների և այլն օֆսեթ տպագրական աշխատանքներ պատվիրատուների պատվերով բ) և մեր նախաձեռնությամբ տպագրած նյութերի (գրքեր, օրացույցներ, բուլկլետներ) վաճառք հուշանվերների խանութներին և այլ կազմակերպությունների (տուրիստական և այլն): Վաճառքը կատարում եմ անմիջապես և ոչ թե գործակալական պայմանագրով:

Հարց 1. Կարո՞ղ եմ արդյոք աշխատել միկրոձեռնարկատիրական համակարգում:

Հարց 2. Պատվերով արտադրած տպագիր ապրանքը գնորդին առաքելուց պե՞տք է ԱՊՐԱՆՔՆԵՐԻ ՄԱՏԱԿԱՐԱՐՄԱՆ ՀԱՇԻՎ ՎԱՎԵՐԱԳԻՐ դուրս գրեմ, թե՞ ԱՇԽԱՏԱՆՔՆԵՐԻ ԿԱՏԱՐՄԱՆ ՎԱՎԵՐԱԳԻՐ, արդյոք տարբերություն կա՞: Երկրորդ դեպքում քանի որ առաքման նշանակման վայրը չեմ կարող նշել (այդպիսի տեղ չկա ԱՇԽԱՏԱՆՔՆԵՐԻ ԿԱՏԱՐՄԱՆ ՎԱՎԵՐԱԳՐՈՒՄ) երևի պետք է նաև ԱՊՐԱՆՔԻ ՏԵՂԱՓՈԽՈՒԹՅԱՆ ԲԵՌՆԱԳԻՐ գրե՞լ:

Հարգանքներով Լևոն:

Հասմիկ․

Ա Ձ - ի գործունեությունը հրշեջ ծառայություն է, դասակարգիչը O 84 25 1, կարո՞ղ է համարվել միկրոձեռնարկատիրական սուբեկտ։ Շնորհակալություն։

Լիլի․

Բարև Ձեզ։ Խնդում եմ օգնել հետևյալ հարցում՝ միկրոձեռնարկատիրության համակարգում աշխատող Ա/Ձ, որը զբաղվում է Ինտերնետ հասանելիության ծառայություն լարային կապի միջոցով (դասակարգիչը՝ J61.10.3), կարո՞ղ է 2025-ին աշխատել միկրո համակարգում։ Շնորհակալություն։

Արման․

Նորաբաց ԱՁ եմ, աշխատողներ չունեմ, զբաղվում եմ ԲՏ ոլորտի պետական աջակցության ենթակա գործունեությամբ (ցանկը դեռ վերջնական հաստատված չէ), շրջանառության հարկի դաշտում, ֆրիլանս տարբերակով։

Շատ քիչ տեղեկություն կա ընդհանրապես, բայց որքանով հասկացա ներկայացնում եմ հետևյալ հաշվետվությունները․

- 201 ձև - ամեն տարի մինչև փետրվարի 20-ը
- 240 ձև - ամեն տարի մինչև ապրիլի 20-ը (լրացվում է միայն 107 կետը, տարվա համար վճարվում է 12 * 5 000 = 60 000 դրամ)
- 244 ձև - ամեն տարի մինչև ապրիլի 20-ը (լրացվում է միայն 8-րդ կետը, տարվա համար վճարվում է 12 * 5 000 = 60 000 դրամ)
- 286 ձև - եռամսյակը մեկ, մինչև հաջորդ ամսվա 20-ը (վճարվում է շրջանառության 1%-ը)
- Ըստ տարեկան շրջանառության ամեն տարի մինչև ապրիլի 20-ը վճարվում է դրոշմանիշային վճար (ըստ ամենայնի 24 000 դրամ (2 400 001-ից մինչև 6 000 000 դրամ հաշվարկման բազայի դեպքում))

Բոլոր հարկատեսակները վճարվում են պետական գանձապետարանի միասնական հաշվեհամարին՝ 900008000490 Դրոշմանիշային վճարը վճարվում է 900005001186 հաշվեհամարին Կարելի է վճարել ԱՁ հաշվեհամարից, իսկ դրա բացակայության դեպքում ցանկացած հաշվեհամարից նշելով ՀՎՀՀ-ն։ Խնդրում եմ ասեք, արդյո՞ք ամեն ինչ ճիշտ եմ հասկացել, կա՞ն այլ հաշվետվություններ կամ վճարումներ։

Ալինա․

Բարև Ձեզ, խնդրում եմ շատ օգնել առաջին քայլերը ճիշտ կատարել, որ խնդիրներ չառաջանան:
Այսօր, մոտենալով հարմար Հայփոստ, բացել եմ ԱՁ (07/02/2025), որից հետո գնացել եմ հարկային և գրանցվել որպես հարկատու։ Ձեռնարկատիրական գործունեության տեսակը՝ 62.01.0: Աշխատելու եմ որպես ՏՏ ռեկրուտեր (IT recruiter) տանից, իմ համակարգչով, Եվրոպական կազմակերպությունում: Այս քայլերից հետո ուրիշ ի՞նչ է պետք անել, ինչպե՞ս է հարկայինը իմանում, որ ես իրականում ՏՏ ոլորտում եմ, որպեսզի հարկվեմ 1% կամ 5%: Նախապես շնորհակալություն:

Իրինա․

Բարև ձեզ։ Նկարչություն դասավանդող ֆիզիկական անձը կարո՞ղ է միկրոձեռնարկատեր համարվել։

Մադլենա․

Բարի օր, հարգելի հաշվապաhներ: Խնդրում եմ տալ օրենքից հղումներ: ՍՊԸ-ն չի գործում 2017թ-ից, ազատվել են բոլոր աշխատակիցները: Իսկ 2018թ 4-րդ և 2019թ 1-ին եռամսյակներում մաս-մաս վաճառվել է ՍՊԸ-ին պատկանող տարածքը (անշարժ գույքը), վճարելով 10% հարկ գույքի օտարման համար: 2024թ․ դեկտեմբերին դիմել ենք լուծարման: Բացվել է ստուգում, և հիմա ասում են, որ օտարումից պիտի բաշխվի շահաբաժին և վճարվի 5% հարկ: Ասեմ, որ հիմնարկը աշխատել է շրջանառության հարկով և ժամանակավոր դադարի ժամանակ էլ ամեն տարի տրվել է հայտարարություն շրջանառության հարկով աշխատելու համար: ՍՊԸ-ի աշխատելու ընթացքում տնօրենը տվել է փոխառություն: Քանի որ խանութը աշխատում էր վնասով՝ փակվեց: Գույքի օտարման գումարով մարվել է փոխառության տրված գումարի մի մասը: 5 տարի պահելուց հետո հիմնարկի փաստաթղթերը վերացվել են: Խնդրում եմ ասեք. արդյոք կարո՞ղ են 6-7 տարվա փաստաթղթեր պահանջել, և ինչպե՞ս ապացուցել, որ անշարժ գույքի վաճառքի գումարով մարվել է փոխառություն: Ասեմ նաև, որ պահանջել են 5 տարվա բանկային քաղվածք 01.01.20-21.01.25թ: Կանխավ՝ շնորհակալ եմ:

Քրիստինա․

Բարև Ձեզ։

Անհատ Ձեռնարկատեր եմ, պայմանագիր ունեմ Եվրոպայի որևէ երկրի գործընկերոջ հետ, ծառայություններ եմ մատուցում, ՏՏ ոլորտ է, շրջանառության հարկ որքան պետք է վճարեմ, նոր օրենք կա՞ պետք է խնդրեմ լինկ ուղարկեք, կարդամ, շնորհակալություն:

Տաթև․

Բարև ձեզ, հարգելիներս։ Եթե շրջ. հարկով աշխատող Ա/Ձ-ն (աշխատող չունի, ծառայությունների մատուցում է կատարում) 2 ամիս շրջանառություն չունի, ապա անհրաժե՞շտ է ամսական շահութահարկի և սոց․ վճարի 5000-ական վճարումները կատարել:

Շուշանիկ․

Բարև Ձեզ, հարգելի հաշվապահներ, խնդրում եմ օգնել հետևյալ հարցում: ԱՁ-ն, որն աշխատում է ԱԱՀ-ի դաշտում, զբաղվում է բաժակով սուրճի արտադրությամբ և վաճառքով, ի՞նչ հաշվետվություններ պետք է ներկայացնի և ի՞նչ պարտադիր հարկեր պետք է վճարի: Նաև կխնդրեի պարզաբանել՝ ԱՁ-ն կարող է տնօրեն չունենալ։

Սեդա․

Բարև Ձեզ։ Ընկերությունն իր գումարներից արտարժույթային հաշվին ավանդ է դրել: Հիմա դրանից ստացված տոկոսներից ի՞նչ պարտավորություններ կառաջանան, և ի՞նչ հաշվետվություններ պետք է լրացնել:

Վահագն․

Ողջույն։ Որպես ԱՁ, որն աշխատում է շրջ. հարկի դաշտում, ուրիշ ի՞նչ հարկեր և տուրքեր պետք է վճարեմ և ի՞նչ հաճախականությամբ՝ տարեական, եռամսյակային, ամսական։

Մարինե․

Բարև Ձեզ։ Կասե՞ք խնդրեմ՝ տուրիստական գործակալությունը կարո՞ղ է միկրո աշխատել։ Շնորհակալ եմ։

Անուշիկ․

Բարև ձեզ։ ԱՁ-ն 2025թ-ի համար ներկայացրել է միկրոյի հայտարարություն, հնարավո՞ր է անցնել միկրոձեռնարկատիրությունից շրջանառության հարկի։ Եթե այո, ապա ինչպե՞ս։

Նարե․

Բարև Ձեզ։ Հարգելի հաշվապահներ, եթե ԱԱՀ-ով աշխատող ՍՊԸ-ն եվրոպական երկրից ստացել է դրամաշնորհ, որով պետք է ձեռք բերի սեփական օգտագործման հիմնական միջոցներ, ապա․

1. դրամաշնորհի գումարը հարկվո՞ւմ է ԱԱՀ-ով,
2. արդյո՞ք պետք է դրամաշնորհի համար ինքնահաշիվ գրել, եթե պայմանագրով չի պարտադրվում,
3. եթե դրամաշնորհը ստացվել է եվրոյով և հաշիվ չի գրվում, ապա ԱԱՀ-ի հաշվետվության մեջ ո՞ր օրվա փոխարժեքով պետք է արտացոլել դրամաշնորհի գումարը։

Կանխավ շնորհակալություն։

Անուշ․

Բարև ձեզ, սիրելի հաշվապահներ։

1. Եթե աշխատակիցը գրանցված աշխատող է և ունի նաև վարձակալությամբ տրված բնակարան, կարո՞ղ է հայտարարագիր լրացնի միայն վարձակալության համար

2. Այլ տրանսպորտային սարքավորանքի նորոգում և տեխնիկական սպասարկում, չներառված ուրիշ խմբավորումներում, որը գտնվում է մարզում, կարո՞ղ է աշխատել միկրոյով

Գայանե․

Բարև Ձեզ, հարգելի հաշվապահներ։ Հարցս հետևյալն է․ ԱՁ-ն գործում է այս տարվանից արդեն շրջհարկով, մսի խանութ է։ Միսը գնել է ֆիզ անձից՝ գնման ակտով, գյուղապետարանի տեղեկանքով և անասնաբուժական վկայականով։ Ինքնահաշիվ պե՞տք է գրվի այդ ֆիզ անձի անունով, թե՞ ոչ, և կասե՞ք՝ այս դեպքում հարկը ինչքա՞ն է լինելու։ Իրավունք ունե՞մ 9,5 % նվազեցում տալու։ Կանխավ շնորհակալ եմ։

Նիկա․

Բարև Ձեզ։ Հագուստի վարձույթով զբաղվող ԱՁ-ն կարո՞ղ է գործել մինրոձեռնարկատիրության համակարգում։ Եթե այո, ապա այդ մասով որևէ պարզաբանում կտրամադրե՞ք, բացի ՀՀ հարկային օրենսգրքից։

Արմենուհի․

Բարև Ձեզ: Խնդրում եմ պատասխանել՝ դարբնի գործունեությունը ի՞նչ հարկատեսակով է գործելու, միկրոձեռնարկատիրությու՞ն, թե՞ շրջանառության հարկ: Ինչպես նաև 2025թ-ի մասով փոփոխությունները որտեղի՞ց գտնեմ:

Անահիտ․

Հարգելի հաշվապահներ, եթե բեռնափոխադրում կատարող ԱՁ-ն (միկրո) միջնորդ ունենա, միջնորդ ԱՁ-ն (շրջհարկ) հաշիվ դուրս գրի պատվիրատուին, վճարումը ստանա, միկրոյով աշխատող ԱՁ-ին միջնորդական ծառայության հաշիվ միջնորդավաճարի մասով դուրս գրի, բավակա՞ն է, թե՞ միկրոյով աշխատող ԱՁ-ն էլ հաշիվ պիտի գրի միջնորդ ԱՁ-ին։