Անի․

Բարև Ձեզ։ Չհաշվանցվող ԱԱՀ-ն համարվու՞մ է արդյոք նվազեցվող ծախս, եթե գործունեությունը ազատված է ԱԱՀ-ից, ստացած հաշիվերի ԱԱՀ-ն ներառու՞մ են ծախսերի մեջ և նվազեցնում շահութահարկի հաշվարկի դեպքում։

Հռիփսիմե․

Բարև Ձեզ։ ԱՁ -ն աշխատում է 11.12.2024թ-ից ԱԱՀ-ով: Մինչ այդ աշխատում էր շրջ. հարկով: իրականացնում է բեռնափոխադրում: ՌԴ-ի որևէ կազմակերպության հետ պայմանագիր է կապել և ապրանք է տեղափոխել: Մենք իրենց հաշիվ ենք դուրս գրել, ստորագրել ոչ էլեկտրոնային, և կնքել ենք ուղարկել էլ. հասցեին: Հիմա ՀՀ-ի ՊԵԿ-ի հետ կապված մենք ի՞նչ քայլեր ունենք անելու: Այդ ստացված գումարից հարկ վճարելու՞ ենք։ Խնդրում եմ, եթե հնարավոր է, գրեք մատչելի:

Կարինե․

Բարի օր, խնդրում եմ, կասե՞ք՝ ի՞նչ հաշվետվություն պիտի ներկայացնի ֆիզիկական անձը, ով 2024թ-ից սկսած վարձակալության է տվել բնակարանը, ստացել է ՀՎՀՀ, վճարում է եկամտային հարկը միասնական հաշվին, և նրան տեղեկացրել են, որ պիտի հաշվետվություն ներկայացնի 2024թ-ի համար։ Արդյոք խոսքը https://self-portal.taxservice.am/sign-in/ -ի հայտարարագրին է վերաբերում, թե՞ այլի մասին է խոսքը։

Տիգրան․

Բարև Ձեզ, ընկերությունը 2025 թվականի փետրվար ամսից զբաղվելու է ՏՏ գործունեությամբ։ Հարկային օրենսգրքում շրջանառության հարկի դրույքաչափը նշված է 1 տոկոս։ Ինձ հետաքրքրում է՝ արդյո՞ք բացի մինչև փետրվարի 20-ը ներառյալ շրջհարկի հայտարարություն տալուց պետք է նաև այլ պահանջների բավարարել, ասենք հավաստագիր, արտոնագիր, թե՞ գործունեության տեսակով պայմանավորված ավտոմատ նշված դրույքաչափով ենք շրջհարկ մուծելու։ Շնորհակալություն։

Ռոման․

Բարև ձեզ։ Եթե շրջանառության հարկով աշխատող կազմակերպությունը ապրանքները ձեռք է բերել առանց փաստաթղթի և տարեվերջին ունի ապրանքային մնացորդ, այդ դեպքում կարո՞ղ է արդյոք մնացորդի նկատմամբ կիրառվել եկամտային հարկ։

Շնորհակալություն։

Աննա․

Բարև Ձեզ, հարգելի հաշվապահներ։ ԱՁ-ն բիզնես քարտով դոմեյն էր գնել 2023-ի Նոյեմբեր ամսին ԱՄՆ կայքից: Ծառայությունն վավեր է երկու տարով: Անցած տարի ընդհանուր հարկման դաշտում էր մնացել ու գրեթե գործունեություն չի ծավալել, հիմա շրջանառության հարկի համակարգում է: Ճի՞շտ եմ հասկանում, որ ըստ ՀՕ Հ40-ի երկու տարին լրանալու օրն է ծառայության մատուցման պահն: Այսինքն, որպես շրջանառության հարկ վճարող ինքնահաշիվ դուրս գրել պետք չի, պետք է միայն ոչ ռեզիդենտի շահութահա՞րկ վճարել 20%:

Իսկ այն որ 2023-ի շահութահարկի տարեկան հաշվետվության մեջ ծառայության գումարն “Վարչական ծախսերը / Տեղեկատվական ծառայությունների գծով ծախսերը” տողում եմ լրացրել, խնդիր չի՞ այս պարագայում:

Պարզապես նոր եմ իմանում ոչ ռեզիդենտի շահութահարկի մասին: Շատ եմ վախենում որ 10$-անոց ծառայության համար կարող է լուրջ տուգանք առաջանալ:

Հայկ․

Բարև Ձեզ։ Շրջանառության հարկով աշխատող ԱՁ-ն 2025 թվականին պետք է իրականացնի բեռնափոխադրումներ ՀՀ-ից դեպի այլ երկրներ։ Այլ երկրներում բենզին է լցնում։ Կասե՞ք՝ բենզինի համար շրջանառության հարկով ծախս ճանաչելու համար ի՞նչ հիմք է պետք։

Գայանե․

Բարև ձեզ: Ասացեք խնդրեմ՝ ՏՏ ոլորտի շրջանառության հարկը հաջորդ տարի քանի՞ տոկոս է լինում: Շնորհակալ եմ։

Մելինե․

Օնլայն առևտրով զբաղվող ԱՁ-ն, որը շրջանառության հարկով է հարկվում, 2024 թվականին 7 մլն դրամի էլեկտրոնիկա է ձեռք բերել Չինաստանից առանց հաշիվ ֆակտուրաների կամ այլ թղթերի, այնուհետև վաճառել Հայաստանում՝ դուրս գրելով հաշիվ վավերագիր ֆիզ անձին։ Եռամսյակային հաշվետվության ժամանակ ներկայացրել եմ վաճառքի այդ գումարը և վճարել համապատասխան հարկերը։ Հարցս հետևյալն է․ արդյո՞ք խնդիրներ կունենամ, եթե չունեմ ձեռքբերումը փաստող թղթեր, և ինչպե՞ս այսուհետ դա կազմակերպեմ։

Հասմիկ․

Բարի օր, խնդրում եմ ուղղորդել։ Գյուղացուց ձեռքբերված մեղուներն ու մեղվապահական պարագաներն ի՞նչ են համարվում։ 2025 թվականին տվյալ ապրանքները ձեռքբերելիս կազմակերպությունը ԳԱ-ի դեպքում վճարելու՞ է 10 կամ 20%։ Շնորհակալ եմ։

Կառլեն․

Արժեթղթերից ստացվող եկամուտները որպես նվազեցվող եկամուտ 149 հոդվածի 2րդ մասի 3րդ կետն ասում է․՝

“Հարկման բազան որոշելու նպատակով սույն հոդվածի 1-ին մասով սահմանված եկամուտները չեն համարվում նվազեցվող եկամուտներ (չեն նվազեցվում համախառն եկամտից), եթե ՝ ստացվում են կազմակերպության կանոնադրական կամ բաժնեհավաք կապիտալում շենքի, բնակարանի, առանձնատան կամ այլ շինության (այդ թվում` անավարտ (կիսակառույց) ձևով մասնակցության (բաժնետոմսի, բաժնեմասի, փայաբաժնի) կամ ներդրում վկայող այլ արժեթղթերի օտարումից, եթե այդ օտարումը կատարվում է կանոնադրական կամ բաժնեհավաք կապիտալում այդ մասնակցությունը (բաժնետոմսը, բաժնեմասը, փայաբաժինը) ձեռք բերելու օրը ներառող հարկային տարվա կամ դրան հաջորդող երեք հարկային տարիների ընթացքում.”

Արդյո՞ք ձեռքբերում է համարվում միայն մի ուրիշ կողմի օտարուման արդյունքում ստացված բաժնեմասը, թե կազմակերպության 0-ից հիմնադրումն էլ է համարվում ձեռքբերում։ Այսինքն եթե ուրիշից չի գնել կամ նվեր ստացել բաժնեմասը, այլ կազմակերպությունը հենց ինքն է հիմնել, երկու տարվա ընթացքում օտարելու դեպքում հարկ կառաջանա՞, թե ոչ։

Հայկ․

Բարև Ձեզ: Միկրոյով աշխատող ԱՁ-ն մինչև 2025թ. փետրվարի 1-ը պետք է ներկայացնի հարկման համակարգ ընտրելու հայտարարություն: Որևէ այլ հաշվետվություններ պարտավո՞ր է ներկայացել: Եվ 2-րդ հարց. ԱՁ-ի գործունեությունը լուսանկարչական բնագավառում է, դասակարգիչը՝ M7420, արդյո՞ք կարող է 2025թ. նույնպես աշխատել միկրոյով: Շնորհակալություն։

Արմեն․

Բարև ձեզ, ԱՁ-ն աշխատում է շրջանառության հարկման դաշտում, և ոչ ռեզիդենտին ծառայություններ մատուցելու դեպքում նրանից եկամուտ ստանալուց առաջ ենթակա է շահութահարկի պահում: Ո՞ր ձևով պետք է ներկայացնել հաշվետվությունը, և արդյո՞ք այդ դեպքում պարտադիր է գրել ինքնահաշիվ։

Կարեն Գալստյան․

Իրավաբաններ ջան, հարցս կապված է հարկային օրենսգրքի նոր փոփոխությունների հետ, որով 2025 թվականի համար ֆիզ. անձինք ներկայացնելու են հայտարարագիր։ Ես 2025 թվականի ընթացքում, որ ամեն որ լիցքավորում կատարեմ իմ գումարը աջարաբեթ ու նույն գումարը նույն օրը կանխիկացնեմ, էդ ձև ողջ տարին։ Էս ամեն ինչի արդյունքում բոնուսներով շահում եմ ստանում ու ամեն ամիս կանխիկացնում մինչև ասենք 50 000 գումար։ Հայտարարագրի մեջ ի՞նչ եմ նշելու, ո՞նց եմ նշելու, արդյո՞ք հարկ տալու եմ էդ լիցքավորումների, կանխիկացումների ու շահումների մասով։ Կամ ինչ-որ խնդիր հնարավո՞ր է ունենամ։ Խնդրում եմ օգնեք՝ մանրամասն ծանոթանալով հարցերին ու լրիվ պատասխանեք։ Կանխավ՝ շատ շնորհակալ եմ։

Նանար․

Բարև ձեզ։

Շրջանառության հարկով հարկվող արտադրությամբ զբաղվող ԱՁ-ն ձեռք է բերել ապրանք առանց ՀԴՄ կտրոնի ու հաշիվ վավերագրի։ Ինչպե՞ս պետք է ձևակերպվի գնումը։ Շնորհակալություն։

Արման․

Հարգելի գործընկերներ, եթե շրջանառության հարկով աշխատող կազմակերպությունը մատուցում է ծառայություններ այլ կազմակերպության ԱԱՀ-ից ազատված ծրագրի շրջանակներում (պատվիրատուն տրամադրում է տեղեկանք ԱԱՀ-ից ազատված լինելու մասին), ապա շրջանառության հարկ վճարող համարվող կատարող կազմակերպությունը, երբ ապրանքներ/ծառայություններ է ձեռք բերում ԱԱՀ վճարող համարվող վաճառողներից (նույն ծրագրի շրջանակներում իր մատուցվող ծառայություններում օգտագործելու համար), կարո՞ղ է այդ տեղեկանքը ներկայացնելով՝ այդ ապրանքները/ծառայությունները ստանա առանց ԱԱՀ-ի, թե՞ պետք է ինքն էլ համարվի ԱԱՀ վճարող։

Աննա․

Բարև Ձեզ։ Հարցս այսպիսին է․ ՍՊԸ-ն ընդհանրապես գործունեություն չի իրականացրել, չի ստացել հաշիվներ, դուրս չի գրել: Եվ զուգահեռ հիմանդիրն ունի Ա/Ձ-ը, որը նույնպես գործունեություն չի իրականացրել, միայն ունի ստացված հաշիվներ՝ ինտերնետ ծառայությունների։

Հարց 1․ Կարո՞ղ եմ ՍՊԸ-ի գործունեությունը դադարեցնել և 2025-ից աշխատել Ա/Ձ-ով շրջ․ հարկի դաշտում։

Հարց 2․ Արդյո՞ք քանի որ ՍՊԸ-ն գրանցել է 2020թ-ին, պետք է նրա համար 0-ական հաշվետվություններ ներկայացնել։ Եվ Ա/Ձ-ի մասով նույնպե՞ս անհրաժեշտ է ներկայացնել հաշվետվություններ (կային ստացված հաշիվներ), թե՞ կարող եմ տալ շրջանառության հարկ վճարող համարվելու մասին հայտարարություն և սկսեմ գործունեությունս։

Անչափ շնորհակալ կլինեմ արձագանքելու համար։

Լևոն․

Որևէ մեկը տեղեկություն ունի՞, թե արդյո՞ք ՏՏ ոլորտի ծառայություններ մատուցող ԱՁ-ն 2025 թվականից 1% շրջանառության հարկ պետք է վճարի։

Ելենա․

Բարև Ձեզ։ ՍՊԸ-ն աշխատում է շրջհակով, ունի իր հաշվեկշռում շենք, որի արժեքը կանոնադրական կապիտալում գրանցված է 30 մլն․ դրամ (30 տարի առաջ գնման արժեքն է)։ Կադաստրային արժեքը այս պահին կազմում է 200 մլն․ դրամ։ ՍՊԸ-ն ցանկանում է օտարել 100% բաժնեմասը այլ ֆիզանձի։ Ինչպիսի՞ հարկեր կառաջանան, եթե բաժնեմասի արժեքը կազմի 200 մլն․ դրամ։ Կանխավ շնորհակալ եմ պատասխանի համար։

Սեդա․

Բարև Ձեզ։ Ընկերությունը վաճառում է ապրանք, որի արժեքը, ենթադրենք, 1 000 դրամ է, սակայն այդ ապրանքը լինում է, որ վաճառվում է իր արժեքից և բարձր և ցածր գնով: Հարցս ինչումն է՝ ԱԱՀ-ի հաշվարկը կատարելիս, երբ կիրառում եմ ՀՕ 62 հոդվածի 6-րդ կետը, որը պետք է համարվի ապրանքի բազային գին, ամենաբարձր վաճառված գինը (որը շատ քիչ տոկոս է կազմում ընդհանուր վաճառքի մեջ), թե՞ իրական գինը:

Սոնա․

Ես զբաղվում եմ տուրիստական գործունեությամբ հետևյալ երեք տարբերակով՝

1. Ֆիզիկական անձանց համար ձեռք եմ բերում ավիատոմսեր՝ օնլայն գնելով ավիատոմսը,

2․ Ֆիզիկական անձանց տրամադրում եմ տուր փաթեթ (ներառում է ավիատոմս, հյուրանոց) , օնլայն գնում եմ ավիատոմսն ու հյուրանոցը,

3․ Իրանից ժամանած քաղաքացիների համար հյուրանոց եմ ամրագրում, օրինակ 60․000 ՀՀ դրամնով, իսկ ՀՀ-ում գտնվող հյուրանոցը ինձ տրամադրում է 50․000 հաշիվ։ Մինչ այսօր ես աշխատել եմ միկրոձեռնարկատիրության ոլորտում, և իմ հասույթը եղել է այդ միջնորդական գումարը։ Ցանկանում եմ իմանալ՝ այսուհետ ի՞նչ հարկատեսակով եմ աշխատելու։

Մարիամ․

Բարև Ձեզ, խնդրեմ կասե՞ք՝ եթե Instagram հարթակում ինքս զարդեր եմ պատրաստում և վաճառում անկանխիկ եղանակով, հունվարի 1-ից ինչ-որ փոփոխություն լինելու՞ է, պե՞տք է Ա/Ձ բացել, ինչ-որ հարկեր վճարելու՞ եմ:

Իրինա․

Հարգելի գործընկերներ, հարցս վերաբերում է Զբոսաշրջության ոլորտին։ Հարկային օրենսգրքի 64-րդ հոդվածի 2-րդ մասի 48-րդ կետի համաձայն ԱԱՀ-ից ազատված գործարք է համարվում օտարերկրյա զբոսաշրջիկին մատուցվող զբոսաշրջության ոլորտի ծառայությունները, իսկ Զբոսաշրջության մասին օրենքում հստակ թվարկում է զբոսաշրջային ծառայությունները որոնք են։

Հիմա հարց․ ինչու՞ է մեկնաբանվում, որ պարտադիր պետք է մեկից ավելի ծառայություն լինի, այսինքն տուր փաթեթ լինի, որ համարվի ազատված։ Օրինակ, եթե օտարերկրյա զբեսաշրջիկին միայն մատուցվել է ՀՀ-ի սահմանում ուղևորափոխադրման, կամ գիդի , կամ միայն հյուրանոցի ծառայություն, էդ դեպքում վերջը համարվու՞մ է ազատված ԱԱՀ-ից, թե՞ ոչ։

Արմեն․

Հարգելի հաշվապահներ, խնդրում եմ տրամադրել ամբողջական ցանկը, կամ օրենքի հղումը, թե որ գործունեությունները չեն կարող համարվել միկրոձեռնարկատիրության սուբյեկտ 2025թ․ հունվարի 1-ից։ Նախապես շնորհակալություն։

Թաթուլ․

Հարգելի գործընկերներ,

1. Ա/Ձ-ն կատարում է երեխաների հետ լոգոպետական և շտկողական աշխատանքներ: 2025թ. հունվարի 1-ից կարո՞ղ է միկրոյով աշխատել:
2. Իսկ եթե Ա/Ձ զբաղվում է օտար լեզուների ուսուցմամբ (լեզվի կենտրոն), կարո՞ղ է 2025-ին միկրոձեռնարկատիրության դաշտում աշխատել:

Աննա Ջուլհակյան․

Ես Ա/Ձ-ով ուզում եմ Չինաստանից ապրանք տեղափոխել Wildberries-ի Ռուսաստանի պահեստ էնտեղից վաճառելու համար, խնդրում եմ ինձ ասել.

1. Ապրանքը գնելու եմ բայերի միջոցով, իրենց ես փոխանցում եմ անում ֆիզիկական անձի հաշվից իրենց տրամադրած ֆիզիկական անձի հայկական հաշվեհամարին ու տրամադրում են մի փաստաթուղթ, որի վրա գրված է Order և ներառված է ինֆորմացիա իրենց կազմակերպության մասին, նշվում է իմ անուն ազգանունը, հեռախոսահամրը և ինֆորմացիա ապրանքների մասին, այս փաստաթութղթը բավակա՞ն է մեզ մոտ` Հայաստանում հարկայինին ներկայացնելու համար
2. Այս փաստաթուղթը ես որտե՞ղ եմ կցելու, ներկայացնելու եմ ամսական հաշվետվությա՞ն մեջ, թե՞ այլ տեղ
3. Wildberries-ից ինձ փոխանցված գումարները ինչպե՞ս են ձևակերպվելու հարկայինում, ու ինչպե՞ս եմ Ա/Ձ-ի հաշվից կանխիկացնելու կամ օգտագործելու այդ գումարները։

Սոֆյա․

Հարգելի հաշվապահներ, Ֆիզ․ անձը սարքավորում է վաճառում ՍՊԸ-ին։ Ի՞նչ թղթաբանություն է պետք անել, ի՞նչ հարկեր են առաջանում, ինչպե՞ս պետք է կատարի ֆիզ․ անձը հարկի վճարումը, եթե չի կարող հաշիվ գրել որպես ֆիզ անձ, իսկ ՍՊԸ-ն ցանկանում է փոխանցում անել (գումարը մեծ է 300,000դր-ից)։

Նարե․

Բարև ձեզ։ ԱՁ-ն տեխնիկի ծառայություն է մատուցում ատամնաբուժարանին, պատրաստում է օրինակ պրոթեզներ, ո՞ր հարկման դաշտում կարող է աշխատել։

Գևորգ․

Հարգելի հաշվապահներ, արդյո՞ք ճիշտ եմ կատարել հաշվարկը: Կազմակերպությունը 11.08.2022-ին շրջանառության հարկի համակարգից անցել է ընդհանուր հարկման համակարգ: 19.04.2022-ին ձեռք է բերել հիմնական միջոց 30 մլն դրամ արժողությամբ, 8 տարի (96 ամիս) օգտակար ծառայության ժամկետով: Համաձայն հարկային օրենսգրքի 264-րդ հոդվածի ընդհանուր հարկման կարգում մաշվածությունը կսկսվի հաշվարկվել 01.09.2022-ից, հիմնական միջոցի հաշվեկշռային արժեքը կլինի 28 626 712 դրամ, օգտակար ծառայության մնացորդային ժամկետը՝ 92 ամիս:

Արփինե․

Բարև Ձեզ, սիրելի հաշվապահներ։ Կասե՞ք՝ Wildberries-ի ստացման կետը ի՞նչ հարկատեսակով է աշխատում, միկրոյո՞վ, թե՞ շրջհարկով, ու, եթե շրջհարկով, այսինքն ամսական բանկային հաշվին ի՞նչքան գումար է փոխանցվում, դա՞ է դիտարկվում որպես շրջանառություն: Նախապես շնորհակալ եմ։

Արմեն․

Բարև Ձեզ։ Օտարերկրացի փորձագետի հետ պետք է կնքվի ծառայությունների մատուցման պայմանագիր 5 օրվա համար։ Ի՞նչ ընթացակարգ է նախատեսվում իրականացնել։ Գրանցման, վճարման կարգը ի՞նչ կարգով է սահմանվում։

Հերմինե․

Բարև Ձեզ, հարգելի մասնագետներ։ Խնդրում եմ ասել՝ արևային վահանակներ տեղադրելուց հետո ԱԱՀ պե՞տք է վճարվի 2025-ից, եթե այո, ապա ինչպե՞ս է դա լինելու, եթե ուղղակի բնակելի սեփական տան տանիքին է դրված, ԱՁ չի, կազմակերպություն չի։ Նախապես շնորհակալ եմ։

Դիանա․

Բարև ձեզ։ Խնդրում եմ ասել․ ԱՁ, ով աշխատում է շրջհարկով, ինչ հաշվետվություններ է անհրաժեշտ հանձնել սարքավորում ներմուծելու համար։ Պարտադի՞ր է, որ հարկման ռեժիմը փոխվի ընդհանուր հարկման դաշտ, որ կարողանանք ներմուծել։ Եվ ներմուծման հայտարարագիր և հայտարարություն է՞լ պիտի հանձնենք։ Արտադրության համար է անհրաժեշտ սարքավորումը, ոչ թե վաճառքի: Կանխավ շնորհակալություն:

Անահիտ․

Բարև։ Ասացեք խնդրեմ՝ մեղրի արտադրությունը և վաճառքը, որը գործում է Գյումրիում, կարո՞ղ է աշխատել միկրոձեռնարկատիրության համակարգում։ Շնորհակալություն։

Նարե․

Հարգելի հաշվապաներ, եթե ԱԱՀ-ով աշխատող ՍՊԸ-ն միջազգային կազմակերպությունից (ազատված է ԱԱՀ-ից) ստանում է գրանտ և ծրագրի շրջանականերում կատարում է որոշակի աշխատանքներ, ապա ի՞նչ հարկային պարտավորություններ են առաջանում, և ի՞նչ հաշվետվություններ պետք է ներկայացնել։

Լևոն․

Բարև ձեզ։ Էլեկտրական մեքենաների գույքահարկը ինչպե՞ս է հաշվարկվում։

Մարիամ․

2025թ-ից ատամնաբուժական ծառայություններ մատուցող կազմակերպությունը կարո՞ղ է շարունակել աշխատել շրջանառության հարկով։ Թե՞ որպես բժշկական հաստատություն անցնում է ընդհանուր հարկման դաշտ։

Աշոտ․

Բարև ձեզ։ Երևան քաղաքից դուրս հագուստի վարձույթով զբաղվող Ա/Ձ-ն կարո՞ղ է միկրոյով աշխատել։

Աննա․

Բարև Ձեզ, խնդրում եմ օգնել հետևյալ հարցում. Ընկերությունը լուծարման գործընթացում է, չունի ոչ մի պարտավորություն, ունի ակտիվ՝ անշարժ գույք (հողամաս):

1. Այդ ակտիվը ժողովի որոշումով կարո՞ղ է փոխանցվել սեփականատիրոջը, թե՞ պետք է ընկերությունը օտարի, առաջացած հարկերը վճարի և նոր միայն գումարը փոխանցի սեփականատիրոջը։ Ըստ քաղ.օրենսգրքի 69 հոդվածի 6 կետի՝ Հոդված 69. Իրավաբանական անձի լուծարման կարգը 6. Պարտատերերի պահանջները բավարարելուց հետո իրավաբանական անձի մնացած գույքը հանձնվում է նրա հիմնադիրներին (մասնակիցներին), եթե այլ բան նախատեսված չէ օրենքով, այլ իրավական ակտերով կամ իրավաբանական անձի կանոնադրությամբ: Իրավաբանական անձի կանոնադրությամբ յալ բան նախատեսված չէ: Ի՞նչ կարող է նախատեսված լինել օրենքով, այլ իրավական ակտերով:

2. Գույքը սեփականատիրոջը փոխանցվելու դեպքում եկամտային հարկ կառաջանա՞։

Նախապես շնորհակալություն:

Անահիտ․

Հարգելի հաշվապահներ, հունվարի 1-ից շրջհարկի դրույքաչափը 10 տոկոս դառնալու հետ կապված է հարցս։ Վայլդբերիզ հարթակում վաճառող եմ, ապրանքն էլ Չինաստանից գնում եմ, ուղարկում ռուսական պահեստ։ Ոնց հասկանում եմ՝ մի հատ էլ գնման գնից 20 տոկոս եկամտային հարկ պիտի վճարե՞մ։ Իսկ հետո էդ գնման գին + 20 տոկոս եկամտային հարկ ինձ համար նվազեցվող ծախս կդիտարկվի՞։ Գնման ակտին ամենաշատը կարող եմ կցել ֆիզիկական անձով ձեռքբերման էլեկտրոնային գնում ու բանկային քարտի քաղվածք, որը հաստատի իմ գնումը։

Ռուզաննա․

Հարգելի հաշվապահներ, համաձայն 392-ն որոշման 2025թ-ի հունվարի 1-ից հարկային գործակալները ֆիզ․ անձանցից ապրանքների ձեռքբերման դեպքում արդեն պետք է էլեկտրոնային եղանակով դուրս գրեն օրենսդրությամբ սահմանված կարգով կազմվող հաշվարկային փաստաթուղթ չհամարվող այլ փաստաթղթեր: Իսկ համաձայն 150 հոդվածի 13-րդ կետի հարկային գործակալների կողմից եկամտային հարկի 20% չի վճարվում, եթե առկա են հաշվարկային փաստաթուղթ չհամարվող` օրենսդրությամբ սահմանված կարգով կազմված` վճարվող եկամուտները հիմնավորող այլ փաստաթղթեր:

Հարց․ 2025թ-ի հունվարի 1-ից էլեկտրոնային եղանակով դուրս գրված փաստաթղթի առկայության դեպքում հարկային գործակալը արդյո՞ք կունենա որևէ պարտավորություն եկամտային հարկի գծով:

Գևորգ․

Բարև ձեզ: Կարի արտադրությունը, որը այժմ աշխատում է որպես միկրոձեռնարկատիրություն, և տարեկան շրջանառությունը չի գերազանցում 24 մլն-ը, 2025 թվականի հարկային փոփոխություների արդյունքում կարո՞ղ է մնալ որպես միկրոձեռնարկատիրություն: Եթե այո, աշխատելու է նույն կերպ, ինչ 2024-ին, թե՞ այլ փոփոխություններ կան։ Շնորհակալ կլինեմ արձագանքի համար:

Արամ․

Բարև Ձեզ։ ՍՊԸ դադարեցման փուլում է, գրանցվել է, բայց գործնեություն չի ծավալել։ Հիմա ԵԱՏՄ սարքավորում պետք է ձեռք բերի գործնեության թեստավորման համար, կառաջանա՞ արդյոք 20 ԱԱՀ վճարելու պահանջ։

Անուշ․

Բարև ձեզ, խնդրում եմ պարզաբանել հետևյալ հարցը. ՀՎՀՀ ստացած ինքնազբաղված անձը որևէ հաշվետվություն ներկայացնու՞մ է, թե՞ ոչ, և ի՞նչ հարկեր պետք է վճարի։ Շնորհականություն։

Անի․

Հարգելի հաշվապահներ, կասե՞ք խնդրեմ՝ 2025-ին հացի արտադրություն ու խմորեղենի արտադրությունը կարո՞ղ են մնալ միկրո համակարգում։

Հայկ․

Բարև Ձեզ։ 2025 թվականից շրջանառության հարկ վճարողները եթե հաշվարկային փաստաթղթով կամ ՀԴՄ-ով ձեռքբերում չեն կատարում, պե՞տք է 20 տոկոս եկամտային հարկ վճարեն։ 2025 թվականից շրջանառության հարկ վճարողները պե՞տք է պահեն պահեստի մնացորդ։ Կխնդրեի օրենքի հղումը ուղարկեք։

Մանյա․

Բարև ձեզ, խնդրեմ կասե՞ք՝ բլոգերների հաշվապահությունը շրջանառության հարկո՞վ են անում, ու բացի եռամսակային հաշվետվությունը ուրիշ ի՞նչ հաշվետվություններ են լինում։

Նարեկ․

Բարև Ձեզ, հարցս հետևյալն է. շրջանառության հարկով աշխատող կազմակերպությունը, որն իրականացնում է ծառայության մատուցում, ամսվա կտրվածքով իր հասույթից փոխանցում է ծախսերը, իսկ մնացած գումարը փոխանցում է հիմնադիրի հաշվին։ Ի՞նչ խնդիր կարող է ունենալ կազմակերպությունը։

Տիգրան․

Ողջույն, հարգելի գործընկերներ, մի քանի հարց ունեմ համատրիությունների գործունեության հետ կապված․

1․ Արդյո՞ք համատիրությունները չեն կարող աշխատել շրջանառության հարկով

2․ Եթե պարտադիր ընդհանուր հարկման համակարգում է գործելու, ապա իրավաբանական անձանցից անդամավճար ստանալու համար պե՞տք է հարկային հաշիվ գրել և ԱԱՀ վճարել, թե՞ հաշիվ վավաերագիր

3. Իրավաբանական անձանց մասով դուրս գրված հաշիվներից առաջանու՞մ է շահութահարկ

Հովհաննես․

Հարգելի հաշվապահներ, խնդրում եմ պարզաբանեք․

1․ Արտադրական գործունեությունից ստացվող եկամուտներից արդյո՞ք նվազեցվում է տարածքի (արտադրամասի) վարձակալության վճարը (վարձակալությունը ստանում ենք կազմակերպությունից, և առկա է հաշիվ վավերագիր)

2․ Պետական աջակցության ենթակա գործունեության տեսակներով զբաղվող տնտեսվարող սուբյեկտները 01․01․2025-ից շարունակու՞մ են վճարել 5% շրջանառության հարկ, անկախ այն փաստից հարկային արտոնություններից օգտվելու հավաստագիր ստացել են, թե ոչ

3․ Այլ գործունեությունից ստացվող եկամուտներից նվազեցվում են անմիջականորեն կապված ծախսեր, եթե այդ ծախսերը կատարվում են ՀՀ-ից դուրս, և առկա չէ հաշիվ վավերագիր

Կանխավ շնորհակալություն։