Մարիամ․

Բարև ձեզ, կխնդրեմ օգնեք․ ԱՁ-ն նոր է բացված և վաճառելու է միս։ Աշխատելու է շրջ․ հարկով։ Ուզում եմ իմանալ՝ ՀԴՄ -ով ձեռք բերված ապրանքը և ԱԱՀ-ով աշխատող կազմակերպությունից ստացած ապրանքը կարո՞ղ եմ հարկը նվազեցնել։ Եվ մի հարց էլ՝ սպանդանոցը մեզ ծառայության հաշիվ պետք է գրի, էդ դեպքում ապրանքի ձեռք բերումը ո՞նց է փաստաթղթավորվում։

Գեղամ․

Խնդրում եմ ասել՝ հարկային հաշիվների ստորագրման համար ժամկետներ կա՞ն։

Եվա․

Բարև Ձեզ, խնդրում եմ կասե՞ք՝ տուրիստական գործունեություն ունեցող ԱՁ ի՞նչ առանձնահատկություններ ունի։ Հաշի՞վ է գրում ֆիզ անձանց միջնորդության ու վե՞րջ։

Վահագն․

Միկրոյի դաշտում աշխատող ավտոտեխսպասարկման ծառայություններ մատուցող ԱՁ-ն կարո՞ղ է պետական հիմնարկի հետ կնքել ծառայությունների մատուցման պայմանագիր և դուրս գրել հաշիվ վավերագիր։

Օրենքի նախագիծ կա՞, որ միկրոձեռնարկատիրության ոլորտում աշխատող ավտոտեխսպասարկման կետերը շուտով չեն կարող աշխատել միկրոյի դաշտում, և եթե կա նախագիծ, հաստատման դեպքում ե՞րբ ուժի մեջ կմտնի։

Կարեն․

Արդյո՞ք հաշիվ-վավերագիրը համարվում է ապրանքի հանձնման-ընդունման հիմք, թե՞ առանձին հանձնման-ընդունման արձանագրություն է անհրաժեշտ և ապրագի գնման պայմանագիր։

Իլոնա․

Կազմակերպությունը (Հիմնադրամը) միկրոյից գնում կատարելիս ինչ-որ հարկե՞ր են առաջանում։ Եվ գնումը ինչպե՞ս պետք է լինի, միկրոն կարո՞ղ է հաշիվ դուրս գրել։

Աշոտ․

Բարև ձեզ։ Եթե ֆիզանձի հետ գործարք ենք կատարում, և գումարը փոխանցվում է ԱՁ-ի բանկային հաշվին, որպեսզի ֆիզանձի անունով հաշիվ դուրս չգրենք, իրավունք ունե՞նք ՀԴՄ կտրոն տպել, թե՞ ՀԴՄ կտրոնը մենակ կանխիկի ու ՊՕՍ-ի դեպքում ա կարելի։

Գայանե․

Բարև Ձեզ, հարգելի հաշվապահներ։ Հանդիսավարը կարո՞ղ է միկրոձեռնարկատիրության դաշտում գործել, և ինչպե՞ս է ցույց տալու իր շրջանառությունը։ Ի՞նչ խորհուրդ կտաք՝ հաշիվ գրի, թե՞ շրջիկ ՀԴՄ ձեռք բերի։ Կանխավ շնորհակալություն։

Աննա․

Բարև Ձեզ, հարգելի գործընկերներ։ Մի հարց. Հանդիսությունների կազմակերպում գործունեությունը կարո՞ղ է միկրոյի դաշտում աշխատել (նշեմ, որ ընկերությունը հաճախորդից գումարը վերցնում է, և տարբեր ծառայությունների համար վճարում, որից իր եկամուտը կկազմի Х%, ծառայությունները կարող է վճարվել ինչպես քաղաքացիաիրավական պայմանագրով, այնպես էլ հաշվարկային փաստաթուղթ դուրս գրելու հիման վրա)։ Իսկ հանդիսության ծառայությունները լինում են՝ ֆոտո նկարահանում, երաժշտություն, դիզայն, մեքենաների վարձույթ։

Արաքսյա․

Բարև ձեզ։ ՍՊԸ-ն իրականացնում է ապրանքի, մասնավորապես հողաթափերի մեծածախ վաճառք, ունի 2023թ-ին դուրս գրված հակային հաշիվներ, որոնց մասով պետք է վերադարձ լինի։ Հարցս էսպիսին է՝ արդյո՞ք տնտեսական ապրանքի մասով կարելի է ճշգրտող հաշիվ ուղարկել, եթե չունի ժամկետ:

Տիգրան․

Հարգելի հաշվապահներ, եթե ունեք փորձ վարելու Wildberries վաճառքներ իրականացնող անձի հաշվառումը, խնդրում եմ տրամադրեք տեղեկատվություն՝ ու՞մ պետք է դուրս գրվեն ապրանքների մատակարարման հաշվարկային փաստաթղթերը։ Wildberries օֆերտան սահմանում է, որ վաճառողը պետք է փոխանցի սեփականության իրավունքը Wildberries – ին։ Արդյո՞ք հաշվարակային փաստաթուղթը պետք է դուրս գրվի ՀՀ ում գրանցված Վայլդբերիզ ՍՊԸ-ին։ Խնդրում եմ նաև տրամադրել տեղեկատվություն, ստանու՞մ եք արդյոք Վայլդբերիզից հաշիվներ իրենց կողմից մատուցած ծառայությունների համար, թե՞ Ձեր կողմից դուրս գրվող հաշվարկային փաստաթղթերը դուրս եք գրում Վայլդբերիզի գանձած կամիսիայով պակաս թվով։

Ջուլիա․

Բարև ձեզ, հարգելի հաշվապահներ։ ՍՊԸ փետրվար ամսին գնել է լիզինգով էլէկտրոմոբիլ և հիմա ցանկանում է ամբողջությամբ փակել լիզինգը.

1. Ե՞րբ մեքենան կհարմարվի ընկերության սեփականությունը

2. Հնարավո՞ր է արդյոք կատարել այսպիսի գործարք ֆիզ․ անձի և ընկերության մեջ՝ փոխանակելով մեքենան համարժեք մեքենայի հետ, թե՞ միևնույն է դա դիտարկվում է որպես օտարում, և այդ պարագայում պետք է դուրս գրել հաշիվ վավերագիր և վճարել 5% հարկը (Ընկերությունն աշխատում է շրջհարկի դաշտում)։

Գայանե․

Բարև Ձեզ, հարգելի հաշվապահներ, այսպիսի իրավիճակում եմ հայտնվել: Հաշվարկային հաշիվ եմ գրել ապրիլ ամսին և մայիս ամսից անցել եմ ԱԱՀ դաշտ, դիմացի կողմը ամիսներ անց ասեց, որ համաձայն չի և հաշիվը չի ստորագրի, ես շրջանառության հարկի 2-րդ եռ. հաշվետվությունը արդեն ուղարկել էի և մի քանի ամիս ԱԱՀ հաշվետվություններն էլ էի ուղարկել: Հիմա նայում եմ՝ այդ հաշվի դիմաց գրված է ջնջված, ի՞նչ անել այս դեպքում:

Նարինե․

Հարգելի հաշվապահներ, շրջանառության հարկի համակարգում գործող նորաստեղծ ԱՁ-ն պետք է հաշիվ վավերագիր դուրս գրի ֆիզ․ անձի անունով: Համակարգում պարտադիր դաշտերն են «անձնագրային տվյալներ», «անվանում» ու «հասցե»: Արդյո՞ք պետք է մարդու անուն ազգանունն լրացնել «անվանում» տողում: Եթե ծառայությունն սոցիալական ծախս չի համարվում, պետք է այդ տողն դատա՞րկ թողնել:

Վազգեն․

Բարև Ձեզ։ ԱՁ զբաղվում է ՏՏ ծառայությունների մատուցմամբ, աշխատող չունի։ Ծառայությունների համար վճարվում է ԱՄՆ դոլարով։ Փոխանցումը ստանալուց և հարկերը վճարելուց հետո կարո՞ղ եմ ԱՁ հաշվին մնացած «մաքուր» գումարը փոխանցել իմ անձնական հաշվին հետագա ծախսելու համար։ Եվ հարց համար երկու՝ կարո՞ղ եմ փոխանցել կնոջս անձնական հաշվին։ Շնորհակալություն։

Ներսես․

Բարև Ձեզ։ Եթե որպես ԱՁ աշխատացնում եմ Հոսթել, ապա յուրաքանչյուր հաճախորդի համար արդյո՞ք պետք է ներկայացնեմ հաշիվ վավերագիր։ Նախապես շնորհակալ եմ։

Լիլիթ․

Այլ երկրների բնակիչներին անգլերեն եմ դասավանդում օնլայն պլատֆորմում: Որպես ֆիզիկական անձ միկրոձեռնարկատիրության ոլորտում գործող կարո՞ղ եմ նաև դասավանդել եվրոպական ընկերությունների աշխատակիցներին և հաշիվ-ապրանքագիր ուղարկել։

Արթուր․

Բարև ձեզ։ Կարո՞ղ եք ասել՝ ֆրիլանս (web) ծառայությունների մատուցման համար ո՞ր հարկման ռեժիմն է ավելի հարմար, և ի՞նչ հարկեր են գոյանում։ Ծառայությունները պետք է մատուցվեն նախօրոք կնքված պայմանագրով, որի հիման վրա պետք է դուրս գրվի հաշիվ ԵԱՏՄ երկրներ՝ Կազախստան, Բելառուս, Ռուսաստան։ Ինչպե՞ս պետք է դուրս գրել հաշիվները։ Եվ ԱՁ գրանցելուց գործունեության ո՞ր կետը պետք է նշվի։ Նախապես շնորհակալություն։

Գայանե․

Բարև Ձեզ, կօգնե՞ք խնդրեմ.

Կազմակերպությունը աշխատում է ԱԱՀ-ի դաշտում: Հունվարի 26-ին ծառայությունների մատուցման հարկային հաշիվ են դուրս գրել դեկտեմբեր ամսվա համար: Ես այդ գումարը հունվա՞ր ամսվա հաշվետվության մեջ եմ ներառելու։

Նարե․

Բարև Ձեզ։ Հարգելի հաշվապահներ, խնդրում եմ պատասխանել վարձակալության հետ կապված մի քանի հարցի`

1. Եթե ԱԱՀ-ով աշխատող ՍՊԸ-ն տարածք վարձակալի շրջ. հարկով աշխատող ՍՊԸ-ից, ապա իր մոտ հարկային պարտավորություններ չի առաջանա չէ՞, միայն ստացված հաշիվ վավերագրի գումարը պետք է ներառել ԱԱՀ հաշվարկի մեջ` որպես ՀՀ տարածքում ստացված ծառայություն։

2. Վերոնշյալ դեպքում վարձակալության պայմանագիրը պե՞տք է հաստատվի կադաստրում, և վարձավճարի նվազագույն չափը պե՞տք է լինի կադաստրային արժեքի 2,5%-ից ոչ պակաս` տարվա կտրվածքով։

3. Եթե շրջ. հարկով աշխատող ՍՊԸ-ի տարածքը հիմնադիր-տնօրենի սեփական տարածքն է և ՍՊԸ-ին տրված է անհատույց, ապա պե՞տք է տնօրենի` որպես ֆիզ. անձի հետ կնքվի անհատույց վարձակալության պայմանագիր, իսկ տնօրենն էլ ուղղակի պե՞տք է հարկայինում հայտարարություն ներկայացնի, որ տարածքը տրամադրել է անհատույց հիմունքներով։

Անի․

Բարև ձեզ, հարգելի մասնագետներ։ Խնդրում եմ օգնել. դեկտեմբեր ամսին հարկային հաշիվ ենք գրել ապրանքի մատակարարման, այսօր պարզվել է, որ չափման միավորը սխալ է գրվել, պետք է լիներ լիտր, ոչ թե՝ հատ: Հարց. կարո՞ղ ենք արդյոք ճշգրտել հաշիվը՝ մատակարարման օրը թողնելով դեկտեմբեր ամսին դուրս գրման օրը: Նախապես շնորհակալ եմ։

Նարինե․

Հարգելի հաշվապահներ, ՏՏ ոլորտի նորաստեղծ ԱՁ-ն շրջանառության հարկի ոլորտում է: Պետք է ծառայություն մատուցի արտասահմանում գնտվող ՀՀ քաղաքացու: Համագործակցությունն կարող է կրել շարունակական բնույթ, այսինքն աշխատավարձի պես ամեն ամիս ֆիքսված գումար փոխանցվի ՀՀ-ից:

Այս դեպքում հաշիվ վավերագիր դուրս գրելն պատվիրատու ֆիզ. անձի անձնագրային տվյալներով բավարա՞ր է: Արդյո՞ք պայմանագիր էլ է պետք: Քանի որ թղթային ստորագելու տարբերակ չկա, ինպե՞ս կարելի է կնքել:

Մարի․

Հարգելի հաշվապահներ, ինձ շտապ հարկավոր է ռուսերեն և անգլերեն ինվոյսի օրինակներ։ Խնդրում եմ zenfira.muradyan@bk.ru -ին ուղարկել ։ Շատ մեծ օգնություն կլիներ։ Նախապես շնորհակալություն։

Էվա․

Ողջույն, հարցս հետևյալն է․ դեկտեմբեր ամսվա մատուցած ծառայության հաշիվը դուրս է գրվել հունվար ամսին, հակառակ կողմի ամփոփը ուղարկելու օրը: Կարո՞ղ եմ արդյոք այն չեղարկել և դուրս գրել դեկտեմբերի 31-ով, իրենց պահանջն է: Ասեմ, որ արդեն 4-րդ եռամսյակի հաշվետվությունները ուղարկել եմ: Եթե հնարավոր է, խնդրում եմ ասել՝ ի՞նչ տարբերակով: Կախավ շնորհակալ եմ:

Արթուր․

Բարև Ձե։ Եթե ԱՁ-Ն աշխատում է շրջհարկով և պետք է իրականացնի ապառիկ վաճառք, խնդրում եմ ասել 1. Արդյո՞ք պետք է գրվի հաշիվ Բանկի անունով, թե՞ գնորդի անունով պետք գրվի միայն, իսկ եթե գնորդի, ապա բանկի հետ ինչ որ թղթաբանության հարց առաջանու՞մ է։

Նշեմ նաև, որ առք վաճառք է իրականացնում, ինչպես նաև մատուցում տեղադրման ծառայություն, այս դեպքում տեղադրումը կհարկվի այլ-ով չէ՞, ճի՞շտ եմ հասկանում։

Սաթինե․

Բարև ձեզ, հարգելի հաշվապահներ։ Ես առաջին անգամ պետք է վարեմ Wildberries – ի հաշվապահություն: ԱՁ-ն գրանցված է որպես վաճառող, տեղական շուկայից գնում է ապրանքներ և հանձնում Wildberries – ի լոգիստիկ կենտրոն, այնուհետև` ստացման կենտրոններ, որտեղից էլ վաճառք է իրականացվում: Հարցս հետևյալն է. պե՞տք է արդյոք Wildberries – ին հաշիվ դուրս գրել: ԱՁ-ն աշխատում է շրջհարկով: Շնորհակալություն:

Լուսինե․

Բարև Ձեզ։ Wildberries-ում որպես վաճառող եմ: Կասե՞ք ընթացակարգը: Ա/Ձ եմ, քանի որ շրջանառությունս մեծ չի և ներմուծում էլ չեմ անում, հարկատեսակ ընտրել եմ շրջ. հարկը: Մինչև WB պահեստ հասնելը արդյո՞ք գրվում է ապրանքների տեղափոխման բեռնագիր: WB-ից գումարը ստանալուց հետո ապրանքների մատակարարման հաշիվ վավերագի՞ր է գրվում, թե՞ ծառայությունների մատուցման հաշիվ:

Կանխավ շնորհակալություն։

Արեն․

Բարև ձեզ: Ոչ ռեզիդենտ կազմակերպությունը ՀՀ ռեզիդենտ կազմակերպությանը ծառայություն է մատուցել: Պայմանագրի մեջ գործարքի գումարը նշված է 20 000 ԱՄՆ դոլլար, և ՀՀ կազմակերպությունը 20 000 ԱՄՆ դոլլար է փոխանցել:

Հիմա պետք է դուրս գրեմ մատակարարի անունից հարկային հաշիվ: Հաշվի մեջ պե՞տք է նշված լինի 20 000 + 4 000 ԱԱՀ, թե՞ սխալվում եմ։

Լիլիթ․

Բարև Ձեզ։ Հնարավո՞ր է արդյոք էլեկտրոնային հաշիվը, որում հայտնաբերվել է սխալ, մեկ շաբաթ անց ետ կանչել՝ չեղարկել, կամ կատարել փոփոխություն։

Տաթևիկ․

Բարև Ձեզ։ Ապրանքի առաքման հաշիվ վավերագիր է դուրս գրվել, ցանկանում ենք ապրանքի ետ վերադարձ կատարել և ապրանքը մատակարարել ավել ցածր գնով, քանի որ չի վաճառվում։ Խնդրում եմ հուշեք գործողությունների հերթականությունը։

Գոհար․

Բարև Ձեզ: Համայնքային ոչ առևտրային կազմակերպություն է, հաշվառումը վարում ենք հանրային հատվածի հաշվապահական հաշվառման օրենքով: Մատակարարից ստացել ենք ապրանք, որի համար ունենք ակտ և արձանագրություն հանձնման-ընդունման, չունենք հաշիվ ապրանքագիր: Կազմակերպությունը գրանցված է Ղարաբաղում: Հաշիվ ապրանքագրերը բացակայում են մինչև ֆորս մաժորը և դրանից հետո: Արդյո՞ք իրավունք ունենք հաշվապահական ձևակերպում տալ և գումարը փոխանցել: Շնորհակալություն:

Վահագն․

Բարև Ձեզ։ ԱՁ չհանդիսացող ֆիզ. անձը ցանկանում է զբաղվել երեխաներին լեզուների դասավանդմամբ։ Կարո՞ղ է արդյոք դիմել հարկային տեսչություն և ստանալ միկրոձեռնարկատիրության արտոնագիր։ Ընդհանրապես հաշվետվություններ տալու պարտավորություն ունի՞։ Եթե այո՝ ի՞նչ հաշվետվություն։

ՀԴՄ-ի կարիք ունի՞։ Եթե ՀԴՄ չի օգտագործվում, հաշիվ դուրս գրելու պահանջ կա՞։ Եթե չկա պահանջ, հաճախորդի պահանջի դեպքում կարո՞ղ է հաշիվ դուրս գրել, և ամենակարևորը ուսուցման վճարը կարո՞ղ է առձեռն ստանալ, թե՞ պետք է ստանա անկանխիկ եղանակով, բանկային փոխանցմամբ։

Եվ միկրոյի արտոնագիր ֆիզ. անձի տրամադրվում է 1 տարվա՞ համար։ Այսինքն, օրինակ, եթե արտոնագիրը տրամադրվի դեկտեմբերի 18-ին, մինչև ե՞րբ այն ուժի մեջ կլինի։

Անի․

Բարև Ձեզ։

Ռեստորանը, որը գտնվում է մարզում, աշխատում է միկրոձեռնարկատիրության համակարգում։

Կարելի՞ է հաշիվ դուրս գրել իրավաբանական անձ հաճախորդին՝ գումարը փոխանցումով ստանալու համար։

Շնորհակալություն։

Արեն․

Բարև ձեզ, հարգելի հաշվապահներ:

Ա կազմակերպությունը հանդիսանում է ոչ ռեզիդենտ և Բ կազմակերպությանը ՀՀ տարածքում ծառայություն է մատուցում։ Պետք է դուրս գրեմ մատակարարի անունից հարկային հաշիվ: Ծառայություն մատուցող դաշտում և ստացող դաշտում ավոտոմատ նշվում է Բ կազմակերպության ՀՎՀՀ-ն, երբ նշվում է հարկային հաշվի տեսակը մատակարարի անունից: Ստացող դաշտում կազմակերպության անվանումն ու հասցեն բացակայում է: Հարց՝ ստացող դաշտում պետք է գրել Ա կազմակերպությա՞ն, թե՞ Բ կազմակերպության տվյալները։

Հասմիկ․

Բարև ձեզ, հարգելի հաշվապահներ։ Հարցս վերաբերում է ավտոմեքենայի յուղերի առք ու վաճառքին։ Պարտադի՞ր է արդյոք յուղման կետի համար յուղը ձեռք բերել բացառապես հաշվարկային փաստաթղթերով։ Կա՞ համապատասխան օրենքի հղում։

Անի․

Բարև Ձեզ։ Ցանկանում եմ զբաղվել բեռնափոխադրմամբ Հայաստանում և գործել միկրոյի հարկման դաշտում, խնդրում եմ նշել՝ հնարավո՞ր է, թե՞ ոչ, և ի՞նչ նրբություններ կան տվյալ ոլորտում աշխատելիս։

Բեռը գնելու ենք կազմակերպությունից և տեղափոխենք գնորդի հասցե (ֆիզ․ անձ) և վաճառենք։ Անհրաժե՞շտ է արդյոք ՀԴՄ կիրառել, թե՞ կարող ենք հաշվարկային փաստաթղթեր դուրս գրել ֆիզ․ անձանց անուններով։ Եվ միկրոձեռնարկատիրության դաշտում աշխատելու դեպքում բացի դրոշմանիշային վճարի, ուրիշ այլ հարկ կամ պարտադիր վճար առաջանալու՞ է, թե՞ ոչ։

Շնորհակալ եմ շատ։

Մարիետա․

Բարև ձեզ։ ՍՊԸ-ն ԱԱՀ-ով հարկվող է, զբաղվում է մանրամեծածախ վաճառքով։ Վայլդբերիս – ում վաճառքն իրականացնելիս ինչպիսի՞ն պետք է լինի գործընթացը։ Վայլդբերիս – ից հաշիվնե՞ր պետք է ստանանք և իրենց դուրս գրենք։ Ինչպե՞ս է լինելու վայլդբերիս – ով վաճառքների ձևակերպումը, եթե ապրանքը դրոշմապիտակավորվող է, ապա վայլդբերիս – ով վաճառքի դեպքում է՞լ պետք է դրոշմապիտակ փակցնենք։

Մարի․

Բարև Ձեզ, հարգելի հաշվապահներ։ ԱԱՀ-ով աշխատող կազմակերպությունը վճարել է ՀԿ-ին անդամավճար, 5 աշխատակցի համար։ Խնդրում եմ ասել՝ ինչպիսի՞ հաշվապահական ձևակերպումներ տալ, և ՀԿ -ն պե՞տք է հաշիվ վավերագիր դուրս գրի, թե՞ ոչ։

Արամ․

Բարև Ձեզ։ Արդյո՞ք կարելի է նույն ապրանքների մատակարարման հարկային հաշվում առանձին տողով գրել նաև այդ ապրանքների համար բեռնափոխադրման ծառայության արժեքը։

Լիլիթ․

Wildberries – ի հաշվապահներ, խնդրում եմ օգնեք։ ԱՁ-ն, որն աշխատում է շրջհարկով, ունի Wildberries սրահ և ծառայությունը դեռ նոր է սկսել մատուցել։ Ուզում եմ հասկանալ՝ ի՞նչ ունենք անելու հարկային դաշտում, հաշվետվություն և հաշիվների դուրս գրման մասին է խոսքը, շաաաատ եմ խնդրում օգնեք։

1. Հաշվարկային փաստաթուղթ դու՞րս է գրելու Wildberries – ին և ի՞նչ հաճախականությամբ

2 Իսկ եկամուտների մասով ինչպե՞ս ցույց տանք

Սեդա․

Բարև Ձեզ։ Ապրանք ներմուծելիս տեղական բեռնափոխադրողը հաշիվը գրում է 2 տողով՝ մինչև ՀՀ սահման և ՀՀ սահման – ք․ Երևան։ Հարցս հետևյալն է՝ ինչու՞ է տարանջատվում:

Թինա․

Բարև ձեզ, Վրաստանից ապրանք ենք ներմուծել, հաշվի մեջ առանձին տողով ներառված է նաև շահութահարկի գումարը։ Արդյո՞ք հաշիվը ճիշտ է, և եթե այո, ապրանքի ինքնարժեքի մեջ պե՞տք է ներառել նաև այդ գումարը։

Եվա․

Բարև Ձեզ, խնդրում եմ ասել՝ եթե ԱՁ-ն (գեղեցկության սրահ), ով աշխատում է միկրոձեռնարկատիրության դաշտում, եթե ունենա աշակերտ կամ ունենա դասընթացներ և տրամադրի սերտիֆիկատ, այս դեպքում անձնագրի հիման վրա հաշիվ գրելն է պարտադիր, թե՞ ՀԴՄ կտրոն կարող ենք տրամդրել։

Գայանե․

Բարև Ձեզ։

Շրջանառության հարկով աշխատող ՍՊԸ-ն ավտոմեքենա է վաճառել ֆիզանձի օգոստոսին, սակայն հաշիվը դուրս է գրվել հոկտեմբերին՝ վաճառքի ամսաթիվը նշելով օգոստոս: Եռամսյակային ո՞ր հաշվետվության մեջ պետք է ներկայացնեմ վաճառքը՝ 3-րդ, թե 4-րդ, և արդյո՞ք կա պատասխանատվություն հաշիվ վավերագիրը ուշ ներկայացնելու համար: Նշեմ նաև, որ վաճառքի գումարը տրվել է ավելի շուտ կանխավճարի տեսքով:

Գուրգեն․

Բարև ձեզ։ Ասացեք խնդրեմ՝ կարո՞ղ է եվրոպական արտադրողը հաշիվ դուրս գրել հայկական ընկերության անունով, սակայն ֆրանսիական հասցեով (որտեղ բնակվելու եմ գործուղման ընթացքում), որպեսզի ես այդ հաշվի հիման վրա տեղական բանկից վճարում կատարեմ, սակայն ապրանքը ինձ հետ բերեմ գործուղումից հետ գալուց: Շնորհակալություն։

Մերի․

Ողջույն, հարգելի հաշվապահներ, խնդրում եմ պարզաբանել հետևյալ հարցս․՝ e-Invoicng համակարգում 2 ամիս առաջ դուրս եմ գրել հաշվարկային փաստաթղթեր և պահպանել սևագրեր բաժնում, այժմ ցանկանում եմ ստորագրել, համակարգը թույլ չի տալիս, եթե նոր փոփոխության մեջ նշվում է, որ կարող ենք նախկինում դուրս գրված հաշիվները ստորագրել, ապա ինչու՞մն է խնդիրը։ Նախապես շնորհակալություն։

Նարինե․

Որպես ԱՁ freelance ծառայություն եմ մատուցել արտասահմանյան ընկերության: Սակայն չկա պայմանագիր, կա invoice անգլերենով, որտեղ նշված են բանկային տվյալներն, հասցեն և ՀՎՀՀ-ն:

Փորձում էի դուրս գրել հաշիվ վավերագիր: Միայն կարողացա լրացնել ծառայությունն ընդունող ընկերության անունն, հասցեն և մատուցած ծառայությունն: Երկրի կոդով ՀՎՀՀ-ն չի թույլ տալիս լրացնել ու բնական է, որ առանց դրա կհասկանա, որ Հայկական ՀՎՀՀ է:

Խնդրում եմ պարզաբանել ՀՕ Հոդված 55-ի կետ 10-ը: Ճի՞շտ եմ հասկանում, որ․

1. «ՀՀ օրենսդրությամբ սահմանված դեպքերում ՀՎՀՀ ունենալը պարտադիր չէ» վերաբերում է հենց այդ կետին

2. ՀՎՀՀ-ն պարտադիր է, եթե չկա հատուկ կնքված պայմանագիր։ Այս դեպքում invoice-ին կարո՞ղ եմ հղում անել օրենքի պահանջն բավարելու համար, ինչպե՞ս:

Քրիստինա․

Բարև Ձեզ։ Եթե կազմակերպությունը վաճառված ապրանքը նաև տեղադրում է և դուրս է գրում ապրանքի մատակարարման և աշխատանքների կատարման հաշիվներ, հարցս՝ պարտադի՞ր է գրել ապրանքի տեղափոխման հաշիվ։ Առհասարակ, ե՞րբ է գրվում ապրանքի տեղափոխման հաշիվը։

Անի․

Հարգելի հաշվապահներ, հնարավո՞ր է արդյոք մոռացված հաշիվ վավերագիրն դուրս գրել հետին ամսաթվով նախորդ ամսվա համար, նախքան հաշվետվություններն հանձնելն: Սա խնդիր չի՞ առաջացնի:

Գայանե․

Բարև Ձեզ, խնդրում եմ օգնեք, քանի որ առաջին անգամ եմ արտահանում կատարում: Արտահանում ենք մեր արտադրանքը ԱՄՆ: Պե՞տք է գրեմ հաշիվ վավերագիր, եթե այո, ինչպե՞ս եմ լրացնում, նշել եմ ՀՎՀՀ պարտադիր չէ, բայց առաքման հասցե է ուզում, ինչպե՞ս անեմ։