Գումարի կորուստ
Կարեն․
Հարգելիներ, ընկերության քարտային հաշվից հակերները գումար են գողացել, որը հնարավոր չեղավ հետ բերել։ Խնդրում եմ հուշել հաշվապահական ձևակերպումը։
Թափոնների և կրկնակի օգտագործվող հումքի ձևակերպումներ
Շուշանիկ․
Բարև ձեզ, հարգելի գործընկերներ: Խնդրում եմ օգնել այս հարցում: Արտադրությունը ունի դուրս գրված թափոններ և կրկնակի օգտագործման համար հումք, որն առաջացել է արտադրանքը արտադրելիս: Արդյո՞ք պետք է ծախս ճանաչել դուրս գրված թափոնը կամ կորուստը: Իսկ արտդրությունից առաջացած տաշեղները (стружка), որը նորից պետք է մուտք արվի և օգտագործվի արտադրություն ստանալու համար, այդ մուտքը պե՞տք է եկամուտ ճանաչվի: Կանխավ շնորհակալություն։
Ինչպիսի՞ թղթակցություն կլինի
Աշոտ․
Կազմակերպել ենք արտադրություն, ստացել ենք կաղամբ, որը երկար ժամանակ պահուստում մնալու պատճառով վնասվել է, և իր ծավալը քչացել է, ինչպիսի՞ թղթակցություն կլինի։
Որոշել անհուսալի պարտքերի գծով ընդհանուր ծախսը
Գոռ․
2011թ. հունվարի 1-ին կազմակերպության դեբիտորական պարտքի հնարավոր կորուստների պահուստի մնացորդը 59,000 դրամ է: 2011թ․ դեկտեմբերի 31-ին կազմակերպության դեբիտորական պարտքի մնացորդը կազմել է 537,000 դրամ: Որոշվել է դուրս գրել 57,000 դրամի դեբիտորական պարտք և հնարավոր կորուստների պահուստը կարգավորել այնպես, որ այն կազմի դեբիտորական պարտքի մնացորդի 5% չափով: Որքան կլինի կազմակերպության Ֆինանսական արդյունքների մասին հաշվետվության մեջ անհուսալի պարտքերի գծով ընդհանուր ծախսը։
Գույքի որակական կորուստ
Անի.
Հարգելի հաշվապահներ, ի՞նչ փաստաթղթերով է պետք հիմնավորել գույքի որակական կորուստը:
ԱԱՀ վերադարձ
Անի․
Հարգելի հաշվապահներ, եթե ներմուծված մթերքի մի մասը փչացել է, հնարավո՞ր է ետ ստանալ ներմուծման ԱԱՀ-ն, և եթե այո, խնդրում եմ նշեք՝ ի՞նչ փաստաթղթեր են հարկավոր։
Տալ հաշվապահական ձևակերպումներ
Լիլիթ.
Բարև ձեզ: Կօգնե՞ք ձևակերպել հետևյալ գործառնությունները:
1. Անհատույց ստացվել է ներդումային գույք:
2. Գույքագման ժամանակ հայտնաբեվել է գործիքների պակասորդ՝
Ա) սկզբնական արժեքով,
Բ) կուտակված մաշվածությունը:
3. Վաճառքի ժամանակ դուրս է գրվել հիմնական միջոցների արժեզրկումից կորուստները:
Տալ հաշվապահական ձևակերպումներ
Լիլյա.
Բարև ձեզ:
Խնդրում եմ պատասխանեք` ձևակերպվել է հիմնական միջոցների արժեզրկումից կորուստը:
Համախառն եկամտից նվազեցում
Արտակ․
Կազմակերպությունը զբաղվում է ավտոմեքենաների համար սեղմված բնական գազի մանրածախ առևտրով՝ գազալցման կայանում՝ լիցքավորվող բնական գազի չափման համար օգտագործվող չափման միջոցներով /ԲԱ/։ Գործունեության ընթացքում մուտքային և ելքային հաշվիչների ցուցմունքների միջև առաջանում են գազի որոշակի տարբերություններ /կորուստներ/այլ կորուստներ/տեխնոլոգիական կորուստներ/, որոնց մասով ընկերությունը չի նվազեցրել շահութահարկով հարկման նպատակով համախառն եկամտից։ Նշված կորուստները չի գերազանցում ՀՀ Էկոնոմիկայի նախարարի 10․05․2011թ․-ի N 298-Ն և ՀՀ ԿԱ ՊԵԿ նախագահի 19․05․2011թ․-ի N 772-Ն համատեղ հրամանով հաստատված ավտոգազալիցքավորման ճնշակայանների (ԱԳԼՃԿ) կապարակնքման կարգի 12-րդ կետով նախատեսված դրույթին։ Վերը նշված պարագայում գազի կորուստները ենթակա ե՞ն շահութահարկով հարկման նպատակով համախառն եկամտից նվազեցման, կորուստներին բաժին ընկնող ԱԱՀ-ի գումարները հաշվանցման, և արդյոք կարո՞ղ է ընկերությունը ներկայացնել ԱԱՀ-ի և ակցիզային հարկի միասնական հաշվարկի և շահութահարկի ճշգրտվող հաշվետվություններ՝ նվազեցնելով գազի կորուստնեը համախառն եկամտից։
Տեխնոլոգիական կորուստների փաստաթղթավորման օրինակ
Անի.
Բարև ձեզ: Կարո՞ղ է որևէ մեկը տեխնոլոգիական կորուստների վերաբերյալ փաստաթղթավորման օրինակ ունենա (05.10.2017թ.-ի 1261-Ն որոշում): Եթե կարող եք, ուղարկեք ani.agasevna շնիկ gmail.com էլ. փոստին:
Կանխավ շնորհակալություն:
Բնական կորուստի դուրսգրման ակտ
Հայկ Սարգսյան.
Հարգելի գործընկերներ,
կազմակերպությունում մսի պահեստավորման (սառեցման ժամանակ) բնական կորուստ է տեղի ունենում: Կառավարությունը ունի՞ մշակված ձև բնական կորուստը պահեստից դուրս գրելու:
Կանխավ շնորհակալ եմ:
Համախառն եկամտից նվազեցվող կորուստների չափեր
Արմեն.
Հարգելի կոլեգաներ, որո՞նք են "Շահութահարկի մասին" ՀՀ օրենքի 21-րդ հոդվածում նշված` համախառն եկամտից նվազեցվող կորուստների չափերը: Խնդրում եմ գրել համապատասխան որոշման համարը:
Շինարարական կազմակերպությունն իրականացրել է աշխատանքներ
Rip.
Հարգելի հաշվապահներ, խնդրում եմ հուշեք հետևյալ հարցիս պատասխանը. շինարարական կազմակերպությունն իրականացրել է աշխատանքներ, որի ընթացքում օգտագործել է մետաղալար: Տվյալ տեսակի աշխատանքի համար պահանջվում է X կգ մետաղալար, ընկերությունը գնել է X+1 կգ մետաղալար, քանի որ առաջանում են մանր կտորներ, որոնք հնարվոր չէ օգտագործել: Տվյալ դեպքում ի՞նչ փաստաթղթեր է անհրաժեշտ կազմել: Ի՞նչ պետք է համարել դա ` խոտա՞ն, բնական կորու՞ստ... Գույություն ունի՞ ինչ-որ մի դրույթ, որն արգելում է այդ ավել ծախսված մասը շահութահարկով նվազեցնել: Կանխավ շնորհակալություն:
Կորուստների դուրս գրման ակտ
Հասմիկ.
Բարև Ձեզ.
Հարգելի կոլեգաներ կխնդրեի ինձ ուղարկել արտադրության ընթացքում առկա կորուստների դուրս գրման ակտ կամ թեկուզ դուրս գրման ակտի որևէ ձև:
Կանխավ շնորհակալություն
Վերջին մեկնաբանություններ