Կապիտալ ծախս
Արմինե․
Բարև Ձեզ։ Որ խխնդրեմ կասե՞ք՝ հիմնական միջոցի սկզբնական արժեքի քանի % պետք է գերազանցի ստացված ծառայությունը համ ապրանքը, որպեսզի համարվի կապիտալ ծախս։
Տոկոսի կապիտալացում
Արևիկ․
Բարև Ձեզ։ Արդյո՞ք կարելի է կապիտալացնել փոխառության գծով տոկոսային ծախսը ՈՆԱ սկզբնական արծեքի մեջ (հաշվի առնելով կապիտալ բնույթի ծախս համարվող բոլոր պայմանները)։
Հաշվապահական խնդիր
Հարութ․
Խնդիր. Կազմակերպության արտադրամասի շենքի տանիքի կապիտալ նորոգման նպատակով կատարվել են հետևյալ ծախումները. 1․ Շինանյութեր` 250 000 2․ Հաշվարկված աշխատավարձ 300 000 3․ Հաշվարկված սոցապ հատկացումներ` 45 000 4․ Այլ ծախսեր` փոխանցված հաշվարկային հաշվից` 30 000 դրամ; Ընդամենը 625 000
Նորոգվող շենքի սկզբնական արժեքը 50 000 000 դրամ է, օգտակար ծառայության ժամկետը` 20 տարի։ Վերանորոգումը կատարվել է շահագործման 10-րդ տարվա վերջին։ Նախատեսվել է նորոգումից հետո շենքի ծառայության ժամկետը ավելացել է 50 տարով։ Հաշվապահորեն ձևակերպել
• Կապիտալ նորոգման ծախսումների գումարը,
• Նորոգման աշխատանքների ավարտից հետո կատարված ծախսումները կապիտալացումը,
• Հաշվել նորոգումից հետո շենքի տարեկան մաշվածությունը
Ավտոմեքենայի ապահովագրության գումար
Եվա․
Բարև Ձեզ, խնդրում եմ ասել՝ ավտոմեքենայի ապահովագրության գումարը կապիտալացման ենթակա՞ է։
Աշխատավարձի կապիտալացում
Ժաննա․
Բարև Ձեզ, հարգելի հաշվապահներ։ Ասացեք խնդրեմ՝ արդյո՞ք հնարավոր է ծրագրավորողների աշխատավաձի ծախսերը կապիտալացնել նրանց ստեղծած ծրագրի վրա, որպես ոչ նյութական ակտիվ, և եթե այո, ապա հաշվապահական ձևակերպումները ինչպե՞ս տալ։ Շնորհակալություն։
Կապիտալ և ընթացիկ ծախսեր
Անահիտ․
Բարև Ձեզ։ Վերանորոգման ծախսերը ինչպե՞ս տարբերակել ըստ կապիտալ, թե ընթացիկ լինելու։
Կապիտալ բնույթի ծախսեր
Ռիտա.
Բարև Ձեզ: Եթե հիմնական միջոցի ծախսերը համարվում են կապիտալ բնույթի ծախսեր, ապա մինչև 5 տոկոսը ծախսագրվում է, իսկ 5 տոկոսից ավել կապիտալացվու՞մ, թե՞ բոլոր ծախսերը պետք է կապիտալ ծախսեր համարել և միացնել հաշվեկշռային արժեքին:
ՀՄ-ի վրա կատարվել է կապիտալ բնույթի ծախս
Նելլի․
Բարև ձեզ։ Եթե տվյալ ՀՄ-ի ամորտիզացիոն ժամկետը ավարտվել է, բայց ՀՄ-ի վրա կատարվել է կապիտալ բնույթի ծախս, ամբողջը ծախսագրվում է շահութահարկով տվյալ տարու՞մ, մերսի։
Թղթակցություններ
Բարև Ձեզ, կօգնե՞ք կազմել թղթակցություններ․
1. Հաշվարկվել է մաշվածություն
2. Երկարաժամկետ բանկային վարկի կարճաժամկետ մասի արտացոլում
3. Հաշվարկվել է շահութահարկ
4. Վերագնահատված հիմնական միջոցի արժեքի արտացոլում
5. Եկամուտներին վերաբերող շնորհների արտացոլում
6. Հաշվանցվել է անուղղակի հարկ
7. Ձևակերպվել է վերագիր ապրանքների համար
8. Չկրած տոկոսային ծախսերի արտացոլում
9. Վճարված տոկոսները կապիտալացվել են
Ինչքա՞ն պետք է հաշվել ամորտիզացիոն ժամկետը
Գայանե.
Բարև Ձեզ, խնդրում եմ օգնեք մի հարցում: Շարժական գույքի /բեռնատար/ հաշվեկշռային արժեքը 0 է, սակայն այս տարի կատարվել են ծախսեր, որոնք պետք է կապիտալացվեն, այս դեպքում ամորտիզացիոն ժամկետը ինչքա՞ն պետք է հաշվեմ:
Լուծել հաշվապահական խնդիրները
Հովհաննես.
Խնդրում եմ ձեզ, օգնեք լուծելու հետևյալ խնդիրը՝
1. որոշել՝ տրված տնտեսական գործառնությունները հաշվեկշռում ինչպիսի փոփոխություններ են առաջացնում,
2. ձևակերպել տնտեսական գործառնությունները:
Գործառնություների բովանդակությունը՝
1. հաշվարկվել է արտադրական սարքավորումների մաշվածությունը՝ 350 000 դրամ,
2. շենքը կառուցողների համար հաշվարկվել է աշխատավարձ՝ 185 000 դրամ,
3. ձևակերպված է գրասենյակի շենքի նորոգման ծախսումների կապիտալացումը՝ 720 000 դրամ,
4. հիմնական միջոցը ժամանակավորապես հանվել է շահագործումից սկզբնական արժեքով՝ 2 550 000 դրամ,
5. հաշվետու ժամանակաշրջանի վերջում անավարտ շենքի կառուցման ծախսումների փակում՝ 230 000 դրամ:
Նախօրոք շնորհակալություն:
Կազմակերպությունը ձեռք է բերել ձմեռային անվադողեր իրեն պատկանող ավտոմեքենայի համար
Արմինե.
Հարգելի մասնագետներ, կազմակերպությունը ձեռք է բերել ձմեռային անվադողեր իրեն պատկանող ավտոմեքենայի համար: Արդյո՞ք այդ անվադողերի համար վճարվող գումարը կարելի է ծախսագրել, թե՞ դա պետք է գումարել (կապիտալացնել) հիմնական միջոցի արժեքին և ամորտիզացնել: Եվ ինչպե՞ս է որոշվում, թե որ տարբերակով պետք է ձևակերպել: Շնորհակալություն:
Կազմակերպությունը ստացել է երկարաժամկետ վարկ
Lilit.
Բարև ձեզ: Խնդրում եմ օգնեք գրել այս խնդիրը:
Ստորև բերված տվյալների հիման վրա ձևակերպել երկարաժամկետ վարկի ստացման, մարման և տոկոսային ծախսերի հաշվառման գործառնությունները: Որոշել փոխառության ծախսումների կապիտալացման դրույքը և կապիտալացման ենթակա գումարը:
Տվյալներ. Վարչական նոր մասնաշենքի կառուցման համար 01.02.200x թ. կազմակերպությունը ստացել է առևտրային բանկից երկարաժամկետ վարկ` 8.000.000 դրամ գումարով, 4 տարի մարման ժամկետով 20% տոկոսադրույքով: Վարկի գումարը մուտքագրվել է հաշվարկային հաշվում: Վարկի և տոկոսների մարումը կատարվում է անուիտետով, ըստ կազմված ժամանակացույցի, յուրաքանչյուր տարվա վերջում: 2 ամիս անց ստացված գումարից 4.000.000 դրամը 10 ամիս ժամկետով տրամադրվել է այլ կազմակերպությանը որպես փոխառություն, տարեկան 10% տոկոսադրույքով: Վերը նշվածվարկի գումարից բացի շենքի շինարարության համար օգտագործվել է 1.000.000 դրամ ընդհանուր նպատակներով ներգրավված փոխառությունից: Փոխառությունը ներգրավվել է 200x թ. մարտի 1-ին պարտատոմսերի թողարկման և տեղաբաշխման ճանապարհոց` 3.000.000 դրամ գումարով, 2 տարի ժամկետով, տարեկան 16% տոկոսադրույքով, յուրաքանչյուր տարվա վերջում վճարումներ կատարելու պայմանով: Շենքի կառուցումը ավարտվել է 2-րդ տարվա վերջում, որից հետո վարկի տոկոսների կապիտալացումը դադարեցվել է:
Հիմնական միջոցի վերանորոգման ձևակերպում
Վլադիմիր.
Բարև Ձեզ: Ինչպե՞ս ձևակերպել շահագործման մեջ գտնվող հիմնական միջոցի վերանորոգում: Արդյո՞ք այն պետք է հանել շահագործումից: Ձեռնարկությունը կատարել է պերֆորատորի վերնորոգում: Դրա համար գնվել է համալրող սարք, որը փոխարինում է շարքից դուրս եկածին, և վճարել է այդ աշխատանքները կատարելու համար: Արդյո՞ք ճիշտ է այդ սարքի արժեքը 118-ից միանգամից տեղափոխել 111: Եվ ի՞նչ անել վերանորոգման համար վճարած գումարը: Շնորհակալություն:
Ծախսերի կապիտալացման վերաբերյալ
Սոնա.
Հարգելի կոլեգաներ, շահութահարկի մասին ո՞ր որոշուման կամ ո՞ր պարզաբանման մեջ է գրված կապիտալացվող ծախսերի այն կետի մասին, որ 10 տոկոսը կարող ենք ծախսագրել:
Կազմակերպությունը ձեռք է բերել անվադողեր
ԱՆՆԱ Ա.
Բարև Ձեզ, հարգելի հաշվապաներ:
Շինարարական կազմակերպությունը իր մեքենաների համար ձեռք է բերել անվադողեր: ՍՊԸ-ն իրավունք ունի՞ այդ ձեռք բերումը միանգամից ծախսագրի, թե՞ դա կապիտալ բնույթի ծախս է համարվում: Եթե իրավունք ունի, ապա ի՞նչ փասթաղթեր են պետք բացի հ.ֆ.-ից:
Կանխավ շնորհակալ եմ:
Հիմնական միջոցի վերանորոգում
Անի Աբրահամյան.
Բարև ձեզ, ինձ հետաքրքրում է` հիմնական միջոց վերանորոգելիս ո՞ր դեպքում է ավելանում հ.մ. արժեքը, ո՞ր դեպքում վերանորոգման արժեքը ճանաչվում ծախս: Եվ արդյո՞ք դա կարգավորվում է ՀՀ որևէ օրենքով: Կանխավ շնորհակալություն:
Ի՞նչ է կապիտալացումը
Արթուր.
Խնդրում եմ, բացատրեք` ինչ է կապիտալացումը: Շնորհակալություն նախապես:
- Սուրճի վավերացում
Ասում են, որ կարող եք որոշել, թե ինչ-որ մեկը քանի ժամ է ծախսել իր հարկային հաշվետվությունը պատրաստելու համար՝ ըստ սևագրի վրա թողնված սուրճի բաժակի օղակների, ինչպես կարելի է հաշվել ծառի... - Բիլ Գեյթսը և Սթիվ Բալմերը
Երբ 1975-ին Բիլ Գեյթսը հիմնադրեց Microsoft-ը, նա այսպիսի տեսլական ուներ՝ համակարգիչ դնել յուրաքանչյուր գրասեղանի վրա և յուրաքանչյուր տանը: Այնուամենայնիվ, երբ ընկերությունն աճեց, Գեյթսը, ինչպես Սթիվ Ջոբսը, բախվեց աճող ֆինանսական բարդությունների... - Թեստ – վարձակալության ձևակերպումներ (թեստ #32)
- Սթիվ Ջոբսը և նրա հաշվապահ Մայք Նյուհաուսը
Apple-ի համահիմնադիր Սթիվ Ջոբսը հեռատես էր, երբ խոսքը վերաբերում էր բեկումնային տեխնոլոգիաների ստեղծմանը: Այնուամենայնիվ, Apple ընկերության գործունեության առաջին տարիներին նա ավելի քիչ էր կենտրոնացած բիզնեսի ֆինանսական ասպեկտների վրա: Հենց այստեղ... - Շահութահարկ (թեստ #31)
- Ինչու՞ է բիզնեսին անհրաժեշտ հաշվապահ
-Որոշել եմ բիզնեսով զբաղվեմ -Լավ բան ես մտածել։ Իսկ լավ հաշվապահ գտե՞լ ես։ Իմ գործերով մեր ընկերն ա զբաղվում, հիմա համարը… -Ի՞նչ հաշվապահ, ես կանեմ ամեն ինչ, էնտեղ առանձնապես անելու... - 10 խորհուրդ սկսնակ հաշվապահին
1. Առաջինը, ինչ պետք է հիշել. մասնագետները նույնպես եղել են սկսնակ: 2. Հաճախե´ք դասընթացների: Շատ կարևոր է հաճախել որակյալ դասընթացների: Հիշե´ք, որ նույնիսկ մասնագետներն են երբեմն կարիք ունենում հաճախելու դասընթացների`...
Վերջին մեկնաբանություններ