Հայկ․

Բարև Ձեզ: Աշխատողին հոկտեմբեր ամսվա համար աշխատավարձի կանխավճար էի փոխանցել, սակայն ամբողջ ամիս չի աշխատել և ազատվել է աշխատանքից: Վերջնահաշվարկի արդյունքում պարզվեց, որ ավել վճարված մասը նա պետք է հետ փոխանցի: Աշխատողը փոխանցումը արել է տերմինալով, այլ ոչ թե իր բանկային հաշվից: Նպատակն էլ նշել է հաշվի համալրում: Սա խնդիրներ կառաջացնի՞ արդյոք: Շնորհակալություն։

Նարեկ․

Կազմակերպությունը վարկ է վերցնում բանկից։ Վարկը փոխանցվում է ուրիշ կազմակերպության որպես կանխավճար։ Այդ կազմակերպությունը ապրանքը բերում և մուտքագրվում է կազմակերպություն։ Դրանից հետո փակում ենք բանկի վարկը։ Խնդրում եմ գրել հաշվապահական ձևակերպումները։

Աշոտ․

Բարև ձեզ։ Ինձ ո՞վ կարող է օգնել լիզինգի ձևակերպումների հետ կապված հարցով։

Կազմակերպությունը լիզինգով ՀՄ է ձեռք բերել՝ կանխավճարով։ Կանխավճարը ՀԾ-ում ձևակերպել եմ Դտ 152 Կտ 252 11 000 000։ Լիզինգ տրամադրող կազմակերպությունը դուրս է գրել հետևյալ հաշիվները։

1․ Միջնորդավճարի հաշիվ 6 000 դր՝ ձևակերպել եմ դտ 713 Կտ 521
2․ Լիզինգի առարկայի հանձնման-ընդունման ակտ, մեկ տողով ՀՄ արժեք 22 000 000, մյուս տողով մաքսազերծման ծախս 85 000
3․ Մեկնարկային վարձավճար 2 տողով, մեկում 11 000 000, մյուսում 42 000 + ԱԱՀ, և նույն հաշվի 3-րդ տողում տոկոսագումար՝ 33 000, իսկ լրացուցիչ տվյալներում գրված է, որ 24 000-ը վճարման ենթակա չէ
4․ Վարձավճար 2 տողով, տողերից մեկը ԱԱՀ-ով, իսկ 3-րդ տողում գրված է տոկոսագումար 101 000, լրացուցիչ տվյալներում գրված է՝ 74 000-ը վճարման ենթակա չէ։

Որ խնդրեմ կօգնեք ՀԾ ում ձևակերպումները տամ։

Տաթև.

Բարև Ձեզ։ Եթե շրջհարկով աշխատող ՍՊԸ-ն հունիս ամսին ստացել է կանխավճար, արդյո՞ք դա 2-րդ եռամսյակի հաշվետվության մեջ պետք է ներառենք, թե՞ երբ որ ծառայությունը մատուցվի և հաշիվ դուրս գրիվ, նոր պետք է վճարել հարկը։

Քրիստինե․

Բարև Ձեզ, հարգելի մասնագետներ։ Կխնդրեի օգնել առաջին անգամ շահութահարկի կանխավճար հաշվարկելու հարցում։ Ընկերությունը գործունեությունը սկսել է նախորդ տարվա մայիս ամսից։ 23թ․-ի շահութահարկ ներկայացվել է ս․թ․ ապրիլի 13-ին (կազմել է 759 457 ՀՀ դր․)։ 24թ․-ի առաջին եռամսյակի շրջանառությունը կազմել է 45 751 539 ՀՀ դր (ներառյալ ԱԱՀ)։
759 457*20%=151 891
45 751 539*2%=915 031

Բարև բոլորին: x կազմակերպությունը y-կազմակերպությանը պարբերաբեր պետք է գումարներ փոխանցի, ի կատարումն ապագա պարտավորությունների յուրաքանչյուր եռամսյակ ավել է վճարում, որի արդյունքում y կազմակերպության մոտ առաջանում է ավել գումար։ Այժմ x կազմակերպությունը լուծարվել է։ Ի՞նչ պետք է անի y կազմակերպությունը ավել վճարված գումարների հետ, ինչպե՞ս պետք է դուրս գրի այդ գումարը։

Հասմիկ․

Բարև ձեզ, խնդրում եմ օգնել հասկանալ այս հարցը․ եթե կազմակերպությունը ունի գերավճար շահութահարկի կանխավճարներից, որը առաջացել է 2023թ․ վճարված 2022թ․ շահույթից, իսկ 2023թ․ շահույթը քիչ է, կրկի՞ն պետք է փոխանցեմ կանխավճար, թե՞ դա կմաշացնեն։

Քնարիկ․

Բարև ձեզ, ցանկանում եմ 2024թ համար շահութահարկի կանխավճար անել, խճճվել եմ, փլիզ օգնեք, 2023թ շահութահարկը հաշվել ենք, բայց դեռ չենք ուղարկել, կազմել է 1 122 000 (ստացված եկամտի 18%), նախորդ եռամսյակի շրջանառությունը 4 593 000 (ԱԱՀ ներառյալ), գիտեմ, որ կամ շահութահարկի 20%, կամ շրջանառության 2% (նվազագույնը), ո՞նց եմ հիմա հաշվելու։

Անի․

Բարև ձեզ, հարգելի մասնագետներ: Հարցս հետևյալն է.

Մեր Ընկերությունը ԱԱՀ վճարող կազմակերպություն է: 2022թ. վնասով ենք աշխատել, հետևաբար 2023թ. ընթացքում շահութահարկի եռամսյակային կանխավճարներ չենք կատարել:2023թ. շահույթով ենք աշխատել, բայց դեռևս շահութահարկի հաշվետվություն չենք ներկայացրել: 2024թ. 1-ին եռամսյակի շահութահարկի կանխավճարը ե՞րբ պետք է վճարել։

Կարեն․

Բարև Ձեզ։ Ընկերությունն ունի 2 000 000 ՀՀ դրամի չվճարված շահաբաժին։ Կարո՞ղ է հիմա 2 500 000 ՀՀ դրամ վճարի, որից 500 000 ՀՀ դրամը ձևակերպի կանխավճար։ Այս դեպքում պե՞տք է 500 000 ՀՀ դրամը նույնպես 5 տոկոսով հարկվի։

Գայանե․

Բարև Ձեզ։

Շրջանառության հարկով աշխատող ՍՊԸ-ն ավտոմեքենա է վաճառել ֆիզանձի օգոստոսին, սակայն հաշիվը դուրս է գրվել հոկտեմբերին՝ վաճառքի ամսաթիվը նշելով օգոստոս: Եռամսյակային ո՞ր հաշվետվության մեջ պետք է ներկայացնեմ վաճառքը՝ 3-րդ, թե 4-րդ, և արդյո՞ք կա պատասխանատվություն հաշիվ վավերագիրը ուշ ներկայացնելու համար: Նշեմ նաև, որ վաճառքի գումարը տրվել է ավելի շուտ կանխավճարի տեսքով:

Անի․

Ողջույն, հարգելի հաշվապահներ։ ԱՁ-ն գրանցվել է 2022 Նոյեմբերին և գործունեություն ծավալել է միայն 2023 Սեպտեմբերին: Արդյո՞ք ճիշտ է հետևյալն․

Հոկտեմբերին նախորդ եռամսյակի համար առաջանում է շահութահարկի կանխավճարի պարտավորություն: Քանի որ անցած տարվա շահույթը 0 է, անցած տարվա 20%ի և անցած եռամսյակի 2%ի մինիմալն ստացվում է 0: Այսինքն՝ կանխավճար չկա: Տարվա վերջին եռամսյակի համար ևս լինելու է 0:

Անահիտ․

Բարև ձեզ, հարգելի հաշվապահներ։ Շահութաահարկի կանխավճարի հաշվարկման նպատակով նախորդ եռամսյակից ստացվող եկամուտների երկու տոկոսը հաշվարկելու համար այդ եկամուտ ասվածում ԱԱՀ-ն ներառյա՞լ թիվն ենք վերցնում։

Կարեն․

Բարև Ձեզ: Շահութահարկ վճարողը նախորդ երեք ամիսներին հասույթ չի ունեցել, իսկ 2022թ-ի համար ունեցել է շահութահարկ։ Այս ամիս շահութահարկի կանխավճար պետք է չկատարի չէ՞։

Հայկ․

Բարև Ձեզ: 2022թ․ շահութահարկի հաշվարկի հիման վրա ամենամսյա կանխավճարի չափը հաշվարկել եմ, ուզում եմ իմանալ՝ շահութահարկի կանխավճարները ինչպե՞ս պետք է ձևակերպել, և արդյո՞ք այդ մասով հարկային հաշվետվություն պետք է ներկայացնել, թե՞ միայն մեզ համար է դա արվում: Շնորհակալություն։

Գեղամ.

Շահութահարկի կանխավճար կատարելիս օրենսգրքի 135-րդ հոդվածում նշվել է Հանրապետությունում գործունեություն իրականացնող ոչ ռեզիդենտ շահութահարկ վճարողը պարտավոր են ընթացիկ հարկային տարվա յուրաքանչյուր եռամսյակի համար՝ մինչև տվյալ եռամսյակի վերջին ամսվա 20-ը ներառյալ, կատարել շահութահարկի կանխավճարներ (բացառությամբ սույն հոդվածի 7-րդ մասով սահմանված դեպքերի)՝ նախորդ հարկային տարվա շահութահարկի գումարի 20 տոկոսով հաշվարկվող գումարի և նախորդ եռամսյակի ընթացքում ապրանքների մատակարարումից, աշխատանքների կատարումից և (կամ) ծառայությունների մատուցումից ստացվող եկամուտների երկու տոկոսով հաշվարկվող գումարի նվազագույնի չափով: Եթե 2022թ-ի շահութահարկի 20 տոկոսը կազմել է 200 000դր., իսկ 2023-1-ին եռամսյակում իրացման շրջանառությունը առանց ԱԱՀ կազմել է 70 000 000դր., կամ 2 տոկոսը կկազմի 1400 000դր., ապա ո՞ր գումարն է ենթակա վճարման 2023թ-ի 1-եռամսյակի համար։

Նարինե․

Բարի աշխատանքային օր բոլորին։ ՍՊԸ-ը հիմնադրվել է 2022 թվականի ամռանը, իսկ շահութահարկի վճարման ենթակա գումարը կազմում է մոտ 50 000 ՀՀ դրամ։ Շահութահարկի կանխավճարներ տվյալ (2023թ) տարում ևս չեն արվելու, չէ՞։

Մելինե․

Բարև ձեզ, կհուշե՞ք խնդրում եմ․

1. Եթե կազմակերպությունը ծառայություն է մատուցում կամ ստանում, և գումարը փոխանցվում (ստացվում) է մինչև հաշիվ դուրս գրելը կամ ստանալը, դա պետք է որպես ստացված կամ տրված կանխավճար ձևակերպել, և հետո նո՞ր միայն ծախսագրել կամ եկամուտներում ճամաչել, թե՞ կարելի է միանգամից։

2․ Եթե մեր դուրս գրված հաշիվները դիմացի կողմը չի ստորագրել արդեն 2 ամիս է, ԱԱՀ-ի հաշվարկում ներառվելու՞ է հարկման բազայում, թե՞ ոչ։ Շնորհակալություն։

Նարե․

Բարև Ձեզ։ Հարգելի հաշվապահներ, շրջ․ հարկով աշխատող կազմակերպությունը լիզինգով ձեռք է բերել հիմնական միջոց։ Գումարը 15 500 000դրամ է, որից 3 100 000դրամը տրվել է որպես կանխավճար և ձևակերպվել դտ-152 կտ-252։ Բոլոր տարիների տոկոսագումարը կազմում է 4 119 412 դրամ։ Վարկային կազմակերպությունը դուրս գրել հաշիվ-վավերագիր, որտեղ որպես նյութ․ արժեք ներառված են՝ վարձավճար 181 559,20դր, տոկոս 93 764,40դր, մեկնարկային վարձավճար (կանխավճար) 3 100 000դր։ Դեռ ոչ մի ձևակերպում չենք տվել, բացի կանխավճարի ձևակերպումից։ Խնդրում եմ օգնել մյուս ձևակերպումների հարցում։

Սուրեն․

Բարև Ձեզ։ Հարցս վերաբերում է լիզինգի ձևակերպումներին, խնդրում եմ վրայով անցնենք իրար հետ, նոր ձևակերպեմ։

1- ՀՄ Ձեռքբերման մասով դտ 1119-կտ 413,

2- կանխավճարի ձևակերպման մասով՝ դտ 413-կտ 252,

3-չկրած տոկոսի ծախսի մասով՝ դտ 414-կտ 413 (ընդհանուր տոկոսն եմ գրում) և 12 ամսվա համար դտ 414-կտ 516 ,

4- տոկոսի ծախսագրում՝ դտ 727-կտ 516, 5- մայր գումարի վճարում՝ դտ 413-կտ 252։

Խնդրում եմ տոկոսի սուբսիդավորման մասով ասեք՝ ի՞նչ ձևակերպեմ, և եթե լիզինգի պայմանագիրը արտարժույթով է ու պայմանագրային արժեքի և նախնական արժեքի մեջ կա դրական տարբերություն, դա ի՞նչ ձևակերպում տամ։ Նախապես շնորհակալ եմ։

Արեգա.

Հարցս ուղղում եմ գործող հաշվապահներին և կանխավ հայտնում շնորհակալություն:

Հարցի բովանդակությունը հետևյալում է. ԱԱՀ վճարող կազմակերպությունը 27.10.22թ. ԱԳԲԱ ԼԻԶԻՆԳ ՎԱՐԿԱՅԻՆ ԿԱԶՄԱԿԵՐՊՈՒԹՅԱՆ հետ կնքել է լիզինգի (վերականգնող էներգիայի ) պայմանագիր: Լիզինգի առարկա հանդիսացով առարկայի արժեքը կազմում է՝ 26 920 000 դրամ, 27.10.22թ. վճարվել է՝

ա. կանխավճար՝ 4 000 000դրամ,

բ. ապահովագրավճար՝ 116000 դրամ:

31.10.22թ ԱԳԲԱ ԼԻԶԻՆԳ ՎԿ դուրս է գրել հարկային հաշիվ՝ անվանումը Չափի միավ քանակը արժեքը ԱԱՀ ընդամենը՝

Մեկնարկային ամիս 1 3333333.3 666666.7 4000000

վարձավճար

վարձավճար ամիս 1 376114.1 75222.8 451336.9

Տոկոսագումար ամիս 1 40188.5 0 40188.5

ընդամենը 3749635.9 741889.5 4495525.4

Խնդրում եմ տալ բոլոր հաշվապահական ձևակերպումները։

Ալիսա.

1)Ձեռք են բերվել նյութեր 600.000 դրամի, վճարումը կատարվել է բանկային փոխանցմամբ։

2)60.000 դրամի նյութեր օգտագործվել են իրացման բաժնում։

3)Տրվել է կանխավճար 4000.000դր, որի դիմաց ձեռք է բերվել 7000.000դր ապրանքներ, մնացածը մնալով պարտք։

4)200.000 դր արժողությամբ նյութերը փոխանակվել են համարժեք ապրանքների հետ։

5)Ստացվել է կանխավճար 3000.000դր, որի դիմաց մատակարարվել է 3000.000դրամ արժողությամբ ապրանքները 4000.000դրամով, մնացածը մնալով պարտք։

Ինչպե՞ս ձևակերպեմ։

Մանուկ.

Կառուցվող շենքի վաճառքի ԱԱՀ-ի պարտավորության առաջացման պահը ե՞րբ է առաջանում՝ երբ գնելու իրավունքի պայմանագի՞ր է կնքվում ու կանխավճար ստացվում հատուկ հաշվում, թե՞ ավարտական ակտից ծագող սեփականության իրավունքի պետական գրանցման պահին: Ինչպե՞ս են հաշվարկվում յուրաքանչյուր վաճառվող բնակարանների իրացվող ինքնարժեքները՝ դտ711 կտ 215: Կանխավ շնորհակալ եմ:

Կարինե.

Բարև Զեզ։ Հնարավորության դեպքում խնդրում եմ պատասխանեք. կազմակերպությունը ոչ ռեզիդենտ կազմակերպությունից (ֆրանսիա) ծառայություն է ստացել (ծրագրային ապահովման և նոր մշակումների տեխնիկական աջակցություն), գումարը ըստ պայմանագրի փոխանցել եմ՝ կանխավճար EUR-ով, այդ օրվա կուրսով: Ծառայությունը մատուցվել է 26.07.2022-ով, ընդունման-հանձնման ակտը առկա է, պետք է դուրս գրեմ ինքնահաշիվ: Ինքնահաշիվը ո՞ր կուրսով դուրս գրեմ՝ ակտի ամսաթվով, թե՞ հաշիվ դուրս գրելու ամսաթվով։ նախապես շնորհակալ եմ:

Ռիտա.

Բարև Ձեզ։ Ապրանքի վաճառքի դեպքում կարո՞ղ եմ կանխավճար ընդունել անկանխիկ և վաճառքի դեպքում ՀԴՄ խփել, վճարումը նշելով՝ մարում անկանխիկ կանխավճարից։ Նշեմ, որ ապրանքի գինը 1 մլն դրամից ավել է:

Մելինե.

Ողջույն, սիրելի հաշվապահներ։ Կասեք խնդրեմ՝ ՍՊԸ-ի աշխատողների աշխատավարձից պահվող դրոշմանիշային վճարի ընդհանուր գումարը կազմել է 6 000, սակայն փոխանցվել է 8000: Ստացվում է 2 000 դրամ կանխավճար է, ո՞ր հաշվով ձևակերպել: Եվ աշխատավարձից պահվող սոց. վճարի հաշիվը 5251-ն է՞։ Շնորհակալություն։

Հայկ.

Բարև Ձեզ։ Այսպիսի իրավիճակ է առաջացել, կօգնե՞ք հասկանամ: Աշխատակիցը որոշել էր ազատվել աշխատանքից, դիմում էր ներկայացրել, որի հիման վրա նրան փոխանցել եմ վերջնահաշվարկ, սակայն չեմ տվել հարկայինին ազատման հայտը, քանի որ 3 օր ժամանակ կա: Հիմա փոշմանել է, ուզում է շարունակել աշխատելը: Խնդիրներ կունենա՞նք, եթե չազատեմ, իսկ վերջնահաշվարկի գումարը ձևակերպեմ որպես աշխատավարձի կանխավճար: Այսինքն՝ բանկի քաղվածքում վերջնահաշվարկ բառը ինչ-որ խնդիր կառաջացնի՞: Շնորհակալություն։

Արուս․

Բարև Ձեզ, հարգելի հաշվապահներ։
Շինարարության ոլորտում աշխատող ՍՊԸ-ն, որը գործում է միկրոձեռնարկատիրության ոլորտում, ստացել է կանխավճար ծառայության դիմաց, որի նպատակ դաշտում գրվել է <<Ապրանքի դիմաց>>։ Արդյո՞ք դա կարող է խնդիրներ առաջացնել ՍՊԸ-ի համար։

Ռոման.

Բարև ձեզ: Շրջանառության հարկ վճարողը ստացել է կանխավճար` փոխանցումով: Արդյո՞ք ստացված կանխավճարը պետք է ներառվի շրջանառության մեջ և հարկվի, եթե այո, ապա ո՞ր իրավական ակտով է կարգավորվում այդ գործառույթը:

Մարիա․

Հարգելի հաշվապահներ, ԱՁ-ն 2021թ-ին աշխատել է ընդհանուր հարկման դաշտում (շահութահարկ և ԱԱՀ)։ Համաձայն ՀՕ հոդված 135՝ պետք է կատարեր շահութահարկի կանխավճարներ, սակայն չի կատարել։ Հիմա, երբ արդեն պարզ է շահութահարկի գումարը, ստացվել է այնպես, որ կանխավճարների գումարը ավելի մեծ է, քան փաստացի շահութահարկի գումարը։ Հարցը հետևյալն է՝ ԱՁ-ն պետք է մարի պարտավորությունը շահութահարկի կանխավճարների գումարի չափով, հետո ավել մասը ետ ստանա, թե՞ կարող է վճարում կատարել փաստացի շահութահարկի չափով։ Շնորհակալություն։

Անի.

Հարգելի հաշվապահներ, կօգնե՞ք տալ ստույգ ձևակերպումներ.
1. Շինարարությունում օգտագործելու նպատակով ձեռք բերված ցեմենտի վաճառքի արտացոլում
2. Հիմնական միջոցների կառուցման ընթացքում օգտագործված նյութերի արտացոլում
3. Գործուղման ծախսերի արտացոլում
4. Հաստոցի ձեռքբերման նպատակով տրված կանխավճարի հետ ստացում
5. Արտացոլվում են երկարաժամկետ վարկերի գծով չկրած տոկոսային ծախսերը:

Մհեր.

Բարև Ձեզ, հարգելի ընկերներ: Հարցս հետևյալն է. եթե աշխատակցի աշխատավարձը կազմում է 500 000 դրամ, ապա որքա՞ն աշխատավարձի կանխավճար կարելի է տրամադրել այդ աշխատակցին և ի՞նչ առավելագույն ժամանակահատվածով, արդյո՞ք օրենսդրությամբ առկա են սահմանափակումներ, թե՞ ոչ: Խնդրում եմ նշել նաև օրենսդրական կարգավորումները կանխավճար տրամադրելու դեպքում: Կանխավ շնորհակալ եմ:

Հրանուշ.

Բարև Ձեզ, հարգելի հաշվապահներ։ Մի էսպիսի հարց. եթե ոչ ռեզիդենտ ֆիզ. անձին կանխավճարային հաշվով գումար է փոխանցվել` հոկտեմբեր ամսում՝ ծառայությունների մատուցման նպատակով, ապա տվյալ դեպքում այն ներառվու՞մ է հոկտեմբեր ամսվա եկամտային հարկի հաշվետվության մեջ: Եթե այո, ապա ո՞ր դրույքաչափով կհարկվի։

Հրանուշ.

Բարև Ձեզ։ Խնդրում եմ պատասխանել հետևյալ հարցին. ոչ ռեզիդենտների կողմից դուրս գրված կանխավճարային հաշիվների հիման վրա դուրս գրվու՞մ է ինքնահաշիվ, թե՞ ոչ։ Եթե այո, ապա խնդրում եմ նշել, օրենքի ո՞ր հոդվածով է այն կարգավորվում։ Կանխավ շնորհակալ եմ։

Ինչպե՞ս ձևակերպել շահութահարկի կանխավճարը:

Ռուբ․

Բարև ձեզ, ինչպե՞ս տալ շահութահարկի համար կատարված կանխավճարների ձևակերպումը։

Ռուբ․

1) Շահութահարկի կանխավճարների համար հաշվետվություն լրացվու՞մ է, թե՞ միայն կատարվում է վճարում, և հետո այդ կատարված կանխավճարները նվազեցվում են։

2) ՍՊԸ-ն ցանկանում է իր փայաբաժնի 20%-ը նվիրաբերել այլ ՍՊԸ-ի հիմնադիր տնօրենի։ Խնդրում եմ կասե՞ք՝ ինչպե՞ս պետք է կազմակերպվի այս գործընթացը։

Անի.

Բարև Ձեզ։ Ստացել եմ 600 000 դրամ կանխավճար: Կասե՞ք խնդրեմ՝ 232 ձևի մեջ որտե՞ղ պետք է լրացնեմ։ Նաև կասեք՝ միանգամի՞ց պետք է այդ 600 հզ-ի համար շրջհարկը վճարեմ։ Կանխավ շնորհակալություն:

Դիանա.

Բարև Ձեզ: Խնդրում եմ նշել, եթե ԱՁ-ն ամսական շահութահարկի կանխավճար է վճարում, տարեկան շահութահարկի գումարը կատարված կանխավճարի չափով պակա՞ս է ցույց տալիս, թե՞ դա կապ չունի և պետք է 60 000 դրամն էլ ցույց տա: Նախապես շնորհակալություն:

Ռոման.

Բարև ձեզ, հարգելի հաշվապահներ: Կազմակերպությունը 17.04.2021թ.-ին ծառայությունների մատուցման հաշիվ է դուրս գրել՝ մատակարարման ամսաթիվ 31.05.2021: Վճարումը կատարվել է 17.04.2021թ.-ին, և տրվել դրամարկղի մուտքի օրդերի անդորրագիր: Հարց. ինչպե՞ս ձևակերպել վճարումը՝ ստացված կանխավճար, թե՞ դ. պարտքի մարում:

Արամ.

Բարև ձեզ, հարգելի հաշվապահներ: Ա կազմակերպությունը զբաղվում է մանրածախ առևտրով՝ ընդհանուր հարկման դաշտում: Բ կազմակերպության հետ ունի կնքած պայմանագիր, համաձայն որի Բ կազմակերպությունը պետք է մատուցի ծառայություն, որի ավարտը լինելու է 4 ամիս հետո: Ա կազմակերպությունը ամեն ամիս կանխավճար է վճարում Բ կազմակերպությանը: Բ կազմակերպությունը հաշիվ է դուրս գրում՝ ծառայության մատուցման ամսաթիվ 31.12.2020, իսկ դուրս գրման ամսաթիվը 15.01.2021: Հարց. կանխավճարի և կրեդիտորական պարտքի փոխմարման ամսաթիվը հաշվապահորեն ո՞րը ճիշտ կլինի: Եվ հաշվապահական հաշվեկշռի մեջ ինչպե՞ս պետք է արտացոլվեն:

Լիլիթ․

Հարգելի հաշվապահներ, խնդրում եմ օգնեք ինձ կազմել նախահաշիվ (շինարարական ընկերության), Եթե կարող եք՝ ուղարկեք որևէ օրինակ։ Նախապես շնորհակալ եմ։

Քրիստինե.

Խնդրում եմ ասեք` շահութահարկում ծախսերի մեջ ներառվու՞մ է աշխատավարձը և դրան հավասարեցված այլ վճարները, թե՞ միայն մաքուր աշխատավարձը: Շահութահարկի եռամսյակային կանխավճարները համարվու՞մ են ծախս, այսինքն՝ ներառվում են շահութահարկի հաշվետվության մեջ, թե՞ ոչ:

Կարինե.

Արցախի տարբեր կազմակերպություններից ստացել ենք պայմանագրային X գումարներ կատարվելիք ծառայության դիմաց։
Աշխատանքները կատարվել է, պատրաստի արտադրանքը, որ պետք է մատուցվեր Արցախում:
1. Մի դեպքում այլևս անհրաժեշտ չէ, որովհետև տարածքը մնացել է թշնամուն։
2. Մյուս դեպքում ծառայությունը մասամբ է մատուցվել, որովհետև պատերազմը սկսվել է, և տարածքը, ինչպես նաև արտադրանքը մնացել է թշնամուն։
3. Կա 3-րդ տարբերակ, երբ տվյալ կազմակերպությունն էլ, որից ստացել ենք կանխավճար՝ չկա այլևս։
Բոլոր նշված դեպքերում էլ հաշիվ-ապրանքագիր չի տրվել։
Հարց։ Ինչպե՞ս վարվել ստացված կանխավճարների հետ։ Միակ տարբերակը եկամուտ ճանաչե՞լ որպես անհուսալի կրեդիտորական պարտք և հարկվել՞։ Բայց եկամուտը պետք է ստանայինք վերջում, իսկ մինչ այդ ստացված կանխավճարի դիմաց կատարվել են ծախսեր։
Խնդրում եմ պատասխանել՝ ինչպե՞ս է ճիշտ վարվել նման իրավիճակում։
Նշեմ նաև, որ կա պայմանագրային կետ, համաձայն որի պարտավորություններն ամբողջությամբ կամ մասնակիորեն չկատարելու դեպքում կողմերն ազատվում են պատասխանատվությունից, եթե դա եղել է անհաղթահարելի ուժի ազդեցության արդյունք։

Գայանե.

Բարև Ձեզ, հարգելի հաշվապահներ: ՀԴՄ սարքի 10 000 դրամի կանխավճարը ինչպե՞ս է վերադարձվում: Գիտեմ, որ պետք է դիմում ներկայացնել: Կօգնե՞ք հերթական քայլերով: Կանխավ շնորհակալ եմ:

Syuzanna.

Բարև Ձեզ:
Խնդրում օգնեք հաշվապահորեն ձևակերպել.
1. Անավարտ արտադրության սկզբնական մնացորդը տեղափոխվել է հիմնական արտադրության հաշվին՝ 495 դրամ։
2. Հիմնական արտադրության համար կատարվել են հետևյալ ծախսերը՝
ա) նյութեր՝ 700 դրամ
բ) հաշվարկային հաշվից փոխանցվել է տեխնոլոգիական նպատակներով ծախսված էլեկտրաէներգիայի արժեքը՝ 70 դրամ (ներառյալ ԱԱՀ)
գ) hաշվարկվել է մաշվածություն արտադրական նշանակության հիմնական միջոցների համար՝ 185 դրամ:
3. Հաշվարկել աշխատավարձ
ա) տնօրենին 120 դրամ
բ) հաշվապահին 100 դրամ
գ) արտադրամասի վարպետին 90 դրամ
դ) 10 բանվորից յուրաքանչյուրին 55 դրամ
ե) արտադրանքի առաքման բաժնի աշխատակցին 60 դրամ:
4. Հաշվարկված աշխատավարձից կատարվել են համապատասխան օրենսդրական ակտերով պահանջվող պարտադիր պահումներ:
5. Հաշվարկային հաշվում ստացվել է աշխատավարձի վճարման համար անհրաժեշտ գումարը:
6. Դրամարկղից վճարվել է աշխատավարձ, բայց մեկ բանվոր հիվանդության պատճառով չի ստացել:
7. Անհատույց ստացել է 100 դրամի բանվորական արտահագուստ, որը բաժանվել է բանվորներին, 6 ամիս անց այն դուրս է գրվել շահագործումից:
8. Հաշվետու ժամանակաշրջանի վերջում գույքագրմամբ որոշել և անավարտ արտադրանքին է վերագրվել հիմնական արտադրությունում կուտակած ծախսումների 20%-ը, 10% դիտվել է խոտան և դուրս է գրվել համապատասխան ձևով:
9. Արտադրությունից ստացվել և պահեստ է մուտքագրվել 130 հատ պատրաստի արտադրանք, փաստացի արտադրական ինքնարժեքով (որոշել ինքնարժեքը):
10. Գնորդին առաքվել է 75 հատ պատրաստի արտադրանք։ Վաճառքի գինը սահմանելիս նախատեսվել է 60% շահույթ (առանց ԱԱՀ-ի):
11. Հաշվարկային հաշվում գնորդներից ստացվել է ապառիկ վաճառքից հասույթը։
12. Կազմակերպությունը հաշվետու ժամանակաշրջանում հաշվարկային հաշվում ստացել է բանկի կարճաժամկետ վարկ, 1 տարի ժամկետով 1 000 դրամ: Տարեկան 18% տոկոսադրույքով։
13. Գործառնական վարձակալության պայմանագրով 5-րդ տարում 500 դրամով տրվել է վարձակալության շենք, որի սկզբնական արժեքը 2 000 դրամ է, պ/ժ 10 տարի, կադաստրային արժեքը 3 000 դրամ:
14. Գույքագրման ժամանակ հայտնաբերվել է 100 դրամի նյութերի պակասորդը, որը վերագրվել է նյութական պատասխանատու անձին: Նյութերի շուկայական արժեքը 115 դրամ է:
15. Հաշվարկային հաշվից վճարվել է առհաշիվ անձին գործուղման նպատակով 170 դրամ։ Գործուղումից վերադառնալով անձը ներկայացրել է կանխավճարային հաշվետվություն, որի համաձայն հիմնավորված ծախսերը կազմել են 210 դրամ։
16. Ձեռք է բերվել ապառիկ համակարգիչ 310 դրամ ներառյալ ԱԱՀ-ն, որի գումարը վճարվել է հաշվարկային հաշվից։ Այն օգտագործվել է վարչական նպատակներով։
17. Հարկային հաշվով վաճառել է մնացորդային արտադրանքը 60% շահույթով։

Վազգեն.

Բարև ձեզ: Կազմակերպությունը կնքել է ծառայությունների մատուցման պայմանագիր մեկ այլ կազմակերպության հետ: Պայմանագրի ժամկետը և ծառայությունների մատուցման ավարտը նշված է՝ 01.09.2020-31.12.2020: Ծառայություն ստացող կազմակերպությունը ամեն ամիս 1 ամսվա ծառայության գումար վճարում է, սակայն հաշիվ չի ստանում: Ծառայություն մատուցող ֆիրման հաշիվը դուրս է գրելու տարվա վերջ: Արդյո՞ք յուրաքանչյուր ամսվա վճարած գումարը պետք է ձևակերպել կանխավճար:

Գայանե.

Բարև Ձեզ, հարգելիներս: Վերահաշվարկ կատարելու կամ կանխավճարը հետ ստանալու համար անհրաժեշտ է ներկայացնել․
– դիմում
– վճարման անդորրագրի պատճեն
– ՀՀ արդարադատության նախարարության իրավաբանական անձանց պետական ռեգիստրի կողմից տրված վկայականի պատճեն
– անձնագրի կամ նույնականացման քարտի պատճենները
– լիազորագիր՝ լիազորագրին կցելով լիազորված անձի անձնագրի կամ նույնականացման քարտի պատճենները:
Բացի վերը նշվածից՝ հաշվեհամար էլ է պե՞տք նշել: Շնորհակալություն:

Մարա.

Բարև ձեզ: Խնդրում եմ օգնել ինձ տալ հաշվապահական ձևակերպումներ.
– Հաշվարկային հաշվից մարվել է բյուջեի պարտքը:
– Ապրանքների վաճառքից եկամտի դուրսգրումը ֆինանսական արդյունքին:
– Կազմակերպությունը տրված կանխավճարների դիմաց մատակարարից ակտիվներ չի ստանում, այդ դեպքում մատակարարի կողմից կատարվում է հետվերադարձ միջոցների գծով:
– Հիմնադիրների կողմից դրամական միջոցների ներդրումը կանոնադրական կապիտալում:
– Ոչ նյութական ակտիվի վրա կատարված հետագա ծախսումների տեղափոխումը հաշվեկշռային հաշիվ:

Մարա.

Բարև ձեզ: Խնդրում եմ օգնել ինձ տալ հաշվապահական ձևակերպումներ․
-Հիմնական արտադրությունից ստացվել է պատրաստի արտադրանք:
-Վարչական անձնակազմի աշխատավարձի հաշվարկում:
-Ընկերությունը պահեստ է մուտքագրում տրված կանխավճարի դիմաց ստացված ակտիվները:
-Անավարտ ոչ նյութական ակտիվի տեղափոխումը հաշվեկշռային հաշիվ:
-Էմիսիոն եկամտի արտացոլում: