Սուսաննա․

Բարև ձեզ։ Խնդրում եմ ասեք՝ սերմերի և թույների խանութ բացելու համար լիցենզիա պե՞տք է, կամ ինչ-որ չափանիշներ կա՞ն, որոնց պետք է համապատասխանի խանութը, ի նկատի ունեմ տարածքի չափեր և այլն։

Տիգրան․

Բարև Ձեզ, ցանկանում եմ բացել ԱՁ Wildberries հարթակում որպես վաճառող մուտք գործելու համար: Շրջանառության հարկով պետք է աշխատեմ: Կասե՞ք խնդրում եմ՝ ամսական ի՞նչ պարտադիր հարկեր պետք է վճարվեն, շրջանառության հարկը ամեն եռամսյակը մեկ է վճարվում, թե՞ ամեն ամիս, և արդյո՞ք ամեն շաբաթը մեկ պետք է ներկայացվի հաշիվ վավերագիր: Շնորհակալություն

Արթուր․

Բարև ձեզ։ ԱՁ-ն գործելու է մարզում, փոքրիկ խանութ է լինելու և նաև արագ սննդի կետ՝ քաբաբ, խաչապուրի և նման բաներ տեղում պատրաստելու և վաճառելու նպատակով։ Խնդրում եմ հուշել՝ փաստաթղթային սննդի տեսչության հետ կապված կամ թաղապետարանի, և հարկային հարցերս որտեղի՞ց է ճիշտ սկսել։

Avik.

Հաշվապահներ ջան, բարև Ձեզ։ Խնդրում եմ ասեք՝ ի՞նչ հարկատեսակով գրանցեմ ԱՁ-ն ավտեպահեստամասերի խանութի համար։

Վահագն․

Բարև Ձեզ։ Ինձ հետաքրքիր է Ձեր կարծիքը։ Անհատ Ձեռնարկատերը, որն աշխատում է շրջանառության հարկի դաշտում, ԱՁ-ի հետ չկապված իր անձնական ծախսերի համար իրավունք ունի՞ խանութի կանխիկ գումարից գումար վերցնել կանխիկ, թե՞ դա էլ կդիտվի անկանխիկ գործառությունների մասին օրենքի խախտում։

Yana.

Բարև Ձեզ: Խնդրեմ կասե՞ք՝ կոսմետիկայի օնլայն խանութը ի՞նչ հարկատեսակով կարող է աշխատել, պարտադի՞ր է գրանցել աշխատող, եթե հիմնադիրն է զբաղվում ամբողջ գործով, և պարտադիր է ՀԴՄ ունենալ։

Գարիկ․

Բարև ձեզ, հարգելիներս։ Ունեմ տարածք մարզում, և ցանկություն կա հիմնել առևտրի կետ՝ շինանյութ, միրգ-բանջարեղեն, խմորեղեն վաճառելու համար։ Անհրաժեշտ է հիմնել ԱՁ, թե՞ ՍՊԸ, և ին՞չ հարկատեսակով է անհրաժեշտ աշխատել։ Նախապես շնորհակալություն։