Արդյո՞ք առաջանում է եկամտային հարկի պարտավորություն
Ani.
Հարցս վերաբերում է եկամտային հարկին.
Կազմակերպությունը հաճախակի միջոցառումներ է կազմակերպում, որոնց ընթացքում լինում է հյուրասիրություն, և մասնակիցներին բաժանվում են գրիչներ, նոթատետրեր, փոքր արժեք ունեցող նվերներ:
Խնդրում եմ պատասխանել, թե ինչպես պետք է կատարվի եկամատային հարկի հաշվարկը (սանդղակով, թե 11%), և ընդհարապես տարբեր տեսակի միջոցառումների ժամանակ հյուրասիրությունը հարկման ենթակա՞ է եկամտային հարկով, թե՞ ոչ:
Շնորհակալություն:
Էլեկտրոնային հաշվետվությունների կայք
Alyona.
Ո՞ր կայքէջից պետք է օգտվել եկամտային հարկի հաշվետվությունը էլեկտրոնային տարբերակով ուղարկելու համար:
ԱՁ վաճառել է ավտոմեքենա
Մանե.
Ֆիզիկական անձից գնել եմ ավտոմեքենա, վաճառել եմ պետական կառույցին: Անհատ ձեռներեց եմ, աշխատում եմ շրջանառության հարկով: Որքա՞ն է կազմելու հարկի դրույքաչափը, և արդյո՞ք վճարելու եմ եկամտային հարկ ֆիզ. անձի փոխարեն: Կանխավ շնորհակալ եմ:
Արդյո՞ք միակողմանի գնման ակտից պահվում է եկամտային հարկ
Տաթև.
Խնդրում եմ ինձ ասել` միակողմանի գննման ակտից եկամտային հարկ պահվու՞մ է: ԱՁ-ն զբաղվում է ծաղկի վաճառքով:
Կազմակերպությունը իր հաշվին աշխատակիցների համար պայմանագիր է կնքել սպորտային համալիրի հետ
Ani.
Բարև ձեզ, խնդրում եմ ինձ օգնեք հետևյալ հարցում.
Կազմակերպությունը իր հաշվին աշխատակիցների համար պայմանագիր է կնքել սպորտային համալիրի հետ, յուրաքնչյուր աշխատողի համար 15 000 դրամ ներառյալ ԱԱՀ, ինչպես նաև ներկայացման տոմսեր 3 000 դրամ արժողությամբ: Եկամտային հարկի հաշվետվության մեջ ինչպե՞ս պետք է դա արտացոլվի, ո՞ր գումարից պետք է հարկը պահվի` 15 000-ից, թե՞ 19 841-ից, և պե՞տք է դիտարկվի այլ եկամուտ: Կանխավ շնորհակալ եմ:
Արդյո՞ք ԱՁ համար էլ պետք է վճարումներ կատարել
Anna.
Բարև ձեզ: Խնդրում եմ ինձ օգնել: Ես պետ. աշխատող եմ և վճարում եմ պարտադիր կենսաթոշակի համար, նաև Ա/Ձ եմ: Կարո՞ղ եք ասել` Ա/Ձ-ի համար էլ 5 000 պետք է վճարել, թե՞ ոչ: Շնորհակալություն:
ԱՁ-ն ցանկանում է վարսավիրանոց բացել
Տաթև.
Բարև ձեզ:
Ցանկանում եմ բացել վարսավիրանոց, ունեմ մի քանի հարց:
1. Արտոնագրային վճարը, որ օրենքում գրված է 45 000 դրամ՝ եռամսյակային կտրվածքով, դա 1 վարսավիրի համա՞ր է, այսինքն՝ եթե ես ունեմ 3 աշխատող, պետք է վճարեմ 3 * 45 000՞:
2. Եթե վարսավիրանոցս գտնվում է Երևան քաղաքի կենտրոնում, արտոնագրային վճարը մնու՞մ է 45 000 դրամ:
3. Սոց. վճար ես պետք է կատարեմ ամեն ամիս 5 000 դրամ և վե՞րջ: Վարսավիրներիս սոց. վճարը ո՞նց պետք է կատարվի:
4. Կա՞ ինչ-որ դեպք, որ ես պետք է եկամտային հարկ վճարեմ:
5. Եթե ես ԱՁ-ի տերն եմ ու նաև աշխատում եմ իմ վարսավիրանոցում, ինձ է՞լ է պետք գրանցել որպես աշխատող ու վճարել 45 000 դրամ:
Քաղաքացու հետ կնքվել է ծառայությունների մատուցման պայմանագիր
Սիլվա.
Հարգելի հաշվապահներ, գործատուն քաղաքացու հետ կնքել է Ծառայությունների մատուցման պայմանագիր տասնօրյա աշխատանքի դիմաց: Գրանցման հայտում չկան նմանատիպ աշխատանքային հարաբերություններ: Ծառայությունների մատուցման և քաղաքացիաիրավական պայմանագրերը ինչո՞վ են իրարից տարբերվում: Եկամտային հարկ պահվում է գործատուի՞, թե՞ քաղաքացու կողմից: Կանխավ շնորհակալ եմ:
Եկամտային հարկ շրջանառության հարկ վճարող ԱՁ-երի ձեռնարկատիրական գործունեությունից ստացած եկամուտներից
Սոնա.
Բարև ձեզ: Խնդրում եմ օգնեք` եթե ԱՁ-ն հանդիսանում է սոց. վճար կատարող, նա նաև "Եկամտային հարկ շրջանառության հարկ վճարող ԱՁ-երի ձեռնարկատիրական գործունեությունից ստացած եկամուտներից" վճարող է, թե՞ ոչ:
Կա՞ արդյոք հաշվետվության լրացման հրահանգ
Արսինե.
Հարգելի հաշվապահներ, խնդրում եմ օգնեք:
ԱՁ աշխատում է շրջանառության հարկով: Նախորդ տարի ներկայացրել եմ տարեկան եկամուտների պարզեցված հաշվարկ: Սակայն 2014թ-ի համար նախատեսված հաշվետվաձևում, որը 2-3 օր է ինչ տեղադրվել է կայքում, չկան տողեր, որոնք վերաբերում են ձեռնարկատիրական գործունեությանը: Կա՞ արդյոք հաշվետվության լրացման հրահանգ:
Ա/Ձ գործունեություն չի ծավալել, սակայն դադարեցման դիմում չի ներկայացրել
Sargis.
Հարգելի հաշվապահներ, խնդրում եմ պատասխանել հետևյալ հարցերին.
Եթե Ա/Ձ գրանցվել է 2012, գործունեություն չի ծավալել, սակայն գործունեության դադարեցման դիմում չի ներկայացրել (գործունեությունը սկսվել է 2015թ. փետրվարից), ապա այդ դեպքում.
1. արդյո՞ք պետք է լրացնել տարեկան պարզեցված հաշվարկ 2013 և 2014 թթ համար
2. արդյո՞ք պետք է վճարել ամսական 5 000 դրամները, չվճարելու դեպքում նաև տույժերը` հաշվի առնելով, որ հարկվող օբյեկտը զրո է, չկա եկամուտ և հետևաբար եկամտային հարկ լինել չի կարող:
3. 2013թ տարեկան ամփոփ հաշվարկում 5 000 դրամի դաշտ չկա, իսկ 2014թ-ի մեջ կա: Ինչու՞:
4. Եթե գործունեություն չի ծավալվել և որևէ դիմում չի ներկայացվել, ապա ո՞ր հարկն է կիրառվում` ընդհանու՞ր, թե՞ շրջանառության հարկ, և ի՞նչ հարկային պարտավորություններ են առաջանում:
5. Ամփոփելով` ի՞նչ հարկեր (տույժեր) պետք է վճարել 2013, 2014, 2015 թթ համար, բացի հաշվետվություններն ուշացնելու վարչական տույժը:
Շնորհակալություն:
ԱՁ ուշացրել է եկամտային հարկի վճարումը
Հրայր.
Բարև ձեզ:
Նախ, շատ եմ ողջունում Ձեր այս հարց ու պատասխանի մտահաղացումը: Դրանով շատ մարդկանց եք օգնում: Հիմա հարցերը.
1. ԱՁ-ն իր գործունեությունը սկսել է 2015թ. հունվարի 29-ից: Սակայն եկամտային հարկը, այսինքն ամսական ֆիքսված 5 000 դր. ուշացումով է մուծել, ավելի ճշգրիտ մուծումը կատարվել է 2015թ. մարտի 17-ին 5 000 դր. հունվարի համար և 5 000 դր. փետրվար ամսվա համար: Հունվար ամսվա համար ուշացումը կազմեց 25 օր: Խնդրում եմ օգնեք` այս դեպքում ի՞նչ տույժ է կիրառվում և ինչպե՞ս պետք է այն մարվի:
2. ԱՁ-ն պայմանագրով (պայմանագիրը նոտարական գրանցում չունի) տարածք է վարձակալում ամսական 20 000 դր. չափով ֆիզ. անձից: Այս դեպքում ի՞նչ պարտավորություններ են առաջանում և ի՞նչ կարգով են դրանք մարվում:
Կանխավ շնորհակալություն:
Եթե ԱՁ-ն ուշացնում է եկամտային հարկի վճարումը
Nelly.
Բարև ձեզ: Եթե ԱՁ-ն ուշացնում է եկամտային հարկի վճարումը, ապա 5000 - ի նկատմամբ է՞լ է տույժ հաշվարկվում 0.15%-ի չափով: Նախապես շնորհակալություն:
Աշխատավարձի բարձրացման արտացոլում եկամտային հարկի հաշվարկում
Անի.
Ընկերներ, խնդրում եմ օգնել: Աշխատավարձի բարձրացում եմ տվել, հիմա եկամտային հարկի ամսական հաշվետվության մեջ ինչպե՞ս կատարեմ փոփոխությունը: Շնորհակալություն նախապես:
Արդյո՞ք առաջանում է եկամտային հարկի պարտավորություն
Վազգեն.
Հարգելի հաշվապահներ, մոտ 2 տարի առաջ պետ. ռեգիստրում գրանցել եմ Ա/Ձ, ներկայացել եմ ՀՏ և գրանցել գործունեությունս, 6 ամիս հետո ներկայացրել եմ դիմում՝ գործունեությունը ժամանակավոր դադարեցնելու մասին, և այդ պահին բոլոր պարտքերս մարված էին: Հարցս հետևյալն է՝ երբ գործունեությունը ժամանակավորապես դադարեցված է, եկամտային հարկ պե՞տք է վճարեի, թե՞ ոչ: Շնորհակալություն:
Կազմակերպությունը զբաղվում է տաքսի ծառայությամբ
Ռուզան.
Բարև ձեզ: Հարգելի կոլեգաներ, մեր կազմակերպությունը զբաղվում է տաքսի ծառայությամբ: Նոր որոշման շրջանակներում ցանկանում ենք ազատել բոլոր վարորդներին և դառնալ միայն դիսպետչերական ծառայություններ մատուցող ընկերություն, իսկ վարորդները հանդես գան որպես անհատ տաքսու վարորդներ:
Արդյո՞ք ՍՊԸ-ն հարկվելու է միայն շրջանառության 5% հարկով (ԱԱՀ-ի շեմը չենք գերազանցում ), այլ հարկ չենք վճարելու, չէ՞:
Վարորդների հետ կնքելու ենք քաղաքացիաիրավական իրավական պայմանագիր (կամ այլ տեսակի պայմանագիր): Այդ վարորդներից եկամտային հարկ չե՞նք պահելու որպես հարկային գործակալ: Նրանցից ստացված եկամուտը ի՞նչ փաստաթղթով հիմնավորեմ (ՀԴՄ, թե՞ հաշիվ-ապրանքագիր), թե՞ ծառայությունների հանձնման-ընդունման ակտ կազմեմ` ո՞րն է ճիշտ (ըստ եկամտային հարկի մասին օրենքի քաղաքացիաիրավական պայմանագրի դեպքում հարկ պահվու՞մ է, չէ՞): Շատ եմ խնդրում հնարավորինս շուտ արձագանքել: Կանխավ շնորհակալ եմ:
Որքա՞ն գումար պետք է վճարել վարձատուին
Arsine.
Հարգելի հաշվապահներ, խնդրում եմ օգնեք.
ՍՊԸ-ն ֆիզիկական անձի հետ կնքել է տարածքի վարձակալության պայմանագիր ամսական 40 000 դրամով: Եկամտային հարկի ամսական հաշվետվության մեջ լրացվում է 40 000 դրամ և հարկը հաշվարկվում է 10%, այսինքն` 4 000 դրամ:
Հարցս հետևյալն է. Այս պարագայում վարձատուին պետք է վճարեմ 36 000, իսկ 4 000-ը բյուջե, թե՞ 40 000-ը վարձատուին և 4 000 էլ բյուջեին (նշեմ, որ մինչ այս 2-րդ տարբերակով եմ վարվել, բայց ինձ թվում է` սխալվել եմ): Կանխավ շնորհակալություն:
Արդյո՞ք հնարավոր է հարկման դաշտի ընտրություն կատարել
Gevorg.
Բարև ձեզ:
Ես պատրաստվում եմ գրանցվել որպես ԱՁ` կարի ատելյե բացելու համար:
Ինձ պետք է իմանալ, թե ինչ հարկատեսակներ պետք է մուծի ծառայություն տրամադրող ԱՁ-ն:
Որքանով որ տեղյակ եմ` ծառայություն տրամադրող ԱՁ-ն պետք է վճարի ֆիքսված 5 000 դրամ ԱՁ-ի համար և 5% շրջանառության հարկ:
Սակայն, ինչքան գիտեմ, հիմա կա հարկավորման 2 տարբերակ՝ ԱԱՀ-ով և առանց ԱԱՀ:
Կուզենայի հստակ իմանալ այդ երկուսի տարբերությունները:
1. Ծառայությունների տրամադրման դեպքում ինչպե՞ս պետք է հաշվարկել ԱԱՀ-ն:
2. Արդյո՞ք ես կարող եմ ընտրություն կատարել, թե ինչ ձևով հարկվեմ:
Նախապես շնորհակալություն:
Ինչպե՞ս ազատել աշխատողին
GOHAR.
Խնդրում եմ շտապ պատասխանեք:
Աշխատողը մահացել է հունվարի վերջում, հիմա պետք է անձնական գրասենյակի աշխատողներ պատւհանից ազատել աշխատանքից, բայց իր անունը չեմ տեսնում աշխատողների ցուցակում, սակայն երբ ուզում եմ լրացնել եկամտայինի հաշվետվությունը, անունը կա աշխատողների ցուցակում (ես աշխատավարձ և վերջնահաշվարկ պետք է ցույց տամ): Ինչպե՞ս վարվեմ, որևէ մեկիդ մոտ այդպիսի իրավիճակ եղե՞լ է: Կանխավ շնորհակալություն:
Եկամտային հարկի հաշվարկի ներկայացման և վճարման ժամկետներ
Լևոն.
Հնարավո՞ր է ուրաքանչյուր ամիս նախորդ ամսվա եկամտային հարկի մասին հաշվետվությունը հարկային ներակայացնել շուտ (օրինակ ամսվա 15), իսկ բուն վճարումը կատարել ավելի ուշ (օրինակ ամսվա 19):
Արդյո՞ք պետք է հանձնել եկամտային հարկի զրոյական հաշվարկ
Լևոն.
Եթե քաղաքացիրավական պայմանագրի շրջանակներում ֆիզիկական անձի հետ կնքվում է ծառայության մատուցման պայմանագիր երեք ամիս ժամկետով, որով նախատեսվում է ծառայության մատուցման գումարը վճարը պայմանագրի ժամկետի վերջում, այդ դեպքում տվյալ պայմանագրային աշխատակցի համար եկամտային հարկի ամփոփ հաշվարկ ուղարկվու՞մ է ամեն ամիս զրոյական, թե՞ միայն վերջում վճարվելիք վճարի համար է ուղարկվում:
Կազմակերպությունը ձեռք է բերել ապրանք առանց փաստաթղթի
Լևոն.
Հարգելի հաշվապահներ,
կազմակերպությունը (ՍՊԸ), որն աշխատում է շրջանառության հարկով, ձեռք է բերել ապրանք առանց փաստաթղթի: Կնխդրեի ասել հետագա քայլերը: Մասնավորապես` վճարվելիք եկամտային հարկի չափի, ներկայացվելիք հաշվետվության, ինչպես նաև ֆինանսների նախարարի 2014 թվականի թիվ 639 հրամանի համաձայն արդյո՞ք կազմակերպությունը պետք է ներկայացնի հայտարարագիր:
Կանխավ շնորհակալություն:
ԱՁ ի՞նչ տարեկան հաշվետվություն է լրացնելու
Վահե.
Ընկերներ ջան, ես հանդիսանում եմ ԱՁ և 2014թ. գործունեության համար վճարել եմ ֆիքսված եկամտային հարկ (ամսական 5 000 դրամ): Ինձ կարո՞ղ եք օգնել, տարեկան հաշվետվության համար ի՞նչ ձև պետք է լրացնեմ և էլեկտրոնային տարբերակով ու՞ր ուղարկեմ: Կանխավ շնորհակալություն:
Արդյո՞ք ԱՁ կարող է չհաշվարկել եկամտային հարկը
Լիանա.
Եթե ԱՁ հիվանդության կարգ ունի, նա կարո՞ղ է եկամտային հարկի 5 000 դրամը չհաշվարկել և չփոխանցել բյուջե:
ԱՁ զբաղվելու է պահեստամասերի ներմուծմամբ և վաճառքով
Լուսինե.
Խնդրում եմ օգնել ինձ հետևյալ հարցում.
Անձը պետ. ռեգիստրում գրանցվել է որպես անհատ ձեռնարկատեր և ցանկանում է իրականացնել ավտոմեքենաների որոշ մասերի ներմուծում և իրացում: Ի՞նչ հարկատեսակով պետք է աշխատի ԱՁ-ն և որքա՞ն եկամտային հարկ պետք է վճարի յուրաքանչյուր ամիս: Նշեմ նաև, որ ԱՁ-ն չունի աշխատողներ: Շտապ է, խնդրում եմ պատասխանել հնարավորություն դեպքում: Շնորհակալություն:
Կազմակերպությունը ֆիզիկական անձից վարձակալել է տարածք
Արսինե.
Հարգելի հաշվապահներ, խնդրում եմ օգնեք:
Կազմակերպությունը ֆիզիկական անձից վարձակալել է տարածք ամսական 20 000 դրամով: Եկամտային հարկի հաշվետվությամբ ներկայացվում է և հարկը հաշվարկվում է 10 %, այսինքն` 2 000 դրամ:
Հարցս հետևյալն է`
Արդյո՞ք այդ 2 000 դրամը կազմակերպության համար ծախս է, թե՞ այն պահվում է վարձատուից: Այսինքն վարձատուին պետք է վճարվի 18 000, թե՞ հենց 20 000 դրամ
Կանխավ շնորհակալություն:
Ինչպե՞ս է հարկվելու գործունեությունը ԼՂՀ-ում
Ա.Սարուխանյան.
Բարև ձեզ: Ես ապրում եմ Արցախում, սակայն մեր հարկային դաշտերը երևի իրարից շատ չեն տարբերվում: Ոզում հարցնել, թե ՀՀ-ում ինչ հարկային ռեժիմով է հարկվում տեղական չոր կանաչիների փաթեթավորումը ու խանութներին տալը` նրանց կողմից վաճառելու համար: Աշխատում եմ տանը, ուզում եմ գրանցվել որպես ԱՁ, այստեղ ասում են 2 հարկ պետք է վճարվի` ԱԱՀ` 16,67 % և եկամտահարկ 21 %: Կօ՞գնեք պարզաբանել այս հարցը:
ԱՁ ուշացրել է եկամտային հարկի վճարումը
Արուսյակ.
Բարև ձեզ: Կխդրեմ պատասխանել, եթե ուշացրել եմ ԱՁ-ի ամսական 5 000 դրամ եկամտային հարկի վճարը, որը պետք է վճարվի մինչ հաջորդ ամսվա 20-ը, ապա այդ դեպքում ի՞նչ տույժ է հասնում: Կսպասեմ պատասխանի: Շնորհակալություն:
Կազմակերպությունը ֆիզ. անձից ձեռք է բերել ավտոմեքենա
Շուշան.
Բարև ձեզ: Հարցս հետևյալն է. կազմակերպությունը ֆիզ. անձից ձեռք է բերել ավտոմեքենա, ընդ որում այն ֆիզ. անձը, ումից ձեռքբերումը կատարվել է, հանդիսանում է նույն կազմակերպության տնօրենը: Բացի եկամտային հարկի 11%-ից այլ պարտավորություններ առաջանու՞մ են, թե՞ ոչ: Կանխավ շնորհակալություն:
Ինչպե՞ս հաշվարկել նպաստը
Սիլվա.
Հարգելի կոլեգաներ, խնդրում եմ պատասխանել հետևյալ հարցին: Կատարել եմ հղիության և ծննդաբերության նպաստի հաշվարկ, փաթեթը ներկայացրել ՀՏ: Այնուհետև դիմում եմ ներկայացրել սոց. ապահովության պետ. ծառայություն: Գումարը փոխանցվել է գործատուի հաշվեհամարին: Աշխատակիցը ներկայացրել է երկրորդ անաշխատունակության թերթիկը, քանի որ կատարվել է կեսարյան հատում: Նման դեպքում ինչպե՞ս վարվեմ: 26.08.14թ.-13.01.15թ. 1-ին թերթիկի օրերն են` 120 աշխատանքային օրեր, 31.10.14թ.-28.01.15թ. 2-րդ թերթիկի օրերն են` 13 աշխատանքային օրեր: Հարցս հետևյալն է` 13 օրերի համար հաշվարկ կատարեմ և կրկին փաթեթ ներկայացնե՞մ ՀՏ, թե՞ 120 + 13 ամբողջությամբ հաշվարկ կատարեմ, հանեմ վճարված գումարը տարբերությունը տամ աշխատողին: Այս դեպքում ինչպե՞ս լրացնեմ եկամտային հարկի հաշվետվությունը:
Եթե հնարավոր է, շտապ պատասխանեք: Կանխավ շնորհակալ եմ:
Ընկերությունը ֆիզ. անձից ապրանքներ է ձեռքբերել
Arsine.
Հարգելի հաշվապահներ, խնդրում եմ օգնեք:
Ընկերությունը ԱԱՀ վճարող է: Երկկողմանի գնման ակտով՝ նշելով աձնագրային տվյալները, ֆիզիկական անձից ձեռք է բերել ավտոմասեր և փոխանցումով վճարվել է, օրինակ 1 000 000 դրամ, տվյալ անձի հ/հ-ին: Հարցերս հետևյալն են.
1. Եկամտային հարկը 10, թե 11% է հաշվարկվելու
2. Գնման ակտում արժեքը պետք է լինի 1 000 000, թե՞ կախված եկ. հարկի դրույքաչափից պետք է լինի 1 100 000 կամ 1 110 000 դրամ:
3. Այդ եկամտային հարկը կազմակերպության համար ծա՞խս է, թե՞ ոչ
Եկամտային հարկի հաշվարկի լրացման հետ կապված
Սիրանուշ.
Բարև:
Խնդրում եմ պատասխանել հետևյալ հարցիս՝ արդյո՞ք հնարավոր է եկամտային հարկի հաշվետվությունում տարվա մեջ մի թվով ներկայացնել անցած ամիսներին բաց թողնված 015 տողը, թե՞ պետք է ամեն ամսվա ճշտումը տալ առանձին: Շնորհակալություն:
Ա/Ձ-ն քաղաքացիաիրավական պայմանագրով վարձում է մատուցողներ
Harut.
Խնդրում եմ պատասխանել` եթե ժամանակ առ ժամանակ Ա/Ձ-ն քաղաքացիաիրավական պայմանագրով վարձում է մատուցողներ մեկ օրով և վճարում 5 000 դրամ դրա համար, պե՞տք է արդյոք կատարել եկամտային հարկի և սոց. ապ. վճարումներ տվյալ մատուցողի համար: Կանխավ շնորհակալություն:
Ինչպե՞ս լրացնել եկամտային հարկի հաշվարկը
Արմեն.
Բարև ձեզ, հարգելի հաշվապահներ: Շնորհակալ կլինեի, եթե պատասխանեիք` ինչպե՞ս լրացնել եկամտային հարկի հաշվարկի էլեկտրոնային տարբերակը: Աշխատակիցը հուլիսի կեսից օգոստոսի կեսը արձակուրդի մեջ է, հուլիսին վճարվել է արձակուրդային գումարը (արդեն պահումները արված), սակայն հուլիսին հասանելիք գումարը արդեն նշվել է հուլիսի հաշվետվության մեջ, օգոստոսին հասանելիքը հաշվետվության մեջ նշելիս տալիս է հարկի տարբերություն ի սկզբանե պահված հարկից: Ինչպիսի՞ մոտեցում տալ, որ ճիշտ լինի: Աշխատավարձից ավել (կամ պակաս) հարկի տարբերությունը պահել (կամ վճարել) էլեկտրոնային հաշվետվությունը ձեռք չտալ, թե՞ հաշվետվության մեջ պետք է նշել տարբերությունը, եթե ցույց չտամ էլեկտրոնային հաշվետվության մեջ, պարզապես աշխատավարձը վճարելիս հարկերը փոխեմ (ավելացնեմ կամ պակասեցնեմ առաջացած տարբերությունը), ճիշտ կլինի՞ այդպես: Նախապես անչափ շնորհակալ եմ:
Երբ է առաջանում սոց. վճար կատարելու պարտավորություն
ANNA.
Բարև ձեզ: Կարո՞ղ եմ արդյոք հուլիսի ամսական հաշվարկվող սոց. վճարը չկատարել, քանի որ հրաժարվելու դիմում եմ ներկայացրել նույն օրը, ինչ եկամտային հարկի և սոց. վճարի ամսական հաշվետվությունը` 19.08.2014թ, թե՞ դա արդեն օգոստոսի հանար կգործի: Կանխավ շնորհակալություն:
Հաշվետվության ո՞ր ձևն է անհրաժեշտ լրացնել
Anait.
Հարգելի հաշվապահներ,
ո՞վ կարող է օգնել` հուլիս ամսվա համար "ԱՄՓՈՓ ՀԱՇՎԱՐԿ՝ Եկամտային հարկի և պարտադիր կուտակային վճարի ամսական" հարկային հաշվետվության 86 ձևի փոխարեն ո՞ր ձևը անհրաժեշտ է լրացնել: 109 ձևը էլեկտրոնային հաշվետվությունների ցանկում բացակայում է:
Ինչպե՞ս ուղարկել զրոյական հաշվետվություն
Մանե.
Հարգելի հաշվապահներ, խնդրում եմ պատասխանել հարցիս:
Տվյալ ժամանակահատվածի համար ինչպե՞ս ուղարկեմ եկամտային հարկի զրոյական հաշվետվություն, երբ ժամանակաշրջանը ընտրելիս որևէ աշխատող չի բերում, քանի որ նախորդ ամիս բոլորին ազատել եմ աշխատանքից: ՀՏ-ն ասում է, որ վարչական տուգանքներից ազատվելու համար պետք է պարտադիր զրոյական հաշվետվություն ուղարկել:
Նախապես շատ շնորհակալ եմ:
Նպաստի փոխհատուցում
Emma.
Բարև ձեզ: Խնդրում եմ պատասխանեք հետևյալ հարցին. աշխատողի համար հաշվարկվել է ֆիզ. արձակուրդի նպաստ, որից եկամտային հարկ է պահվել: Ընդհանուր աշխատավարձի եկամտային հարկին գումարել եմ բուլետենից պահվող եկամտային հարկը, որից պակասեցրել եմ բուլետենի մաքուր հաշվարկված գումարը և փոխանցել եմ եկամտային հարկ: Ճի՞շտ է, որ ընդհանուր եկամտային հարկից պահում եմ կատարել նպաստի վճարված մաքուր գումարը:
Եկամտային հարկի հաշվարկների ճշգրտումներ
Armine.
Հարգելի հաշվապահներ,
խնդրում եմ պարզաբանել (մանրամասն նկարագրել քայլերը), թե ինչ կարգով պետք է ճշգրտում կատարեմ ձև 86 հաշվետվության մեջ: Բանն այն է, որ մեր կազմակերպության տնօրենի հրահանգով այս տարվա հունվար-մայիս ամիսների համար ներկայացված հաշվետվություններում ինքնաշխատ կերպով հաշվարկվել է կուտակայինը, սակայն մեր ընկերության 1974-ից հետո ծնված քաղաքացիները փաստացի ստացել են իրենց աշխատավարձն ամբողջությամբ: Այսինքն, նրանց համար իրականում, փաստացի կերպով ոչ պահվել, ոչ էլ փոխանցվել են կուտակայինի գումարները: Հիմա իրենք ներկայացրել են դիմումներ, սակայն որևէ կերպ չեմ կարողանում հասկանալ, թե հիմա ինչ պետք է անեմ անցած 5 ամիսների հաշվետվությունների ճշգրտման հետ կապված: Շնորհակալություն:
Արդյո՞ք գնորդ ֆիզ. անձը պետք է եկամտային հարկ վճարի
Ռաֆայել.
Ողջույն, հարգելի հաշվապահներ, ինձ հետաքրքրում է, թե արդյոք պետք է վճարենք, ես կամ վաճառողը, եկամտային հարկ, կամ այլ հարկատեսակ, գույքի առքուվաճառքի գործարքի համար:
Ես Ֆիզ. անձ եմ ու այս ամիս ձեռք եմ բերել թվային ֆոտոխցիկ և 50 X 70 չափսի տպագրված նկար (Գեղամա լեռների բնանկար), այլ ֆիզ.անձից: Երկուսս էլ ՀՀ քաղաքացիներ ենք, գործարքը վավերացրել ենք պայմանագրով, և գործարքի ընդհանուր արժեքը կազմել է 1 000 ԱՄՆ դոլար (410 000 ՀՀ դրամ): Վաճառողը ասում է, որ պետք է ևս 41 000 դրամ վճարեմ` եկամտային հարկի համար, այդպե՞ս է արդյոք: Կանխավ շնորհակալ եմ պատասխանելու համար:
Հաշվետվության ո՞ր ձևը պետք է լրացնել
Yeva.
Հարգելի հաշվապահներ, ո՞վ կարող է ասել` մայիս ամսվա համար "Եկամտային հարկի և կուտակային վճարի ամսական ամփոփ հաշվարկ" հարկային հաշվետվության ո՞ր ձևը պետք է լրացվի` 86, թե 109:
Արդյո՞ք պահվում է եկամտային հարկ արձակման նպաստից
Գայանե.
Բարև ձեզ:
Հարգելի հաշվապահներ, արձակման նպաստից եկամտային հարկ պահվու՞մ է, թե՞ ոչ:
Կանխավ շնորհակալություն:
Աշխատողները ստանում են երկու տարբեր աշխատավարձեր
Վարդուհի.
Բարև ձեզ, հարգելի հաշվապահներ: Մի խնդրի առաջ եմ կանգնել: Հույս ունեմ` կկարողանաք ինձ օգնել: Կազմակերպությունն ունի երկու բանկային հաշիվներ, համատեղությամբ աշխատողներ, որոնք ստանում են երկու տարբեր աշխատավարձեր առկա երկու տարբեր հաշվեհամարներից: Եկամտային հարկը հաշվարկելիս ստացվում է 120 000 դրամը գերազանցող գումար: Օրինակ` մի աշխատավարձը կազմում է 115 000 դր, իսկ երկրորդը` 100 000 դր: Եկամտային հարկ` (215 000 - 120 000) * 26 % + 29 280: Ինչպե՞ս կատարել մաքուր աշխատավարձերի փոխանցումը:
Անհատ ձեռներեցը չունի աշխատող
Գոհար.
Բարև Ձեզ: Հարգելի գործընկերներ, խնդրում եմ պատասխանեք` անհատ ձեռներեցն աշխատում է հենց ինքը, չունի աշխատող: Հետևաբար եռամսյակային եկամտային հարկի հաշվետվության մեջ արդյո՞ք նրան պետք է ներառել, թե՞ ոչ, չնայած, որ աշխատավարձ չի ստանում, և համապատասխան տող էլ չկա: Նույնը վերաբերում է նաև վիճ. վարչության հաշվետվությանը: Եվ երկրորդ հարցս` եթե աշխատողի հետ կնքվել է քաղաքացիաիրավական պայմանագիր, ասենք ապրիլի 10-ին, ապա նրա ընդունման հայտը ե՞րբ պետք է ներկայացնենք:
Արդյո՞ք ԱՁ պետք է վճարի 5 000 դրամ եկամտային հարկ
ANNA.
Կարո՞ղ եք ասել` Ա/Ձ -ն, որի գործունեությունն է ավտոտեխսպասարկումը, ամսական 5 000 դրամ եկամտային հարկ վճարու՞մ է պարտադիր կերպով, թե՞ վճարում է միայն արտոնագրային վճար: Կանխավ շնորհակալություն:
Արդյո՞ք կառաջանա եկամտային հարկի պարտավորություն
astxik.
Հարգելի հաշվապահներ, խնդրում եմ պատասխանեք` եթե աշխատակցին վճարում եմ նվեր ստացված գումար, դրանից պահվու՞մ է եկամտային հարկ, և եթե հնարավոր է` հղում արեք:
Արդյո՞ք տուժանքի գումարից պետք է վճարել եկամտային հարկ
Սուրեն.
ՀՀ Աշխատանքային օրենսգրքի 198 հոդվածի համաձայն աշխատավարձի վճարման կետանցված յուրաքանչյուր օրվա համար աշխատողին վճարում է տուժանք: Արդյո՞ք այդ տուժանքի գումարից պետք է վճարվի եկամտային հարկ:
Ապրանքների ձեռքբերումը հիմնավորված չէ փաստաթղթով
Արման.
Հարգելի հաշվապահներ, ունեմ ձեր խորհրդի կարիքը.
Ըստ "Շրջանառության հարկի մասին" օրենքի 11 հոդվածի 3-րդ կետի շրջանառության հարկով աշխատող իրավաբանական անձինք ազատվում են եկամտային հարկի մասին օրենքի 10-րդ հոդվածի 7-րդ կետով սահմանված պարտավորությունից, այսինքն շուկայից ձեռքբերում կատարելու ժամանակ պարտադիր չէ գնման ակտ կազմելը: Հարցս հետևյալն է` արդյո՞ք ստուգման ժամանակ խնդիր չի առաջանա, եթե ՀԴՄ-ով վաճառված ապրանքներս փաստաթղթով հիմնավորված չեն: Նախօրոք շնորհակալություն:
Արդյո՞ք ԱՁ վճարելու է եկամտային հարկ
Անուշ.
Հարգելի հաշվապահներ, Ա/Ձ-ն, որը աշխատում է արտոնագրային վճարով, բացի տարեկան 60 000 եկամտային հարկից, վճարու՞մ է նաև 24.4% կամ 26% եկամտային հարկ:
Համաձայն ԱՐՏՈՆԱԳՐԱՅԻՆ ՎՃԱՐՆԵՐԻ ՄԱՍԻՆ ՀՀ ՕՐԵՆՔԻ Հոդված 2-ի`
"Արտոնագրային վճարը սույն օրենքով սահմանված չափերով և ժամկետներում սույն օրենքով նախատեսված գործունեություն իրականացնող ֆիզիկական անձի (այդ թվում` անհատ ձեռնարկատիրոջ) համար ավելացված արժեքի հարկին, իսկ իրավաբանական անձի համար շահութահարկին և (կամ) ավելացված արժեքի հարկին (այսուհետ` ԱԱՀ) փոխարինող պետական բյուջե մուծվող պարտադիր և անհատույց վճար է:"
Այստեղ հստակ նշվում է, որ իրավաբանական անձի համար շահութահարկին և ԱԱՀ-ին փոխարինող վճար է, իսկ Ա/Ձ-ի մասով նշվում է, որ փոխարինում է ԱԱՀ-ին:
Անձնական նվազեցման վերաբերյալ
Սոնա.
Շրջանառության հարկով աշխատող ԱՁ-ն տարեկան եկամտային հարկի պարզեցված հաշվարկի (Ձև 98) ընդհանուր ծախսերի մեջ անձնական նվազեցման գումարները կարո՞ղ է ներառել, թե՞ այն ծախս չի համարվում:
Վերջին մեկնաբանություններ