Tag: դրոշմանիշային վճար

Zara.

Բարև ձեզ։ Ունեմ մի քանի հարց ԱՁ-ի 2025թ․ հարկերի և դրանց վճարման վերաբերյալ։ ԱՁ-ն գործելու է շրջանառության հարկի դաշտում, աշխատողներ չի ունենալու։

Հարց 1 - Ճի՞շտ եմ հասկանում, որ վճարելու եմ հետևյալ հարկերը՝ - 5 000 դրամ ամսական շահութահարկ - 5 000 դրամ ամսական սոց․ վճար - 10% եռամսյակային շրջանառության հարկ - դրոշմանիշային վճար՝ տարեկան կտրվածքով: Կա՞ն այլ վճարներ, որոնք մոռացել եմ հաշվի առնել։ Եկամտային հարկը վճարվում է միայն աշխատող ունենալու դեպքում, ճի՞շտ է։

Հարց 2 - հնարավո՞ր է արդյոք ամսական վճարները կուտակել և վճարել միանգամից՝ տարվա վերջում, կամ օրինակ եռամսյակը մեկ։ Եվ եթե այո, դա ինչ-որ հատուկ քայլերո՞վ է արվում, թե պարզապես վճարումը կատարում եմ այդ ժամանակ և վերջ։

Հարց 3 - Ինչպե՞ս եմ կատարում վճարումները։ Արդյո՞ք բոլորը կարող եմ անել պետական վճարումների էլեկտրոնային համակարգով՝ https://www.e-payments.am/hy/ թե՞ պարտադիր է բանկով կատարել։

Հարց 4 - Ո՞ր վճարների համար պետք է հաշվետվություն ներկայացնեմ հարկային ծառայության էլեկտրոնային համակարգում։ Շրջանառության հարկ, շահութահարկ, այսքա՞նը, թե սոց վճարների և դրոշմանիշների համար էլ է պետք հաշվետվություն

Հարց 5 - արդյո՞ք դրոշմանիշային վճարի հաշվարկի սանդղակը այստեղ նշվածն է՝ https://www.arlis.am/documentview.aspx?docid=175713 "հաշվարկման բազա" ասելով հասկանում ենք տարեկան եկամուտների գումա՞րը, թե՞ սա այլ եզր է։

Անչափ շնորհակալ կլինեմ պատասխանների համար։

Խաչիկ․

Ողջույն: Ես գրանցված աշխատող եմ Մեծ Բրիտանիայում, և ստանում եմ աշխատավարձ բանկային փոխանցմամբ ընկերության անունից: Ի՞նչ հաշվետվություններ են անհրաժեշտ ներկայացնել հարկային դաշտում: Եվ քանի՞ տոկոս են կազմելու եկամուտներից պահումները:

Սուրեն․

Բարև ձեզ, ի՞նչ է նշանակում հաշվարկման բազա Ա/Ձ միկրոձեռնարկատիրության դրոշմանիշային վճարի համար, դա եկամու՞տն է, թե՞ ամբողջ շրջանառությունը։ Օրինակ, ես կահույք եմ պատրաստում, որն արժի 450 000 դրամ, ինձ հաճախորդը վճարում է այդքան, բայց իմ եկամուտը 100 000 դրամ է, ես օնլայն ներկայացրել եմ հաշիվ վավերագիր 450 000 դրամ, հիմա դրոշմանիշային վճարը ինչպե՞ս պետք է հաշվեն, ո՞րն է հաշվարկման բազան, խնդրում եմ բացատրեք՝ միգուցե ես պետք է իմ եկամուտը ներկայացնեմ միայն։

Նիկա․

Բարև Ձեզ։ Եթե գինեգործությամբ զբաղվելու համար ընտրել ենք միկրոձեռնարկատիրության դաշտը, բայց դեռ չենք արտադրում գինին, ու հավանաբար վաճառք էլ չի լինի դեռ, տվյալ պարագայում ակցիզային հարկի ու դրոշմանիշային վճարի պարտավորություններ առաջանու՞մ են, թե՞ ոչ։ Ամսական կտրվածքով ի՞նչ հաշվետվություններ է պետք ուղարկել։

Էլեն․

Բարև Ձեզ։ Կազմակերպությունն իր աշխատակիցներին, բացի աշխատավարձի վճարումից, որպես փոխհատուցում տրամադրում է նաև միջազգային շուկայում ցուցակված իր արժեթղթերը, որոնք ժամանակի ընթացքում աշխատակիցները վաճառում են և ստանում եկամուտ։ Արդյո՞ք այդ եկամուտը հարկվում է։ Եթե հարկվում է, ապա այստեղ կիրառում ենք 10% դրույքաչափ, թե՞ դիտարկում որպես աշխատավարձի տարր և հարկում նաև 5% սոց․ վճար և դրոշմանիշային վճար։ Շնորհակալություն։

Տաթև․

Բարև Ձեզ, Ա/Ձ-ն միկրոյով է աշխատում, ուներ 3 ամսվա չվճարված հարկեր, որի համար ծանուցվել է վարչական գնալու համար, ծանուցվելուց 10 օր հետո բոլոր պարտքերը մարվել են, բայց դրոշմանիշյին վճարը արդեն 10 օր է պարտք է ցույց տալիս։ Ի՞նչը կարող է պատճառ լինել, և ի՞նչ պետք է անեմ:

Տաթևիկ․

Հարգելի գործընկերներ, եթե աշխատողը աշխատում է ժամավճարով՝ 1 ժամը 1 000 դրամ (ներառյալ հարկերը), ու՞մից պետք պահվի դրոշմանիշային վճարը։

Էդուարդ․

Ողջույն։ Նորաբաց ՍՊԸ է, գրանցման ամսաթիվ 20.02.24, կանոնադրական կապիտալ 3դր: Միակ հիմնադիրն ու գործադիր տնօրենը ես եմ, տնօրենի աշխատանքային գրանցումը 21.02.24, շաբաթական աշխատաժամանակը 6 ժամ: Գործունեություն և եկամուտ դեռևս չկա: Փետրվարի համար պետք է տամ ինձ 9 օրվա աշխատավարձ, աշխատավարձը պետք է տամ` ՍՊԸ-ին փոխառություն տալով: Օգնեք հասկանալ ողջ գործընթացը:

Հարց 1․ ո՞նց եմ իրականացնելու փոխառությունը
Հարց 2․ ո՞նց և նվազագույնը ինչքա՞ն գումար կարող եմ փոխանցել ինձ որպես աշխատավարձ Հարց 3․ ո՞նց և ե՞րբ եմ կատարելու փոխանցված աշխատավարձի համար հարկերի վճարումը (եկամտային հարկ, սոցիալական վճար և դրոշմանիշային վճար)

Սարգիս․

Բարև ձեզ։ Եթե անձը համարվում է ֆիզ․ անձ, որն ԱՁ չի համարվում, 258 ձևը հանձնում է տարեկան 1 անգամ, աշխատողներ չունի, դրոշմանիշային վճար պե՞տք է վճարի։

Արմինե․

Ողջույն։ Դրոշմանիշային վճարը հաշվարկվում է տարեկա՞ն շրջանառության հիման վրա։ Ինչպե՞ս կարող եմ իմանալ Ա/Ձ ի դրոշմանիշայինի բալանսը, հնարավոր է գերավճար ունեմ։

Միքայել․

Բարև Ձեզ։ Հարցս վերաբերվում է դրոշմանիշային վճարին։ Զինվորս զորացրվել է15.01.2024թ-ին։ Ուզում եմ իմանալ՝ մեզ հասանելի՞ է ետ վերադարձը, շնորհակալություն։

Հայկ․

Բարև Ձեզ: ԱՁ-ն, որը 2023թ. աշխատել է միայն մեկ ամիս և դադարեցրել է գործունեությունը, աշխատող չունի: Ի՞նչ հետևանքներ կառաջանան, եթե դրոշմանիշային 18 000-ը չվճարի: Օրենքով կա՞ սահմանված պատասխանատվություն: Շնորհակալություն։

Ժասմեն․

Ժամավճարով աշխատող դասախոսի դեկտեմբերի աշխատավարձը կազմում է 655 դրամ: Ո՞վ է վճարելու դրոշմանիշային վճարը:

Քրիստինա․

Բարև Ձեզ, ես անհատ ձեռնարկատեր եմ, ունեմ վճարելու 24 000 դրոշմանիշային վճար, սկսել եմ գործունեությունը 2023թ. ապրիլի 1-ից։ Ե՞րբ պետք է վճարել դրոշմանիշային վճարը, ո՞ր հաշվեհամարին։ Օրենքի հղում կուղարկե՞ք:

Նախապես շնորհակալություն:

Հայկ․

Բարև ձեզ: Շրջհարկով աշխատող ԱՁ-ն 2023թ. հունվարի 19-ին ներկայացրել է գործունեությունը դադարեցնելու հայտը: Հանձնվել է միայն 2023թ. 1-ին եռ. շրջհարկի հաշվարկը: Արդյո՞ք 2024թ. պետք է հանձնել 240 և 244 ձևերը: Եվ արդյո՞ք առաջանում է դրոշմանիշային վճար: Շնորհակալություն։

Արարատ․

Բարև ձեզ, հարգելի հաշվապահներ, խնդրում եմ օգնել մի հարցում: Ես ԱՁ չհանդիսացող ֆիզիկական անձ եմ, 258 ձևից բացի ի՞նչ հաշվետվություններ պետք է ներկայացնեմ և ի՞նչ վճարումներ պետք է իրականացնեմ, պե՞տք է արդյոք վճարեմ դրոշմանիշային վճար: Շրջանառությունս 2 մլն դրամ է ընդամենը: Կանխավ շնորհակալ եմ։

Գուրգեն․

Բարև ձեզ։ Որքա՞ն և ե՞րբ պետք է ԱԱՀ դաշտում աշխատող ԱՁ-ն վճարի դրոշմանիշային վճարը: ԱՁ-ն անցյալ ամիս է գրանցվել, որևէ եկամուտ դեռ չի ունեցել:

Ջուլիա․

Բարև Ձեզ։ ԱՁ-ն 2023թ․ մինչև մայիս ամիսը աշխատել է միկրոյի դաշտում, շրջանառությունը՝ 5 միլիոն դրամ, որից հետո անցել է շրջանառության հարկի դաշտ։ Հիմա միկրոձեռնարկատիրության ժամանակահատվածում պետք է վճարի 24 000 դրամ դրոշմանիշ, իսկ շրջանառության հարկի դաշտում աշխատելու համար տարեկան 40 000 շահութահարկ, 40 000 սոցիալական վճար +120 000 էլի՞ դրոշմանիշ։

Արմինե․

Բարև Ձեզ։ Խնդրում եմ օգնել հետևյալ հարցում՝ քաղաքացիաիրավական պայմանագրով վարձատրությունը ինչպե՞ս ձևակերպել ՀԾ-ում։ Որպես գործակալ ինչպե՞ս ձևակերպել դրոշմանիշային վճարը և եկամտային հարկը։ Նախապես շնորհակալություն։

Անի․

Բարև Ձեզ։ Ցանկանում եմ զբաղվել բեռնափոխադրմամբ Հայաստանում և գործել միկրոյի հարկման դաշտում, խնդրում եմ նշել՝ հնարավո՞ր է, թե՞ ոչ, և ի՞նչ նրբություններ կան տվյալ ոլորտում աշխատելիս։

Բեռը գնելու ենք կազմակերպությունից և տեղափոխենք գնորդի հասցե (ֆիզ․ անձ) և վաճառենք։ Անհրաժե՞շտ է արդյոք ՀԴՄ կիրառել, թե՞ կարող ենք հաշվարկային փաստաթղթեր դուրս գրել ֆիզ․ անձանց անուններով։ Եվ միկրոձեռնարկատիրության դաշտում աշխատելու դեպքում բացի դրոշմանիշային վճարի, ուրիշ այլ հարկ կամ պարտադիր վճար առաջանալու՞ է, թե՞ ոչ։

Շնորհակալ եմ շատ։

Ան․

Բարև Ձեզ, հարգելի հաշվապահներ։ Եթե կազմակերպությունը դրոշմանիշային վճարի պարտք ունի, գործատուն ի՞ր միջոցներից պետք է վճարի, թե՞ աշխատողներից հետգանձում անի։

Նարինե․

Հարգելի հաշվապահ,

2022թ հունվար, փետրվար ամիսներին օգտվել եմ դայակ պետության հաշվին ծրագրից։ Ֆիզիկական անձ եմ։ Հաշվետվությունները հանձնելուց հետո (գերավճարով), պատահմամբ իմանում եմ, որ ունեմ 18 000դրամ դրոշմանիշի պարտավորություն։ Հարկայինում ասում են, որ նոր օրենք է։ Ասացեք խնդրում եմ՝ հնարավո՞ր է նման բան։

Կիմա․

Բարև ձեզ։ Հարցս վերաբերվում է դրոշմանիշային վճարին։ Ես աշխատում եմ համատեղությամբ։ Ճի՞շտ է արդյոք, որ մեկ աշխատողից պահվի դրոշմանիշային վճարը, ընդ որում 11 000դրամ։ Կարո՞ղ եմ մի աշխատավայրի գումարը օրենքով հետ պահանջել։ Շնորհակալություն։

Աննա․

Շրջ․ հարկով աշխատող ԱՁ-ն, որի շրջանառությունը կազմել է 6-12 մլն, դրոշմանիշային վճար որքա՞ն պետք է վճարի՝ 102.000 դրա՞մ (խնդրում եմ ուղարկել օրենքից հղում), բայց արդեն մինչև 2024 թվականի ապրիլի 20-ը՞։ Ինչպես նաև՝ եթե ունի գրանցված աշխատակից 104.000 դրամ աշխատավարձով ( պահումները չհանված), ապա ամսական 3000 դրամ և՞ս պետք է վճարել աշխատողի համար որպես դրոշմանիշային վճար։

Մարիամ․

Բարև ձեզ։ Եթե ուցում եմ ԱՁ-ն ժամանակավորապես դադարեցնել (ոչ մի գործունեություն չի ծավալել 3 ամիս), շահութահարկն ու սոցիալական վճարը մինչև դադարեցնելը պետք է վճարեմ, թե՞ կարող եմ հետո, և շրջանառության 0 - ական ուղարկեմ: Մի հարց էլ՝ դրոշմանիշային վճար առաջանու՞մ է այս դեպքում, թե՞ ոչ: Շնորհակալ կլինեմ պատասխանի համար։

Սուսաննա․

Բարև Ձեզ։ ԱՁ-ն ունի գերավճար դրոշմանիշային վճարի մասով։ Ինչպե՞ս ետ ստանամ այդ գումարը։

Վազգեն․

Բարև Ձեզ։ Բավականին մեծ գերավճար ունեմ ԱՁ-իս դրոշմանիշային վճարի համար (տեսնում եմ հաշվետվությունների ներկայացման էլեկտրոնային համակարգում)։ Կցանկանայի իմանալ՝ գանձումը ե՞րբ է կատարվում, որպեսզի իրական գերավճարի չափը հասկանում։ Վճարը կուտակվել է գրանցված երկու աշխատողների և ԱՁ-ի դրոշմանիշային վճարումների համար։

Բարև ձեզ։ Ինչպե՞ս ստուգել դրոշմանիշային ամենամսյա վճարի չափը որպես աշխատող։

Նարե․

Հարգելի հաշվապահներ, եթե աշխատողների աշխատավարձից չի կատարվում դրոշմանիշային վճարի պահում, այլ գործատուն դրոշմանիշային վճարը համապատասխանաբար հաշվարկում և վճարում է իր միջոցների հաշվին` կամովի, արդյո՞ք դա օրենքի խախտում է։

Ռուբ.

Բարև ձեզ, եթե ՍՊԸ-ն ցանկանում է գործունեության ժամանակավոր դադար տալ անորոշ ժամկետով, սակայն ունի ֆիզ․ արձակուրդում գտնվող աշխատակից և պարտավորություն դրոշմանիշային վճարի գծով, ապա կարո՞ղ է ներկայացնել դիմումը թե՞ ոչ, և արդյո՞ք ֆիզ․ արձակուրդում գտնվող աշխատակցի գծով ամեն ամիս պետք է ներկայացվի եկամտային հարկի զրոյական հաշվետվություն, թե՞ ոչ։ Կանխավ շնորհակալություն։

Լուսինե․

Բարև Ձեզ։ ԱՁ-ն աշխատել է որպես միկրոձեռնարկատիրություն, հունիսի 1 ից անցել Է շրջհարկի, գրանցված աշխատակցի աշխատավարձը էղել է 90 000 դրամ ներառյալ հարկերը, կասե՞ք խնդրում եմ՝ հունիս ամսվա աշխատավարձը արդեն հաշվենք մինիմալ 104 000 -ո՞վ։

Ռուզաննա․

Բարի երեկո։ Ա/Ձ-ն (շրջանառության հարկ վճարող) 2019թ. 3 ամիս համարվել է գործող, այնուհետև, դարձյալ ժամանակավոր դադարեցվել է գործունեությունը: Տարվա կտրվածքով եկամուտ չի եղել: Ասեք խնդրում եմ՝ 2019թ. համար 0 շրջանառության դեպքում 12 000 դրամ դրոշմանիշային վճար հաշվարկվելու՞ է:

Ռուզաննա․

Հարգելի հաշվապահներ, ֆիզ. անձը մատուցում է հետևյալ ծառայությունները՝ բանալիների պատրաստում, կոշիկների վերանորոգում և հագուստի վերանորոգում։

1. Այս դեպքում կարո՞ղ է գործունեությունն իրականացնել որպես ֆիզ անձ՝ առանց ԱՁ գրանցելու 2. Արդյո՞ք պարտադիր է ՀԴՄ ունենալ

3. Արդյո՞ք ֆիզ անձը վճարում է տարեկան դրոշմանիշային վճար

Նաև կասե՞ք, թե որն է բանալիների պատրաստման տնտեսական գործունեության դասակարգիչը, և արդյո՞ք այդ գործունեությունը հնարավոր է իրականացնել որպես ֆիզ անձ (առանց ԱՁ բացելու) միկրոհամակարգով։

Վարդան․

Բարև Ձեզ, հարգելի հաշվապահներ։ Խնդրում եմ պատասխանեք հարցիս. միկրոյով աշխատող Ա/Ձ եմ, ունեմ 1 գրանցված աշխատող, որպես աշխատող իր համար վճարում եմ դրոշմանիշային գումար, ասացեք խնդրեմ՝ ես որպես Ա/Ձ ինձ համար էլ պետք է դրոշմանիշային վճար վճարեմ, եթե այո՝ որքա՞ն։

Անուշ․

Բարև ձեզ, կասե՞ք՝ դրոշմանիշային վճարի փոփոխության հետ կապված՝ ի՞նչն է փոխվել հստակ։

Ելենա․

Բարև Ձեզ։ Հարցս վերաբերվում է դրոշմանիշային վճարների մասին օրենքում փոփոխություններին։ Այդ փոփոխությունների համաձայն՝ եթե աշխատողի աշխատավարձը ցածր է նվազագույն աշխատավարձից, դրոշմանիշային վճարը վճարում է արդեն աշխատողը։ Իսկ ինչպե՞ս վարվել այն դեպքում, երբ դասախոսի այդ ամսվա աշխատավարձը կազմում է օրինակ 5000 դրամ։ Նախապես շնորհակալ եմ պատասխանի համար։

Екатерина.

Добрый день. Правильно ли я понимаю, что с апреля гербовый сбор удерживается со всех сотрудников? До этого за сотрудников с зарплаты меньше минимальной платил работодатель. А теперь со всех-всех?

Արթուր․

Բարև Ձեզ։ Ուզում եմ իմանալ՝ ձեզ հետ նման դեպք պատահե՞լ է, ու ի՞նչ եք արել։

2023-ի հունվարի 9-ին ՊԵԿ միասնական հաշիվ 2022-ի չորրորդ եռամսյակի շրջանառության հարկի չափով գումար եմ փոխանցել՝ իմ ԱՁ-ի «2022-ի չորրորդ եռամսյակի հարկային պարտավորություն» նպատակով։ Միասնական հաշվից առաջին հերթին 2022-ի սոցվճարի գանձում է կատարվել, իսկ մնացորդից՝ 2022-ի չորրորդ եռամսյակի շրջանառության հարկի մարում է կատարվել, որը բնականաբար ավելի քիչ է եղել, քան իրական գումարը։

Հիմա ՊԵԿ-ը տուգանել է՝ հարկերը ժամանակին չվճարելու համար։ Այնինչ 2022-ի սոցվճարի, շահութահարկի ու դրոշմանիշային վճարի համար մինչև 2023-ի ապրիլի 20-ը կարող ենք փոխանցել։

Աշոտ․

Եթե ՊՈԱԿ-ի աշխատակցի տղան գտնվում է ժամկետային զինծառայության մեջ, արդյո՞ք պետք է նրանից գանձել դրոշմանիշային վճար, և եթե այո, ապա ո՞ր հոդվածին համապատասխան։

Ռոզա․

Հարգելի գործընկերներ, ԱՁ ունի ԱԱՀ դեբետային գումար, հարցս հետևյալն է՝ կարո՞ղ է այդ գումարից հաշվանցել շահութահարկի և դրոշմանիշային վճարները: 2023թ-ին աշխատում է միկրոյի դաշտում:

Նարինե.

Բարև Ձեզ։ Խնդրում եմ ասեք՝ 2023թ. հաշվետվությունների մեջ ինչքա՞ն պիտի գրվի նվազագույն կեղտոտ աշխատավարձը՝ 100000 դրամ, թե՞ 104000 դրամ։ Այսինքն՝ դրոշմանիշի գումարն էլ պետք է հարկվի, թե՞ ոչ։

Մերի․

Ողջույն, հարգելիներս։ Միկրոձեռնարկատիրական գործունեության իրացման շրջանառությունը հանձնելուց հետո կողմերը չեղարկել են դուրս գրված հաշիվը, ծառայությունները մատուցված չհամարելու հետևանքով նաև ճշտվել է հաշվետվությունը։ Նշեմ, որ դա եղել է կազմակերպության միակ գործարքը, հաշվետվությունը ներկայացնելուց հետո առաջացած դրոշմանիշային վճարը նստել է անհատական հաշվին։ Հարգելիներս, առաջացած դրոշմանիշային վճարի պարտավորությունը ճշտումից հետո ելքագրվու՞մ է, թե՞ ոչ։ Կանխավ շնորհակալ եմ։

Արտավազդ․

Եթե որպես շրջհարկով աշխատող ԱՁ հայտարարություն եմ ներկայացրել, որ աշխատանքները սկսում եմ 21.07.22թ-ից, բայց ծառայություններ եմ մատուցել օգոստոսից սկսած, շահութահարկի և դրոշմանիշային վճարի հաշվարկը հուլիսի՞ց եմ հաշվարկում, թե՞ օգոստոսից։

Ալվարդ Խաչատրյան․

Բարև Ձեզ, խնդրում եմ ասեք՝ զոհված զինծառայողի ծնողից 2022 թվին գանձված դրոշմանիշային վճարը վերադարձնելու համար գործատուն ինչպիսի՞ տեղեկանք պետք է տա աշխատողին ՊԵԿ ներկայացնելու համար, կա՞ արդյոք ձևանմուշ: Շնորհակալություն։

Екатерина.

Добрый день! Подскажите, пожалуйста, правильно ли я понимаю, что если у сотрудника зарплата к начислению 102 000 драма, то гербовый сбор за него платит организация - работодатель в размере 3 000 драм? Так как 102 000 - 20 400 (НДФЛ)-5 100 (соцвзнос) - 3 000 (предполагаемый гербовый)=73 500, что меньше минимальной зарплаты в 75 000 драм?

Վազգեն․

Բարև Ձեզ։ Դրոշմանիշային վճարի դրույքաչափերը 2023-ին չեն փոխվել, չէ՞։ Եվ սոց․ վճար չվճարող աշխատողի նվազագույն կեղտոտ աշխատավարձը կլինի 95 630 դրամ։

Մարի․

Հարգելիներս, նախ շնորհակալություն հարցերին արագ և հստակ պատասխան տալու համար:

Հիմա հարցս` ՍՊԸ-ն համարվում է միկրոձեռնարկատիրության սուբյեկտ, գրանցված է միայն տնօրենը, այլ գրանցված աշխատող չունի, նշեմ նաև, որ գործունեությունը իրականացնում է մարզում, 79.11.0 դասակարգչի տակ է աշխատում, 257 ձևը հանձնել ենք 2023թ․ համար, կարելի է ասել 2022թ․ եկամուտ չի ունեցել, տնօրենի 189 ձևը 0-ական է լրացվել, միայն դեկտեմբերին կատարել է մեկ աշխատանք, որի համար հաշիվ է դուրս գրել, որպես հաշվարկային փաստաթուղթ: Դա է եղել միակ արված գործը:

Հիմա 256 ձևի մեջ այդ դուրս գրված հաշվի թիվը պե՞տք է գրենք։ Նաև խնդրում եմ ասեք՝ ՍՊԸ-ն տարեկան դրոշմանիշային վճար 18 000 վճարու՞մ է, թե՞ ոչ:

Մի բան էլ ավելացնեմ, որ տարածք է վարձակալել, որպես աշխատանքային սենյակ, վարձատու կողմը հաշիվ է դուրս գրել, մենք ամեն ամիս անկախ այն բանից, որ եկամուտ չենք ունեցել, այդ վարձը վճարել ենք:

Սաթեն․

Խնդրում եմ պատասխանեք․

2022-ին ԱՁ-ն (շրջ. հարկ) ունեցել է 13 000 000 իրացում: 2023-ին պե՞տք է վճարի 120 000 դրոշմանիշային վճար 2022-ի համար, թե՞ դա կանխավճար է 2023-ի համար։

Մարի Համբարձումյան․

ԱՁ որտե՞ղ տեսնի՝ ինչքա՞ն է կազմում իր դրոշմանիշային վճարը, ինչպես սոց. վճարը, որ հստակ երևա կոնկրետ թիվ։

Մարգարիտա․

Բարև Ձեզ։ Գործատուն կարո՞ղ է դրոշմանիշային վճարը վճարել իր հաշվին, եթե աշխատողի աշխատավարձը նվազագույնից բարձր է։