Ընկերություն՝ Babayans Accounting Center
Հասցե՝ ք. Երևան, Արաբկիր
Էլ․ փոստ՝ hr@babayans.am
Թափուր աշխատատեղ՝ Հաշվապահական հաշվառման դասավանդող / հաշվապահ
Աշխատանքի նկարագրություն՝

• Babayans Accounting Center-ը աշխատանքի է հրավիրում հաշվապահական հաշվառման դասավանդման մասնագետի։
• Դասերը նախատեսվում են շաբաթական 2 անգամ՝ 1.5-2 ժամով
• Դասավանդման հետ մեկտեղ նաև կա աշխատանքի հնարավորություն հաշվապահական գրասենյակում որպես հաշվապահ։

Պարտականություններ`

• – Հաշվապահական հաշվառման հիմունքների դասավանդում
• – Հարկային և աշխատանքային օրենսդրությունների դասավանդում
• – ՀԾ Հաշվապահ ծրագիրի և էլեկտրոնային համակարգերի դասվանդում

Պահանջներ՝

• Պարտադիր մասնագիտական կրթություն
• Առնվազն 1 տարվա դասավանդման փորձ
• ՀԾ-հաշվապահ ծրագրի գերազանց իմացություն

Այլ նշումներ՝

Աշխատանքային օրեր և ժամեր – կախված դասավանդման գրաֆիկից
Հասցեն՝ ք․ Երևան, Արաբկիր, Նաիրի Զարյան 22ա

Հետաքրքրված անձանց խնդրում ենք ինքնակենսագրականները ուղարկել hr@babayans.am էլեկտրոնային փոստին։

Անուշ․

Բարև ձեզ, հարգելի հաշվապահներ, ինձ մատչելի բացատրող հաշվապահ է պետք օնլայն դասավանդման համար։ Խնդրում եմ տվյալներ գրեք։ Շնորհակալ եմ։

Անի․

Բարև Ձեզ։ Կազմակերպությունը զբաղվելու է դասընթացների կազմակերպմամբ մարքեթինգի ոլորտում։ Ո՞ր հարկման դաշտում կարող է աշխատել։

Մարիամ․

Ողջույն, կասե՞ք, խնդրում եմ, ի՞նչ է հարկավոր IT ուսումնական կենտրոն բացելու համար, որը պետք է գործունեություն ծավալի IT ընկերությանը կից՝ Ընկերության ներսում։ Շնորհակալություն։

Շուշան․

Բարև Ձեզ։ Համակարգչային դասընթաց իրականացնող ԱՁ կարո՞ղ է միկրոձեռնարկատիրության սուբյեկտ հանդիսանալ։ Ուսանողի հետ կնքած պայմանագրից բացի հաշիվ և՞ս պետք է գրվի։ Եվ կարո՞ղ է ՀԴՄ չունենալ։

Շուշան․

Բարև ձեզ, կարո՞ղ եք ասել՝ դասապատրաստման կենտրոնի համար գործունեության տեսակը ի՞նչ նշեմ։

Լիլիթ․

Այլ երկրների բնակիչներին անգլերեն եմ դասավանդում օնլայն պլատֆորմում: Որպես ֆիզիկական անձ միկրոձեռնարկատիրության ոլորտում գործող կարո՞ղ եմ նաև դասավանդել եվրոպական ընկերությունների աշխատակիցներին և հաշիվ-ապրանքագիր ուղարկել։

Մանե․

Բարև Ձեզ։ Ցանկանում եմ բացել լեզվի կենտրոն, որի ընդունելությունը լինելու է 5 տարեկանից, լինելու է շաբաթական 2-3 օր 1.5-2 ժամով անգլերենի ուսուցում։ Հարկայինում գրանցվելու ենք որպես ԱՁ, ունեմ նաև համապատասխան բարձրագույն կրթություն։ Հարց՝ Նախարարությունից ինձ լիցենզիա պե՞տք է։ Եվս մեկ անգամ շեշտեմ, որ սա զարգացման կենտրոն չի, այլ լեզվի կենտրոն 5 տարեկան և բարձր տարիքի անձանց համար։ Նախապես շնորհակալություն։

Շուշան․

Բարև ձեզ։ Հաշվետարը աշխատանքային և հարկային օրենսգիրքը ամբողջությամբ պե՞տք է իմանա։ Եվ որտեղ խորհուրդ կտաք սովորել հաշվետար աշխատելու համար։

Վահագն․

Բարև Ձեզ։ ԱՁ չհանդիսացող ֆիզ. անձը ցանկանում է զբաղվել երեխաներին լեզուների դասավանդմամբ։ Կարո՞ղ է արդյոք դիմել հարկային տեսչություն և ստանալ միկրոձեռնարկատիրության արտոնագիր։ Ընդհանրապես հաշվետվություններ տալու պարտավորություն ունի՞։ Եթե այո՝ ի՞նչ հաշվետվություն։

ՀԴՄ-ի կարիք ունի՞։ Եթե ՀԴՄ չի օգտագործվում, հաշիվ դուրս գրելու պահանջ կա՞։ Եթե չկա պահանջ, հաճախորդի պահանջի դեպքում կարո՞ղ է հաշիվ դուրս գրել, և ամենակարևորը ուսուցման վճարը կարո՞ղ է առձեռն ստանալ, թե՞ պետք է ստանա անկանխիկ եղանակով, բանկային փոխանցմամբ։

Եվ միկրոյի արտոնագիր ֆիզ. անձի տրամադրվում է 1 տարվա՞ համար։ Այսինքն, օրինակ, եթե արտոնագիրը տրամադրվի դեկտեմբերի 18-ին, մինչև ե՞րբ այն ուժի մեջ կլինի։

Տիգրան․

Բարև Ձեզ։ Կարո՞ղ եք ասել՝ ինչպե՞ս բացել կենտրոն, որտեղ կտան եռակցման, փականագործի դասընթացներ, և խնդրում եմ ասել հերթականությունը և անհրաժեշտ փաստաթղթերը։

Եվա․

Բարև Ձեզ, խնդրում եմ ասել՝ եթե ԱՁ-ն (գեղեցկության սրահ), ով աշխատում է միկրոձեռնարկատիրության դաշտում, եթե ունենա աշակերտ կամ ունենա դասընթացներ և տրամադրի սերտիֆիկատ, այս դեպքում անձնագրի հիման վրա հաշիվ գրելն է պարտադիր, թե՞ ՀԴՄ կտրոն կարող ենք տրամդրել։

Եվա․

Բարև Ձեզ, խնդրում եմ ասել՝ եթե ԱՁ-ն (գեղեցկության սրահ), ով աշխատում է միկրոձեռնարկատիրության դաշտում, եթե ունենա աշակերտ կամ ունենա դասընթացներ և տրամադրի սերտիֆիկատ, կարո՞ղ է աշխատել միկրոյի դաշտում։

Սոֆյա․

Հարգելի հաշվապահներ,

1 .Նորաբաց ՍՊԸ-ն շրջ հարկով պետք է աշխատի, անկանխիկ։ Պե՞տք է արդյոք ձեռք բերի դրամարկղային գիրք, եթե 2024թ-ից օնլայն է լինելու:

2. Գործունեությունը նկարչական դասընթաց և նկարներ նկարել վաճառելը քանի՞ % է հարկվելու, գործունեության ծածկագրերը տարբե՞ր պետք է լինեն, թե՞ նույնը:

Շնորհալակություն։

Մանե․

Բարև ձեզ։ Հարցս այսպիսինն է. մասնագիտությամբ բժիշկ եմ, աշխատում եմ պետական բուժ հաստատությունում 0.5 դրույքով։ Իմ ցանկությանբ հաճախում եմ մասնագիտացման դասընթացների, որը տևելու է մեկ տարի։ Իմ և տնօրենի միջև եղել է բանավոր համաձայնություն, որ կարող եմ հաճախել աշխատանքի ըստ իմ հարմարության։ Բայց հաճախ խնդիրներ եմ ունենում փոխտնօրենի հետ։ Ներկայացրել եմ անհրաժեշտ թղթերը՝ մասնագիտացման վայրի և տևողության մասին։ Այժմ ուզում եմ իմանալ՝ ինչպե՞ս անել, որ օրենքով ճիշտ լինի։ Ինձ հասնու՞մ է արդյոք ուսումնական արձակուրդ մեկ տարով, եթե տնօրենի կողմից հատուկ ուղղորդում չի եղել, իսկ իմ մասնագիտացումը ՀՀ-ում է։

Լիանա․

Բարև ձեզ։ Որպես ֆրիլանսեր օնլայն հարթակում օտարերկրացիներին անգլերեն եմ դասավանդում։ Կարո՞ղ եմ գրանցվել որպես միկրոձեռնարկատիրություն։

Լիլիթ․

Բարև ձեզ։ Ցանկանում եմ սովորել ներմուծում և արտահանում ձևակերպել՝ սկսած անհրաժեշտ փաստաթղթերի ցանկից: Որտեղի՞ց սկսեմ, կա՞ն նյութեր հասանելի ներկայացված: Շնորհակալ կլինեմ, եթե ուղղություն ցույց տաք:

Կամ գուցե կա՞ն արդյունավետ դասընթացներ:

Տաթև․

Բարև ձեզ, հարգելի հաշվապահներ: ՍՊԸ-ն նեղ մասնագիտական դասընթաց է իրականացնում, աշխատում է միկրոյի դաշտում : Այս ՍՊԸ-ի տնօրենը, որը հանդիսանում է 19% բաժնետեր, բացել է մեկ այլ ՍՊԸ, որտեղ ևս հանդիսանում է տնօրեն (Նորաբաց ՍՊԸ -ն ներմուծում է անելու Չինաստանից և վաճառք Հայաստանում):

Հարց 1. Նորաբաց ՍՊԸ-ն կարո՞ղ է աշխատել շրջհարկի համակարգում (չգերազանցելով 115մլն.)

Հարց 2․ Այս դեպքում միկրոյով աշխատող ՍՊԸ-ի հետ փոխկապակցված չեն հանդիսանում , ճի՞շտ է:

Հարց 3. Կարո՞ղ է նույն անձը 2 ՍՊԸ-ում էլ հանդիսանալ որպես տնօրեն:

Լիլիթ․

Ես ցանկանում եմ դասնթացներ վարել, և իհարկե ուսանողներին տրամադրել սերտիֆիկատ, կասե՞ք՝ ի՞նչ է պետք, և ո՞նց դիմեմ։

Հարգելի գործընկերներ,
Էդուքս ուսումական կենտրոնում անցկացվում են ամենամսյա դասընթացներ բոլոր հարկատեսակների մասով, ներառյալ փոփոխությունները։

Մանրամասների համար զանգահարել՝ 374-33-77-66-40
Հասցե՝ Պարոնյան 50/3

Բագրատ․

Բարև ձեզ։ Ինձ հետաքրքրում է մի քանի հարց, որոնց կխնդրեմ պատասխանել։

1․ Ես ԵՊՀ շջրանավարտ եմ, ունեմ գիտությունների թեկնածուի կոչում, ըստ այդմ ունեմ մանկավարժական գործունեություն ծավալելու իրավունք։

2․ Ուսումնական կենտրոնը ուղղված է լինելու համակարգչային ծրագրերի ուսուցմանը, կամայական տարիքի մարդկանց համար և կարող է լինել երկլեզու։

3․ Դասընթացները ենթադրվում է անցկացնել առցանց։

4․ Նպատակահարմար եմ համարում տրամադրել վկայական։

Ասացեք խնդրեմ՝ ի՞նչ արտոնագիր պետք է ստանամ, ի՞նչ իրավական կարգավիճակ պետք է ստանամ, արդյոք պատրաստ կլինեք վարել նման կենտրոնի հաշվապահությունը ու ինչ արժեքով։ Ինչպե՞ս են հաշվարկվելու հարկերը այն ժամանակահատվածի համար, երբ ուսանող չի լինելու։ Եթե ես ունեմ այլ աշխատանք ամբողջ դրույքով, դա չի՞ խոչընդոտի դասավանդմանը աշխատանքային օրենսդրության առումով։ Կանխավ շնորհակալ եմ։

Մարիամ․

Բարև ձեզ, ինչպե՞ս պետք է լրացնեմ 256 ձևը: Հիմնարկը կատարում է դերասանի վարպետության դասընթացներ:

Սոֆյա․

Բարև Ձեզ: Հարգելի հաշվապահներ, ասացեք խնդրեմ․ շրջհարկով աշխատող ՍՊԸ-ն բացի իր հիմնական գործունեությունից (փայտի արտադրություն), իրականացնում է նաև լեզվի դասընթացներ և վերջինիս համար դուրս է գրում ծառայության մատուցման հաշիվներ: Եռամսյակային հաշվետվություն ուղարկելուց, ո՞ր տողում պետք է գրել այդ գումարը (այլ գործունեությու՞ն): Եվ ո՞րն է դասընթացների համար դասակարգիչի կոդը: Շնորհակալություն:

Մերի.

Բարև ձեզ։ Անձը ցանկանում է առցանց տարբերակով կրթական հոլովակների ձևաչափով դասընթացներ իրականացնել։ Արդյո՞ք սա համարվում է լիցենզավորման ենթակա գործունեություն։

Բարև ձեզ։ Ծրագրավորման դասընթացները կարո՞ղ է լինել միկրո, և լիցենզավորման ենթակա է, թե՞ ոչ։

Նարեկ․

Հարգելի հաշվապահներ, հարցս հետևյալն է․ կազմակերպությունը նոր է գրանցվել, և զբաղվելու է համակարգչային դասընթացներով, դասակարգիչը՝ P85.59.3, taxservice-ում նշված գործունեության դասակարգիչը ցույց է տալիս որպես լիցենզավորվող ոլորտ, կխնդրեմ հուշել՝ արդյո՞ք անհրաժեշտ է ստանալ լիցենզիա, և եթե այո, ապա ո՞ր պետական մարմին դիմել։

Վաղարշակ.

Ցանկանում եմ ուսումնական կենտրոն բացել պահնորդներին դասընթացներ տալու և վերջում ստուգարքներից հետո տալ համապատասխան որակավորման վկայական։ Այս գործընթացի համար ինձ որպետ Ա/Ձ որևէ մեկից լիցենզի՞ա պետք է ստանամ։

Անուշ.

Բարև Ձեզ։ Որ խնդրեմ կասեք՝ Ա/Ձ-ն, եթե վարսավիրական գործունեությամբ է զբաղվում և աշակերտ է պահում, պետք է դասընթացի ծառայության հաշիվ դուրս գրի, թե՞ ոչ։ Շնորհակալ եմ։

Անահիտ.

Բարև Ձեզ: Հանրային սննդի ոլորտով զբաղվող ընկերությունը դրսից հրավիրում է խոհարարի, որը պետք է երկու ամիս թրեյնինգ անցկացնի, սովորեցնի տվյալ ընկերության աշխատակցին: Հարցս հետևյալն է. տվյալ խոհարարի հետ կապված ծախսերը ինչպե՞ս կարող ենք հարկայինով ցույց տալ։

Տաթև.

Բարև ձեզ:
Կազմակերպությունը մատուցում է դասընթաց: Բանկի հետ պայմանագիր է կնքում, ըստ որի իր ուսանողները հնարավորություն են ունենում ուսման վճարը վճարել ապառիկ տարբերակով:
ՍՊԸ-ն աշխատում է միկրոյի դաշտում և դուրս է գրում ծառայության համար հաշիվ վավերագիր: Հարց. հաշվապահորեն ո՞նց ներկայացնել տվյալ գործառույթը։

Բարև ձեզ: Կազմակերպությունը մարզում զբաղվելու է դասընթացների կազմակերպմամբ մարքեթինգի ոլորտում, դասավանդողները գրանցված աշխատողներ չեն լինելու, այլ ծառայություն են մատուցելու։ Խնդրում եմ կասեք՝ ո՞ր հարկման դաշտում կարող է աշխատել և արդյո՞ք քաղ. իրավով կարող են դասավանդողները գրանցվել որպես կազմակերպության աշխատողներ։

Լիաննա.

Բարև Ձեզ։ Փնտրում եմ գլխավոր հաշվապահ, ում մոտ կկարողանամ անցել հաշվապահական անհատական պրակտիկ դասընթաց։ Նշեմ, որ աշխատում եմ հաշվապահության ոլորտում արդեն 2 տարի, որից 8 ամիսը կադրային ոլորտում։

Արև․

Բարև ձեզ, սիրելի ընկերներ, ինձ բանիմաց ու մատչելի բացատրող հաշվապահ է պետք օնլայն դասավանդման համար։ Խնդրում եմ տվյալներ գրեք։ Շնորհակալ եմ։

Գրիգոր.

Բարև Ձեզ: Միկրոձեռնարկատիրության սուբյեկտ համարվող համակարգչային դասընթացներ իրականացնող ֆիզիկական անձը ո՞ր դեպքում կարող է ՀԴՄ չունենալ: Խնդրում եմ պատասխանելու դեպքում, եթե հնարավոր է, օրենքի հղում ուղարկել: Շնորհակալություն:

Աստղիկ.

Սիրելի հաշվապահներ, որտե՞ղ կարող եմ մասնակցել հարկային օրենսդրության դասընթացների։ Որտեղ նայում եմ, հաշվապահական դասեր են, որոնց մի մասը վերաբերում են հարկայինին, բայց ինձ պետք է կոնկրետ հարկային օրենսդրությունը առավել խորը, քանի որ հաշվապահական դասընթացը արդեն անցել եմ։

Աստղիկ․

Ողջույն բոլորին։
Ես սկսնակ հաշվապահ եմ, կարո՞ղ եք խորհուրդ տալ կազմակերպություն կամ անհատ, որտեղ կամ ում մոտ կարող եմ անցնել դասընաթացներ և պրակտիկ օրինակների վրա ավելի խորը ուսումնասիրել տարբեր ոլորտներին առնչվող հաշվապահական հարցեր, հատկապես հարկային օրենսգիրքը։ Անընդհատ կարդում եմ, բայց հասնում եմ մի կետի, որտեղ պետք է մասնագետի բացատրություն ու ուղղորդում, կանխավ շնորհակալ եմ խորհուրդների և հարցումս տեղադրելու համար։

Շուշան Դարբինյան.

Բարև Ձեզ։ Որտե՞ղ կարող եմ սովորել կադրային գործ՝ 0-ից։ Կանխավ շնորհակալություն:

Լիանա․

Բարև ձեզ, դասապատրաստման կենտրոնը լիցենզավորման ենթակա՞ է, թե ոչ։ Ի՞նչ դասակարգչով պետք է աշխատի։

Էդիկ.

Ինքնուրույն հաշվապահություն սովորելու համար ինձ ի՞նչ գիրք խորհուրդ կտաք։

Արուսյակ.

Բարև ձեզ: Հարցս հետևյալն է. կարո՞ղ եմ արդյոք ինձ մոտ ուսուցանվող աշակերտին տալ սերտիֆիկատ, եթե հանդիսանում եմ միկրոձեռնարկատեր: Եթե այո, ապա ինչպե՞ս կարող եմ ստանալ թույլտվություն: Նշեմ, որ գործունեությունս նկարչական դասընթացներ են:

Վիգեն.

Բարև Ձեզ: Կարո՞ղ է արտերկրի քաղաքացիների հետ օնլայն նեղ մասնագիտական դասընթացներ իրականացնող անձը հաշվառվել որպես միկրոձեռնարկատեր: Կներեք` հավելում հարցին. եթե այո, ապա գործունեության իրականացման վայրը ի՞նչ պետք է նշվի:

Աստղիկ.

Բարև Ձեզ: Ինչպե՞ս է կարգավորվում գործատու-ուսանող համարվող աշխատողի փոխհարաբերությունը։ Խոսքս ոչ միայն քննությունների կամ դրանց պարապելու ժամանակահատվածին է վերաբերում, այլ ուսումնական ընթացքին։ Օրինակ` հեռակա ուսանողի դասերի հաճախման ժամանակահատվածը ինչպե՞ս է կարգավորվում։ Տարբերակներ՝ ուսանողին դրվում է բացակա և չի վճարվում աշխատավարձ, կամ ուսանողի համար արձակվում է ներքին իրավական ակտ և չնայած բացականերին պահպանվում է աշխատավարձը։ Եթե էլի ունեք տարբերակներ` խնդրում եմ նշեք, որն է ճիշտը։ Կանխավ շնորհակալություն:

Մելինե.

Բարև ձեզ։ Եթե ԱՁ-ն ցանկանում է զբաղվել մատնահարդարմամբ, հետագայում նաև վարսավիր ընդունի և մատնահարդարման դասեր անցկացնի: Կարո՞ղ է միկրոյով աշխատել։ Պարտադիր պետք է ՀԴՄ ունենա՞, և եթե տարածքը վարձով է, նա ցույց չի տալիս չէ՞ եկամտայինում և 10% հարկվում։

Անյա.

Բարև Ձեզ: Այսպիսի հարց ունեմ. համալսարանի դասախոսը կարո՞ղ է տեղափոխվել այլ երկիր ապրելու և հեռավար տարբերակով իր դասերն անցկացնել:

Էմիլի.

Բարև ձեզ: Մեկ հարց ունեմ. ինչպե՞ս կարող եմ դասընթացի մասնակցել և որտե՞ղ գնումների մասնագետի որակավորում ստանալու համար, տենդերներին մասնակցելու և աշխատանքի համար: Նախապես շնորհակալ եմ:

Հեղինե.

Ա/Ձ-ն բացել է լեզուների դասավանդման դպրոց։ Խնդրում եմ պատասխանեք. եթե ցանկանում է դասընթացն ավարտելուց հետո ուսանողին տրամադրի վկայական՝ ուսուցման կուրսն անցնելու վերաբերյալ, անհրաժե՞շտ են արդյոք լրացուցիչ գրանցումներ կամ այլ քայլեր կատարելու:

Անի.

Ողջույն բոլորին: Այստեղ ունե՞նք հաշվապահ, ով աուդիտ է իրականացնում և կարող է սովորեցնել:

Ընկերություն՝ Էյ ՍԻ ՍԻ ՍՊԸ
Հասցե՝ ք․ Երևան, Բաղրամյան 75
Հեռախոս՝ 098882944
Էլ․ փոստ՝ info շնիկ acc-accountant.am
Սեմինարի / դասընթացի անվանումը՝ Հաշվապահական հաշվառում սկսնակների համար
Սեմինարի / դասընթացի նկարագրությունը՝ Դասընթացներն իրենց մեջ ներառում են՝
🔹 ընդհանուր հաշվապահության մասին տեղեկություն,
🔹 հարկային և աշխատանքային օրենսգրքերի ուսումնասիրում,
🔹 ՀԾ հաշվապահ և ՀԾ առևտուր/ըստ անհրաժեշտության/ ծրագրերի ուսուցում
🔹E-invoicing և Taxservice.am ծրագրերի համատեղ օգտագործում:
Դասընթացն անցկացվում է խմբակային՝ խմբում 6-8 ուսանող։
Դասընթացի տևողությունը 5 ամիս, շաբաթական 3 օր։
Յուրաքանյուր դասը 1․5 ժամ։
📍Առաջին 3 դասերն անցկացվում են անվճար։
Դասընթացն ավարտած ուսանողները կստանան՝
🔵մեկ տարի պրակտիկ խորհրդատվություն
🔵պրակտիկայի հնարավորություն մեր գրասենյակում
Դասընթացի ավարտին տրվում է վկայական։ 📃
Շտապե՛ք գրանցվել ❗
Մանրամասների համար կարող եք դիմել՝
📧 info շնիկ acc-accountant.am
📞 098 882944
🔷 ք․Երևան, Բաղրամյան 75/17
Արժեքը՝ 25 000
Այլ նշումներ՝ Դասընթացին մասնակցելու համար անհրաժեշտ է նախօրոք գրանցվել առաջիկա դասընթացին։

Աննա.

Բարև Ձեզ: Կա՞ն հաշվապահներ, ովքեր անհատական հաշվապահական դասընթացներ են անցկացնում:

Դավիթ.

Բարև Ձեզ: Պատրաստվում եմ ստեղծել կազմակերպություն, որը կաշխատի օնլայն 2 տարբեր ուղղություններով և 2 վեբ կայքերով: Առաջինը՝ լեզվի ուսուցման դասընթաց, երկրորդը՝ օնլայն քարտուղարի ծառայություն: Հարցս հետևյալն է. արդյոք հնարավո՞ր կլինի 2 տարբեր գործունեություն իրականցնել մեկ ՍՊԸ-ի միջոցով և գործել շրջանառության հարկի կամ այլ պարզեցված հարկման տարբերակով: Վարձու աշխատողներ հետագայում նախատեսվում են: Կանխավ շնորհակալ եմ: