Tag: գովազդ

Արփի․

Խնդրում եմ պատասխանեք հարցիս: Եթե ՀՀ կազմակերպությունը, որը հանդիսանում է շրջանառության հարկ վճարող, ՌԴ-ից ձեռք է բերում գովազդային ծառայություններ, այդ գովազդը իրականացվում է ՌԴ-ում, արդյո՞ք այս դեպքում առաջանում է ոչ ռեզիդենտի շահութահարկ:

Անի․

Բարև, հարգելի հաշվապահներ։ Խնդրում եմ օգնել հետևյալ հարցում. գովազդով զբաղվող ԱՁ-ն կարո՞ղ է արդյոք աշխատել միկրոյի դաշտում: Շնորհակալ եմ նախապես։

Վարազդատ․

Հարգելի հաշվապահներ, ՍՊԸ-ն մատուցում է գովազդային ծառայություններ, կնքում է ծառայությունների մատուցման պայմանագիր: Արդյո՞ք անհրաժեշտ է ՀԴՄ-ով աշխատել:

Լյուդմիլա. Բարի երեկո։ Խնդրում եմ մեկնաբանեք. կազմակերպության աշխատակիցը առցանց վճարում է կատարել իր անձնական գումարներից կազմակերպության գովազդի համար։ Հիմա պետք է այդ գումարը փոխհատուցել։ Ինչպե՞ս կարող եմ դա անել, իրավունք ունե՞մ արդյոք կազմակերպության հաշվեհամարից փոխանցել աշխատակցի քարտին նպատակը գրելով՝ ֆեյսբուքի գովազդի փոխհատուցում։

Անահիտ. Բարև Ձեզ։ Հանրային սննդի գործունեություն իրականացնող կազմակերպությունը շրջանառության հարկից կարո՞ղ է նվազեցնել՝ 1.ՀԴՄ ամսական սպասարկման գումարը, 2.սփռոցների վարձույթ, լվացք, արդուկի գումարը, 3.հանրային սննդի և ոգելից խմիչքի վաճառքի թույլտվության, արտաքին գովազդի վճարները, 4. SMM-ի համար ստացված հաշվի և ֆեյսբուքին գովազդի համար վճարված գումարները: Նախապես շնորհակալություն:

Կարեն. Բարև Ձեզ։ Ֆեյսբուքի գովազդները այսուհետ հարկվում են՝ ինչու՞ են գովազդատուները հարկվում, եթե փաստացի դա ծախս է համարվում, այլ ոչ թե եկամուտ, թե՞ դա Ֆեյսբուքն է հարկում և մեզանից է ստանում գումարը։ ՍՊԸ բացելու համար հարկավո՞ր է առանձին հասցե, թե՞ կարող է նաև բնակության հասցեն լինել։ Կխնդրեմ ասեք՝ թե ինչքա՚՞ն են ֆիքսված տարեկան վճարները։ Շնորհակալություն։

Վարդուհի. Բարև ձեզ, հարգելի հաշվապահներ: Էլեկտրոնային ծառայությունների հետ կապված խնդրում եմ օրենքի հղում անել: Կազմակերպությունն (բուժ հաստատություն) աշխատում է շրջհարկով, ունի ֆեյսբուքյան էջ, որով զբաղվում է տնօրենը (տեղադրում նկարներ, հարցերին պատասխանում)։ Ի՞նչ հարկ է առաջանում այս դեպքում։

Լիլիթ. Բարև Ձեզ: Ա/Ձ զբաղվելու է արտաքին գովազդով, գրանցելուց գործունեության տեսակը նշվել է՝ 73.11.0 Գովազդային գործակալություններ: Կասեք՝ դա ճի՞շտ է և որևիցէ լիցենզիա պետք է այս պարագայում:

Նարինե. Գովազդային կազմակերպությունը մատուցում է ծառայություն օտարերկրյա իրավաբանական անձին (ծառայությունը մատուցվում է ՀՀ-ից դուրս): Արդյո՞ք այս գործարքը համարվում է ԱԱՀ-ի զրոյական դրույքաչափով հարկվող։Առաջանո՞ւմ է միայն շահութահարկ։

Ռիտա․ Բարև Ձեզ: Ֆեյսբուքյան էջում գովազդ տեղադրելիս առաջանու՞մ է ոչ ռեզիդենտի շահութահարկ։ Եվ ծախսը ինչպե՞ս կարելի է հիմնավորել։

Արմեն. Բարև ձեզ: Շատերս ցանկանում ենք իմանալ` եթե կազմակերպությունը իր ֆիրմային անվանումը փակցնում է իր գործունեության վայրի ճակատային մասում և եթե դա համարվում է գովազդ, ապա տուրքի ո՞ր դրույքաչափով պետք է վճարվի, որպես այլ արտաքին գովազդի համար սահմանված լրիվ դրույքաչափո՞վ, թե՞ որպես սեփական կազմակերպության գովազդի համար սահմանվածով, այն է` այլ արտաքին գովազդի դրույքաչափի 10%-ի չափո՞վ: Կանխավ շնորհակալ ենք:

Սարգիս. Բարև ձեզ։ Ա/Ձ-ն լրատվական կայք է հիմնադրել, որտեղ գովազդի տեղադրումից ստացած շահույթն ամսական չի գերազանցում 1 000 000 դրամը: Վարձու աշխատող չունի։ Խնդրում եմ ասել, թե ի՞նչ հարկատեսակով է հարկվելու այդ բիզնեսը և հարկային ի՞նչ հաշվետվություններ պետք է ներկայացնի։

Նանո. Բարև Ձեզ, խնդրում եմ օգնեք. ԱԱՀ-ով աշխատող կազմակերպությունը գովազդային ծախսեր է կատարել, կասե՞ք` ինչ հարկ է գոյանալու այս պարագայում, և արդյո՞ք հնարավոր է հաշվանցել ԱԱՀ-ն ամբողջությամբ:

Բարև Ձեզ: Թույլատրված է արդյո՞ք տարբեր ՍՊԸ-ների (փոխկապակցված) անձանց խումբ կազմելը (գովազդային նպատակներով) առանց գրանցման:

Բենիամին. Բարև Ձեզ: Ցանկանում եմ լրացնել 209 ձևը. Հաշվարկ՝ ոչ ռեզիդենտին վճարված շահութահարկի գումարի մասին: Կասեք խնդրեմ Facebook-ի և Google-ի ծախսերը, որ կոդերի տակ լրացնեմ: Եթե հնարավոր է` նաև հղում տվեք օրենքին: Շնորհակալ եմ:

Սոնա. ԱԱՀ վճարող ընկերությունը վճարել է Facebook - ին գովազդի համար: Ի՞նչ գործողություններ պետք է կատարվեն:

Անի. Բարև Ձեզ: Մի հարց ունեմ, կարո՞ղ եք օգնել: Եթե գյուղացին ծրագրի է մասնակցում, որի մասնակցության համար վճարում է, ինչպես նաև եկամուտ է ստանում: Եվ ծրագրի մասնակցության համար կազմակերպությունը ցանկանում է ցուցանակ կպցնել նրա դռան վրա: Արդյո՞ք դա համարվում է գովազդ, արդյո՞ք պետք է հարկեր վճարել և ո՞վ է հարկ վճարողը` կազմակերպությունը, թե՞ գյուղացին: Եվ դա բոլոր գյուղական համայնքներին է վերաբերու՞մ: Կանխավ շնորհակալություն:

Անի․ Բարև ձեզ: Խնդրում եմ պատախանել՝ արտաքին գովազդի պատրաստմամբ և տեղադրմամբ զբաղվող ԱՁ-ն կարո՞ղ է համարվել միկրոձեռնարկատիրության սուբյեկտ։ Որպես գործունեության դասիչ վերցվում է 50 % պլաստմասե իրերի արտադրություն և 50 % այլ ծառայություն, որի մեջ մտնում է պաստառների տպագրություն, գունավոր տպագրություն և այլն։

Վազգեն. Բարև ձեզ: Ես ուզում եմ List.am-ի նման կամ Ֆեյսբուքի #գործկա խմբի նման գործունեությամբ զբաղվել: Այսինքն՝ կազմակերպությունների հայտարարությունը տեղադրել սոց. ցանցի խմբիս մեջ, եթե թափուր աշխատատեղ ունեն: Դրա համար վճարելու են ինձ ամեն հայտարարության համար: Կարո՞ղ եմ ԱՁ բացել, և ի՞նչ գործունեություն նշեմ, որ զբաղվում եմ, ու հարկեր, ինչպես հասկացա, 5 % շրջանառությունի՞ց եմ տալու միայն:

Արմեն. Բարև ձեզ: Խանութի անվանումը, որը փակցված է խանութի պատին, արդյո՞ք համարվում է արտաքին գովազդ:

Մարի. Բարև ձեզ: Օնլայն գործունեություն ծավալելու (ֆեյսբուքյան էջ, կայք) և որևէ ծառայություն գովազդելու և առաջարկելու համար լիցենզիա հարկավո՞ր է, թե՞ ոչ: Անվանումը ինչ-որ տեղ պե՞տք է գրանցվի, թե՞ ոչ: Նախապես շնորհակալություն:

Սիմա. Անհատ ձեռնարկատերը կարո՞ղ է ունենալ արտաքին գովազդ, ո՞ր պետական մարմինն է զբաղվում դրանով, և որո՞նք կարող են լինել գովազդի արգելքները:

Արմեն. Կազմակերպությունը գովազդում է իր գործունեությունը Facebook սոցիալական ցանցի միջոցով: Paypal վճարման համակարգը էլեկտրոնային փաստաթուղթ է ուղարկում էլեկտրոնային փոստի հասցեին վճարման ընդունման վերաբերյալ: Հարց` արդյո՞ք այդ փաստաթուղթը բավարար է ծախսը հիմնավորելու համար:

Աննա. Հարգելի կոլեգաներ, խնդրում եմ օգնել մի հարցում: Կազմակերպությունը իրականացնում է առևտուր և կատարում է գովազդային ծախսեր ՀՀ-ում և նրա սահմաններից դուրս: Նվազեցումներ նորմաների սահմաններում միայն ՀՀ տարածքից դուրս գովազդի սահմանաչափը` համախառն եկամտի 3%, իսկ ՀՀ-ում արդյո՞ք կա սահմանաչափ:

Զառա. Խնդրում եմ ուղարկել գովազդային ծառայություն մատուցելու պայմանագրի նմուշ, եթե հնարավոր է: