Արմեն․

Հարգելի հաշվապահներ, խնդրեմ մի քանի հարցով խորհուրդ տաք լոգիստիկ ծառայություններ մատուցող ընկերության հաշվապահության վերաբերյալ (Ռուսաստանից բեռնափոխադրում դեպի Հայաստան):

1) Միկրո/շրջհարկ կարո՞ղ է աշխատել, թե՞ միայն ԱԱՀ

2) Եթե կազմակերպության սեփականության իրավունքով բեռնատարներ չունի, և վարձով էլ չի վերձնում, այլ Ռուսաստանի բեռնափոխադրող ընկերության հետ կամ անհատ վարորդի հետ է պայմանավորվում(իրենց մեքենայով), որ իրենք ՌԴ-ից ապրանքը բարձեն և բերեն Հայաստան, արդյո՞ք էս իրավիճակում մենք համարվում ենք միջնորդական ծառայություն մատուցած, թե՞ համարվում է, որ բեռնափոխադրումը մեր կազմակերպությունը կատարեց, այսինքն եթե բեռնափոխադրման հաշիվ դուրս գրենք ԱԱՀ-ով աշխատելու դեպքում, գործարքը կլինի ԱԱՀ-ից ազատված:

3) Եթե ՌԴ կազմակերպություն է մատուցում մեզ բեռնափոխադրման ծառայությունը, և ունենք իրենց ռեզիդենտության տեղեկանք (ՌԴ-ի), ապա ոչ ռեզիդենտի շահութահարկ չի առաջանում այո՞, բայց ինքնահաշիվ պե՞տք է գրել։ Եվ եթե դրսի գործընկերը ոչ թե կազմակերպություն/ԱՁ է, այլ ֆիզ անձ իր մեքենայով, էս դեպքում իրեն վճարումը և գործարքի փաստաթղթավորումները և առաջացող հարկերը ինչպե՞ս են կազմակերպվում:

Նախապես շնորհակալություն Ձեր տրամադրած ժամանակի համար:

Նոնա․

Խնդրում եմ պատասխանել: Կազմակերպությունը իրականացնում է բեռնափոխադրման կազմակերպման ծառայություններ, գործում է հարկման ընդհանուր համակարգում: Ծառայություն մատուցելիս հաճախորդի մեղքով առաջացել են որոշակի ծախսեր, որի համար բացի հիմնական ծառայության մատուցումից, որը ԱԱՀ-ով հարկվող է, հարկային հաշվի մեջ առանձին տողով նշվում է վնասի փոխհատուցում: Արդյո՞ք այն համարվում է ԱԱՀ-ի հարկման օբյեկտ:

Ռուզաննա․

Բարև Ձեզ: ՀՀ-ում միջմարզային բեռնափոխադրում իրականացնող ընկերությունը կարո՞ղ է աշխատել շրջանառության հարկով կամ միկրոհամակարգով:

Անի․

Ողջույն հարգելիներս։ Խնդրում եմ օգնեք։ Երրորդ երկրից կատարվել է ներմուծում ըստ դեկլարացիայի 12․07․2024թ․։ Դրսի, ոչ ռեզիդենտ բեռնափոխադրողը մեզ տրամադրել բեռնափոխադրման ինվոյս 25․06․2024թ․։ Խնդրում եմ՝ կարո՞ղ եք կասել, ինքնարժեքի մեջ բեռնափոխադրումը ներառելուց պետք է դիտարկեմ ինվոյսի օրվա կուրսը (25.06.2024), թե՞ դեկլարացիայի օրվա կուրսը (12.07.2024թ․)։ Խնդրում եմ կնշեք օրենսգրքից հոդված։

Եթե ընկերությունը ԵՏՄ երկրներից ներմուծում է ապրանք, և հաշվի մեջ գրված է նաև բեռնափոխադրում առանձին տողով, այդ դեպքում ԵՏՄ գործարքներում պետք է գրվի միայն ապրանքի արժեքը, թե՞ ավելացրած բեռնափոխադրման արժեքը, որը տվյալ դեպքում կհարկվի 20%-ով։

Գայանե․

Բարև ձեզ, խնդրում եմ օգնել ինձ հետևյալ հարցում. Կարո՞ ղ է արդյոք սեփական մեքենայով բեռնափոխադրում իրականացնող ԱՁ-ն այլ երկրում ձեռքբերված վառելիքը ծախսագրել, եթե այո, ապա ի՞նչ հիմնավորմամբ։ Նախապես շնորհակալ եմ։

Անի․

Բարև Ձեզ։ ԱՁ-ն աշխատում է միկրոձեռնարկատիրության համակարգում և իրականացնում է բեռնափոխադրումներ: Արդյո՞ք կարող է Ծառայությունների մատուցման, աշխատանքների կատարման հաշիվ վավերագիր դուրս գրել նախորդ տարով: Կանխավ շնորհակալություն:

Սերգեյ․

Բարև ձեզ։ Ես ԱՁ եմ, աշխատում եմ միկրոյով, երրորդ երկրից ներմուծման պատվեր ունեմ (գրանտային ծրագրով)։ Ազատված եմ ԱԱՀ և մաքսայինից։
Հարց.
1. Ներմուծման ծախս եմ հաշվելու սարքավորումների արժեքը և բեռնափոխադրման վճարը, իսկ մնացածի համար վճարում եմ 18%՞
2. եթե ուզում եմ մարդ վարձել, որ գնա արտասահման ու ստուգի սարքավորումների սարքինությունը և հետևի բարձման գործընթացին, ապա կարո՞ղ եմ դա ծախս ներկայացնել։ Եթե այո, ապա թղթաբանորեն ինչպե՞ս ձևակերպել

Կանխավ շնորհակալություն։

Արման․

Ա/Ձ-եմ, աշխատում եմ շրջանառության հարկով, մատուցում եմ ծառայություն իմ անձնական բեռնատարով։ Շրջանառության հարկի հաշվետվության մեջ նշում եմ այլ գործունեություններ տողի դիմաց և վճարում 5 տոկոս շրջանառությունից հարկ։

ՀԱՐՑ․ Շրջանառության հարկի հաշվետվության ո՞ր տող դիմաց պետք է ցույց տամ իմ ծախսային մասը, քանի որ մի տարածքից մյուս տարածք բեռը տեղափոխելիս ծախսվում է մեծ քանակությամբ դիզելային վառելիք։

Նախապես շնորհակալություն։

Անի․

Բարև Ձեզ։ Ցանկանում եմ զբաղվել բեռնափոխադրմամբ Հայաստանում և գործել միկրոյի հարկման դաշտում, խնդրում եմ նշել՝ հնարավո՞ր է, թե՞ ոչ, և ի՞նչ նրբություններ կան տվյալ ոլորտում աշխատելիս։

Բեռը գնելու ենք կազմակերպությունից և տեղափոխենք գնորդի հասցե (ֆիզ․ անձ) և վաճառենք։ Անհրաժե՞շտ է արդյոք ՀԴՄ կիրառել, թե՞ կարող ենք հաշվարկային փաստաթղթեր դուրս գրել ֆիզ․ անձանց անուններով։ Եվ միկրոձեռնարկատիրության դաշտում աշխատելու դեպքում բացի դրոշմանիշային վճարի, ուրիշ այլ հարկ կամ պարտադիր վճար առաջանալու՞ է, թե՞ ոչ։

Շնորհակալ եմ շատ։

Արամ․

Բարև Ձեզ։ Արդյո՞ք կարելի է նույն ապրանքների մատակարարման հարկային հաշվում առանձին տողով գրել նաև այդ ապրանքների համար բեռնափոխադրման ծառայության արժեքը։

Կարեն․

Բարև Ձեզ։ ՍՊԸ-ն նոյեմբերի 5-ին ներմուծում է կատարել, որի դիմաց տրանսպորտային կազմակերպությունը հաշիվ է գրել 2 000 ԱՄՆ դոլլարի չափով։ Ինվոյսը տրանսպորտային կազմակերպությունը գրել է նոյեմբերի 8-ին։ Այս դեպքում պե՞տք է նոյեմբերի 8-ի ԿԲ-ի կուրսը հիմք վերցնենք գործարքը դրամի վերածելու համար։

Սեդա․

Բարև Ձեզ։ Ապրանք ներմուծելիս տեղական բեռնափոխադրողը հաշիվը գրում է 2 տողով՝ մինչև ՀՀ սահման և ՀՀ սահման – ք․ Երևան։ Հարցս հետևյալն է՝ ինչու՞ է տարանջատվում:

Անի․

Բարև ձեզ, հարգելի մասնագետներ։ Խնդրում եմ հուշեք, թե ինչ հարկ պետք է վճարի հայաստանյան ռեզիդենտ կազմակերպությունը, որը բեռ է տեղափոխել Գերմանիայից Հայաստան: Ի նկատի ունեմ տարածքային տարբերությունը։

Արմինե․

Բարև ձեզ։ Եթե վարորդը զբաղվում է միջազգային բեռնափոխադրումներով, կարելի՞ է արդյոք պայմանագրում նշել, որ նրա աշխատանքային գրաֆիկը ոչ նորմավորված է: Եվ այդ դեպքում աշխատաժամանակի հաշվարկի թերթիկում ինչպե՞ս հաշվարկել նրա աշխատաժամանակը: Շնորհակալություն։

Գոհար․

Բարև Ձեզ։

ՀՀ տարածքում բեռնափոխադրում կատարելու համար հարկային ո՞ր դասակարգչով պետք է գրանցվեմ։

Արթուր.

Բարև ձեզ։ Բեռնափոխադրումը իրականացրել են Թուրքական և Վրացական ընկերությունները, արդյո՞ք ես իրենց համար պարտավոր եմ վճարել ոչ ռեզիդենտի շահութահարկ։

Նառա․

Բարև Ձեզ։ Ա/Ձ-ն բեռնափոխադրում է իրականացնում, միկրոյից դառնալու է շրջհարկ վճարող։

1․ Ե՞րբ պետք է ներկայացնի հայտարարությունը շրջհարկ վճարողի

2․ Ծառայությունը կազմել է մայիս ամսվա համար 275 000 դրամ, ի՞նչ վճարումներ կան տվյալ գումարից

Լուսինե․

ԱԱՀ-ով աշխատող ԱՁ-ն ներմուծում է ապրանք ՌԴ-ից։ Բեռնափոխադրումը կատարում է Ռուսական ընկերություն։ Այս դեպքում ոչ ռեզիդենտի շահութահարկ վճարվու՞մ է։

Ի՞նչ է Ինկոտերմս – ը

Ինկոտերմս – ը կանոններ են, որոնք ապահովում են արտաքին առևտրի ոլորտում լայնորեն օգտագործվող առևտրային տերմինների միանշանակ մեկնաբանությունը և վերաբերում են առաջին հերթին ֆրանկոյին՝ վաճառողից գնորդին պատասխանատվության անցման վայրին։

Առաջին Ինկոտերմսը հրապարակվել է 1936թ.-ին, իսկ ներկա պահին գործում է Ինկոտերմս 2020 – ը։

Որո՞նք են Ինկոտերմս տերմիններով կարգավորվող հիմնական սկզբունքները

Ինկոտերմս տերմիններով կարգավորվող հիմնական սկզբունքներն են.

Գոհար․

Բարև Ձեզ։ ԵՏՄ-ից ներմուծվել են հիմնական միջոցներ, որոնց տեղափոխումը իրականացրել է բեռնափոխադրող ընկերությունը: Ներկայացված ներմուծման հարկային հայտարարագրի համաձայն կատարվել է ԱԱՀ-ի վճարում: Ի՞նչ հաշվապահական ձևակերպումներ են տրվելու հիմնական միջոցների ձեռք բերման, ԱԱՀ-ի հաշվարկման և վճարման, բեռնափոխադման ծառայության դիմաց վճարման համար: ՍՊԸ-ն ԱԱՀ վճարող է:

Անահիտ․

Բարև բոլորիդ։ Խնդրում եմ պատասխանել․ Երևան քաղաքում և Հայաստանի տարածքում բեռնափոխադրում իրականացնող Ա/Ձ-ն կարո՞ղ է աշխատել միկրոյով։ Շնորհակալություն սպասվելիք պատասխանների համար։

Ռաֆայել․

Ի՞նչ է անհրաժեշտ սուրհանդակային ծառայություն մատուցելու համար (միջազգային բեռնափոխադրումներ կատարելու համար):

Ռուբեն․

Բարև ձեզ: Կազմակերպությունը ներմուծել է հիմնական միջոց՝ ավտոմեքենա: Բեռնափոխադրման ծախսի գումարը պե՞տք է ներառել ինքնարժեքի մեջ և մաշվածքը հաշվել հանրագումարից։

Նարին․

ՍՊԸ-ն աշխատում է շրջհարկով և զբաղվում է շինարարությամբ։ Կազմակերպությունը ուզում է ձեռք բերել Ֆորդ մակնիշի բեռնատար մեքենա՝ բեռնափոխադրումները իրականացնելու համար։ Ի՞նչ քայլեր պետք է արվեն։

Ինչպե՞ս է վաճառվելու հետագայում, ի՞նչ ծախսագրումներ է հնարավոր անել, ի՞նչ ծախսեր և հարկեր են գոյանում կազմակերպության համար։

Ռոման․

Բարև ձեզ, հարգելի հաշվապահներ: Կազմակերպությունը ԵԱՏՄ-ից ներմուծել է ապրանք: 500 հատ մեքենայի շարժիչային յուղ: Հաշիվ ապրանքագրի մեջ ապրանքը նշված է հատով, իսկ դեկլարացիայի մեջ նշված է կգ-ով:

Հարց 1. ապրանքի ինքնարժեք հաշվարկելիս պետք է ամբողջ բեռնափոխադրման թիվը բաժանել ամբողջ քանակի, այսինքն՝ հատ, թե՞ ամբողջ քաշի, եթե քաշի, ապա նետտո՞, թե՞ բրուտտո

Հարց 2․ Մաքսային վիճ հաշվետվության մեջ լրացուցիչ միավոր դաշտում ի՞նչ թիվ պետք է գրել և մաքսային վիճակագրական արժեք դաշտում ի՞նչ թիվ գրել:

Հարց 3․ Ներմուծման հարկային հայտարարագիրը պետք է հատո՞վ, թե՞ կգով լրացնել։

Մանե․

Բարև ձեզ: Շրջհարկով աշխատող միջնորդ կազմակերպության համար ռուսաստանյան ոչ ռեզիդենտ կազմակերպությունը մատուցել է ծառայություն՝ բեռը հասցնելով ՀՀ սահման: Առկա է թղթային հաշիվ ոչ ռեզիդենտի կողմից: Ինչպե՞ս պետք է ներկայացվի թղթային հաշիվը հարկայինում, որպեսզի հիմնավորում լինի շրջհարկով ծախս ճանաչելու համար։

Տիգրան․

Հարգելի հաշվապահներ, հարցս հետևյալն է. երկու կազմակերպություններ, որոնք գործում են ԱԱՀ-ի դաշտում, իրականացնում են բեռնափոխադրման ծառայություններ։

Կազմակերպություններից առաջինը ցանկանում է իր գործունեության ընթացքում շահագործել երկրորդ կազմակերպության տրանսպորտային միջոցները։ Հարցս հետևյալն է՝ ի՞նչ հիմունքներով կարող է այն իրականացնել, արդյո՞ք պետք է որևէ քաղիրավական պայմանագիր՝ վարձակալության և/կամ անհատույց օգտագործման պայմանագիր տրանսպորտային միջոցների, և երկրորդ հարցս՝ կարո՞ղ է կազմակերպությունների միջև կնքվի համատեղ գործունեության պայմանագիր և այն գրանցվի հարկայինում, որի դեպքում տրանսպորտային միջոցների շահագործման վերցնելու պարագայում հարկեր չեն գոյանա։

Նարեկ.

Բարև Ձեզ։ Կազմակերպությունը ոչ ռեզիդենտին բեռնափոխադրման համար վճարումներ է կատարել։ Բեռնափոխադրման համար ոչ ռեզիդենտի գրված ինվոյսում առանձնացված չէ ՀՀ սահմանի բեռնափոխադրումը։ Այս դեպքում պե՞տք է արդյոք ներկայացնել 209 համարի հաշվետվությունը (Հաշվարկ՝ ոչ ռեզիդենտին վճարված շահութահարկի գումարի մասին):

Նարեկ.

Հարգելի հաշվապահներ, հարցս հետևյալն է. կազմակերպությունը բացի հիմնական գործունեությունից, ուզում է զբաղվել նաև միջազգային բեռնափոխադրումների միջնորդային գործունեությամբ։ Բեռնափոխադրվող ապրանքները մի երկրից տեղափոխվելու են այլ երկիր, առանց ՀՀ սահման հատելու, երկաթուղային գծերով։ Խնդրում եմ ուղղորդել՝ անհրաժեշտ է ի՞նչ որ թույլտվություն կամ լիցենզիա նման գործունեությամբ զբաղվելու համար։ Նշեմ նաև, որ տեղափոխվող ապրանքների արժեքը ամբողջությամբ պատվիրատուի կողմը փոխանցելու է միջնորդ կազմակերպությանը, որն էլ իր հերթին փոխանցելու է մատակարար կազմակերպությանը։ Կխնդրեմ մանրամասն մեկնաբանել։

Lili.

Բարև ձեզ։ Բեռնափոխադրողը աշխատում է միկրո համակարգում, երբ հաշիվ է գրում, մեքենայի համարները ո՞ր դաշտում նշի, և պարտադիր ի՞նչ ուղեկցող փաստաթուղթ պիտի ունենա բացի հաշիվ ապրանքագիրը։

Անի.

Բարև Ձեզ, հարգելի հաշվապահներ։ Խնդրում եմ օգնեք հստակեցնել հարցը։ A Ֆիրման, որը հանդիսանուն է Ֆրանսիայի ռեզիդենտ կազմակերպություն, մեզ վաճառել է ապրանք և հենց ինքն էլ իրակացրել է բեռնափոխադրումը մինչև ՀՀ։ Ներմուծման ապրանքային հայտարագրում A-ն արտահանողն է, մենք ստացողը։ Առկա է Invoice, որտեղ առանձին տողով նաև նշված է A-ի կողմից կատարվելիք Shipping: Իմ կարծիքով ՀՀ ՀՕ 108-րդ հոդվածի 2-րդ մասի, 1-ին կետի ա և բ կոնտեքստում է գործարքը և ոչ ռեզիդենտի շ․հ․ չի առաջանա, բայց ավագ կոլեգաս պնդում է, որ պետք է անպայման առաջացնել։

Նարե.

Բարև, հարգելի հաշվապահներ։ ԱՁ-ն բացվել է հատուկ նրա համար, որ հաշվին ԱՄՆ-ից գումար նստի՝ լոգիստիկայով է զբաղվում: Միկրոյի տակ է, որ ամեն ամիս գումար նստի ու մենք էլ հաշիվ չգրենք, խնդիր է չէ՞։ Ի՞նչ եք կարծում՝ ճի՞շտ կլինի ես հաշիվ գրեմ իրա անունով՝ նոր իրենք փոխանցեն։

Նաիրա.

Բարև ձեզ, հարգելի հաշվապահներ։ Եթե բեռնափոխադրող ընկերությունը Հայաստանի նեսում փոխադրում է կատարում, բացի հաշվարկային փաստաթղթից է՞լ ինչ պետք է ունենա մոտը՝ ուղեկցող փաստաթուղթ կամ բեռնագիր։ Կօգնեք՝ ինֆորմացիա ստանամ։ Շնորհակալ եմ։

Անի.

Բարև Ձեզ, հարգելի հաշվապահներ։ Խնդրում եմ օգնել․ տեղական ֆիրման օդային բեռնափոխադրմամբ արտահանել է ապրանքներ ՌԴ, ընդ որում 4 տարբեր հաշիվ/ապրանքագրերի համար կազմվել է 1 ավիաբեռնագիր։ Խնդիրը նրանումն է, որ 2 ապրանքագիրը կազմված են ռուբլով, իսկ 2-ը՝ եվրոյով։ Ես չեմ հասկանում՝ այսպես հնարավո՞ր է իրականացնել արտահանում։ Եվ ԵՏՄ վիճերը ինչպե՞ս տամ, չէ՞ որ պետք է միայն մեկ արժույթ նշվի։ Թե՞ պետք է ամեն ապրանքագրի համար կազմեմ առանձին վիճ, բայց փաստաթղթերում նշեմ նույն ավիաբեռնագիրը։

Արթուր․

Կասե՞ք՝ մաքսային ձևակերպումները ցամաքային փոստային բեռնափոխադրման դեպքում։

Էլլա․

Բարև Ձեզ։ Միջնորդ կազմակերպությունը ԱԱՀ վճարող պատվիատուից (ՀՀ ռեզիդենտ) բեռը վերցնում է, տալիս է բեռնափոխադրող ընկերությանը (Բուլղարիա) ՀՀ-ից Իտալիա բետնափոխադրման համար: Հարց՝ 1. Ինչպե՞ս պետք է հարկվի միջնորդ ընկերությունը: 2. Բուլղարական ընկերության կողմից ստացված ծառայության հաշիվը ինչպե՞ս պետք է ցույց տալ: 3. Բեռնափոխադրման ապահավոգրության համար ԱԱՀ-ով հաշի՞վ պետք է գրի պատվիարտուին։

Սեդա Հախվերդյան.

Բարև Ձեզ: Խնդրում եմ ինձ ասեք` Բելառուսից պետք է ապրանք ներմուծվի, բեռնափոխադրումը կատարելու են իրենք: Հիմա ֆրախտի դիմաց ստացված եկամտից եկամտային հարկ վճարելու՞ ենք, թե՞ ոչ, այդ հոդվածը գործում է, թե՞ ոչ:

Արփինե.

Բարև Ձեզ: Խնդրում եմ օգնեք մի հարցում. ԱՁ ցանկանում է բեռնափոխադրումներ կատարել ֆիզիկական անձանց համար, ՀՀ-ից ՌԴ և հակառակը: Ի՞նչ քայլեր են հարկավոր դրա համար, միայն լիցենզիա ստանա՞լ, կարո՞ղ է աշխատել միկրոհամակարգում և այդ դեպքում հաշիվ ինչպե՞ս է դուրսգրում։

Լիլիթ.

Բեռնափոխադրման միջնորդը կարո՞ղ է աշխատել միկրոյի դաշտում:

Անի․

Հարգելի հաշվապահներ, խնդրում եմ օգնել, ոչ մի կերպ չեմ կարողանում ծախս ձեռք բերել, բեռնափոխադրմամբ եմ զբաղվում, եթե ձեռք չբերեմ՝ մեծ հարկեր եմ մուծելու, հնարավո՞ր է՝ ֆիզ անձով հաշիվներ դուրս գրվի, ու դա համարվի ինձ համար ծախս, խնդրում եմ հուշեք մի բան, ի՞նչ կարելի է անել, կանխավ շնորհակալ եմ:

Անի.

Հարգելի հաշվապահներ ջան, եթե ԱԱՀ աշխատող ենք, բեռնափոխադրությամբ ենք զբաղվում: Ասվում է, որ հարկային հաշիվ կարող ենք չգրել: Արդյո՞ք դա վերաբերվում է նաև հաշիվ վավերագիր (ծառայությունների մատուցման, աշխատանքներ կատարման), հաշիվներ դուրս գրմանը նույնպես:

Անահիտ.

Բարև Ձեզ: Ես ընդհանուր բեռնափոխադրող կազմակերպությունից օգտվել եմ, Մոսկվայից բեռ եմ բերել: Ես ԵՏՄ հայտարարագիր եմ տալու՞ մինչև ամսի 20: Գիտեմ, բայց չգիտեմ տեղափոխվող բեռների կոդերը: Ինձ կհուշե՞ք` մանկական հագուստ, կանացի կուրտկա և կանացի բլուզկաներ: Խնդրում եմ` օգնեք:

Անի.

Բարև Ձեզ, սիրելի հաշվապահներ: Հարցս հետևյալն է. ԱՁ ԱԱՀ-ով է աշխատում և բեռնափոխադրմամբ է զբաղվում ՀՀ-ՌԴ: Ուզում եմ իմանալ` ԱԱՀ ի՞նչ զրոյական արտոնություններից կարող է օգտվել: Կանխավ շնորհակալ եմ:

Նարինե.

Ինչպե՞ս լրացնել ապրանքա-տրանսպորտային բեռնագիրը:

Տաթև.

Ա/Ձ-ն ցանկանում է զբաղվել բեռնափոխադրումներով: Պետ. ռեգիստրում գրանցվելուց հետո հաջորդ քայլերը կասե՞ք, և ի՞նչ հաշվետվություններ է հանձնում տարվա ընթացքում:

Սոնա.

Կազմակերպությունը զբաղվում է բեռնափոխադրման միջնորդությամբ: Բեռնափոխադրումը կատարվում է Հայաստանի տարածքից դուրս: Միջնորդի հաշիվ ինչպե՞ս դուրս գրել, որ ճիշտ լինի: Շրջհարկի դաշտում ենք:

Արթուր.

Բեռնափոխադրող կազմակերպության միջոցով ապրանք տեղափոխելիս ապրանքը վնասվել է։ Հնարավո՞ր է արդյոք ապրանքը խոտանել և ծախս ճանաչել, թե՞ պետք է բեռնափոխադրող կազմակերպությունը փոխհատուցի:

Արթուր․

Հարգելի գործընկերներ, բեռնափոխադրումներ իրականացնող կազմակերպությունը լիզինգով բեռնատար է ձեռք բերել, որի համար ստանում է ամսական հաշիվներ՝ ԱԱՀ-ով։ Հայտնի է, որ միջազգային բեռնափոխադրումները հարկվում են ԱԱՀ զրոյական դրույքաչափով։ Ճի՞շտ եմ հասկանում, որ լիզինգի հաշիվներում արտացոլված ԱԱՀ-ն ենթակա է դեբետագրման, և ի՞նչ նրբություններ կարող են առաջանալ այս դեպքում։ Շնորհակալություն։

Արտահանման դեպքում բեռնափոխադրող անհատ ձեռնարկատիրոջ համար ի՞նչ փաստաթղթեր են անհրաժեշտ, եթե բեռնափոխադրող ԱՁ-ն արտահանում է այլ ընկերության ապրանքները: